الطوبة واللي رماها
أنا المصري وريث انحناءة الفلاح في الحقل ,قررت في يوم في شهر في سنة 77،أن اجرح الذاكرة و..
عبد الله الطحاوي ـ ولاد البلد
أنا مصري كريم العنصرين ..الفقر والصبر، بنيت القهر على أحجر الإهرمين بين كرباج الأمير وعلاوة عيد العمال،وريث الصمت الساخر عن أبي الهول، ديني على دين رؤسائي حيثما توجهوا انشر سجادتي أسبح واهتف وارتقي في معارج الملا الأعلى منشدا في ضوء التوجهات وبناء على تعليمات أولي الأمر منكم على طريقة حسن البارودي .
مصري .. ونحن لمن ملك كما قال عمرو ابن العاص .. شعبها مطية لمن ركب كما أشار المؤرخ القديم ابن إياس ، وإذا وجدت أناسا يعبدون عجلا حش وديله .
الطغيان والبطش من جانب والاستكانة أو الزلفى من الجانب الآخر هي من أعمق واسوا خطوط الحياة المصرية عبر العصور وهي النغمة الدالة في دراما التاريخ المصري يقول هذا جمال حمدان وينصحنا ألا نخجل من هذه الحقيقة.
أؤمن بالتفاوت الطبيعي بين الناس بؤساء وسعداء لان الله وحده مسبب الأسباب ..اعترض على حكمة ربنا !!..
فالفقراء يدخلون الجنة كما يردد عادل أمام .. أستسلم للزحام في كل مكان أذوب مع الذائبين ..أتوه مع التائهين تلازمني ذاكرة جمعية شديدة الثقل ..فراعنة وفرس ورومان وهكسوس وعرب وأتراك ومماليك اخناتون ويوسف وعيسى وموسى ومحمد وفرعون ذي الأوتاد تاريخ كبير وحاضر ضئيل ،لكن المهم يابخت من بات مغلوب ولاباتش غالب ،واللي مالوش كبير يشتري ليه كبير..أشتمه في السر وارقص أمامه في العلن أتوجع منه في الخفاء ،واصدح أمامه في سرادقات المبايعة بلحن الخلود ..بالروح بالدم نفديك يا زعيم،..كيف تستقيم الحياة بدون عصا ..ولما أنت أمير وانا أمير مين اللي يسوق الحمير.. واللي يتجوز أمي أقوله ياعمي ..وان طلع من الخشب ماشة يطلع من الفلاح باشا .
أنا المصري وريث انحناءة الفلاح في الحقل ..وانحناءة الموظف على مكتبه ..قررت في يوم في شهر في سنة 77،أن اجرح الذاكرة وأهشم سخاء استقرارها مع الذل ..وأنحني من جديد ولكن من اجل التقاط حجر من نهر الطريق.
تبحث يداي ونظري مثبت لأعلى ..كأني اقلب في بئر سحيق عن شيء ضائع، وبمجرد أن امسك به تدب في أوصالي قشعريرة تهشم الوعي الراكد قبل تهشيم واجهات المحلات الفاخرة ..إنا لا أريد أن اهدم التناقض الطبقي أو اردم الهوة بين المترفين والجعانين ..على العكس أؤكده لكن بطريقة مختلفة سيستمر ما كان أو ما انكتب على الجبين العرقان، ولكن بشرط واحد أن أحطم ما اريد أن أكون ..ا لخلاص من هذيان العبودية إلى هلوسة الأسر في السجون ..إنا في حاجة أن امثل أمام عدالة السادة ..في حاجة لان أؤكد أني مجرم أني منبوذ .
من أنت ؟؟ إنا من جديد المصري كريم العنصرين الفقر والصبر، اجر أمامي عربة تين مختزل من الموت ازعق في المارة ..من يشتري الشوك مني ..اسرح بأمشاط وفليات تبحث عن الكرامة أدور بها في المواصلات .. أنا الواقف أبدا في طابور طويل غير متصل بأي انجاز طابور من اجل العيش أو تذكرة أو ورقة ..ألاحظ من يكسرونه ويتمردون عليه ..ولا أتكلم ..بكيت مسحت دموعي ..مسحت دموعي بكيت والترنيمة لفؤاد ..إنا المؤمن في صلاة التراويح ..اطلب من السماء أن تهلك الظالمين بالظالمين بشرط أن نخرج من المهلكة سالمين ..نصرخ ونبكي ..لترتخي العضلات وتفرغ الشحنات ..وتلك إحدى حالتين مسموح بان افتح فيهما فمي وإما الثانية فهي أمام طبيب الأسنان..
