عمرو ورضوى.. فرح بتذاكر!
كانت رضوى قد كتبت في تدوينتها الأخيرة قبل الزواج عن شكوى أهلها من عدم وجود فرح بالشكل الطبيعي.. واتهموها هي وزوجها بسرقة فرحتهم وقتلها
29/01/2007
حين أخبرت "رضوى" – العروسة - عن قلقي من أن تكون عربات الأمن المركزي الخضراء في انتظارنا على أبواب الجنينة.. خرجت منها ضحكة صادقة، تناسب فتاة مصرية شابة ليلة خدرها.. وقالت: "تصدق.. أنا كمان كنت خايفة"!
لعنت الأمن المركزي في سري، وتذكرت لقاءاتي الأولى مع العريس وعروسه، "عمرو عزت" صاحب مدونة "ما بدا لي"، و"رضوى أسامة" صاحبة مدونة "هكذا أنا".. اللقاء كان في المكان الطبيعي لتواجد المدونين.. ولتواجد عربات الأمن الخضراء.. مظاهرات وسط البلد ضد تمديد فترة رئاسة مبارك..
بعدها فترة طويلة من المعرفة الانسانية عبر المدونات، ولقاءات متقطعة في فعاليات للمعارضة على طول العام الماضي..
ثم.. "عمرو" و"رضوى" سيتزوجان قريبا..
نتابع أخبارهما عبر المدونات، مرة "عمرو" يصالح "رضوى" بأغنية قديمة لـ"شكوكو" اسمها "انتي شمعة وقلبي فانوس".. ومرة "رضوى" تحكي عن فستانها الأبيض الذي سترتديه في حفل زفافها..
لكن لم يكن أحد يتوقع أن يكون حفل الزفاف هذا في "حديقة الأزهر"، حيث جلس العريس والعروسة على النجيلة الخضراء.. في حين كانت العروسة خائفة – مثلي – من أن يفسد نظام مبارك فرحتها بعربات خضراء – بلون النجيلة – داخلها جنود للأمن المركزي لا تعرف قلوبهم الرحمة ولا أياديهم شيئا غير الضرب المؤلم..
"فرح بتذاكر"..
كنت هذه هي الجملة التي علقت بها واحدة من المدونات الشابات وهي تعبر بوابة "الأزهر بارك"، فقد دفع كل معزوم تذكرته بنفسه، في اكتفى العريس بشراء مجموعة من علب البيبسي وتوزيعها على الحضور..
البداية كانت حين أعلن "عمرو" و"رضوى" عن أن مكان حفل زفافهما سيكون مختلف جدا، فسيتم عقد القران في مسجد الشرطة، بعدها يترك العريس والعروسة الأهل، وينتقلون لحديقة الأزهر وهناك يلتقون بأصدقاءهم من المدونين ليحتفلوا سويا في الحديقة المفتوحة..
دخول الحديقة كان مشهد يراه الجميع للمرة الأولى لدرجة أن مجموعة من السائحين تقدموا في خجل لتصوير المنظر..
كان عود "عمر مصطفى" صاحب مدونة "تجربة" هو الآلة الموسيقية الوحيدة في الحفل، وعزف عليه مجموعة من الأغاني الفلكلورية الشعبية بمساندة كل الحضور، في حين ساعدته "دعاء" صاحبة مدونة "بنت بلد" بغناء أغاني الأفراح القديمة التي كانت تحفظ بعضها..
"وائل عباس" هو الآخر استخدم كاميرته التي كانت – للمرة الأولى ربما – ترصد فرح العروسين وانطلاق الحضور وتصفيقهم..
ثم كان لحضور "علاء عبد الفتاح" طابع خاص، حيث يعتبره كثير من المدونين أب روحي لحركة التدوين في مصر عبر مدونته هو وزوجته "علاء ومنال"..
عريس وعروسة
شرقاوي هو الوحيد الذي أحضر هدية معه للعريس، وكانت هدية قيمة فعلا لولا أنها لا تناسب حفل زفاف، فقد أحضر شرقاوي لـ"عمرو" مجموعة من الإصدارات الأدبية الحديثة من معرض الكتاب.. وفرح عمرو بها جدا للدرجة التي جعلته يضعها على الأرض أمامه طول الوقت.. واستغل انشغال للمعازيم عنه ليجلس يتصفحها.. وبذلك يكون العريس الوحيد الذي جلس يقرأ في الكوشة..
