عن الموت.. وعن اللى بيحبوا الموت
كان قراري انى احاول بأى شكل اول ما تيجي ظروف زي دى تانى انى ما كسلش عن صلاة الجنازة، وانى اروح اصلي عشان ربنا يرزقنى باللى يصلي عليا ان شاء الله
من مدونة بنت مصرية:
يوم الخميس اللى فات، رحت مع زمايلي فى الشغل نحضر صلاة الجنازة على أخو واحد زميلنا، والصلاة كانت فى مسجد السيدة نفيسة
دى تانى مرة أصلي فيها صلاة جنازة، الأولى كان من زمان، كنا فى اسكندرية وقتها ورحنا نصلى الجمعة وبعد الصلاة كان فى صلاة جنازة، مش فاكرة اوى احساسي كان ايه وقتها.. بس الاكيد اننا كنا عايزين نخلص عشان نجري ع البحر :)ه
أما الخميس اللى فات ، كانت فارقة معايا صلاة الجنازة جدا، كالعادة فى اى مواقف زي دى بكون اكثر تماسكا من اللى حواليا وانا اللى بقعد اطبطب عليهم، وبعدين لما خلصنا صلاة الظهر وابتدا الامام يشرح كيفية صلاة الجنازة، مخي وقف عند الجزء اللى بيقول، اننا ندعو للميت باخلاص عسى ربنا يرزقنا بناس تصلي علينا وتدعي لنا باخلاص لما يحين معادنا.. ياااااه، من زمان مفكرتش فى موتي، وفى اللحظة دى اللى ببقى مش هحتاج من حد اى حاجة غير الدعاء، وان صلاة الجنازة هى احلى هدية ممكن تقدم لميت.. ساعة الصلاة انا كنت بدعي وانا متخيلة ان انا اللى بيصلوا عليا، دعيت للميت جامد واخلصت فى الدعاء على قد ما قدرت
اول ما خلصنا صلاة، كان قراري انى احاول بأى شكل اول ما تيجي ظروف زي دى تانى انى ما كسلش عن صلاة الجنازة، وانى اروح اصلي عشان ربنا يرزقنى باللى يصلي عليا ان شاء الله
المهم بأه، انا لفت نظري جدا المسجد وموقعه.. لأنى انا اعرف السيدة نفسية، قريت عنها.. ودى أول مرة أزور المسجد ده.. مين مايحبش آل البيت، ويعشقهم كمان، قريت عن السيدة نفيسة ازاى كانت حياتها وازاى ماتت وازاى أطلقوا عليها "نفيسة العلم" وازاى أئمة عصرها كانوا بياخدوها عنها العلم
حجت حوالى تلاتين مرة، وتزوجت وأنجبت وكانت مسئولة عن شئون بيتها بجانب علمها وتفقهها، ولما نزلت مصر، الناس خرجوا يستقبلوها من ع الحدود.. وقعدت فيها كتير والناس كانوا يروحوا يزوروها وياخدوا من علمها لحد ما حست انهم بيشغلوها عن العبادة فقررت ترحل عن مصر، وطبعا الناس شق عليهم جدا ان دا يحصل، وفى الاخر عُرض عليها انها تستقبل الناس يومين بس فى الاسبوع، وبعدين وافقت واستمرت فى مصر إلى ان توفاها الله
أستاذها كان الإمام مالك، وقرأت عليه الموطأ، والتقت بالإمام بن حنبل، وكمان كان الامام الشافعي دائم الزيارة ليها ، وكان بيثني على علمها ويسألها الدعاء لربنا ، وكانت من وصية الامام الشافعى ان السيدة نفيسة تصلي عليه لما يموت، وفعلا نفذت وصيته
ولما جت توفت.. مش هحكيلكوا طبعا حال المصريين لما عرفوا خبر وفاتها، انا لما اقرا سيرتها لازم اجى عند الجزء دا وابكي، هى حفرت قبرها بإيدها وكانت مستعدة ان الموت ييجي فى أى لحظة وكانت تقعد فى قبرها تقرا القرآن لحد ما ختمته مرات كتيرة جدا فيه، اعتقد هنا ان معنى القبر بالنسبة للسيدة نفيسة مختلف كتير عن اللى اتعود الناس عليه، هى هنا بتعتبره مكان جميل ومريح و"روضة من الجنة" وان الموت هو الباب اللى يتفتح لها عشان توصل بأه للدنيا الحقيقة، وتشوف اكتر حد ممكن اى حد يكون متشوق انه يشوفه.. وترتاح بقربه
عدد التعليقات : 179
• أوعى السريع.. في التزوير
• سيد بين زوجته.. وأنياب الكلب
• عروسة المولد.. في مولد المسيح!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
تلك ذرية بعضها من بعض
هؤلاء هم الاطهار البررة التى تفوح من قصص حياتهم الايمان الصادق وتعين المهمومين فى الحياة وتبث فى نفوسهم الصبر والتوكل على اللة
فعلا الموت هو الحقيقة الوحيدة فى حيا تنا والدعاء يصل الى المتوفى كما شرح فضيلة مو لانا الشيخ محمود حمدى علية رحمة الله فى كتا بة هل الميت يسمع ويرى فعلا الميت يسمع ويرى كل شى والدعاء يصل الية اللهم احسن خاتمتنا وتوفنا مسلمين واغفر لكل المسلمين اجمعين ولكل من قال لا اله الا الله محمد لرسول الله قولوامين
1) الغاء فكرة التعيين نهائيا واقرار مبدأ التعاقد فقط وهو الوسيلة الوحيدة للتوظيف.
