الاخوان ..اللعب على المكشوف
اللعب الآن أصبح في المنطقة المحظورة وعلى حافة سلك رفيع إن لم يقتل الخاسر فسوف يقسمه نصفين
على نهج الفيلم الأمريكي الشهير "لا تراجع ولا استسلام " تسير الأحداث المتلاحقة الآن بين جماعة الإخوان المسلمين والنظام فقد دخل كلا منهما حلبة مصارعة واحدة، وأصبح الرهان في الوقت الحالي على البقاء للأقوى وليس للأصلح، على أن يموت الطرف الثاني بلا رجعة.
بلا رجعة
أشهر كلا منهما أسلحته لمجابهة الأخر في العلن وفى مسابقة حره ستكون عبرة لا يستهان بها لكل من يفكر أن يدخل تلك الدائرة ليجابه النظام المباركى وحزبه الحاكم.
وما يدل على أن تلك الجولة ستكون الأسخن من نوعها هو إعلان الرئيس مبارك نفسه لإشارة البدء في أوائل الأسبوع الحالي بتصريح يعتبر الأول من نوعه من حيث صراحته المطلقة في إعلان كرهه للإخوان المسلمين على الملأ لتستمتع القوى السياسية المختلفة – سواء المؤيدة لمبارك أو المؤيدة للاخوان J باللعب على المكشوف حيث لم تحتمل الجماعة هي الأخرى كما نعتاد منها، فلم يسعفها صبرها الدائم هذه المرة على تقبل ضربات النظام.
و ربما شعروا بأنهم اصبحوا ملطشة النظام في تصفية حساباته مع كل القوى المعارضة لنفاجئ بتصريح من المرشد العالم للجماعة في اليوم التالي لتصريح مبارك، وقد بدا وكأنه يقول نحن موافقون ومستعدون لبدأ الحرب.
حيث أعلن قيام الجماعة خلال عدة أيام قادمة بتأسيس حزب سياسي ذو مرجعية دينية وعلى الرغم من أن هذا التصريح يبدو طبيعيا في ظاهره إلا أن المعروف عن تلك الجماعة المنظمة إنها تسير وفق خطوات محسوبة ومدروسة وان إعلان تأسيس تلك الحزب لم يكن بالطبع وليد اللحظة أو رد متسرع على تصريح مبارك خاصة وان المرشد أكد أن الجماعة لن تتقدم بحزبها إلى لجنه شئون الأحزاب وهو ما يعتبر تحدى من نوع أخر معتمدين في ذلك على انهم يستمدون قوتهم -كما يقولون دائما- من الشارع المصري وليس من النظام
إحنا بتوع الشارع
الجماعة تتحدى بشعبيتها وكره الشعب لمبارك ونظامه في ظل ظروف اقتصادية قاسية وتقول له بالفم المليان "إحنا مش مستنين منك حاجة " ومبارك يتحدى معتمدا على أجهزته الأمنية القادرة على فعل أي شئ ممكن أن يتخيله عقل بشرى، وفى أي وقت.
وكانت البداية بحملة إعتقالات متوحشة طالت عددا كبيرة في عده أيام متتالية خلال الشهر الحالي وأصبح داخل السجون اثنين من كبار أعضاء مكتب الإرشاد هما المهندس الثرى خيرت الشاطر النائب الثاني للمرشد العام والدكتور محمد على بشر أحد قيادات الجماعة بالمنوفية ووسط هذا كله انزوت الأحزاب وتوارت ولم يصدر عنها حتى بيان ولو على ورقة مقطعة لإدانة تلك الإعتقالات في الوقت الذي يجتمعون فيه بمثابة كل أسبوع في مؤتمرات ضخمة تتخذ مساحات لا بأس بها على الساحة الإعلامية
في المنطقة المحظورة
وكل هذا يدل على أن الكارت الأحمر الذي أشهره مبارك في وجه الإخوان ومكتب الإرشاد –أعلى هيئه سياسية داخل الجماعة- أتي بثماره سريعاً وأدرك البعض ممن هبهبوا لمجرد الظهور على الساحة السياسية أن اللعب الآن أصبح في المنطقة المحظورة وعلى حافة سلك رفيع إن لم يقتل الخاسر فسوف يقسمه نصفين.