لم يكن هذا هو الشيء الغريب الوحيد الذي فعله عمرو، فالذين يعرفوه أدركوا أنه شخص هادئ وخجول جدا، ولعل هذا ما جعله يترك عروسه وحدها وسط البنات.. ويجلس وحده في ركن على باب الجنينة.. يا عيني يا عمرو.. من يرى الصورة لا يصدق أبدا أن الليلة فرحك على حبيبتك..
لكن عمرو لم يكن هو وحده صاحب التصرفات الغريبة، رضوى هي الأخرى حاولت أن تؤكد نظرية أن الطيور تقع على أشكالها، وطلبت من عمر تجربة صاحب العود أن يغني لها "بقرة حاحا" وهي اغنية لمن لا يعرفها كتبها فؤاد نجم وغناها الشيخ إمام تقول في بدايتها "ناح النواح والنواحة على بقرة حاحا النطاحة".. شوفتوا الرومانسية..
سرقتم الفرحة
غياب أهل العروسين كان ملحوظا، لكن وجود أخوة للعريس والعروسة خفف من حدة غيابهم حيث أكتفى الأهل بحضور عقد القران وترك فرح الجنينة للشباب وأفكارهم المجنونة..
كانت رضوى قد كتبت في تدوينتها الأخيرة قبل الزواج عن شكوى أهلها من عدم وجود فرح بالشكل الطبيعي.. واتهموها هي وزوجها بسرقة فرحتهم وقتلها.. لكن اعتذار "رضوى" الرقيق كان كفيلا بأن يختفي حزن الأهل..
بصراحة، الكتابة عن تلك اللحظات التي عشتها – كمدون – بين جيل من الشباب يجمعهم الانترنت والتدوين، ويساهمون جميعا من أجل بقاء فكرة "البوح" و"الكلام" باقية.. الكتابة عن هذا أمر غير عادي.. ويبدو لي أنه من الصعب الاستمرار فيه..
فقط يبقى المشهد الذي سيعلق في عقلي للأبد.. مشهد دخول الشباب من باب الحديقة، وكل واحد يذكر اسمه طريقته الخاصة،"أنا إيمان ام" و"أنا دعاء بنت بلد"، "وأنا براء وأنا مالي"، "وأنا مالك مالكوم أكس"، "وأنا أيوب الراقص"، "وأنا شرقاوي صوت حر"..
لأن معظم هؤلاء لم يلتقوا من قبل في الواقع، مكتفيين بأن تجمعهم صفحات المدونات، لكن هذه المرة.. كانت روح "البلوج سبوت" مسيطرة.. وفرحانة بالتأكيد..
والله وحده يستحق الحمد، على أن العربات الخضراء المكتظة بالجنود.. لم تكن موجودة هذه المرة..
شاهد صور من الفرح
عدد التعليقات : 45
• قلب الرئيس الاخضر!!
• إلى شاكيرا..مع تحياتي!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ربنا يكمل فرحتكم يااولاد
انتم دايما الاجمل
انتم الامل
انتم مصر بكرة
مصر الخالية من الامن المركزى
الخالية من مباحث امن الدولة - اسف امن الحاكم
انتم زهور المستقبل
ببساطتكم وعفويتكم احلى من اجدع فرح للحرامية اصحاب الملايين فى فنادق الخمس نجوم
مبروك يا اولاد
الف الف الف مليون مبروك على العروسين
ربنا يتمم فرحتكم
بارك الله لكما
وبارك عليكما
وجمع بينكما في خير
أسأل الله أن يتم فرحتكم
والله العظيم فرحان لكم كأني حضرت الفرح معاكم بالضبط
وشكرالبراء على الموضوع
" بارك الله لكما وبارك عليكماوجمع بينكما فى خير "اللهم امين .
مبـــــــــــــــــــــــــروك
العرسان دول اصحابك وانت بجاملهم بالصور والموضوع مبروك ياعم ومتعملش كدة تانى هة
عمرو ورضوي الف مبروك ويارب تتهنو مع بعض
هههههههههههههههههههههههههههههههههههههههههههههههههههههههههههههههههههههههههههههههه
ممكن نغير اسم الموقع الي موقع "ما يكتبة البراء اشرف " الحاجة الي تيجي علي مزاج البراء ينعم علينا ويكتبها وبالتاكيد يكون هو الموضوع المستر علي الموقع يعني موضوع وظائف مبارك موضوع لذيذ وكويس لكن اه الموضوع ده اه الي انا استفدتة من موضوع زي كده
انا شايف ان الموقع بيحاول يحابي للبراء مش عارف له
علي فكرة انا مستغرب ازي موضوع ان سفاح المعادي اخوان ازي عدي من تحت قلمك ولا محدش اتصل وقال لك تعمل الموضوع يا براء هي اه نمرة امن الدولة ولا هما الي بيتصلوا
بس هما ليه كتبوا الكتاب في مسجد الشرطة؟؟ولا هما بيستخبوا في البوكس؟؟
وبعدين انتو مالكو؟ براء يكتب اللي هو عايزه واحنا خدامين ابوه نقرأ و الجزم فوق رقبتنا طالما عشرينات عايزة تجامل براء حتى لو غنى ظلموه ..ولا لو كتب هرتلة زي اللي كتبها قبل كده عن الواد اللي قاعد على الكنبة ورا وبكرة يسوق العربية
ولا شوية لعب الاطفال اللي بيعملها مع دعاء و يركب عليها اغنية محمد منير ومجموعة من الصور المكررة ..وقال ايه اخراج ومونتاج أغنية وطنية؟!!
