ضد الرئيس..
بالتأكيد تذكر أحمد زكى فى فيلمه "ضد الحكومة" ورغبته في محاسبة المسئولين فى النظام على جريمة هم مسئولين عنها بالتواطؤ والاستهتار باحتياجات الناس والحفاظ على أرواحهم..
وإن كان أحمد زكى أكمل فيلمه ومات.. ففي محكمة القضاء الإداري بمجلس الدولة ظهر
12/04/2006
بالتأكيد تذكر أحمد زكى فى فيلمه "ضد الحكومة" ورغبته في محاسبة المسئولين فى النظام على جريمة هم مسئولين عنها بالتواطؤ والاستهتار باحتياجات الناس والحفاظ على أرواحهم..
وإن كان أحمد زكى أكمل فيلمه ومات.. ففي محكمة القضاء الإداري بمجلس الدولة ظهر المواطن سعيد محمد عبد الله سليمان، وهو بالمناسبة من "الوارق" يستكمل الجزء التانى من "ضد الحكومة".
بشكل أكثر إثارة وقوة يستكمل سعيد سيناريو الفيلم، فهذه المرة السيناريو لا يتضمن محاكمة الوزير أو رئيس الوزراء بل رئيس الجمهورية وأسرته..
فالدعوى مرفوعة تحت رقم 3019 لسنة 60 قضائية ضد الرئيس بصفته ووزير العدل ورئيس مجلس الشعب وسوزان مبارك رئيس المجلس الأعلى للمرأة وجمال مبارك رئيس لجنة السياسات وأمين عام مساع الحزب الوطنى.
وصاحب الدعوى طالب بإلغاء القرار الذى يمنع محاكمة الرئيس تمهيدا لمحاكمته بسبب عدم احترامه للولاء للنظام الجمهورى وتحويل نظام الحكم إلى نظام ملكي يخدمه هو ومصالح أسرته، واتهم الرئيس أيضا بأنه يعطل تنفيذ مواد الدستور ويتسبب فى انهياره وأنه يتحكم في جهاز أمن الدولة ويترك له حرية أن يكون الأمن هو الحاكم الفعلى للبلاد..
كما طالب بمحاكمته لأنه انفرد بتعديل المادة 76 من الدستور بمخالفة للأصل الثابت فى المادتين 62 و75 من الدستور.
كما يطلب محاكمته على إهدار المال العام وبيع القطاع العام وتدمير الحياة الحزبية فى مصر، واتهمه بأنه سبب إفقار الشعب المصرى وتجويعه.
أما جمال مبارك فقد اتهمته الدعوة بأنه استغل أسمه فى جمع الأموال من غير شرعية "سرقة يعنى" وفى نهاية الدعوة طالب المواطن سعيد سليمان من المحكمة إلزام الرئيس ووزير العدل ورئيس مجلس الشعب وسوزان مبارك وجمال مبارك برد مبلغ "500 مليار جنيه" قيمة القطاع العام والمعونات المنهوبة.
يذكر أن تلك الدعوة ضد الرئيس ليست الاولى فقد سبقها دعوة تقول أن الموجود حاليا ليس الرئيس مبارك وإنما شبيه له ودعوة أخرى تشكك فى شرعية وجود الرئيس فى منصبه..
ورغم أن الجميع يعلم أن تلك الدعوة قد يكون مصيرها سلة المهملات أو قد يكون مصير صاحبها حياة طويلة الأمد وراء الشمس بينما فى كل دول العالم من حق أى مواطن ماشى فى الشارع ومش عاجبه حال الشارع أو "اتكعبل فى مطب" أن يرفع قضايا تطالب بمحاكمة..
المسئولين من الغفير حتى رئيس الجمهورية ويحصل على حقه بالتمام والكامل بل ويأخذ من الجميع تعظيم سلام .
• اعتقال طلاب جامعة حلوان!
