حزب الإخوان ومستقبل المزاج!
والسؤال كيف سيرد الأخوان عمليا على هذه التخوفات الهضيبية هل سيظل المرشد للحزب وللجماعة معا؟ وهل ستدلي برأيها في القضايا السياسية؟
عبد الله الطحاوي - ولاد البلد:
بعد إعلان السيد مهدي عاكف عن شروع الإخوان في التحضير لحزب سياسي ردا على تصعيد الدولة .. يمكن القول انه قد تغير أسلوب العرض على مسرح السياسة بين الإخوان والحكومة ..لم يعد عند الدولة تحوطات عند العسف وليس عند الإخوان محظورات في الحركة ..ليه أخاف طالما أنا معتقل معتقل مضروب مضروب
وهذا خطر على الطرفين فليس من اللائق أن ترفع الدولة من مستوى التوتر السياسي لهذه الدرجة مع القوى السياسية، وليس من الفضيلة أن تنتج الجماعة حزبا منتظرا بنار الإغاظة ورد الفعل حتى لا يسوق أن الجماعة تناور من اجل رفع الضغط وتوفير أوراق مساومة قوية مع الدولة.
جماعة لكل شيء
ولا ننسى ان هناك أسبابا أخرى ضاغطة أسهمت في ضرورة الإسراع بالإعلان فالغوص السياسي انضج التجارب وظهرت العورات و صارت توزن الشعارات على محك الانجاز.. نظر المصريون مع 88 نائبا اخوانيا في البرلمان محول الآن إلى ميزان المدفوعات لا للخلافة والغمامة والخراج!
لم يعد مقبولا ان تقوم جماعة بكل الأدوار.. التحدي الأكبر واضح .. التخصص أو التحول النوعي إلى جماعات متخصصة تقود النهضة .. وسبب تغير طبيعة التفكير هو نوعية القيادة داخل الإخوان التي تتحرك نحو قيادة جيل الوسط الأكثر سياسية والأقل خطابية ..وضغوط النخب المثقفة التي تلح من اجل أن تطمئن على مستقبلها ..الذي يتجه نحو الروضة.
السبب الثاني وهي الحملة الأمنية والدور الإعلامي الذي تقوده بضراوة شديدة قيادات صحفية تبحث عن رضا الملأ الأعلى الرئاسي وهي حملة تداخل فيها الحق بالباطل بالوشاية بالتحريض صحبها عصا أمنية تعلن ان الدولة مازال لديها أنكالا وسجونا وان اللياقة القمعية مازالت حيوية.
قصة حزب الأمل
كان الأستاذ مأمون الهضيبي رحمه الله المرشد السابق للإخوان هو صاحب فكرة إدخال الحزب إلى الجماعة وتوافق بذلك مع الأستاذ التلمساني مرشد الانفراجة، ويمكن القول أن الاستاذ مأمون ظلم كثيرا من تلامذته ومعاصريه، فهو راعي التجديد داخل الإخوان ..بداية من وثيقة دعاة لاقضاة التي حررها بنفسه في السجن، إلى الصفقات السياسية مع الأحزاب العمل والوفد إلى رسالة 94 التي تخص المرأة والشورى والأقباط فضلا عن برنامجه الانتخابي الخاص به.
وبناء على جهوده بدأت تخرج مشاريع حزب الإصلاح الذي أعده الأستاذ مأمون، ثم حزب الأمل العمالي الذي قاده وأعد برنامجه مجموعة من الإخوان تحت إشراف المهندس محمد السمان ..ووأد المشروع لأن الخطوة الحزبية تحت الحصار، وبقي مؤشر مهم كيف ينفرد بعض الإخوان بخطوة بعيدا عن القيادة.. وعوقب السمان بشهر فصل من الجماعة.
ضجيج الوسط
كان الرأي السائد عند مجموعة الناشطين النقابيين أن القيادة متحرجة من هذه الخطوة، وتم استغلال موافقة مبدئية على إنشاء حزب وكل لقسم المهنيين بصياغته الذي يرأسه الأستاذ عاكف في ذلك الوقت..
واقترح لذلك مجموعة باحثين منهم الدكتور إبراهيم البيومي غانم الباحث السياسي والدكتور صلاح عبد الكريم والدكتور محمد عبد اللطيف وغيرهم، وتم ضم المهندس أبو العلا ماضي، وقرر المهنيون أن يستمروا في الأمر للنهاية، لاسيما أنهم أخذوا موافقة صريحة من القيادات المعتقلة، وفي نفس الوقت ضرورة تفادي تجربة السمان التي أجهضت في المهد.
قرر إخوان النقابات أن يستمروا في التجربة ويرفعوا الحرج عن القيادات الاخوانية، وإذا عرفت القيادة بالأمر يمكن ساعتها الجدل حول دلالة القرار الصادر من مكتب الإرشاد: هل هو إعلان للصياغة أم أمر للتحرك، لاسيما أن الأستاذ عاكف كان مسافرا وبدا التحرك الهادئ من أجل تجميع التوقيعات على الانضمام للحزب وعمل التوكيلات باسم المهندس أبو العلا ماضي ..الذي تقدم لمجلس الشورى لاحقا بالأوراق وأسقط في يد الجميع الأمن والإخوان ..قيادات الإخوان واجهوا أول تحرك منفرد من أحد أقسامها والأمن فوجيء بحركة حزبية سرية ..والوسط في مرمى النيران من الطرفين، تم توبيخ أستاذ عاكف من قبل القيادة لأنه أساء استغلال الموافقة وطلبوا منه ومن أبنائه التراجع الذي رفض بشدة وحدث الشد والجذب ولم تمهل الضربة الأمنية الجميع ..وحتى الآن هناك خلاف شديد على ميراث التجربة وحقوق الملكية الفكرية للبرنامج امتد للمحاكم.