لاتنسوا إنا المقهور دائما من الجنود ..فرعون وثمود ..هل أتاك حديث الجنود.. هل عرفتم لماذا قال الرسول :إذا فتحت مصر فاتخذوا من أبنائها جنودا ..إنهم الأمن المركزي ..عشت سنين مضلل من فعل السحرة .. حتى تخيلت أن أكاذيبهم تسعى .
تحرك في نفسي، في ذاكرتي، في اعتيادي شيء ما .. حي خرج من الميت وسبحان الله حين تتظاهرون ..حيث كسر توازن القهر وعلى هامش المدينة تزلزلت المدينة وأخرجت إثقالها .. المغضوب عليهم ..من المهشمين والفقراء والضالين من المومسات ..يقصون عليك أحسن الثورات ..لكن النص هذه المرة لا يحرره الإبطال . ..إنما الكومبارس يصدعون بالبيان رقم واحد من سفر الخروج ..من لا يسألون الناس إلحافا .. سماهم في وجوههم من اثر الفقر ..تحسبهم صامتين ..وتقلبهم نار الجوع ذات اليمين وذات الشمال ..طوبى من لا يملك شيئا فصار لا يخشى شيئا .
أبصرت الوفود تنزل من منشاة ناصر وحكر أبو دومة من بولاق وإمبابة، ينزلون إلى الشارع ليحرقوا المدينة ..فيخرجون من النار أكثر جمالا وقداسة
وطنهم..اختلف حوله اللصوص فظهرت المسروقات .. ونصرهم الشحيح أهدر في تل أبيب
ووووووو ....استدرت وألقيت الطوبة بعد أن مكثت في يدي ..لحظات تحتار ..تبحث عن الزناة لترجمهم ..لاكتشف ان مئات الطوب انهمرت ..تسابق رميتي ..كنت البادئ فقط
وما رميت إذ رميت ولكن الله رمى......
والسلام ختام
محجوب عبد الدايم القاهرة 77
سجين ابوزعبل العمومي على ذمة القضية
عدد التعليقات : 17
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
وبعدين ابن اياس دة مين لم يثبت عن عمرو انة قال ذلك
ثم ان ابن اياس دة مش معصوم ولا صاحب قداسة زى البابا
بطل الهباب اللى بتشربة
واكتب صح يا تبطل
مصيبة تاخدكم كتاب اخر زمن
فحبيبة قلبك يا ولدى نائمة فى قصر مرصود
من يدخل حجرتها
من يطلب يدها
من يحاول فك ضفائرها
مفقود مفقود مفقود
1) الغاء فكرة التعيين نهائيا واقرار مبدأ التعاقد فقط وهو السيلة الوحيدة للتوظيف
2) العقد يحرر كل خمس سنوات وفي نهاية مدة العقد (يعمل كشف حساب) يعني يجدد له العقد ام لا
3) توسيع سلطة الجهة الادارية في التحقيق والفصل من العمل (يعني التحقيق في نفس مكان العمل) وتلغي فكرة التحقيق مع الموظف في النيابة الادارية (الجهة المحايدة والمختصة قانونا في التحقيق مع الموظفين طبقا للقانون الحالي لسنة 1978) ,يعني من الاخر دلع المدير بتاعك وهشكة احسن يغضب منك ويزعل ويقوم بفصلك في اي وقت وبدون ابداء الاسباب,وحتي لو الموظف مش عمل اي غلط.
4) ابقاءالموظفين الحاليين المعينين الدائمين في وضعهم الحالي بمزايا القانون القديم 1978 والقانون سيطبق فقط علي المتعاقدين الحاليين في الحكومة ومن سيدخل مستقبلا في الجهار الاداري (يعني انت في الشغل تشتغل زيك زي الموظف المعين ويمكن اكتر منه ولكن هو قاعد لحد سن المعاش وانت بعد انتهاء مدة العقد الخمس سنوات وبعد اكسابك الخبرة الوظيفية واستقرارك الاسري تروح في ستين الف داهية) من الاخر كده فين مبدأ المساواة في الدستور وتكافؤ الفرص بين المواطنين, وحق العمل.
من الاخر ياناس ده قانون ظالم وسيهدم اركان المجتمع الذي يقوم علي الاستقرار الي مجتمع يقوم علي التعاقد المؤقت ثم الي الشارع انت واسرتك ايه الموظف المسكين.