• لا أخلاق في الرياضة!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
بالذمة هي دي بس الجرائم اللى هيقاضوه بيها هو و العائلة المالكة !! على كلا أنا أطالب بأقصى عقوبة و هى إرغام العائلة المالكة على السكن فى بدروم من بدرومات الغالبة فى الدويقة و إرغامهم على إستخدام أتوبيس النقل العام المنقرض أبو ربع جنيه و التزنيق فى الاتوبيس و الباقى أنتو عارفينه و إرغامهم على صرف مرتب لا يزيد عن 400 جنيه (بعد حوالى 12 سنة خدمة فى أى مصلحة حكومية و لو إن ما يتخفش على الريس لأن بمؤهلاته ممكن كمان يحوش الــ 400 جنيه و طبعا أنتم عارفين الطريقة و البركة فى الدرج الشمال) و إرغامه على صرف الــ 400 جنيه دول على عائلته الكريمة و إبقى قابلنى لو بقى منهم نص جنيه يوم 3 فى الشهر و لو إن الست الأولى مدبرة من زمان و عارفين قصتها مع التدبير من خلال الفيلم إياه بتاع علاء و جمال فى الصندوق و إرغامهم على العمل فى شركة قطاع عام من اللى هيتخصخصوا و بعدها هيترمى فى الشارع بعد ما يعطوه الفتات اللى هيضيعوا مصاريف فى البيت و بعدين فى الأخر طبعا نهاية سعيدة جدا و هوه إنهم هيكسبوا رحلة عمرة علشان يكفروا عن سيئاتهم و المفاجأه اللى فى أخر الفيلم و الكاميرا بتعمل كاوز قبل كلمة النهاية و تركز على إسم العبارة نلاقى العبارة إسمها (السلام ختام) أقصد أى (سلام) لأن كلهم بيجرشوا أخر الليل فى حضن سمك القرش المفترس بتاع البحر الاحمر و ده طبعا أكيد نهاية سعيدة .... و سعيدة جدا ... للشعب المصرى
مش حاسيب ودة قدر ونصيب اسيب العز والجاة واكل السمك البكلاة دة غير فلوسي اللي من المعصرة لحد الانفوشي دة غير الخدم والصبيان من الوزير الاول لغاية قايد عسكر طربوشي دة غير البرلمان اللي مليان خرس وطرش وعميان والجرايد اللي بتكتب عني من الصبحيةللعصرية والمباحث الصاحية طول النهار عشان حركة كفاية اللي بيقولو عنها حركة شطار لكن علي مين دانا كنت طيار يا اولاد الحمار
دى مش بس القضايا إللى إرتكبها حسنى مبارك ده قتل الشعب كله بتهميشه ليه ده نهب مصر كلها ده خلى الشباب كله مدمن علشان ينسى الضياع إللى فيه دى قضى على الديمقراطية بحبسه لرؤساء الأحزاب وللصحفيين ده لازم يرجع كل الفلوس إللى نهبها من مصر ويمنع من إحتلال شرم الشيخ ده صدر البترول لأمريكا بنصف الثمن لمدة عشرين سنه لقدام ده فتح أنابيب الغاز الطبيعى لإسرائيل تحت تصرفها ده خلى قناة السويس تمر فيها الأسلحة علشان تضرب العراقيين ده وقع الشعوب فى بعضها علشان يظهر بصورة المصلح الدولى ده بالعربى كده خــــــــــــــــــــــــــــــــائن ولازم يعدم على أيدى أبناء الشعب كلهم.
عمرة ما قال حاجة فيها صدق للشعب ويوم لما سألوه إيه البرنامج الإنتخابى بتاعك كان عامل زى ما يكون واحد بيسألوه عن شيء هلامى وقال إن البرنامج بتاعه ماشى وشغال كويس وبعد كده عمل برنامج غير عقلانى علشان يصلح فساده فيه وبدل لما الشعب يحاكمه على الفساد هوة إللى بيحاكم القضاه والصحفيين والشعب على فضحهم لفساده بجد دى بجاحة قوى ومش أى حد يقدر عليها.
هو يكذب فى كل شيء حتى فى شكله فهو يصبغ شعره ويشد وجهه ويعمل مكياج كامل ولا أجدع راقصة حتى يختلس سنوات عمر ليست من حقه ويعيش أطول فترة من التظاهر بالشباب ولكن عندما يطالبه الشعب بإلغاء قانون الطوارىء تظهر عليه كل أنواع الشيخوخة بجد أنا بستغرب هوه ليه فافيش أى مخرج من إللى بيكتشف الفنانيين فكتشفهوش لغاية دلوقى وكان عمله كام كليب كدة زى بتوع روبى وذود ثروته بيهم.
هو سيادته لقى ال يحوشه من 25سنه لما يبقى حد يحوش ابنه دلوقتى فبحكم تقادم التهمه الرئيس برىء وبالتالى ابنه يرث هذه البراءة