وعلى ما يبدو أن قانون المصالح سيكون الحكم الأوحد خلال الأحداث القادمة حيث تردد مؤخرا في الوسط السياسي والحزبي أخبار حول عقد مجموعة من الصفقات الخفية بين الأحزاب والنظام من اجل حرمان الإخوان من الانضمام تحت مظلة الأحزاب القائمة لخوض الانتخابات القادمة.
وعندئذ سيتفرق حرمان الإخوان بين القبائل وسيكون الحل الوحيد وقتها أن "نأخذ من كل رجل قبيلة " كما قال محمد سعد في فيلم عوكل وستتحول اللعبة في نهايتها إلى فيلم عربي سخيف بعد أن بدأت بداية أقوى الأفلام الأمريكية، وهارد لك .. لكل من أرهق نفسه في توقع النهاية وهنيئا لكل من كبر دماغه ..............
عدد التعليقات : 37
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ليس للاخوان قاعدة عريضة كما يدعون فأنا انتخبت اخوانى ليس حبا فى الاخوان وانما كرها فى الحزب الوطنى
ارتحت يا كاتب المقال يا عجر
حبيب العادلي
وهابي اخوانجي على حسب زعم المواقع المعادية للاسلام
لماذا
لان المواقع الحساسة في الشرطة ونخص بالذكر جهاز امن الدولة ممنوع ان يكون هناك غير مسلم في هذا المكان وبناء عليه حبيب العدلي وهابي متطرف
وقص على ذلك حسني مبارك لانه لا يقوم بتعيين مسيحيين في الجيش والاجهزة الحساسة في الجيش مثل المخابرات فهو اخواني وهابي متطرف.
وصدام حسني مع انه كان عنده معتقلات وسجون للاخوان وكان بيعدم الاخوان فوجىء بأنه من الاخوان المسلمين علشان خاطر كده واحه الاعدام وهذه المواقع تدين كل العرب والمسلمين بأنهم من الاخوان وعمروا موسى من الاخوان والوهابية يعني امام الكافر لا فرق بين واحد ملتحي وواحد حالق اللحية واحد بيصلي وواحد ما بيصليش طالما ناطق الشهادتين
كل المسلمين عايزين الدبح
واذكركم بمجاذر البوسنه والهرسك كل النساء المسلمان هناك معظمهم لم يكن محجبات على الاطلاق ومع ذلك واجهوا الاذلال لانهم ناطقين الشهادتين
ولذلك ادعو ان يفيق المسلمين ويعلموا ان ناطق الشهادتين مسلم وهابي سواء كان في امن الدولة او في الاخوان المسلمين سواء كان حسني مبارك او مهدي عاكف كلاهما اخوانجية وهابية
اعداء الاسلام بيقولوا كده
واشكر الاخوة اصحاب المواقع المعادية للاسلام انهم عرفونا هذه الحقائق
مقالك رائع يا أميره ، ككلل شغلك ، فعلا تستحقي التحيه ، وللأمام دائما ، وياريت تتحفين أكثر
يااميرة اهنمى بنفسك شوية
واعملى مكياج تقيل شوية
يمكن واحد يتهف فى مخة ويتجوزك
اكتبى عن الطبيخ وتربية العيال وكتاب ابلة فضيلة
مالك ومال السياسة والاخوان
دا ملك ومنظمة صاحبة
ابعدى عن المواضيع الشائكة دى
ولا اقول لك
اكتبى عن البخت
وياريت البخت الاسود
معلش يظهر الكلام عن الاخوان خلاك ترتبك علشان خاطر كده حاقولك نكته:
عملوا مسابقة لرجال المباحث في العالم في امريكا جابوا من كل بلد ضابط مباحث وودوهم صحرا كبيره وقالوا لكل واحد فيهم انتشروا في الصحراء وكل واحد يجيب تعلب فكل الرجال ذهبوا وكل واحد فيهم جاب تعلب الا المصري مجاش فراحوا يدوروا عليه ولما لقوه وجدوه ماسك كلب وعمال يعذب فيه ويقول له اعترف قول انا تعلب
ها ها ها ها ها ها ها ها ها ها ها ها ها ها
ليحل الشرفاء من الشعب المصري مكانه ...