الإخوان عاكفون
الإخوان عاكفون حاليا على صياغة البرنامج الجديد ومراجعة ما سبق رمن أدبيات حزبية سابقة ونتوقع عدة تحديات منها:
أولها :سقف الاجتهاد ..هل سيقدم الإخوان اقل مما تقدمه الدولة المدنية لمواطنيها؟؟
الإجابة محفوفة بالمخاطر فحتى الان وثيقة المواطنة المعلن عنها منذ أكثر من سنة لم تخرج للنور ..العكس ما يحدث الآن هناك بعض الأوراق التي قدمها بعض القيادات الاخوانية ترفض قبول رئاسة غير المسلم للدولة المصرية ،باعتبار أن لهذا المنصب أدوارا دينية وهو قول خطير ويشي بارتباك في الرؤية الشرعية والقانونية خصوصا من اعد الورقة غير متخصص في العلوم الشرعية ،ويخالف الاجتهادات التي قدمها مفكرين وفقهاء أمثال الدكتور العوا والمستشار البشري وعلامة لبنان الشيخ شمس الدين والمفكر الفقيه حسن الترابي بل والشيخ راشد الغنوشي ،والعديد من علماء الأزهر ،وأخشى أن تحرر الوثيقة الحزبية وفق أفكار القوى المحافظة البعيدة التحركات الاجتهادية الذين يطورون في المشروع الحضاري أكثر من الإخوان الذين يصرون على اعتماد الأفكار البسيطة والمباشرة.
ثانيا: إذا تمت صياغة البرنامج الحزبي تبعا للقوى المحافظة فعلى الإخوان أن يتحملوا ردود الأفعال السلبية، لاسيما أن هذا الاتجاه المحافظ يحاول الاحتفاظ بالمفردات التراثية التي يساء فهمها: مثل الحسبة والربانية وهو ما حفلت به مبادرة الإخوان الأخيرة متناسين ان العلة بالمعنى لا بالمبنى كما بقول الأصوليون. والعلة أن يفهم الناس لا أن يبلبلوا وان يبين لهم باللسان الذي يفهموه
مستقبل المزاج
ثالثا :ثمة قلق من الكثير أن تؤثر حركة الأسلمة على مزاج الحياة المستقر منذ مائة عام في الملبس والفنون والسينما والمسرح والسياحة والأدب والعادات الاجتماعية وحدود المدني والديني بمعنى ..هل قرر الإخوان تغير نمط معيشة المصريين
رابعا: كما هو واضح من الإعلان فان الإخوان يزمعون أن يعتمدوا نهج الأردن واليمن ..حزب وجماعة وهو ما كان يرفضه الأستاذ مأمون كما صرح في حوار معي قبل وفاته محذرا ان ذلك سيخلق ازدواجية في القيادة موضحا أن نموذج الأردن كان مخفقا في إدارة هذه الازدواجية وكان رأيه إن تتحول الجماعة إلى حزب ونخلص!
والسؤال كيف سيرد الأخوان عمليا على هذه التخوفات الهضيبية هل سيظل المرشد للحزب وللجماعة معا؟ وهل ستدلي برأيها في القضايا السياسية؟ وموفقهم من حزب الوسط وهل ستحكمه الحساسيات القديمة؟
خامسا: موقف الحزب من القوى الدولية والإقليمية والى اتجاه سيكون انحيازهم لتعريف الأمن القومي؟ ومستقبل ما يسمى بالعملية السلمية واتفاقية كامب دبفبد والتزاماتها؟ ومستقبل التنظيم الدولي.
عدد التعليقات : 28
• ماذا دار في اجتماع د.نظيف
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
زى بدايه اى تعليق
المقال حلو حلو
زى نهايه اى تعليق
دا مجرد كلام وفى الشارع تختلف الحسابات
ما بينهما
اسوا ما فى تغير العرض السياسى - دا لو فى تغير فى الاساس - هو جمود الجمهور لا هو يبكى ولا هو يضحك - ولا كانه هنا فى الاساس
فكره جماعه بتلعب كل الادوار وبتعمل كل شئ من الممكن قبوله اذا اعتبرنا ان معظم الناس مش عايزه تتحرك انت بتلعب وبتجرى هنا وهناك لقيت حد يلعب معاك - يكون بيفهم - اهلا وسهلا ملقيتش حتعمل ايه ؟ حتكمل لعب لوحدك لحد متحس انك تعبت وانك مش قادر تكمل
فكره حزب الاصلاح وحزب الامل ثم اخيرا ضجيج الوسط هى استكمال لدور سياسى لحركه الاخوان كلها تجارب للاخوان المسلمين لا يجوز فصلها تبعا للافراد الذين قاموا بها او الاوقات التى نشائت فيها فهى ترتبط فى البدايه والنهايه باطار الجماعه واهدافها ببساطه كلها تجارب اخوانيه
ما يعكف عليه الاخوان حاليا هو استكمال لتجارب سابقه بما فيها تجربه الاحزاب التى لم يكتب لها الاكتمال بل وقد تصل الى الرجوع الى الدستور الذى وضعه الاخوان عام 52 - لم ننساه لانه ملئ بالرؤى التجديدية
المزاج حاليا يجب ان يتوقف على القواعد التى يريد ان يمارس الاخوان عليه اللعبه السياسيه مستقبلا واظن ان على الاخوان ان يتحركوا بين الراديكاليه والبرجماتيه السياسيه بشكل او باخر بمعنى اى يروا اى من قواعد اللعبه تناسبهم الان ويستطيعوا ان يغيروها مستقبلا فيما يريدون ان يغيروا فى المجتمع تبعا لاهدافهم ومعتقداتهم
مثل شكل الحركات السياسيه والنقابات المهنيه مثلا فقد يستخدموها بشكلها الحالى رغم وجود رغبه فى تغيرها مستقبلا والادوار الى تلعبها - برجماتيه
رفض ما لا يمكن الممارسه من خلاله مثل لجنه الاحزاب مثلا او شكل الاستفتائات الانتخابيه ومقاط
اقرأ بقية التعليق ..