الف الف ملييييييييييون شكر لكل من ساهم بجهالة فى شهرتى تعليقاتى لدرجة ان الجمهور حاول ان يتقمص شخصية المحلل " بسذاجة طبعا " وكـانه انا وهو يظن ان مااكتبه كتعليقات يستطيع اى هاوى اى يكتبه ان " الموضوع وحش او زفت وزباله وكده " وكـأن النقد مجرد ذكر العيوب بس .. والله انا لو شفت حاجة حلوه بحللها برضه لانى بحب الصحافة جدا جدا جدا وبحب كل اللى ينزل فى الموقع لا يهبط عن مستوى معين ..ولو لاقيت حاجة حلوة بستخسر اقول انها حلوه وخلاص لكن بشوف عناصر القوة فيها وبعدين لازم نفرق بين تعليق الهواه " او الجمهور " وتعليق من يعملون فى الحقل الاعلامى .. فلو كان التعليق على اى موضوع انه زفت وخلاص ما كنش حد غلب
والاهم من كده ياجماعة اننا بنتعامل مع نقد الاخر " وان كنت معترف بوجود بعض السخرية فيه كما نبهنى البعض " وكأنه مقدس يبقى ازاى هانعرف اخطائنا واحنا اصلا لانطبق النقد الذاتى لموضوعاتنا ومن ثم فبديهيا الا نقبل اراء الاخرين الا لو كانت بدون نقد .. وانا أعهد امامكم انى هارحب بكل كلمة نقد موضوعية توجه لما سأكتبه " فى الموقع " وسأحاول الرد على كل تعليق لو كان موضوعى طبعا ً وده لانى كان فى ظروف بس منعتنى من الكتابة فى الموقع الفترة الماضية ...
نيجى بقى لاحلى موضوع كتبه للبراء من وجهه نظرى فى شهر 1 كله
وده لكذا سبب وعلى فكره ده مش دفاع عن من انتقد براء لا ده دفاع عن الموضوع لانى حينما انتقدت براء انتقدت موضوعه لانى احترم شخصيته جدا وهو زميل عزيز
المهم
1- مين اللى قال ان البراء كده واخد الموقع لحسابه هو ما كتبش عن فرح اخوه ولا اخته ومش ذنبه ان العريس والعروس اصدقائه وده لان براء اتعامل مع الشخصية النمطية للعروسان " كام شاب و شابه فى ظروفهم
2- اول مرة اقرأ وصف لفرح بالشكل الجميل ده
اقرأ بقية التعليق ..
وعلى فكره شكلك مغرور قوى قوى .. وبالمناسبة انا اعرف كذا صحفى فى الدستور سألتهم عليك وقالولى انك مغرور برضه وده يمكن عشان انتا لسه خريج السنة ديه وعرفت تحفر اسمك وسط عملاقة الدستور ..يمكن !!
الموضوع رومانسى قوى .. الله حلو قوى
وبالنسبة للاخ اللى بيقول ان شريف مغرور هاسأله انتا قابلته .. تعرفه ..
ولو كنت سألت كذا حد فى الدستور طيب ماقولتش اسمهم ليه ياناصح .. معلش معرفتش تحبكها .. وعلى العموم لو مغرور فعلا يبقى مغرور بشغله وده حقه !!