ربنا يوفق الإخوان المسلمين وحركة كفاية
ظبطوا حمار عند الحدود الليبية
سألوة رايح فين
قال لهم هربان بيقبضوا على الثعالب جوة البلد
قالوا لة انت حمار مالك ومال الثعالب
قال لهم
حلينى بأة لما اثبت لهم انى حمار
بالنسبة للاخوان لو كان ربنا عايزهم كان وفقهم من زمان ولكن كل شوية والامور بتتعقد اكتر
وبالنسبة لحركة كفاية على ما يبدو اننا لازم نرفع شعار كفاية معتقلات كفاية امن دولة كفاية ترويع امنين ونترك الحكم لله يأتيه لمن يشاء
وحسبنا في ذلك قول الله تعالى وما اريد الا الاصلاح ما استطعت وما توفيقي الا بالله
والنكتة بتاعتك حلوه يا زعبله حضيفها الى قاموس النكت بتاعي
والنظام بيلعب بيهم كلهم زي القط لما بيلعب بالفار قبل أكله..
ومحدش عارف البلد راحه فين..والشرفا متحجز عليهم سواء كانو تيارات ولا حتى مثقفين !!
والمستقلين عماليين ياكلو في بعض !!
في حالة من الاحباط والقرف ...والبلد وقعت وصدقوني مفيش رجا منها !!!
أحسن حاجة يعملها الاخوان إنهم يسبو البلد زي ما هي بدل وجع القلب والبهدله والسجن وشحططة اهاليهم ومحاربتهم بسلاح الجوع ..لأن لا الحكومة هترحمهم ولا المعارضة هتقدرهم وتعاونهم ولا الشعب هيساعدهم..يا جماعة الاخوان ..البلد ماتت متتعبوش روحكم..ومهما عملتم ..الناس كلها معارضة ومستقلين ..قريبين وبعيدين..النظام غاسل مخها من نحيتكم..متنحروش قلبكو على الفاضي !!
الإخوان الـ80 سنة كانت خطتهم أسلمة المجتمع...... يعني يخلوا الناس أقرب لربنا ( عدد المحجبات يزيد - عدد الناس اللي مقتنعة بوجوب الحكم بالمنهج الإسلامي يزيد)
وأعتقد إنها نجحت ...
المرحلة الجاية .. الدولة المسملة ... ودية بانت إنها قربت...
عشان نخش في المرحلة الرابعة الخلافة الإسلامية..
والخامسة أستاذية العالم
مر مسئول امن دولة وقال للرتبة اللى معاة
النهاردة المغرب يكون عندى اخبار التمثال دة
المغرب راح الرتبة قل لة
تمام يافندم المثال دة لنفر رع امون رع
ومات وعندة 30 سنة وكان خادم فى القصر
سألة القائد
وعرفتوا المعلومات دى منين
تمام يا افندى التمثال اعترف
1) الغاء فكرة التعيين نهائيا واقرار مبدأ التعاقد فقط وهو السيلة الوحيدة للتوظيف
2) العقد يحرر كل خمس سنوات وفي نهاية مدة العقد (يعمل كشف حساب) يعني يجدد له العقد ام لا
3) توسيع سلطة الجهة الادارية في التحقيق والفصل من العمل (يعني التحقيق في نفس مكان العمل) وتلغي فكرة التحقيق مع الموظف في النيابة الادارية (الجهة المحايدة والمختصة قانونا في التحقيق مع الموظفين طبقا للقانون الحالي لسنة 1978) ,يعني من الاخر دلع المدير بتاعك وهشكة احسن يغضب منك ويزعل ويقوم بفصلك في اي وقت وبدون ابداء الاسباب,وحتي لو الموظف مش عمل اي غلط.
4) ابقاءالموظفين الحاليين المعينين الدائمين في وضعهم الحالي بمزايا القانون القديم 1978 والقانون سيطبق فقط علي المتعاقدين الحاليين في الحكومة ومن سيدخل مستقبلا في الجهار الاداري (يعني انت في الشغل تشتغل زيك زي الموظف المعين ويمكن اكتر منه ولكن هو قاعد لحد سن المعاش وانت بعد انتهاء مدة العقد الخمس سنوات وبعد اكسابك الخبرة الوظيفية واستقرارك الاسري تروح في ستين الف داهية) من الاخر كده في مبدأ المساواة في الدستور وتكافؤ الفرص بين المواطنين, وحق العمل.
من الاخر ياناس ده قانون ظالم وسيهدم اركان المجتمع الذي يقوم علي الاستقرار الي مجتمع يقوم علي التعاقد المؤقت ثم الي الشارع انت واسرتك ايه الموظف المسكين.
