وداع مؤقت.. للمذاكرة
أكتر شيء بعمله هو النوم، وبالليل بخرج مع أصحابي أروح قهوة، أو نروح نلعب كرة قدم، وممكن نروح أى مول
إيمان كمال – ولاد البلد:
أخيرا انتهت امتحانات نصف السنة، أو قاربت علي الانتهاء عند البعض.. وانتهى معها الضغط العصبي والنفسي اللي الواحد كان عايش فيه.. لا مزيد من الكلمة التي تعودنا علي سماعها في البيت "ذاكر".. الكلمة التي تخنق ولا تقدر بعد سماعها علي عمل شيء غير أنك تحاول فعلا أن تذاكر..
أسبوعان من الأيام من غير المذاكرة التي نودعها مؤقتا قبل بداية النصف الثاني من العام الدراسي، تبدأ الأجازة ليبدأ كل طالب في ممارسة ما يخفف عليه ما تعرض له، فتقول ليلى الطالبة بكلية التجارة، "في الأجازة أنا بحب أقعد في البيت، ودي فرصة عشان أتفرج على التلفزيون اللي ما بيتفتحش أيام الامتحانات، لكن عموما أنا مش بحب أخرج أصلا لكن ممكن أقعد اشتغل تطريز اللي بحبه".
وتوافقها في الرأي مي عبد الله تقول بقولها "أنا بقضي الأجازة في البيت، أصل الواحد بيخرج في الدراسة كل يوم، وأهى فرصة نريح شوية، وممكن أروح مع أصحابي أي مول أو نحضر سينما، وخصوصا الأيام دي في أفلام كويسة موجودة، وبالمرة نستريح شوية من الضغط اللي الواحد بيعاني منه أيام الامتحانات".
أجازة للعمل
عبير، الطالبة بكلية العلوم جامعة عين شمس، قالت أنها أخيرا سوف تستريح من إرهاق الامتحانات، ولن ترى شكل الكتب لمدة أسبوعين بعدما كانت تنام والكتب في يدها، مضيفة "وأخيرا أروح أى مكان عاوزاه من غير ما أحس أن ورايا هم المذاكرة اللي مقدرش أهرب منه عشان الامتحان، لأن الواحد بيحس أنه عايش في معسكر زى معسكرات الجيش.. كل شيء مؤجل وممنوع عشان الامتحانات ولا خروج ولا فسح ولا زيارات".
أما عبد الرحمن عبد النبي، كلية الأزهر، فأجازة نصف العام عنده مختلفة عن باقي زملاؤه، فيقول "أنا بقضي أجازة نصف السنة شغل في شغل لأنى شغال فى المعمار، وأيام الدراسة مش بروح الجامعة غير 3 أيام بس، وعن نفسي مش بحب الخروج كثير لأننا كليه الأزهر دماغنا مش بنات وفسح وخروجات.. يمكن لأن جامعتنا فاصله بين الولاد والبنات عكس الجامعات الثانية".
ويشاركه في فكرة العمل في الأجازة محمد عبد القادر الذي يحكى قائلا "ممكن أدور على شغل أنزله في الأجازة، أو أسافر أسوان أزور أقاربي.. ممكن أروح القهوة شوية مع أصحابي ونروح نقعد على النت"
مرح
أما كريم، تجارة عين شمس، فيقول: "أكتر شيء بعمله هو النوم، وبالليل بخرج مع أصحابي أروح قهوة، أو نروح نلعب كرة قدم، وممكن نروح أى مول، المهم أقضى الوقت كله في مرح وجو يخرجنى شوية من الكتب اللي تعبت منها".
ويشاركه في هذا محمد عبد النبى فيقول "أكيد كلنا بنحب الخروج في نصف السنة، رغم أنها مدة مش كبيرة يعنى أسبوعين وبس، لكن أهي بتعوضنا عن أيام المذاكرة أحسن من مفيش خالص، وفرصه للواحد يروح أماكن جديدة ويشوف أصحابه اللي الدراسة ممكن تبعده عنهم شوية".
أما رباب، كلية تجارة، فقالت أنها ترى "أن أجازة نصف السنة فرصة كبيرة تعوض بها أسرتها بأن تقضى أكبر وقت معهم وخصوصا أنها أم، يعنى بتأخذ أولادها وتخرجهم لأن أيام امتحاناتها بتكون مكهربة البيت.. كله مذاكرة في مذكرة وممنوع تلفزيون أو أي شيء ثاني عشان معطلش نفسي، بس بحاول أوفق بين التعليم والأولاد"..
• أوعى السريع.. في التزوير
• سيد بين زوجته.. وأنياب الكلب
• عروسة المولد.. في مولد المسيح!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
470 كلمة – 4 ولاد – 4 بنات – شوية كلام مرسل !!!!
وبعدين ... هو ايه حكاية موضوعات التيك اواى ديه يا جماعة .. مش ممكن اتعبوا شوية فى الموضوعات ...