الف الف ملييييييييييون شكر لكل من ساهم بجهالة فى شهرتى تعليقاتى
والله يا عم دواخلي عارفين كده من الاول انك تبتغي الشهرة من وراء ذلك وقلنا كده في تعليقاتنا وكويس انك اعترفت وانا زودتها معاك وشديت في الهجوم عليك حتى انزع الاعتراف دا منه والحمد لله حصل وطبيت زي الجردل واعترفت
وانت صحفي كبير آه بس مش علينا
وبعدين يا صحفي يا كبير احنا هنا لسنا في صالون ادبي بنشوف المقال حلو ولا وحش الموقع هذا بيطرح قضايا محلية شغله بال المواطنين وعايز يعرف اراء الناس ايه فيها وعايز الناس تتناقش وتتحاور مش عايز يعرف عيوب المقال ايه ولا محاسن المقال ايه لو انت صحفي فعلا كنت فهمت كده
الموضوع رائع والتناول جيد ، حقيقي الفكره جديده ، وأنا رغم عملي الصحفي من سنوات طويله إلا أنني لم اقرأ موضوع بهذا الشكل من الطرافه ، أحي البراء علي التناول ، وادين له باوقات طيبه في قرأة هذا الموضع دون ما يكتب ، لأني اختلف معه كثيرا في كثير مما يكتبه ، والذي أشم فيه رائحه الخروج من ثوب جده وأبيه ، بل وعائلته والتي ينتمي كل افرادها للإخوان المسلمين ، كأنتمائه الذي دائما ما يحاول أن يخبئها وراء أفكار مواقف وكلمات ينثرهاهنا وهناك
بغض النظر عن حالة الجدل والنقار اللى شغالة بينك وبين المعلقين واللى فى راي المتواضع حققت مبتغاك فى الشهرة على حد قولك , اعتقد انى قرات ليك بعض الردود الجيدة واتمنى من الناس انها تصبر عليك ونشوف شغلك هيكون ايه !!!! مع كمية التعليقات اللى انت قطعت بيهااخوانك الصحفيين , اعتقد ان موضوعك الجاى لازم يكون TOP ,والا ابشر بكم من السخرية والتهكم من حبايبك المعلقين , اجتهد لكل مجتهد نصيب .
في حاجات أهم من الكلام الفاضي ده...
يعني اتضح إن الاخوان هما ورا سفاح المعادي..مش ده موضوع كويس تقدر تخرج كل إلي جواك فيه !!
وخد عندك ..مصادرة اموال وممتلكات الاخوان والتحفظ عليها..أكتب وقول حوالين المصادر السرية لتمويل الاخوان...وشوف كده العالم دي جابت الملايين دي منين وميبقاش الشعب مطحون وطالع عينه والاخوان غرقانيين في النعيم !!
اكتب ..دي فرصة متتعوضش !!
سبخان الله من الاشخاص والتعليقات الغريبة دي واحد عمال يتكلم على البراء وينتقد انه كتب عن الفرح عشان دول صحابه والرد عليه ببساطة شباب جدعان مش بتوع هتافات ومظاهرات وبس لا دول ليهم رؤية وراي فيما يحدث في مجتمعهم
وواحد تاني بيقول ان الموقع بيشهر براء عشان الموضوع رئيسي وان فيه موضوع تاني اهم والله ياعمنا دي مش شغلتك يعني حضرتك قاريء ومش رئيس تحرير
والاخ شريف الدواخلي الل يعامل فيها صلاح الدين الايوبي في القوة والشجاعة ومصطفى امين في الصحافة انت اصلا ولا بتعرف تكتب ولا تعمل بس اهو كلام واذا كنت فعلا فاهم صحافة طبق على كتاباتك الاول
كل الناس سابت الموضوع الاساسي والفكرة الاساسية واتكلمت على براء وشريف والاخوان يبقى مين اللي غاوي شهرة ده موضوع عن فرح اتنين مدونين مهمين قوي في مصرر والحدث كله يا جماعة بيعبر عن فئة جديدة مجموعة عارفه هي بتعمل ايه قدروا يتحرروا من المجتمع ومن الشرطة ومن كل القيود اللي احنا متكلبشين فيها من يوم ما اتولدنا
انا ياحييهم بصراحة على قوتهم في التدوين وقوتهم في تنفيذ فرحهم بطريقة تفرحهم هم مش كل همهم الشكل العام والفرح فين وحجز النادي والمعازيم هايقولوا ايه ومين لبس سواريه ومين اتريق عليهم ياريت كل الناس تتعمل منهم وتعمل زهم ونبطل الفشخرة اللي في دمنا دي