بس الناس ف مصر لسه بتخشى حاجات كتير صدقنى
بتخشى فقد الامن المزيف
بتخشى فقد العمل اللى مبيجيبش عائد بتخشى من الكلاب على ولادها
بتخشى تفقد ادميتها ف اقسام الشرطه ماركه سجن ابو غريب
للاسف يا طحاوى ليس كل من لايمللك شيئا لا يخشى شيئا
المقال رائع
ده رد ... كنت كتبته علي الطوبة واللي رماها ....
وبعدين قلت بلاش اكتبه في التعليقات .... لقيته طويل ... بس استخسرت أمسحه بعد كده .....
ابقي وصله للأستاذ عبد الله .. أو حتي مش لازم ... المهم إني كتبته ...وبس
سلام
أنا المصري كريم العنصرين ... المقاومة والاستقلال ...
أنا المصري حضارة امتدت لآلاف السنين ... و عز للإسلام في كل العصور ....
أنا المصري ... قيامة الدنيا قامت لما قمت .... ولما نمت ..... نامت ...
لما أردت ارادوا ... ولما تكلمت سكتوا ... ولما رديت ... خرست الألسن وشاهت الوجوه ...
لما سكت .... التتار جاؤوا... ولما نطقت خرجوا أذلاء مدحورين ...
ولما غفلت .... نزل الصليبيون ... ولما فقت كانت الخيبة تجر نفسها وراهم ..
ولما سكرت ... حل اليهود ... فلما صحيت أسكرتهم في 6 ساعات ....
أنا المصري .. كريم العنصرين .... الحضارة والتاريخ ....
أنا المصري .... بطوبتي ... بحجارتي ... بصبري ... بشدتي ... بسكوتي ...
يمكن بسكوتي ....؟؟
لكن بعد سكوتي .... اسألوا الأيام ...
اسألوا عمرو بن العاص ... مين فتح أفريقيا كلها ....
اسألوا العزبن عبد السلام ... مين وقف مع القاضي العادل ...
اسألوا محمد علي ... مين خرج فريزر ...وكانت بداية مصر الجديدة...
اسألوا الأزهر ... اسألوا عرابي ... اسألوا جمال الدين الأفغاني ... اسألوا مصطفي كامل .. اسألوا حسن البنا ... اسألوا مصطفي مشرفة ... اسألوا الشيخ كشك ... اسألوا فاروق الباز ... اسألوا أحمد زويل ...
اسألوا أبويا وأمي ... وإخواتي ....
اسألوا حبيبة قلبي ....
مرت سنين .... وسنين .... لكن منستش إني كنت يوم الأول .... وإني راجع تاني الأول من جديد ...
أنا المصري ... مش تاريخ وبس .... لكن إيمان جوا
اقرأ بقية التعليق ..
استاذ عبدالله الله عليك مقال جميل جدا وعشرة على عشرة واة يا بلد ونين اجيب ليكى ولد يارب ابعت لينا الخلاص المهم جزاك الله خيرا يا استا ذ عبد الله
مرت سنين .... وسنين .... لكن منستش إني كنت يوم الأول .... وإني راجع تاني الأول من جديد ...
أنا المصري ... مش تاريخ وبس .... لكن إيمان جوايا ...
إيمان وعقيدة ...
عقيدة و ثبات ...
ثبات وإرادة ...
إرادة و تضحية ...
تضحية ..... ونصر أو ... جيل تاني حيكمل المشوار ...
أنا خير أجناد الأرض ... محمد السيد ...
الإسكندرية 2007
نزيل جمهورية مصر العربية ....
بس برضه مش حاسكت
لا للتمديد ... لا للتوريث ... نعم لتعديل الدستور المصري
mohamedmat@hotmail.com
مش عارفة اقولك اية 1
المقال جميل اوى بس بعيب عليك انك بتضيف اقوال لناس مينفعش ان يبقى فى سيرتهم اى هزار ( سيدنا النبىوسيدنا عمرو بن العاص ) فيجب ان نبعد ان اعاظم الناس وسيرة سيد الخلق سيدنا محمد وغفر الله لك ولنا
والله كنت فاكر إن مستجاب الرهيب خلاص مات ... لكن إبن الهرمة ضحك على كل العدا ورمى البذرة قبل ما يموت فطرحت الطحاوي ... يخرب بيت طينك يامصر.. طينك لسة فيه بواقي طمي الفيضان رغم كل اللي صابه ونابه... يخرب بيتك يا طحاوي ..أراهنك وانت بتكتب ذاتك ونفسك إن عفريت التاريخ كان لابسك ..آه ياطحاوي يامجرم .. مشيتنا معاك من تحت من أول بلاد بون لغاية اللا الازرق .. خليتنا نشم ريحة تراب عمرنا وتاريخنا ونفسنا ..يخرب بيتك ياطحاوي .. قصدي يابذرة مستجاب اللي طرحت تاني.
