ماذا لو.. طز في مصر؟؟
في برنامج البيت بيتك الشهير، كانت الجملة التي بدأت بها التقرير هي البطل، تسجيل صوتي عليه الجملة، وبصوت محمد مهدي عاكف، مرشد الإخوان المسلمين (المحظورة على حد تعبير تامر)..
11/04/2006
"طز في مصر وأبو مصر واللي في مصر"..
حتى الآن يعجز فقهاء اللغة العربية في معرفة أصل كلمة "طز"، فالكلمة مصرية جدا وبذيئة جدا، وتعبر عن حالة من الاستهزاء بالاسم الذي يأتي بعدها، وهو ما جعل استخدامها قاصرا على أولاد الشوارع في مصر...
المفاجأة أن ينطق بها سياسي كبير، والمفاجأة الأكبر أن يكون هذا السياسي ينتمي إلى تيار سياسي آخر غير الحزب الوطني المعروف بطول لسانه ويده.. والمفاجأة الأكبر من كل هذا أن يكون الشيء "المطزوز" فيه.. هو مصر!
في برنامج البيت بيتك الشهير، كانت الجملة التي بدأت بها التقرير هي البطل، تسجيل صوتي عليه الجملة، وبصوت محمد مهدي عاكف، مرشد الإخوان المسلمين (المحظورة على حد تعبير تامر)..
وجملة المرشد هي جزء من حوار أجراه الصحفي سعيد شعيب مع المرشد منذ شهور وبالتحديد أثناء الانتخابات البرلمانية السابقة، والذي نشر من قبل في جريدة رفض شعيب أن يصرح باسمها لاعتبارات سياسة على حد وصفه..
في الجريدة الغير مذكورة تم بتر الحوار وحذف العبارة السابقة منه لتعيد روزاليوسف اليومية نشر الحوار بالكامل بعد حوالي 5 شهور من تاريخ إجراء الحوار ونشره في الجريدة المجهولة..
نشر الحوار جاء بعد توصية عبد الله كمال رئيس التحرير ومباركة حمدي رزق الصحفي المتخصص في الشئون الهجومية للإخوان ونائب رئيس تحرير المصور..وكلهم كانوا ضيوف في حلقة البيت بيتك دون وجود أي وجه إخواني ولا حتى شبل من أشبالهم..
عند نشر الحوار في روزا كان العنوان الرئيسي هو "طز في مصر" وصاحبته زفة بسلسة مقالات لكل كتاب الجريدة يلعنون فيه اليوم الذي جاء فيه عاكف مرشدا..
حدثنا مكتب المرشد نتساءل عن صحة الحوار، لكن كانوا هم أنفسهم مشغولين بالبحث عن نسختهم من الحوار كما هي العادة الإخوانية بتسجيل أي حوار يجري مع المرشد والاحتفاظ بنسخة..
حتى يعثر مكتب المرشد على النسخة، تبقى بعض التساؤلات.. والافتراضات..
- ماذا لو.. طز في مصر؟؟ ، بمعنى آخر، هل من حق مرشد جماعة مثل الإخوان لها في مجلس الشعب 88 مقعد ولها قواعدها، ومع ذلك تظل كلمة "المحظورة" تلصق بها، هل من حق المرشد أن يقول ذلك ردا على ما يعانيه؟؟
- وإن لم يكن من حق المرشد أن يقول ذلك، فما رأي قواعد الإخوان في ما قاله مرشدهم، وهل من الممكن أن يصرح المرشد بما لا يرضي أعضاء جماعته، وهل داخل الإخوان من يستطيع حساب المرشد إن أخطا؟؟
- هل عبد الله كمال وحمدي رزق وسعيد شعيب، هم الأشخاص المناسبين لحساب المرشد على كلام أيا كان ما قاله.. هل رئيس تحرير الصحيفة القومية اليومية والتي اسمها روزاليوسف، والتي تؤكد كل المصادر أنها لا توزع أكثر من ألفين نسخة في اليوم، هل رئيس تحرير هذه الجريدة يملك الحق في حساب أي شخص على الإساءة بقوله، وأليست روزاليوسف هي "طز" كبيرة في وجه مصر يقولها عبد الله كمال كل يوم؟؟
- لماذا لم يكن في البيت بيتك من يدافع عن المرشد، ولماذا لم يكن المرشد نفسه ضيفا في البرنامج ليقول ما قاله مرة أخرى..؟، ولماذا تخلى تامر أمين عن حياديته ووقف ضد الإخوان على طول الخط؟
لسنا مع المرشد، لكننا لم نتأكد مما قال، خاصة أن المونتاج كان واضحا، وننتظر أن نحصل من مكتبه على نسخة كاملة من الشريط، أو على تفسير، أو حتى على موعد نقابله فيه لنفهم ما قاله..
