بلد إشاعات صحيح
أحدث الإشاعات التي سمعتها عن سفاح المعادي.. أولا إنه مش سفاح واحد.. دول أثنين، واحد بمطواة وواحد بقطر..
24/01/2007
مي كامل – ولاد البلد:
لست أدري سمعت عن "سفاح المعادي" تذكرت الفقرة الراقصة في مسرحية "ريا وسكينة" حين كانت الفرقة الاستعراضية تغني "إشاعات إشاعات إشاعات.. بيقولوا فيه عصابات بتخطف في الستات".. ثم يصرخون "إشاعااااات اشاااااعات".. وأحب أن أتوقف ها هنا لأن الصرخة بأنها "إشاعاااات" كانت معبرة حقا عن إننا بلد إشاعات.. صحيح.
وتبدأ السلسة المشعشعة "نسبة لإشاعات" بأن تجد أول من يسألك "سمعت عن سفاح المعادي؟"..
وعنها.. يبدأ الأخ أو الأخت في الاسترسال وكأنها، أو كأنه، رئيسة المباحث وكل المعلومات تصب عندها.. وتقولك على خطة البوليس اللى هيعملها وكأنها كانت معهم امبارح، لا سبيل للشك أن هناك مجرم في المعادي يستهدف البنات.. أكتر من كدة محدش متأكد بس ده ميمنعش الشارع المصري طبعا من الكلام خاصة وأننا "نحب نهيص" في الزحمة.. دي فرصة وجت لحد عندنا لو منتهزنهاش منبقاش إحنا!
أحدث الإشاعات التي سمعتها عن سفاح المعادي.. أولا إنه مش سفاح واحد.. دول أثنين، واحد بمطواة وواحد بقطر.. والجديد أنهم خمسة.. ولو حابين أحرقلكوا إشاعة بكرة يبقى أكيد هيقولوا أنهم فريق كورة ومتوزع على المعادي بهدف الإبادة الجماعية.. مع أن المعادي كلها على بعض حي صغير جدا مش مستاهل خمسة سفاحين.. ولا فريق كورة.
السفاح كمان مبيضربش اللي لابسه واسع ومحترم.. بينشن البيه على اللي لابسه ضيق.. حتى لو محجبة، أهم حاجة متلبسش ضيق "ياسلام ع السفاح التقي الورع".. ولاحظي أنهم مش واحد دول اثنين.. واحد بيضرب اللي لابسه ضيق والثاني بيعور اللي تلبس بنطلون.. "شوف حسن التنسيق والتوزيع.. ليهم حق يعملوا فريق كورة".
على الناحية الأخرى من الإشاعات يقال أن رجال البوليس متنكرين علي هيئة بائعين خضار.. واللي قالت الجملة دي وهي مبسوطة قوي بالتكنيك العبقري للشرطة بتاعتنا لقيتني بقولها جملة واحدة "لما أنتي عارفة أنهم متنكرين في بياعين خضار يبقى أكيد السفاح شخصيا عرف ده إذا مكانش حد راح قاله!"
وكل ما تنزل تركب ميكروباص ولا أتوبيس ولا تاكسي تكتمل سلسلة الإشاعات وتسمع أنه "يعني السفاح" بيتنكر في منقبة أو يقولك "حرص على نفسك أحسن ده بيطلع الشقق ويستنى البنات وهي خارجة من بيوتها".. كانت أجمد إشاعة زي كدة.. أجمد نكتة قيلت كانت ان السفاح مسك بنت في منطقة "العرب" -ولمن لا يعرف العرب منطقة من أزحم مناطق المعادي- وقعد يشرّح ويقطّع في بنت والناس خايفة تقربله "كان في إيده أكتر من سلاح".. ما هو لو في إيده أكتر من سلاح يعني الراجل ملخوم يعني في لمح البصر كانت الناس نزلت فيه ضرب.. لأ والأحلى يقولوا إن الشرطة كمان كانت واقفة ومش عارفة تعمله حاجة وهو يصرخ ويقول "فرجوني هتعملوا إيه؟"!!..
مؤخرا الكل خائف من السفاح.. أي بنت ماشية بتلاقيها بتبص وراها حوالي مرة كل دقيقتين لتطمئن أن محدش متعقبها.. مؤخرا أيضا وأنت ماشي في المعادي يستحسن متهوبش نحيه أي بنت وإلا هتلاقي سارينة من حلقها طلعت والناس ملمومة حواليك.