ياعين عليك يابراء انت وقعت في مستنقع ومش هاتعرف تخرج منه ابدا انت خلاص دوست ع الجرح وانت مش عارف انتقدت الاخوان وياويل من ينتقدهم بس الغريبة يا اخي انك عملت ده بين جيلك اللي هم شباب زيك والمفروض يفهموك مش يتقلبوا عليك ربنا يستر عليك
واري ان موضوع كويس بس مش في وقتة
وعادي ممكن اي حد ينزل موضوع ميعجبش الناس
دهأول مرة أكتبلكم بس مش أول مرة أتابعكم
بجد أنا مبهورة بروحكم و بالسلاسة اللي بتتصرفوا بيها ... وحاسة بفخر ماليني.. وفرحة ماينفعش أتكلم عنها
وبدعي لنفسي و كل الناس اللي فمصر
يارب نعرف نكون حقيقيين كده زيكوا
مبروووووووووووووووووووووك
افهم التعليقات دي عشان تناقش ما ورد في ???المكتوب مش عشان تنقد ام المكتوب بنظرة الصحفي العلامة االلي ??? عايشلي فيها
وحيات ابوك لتفهم ومعلش يا براء بس لازم حد يفهم ??? الدواخلي العك اللي بيعكة والهرتلة الصحفية اللي نازل يكتبها دي مش هنا دي تتقال في ورشة عمل ورشة نقاش ادبي مش في تعليق علي مقال
ثانيا اتصور ان فيه امل بما ان فيه ناس فايقين وصاحيين كده
بارك الله لكما وبارك عليكماوجمع بينكما فى خير "اللهم امين
انتوا بجد هبل بشكل .. اعتراف ايه اللى نزعته من الدواخلى .. الراجل قال شكرا لكن من ساهم بجهاله فى شهره تعليقاتى " بجهاله يعنى بالهبل " وبعدين شهره ايه اللى هايستفدها من انه يكون اشهر معلق على موضوعات عشرينات ... انا قولت قبل كده شهرته اخدها من شغله الرائع فى الدستور .. وفى حاجة اخيرة اللى عاوز يرد على الدواخلى يرد على نقط الضعف اللى بيعلق عليها مش يفضل يهبهب وخلاص دون ان يستطيع الدفاع عن الموضوع بكلمة بل بالفاظ نابية .. والكلام ده بيحصل مع الدواخلى فى الموقع ده بس يعنى فى العربية او فى الجول او اى موقع فيه تعلبقات شريف بيحرص على تسجيل رأيه ومحدش هناك بيقوله ايه اللى كتبته ده عشان هما فعلا ناس متحضرين ومقتنعين باختلاف الاراء والحق فى التعبير عنها ..
وبعدين تعالوا هنا الراجل نقد فى الموضوع او شكر فيه هى هى الشتيمة ..ده مش دليل على انكوا بتتلككوا عشان تسبوه وتشتموه .. واحلى حاجة فيه انه مش بيرد على حد وانا متأكد انه هارد فعلا على كل نقد يوجه لموضوعاته لان بيعرف يدافع عن شغله كويس ومش هايستنى حد يدافعله عنه ..
اتقوا ربنا بقى
بارك الله لكم وبارك عليكموجمع بينكم فى خيرا وتحياتى زفاف سعيد وادعونا نتجوز زيكم مبببببببببببببببببببببببببببببروك
و اللي بيجى يادوب مظبوط على قدنا
جايز هيجي اليوم والشبكة تيجى إنما
تفضل فلوس الشقة ودة شيء بعيد عننا
جايز هيجي اليوم والشقة تيجى إنما
هتكون سنانك وقعت قربت على 100 سنه
السادة النقاد الأدبيين ... كل ما حد يكتب كلمة تتباروا في النقد ولا الغقاد في زمانه و تلاقي ولا واحد منكم راح معرض الكتاب حتى علشان ياكل فشار.
هو إحنا كدة لما المنخب يلعب نبقى كلنا محمود الجوهري و ساعات أبو تريكة كمان.
مبروك يا عمرو و أنا أحييك على الإستغناء عن الفرح الفخم و التصرف بعملية تناسب العصر الذي نعيشه
حلوين جدا
و افكار جميلة اللي عملوها
و بصراحة
عمرو عزت (ما بدا لي ) و رضوي أسامة ( هكذا أنا ) من أحسن المدونين المصريين
-1 الموضوع والله جامد وعاجبنى جداً
ومبروك للعروسين وربنا يسعدهم
2-ابدأ ارد على كل انسان علق تعليق غير طيب
-الناس اللى بتقول فى حاجات اهم
هو لازم يكتب عن الظلم والاستبداد عشان يبقى الموضوع مهم!!!
-وفى ناس مغرورة كمان وحقودة ومريضة ربنا يهدينا جميعاً
وبعدين مفيش حاجة اسمها فلان مغرور وده حقه!!!كسر حؤه
الموضوع جامد وبراء صحفى زى العسل ومتميز
واكيد مش محتاجنى انى انا اللى اقول له الكلام ده
ولا محتاج اى حد ..ثقته بنفسه اكبر من اى كلام :)