قد اختلف معك فى بعض ما طرحته وخصوصا سخريتك التى باتت واضحه من العنوان ولكن اجد نفسى مجبرا على الاعتراف بأن الموضوع تم تناوله بعمق كبير جدا ....
ولن اكون مبالغا اذا قلت انك من وسط الكثير من صحفيوا ولاد البلد الذين أقرا موضوعاتهم من اسماءهم وليس من عناوين موضوعاتهم .. ربنا يوفقك يا وحش
لا الزمان ولا المكان يسمحوا بالنشاط السياسي لجماعة الاخوان المسلمين يرجى التنبيه على اعضاء مجلس الشعب من الاخوان بالاستقالة فورا من مجلس الشعب وايقاف اي نشاط سياسي لجماعة الاخوان المسلمين والانخراط في صفوف الشعب وان يكون الاخوان المسلمين جماعة وعظية تعظ فقط وتحظ على الفضيلة والاخلاق الحسنه.
كفاية سجون
كفاية معتقلات
كفاية امن الدولة
ارحمنا بأه يا اخي
50 سنه في عذاب 50 سنه في رعب
لو كان ربنا رايد لهذه الجماعة النصر ما كنش قتل حسن البنا
واوجه نداء الى السيد حسني مبارك انت لك مطلق الحرية في تعيين من يخلفك تماما مثل الخلفاء الامويين والعباسيين
ارحمونا يا عالم كفاية سجون كفاية معتقلات كفاية سياسة الناس جاعت
أعتقد أن الحكومة لن تسمح لقيام حزب للإخوان وذلك لإنه هايسمح لهم بتقديم مرشح لرئاسة الجمهورية ... وده اللي الحكومة شربت المر ياعين مع ترزية القوانين عشان تحط الحواجر أمام الموقف ده
الأخ اللي بيقول كفاية سياسة ... أمال ان شاء الله يفضل الشعب يتاخد على قفاه لحد إمتى!!
مزاج الحياة المستقر منذ مائة عام في الملبس والفنون والسينما والمسرح والسياحة والأدب والعادات الاجتماعي ....... يعنى تفتكر يااخ عبدالله ان الاخوان لو طالبوا باغلاق كبريهات شارع الهرم وحلات الدعرة اللى منتشرة فى مصر انتشار النار فى الهشيم ,,, دى انت تسميها حركة اسلمة . والله مش عيب ان الاسلمة تمنع عنا وباء الخليجيين ومن والاهم هتقولى دى سياحة اقولك اسف دى دعارة , ومين قلك ان ده هو مزاج المصرى وعاداته . بيتهيالى يا انا فهمتك غلط ياانت كل كلامك فى النقطة دى غلط
ارجواالايضاح ؟؟؟
لازم نعرف ان كل شيء بيتطور مادام احنا بشر هتحصل الحكايه دي من غير ارادنا.. لان ده تطور طبيعي..واللي انت فاكره مستحيل ومنافي اليوم بكره هتلاقيه ضروري ومنطقي جدا..المهم دايما تكون (الدراسه هي الحل) لازم ندرس كويس اوي كل خطوه ...وطبعا اتلدراسه محتاجه مزيد من الديمقراطيه ومزيد من الانفتاح ومزيد من الشفافيه..وانا شايف ان قيام حزب تطور طبيعي..لاني انال ممكن اقول انهارده انا استحاله اشتري عربيه مثلا لسبب او لاخر بكره هتلاقيني شاري واحده علي الزيرو مش علشان معنديش مصداقيه ولكن علشان الظروف بتتغيرومتطلبات اليوم غير امبارح..المشكله دايما في حاجه واحده نصيحه اقدمها لكل من الاخوان والحزب الوطني ايضا ..تريثوا قليلا في الدراسه العلميه للموضوع وسيبوكوا من (المعلمه المصريه)بفتح الميم وتسكين العين وفتح الام واطلاق العنان للديمقراطيه( فوق البيعه)
آن لأبي حنيفة أن يمد رجله .. هكذا قال الإمام أبو حنيفة في نهاية درسه الذي اعتاد أن يلقيه على تلاميذه ومريديه .. فقد كان الرجل يجلس جلسة غير مريحة احتراما لرجل أشيب يكبره سناً كان من بين الجالسين .. فتوقيراً للرجل كان أبو حنيفة يضم ساقيه توقيرا لهذا العجوز ، لكن عند نهاية الدرس تقريباً تكلم الرجل العجوز بكلام غريب وعجيب لم يكن أحد يتوقع أن يصدر من رجل في سنه فقال أبو حنيفة كلمته الشهيرة تلك..