ولا نستطيع المزايدة على وطنية الثلاثي (كمال – رزق – شعيب)، لكننا متأكدين أنهم ليسوا الأشخاص المناسبين لحساب المرشد، ليس لأن المرشد قيمة كبيرة، ولكن لأنهم أعداءه السياسيون، وهناك من المحايدين في مصر من يستطيعون أن يحاسبوا أي شخص، أيا كان..
ننتظر رأيك، وتابعونا، فالملف يشغل بالنا، ويبدو أنها فرصة مناسبة لفتحه.. تابعونا
عدد التعليقات : 138
• جمال والمليونيرات والشعب
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
أود أن أستفتح التعليقات فأقول، إن هؤلاء الصحفيين من طائفة المخبرين درجة تالتة الذين يعيشون في دور خضرا الشريفة اللي بتموت في حب مصر يستكملون المسيرة مسيرة الولاء لأسيادهمفالحملة ليست بعيدة عن شنب الأجهزة الأمنية الشريفة العفيفة في مصر
أما التسجيل فيأتي في إطار الحملة الحكومية لتصفية الحسابات مع الخصوم، والانفراد بالساحة- قال يعني هم مش منفردين غصب عن اللي خلفونا- ليقوم النظام بعد ذلك بخوض مبارياته ع الحلبة السياسية ضدنفسه..ويااااه النظام بيتعب قوي وهيفوز على نفسه بعد كدة..الله يكون في عونهم..هو دا سياق التسجيل يا سادة في نظام سافل ومنحط زي النظام اللي بيحكمنا..
وسلملي على خضرا الشريفة
وماذا تنتظرون من مرشد جماعة إرهابية مثل الإخوان
الاخوان سيظلوا ارهابيين للابد
وحتى شوفوا ماذا فعلوا في الانتخابات البرلمانية السابقة
عايزين يحجبوا البنات بالعافية
وعايزين يقولوا على كل حاجة اسلامية غصب عن كل الناس
وميعرفوش حاجة عن الاسلام
يبقى مش طز في مصر..
لا طز في اللي يقول كدة
وكله يقول.. مصر هتفضل غالية عليا
طز كلمة استخدامها ينحصر في أولاد الشوارع ؟؟؟؟؟؟؟؟
حاجة غريبة
أنا بسمعها من كل الناس بداية من أكثر مدرسين المدرسة إحتراما إلى أرفع وأكثر أساتذة الجامعة أدبا ..
كلمة لا تعني أكثر من الاستهزاء وعدم الاكتراث .
وعلى العموم ، الكلام مبتور .. ولسه الإخوان ما ردوش .
وربنا يخلي الإخوان ويخلي المرشد .
وحتى لو قالها .. هو المرشد مش من حقه يغلط ؟ " كل ابن آدم خطاء " .. مش ممكن يكون اتنرفذ ولا حاجة .. بس لو كان قالها يعتذر عنها لو كانت في سياق خاطئ .. ويبقى الإخوان كسبوا الجولة برضه باعتذارهم حيث ظهروا أمام المجتمع بمظهر من يخطئ فيعترف ويعتذر .
والصحفيين اللي أذاعوا الموضوع لسه مكتشفينه بعد 5 شهور ولا ايه ؟
على العموم هما أصلا تاريخهم مهبب ومش ناقص سواد زيادة .
والسلام
طز كلمة تركية ولست مصرييه كما يعتقد
وعرفها المصريين عندما كانوا تحت الاحتلال
التركى
في الاول انا لم انتمي لجماعة الاخوان ولا يوجد في عائلتنا الكريمه اي فرد ينتمي لها.
وبعدين لماذا كل من يذكر الاخوان ينفي انه يدافع عنها ؟
بما ان الكل يخشى ويتجنب الدفاع عن الاخوان سادافع عنها انا.