2) العقد يحرر كل خمس سنوات وفي نهاية مدة العقد (يعمل كشف حساب) يعني يجدد له العقد ام لا.
3) توسيع سلطة الجهة الادارية في التحقيق والفصل من العمل (يعني التحقيق في نفس مكان العمل) وتلغي فكرة التحقيق مع الموظف في النيابة الادارية (الجهة المحايدة والمختصة قانونا في التحقيق مع الموظفين طبقا للقانون الحالي لسنة 1978) ,يعني من الاخر دلع المدير بتاعك وهشكة احسن يغضب منك ويزعل ويقوم بفصلك في اي وقت وبدون ابداء الاسباب,وحتي لو الموظف مش عمل اي غلط.(4) ابقاءالموظفين الحاليين المعينين الدائمين في وضعهم الحالي بمزايا القانون القديم 1978 والقانون سيطبق فقط علي المتعاقدين الحاليين في الحكومة ومن سيدخل مستقبلا في الجهار الاداري (يعني انت في الشغل تشتغل زيك زي الموظف المعين ويمكن اكتر منه ولكن هو قاعد لحد سن المعاش وانت بعد انتهاء مدة العقد الخمس سنوات وبعد اكسابك الخبرة الوظيفية واستقرارك الاسري تروح في ستين الف داهية) من الاخر كده فين مبدأ المساواة في الدستور وتكافؤ الفرص بين المواطنين, وحق العمل.(5) الغاء الاجازات بدون مرتب , وتقليل الاجازات المرضية لتصبح شهر فقط وبعد ذلك يطرد الموظف المريض اذا تجاوزها ويفصل من الخدمة نهائيا, واجازة وضع واحدة لمدة ثلاث اشهر ولمرة واحدة فقط للموظفات .(6) من حق الطرف الاول (الحكومة) الاستغناء عن الطرف الثاني(الموظف) في اي وقت ولاسباب يراها الطرف الاول , دون ان يحق للطرف الثاني الرجوع علي ذلك.ولا استطيع عرض باقي البنود الظالمة من قانون الوظيفة العامة الجديد. من الاخر ياناس ده قانون ظالم وسيهدم اركان المجتمع الذي يقوم علي الا
اقرأ بقية التعليق ..
من زمان مسمعتش حد بيتكلم عن اللي بيحبوا الموت ..وعن جمال الموت و انه البوابة الوحيدة للحقيقة وللحياة الحقيقية...
من غير اي تشنج او صوت عالي ..صاحبة المقال قالت اللي بيتمناه كتير جدا من الناس "خصوصا المصريين اللي بنوا اهرامات يندفنوا فيها" و من غير ما تقول ان ده بسبب النظام الحاكم والفساد والتخلف وسيادة تيار الوهابية علي الساحة الدينية .....وما الي ذلك من الكلام الكبير اللي بنسمعه ونقراه علطول من انصار الحرية والديموقراطية والمهلبية....
جميل جدا تعبيرها "ان الصلاة علي الميت هي اجمل هدية للميت...واننا لازم نصلي علي الاموات وندعولهم بصدق علشان نلاقي اللي يصلي علينا.."الافكار والمشاعر البسيطة احيانا بتبقي اقوي من كل النظريات الاجتماعية ....
يا تري فيه حد تاني عنده مشاعر بسيطة جميلة زي دي؟؟؟
يا ريت تنشروا حاجات زي دي في وسط الشتيمة لحسني مبارك "وابنه المختل عقليا" واخبار اعتقالات الاخوان...
من فضلكم محتاجيين لمساحة نضيفة نشم فيها هوا...
الموت هو حكمة الحياة
الموت هو حكمة الحياة
http://nohamy.blogspot.com