فهل آن لفضيلة الأستاذ مهدي عاكف أن يمد رجله بعد الذي سمعناه من ذلك الواطي المتغطرس من قلة أدب وذوق وسياسة حتى ؟ وبعد كل ما عاناه الإخوان وتحملوه في سبيل دعوتهم وفكرهم ؟ أعتقد أن من حق الإخوان المسلمين ان يكون لهم حزب سياسي تحت أي مسمى .. ديني .. مدني .. ما يرونه هم مناسبا لهم ويتوافق مع مبادئهم وللجماهير الحق في الانضوزاء تحته أو رفضه .. أليست هذه هي الديموقراطية ؟
في كيان لم ولن يصل إلى أن نسميه دولة رغم أنف من زعم ذلك قام حزب كاديما في ربع ساعة .. وعندنا في مصر صاحبة العشرة آلاف سنة حضارة والحياة البرلمانية بها عمرها مديد وضارب في أعماق التاريخ لأكثر من مائة وأربعين عاما .. لا يسمح بقيام الأحزاب إلا بموافقة الحزن الوطني ؟؟؟؟؟!!!!!!!!
من ناحيتي أتمنى لحزب أبو حنيفة كل توفيق وازدهار وولادة أولاً .. ولو أعجتني أطروحاتهم فيه سأدافع عنه ، وإن لم تعجبني فلن أهاجمه حتى نتخلص جميعا من الطاغية الواطي مبارك وعصاباته ثم بعدها يكون لكل حادث حديث ..
إبن بهيه
http://ibnbahya.blogspot.com
عبدالله الطحاوي ..
كاتب رشيق..أقصد رشيق العبارة والكلمة..يأثر أي قارئ بتعبيراته القوية الموجزة دون تعقيد أو اسفاف !!
تحليل رائع..
وبالنسبة للحزب الذي تدور حوله المناقشات ..ومن حكم مشاركتي في جزئية متعلقة بوضع هذا التصور اتحدث هنا...فخطوة الحزب لدى الاخوان ليست عند أو نوع من انواع المواجهة مع النظام..فهي خيار الجماعة دون مواربة أو موالسة ..وواقع الحال..فالنظام يبادر دائماً بالمواجهة والعناد..وتجهيزات الحزب لمن لا يعلم تدور حولها مناقشات عند الاخوان منذ فترة ليست بالقليلة ..ولكن مرارة تجربة حزب الوسط..وما تم فيها من جفاء بين من كانو اصحاب فكرة واحدة ..بعد تراشق واتهامات من قبل المهندس أبو العلا ..وكأنه كان يتقرب إلى الله بمهاجمة الاخوان ..كل هذا كان في افق التجربة ..فكان تأجيل الاعلان..إنما المناقشات والتلميحات في وسائل الاعلام والاعلان الدائم عن ما يدور في ذهن الاخوان من افكار حيال ما يقلق الشرفاء من ابناء الوطن حول الاخوان ورؤيتهم لبعض القضايا ..فقد تم الاعلان عن الخطوط العامة لأفكار الحزب الذي حوله تدور مناقشات داخل بعض الدوائر الفكرية في الجماعة من فترة ليست بالقليلة ..ومن قبل اي مواجهة مع النظام..مع الوضع في الاعتبار أن النظام في حالة تأهب دائم ضد الاخوان..ولو تم طرح فكرة الاخوان في أي وقت سابق أو لاحق لقيل أن الاخوان يصعدون ويعاندون مع النظام..لأن النظام في مواجهة مستمرة مع الاخوان...وأي خطوة تقوم بيها جماعة أو تيار سياسي تحكمها معادلات معقدة متعلقة بطبيعة الوضع وردود الافعال..والاخوان اختارو هذا التوقيت وفقاً لرؤيتهم !!
المهم..القضايا التي طرحتها في تحليلك ..أغلبها تم حسمه من قبل الاخوان ..وغيرها من القضايا ..واعتقد أن ما طرحته من إشكاليات من القضايا التي للإخوان في
اقرأ بقية التعليق ..
يعنى انتم حذفتوا تعليقى لم اتهجمت فيه على الداعر المقدس رئسي هيئة الدعارةالصحفية
كرم افندى حبر ,,,
فمن الطبيعى ايضا ان تحذفوا الشتائم الموجودةكعنوان للتعليق اللى قبلي .
مش كده ولاايه ؟؟؟؟؟؟؟؟؟؟؟
الحزب هيكون اسمة الاخوان الجمهوريين
شعارة نحن جمهوريين ومفيش توريث لا فى المناصب ولا فى القبادات يعنى اللى ابوة سباك مايطلعش سباك
الناس اخوة ومواطنين لا فضل لعربى على اعجمى الا بالتقوى
هانكلها بعيش ودقة بس بكرامتنا
هنبنى مصانع ومزارع ونشغل العيال ونجوز البنات
الاكل بالمجان للشعب كلة
عايزين حاجة تانى
حد دافع حاجة من جيب ابوة
لا
يبقى خلاص
على فكرة لم أكن راغبا فى التعليق على الموضوع لانى شايف انه فيه فزلكة زيادة عن اللزوم ثم انى مش فاضى،ولا مؤاخذة يا عبد الله انا شايف ان عندك كلام افيد من كده كان ممكن تقوبه ،وكمان العنوان الصراحة سخيف ،مزاج ايه يا عمنااللى مرتبط بحزب الاخوان ؟المهم اللى استفزنى التعليق اللى قبلى على طول بعنوان حزب الاخوان الجمهوريين ،فعلا فتح نفسى للتعليق ،اصل الصراحة الوضع اللى احنا فيه لازم يسد نفس معظم أبناء شعبنا البطل الصابر اللى مستحمل المعاناة من سنين كتيرة قوى ،التعليق جميل وعجبنى قوى ،وهو ليه الخوف من حزب الاخوان ؟ما تسيبوهم يعملوا حزب واكشفوهم أمام الناس إنهم ما بيعرفوش يلعبوا سياسة ....