مليون مرة هنقول لا للحزن الوطنى الى خلى عشتنا كلها حزن وقرف الواحد لحد دلوقتى مش عارف طريقة فين نفسى كدة الواحد يقا بل حسنى مبارك ويقولة كل الى جواة من كبت ومرارة ومن قرف منها ومن شلة الحرمية الى حولية عاوز اقولة كفاية وخلاص قرفنا منك ومن شكللك ومن كذبك حرام عليك اتقى الله فى الشعب الغلبان الناس ماتت من الجوع والله اعرف ناس مش لقيه تا كل حرام والغريب ان الحزن الوطى اى الحزب الوطنى كل حاجة ومصيبة لية مخر جا عندة نعم ومليون نعم للا خوان حتى لو الواحد مات ومهما دخاتونا معتقلات حتى تعذيب الشرطة فى الا قسام فبر كو ها فى بر نا مج البيت بيتك والله يا اخونا دى حكومة مستبدة طيب خلى واحد كدة يد خل قسم شرطة فى مشا كلة ويشوف الى هيحصلة دى الظابط حاسس نفسة انة نزل من السماء وان الناس عندة عبيد والله ما دايم غير ذكر الله وحسبنا الله ونعم الو كيل واخوانى من المهد حتى الممات لو كرة الحقدون
من يوم متولدت وانا بعرف الاخوان المسلمين والاخت اللى كاتبة المقال بتقول عليهم خطواتهم منظمة وانا واشهد الحق مشفتش ليهم اى خطوات على مدار 50 سنة هيا عمرى اللهم الا الانتخابات الاخيرة غير كدة شجب واعتراض وبس
وبالنسبة لشعبية الاخوان احنا منعرفش الاخوان قوى لكن فى الانتخابات الاخيرة كنا مستعدين نتحالف مع الشيطان ولا مرشح الوطنى يكسب اما بالنسبة لبرامج الاخوان المسلمين فانا اؤكد لكم انى وناس كتير جدا من انصار الوسطية يعنى نظام السعودية فى الحكم الاسلامى مينفعشى لية لاننا عشنا عمرنا على كدة ومش مستعدين نعمل غير كدة والحمد للة مبنغضبشى ربنا اصل مصر مش القاهرة وبس الخير كلة والادب كلة فى الريف
في رأيي إن الشعب المصري شعب واطي ومعندوش استعداد إنه يقدم شئ لبلاده..هو بس عنده استعداد يضحي بالآخرين في سبيل لمة العيش..شعب خسيس..ذليل..ميستهلش أي تحرك من أي قوى سياسية سواء كانت إخوان ولا غيرهم..لأن أي حد بيحاول يغير ..كأنه بينفخ في قربة مخرومة..
والاخ إلي علق تحت عنوان الفلاح الفصيح ..أشك بنسبة 99% إنه من الاساس معندوش بطاقة انتخاب..فميهجص..ويرسم على قفانا !!
لأن من الاساس محدش راح ينتخب من المصريين..وإلي نجحو في الانتخابات نجحو بالحشد..وإلي راح انتخب الاخوان هما الاخوان ..والي انتخب الحزب الوطني هما الحزب الوطني أو المرتبطين معاهم بمصالح..زي العشرة جنية مثلاً ولا شنطة الرز والسكر والزيت...متقليش كلام فارغ عن كره المصريين في الحزب الوطني وكلام لامؤخزة ميدخلش على عيل صغير !!!
اتضح ان جماعه الاخوان ماهى الا جماعه من المنكفئين المنبطحين و لا حول لهم ولا قوه فالضربات تتوالى على اصداغهم و هم لا يحركون ساكنا - على اساس انهم مسالمين - و ده يرجع لموروثهم القديم من التخادل و قله الحيله و على ان فيه معجزه حتحصل تغير مقلب الزباله اللى كلنا عايشين فيه
اه يا بلد!!!!!!!!!!!!!