أفضل ميزة في إشاعة السفاح أن اللي كان بيعاكس، بقى "لامم" نفسه لأنه عارف أنه لو قرب ناحية بنت هيتأذي جامد قوى.. والعيب في إشاعة السفاح أنه بقى مادة للمعاكسات.. تلاقي الولد مطلع نص جسمه م الشباك وبيزعق "هجيب السفاح وجي".. والبنت نيبقى نفسها تقوله "ولما يجيلك بقى أمين شرطة ويعرّفك مقامك، ساعتها إن شاء الله هنشوف مين اللي هيجيب مين وييجي"
الجميل في الأمر أن كل يوم تقريبا تلاقي اللي يقولك "أسكت مش كانو هيمسكوه إمبارح.."
طب إيه اللي حصل؟ "لأ.. أصله جري منهم.."، وبعدها "أسكت مش كان هيتمسك إمبارح.."، ياسيدي وإيه اللي مخليه متمسكش؟، "لأ أصله هرب منهم في عمارة.. وطلعوا وراه بس نط من السطح لسطح العمارة الثانية وفجأة اختفى.."!
سيرة السفاح بقالها كدة أكتر من أسبوعين.. إحنا زهقنا وهو مزهقش.. أعتقد أني لو قابلت هذا المجرم في يوم هقوله "بقولك إيه يا تقتلني يا أقتلك لإني زهقت من سيرتك يا أخي!"
• حالة العدالة متردية!
• معرض كفر البطيخ للكتاب
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
المهم الضابط قعد يحلف ان ما فيش حاجة اسمها سفاح ولا حاجة وقعد يطمن اولياء الامور في منتهي الادب والوعي بالموقف الامني بجد مش هزار لكن المفاجئة الكبيرة انه يا دوب قدر يقنع الناس انها اشاعه واذا بسائق العربة جاي من بعيييييد وفي يده دوسيه مكتوب عليه بالقلم الاسود العريض ( سفاح المعادي ) وقال له " انت نسيت الورق ده يا باشا"
طبعا الراجل اتكسف ودخل المدرسة جري والله اعلم عمل ايه في السواق
اصل الجماعة كل ميتزنقوا يروحوا عاملين اشاعة تلهى الناس عن اللى بيحصل او اللى هايحصل
انا مش عارف اقول ايه بس
بس انا مش متعود انه اقرأ حاجة ويتحرق دمى بيها ومش اعلق
الموضوع صراحة فكرته حلوه وديه يمكن الميزة الوحيدة لان التنفيذ سئ جدا جدا
ونمسك حاجة حاجة
1- الموضوع كله معمول كده " بالفهامة يعنى " يعنى مفيهوش سطر واحد حسيت ان صاحبه الموضوع تعبانه فى معلومة فيه
2- انتى عماله تتكلمى عن الاشاعات طيب بالله عليكى انتى تعرفى معنى مصطلح اشاعة
" كان المفروض يااستاذه تاخدى راى استاذ متخصص فى الدعاية عشان الاشاعات احد تكنيكات الدعاية
3- ضرورى جدا انك كنتى تاخدى رأى دكتور علم نفس يحلل نفسية ضعاف العقول الذين تستهواهم الاشاعات
4- انتى ماتعبتش نفسك ورجعت للارشيف عشان تعرفى الوقائع المشابهم كخلفيه لموضوعك
وأخيرا ... كان لازم تلفتى النظر لوجهة النظر القانونية فى موضوع الاشاعات ..بس هى جت على ديه
Submitted by عبدالله النديم on Wed, 22/02/2006 - 00:54. من الحياة
إلى الشعب المصرى القاطن على نهر النيل, لاتشرب المياه, المياه بها انفلونزا
فى ثوانى انتشرت تلك الصيحة, ولاقت صدى, عرفت كدة بعدما اكتشفت اختفاء امبريال من على الخريطة, رحت كعادتى السيئة اشترى شيكولاتة من البقال, باكل شيكولاتة كتير جدا لدرجة انى حاسس انى هموت بالقلب قريب, قال ايه ياسيدى لقيت الناس ملمومة وكله بيشخط ويزعق ويهتف عايز كرتونة مياة, هاتلى كرتونة مياه, سألت لانى حشرى زى مانتوا كلكم عارفين, قالولى المياه فيها انفلونزا, رديت عادى يعنى اشاعة والحكومة كذبت, وبعدين هى هتحوق معانا ماحنا عايشين فى ظل وباء عام اسمه حكم مبارك ومبيدات والى ولا حصل لنا حاجة