ولكن بالتاكيد الكل عارف ان الخوف من حزب للاخوان سببه اخلاصهم للبلد وحبهم الشديد ليها ،وبعدين والله الساحة السياسية هيكون فيها فرق واضح لو سمحوا للاخوان انهم يعملوا حزب ،مع شكى الكبير فى ان الحكومة عاوزة تعمل حياة سياسية اصلا ،مش كفاية الفساد والمحسوبية والسوس اللى عمال ينخر فى البلد ؟مش كفاية اكياس الدم البايظة والتوربينى وسفاح المعادى واعتقال الشرفاء ورجال الاعمال المحترمين؟مش كفاية الطوابير اللى رجعت على كل حاجة والزبالة اللى اتحملت على فاتورة الكهربا بالعافية ؟مش كفاية التعذيب اليومى فى مقار الاحتجاز ؟مش كفاية التحرشات الجنسية بالبنات ؟وكفاية والنبى على كدة المسالة مش ناقصة إحباط
وبناء على جهوده بدأت تخرج مشاريع حزب الإصلاح الذي أعده الأستاذ مأمون،
ان الحوار لازم فى شأن مهم كهذا لأنه بداية انفتاح فى البلد لأن فصيل هام وعريض فى المجتمع ( بغض النظر عن أى وجهة نظر فيه )قد نزل الى الشارع السياسي كحزب له برنامج يقبله أو يرفضه من شاء.ان ذلك سيقوي الحياة السياسية برغم تشاؤم الكثيرين من الموافقة على الحزب.لأن ذلك سيعطى دفعة دم جديدة للحياة السياسيةالمصرية وتنشيط العاملين بالسياسة المخالفين للأخوان أو المتفقين الجميع سيحاول ارضاء الشعب المطحون وهوالمطلوب سواء من الأخوان أو غيرهم لكن وجود الأخوان سيجعل النقد والتنافس على مصلحة الشعب وتحقيقها هى الغاية التى سيلهث وراءها الجميع. ولاشك أن الأخوان منظمين جدا وظهر ذلك فى الإنتخابات والبرلمان وغيرها بل استفاد من ذلك الحزب الوطني وقلدهم حتى فى الإنتخابات والتقرب للفقراء وان كان لايقارن.يعنى وجود الأخوان سيغير طبيعة المنافسة وطبعا تحت أسس قانونية تحكم البلد.وعن نفسي حلا للمعضلة والخوف من الأخوان الغير مبرر لأن حزبهم لن يغير البلد بهذه السهولة المفترضة لأن أعظم عهود الإسلام كان فيها من يشرب الخمر ويزني و و و و كما هو معروف من الأحاديث النبوية الشريفة كشارب الخمر الذى قال عنه الصحابة رضي الله عنهم "ما أكثر ما يؤتى به " وكان يلعنه الصحابة الموجودون فنهاهم النبي صلى الله عليه وسلم وقال لهم " لاتلعنوه فإنه يحب الله ورسوله ". وأقول مع أن ذلك سوف ينتقد من الجميع لنكن مثل انجلترا من جهة معينة وهى الرياسة ولتبق مدى حياة الرئيس ورئيس الوزراء والحكومة ومجلس الشعب هم من يحكم البلد والرئيس يبقى ويدير البلد من خلال قرارات وتشريعات مجلس الشعب والحكومة المنتخبين من الشعب بغير تزوير ونرى من يصـلح يستمر ومن لايصـلح يغيره الشعب.ونهتم بسرعة بمصـلحة البلد وتطويره.أما بالنسبة لابن الرئيس فهى فرصة له خلال حيا
اقرأ بقية التعليق ..