اقول كلامي دفاعا عن الاخوان كجماعه وفكر
نعم الاخوان افضل فكر على الساحه ونعم الاخوان اشرف جماعه على الساحه
لم نسمع ان اخوانيا قبض عليه في قضيه فساد بينما الحزب الوطني الذي ينتمي اليه عبدالله كمال وامثاله يفرخ لنا يوما بعد يوم قضايا فساد من ابنائه الابرار
ولو كان هناك مسؤول واحد فقط شريف في ماسبيرو كلها لاحضروا فردا من الاخوان ليرد ، ولكن هذه هي عادة حكومتنا الرشيده الالكترونيه فهي تسمع الراي فقط ولا تنظر الى الراي الاخر
سنظل نحب الاخوان ونحترم المرشد قال ذلك ام لم يقل
وسنظل نحتقر عبدالله كمال وحمدي رزق وامثالهم
ولن يزيدنا كلامهم سوى كرها لهم وحبا في الاخوان وكل ما يتعلق بالاخوان
وطزين تلت طزات
يُشارك الدكتور عبد المنعم أبو الفتوح- عضو مكتب الإرشاد بجماعة الإخوان المسلمين- في برنامج (العاشرة مساءً) اليوم الثلاثاء 11/4/2006م بقناة (دريم 2) الفضائية حول ما جاء في برنامج "البيت بيتك" أمس الإثنين وحوار فضيلة المرشد العام للإخوان المسلمين الأستاذ محمد مهدي عاكف لجريدة (روز اليوسف).
ويشارك أيضًا في البرنامج الدكتور ضياء رشوان، والدكتور عمرو الشوبكي- الخبيران في مركز الدراسات السياسية والإستراتيجية بـ(الأهرام).
كان برنامج "البيت بيتك" قد أذاع في حلقته أمس الإثنين حديثًا منسوبًا إلى فضيلةِ المرشد العام الأستاذ مهدي عاكف وأثار ردودَ فعل متباينةً بشأنه.
منقول من إخوان أون لاين .. وربنا يستر .
الصراحة انا شايف ان روز اليوسف كانت من ايم الرئاسة و هي بتشوه صورة اي حد يقول لأ للحزب الحاكم و بعد القضاء على ايمن نور رئيس حزب الغد و التفكك الي حصل في حزب الوفد و الي حصل ل نعمان جمعه متبقاش غير الاخوان الصوت الاعلي في البرلمان فافتكروا الحديث الي بقاله 5 شهور و نشروهو بكده يبقى الحزب الوطني بيقضي على شعبية كل الي بيقوله لأ بطريقة منظمه جدا و انا مش حيتغير اي شئ من موقفي اتجاه الاخوان لانهم من اكثر الناس احتراما في مصر
اصلا الصحفيين بتوع الصحف اياها غير موثوق فى كلامهم وحتى لو كان قالها اى شخص ممكن فى لحظه نرفزه تتطلع منه كلمه مش مقصوده... اما الاخ بتنجان انا مش عارفه ايه الاراء الغريبه بتاعته دى بنات ايه وانتخابات ايه .. واضح انه مكنش موجود فى مصر وقت الانتخابات الاخيره ومشفش المهازل اللى حصلت على مرأى ومسمع من الحكومه.. وبعدين سؤال للاخ بتنجان بقى.هو انت عمرك مااتنرفزت وقلت كلمه غير مقصوده فى حق مصر ولا غيرها مع انك بتحبها؟؟؟ ولا همامالقوش فى الورد عيب قالولوا يا احمر الخدين. عموما بكره تشوفوا ان نهضه البلاد مش هتقوم غير على ايدين اللى بيسموهم ارهابيين دلوقتى
طبعا فضيلة المرشد غلط إنه قال طز.. ده مش رأى الجماعة ....المفروض كان يقول مليون طز مش طز واحده!!