لو الصحافة مجرد تليفونات يبقى العامله بتاع السوتش يكلم كان واحد وواحدة ويكتب الموضوع ويبقى صحفى ؟؟؟؟ مكنش حد غلب ..
فكره الموضوع جميلة جدا بس فيها شوية ثغرات ... اللى هى
1- فيه شغلك فى الجامعة وعرضك للنشاطات اللى بتقدمها الكليات "
ونقدها بشكل موضوعى " ورأى الطلاب فيها " ان كانوا يعرفونها وكذلك رأى اساتذه الجامعه
2- فيه رأى متخصص فى الادارة "و ما اكثرهم فى كلية التجاره " ازاى ممكن الطلبه بستغلوا اوقات اجاتهم فى الترفيه طبعا ولكن باستراتيجية معينة
3- اراء خبراء التعليم فى كيفية الاستفادة القصوى من الاجازة وكيفية الاستعداد الامثل للتيرم التانى
4- واخيرا ... لن يكون مبرر ان الموقع شبابى ومفتوح عذرا مقبولا حتى ننزل بالمستوى على حساب اساسيات المهنه .. ولكن العبره بحسن عرض الموضوعات القوية اللى " متخدم عليها صح " عشان ما حدش يقول احنا عاوزين كده عاوزين موضوعات مفيهاش معلومات "مجرد حاجات تسطح العقل " عاوزين شغل صحافة محترفين مش هواه ..
اتلم يا عم شوية بلاش النفسيات التعبانة دي خلي اللي يكتب يكتب عجبك المقال ناقش اللي فية معجبكش متردش لا تظهر لكن تعملي فيها هيكل عصرك وتدخل كل موضوع تشرك امة لا
يا اخى الكريم احنا مش طلبة فى قسم الاعلام كل شوية تدينا محاضرة فى الكلام الخايب اللى بيقولة دكاترة الاعلام
ولعلمك ولا دكتور من بتوع الاعلام ينفع يكون صحفى دول حافظين مصطلحات جامدة بيرددوها بس
لكن الاعلاميين الكبار ماتخرجوش من الاعلام
مثلا مصطفى امين وعلى امين كمثال مادرسوش فى الاعلام انما من اشهر الصحافيين فىمصر
بطل التعليقات الفنية المحبكة قوى
معلهش
انا مش عارف الناس اللى عماله تنتقد الدواخلى دول وصلوا للدرجة ديه من الغباء انهم يقولوا ان نفسيته تعبانه من ان بعض الناس .. يا اساتذه اسم الدواخلى منور فى الدستور دايما وده خير دليل انه حد كويس جدا ...
ومش كده وبس انا شايف ان تعليقه وان كان يعيب عليه بعض العصبية الا انه موضوعى جدا ومش تنظير خالص بل بالعكس ده كل بيركز على فنيات شغل الصحافة ..
وبعدين ياجماعة احنا هانفضل لحد امتى لانقبل النقد ...
بس اكتر حاجة عجبانى ان الداوخلى مش بيعبر كل الكلاب اللى عماله تعوى وراء تعليقه .. بس انا هارد على كل تعليق يمسك بكلمة لانى على اقتناع تام بانك حد كويس جدا و عارف انك تعليقك يهدف لرفع مستوى الاداء فى الموقع
خلص الاقتباس
أحمد بكير في شئ معروف ما بين ابناء المهنة والاحدة انة مينتقدش فنيات الشغل قدام الزبون يعني ممكن الكلام دة يتناقش بينهم وبين بعض مش في تعليق . طبعا انا مش هتكلم علي جودة المقال او فنياتة لكن مكن اناقش الافكار اللي طرحها ودة اعتقد المغزي من انك تعلق علي مقال مش مكتوب عل البوتن
"انقد المقال" يا ريت بتوع عشرينات يريحونا من الناس دي ويغيروها ل "ناقش هذا المقال" عشان الناس اللي نفسيتها تعبانة تفهم تناقش من تنقد فنيات المقال.
ثانيا لما تتكلم وتقول علي اللي مش عاجبة نقد الدواخلي واننا امة لسة متعلمناش النقد وترجع تشتم وتقول مستني كلب يتكلم وقاعدلة
اسمحي اقولك كلمة في ودنك ممكن
"حكها بخيارة ممكن تهدي شوية"
اولا الموضوع عادى مفيهوش حاجه مهمه والناس كلها بتشتغل وقتها فى الاجازه باى طريقه,وللاخ اللى بيدافع عن شريف الدواخلى وبيقول ان اسمه منور فى الدستور دى صحافه صفراء ونادرا لما حد بيقرأها ولو هو كاتب كويس كانت اى جريده من الجرائد الكبرى اخذت مقالاته.
يا جماعه مين شريف الدواخلى الى انتم عملنلوه مقام سيبكم منه وركزوه مع الموضوع لانه شكلوه تبع الحكومه بامانه
يلعنوه هو والحكومه والريس