عندي سؤال
لما إخوانا يعملوا حزب هيفضلوا ينشدوا الأناشيد اللي زي دي
يا معشر الإخوان هبوا لا تترددوا
عن حوضكم حيث الرسول محمد
أو الأناشيد دي
وهل عرف الدهر فينا جبانا
إذا هتف الحق يخشى الردى
ومن غيرنا يستجيب الندا
ويبعث في الخافقين الصدا
أو دي
بالمال والأرواح نفدي الإسلام
في الماضي أو في الحاضر نحن الفرسان
أو يهتفوا الهتاف ده
احنا الإخوان الله أكبر
أقسمنا يمينا لا نقهر
الخلاصة اللي مش فاهمها هتعملوا حزب يكون هدفوا إعادة الخلافة الإسلامية وللا اتنازلتوا عن الهدف ده؟
وازاي هيكون مدني؟
مدني ازاي وانتوا عايزين دولة إسلامية؟
وبعدين عمالين تقولوا وطنية ومدنية وديمقراطية ده أي طفل بيفك الخط يقرا رسائل حسن البنا هيلاقي إن الأجندة بتاعتكوا فلسفتها مش وطنية إنما أهداف إسلامية كلاخلافة والدعوة ومش عارف إيه كده
بصراحة في تناقض كبير أوي في كلامكوا مخليه كلام عبثي ميخشش غير دماغ الناس الغلابة اللي مش عارفين حاجة ف الدنيا
مش نافعة الحدوتة بصراحة متخشش على عيل بشخة يعني متحاولوش تغيروا جلدكوا
شوفولكوا خدعة غيرها
ربنا يرحمنا بقى
واضح إن معاذ عامر مراهق..يعني بالبلدي عيل صغير..وواضح كمان إنه غير مدرك لطبيعة الاخوان وأفكارهم وما يقولونه من تصورات أيدها مفكري البلد زي الدكتور حسن نافعة والدكتور محمد سيد سعيد وغيرهم كتير من المنصفين المحايدين...
وواضح كمان إن ليه تجربة سيئة مع أحد الاخوان وعلى ما اعتقد إنه ابوه "ده لو مكنش بيدعي" ..وأظن إن تعليقاته طفولية وغير ناضجة..
يا عم معاذ ..الاخوان المسلمين ..كتيار وفصيل سياسي مصري..غير إلي إنت شوفته في بيتكم..وفي حاجة الاخوان مقتنعين بيها ومن اساسيات فكرهم ..وهي إن في إخوان كتير في الجماعة ولكنهم مش منها وكمان في ناس كتير من الأخوان ولكنهم مش فيهم..
اعتقد إن عقليتك مش هتفهم الكلام ده...المهم الوالد أو أي حد إنت قابلته مش مقياس على اداء الجماعة الواقعي ..أو سبب في الغمز واللمز في الاخوان..إلي في رأيي مش أسلوب الرجالة في المناقشة..ودور الاخوان في المجتمع وخدماتهم للناس مخرجتش من تحت إيد تيارات سياسية تانية وجعت دماغ الناس بكلام عن حقوق الفقراء والطبقات الكادحة..الكلام ده..لا أكل جائع ولا أكسى عريان ولا حافظ على شرف البنات من الضياع تحت نيران الفقر وذل الحاجة...ولكن ما يمارسه الاخوان من دور خدمي للمجتمع ظاهر للجميع..فلامؤخزة ميجيش واحد أبوه ضغط عليه في تربيته علشان يطلعه بني آدم..ويمسح دور الاخوان بأستيكة رديئة..علشان شخصية ابوه "إلي هنفترض إنه مثلاً زعيم عصابة ولا تاجر مخدرات"..الاخوان ملهمش دعوة بأبوك..قيم الاخوان بعيد عن الوالد يا معاذ..ده فكر ناس ناضجة..مش شغل العيال إلي عمال تتكلملي عن أناشيد وكلام فاضي ...الاخوان حسموه من قبل ما تتولد.. !!
المهم..بعد ما كتبت التعليق ..قررت إني ألغيه..وكنت مستخسره فيك...بس نشرته ..لعلك تفهم..ومتوقعش !!
ما شاء الله على أدب الحوار والاختلاف في الرأي ما شاء الله
بص أنا مش هرد على كلامك لإن فيه إساءات شخصية لا تليق بأي حوار أو نقاش محترم ولكن أنا قلت رأيي في هيئة تساؤلات صغيرة الغرض منها واضح وهو السؤال هل هذه مثلا أفكار تناسب حزب مدني وفكر ديمقراطي حداثوي
وذكرت أمثلة وسايب الحكم للي يقرا ومش هارد عليك بأسلوبك لأن والدي اللي مش عاجبك اللي هو تاجر مخدرات زي مانت قلت علمني:
ادفع التي هي أحسن
وشكرا جدا وجزاك الله خيرا على ذوقك وأخلاقك الرفيعة واحترامك وتقديسك للرأي الآخر والفكر المخالف مشاء الله عليك وعلى حواليك بجد ربنا يبارك في أخلاقك العالية
نقطة أخيرة
أنا أشك أنك في الأصل من الإخوان لأن الإخوان (برغم نقدي لهم كما ذكرت واختلافي معهم إلا أني أعرفهم جيدا على المستوى الشخصي وعاشرتهم طويلا ومازلت لي علاقة بكثير منهم أصدقائي وأحترمهم لأنني من الذين يحترمون الاختلاف في الرأي ويفصلون بين المستويين الفكري والشخصي) أقول لأن الإخوان برغم اختلافي معهم إلا أنني أشهد لهم شهادة حق بالخلق الرفيع والأسلوب الهادئ برغم أنهم قد لا يحترمون الرأي الآخر ويؤمنون بامتلاك الحق المطلق والرأي الأصح إلا أن هذا الأسلوب التجريحي ليس من شيمهم
أما إذا كنت منهم فهذا أمر آخر
ولك تحياتي واحترامي كإنسان برغم كل شئ
والسلام
أولاً ..أنا مغلطش في ابوك بأي صورة من الصور..لأني قلت لو نفترض "مثلاً" إن ابوك زعيم عصابة ولا تاجر مخدرات..فده مش مقياس لتقيم الاخوان...لأن تقيم التيارات والمؤسسات الكبيرة ليه مقاييس تانية ..غير مقياس "شغل العيال" إلي سيادتك بتقيم بيه الاخوان..زي الاناشيد والمواطنة وغيرها من القضايا إلي الاخوان حسموها من قبل ما انت تتولد..يعني الاخوان مقالوش إن هدفهم من الحزب الخلافة ..وده الكلام إلي معاليك اتهمتهم بيه..وبرامج الاحزاب إلي تقدم بيها الاخوان خلال العشريين سنة إلي فاتو ..مفهاش سيرة الخلافة ولا حتى سيرة الدولة الاسلامية..هما قالو دولة مدنية..يتساوى فيها كل المصرين أمام القانون والدستور مسحيين ومسلمين..