الواحد مش عايش فى الدنيا والا اية
اللة يرحمة رحمة واسعة
بيقولوا ان الكلمات تقتل حين تقال، لكن كلامك المرة جى اكبد اتقال عشان يعيش بن، بس انت طلعت وطنى اوى كلامك كانه ست مصرية قلعت طرحتها الخصرا اللى فرحت بها فى شبابها وقعدت على شط البحر تغطى يدها الكاحلة بوشاحها الاسود المتاكل تنتظر خروج ابن مات فى اى عبارة .. عبارة من اللى بيقولها اصحابها حتى نموت بها
أما بالنسبة لكلام عمرو بن العاص هو فعلا وصف المصريين بكده وقال "نساؤها لعوب ..و شعبها مع من غلب!!!" دي حقيقة مكتوبة في كتب جمال حمدان
كل تعليقي على كلام النبي مينفعش فيه هزار
نسيت بس أقول حاجة ...
رغم اعترافي الكامل بسحر الإسلوب وحلاوته ...لكن
أنا مبحبش اللهجة دي ...
بس ... انا إذا كنانت دلوقتي مضلمة معايا شوية ...بكرة حتفتح ...
بس ....
الدنيا حلوة ... وأنا أحلي ما فيها
بس برضه مش حاسكت
لا للتمديد ... لا للتوريث ... نعم لتعديل الدستور المصري
mohamedmat@hotmail.com
انت المصري ونحن المصريون وجع بطننا بالسموم وبفسدوا الدم وحرقوا الفنون في قصر بني سويف
انت المصري وهم ليسوا مصريون يطلبون الامل ويحبوا التضحية
من المصري ومن المصريون
المصري الي الزمن ينده ويسالة عن بلوتة
يرده هو وهو بيبكي علي نيبنتة
انا مالي ومال عيالي اتسرق
وانا مال ومال جدودي اتحرق
وانا مال واقعد في بيتي
واستخبي من الامل
اصل الامل ده تهمة وقضية
عندنا ممكن يحولك لامن
دولة او تروح لربنا
علي نعش او متقطع
بس المهم لا تنسوا انا المصري
والله يا استاذ عبد الله فكرتنا بوجعنا وتعبنا والقرف
أنا المصري.!! قصيدة في حب شهداء لبنان المقاومة!!
لبناية تصرخ حوش عنا يارب
بقلم: عبدالرحمن الأبنودي:
أنا المصري.. كريم العنصرين
سليل المخلصين.. المؤمنين
وحامي الأمة في وقت الشدايد
وشقَّاق السِّكك للواردين
ودمّي ملك ليكم.. أجمعين
أنا المصري
كريم العنصرين.
أنا المصري كريم العنصرين..
فقدت العقل والصوت والأيدين
وبعد ما كنت نجدة وروح ووقفة
مانيش عارف نسيت ده كله فين
ومين اللي سلبني اسمي مين؟!
أنا المصري..
كريم العنصرين..؟
وكنت أصرخ أطفِّي النار بصوتي
ويحيي أمّتي في الشدّة.. موتي
فمين اللي كتب عاري ف جبيني
ومين اللي سرق شعلة سكوتي
وأنا اللي غنايا صحي العالمين
أنا المصري
كريم العنصرين..؟
أنا مِتْباع.. ماهيش عادْتَك يا وطني
عدوْ.. لِعدو.. ومين ما قبضْش تَمَني
صبي البقال يتاجر في الضماير
وأحلا عمري ضاع مستنِّي زمني..
بقينا بصمتنا الموت.. مُكتفين.
أنا المصري
كريم العنصرين
كان الوحل.. شد الرِّجل منِّي
أنوح وأبكِي وأنا قاصد أغنّي
وواقفين علي الشطوط بأيادي سودا
محال.. حيغرّقوني غصْب عني
لو نصبوا في قلبي ميت كمين
أنا المصري
كريم العنصرين.
بنيتها من الهرم للسدِّ.. يَدِّي
بنتْها كلها ف لحظة تحدي
وكنت زعيم نبيل ما بين جيفارا
وتيتو وكاسترو ونهرو وغاندي
ومش محتاج أقول أنا كنت مين؟
أنا المصري
كريم العنصرين!!
وكان يخطب تصيب الدنيا ربكة
ومن لبنان يعود أسطول أمريكا
ولينا في الوجود كلمة ومكانة
وأخوة في الأمل.. دمعة وضحكة
ور
اقرأ بقية التعليق ..