بعد الحمد لله والصلاة والسلام على رسوله
اولا فيه شوية اسئلة على الموضوع في منها طرحها السابقون وهي :
1- لماذا لم يحضروا احد من الاخوان لمناقشته كما في العاشرة مساءا ؟
2- لماذا لم يذكر الصحفي الهمام اسم الجريدة اللي تم معاها الحوار ؟
3- لماذا لم يتم نشر ذلك في وقته خاصة انها كانت فترة هجوم رسمية على الاخوان وكانت هتحقق مكاسب في الانتخابات ؟
4- لماذا لم يعرض الصحفي السؤال الموجه للمرشد ورده على السؤال كاملا ؟
5-لماذا يغض الطرف عن كل مميزات الاخوان وايجابياتهم وحسانتهم ونسلط الضوء على سلبية صغيرة جدا هذا افتراض جدليا ان المرشد قال هذا الكلام ؟
6- لماذا لا تقام محاكمة علنية لفكر الاخوان المسلمين حتى نعلم الصالح من الطالح ؟
7- هل من المعقول ان جماعة له 88 نائب في البرلمان تظل تعامل على انها جماعة محظورة ؟
نهاية الموضوع ليه ناخد اي حاجة خاصة بالاخوان بحساسية زايدة دعونا نستخلص الدروس المستفادة من كل هذه الاحداث في التعرف على فكر الجماعة ونأخذ منهم ونسمع منهم ولا داعي للشائعات
انا ملاحظ ان اى مقال فيه الاخوان بيبقا فيه تعليقات كتير اوى اوى
الجماعه شكلها ليها شعبيه فى عشرينيات
yehia2784@hotmail.com
واضح أن الصحفي الي أجرى الحوار كانت لديه نية مبيتة لاخراج المرشد عن شعوره و هذا اسلوب غير حيادي ابدا.
بالمناسبة يا ريت تبصوا على المدونة دي:
http://yakhya7a.blogspot.com
يا حنتوسو خلاص روزا وجعتها الكلمة قوى ... طيب على الاقل الراجل قال كلمة الدور و الباقى اللى قعلها يعنى اللى "عمل" طز فى مصر يعنى اللى باع أصولها و مقدراتها و قبض عموله يعنى اللى غرق المصريين و قال طز فى أرواحهم و حقوقهم يعنى اللى سفه أحلام شبابها و همشهم و حصرها فى نغمة موبيل و صوت بيبعته لمخنثين علشان يفوز فى برامج هايفه يعنى اللى كمم أفواه الشعب و خلاه زى الشياطين الخرس شايفين لكن مش شايفين يعنى اللى أبد فى السلطة لأ و كمان عاوز ينطط أحفاده على الكرسى و كأنه إله خالد يعنى اللى خلا كلمة مصرى فى أى مكان فى العالم مرادف لكلمة "صفر" بعد ما كان الشعوب العربية بتتمنى بس رضى المصريين و يعنى اللى ... و يعنى .... و يعنى .... و أنا وإنتا
أنا ملاحظة يا جماعة إن كل ما الدنيا تهدى حول الإخوان يعاد تانى فتح النار عليهم فبعد برنامج حالة حوار وتقطيع فروة الإخوان مع عدم وجود شخصية إخوانية واحدة تدافع عنهم و انتقاد الناس الشديدللبرنامج بدأوا تانى يقوموا الدنيا تانى بنفس الطريقة للأسف التليفزيون المصرى أثبت بصراحةإنه فى منتهى الغباء لإنه مبيتعلمش من أخطائه والمفروض نحاكم كل القائمين على البرامج دى بتهمة الغباء السياسى و على العموم ربنا معاكوا يا بتوع الإخوان ودع الكلاب تنبح والقافلة تسير وجزاكم الله خيرا
يا صلاة النبى احسن !!
فى البداية ازيك ياعم براء
الحاجة التانية...طز دى يا ريس براء كلمه اصلها تركى ومعناها "ملح" والمناسبة الى اتقالت فيها ان والينا التركى من زمان قبل عهد محمد على كان فى زيارة لبورسعيد وإلِى ربنا كرمه وزار بورسعيد قبل ما يدخل المدينة البازلة بيجى اربع ولا خمس محطات اتوبيس يلاقى على إجناب الطريق يمين وشمال السياحات بتاعة الملح على مد الشوف وكان الكلام ده فى الصيف فصاحبنا الوالى انبهر ان التلج بيطلع فى مصر فى عز الصيف والدنيا قايدا نار فكان لما يشوف السيَاحة بتاعة الملح يهتف ويقول " إيه ده فالاد ؟! " يقوم رادد عليه واحد مصرى ويقوله ""ده طز يا باشا !"
المهم مطولش عليك ..قول طول !!
هو ده يا سيدنا معنى كلمة طز ...يعنى من الآخر الكلمة لا هى بزيئة ولا حاجة ولا تجرح المشاعر الروهيفة لمولانا عبدالله كمال ولا سيدنا سعيد شعيب والأتنين لامؤخزة انجس من بعضيهم !!