وبالنسبة لموضوع الاناشيد والمسيقى والكلام ده..الاخوان اتكلمو فيه واتنبح صوتهم..المشكلة عندك انت..مش عايز تصدق...وإنت حر ..وعليه متقعدش تبخ قلة فهمك على مخاليق ربنا ..عايز متصدقش ..متصدقش..إنما الاخوان هيعملو إيه أكتر من كده...إنت إلي تفكيرك ضيق..
زائد كمان ليه الحجر على آراء الناس واحلامهم يعني الاخوان عايزين يعملو خلافة..طيب ما الناصريين عايزين يعملو وحدة قومي "مش خط الميكروباص إلي في امبابة"...والاشتراكيين ليهم طموحهم وبرنامجهم الشمولي برضك...أمريكا ليها احلامها التوسعية ..أي اتجاه أو دولة ليها طموحها واحلامها ...
انتمائي للإخوان من عدمه ..أظن إنه موضوع مش حيوي هنا..وعلى العموم ..أنا كنت منتمي للإخوان في فترة من الفترات ..وحالياً ..مش فاضي !!!!
في حاجة كمان مهمة..وهي اسلوبك اختلف عن التعليق الاول..يعني في تعليقك الاولاني كان يغلب عليه طابع السخرية وقلة الأدب..يعني استخدام لفظ أبو شخة ..ده دليل على إنك لسة عيل صغير و "بشخة" !!
إنما في التعليق التاني فأسلوب مختلف تماماً..بتستخ
اقرأ بقية التعليق ..
انتمائي للإخوان من عدمه ..أظن إنه موضوع مش حيوي هنا..وعلى العموم ..أنا كنت منتمي للإخوان في فترة من الفترات ..وحالياً ..مش فاضي !!!!
في حاجة كمان مهمة..وهي اسلوبك اختلف عن التعليق الاول..يعني في تعليقك الاولاني كان يغلب عليه طابع السخرية وقلة الأدب..يعني استخدام لفظ أبو شخة ..ده دليل على إنك لسة عيل صغير و "بشخة" !!
إنما في التعليق التاني فأسلوب مختلف تماماً..بتستخدم لغة موالسة خايبة..وده دليل آخر على إنك ..لسة عيل صغير و"بشخة"!!
برضك..تصور !!
ارجو التفريق بين الاخوان سياسيا و الاخوان دينيا
الرساله واضحه
اما بخصوص اننا ندىالاخوان فرصه و بعدين نحكم على اداءهم
دى صعبه اوى يا جماعه
دا مصير شعب مش لعبه
يا ريت ناخد درس من اللى احنا فيه
اظن لإن أي فصيل سياسي مصري هيكون افضل من النظام الحاكم الحالي
وبيتهيألي لو إن ابولهب كون حزب وسماه الحزب الوثني الديموقراطي مثلاً وكان نائب رئيس الحزب أمية ابن خلف وأمين التنظيم هو عمرو ابن ود ورئيس لجنة السياسة الوليد ابن المغيرة وأمين التثقيف ابو جهل عمرو ابن هشام...
في اعتقادي إن الحزب ده هيكون احن وارحم على المصريين من الحزب الوطني...
لأن بصراحة مجموعة الحزب الوثني أسست حزب في الجاهلية إسمه "حلف الفضول" كان ليه دور مهم في الحياة السياسية والاجتماعية في الجاهلية....
ترويج كلام مبارك عن الاستقرار والخوف على مستقبل البلد من التغير ومن القوى السياسية المختلفة بيصب في ترسيخ الوضع القائم وبيقطع حبال الثقة بين الناس والقوى السياسية..وفي الآخر كل ده بيصب في خانة النظام...نفس الكلام بيتقال عن صدام إنه افضل من وحد العراق وكلام خايب زي كده...في حين إن العراق مشفش الطائفية إلا في عهد صدام ..
المهم..لو وزة حكمت مصر ..هتكون احسن من حسني مبارك !!!