وانت بتصدق الحكومة يا استاذ, رد حاج طيب واقف جنبى, قلتله: يعنى ساعات بصدق, انما على حد علمى ان المرض ما بينتقلش الا بالاختلاط بالفرخة, حاجة كدة زى العشرة بينك وبينها يقوم يطلعلك ريش
التفت لم يكن مهتما بالسماع كان مهتما بالكرتونة وهى بركة ولاحياة, مش عارف ايه الفرق, اشتريت الشيكولاتة , واكتشفت خناقة على سعر الكرتونة, هى بخمستاشر ولا بعشرين, انا طبعى حنفى , اى بشرب من مياه الحنفية, فما مش عارف هى اساسا بكام
التفت خارجا كانت هناك سيدة عجوز واقفة على الباب سمعتها تقول رزق الهبل على المجانين
رزق الهبل على المجانين, لخصتها تلك السيدة, رزق الهبل الذى رفع سعر الكرتونة وغرق الفراخ فى النيل, وجعل عامل البوفيه عند عمرو عزت يغلق البوفيه ويقول لهم انفلونزا يا باش مهندسين
وماشيا فى الشارع اغنى
اشاعات اشاعات اشاعات
اشاعات اشاعات اشاعات
بيقولوا فيه فرخات
ميتة فى الميات
اشاعات اشاعات
فتحت بيت ناس اشاعات
اوقفنى احدهم, تخيلت ان يسألنى عن بطاق
اقرأ بقية التعليق ..
يا مي اهنمى بنفسك شوية
واعملى مكياج تقيل شوية
اكتبى عن الطبيخ وتربية العيال وكتاب ابلة نظيره
يمكن واحد يتهف فى مخة ويتجوزك
مالك ومال الاشاعات
دا ملك ومنظمة صاحبة
ابعدى عن المواضيع دى
ولا اقول لك
اكتبى عن البخت
وياريت البخت الاسود
بلدياتى فلاح كفر الهنادوة راح للدكتور
الدكتور فحصة وكشف علية وقال لة
علاجك المشى --- لازم تمشى
بعد 3 اشهر اتصل بلدياتى بالدكتور
يا دكتور انا مشيت ووصلت حدود تركيا اكمل
1) الغاء فكرة التعيين نهائيا واقرار مبدأ التعاقد فقط وهو الوسيلة الوحيدة للتوظيف
2) العقد يحرر كل خمس سنوات وفي نهاية مدة العقد (يعمل كشف حساب) يعني يجدد له العقد ام لا
3) توسيع سلطة الجهة الادارية في التحقيق والفصل من العمل (يعني التحقيق في نفس مكان العمل) وتلغي فكرة التحقيق مع الموظف في النيابة الادارية (الجهة المحايدة والمختصة قانونا في التحقيق مع الموظفين طبقا للقانون الحالي لسنة 1978) ,يعني من الاخر دلع المدير بتاعك وهشكة احسن يغضب منك ويزعل ويقوم بفصلك في اي وقت وبدون ابداء الاسباب,وحتي لو الموظف مش عمل اي غلط.
4) ابقاءالموظفين الحاليين المعينين الدائمين في وضعهم الحالي بمزايا القانون القديم 1978 والقانون سيطبق فقط علي المتعاقدين الحاليين في الحكومة ومن سيدخل مستقبلا في الجهار الاداري (يعني انت في الشغل تشتغل زيك زي الموظف المعين ويمكن اكتر منه ولكن هو قاعد لحد سن المعاش وانت بعد انتهاء مدة العقد الخمس سنوات وبعد اكسابك الخبرة الوظيفية واستقرارك الاسري تروح في ستين الف داهية) من الاخر كده فين مبدأ المساواة في الدستور وتكافؤ الفرص بين المواطنين, وحق العمل.
من الاخر ياناس ده قانون ظالم وسيهدم اركان المجتمع الذي يقوم علي الاستقرار الي مجتمع يقوم علي التعاقد المؤقت ثم الي الشارع انت واسرتك ايه الموظف المسكين.
الموضوع ساخر وأسلوبه فضفضة وده عاجبني جدا، وأنا لو عايز أقرا تحاليل يا عم شريف وآراء متخصصين والهجص اللي مبيفدش وبقاله 80 سنة بيتكتب كنت اشتريت أخبار الحوادث ولا أي جرنال خنيق من إياهم!!!
الناس مش عايزة تضحك!
mr sheref enta shaklak keda mebayad me7ara 3amal te2ata3 fe farwet kol wa7ed kateb haga hena zay maykon sa3atak taha 7esen ya7'e kos omak