وبالنسة لعمنا مهدى عاكف الراجل مكفرش يعنى لما قال طز فى مصر وهو صحيح غلط ان مقالش 92 مليار طز بعدد الدولارات إلى اهربت بره مصر خلال العشر سنين إلى فاتو ولا الف وتلميت طز بعدد الناس الى ادفنت فى البحر فى حادثة العبارة الى صاحبها فلسع ولا اربع تلاف طز بعدد الناس الى اتشوت فى القطر بتاع الصعيد ولا خمسين طز بعدد الناس الى اتنصبتلهم المحرقة فى مسرح بنى سويف ولا خمسة وعشرين الف طز بعدد معتقلى النظام الى دخلو السجن وهما اطفال وشابو وهيموتو ولسة مخرجوش ولا خمسة وخمسين طز بعدد السنين الى النظام الوسخ ده قاعد فيها على قلب المصريين ولا طز بعدد ضحايا النظام ابن ***** "لامؤخزة" الى محتل مصر بقاله اكتر من خمسين سنة !!
فيا عم براء مش هنمسك للراجل على كلمة قالها فى حين ان افعال النظام الى حول الصحافة لعربيات أجرة تلمع
اقرأ بقية التعليق ..
الجزء التانى "لامؤخزة"
فيا عم براء مش هنمسك للراجل على كلمة قالها فى حين ان افعال النظام الى حول الصحافة لعربيات أجرة تلمعه وتهشكه ومنها الصحيفة الى اتنشر فيها الحوار إياه !
وبالنسبة للاخ تامر بسيونى .. هو من الاساس مظهر من مظاهر الفساد فى البلد "المطززه" دى بص كده على التليفزيون هتلاقيه متقسم عائلات يعنى مثلاً عيلة بسيونى متعينلها فى التلفزيون ثلاثة اخوات مذيعين واربعة ولاد عم فى الاعداد وهندسة الصوت غير ولاد الخالة والخلان ...!!
فالبيته من إزاز ميحدفش الاخوان بالطوب !!!
من الآخر البلد لا فيها امل ولا اى ريحة اصلاح جاية والايام الى جاية اسود من قرن الخروب .
وسمعنى اغنية " أطزز من كده إيه ؟!"
اطزز واحد فى مصر !
الشمحطجى
أصل كلمة "طز" مأخوذة من اللغة التركية ومعناها ملح الطعام وتكتب باللغة التركية هكذا - toz نظرا لأن اللغة التركية اعتمدت الاحرف اللاتينية منذ عهد كمال اتاتورك.
فقد كان الأتراك عندما كانت لهم السيطرة وحكم بلاد العرب وخلال مراكز ونقاط التفتيش يمر العربي من امام العسكري التركي وهو يحمل اكياس الملح يشير إليه التركي بيده سامحا له بالدخول وهو يقول للجندي التركي: "طز طز طز" فيرد المواطن العربي "طز" اي إن ما يحمله هو فقط ملح فيسمح له بالمرور دون تفتيش!
وفي رواية اخرى يقول الكاتب أميل حبيبي انه أثناء الحرب العالمية الأولى كان الجباة الأتراك يداهمون البيوت في فلسطين بحثا عن المؤونة لفرض الضرائب عليها وهم يفرضون الضريبة على أكياس القمح والشعير والسمسم والفول والحمص والملح. ولكن اقل ضريبة كانت على الملح، ومن اجل التهرب من الضريبة كان الفلسطينيون يدعون ان أكياسهم مليئة بالملح وحده وهكذا يدخل الجابي فيدور الحوار التالي مع صاحب الدار:
ماذا في هذا الكيس؟
ملح!
فيصرخ الجابي بمرافقه: سجل طز!
بصراحه قالها مقلهاش ....مش مهم
اهم سؤال اشمعنا نشرتها الجريدة الحكوميه روز اليوسف في الوقت ده بالذات
ولو فعلا الحوار حر و ديمقراطي وفيه كلام عن مبارك ، ليه المانشتات الرئيسية في الحوار كلها كانت عن كلام المرشد..
هوا فعلا المرشد عصبي نسبياً وده عادي ، راجل اتسجن 25 سجن في عمره والباقي كان عايشها بره بلده ، اللي سجنه مصريين و وطنيين زي ما بيقولوا ، و اللي اجبره انه يخرج بره بلده مصريين و ووطنيين زي ما بيقولوا ،
الراجل بيقولوا انه قال طز في مصر و اللي في مصر
ايوا يا سيدي ، طز في مصر واللي في مصر فعلا ، لان بلد شعبها معرفشي ساكت ليه لغاية دلوقتي يستاهل انه يتقاله طزين ومليون طز .