الواحد محتار..هي الناس عايزة ايه من الاخوان المسلمين ايه القرف ده الجماعة دي هي إلي شايلة هموم الاصلاح ومحاربة الفساد في البلد ومحدش عاجبه ..يا ريت إلي بتكلم يقول حاجة كويسة أو يحط لسانه في بقه ويسكت لأن الوضع مش هيستحمل مجموعة العواطلية مناضلي الكي بورد ..وبالتحديد طرنش المجاري إلي علق تحت اسم "أنا"
لا للتوريث لا لجمال مبارك لا لسوزان مبارك نعم للإخوان المسلمين
آه هي اللعبة وسعت فعلا بس مش متأكد من إن موضوع التصعيد ده هيطول لأن دي مش سياسة الإخوان
بس عموما
بكرة نقعد عالحيطة ونسمع الزيطة
ليس هناك من شك نهائياً أن الإخوان المسلمين هم اليوم أقوى فصيل سياسي على الساحة في مصر وهم أقوى اللاعبين على الإطلاق .. أقوى من الحزب الوطني ذاته الذي هزموه شر هزيمة في انتخابات 2005 برغم ما يعانون من تضييق وتزوير وقرف وبلا أزرق ..
وكعادة نظام مبارك الواطي في تحطيم كل المنافسين وتدمير الحياة السياسية بالكامل هو يريد اليوم القضاء على الإخوان ولن ينجح .. لن ينجح .. فهو كناطح صخرة لوهنها فلم يوهها وأوهى قرنه الوعل .. فما بالك إذا كان تور وتور عجوز كمان .. خارت قواه وبقى بيخطرف ويهلضم بكلام غير مبرر بالمرة ..
قلتها قبل كده يا جماعه .. إكرام الميت دفنه .. ادفنوه وريحوا مصر بقى من هبلته وقرفه ..
نرجع مرجوعنا للإخوان المسلمين .. يراهن نظام مبارك الواطي العميل على ثلاثة أحزاب هي الوفد والتجمع والناصري .. سيبك من الناصري دلوقتي لغاية ما يخلص من اللي جواه .. النظام البائد قريباً بعون الله بيراهن على الوفد والتجمع .. وتقدروا تحسبوها من دلوقتي إذا فلحت اللعبه .. نظام مبارك الواطي وعد الوفد والتجمع بعشرين مقعد في البرلمان الجاي وزادوهم بيقولوا تلاتين وفي رواية أخرى خمسين وتضاربت الروايات ... المهم في النهاية مبارك وعدهم بشوية كراسي يترصصوا عليها في البرلمان عشان يقفوا جنبه في تمرير عيشة مصر بتمرير الشعوذات الدستورية ..
الحصاوي الواطي فاكر إنه مسنود على أحزاب وهو مش داري إنه خربها من زمان وما عادش فيه وفد ولا تجمع في الشارع .. يعني حيطه مايله يا واطي وراح تاخدك وتقع .. والإخوان ليسو بهذا الضعف الذي يتخيله عقل النظام الغبي وتقارير حبيبه العادلي الهبل وبوبيهات النظام بتوعه .. الإخوان في عز اضطهادهم والتضييق عليهم اكتسحوا الحزن الوطني في الانتخابات وهو اللي في يده مفاتيح كل شيء وال
اقرأ بقية التعليق ..
انت ايضا منكفىء و منبطح
فلا يوجد ادنى فرق بينك و بينهم
فلتفنى عمرك منتظرا لما لن يأتى
"لا يغير الله ما بقوم.........."