على السعب ان يختار بين الاخوان ( منعرفهمش) والحزب الوطنة ( نعرفه ونعرف عمله الاسود ) وبين الوزه
وصلت لحد وزه
الوزه احسن من مبارك
الاخوان احسن من الوزه
اذن وبدون تردد الاخوان احسن من مبارك
على فكره التعليق اللى فات احسن تعليق على الموضوع
yehia2784@hotmail.com
http://yehia2784.blogspot.com/
اوعى تيجى المدونه دلوقتى الوقت مش مناسب خالص خالص خالص
بص يا أستاذ قط يعني الأسلوب العادي مش عاجبك وبتقول عليه موالسة
طب أنا هافهمك ليه لو كنت مش فاهم أنا غيرت أسلوبي
(1)
أنا لا أحب ادخال الشخصي في العام يعني انت بدأت حوارك بتجريح شخصي بكلة عيل أو مراهق ولم ترد مباشرة على التعليق
(2)
عندما يكون هناك نقاش بيني وبين أحد فهذا يختلف عن النقد الموجه لحزب أو جماعة ويكون أقلا حدة لأم هذه طبيعة الإنسان عموما
(3)
ما زلت على رأيي وماغيرتوش ولما قلت عيل بشخة مكنتش بشتم حد معين ولا قلت على حد مبيفهمش واحتقرت رأيه لكن انت اتكلمت بأسلوب استئصالي ودوجماتي متعصب وكأن الله قد أنزل عليك جبريل فألهمك الحق وحدك دون الآخرين المختلفين معك
(4)
لو أنا عيل بشخة عشان استخدمت الكلمة دي في سخرية أو نقد فعلى هذا الأساس كل الالفاظ والشتائم التي كلتها لي هي أيضا من صفاتك لأنك قلتها
(5)
هو أنا قلت إن أنا شيخ كبير
يا عم أنا لسة عيل ومراهق وعندي تمنتاشر سنة
وده يخصك في إيه؟
طالما أنا بقول رأي ما يبقى لازم تسمعه حتى لو من طفل
وبعدين يا سيدي المراهقة الحقيقية هي إني أرفض سماع أي صوت غير صوتي وأحتقر أي رأي غير رأيي
وواضح إنك مفهمتش أنا أقصد إيه بالفصل بين المستويين الشخصي والفكري
هاشرحلك تاني
يعني لو أنا مثلا ليبرالي علماني وصاحبي أصولي إخواني يبقى أنا هنتقد فكره وبسخرية شديدة كمان لو عاوز إنما مش هيأثر على الناحية الشخصية ولا احترامي ليه كإنسان واحترامي لتدينه وأخلاقه
فهمت حضرتك وللا أعيد تاني؟
للأسف في ناس متفهمش الأسلوب المحترم في الحوار وحضرتك من الناس دي عشان كده متستاهلش إن أنا أحترمك في الحوار ولكن برغم كده أنا مش هسئ ليك كشخص لأن ده من شيم ضعاف الموقف ولو عندك رأي قوي وسديد وواثق فيه مش مضطر إنك تخلي اللي قدامك مراهق وعيل بشخة عشان يطلع ر
اقرأ بقية التعليق ..
بص يا معاذ...للمرة الرابعة ..لعلك تفهم..ولو مفهمتش تبقى دي مشكلة عويصة ..إنت محتاج تحلها مع نفسك...
الكلام ده مش هكرره تاني..القضايا إلي انت طرحتها كنقد للإخوان...الاخوان وضحوهامن زمان ...وخلاص الملفات إلي انت بتتكلم عليها حالياً اتقفلت...ومبيفتحهاش غير مجموعة من الصحفين وكتاب وعقليات "لو حلفتلهم على المايه تجمد" مش هيصدقو ...يعني من الآخر في قضايا واشكاليات تانية عند الاخوان محتاجة النقد غير الكلام إلي انت اتكلمت عليه..قضايا بيطرحها كتاب وصحفيين تانيين ولكن بطريقة ناضجة ...الهدف منها الصالح العام ..مش تشفية غليل ولا عملاً بمبدأ خالف تعرف ولا لن اعيش في جلباب ابي..والقضايا دي ..بيطرحها عدد من الكتاب زي الدكتور محمد سيد سعيد وحسن نافعة وضياء رشوان..وغيرهم.. إنما دول اشهرهم...كون انك مش فاهم تبقى دي مشكلتك..روح اكشف ولا اتعالج!!
ونقطة الاحترام من عدمه..دي مش مهمة بالنسبة ليه...لأنه واضح إنه شعور متبادل...لأني بصراحة مستعيلك قوي...وبالفعل أن غلطت إني فتحت مع عيل باب للحوار...واللي يمشي ورا العيال ......!
المهم ..إني كل ما إنت بتعلق وترد على كلامي او على اي حد ..بيترسخ عندي مفهوم اكتر من الاول ..وهو ..إنك لسة عيل ..وبشخة !!!
والله أنا سعيد جدا بتعليقك لأنك والحمدلله مردتش على ولا نقطة وحورت الكلام تاني مما يدل على إنك بتهرب وعمال تخوفني بأسماء مفكرين وسياسيين طب وانا مالي ومالهم ياعم أنا قلت كلام بسيط جدا لا قلت انا مفرك ولا سياسي ولا نيلة وقلت رأي بسيط ومتهيألي بيدور ف دماغ ناس تانيين كتير والحقيقة غن حتى المقال كان فيه تساؤلات مشابهة مما يعني غن كاتب المقال كمان عيل يعني وللا إيه؟
يعني برضه الأستاذ الطحاوي تساءل عن علاقة الجماعة بالحزب وعن أهدافهم الجديدة وهل فعلا هيستطيعوا تنفيذ كلامهم عن المواطنة وغيره
عموما يا سيدي أنا اللي آسف إني رديت عليك وعلى فكرة انت اللي علقت على كلامي م الأول وكان أريحلك تهملوا طالما انت شايف انك صح كده وكلامك حقيقة مطلقة وان انا عيل عشان بقول كلام مخالف يبقى كنت تريح نفسك
والحقيقة يعني أنا برضه مش هاغلط فيك شخصيا عشان عيب يعني
يا أستاذ يا كبير ياناضج يا محترم
والسلام