يا سيدي انا بشتم مصر باللي فيها اكتر ما بشتم اليهود .....
وقال ايه ....عبداله كمال هوا اللي ناشرها....دودو مين ده ..انا اشك ان الراجل ده مصري اصلا ...لما هوا عامل انه وطني وابن بلد و حريه ودموي قراطيه وكلام فاضي من ده ، جت علي دي يا كمال ، يا سيدي روح شوف قانون الطواريء ، شوف المعتقلات ، شوف البلاوي الطين اللي حصلت في الانتخابات .....
يا عمي روح شوف حاجه تعملها تانيه غير الصحافه ، ربنا يهديك يا كوكو او يهدك..
وفي الختام لو قالها عادي ، لان احنا بنقلوها احنا كمان كل يوم ، ولو كان عمو كلين اللي قالها مش كان حد هيكلمه ، طيب ما هوا انكل كلين راح يونيتد ستيتس وقال ان احنا غير ناضجين ، اقول ايه ولا ايه ..
البلد دي طز فيها باللي فيها ما عدا العشريناتيه طبعا......
لا يا جماعه فيه وقفه
مش من حق عاكف و لا الف زيه مهما علا او انحط قدره ان يقول طز فى مصر او المصريين
طز ف اللى ناهبين البلد
طز ف اللى مهربين الملايين
طز ف التعتيم المتعمد
الف طز ف قا نون الطوارىء
مليون طز ف العملاء و الحاشيه و الحراميه
طز ف الفساد
ظز ف الغلاء
مصر بلد المليون طز
لكن طز ف مصر او المصريين لا و الف لا
مش من حق اي حد يصرح تصريح زي ده سواء كان المرشد او غيره
المرشد غلطان لو كان قال كده
الأخوان المسلمون يرددون شعارا جميلا ويحاولون جاهدين أن تكون ألفاظ شعارهم مطابقة لحياتهم التي يحيوها فحينما نسمع في شعارنا الرسول قدوتنا فنحن نعنيها أي أن النبي قدوة لنا في كل أقوالنا وأفعالنا .. ما دفعني لقول هذا هو موقف الحبيب صلي الله عليه وسلم حينما أضطره قومه لترك بلده التي ولد وتربي ونزلت عليه الرسالة فيها فقال صلي الله عليه وسلم ( والله يا مكة إنك لأحب بلاد الله إلي قلبي ولولا أن أهلك أخرجوني منك ما خرجت ) ويقصد الحبيب بأهل مكة سادتها وكبرائها الذين تحدوا الإسلام ووقفوا له بالمرصاد .. وهذا بكل أسف هو واقعنا فنحن الإخوان نحب بلادنا ليس لإعتبارات دنيوية كما يراها البعض وفقط ولكن طمعا في الأجر والثواب لأننا بذلك نطبق سنة من سنن النبي الفعلية وهي حب الأوطان .. من أجل هذا أقول أنه لا يستطيع أحد أن يشكك في حب بل عشق الإخوان لبلادهم فضلا علي أننا لا نتحدث عن أخ عادي بل نتحدث عن مسئول الإخوان في العالم لذلك لابد أن نتحري الدقة ونحن نصرح تلك التصريحات العجيبة لأنه لم يثبت علي الرجل بشكل أكيد قوله لهذه الكلمة .. حتي ولو فرضنا جدلا أنه قالها فما يدرينا لعله يقصد النظام الذي يتمني كل غيور علي مصر أن يقول له عشرة ألاف مليار طز.. أو أن يقصد الوضع المتردي بسبب سياسة النظام الفاشلة .. وحتي لو أفترضنا الأسوأ وهو أن فضيلة المرشد قصد مصر ومن في مصر ألا تعد تلك ذلة لسان .. أليس المرشد العام بشر يصيب ويخطئ .. عموما لابد من الحكم علي الأشياء علي حسب فهمنا للأمور وكذلك ما تقتضيه المصلحة العامة
وجزاكم الله ألف خير
لازم نفرق بين واحد قال طز في مصر وقاصد انها تغور ومش هماه وعايز يحرقها
وواحدتاني صحفي غلس قعد يستفزه وهو راجل تقريبا مقرب على 80 سنه راح قايل طز في مصر
ايه يعني هو المرشد قصد بطز ان مصر تروح في داهيه لا طبعا
دي كلمة في لحظه نرفزة زي اي واحد فينا بيشتم في مصر
بجد مش حاسين بالفرق ؟
مصيبه
تم القضاء علي انفلونزا الطيور
تمت محاكمة اللي قتلوا الناس في العباره
تم محاسبة اللي حرقوا الناس في بني سويف
تم محاسبة اللي حرقوا قطار الصعيد
تمت محاسبة كل من نهب أموال مصر وقال يا فكيك علي برا