واضح جدا اننا فى مأزق
من سيحكم البلد
التوريث ومش نافع لان مصر مش سورية
ثم انة بالسياسات دى لا شرطة ولا جيش ولا امن مركزى هتقف قدام ثورة الجياع
لا حظوا فية ناس بتنام دلوقتى من غير عشاء
نتيجة فقر
اذن اللى هيحكم البلد دى واحد عسكرى لواء
من هو ؟
فيما تأتى بة المقادير
بتوع الاخوان ينسوا
واى حزب تانى ينسى
الفوضى قادمة
وربما بدفع امريكى
انتهى
الشعب الوحيد اللى فى نشرات اخبار العالم
تتصدرة
ليس انجازات ولا افتتاح مدارس
والامنتج جديد
والا تطوير لدواء او علاج
الشعب الوحيد الذى تتصدر اخبارة اعتقالات
اعتقالات طلبة
ومعارضون يطلق عليهم اخوان
ومعتقلون خطر على الامن
ومعتقلون للاشتباة
ومعتقلون بقضايا مفتعلة زى ايمن نور وعصمت السادات
كل يوم اعتقالات
ملينا
ملينا
هل نحن فى عصر الاغوات والمماليك
شوفوا صورتكم على شاشات التلفزيونات العالمية
بقت قميئة ومقرفة وتجيب الغثيان
عملوا مسابقة لرجال المباحث في العالم في امريكا جابوا من كل بلد ضابط مباحث وودوهم صحرا كبيره وقالوا لكل واحد فيهم انتشروا في الصحراء وكل واحد يجيب تعلب فكل الرجال ذهبوا وكل واحد فيهم جاب تعلب الا المصري مجاش فراحوا يدوروا عليه ولما لقوه وجدوه ماسك كلب وعمال يعذب فيه ويقول له اعترف قول انا تعلب
(2)
ظبطوا حمار عند الحدود الليبية
سألوة رايح فين
قال لهم هربان بيقبضوا على الثعالب جوة البلد
قالوا لة انت حمار مالك ومال الثعالب
قال لهم
حلينى بأة لما اثبت لهم انى حمار
(3)
عالم اثار بيفحت جنب الهرم -لقى تمثال جميل جدا بس للاسف معلهش اى كتابة ولا اى دليل على صاحبة
مر مسئول امن دولة وقال للرتبة اللى معاة
النهاردة المغرب يكون عندى اخبار التمثال دة
المغرب راح الرتبة قل لة
تمام يافندم المثال دة لنفر رع امون رع
ومات وعندة 30 سنة وكان خادم فى القصر
سألة القائد
وعرفتوا المعلومات دى منين
تمام يا افندى التمثال اعترف
انا اتفق تماما مع زهره الرمان
كدا صح ابتدينا نفهم
اللى يحكم البلد واحد عسكرى
من الجيش
مين بقى
الحدق يفهم؟؟؟؟؟؟؟؟؟؟؟؟؟
ايام المرحوم صلاح نصر
الحزب الوطنى فى مصلحتك والمستقبل ليك بكرة شباب مصر هيشتغلوا وبكرة تشوف بعنيك
اكيد سمعتوا الاغنية الى مبتاكش عيش دية هو دة ببساطة الحزب الوطنى مجرد اغنية مشروخةببرامجة باجتماعتة بنوادرة بحركاتة النص كم اما بالنسبة للخوان المسلمين فهما ناس طامعة فى الحكم بشتى الواسائل ولاغير الحكم اما الناس فابنسبالهم على الهامش هما بيحولو يظهروا انهم مسالمين لكنهم غير كدة بدليل كلمة المرشد العام الهى يختلف معايا هديلوا بالجزمة هما دول ببساطة الحزب الوطنى والاخوان فمن الاخر كدة خليك مع اللة احسن من كل هذاااااااااااا
رغم قوة الاخوان المعروفة لاكنها اضعف بكثير من الوطنى الغاشم وحسنى القاسى الرجل الذى هان علية شعبة فما بالك بالاخوان المعارضة
مش عارف مين اللي حط الصورة دي ...
مش الصورة لازم تعبر عن الموضوع ...؟؟
الإخوان عمرهم ما لبسوا إسود كده ...يبقي فين التعبير؟
أنا مكنتش عايز أعلق علي الحاجات دي ... بس دي كده .... ملهاش دعوة بالموضوع خااالص
أنا أسف ...يا أميرة ...
بس أنا قلت إني مش حاسكت ...
لا للتمديد ... لا للتوريث ... نعم لتعديل الدستور المصري
mohamedmat@hotmail.com
الفوضى نائمة لعن الله من يوقظها
بعد 36 تعليق , وكل ادلى بدلوه وراية فى هذا الموضوع اختلف الناس عن احقية الاخوان بالحكم هل هم من الطغاة البغاة ؟؟ ام من التقاه ؟؟
ذهب البعض الى حكم العسكر , اه من حكم العسكر اما ان الاوان ان ينتهى حكم العسكر ام ان هذا الشعب تعود على ذلك تعود على حكم الطغاة ؟؟؟
ماذا جنينامن حكم العسكر غير المذلة والهوان بين الناس ؟ حكموا عقولكم وقارنوا بين من يريد الاصلاح فعلا وبين من يريد الكرسي ؟؟
اخوان كفاية ناصري ,,,,, اى ملة ولكن كبداية غيرووا مبارك..
على كل حال اثرت الانتظار الى ان ارى اراء الناس فى الاخوان وغيرهم ,, ولله الحمد الكل متحد على التغيير .