أدب المهمشين بين النخبة والصعاليك

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

1. 3

   3agab كُتب في ١٨ يناير ٢٠٠٧

   التكية وقهوة العواطلية
   بسم الله الرحمن الرحيم
   التكية وقهوة العواطلية
   الحلقة الاولي
   بقلم / اسامه قراعه
   الحكاية دي حكاية اي اهل تكية تسيب مصيرها بدون متابعة او رقابة لاي حد يدير شئونها وهي لاغية عقولها حتي لو كانت تكية في المدينة الفاضلة سهل جدا تحويلها الي تكية في مدينة الذئاب فقط نشيل منها الحق والعدل ونغير اهداف السيطرة والرقابة والتعليم ... حاولت من خلال هذه القصة توضيح العلاقة بين الحاكم والمحكوم واولي العلم وحاشية السلطان وبعض الاعيب الخداع السياسي واستغلال حسن النوايا وطيبة النفوس وكذا اظهار قدرات كل منهم في تحقيق اهدافه بحسب قوته وسلطانه. والحكاية دي حكاية كل اسرة وكل مؤسسة وكل قرية وكل دولة وفي نظري حكاية العالم ككل عبارة عن تكية
   ولا عجب ايها القارئ الكريم ان وجدت اي اسرة او مؤسسة او نظام او مجتمع محلي كان او دولي ولاحظت فيه غياب الحق والعدل والكيل في القضاء بمكيالين ونصرة القوي والغني علي الضعيف والفقير او لاحظت طول مدة انتظار اصحاب الحقوق امام القضاء والمحاكم المحلية والدولية علي امل رد حقوقهم وتعمد القضاة تأجيل الحكم طوعا او كرها وتفصيل الاحكام والقوانين والحجج والبراهين وفق لاراء القوة العظمي بها لا عجب ان تكون تلك صورة اخري من صور التكية وما يحدث فيها لا يختلف كثيرا عن ما يحدث في هذه التكية.
   لا عجب ان وجدت قتلي بلا نصير او صريخ بلا مجيب او جائع في سوق الخبز او اطفال شوارع وواحد واقف يقول اقتلوهم دول وباء معدي مميت دول مش مننا ولا ابنأنا واهلنا. وهم يعيني محدش رماهم علي الرصيف الا الراجل الي واقف يقول اقتلوهم وبرده محدش فاهم علشان يقول انصروهم لاعجب ان تكون هي دي التكية
   ومن هنا نبدا الحكاية
   كان ياما كان كان فية زمان مش دلوقت, تكية, ويارب تكونوا عارفين يعني ايه تكية و
   اقرأ بقية التعليق ..
2. ع

   على الساحة حاليا لا يوجد ادب كُتب في ١٩ يناير ٢٠٠٧

   لا يوجد ادب
   يوجد قلة ادب
3. ب

   بعض من بنود ما ينص عليه قانون الوظيفة العامة الجديد كُتب في ٢٠ يناير ٢٠٠٧

   لا للفقر..لاللبطالة..لا لقانون الوظيفة العامة الجديد
   1) الغاء فكرة التعيين نهائيا واقرار مبدأ التعاقد فقط وهو السيلة الوحيدة للتوظيف
   2) العقد يحرر كل خمس سنوات وفي نهاية مدة العقد (يعمل كشف حساب) يعني يجدد له العقد ام لا
   3) توسيع سلطة الجهة الادارية في التحقيق والفصل من العمل (يعني التحقيق في نفس مكان العمل) وتلغي فكرة التحقيق مع الموظف في النيابة الادارية (الجهة المحايدة والمختصة قانونا في التحقيق مع الموظفين طبقا للقانون الحالي لسنة 1978) ,يعني من الاخر دلع المدير بتاعك وهشكة احسن يغضب منك ويزعل ويقوم بفصلك في اي وقت وبدون ابداء الاسباب,وحتي لو الموظف مش عمل اي غلط.
   4) ابقاءالموظفين الحاليين المعينين الدائمين في وضعهم الحالي بمزايا القانون القديم 1978 والقانون سيطبق فقط علي المتعاقدين الحاليين في الحكومة ومن سيدخل مستقبلا في الجهار الاداري (يعني انت في الشغل تشتغل زيك زي الموظف المعين ويمكن اكتر منه ولكن هو قاعد لحد سن المعاش وانت بعد انتهاء مدة العقد الخمس سنوات وبعد اكسابك الخبرة الوظيفية واستقرارك الاسري تروح في ستين الف داهية) من الاخر كده فين مبدأ المساواة في الدستور وتكافؤ الفرص بين المواطنين, وحق العمل.
   من الاخر ياناس ده قانون ظالم وسيهدم اركان المجتمع الذي يقوم علي الاستقرار الي مجتمع يقوم علي التعاقد المؤقت ثم الي الشارع انت واسرتك ايه الموظف المسكين.
4. e