تمت محاسبة ابو كرش وابو ضهر ساندو واللي النقيب خالو
تم الإفراج عن المعتقلين والصحفيين وتم وإلغاء الطواريء
تم وقف التعذيب والإهانه اليوميه للمصريين في اقسام الشرطه
تم محو أمية 60% من الشعب المصري
تم رفع مستوي معيشة كل مصري الي حد الكفاف يدوب 400 جنيه مش عايزين اكتر
هذا وبعد كل هذه الانجازات فقد تفرغت اجهزة اعلامنا الموقره بقيادة الأشاوس رؤساء مباحث افريقياوكاس العالم السادة اللواءات عبد الله كمال,تامر بسيوني وكل العاملين في هذه الحظيره الموقره بالدفاع عن مصر واللي جابو مصر واللي في مصر من الإخوانييييين الوحشيييييين اللي قالو طظ (إذا كانوا قالو اصلا)
يا نيفين يا أختى حق إيه اللى بتتكلمى عليه ده إنتى لو دخلتى قسم شرطه زى أى مواطن و كأنك داخله أستغعر الله العظيم تتحسبى يوم القيامه يا نيفيي ما بالك بمن دخلوا المعتقلات و نزعت أظافرهم و هتكت أعراضهم و أذلوا على مدى عشرات السنين ... أنتى لو تعرضتى لتقطيع جيبتك أو بلوزتك و هتك عرضك فى الشارع أم ألاف الاعين و تبعثر لحمك فى عز الضهر و تحت الرعاية الكاملة لمن هم المفترض أن يدافعوا و يسهروا على أمنك ... إنتى مش هتقولى طز فى مصر إنتى هتقولى ________ و أترك لكى ان تكملين ما فوق السطر (و طبعا لا أقصد مصر المكان و لكن مصر الاشخاص و الحكام و لذلك لزم التنويه
أبي الوطن
أمي الوطن
أنت يتيم أبشع اليتم إذن
أبي الوطن
أمي الوطن
لا أمك احتوتك بالحضن
ولا أبوك حن!
أبي الوطن
أمي الوطن
أبوك ملعون
وملعون أبو هذا الوطن!
نموت كي يحيا الوطن
يحيا لمن؟
لابن زنى
يهتكه.. ثم يقاضيه الثمن؟!
لمن؟
لاثنين وعشرين وباء مزمناً
لمن؟
لاثنين وعشرين لقيطاً
يتهمون الله بالكفر وإشعال الفتن
ويختمون بيته بالشمع
حتى يرعوي عن غيه
ويطلب الغفران من عند الوثن؟!
تف على هذا الوطن!
وألف تف مرة أخرى!
على هذا الوطن
من بعدنا يبقى التراب والعفن
نحن الوطن !
من بعدنا تبقى الدواب والدمن
نحن الوطن !
إن لم يكن بيتاً كريماً آمناً
ولم يكن محترماً
ولم يكن حُراً
فلا عشنا.. ولا عاش الوطن!
الاخوان اكشفوا امام الشعب المصرى الحمد لله
واكبر دليل على ذلك قراءة التعلقيات يكتبوا على دعايهم الانتخابيه معا نحمل الخير لمصر ويرضون له بالشتيمه بل تبريره
وقد قراءة ان الاخوان جماعة قامه على السمع والطاعةولم اتصور ان تصل بهم ان يهنوا بلدهم الى هذة الدرجه
مصر العزيزيه لى وطن
وهى الحماه وهى السكن
بلدى بلدى لكى حبى وفواءدى
ما قاله المرشد العام للإخوان بسبب حالة مصر دلوقتى فهو يصف حالة التخلف والجمود التى وصلت ليها البلد فكيف لشعب أن يرى بلده تنهب وتسرق وتكمم أفواه ابنائها وتزور بها الإنتخابات والشعب فى صمت وكأن الحاكم الفاسد يحكم بلد بلا شعب أنه لا يسب مصر أو المصريين ولكنه يصف حالة التردى التى وصلت لها مصر ولا تنسوا أن الإخوان يحفرون فى الصخر لكى يحطموا أصنام الفساد فى مصر ويكفى أن النظام الفاسد الموجود فى مصر لا يزال يطلق عليهم الجماعة المحظورة رغم حب الشعب لهم وثقتهم فيهم وترشيحهم لهم فى الإنتخابات ولولا تزوير الإنتخابات لكان الإخوان إكتسحوا كل المقاعد بثقة الشعب فيهم والذى أتمناه الأ ترددوا فلتات الألسن المقصود بترديها هو تشويه صورتهم كما فعل النظام مع حزب الغد وحزب الوفد حتى يدمروا كل الأصوات المضادة لهم ولا تنسوا أن من أخواننى الأقباط من يعنيهم تشويه صورة الإخوان بالدرجة الأولى ولكن والحق يقال هم فئة تتقى الله فى أبناء مصر.
نؤيد الإخوان ونلتف حولهم لتقودنا للقضاء على هذا الفساد المسمى حسنى مبارك وأعوانه ولا نقبل غيرهم بديل
لا أمل فى الخلاص من هذا الفاسد وحاشيته إلا بالثورة وكلنا معكم لم يعد هناك أى أمل فى أى شيء إلا الثورة على الفساد وهذا محتاج لقوتكم والشعب كله مؤيد لكم ولكن نريد البداية
أيوة ظز وستين طز لما يكون في بلد تعمل اللى بتعمله دا كله ليه ميكونش طز، البطالة والاقتصاد والسرقة والعنوسة والضرب والاعتقال والخوف والجبن والقضاة والتزوير واللى واللى لحد الصبح يبقى طز ولا مش طز
بلدي غلى على لما تحميني وانا مش لاقي اللى يحميني غير ان اقول يارب احميني
بلدي غاليه على لما توفري لي شغل بعد 17 سنة تعليم وقرف يبقى ليه مش طز
وغيرها وغيرها وغيرها
يبقى طز وستين طز ولا لأ
ان المتابع لهذا الامر يجد ان حديث المرشد قد قص منه وتم التلاعب به لكسب موقف دنئ للنظام واتباعه من اجل التاثير في نهضه يقودها الاخوان من اجل تحرير هذه البلاد من مبارك واذنابه وكلابه من يريد ان يعرف الحق فليسعي الي ذلك وسيراه جليا
السلام عليكم ورحمة الله وبركاتهاخواني المصريين الشرفاء ابناء الرئيس البطل جمال عبد الناصر ايها المصراويين النصراويين ايها الابطال عليكم الجهاد ضد من يسمى رئيسكم الغير مبارك هاذا العميل الامريكي الاسرائيلي انا اعلم وكل شعب فلسطين يعلم انكم لا تقبلو المهانه ونحن نعلق عليكم ايها الشرفاء امال كبيره
شكرا علي كل التعليقات
(معنى كلمة طز) ,,
طز !
كلمة تركية و معناها "الملح "..
و يروى أن الحكومة العثمانية كانت تفرض ضرائب على التجار في جميع البضائع باستثناء (الملح) ..
فكان التجار العرب إذا مروا من عند المفتشين الأتراك يقولون لهم (طـز) !
أي لا يوجد معنا إلا ملح (والملح كما قلنا لم تكن عليه ضرائب) ..
وشيئا فشيئا صار التجار يقولونها بهدف السخرية من المفتشين الأتراك ..
وهكذا أصبحت هذه الكلمة تعني معنى سيئاً ..
هذه الكلمة تعني معنى سيئاً ..
بينما هي في الأصل ليست إلا بمعنى (ملح) !!!
Mister Cool
بس حقيقي يا جماعه أنا أصبحت لا أفرق بين الإخوان وأبناء الحزب الحاكم ,,
أصبح يظهر لنا يوم بعد يوم الوجه الحقيقي والنيه الحقيقيه لهؤلاء " الإخوان " والذين لا يبحثون إلا عن شيئان :,
1) الحكم ,, 2) السيطره على موارد البلاد ,,
بل أننا لم نرى من وقت أن ظهروا في الساحه السياسيه في إنتخابات البرلمنا الأخيره ,, لم نرى منهم وفيهم رجل يمكن أن نثق به وبقراراته أو بعمى أصح ,, قدوه ,,
لذلك أنا أقول للإخوان وقياداته " ملح " ,,والحدق يفهم ,,