   el3agab@hotmail.com كُتب في ٢٠ يناير ٢٠٠٧

   التكية وقهوة العواطلية
   اقدم الاعتزار لكل واحد مش مستظرف الحكاية او اي حد فاهم الحكاية غلط لان المقصود منها هو توضيح حالة اي مجتمع وماذا يحدث لو تعطل فيه الحق والعدل وفشلت العملية التعليمية والتنشيئةالاجتماعية في تحقيق اهدافهاسواء بوعي او دون وعي.
   ولسه برده هنكمل حكاية التكية ... ‏
   احنا قلنا المره الي فاتت ان الحراميه قدروا يسيطروا علي خادم التكيه وقلنا ازاي ‏الحرامي الصغير ابليس قدر يخلي باقي الحراميه يفسدوا اهل التكيه بعد ما اشتروا ‏فتوات التكيه وضحكوا عليهم وفهموهم انهم بيصلحوا التكيه .. وقلنا ان الفتوات لما بطلوا ‏يحموا الحق ويحافظوا علي حقوق اهل التكيه ويعملوهم بانسانية... ضاع الحق واصبح مالوش صاحب ... ‏وحنا طبعا عارفين ان لما ما يبقاش فيه حق بين الناس بيزيد الخلاف والصراع والطمع ‏بينهم وتزيد الفرقه بينهم والفرقه اساس الضعف .. هي دي طبيعة الانسان مافيش حد ‏حيقدر يغيرها .. واي اتنين تلاته يجتمعوا لازم يكون بينهم حق ومستحق .. وكل ‏الحضارات العظيمة الي فاتت قامت في بدايتها وطول ما هي محتفظه بقوتها علي الحق ‏‏... وكلها برده لما ضاع منها الحق ضعفت وانتهت . المهم خلاص وصلنا في التكيه ان ‏الحق فيها ضاع وزاد الصراع ... والشكوي زادت لجناب القاضي وبدل ما كان بيحكم ‏كل اسبوع في خناقه او سرقه بقي كل يوم يحكم في مئة خناقه وييجي ميتين سرقه ‏وحكمه الي بينفذه مين ؟؟؟ ها مين ‏
   شمشون ورجالته عساكر الدرك... وشمشون اصله حرامي ومتوصي من ابليس انه ينفذ ‏حكم ويطنش علي تلاتين حكم .‏
   وصاحبنا الي كان مستني في طابور القاضي من سنتين علشان ياخد حكم علي خصمه ‏الي نهب حقه ... بعد ما اخذ الحكم حظه طلع من الثلاثين الي شمشون حيطنش عليهم ‏‏...وبرده ضاع حقه ... لكن كده ابليس بذكاءه عطل كمان العدل.‏
   والقاضي بشر له طاقه وقدره
   اقرأ بقية التعليق ..
5. أ

   أحمد عبد الفضيل كُتب في ٢١ يناير ٢٠٠٧

   حلو قوي
   حلو قوي الموضوع ده يااستاذ أحمد