في المعرض.. الطفطف يكسب
فوجدت الطفطف وركبته لكني كنت أشعر أن الناس كلها كانت بتتفرج علي.. علي النعمة ما أنا راكبه تاني، ده قلة قيمة
31/01/2007
يا وابور قوللي رايح علي فين.. لا.. لا.. أقصد يا "طفطف قوللي"، رد الراجل بكل صراحة اركب اللفه بجنيه!!
والطفطف داخل المعرض حالة مختلفة فهو يجول بك بين عالم الكتب والسريات ودور النشر.. وهو عدة عربات معلقات في مؤخرة جرار، مزود بمقاعد متقابلة بمجرد أن تجلس لازم تضحك وتنكمش قليلا لأنك تستشعر أن كل خلقه يتفرج عليك ثم لا تملك نفسك وتشرع في التصفيق مع نجوم اف ام .. وتنسى الندوة والجولة تحت إلحاح النزوة لفة كمان.
طفطف له تاريخ
لم أكن أتصور أن الطفطف الذي نعرفه جميعا للفسحة له تاريخ سياسي وبخاصة داخل المعرض ولكن ما قاله عبد الرحمن سعيد _ طالب _ أكد ذلك ففي الدورة الماضية للمعرض كان أول استخدام سياسي للطفطف فكانت هناك مظاهره لكفاية في المعرض للمطالبة بالإفراج عن الدكتور ايمن نور.. الشرطة حاولت تفريق المتظاهرين بالطفطف وجعلت منه مدرعة أمنية تقسم الصفوف داخل وسط المتظاهرين حتي تفرقهم والحكومة الذكية في لحظة ممكن تحول أي مفردة في حياتنا الى وسيلة امنية ولحصانة لشيء حتى لو كان طفطفا.
مدام ثناء بكل انشكاح تقول: "أنا كل سنة متعودة أن اركب الطفطف في المصيف أنا والأولاد وعندما وجدت الطفطف هذا العام في المعرض فرحت جدا لان الطفطف جميل وفسحة حلوة أنا لم اشتر كتابا ولن اشتري كلنا بنتفسح ومش مهتمة بالكتب.
وتشاركها الانشكاح مدام سعاد التي أبدت سعادتها من وجود أشياء مثل الطفطف وغيرة من وسائل الترفية في معرض الكتاب وقالت المعرض المفروض انه يكون لكل الناس حتى الزائرين غير المهتمين بالقراءة لازم يكون لهم وسيلة جذب وترفية.
وهذا أيضا ما يثني عليه حمادة _ أحد المسئولين عن طفطف المعرض _ الذي شدد على ضرورة عدم الكلام عن سعر الطفطف منوها أنه ليس العام الأول الذي يعمل فيه الطفطف داخل معرض الكتاب حيث مر على المشروع عامان أو ثلاثة وهو من أجل الترفية والترويح عن زوار المعرض وعادة ما تركبه الأسر وهي فرحة خاصة الأطفال وهناك تجاوب كبير للجو المفرح به والإذاعة التي تعمل داخله.
قلة قيمة
أما الطالب محمد سعيد فيروي قصته مع الطفطف قائلا: "أول ما دخلت المعرض كان في خطتي أني أحضر ندوة في قاعة 6 أكتوبر، وهي بعيدة نوعا ما عن البوابات فوجدت الطفطف وركبته لكني كنت أشعر أن الناس كلها كانت بتتفرج علي.. علي النعمة ما أنا راكبه تاني، ده قلة قيمة".
وداخل الطفطف قابلت عائلة مكونة من أب و أم وبنت وولد، إبراهيم مسعود، الأب، كان شكله زعلان وقال: "العائلة الكريمة أصرت أن نركب والنبي لنركب ولم يكن أمامي سوى أن أرضخ و(طفطفت) معهم، وعندما سألته عن أحاسيسه، أجاب: في الحقيقة "وكانت زوجته تراقب الموقف"، كنت فرحان قوي لكن لو إدارة المعرض تقلل من الثمن لأنه غالي علي عائلة كاملة. فارتسمت على وجه زوجته ابتسامة رضا عن جواب الزوج.
وانبرت الزوجة قائلة: إننا نأتي للمعرض مرة في العام ولذلك نريد اليوم أن يكون يوم فرح وسعادة للأبناء، ومن تلك السعادة الطفطف وركوبه.. ونظرت للزوج طالبة التأييد.
وانتقلنا إلي الابن الذي استرسل قائلا: اسمي محمد، وأنا ركبت الطفطف لأنه حلو ومش هنزل منه النهارده، أنا وبابا وماما وأختي.. بابا قال أنه غالي.. ولو بابا عاوز فلوس أنا أسلفه، أو أدفع أنا، لكن أنا مش نازل من الطفطف.، واندمج مع إحدي أغاني إذاعة FM المذاعة في سماعات الطفطف.
أما منصور محمد، مهندس، فكان أكثر عدائية بعدما سألته فقال: أركب الطفطف ليه.. عارف التذكرة بكام.. بجنية، هي العملية ناقصة نصب.. الكتب غالية والعيشة أغلى، القوات المسلحة السنة اللى فاتت كنت عاملة عربيات مجانية وكانت كثيرة، لكن الآن العربات المجانية قليلة جدا.. خلاص المعرض سيباع مثل القطاع العام، وأنا اتخنقت منك (يقصدني أنا)، مش لاقي موضوع تعمله إلا علي الطفطف.. انتهت مشاكل البلد بتعمل علي الطفطف.. يا عم روح كده انتم الي خربتوا البلد.
عدد التعليقات : 194
• أوعى السريع.. في التزوير
• سيد بين زوجته.. وأنياب الكلب
• عروسة المولد.. في مولد المسيح!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ارجوك لا تعلق هنا حتي لا يسري السم القاتل في دمك فتتاثر افكارك وترتعش يداك ولا تستطيع ان تتحفنا بعملك الصحفي البارع الذي لا يدانيك فية احد ولا تغامر بكتابة نقد عن المقال فكما نعرف جميعا ان لا احد في مصر بل في العالم اجمع يدانيك البراعة الصحفية والاسلوب المبتكر والافكار الخلاقة فنحن لا نريد ان نفتقد قدوتنا الصحفية البارعة
ارجوك لا تعلق .
هههههههههههههههه ....... للدرجة ديه خايف من تعليقى
للدرجة ديه تعليقى بيوجعلك بطنك وبتخليك فى الحالة ديه طيب ربنا ما يحرمك منها ...
المهم ... انا عاوز اقولك حاجة يا عم هندى مبدئيا انا مبعلقش على موضوع مرتين .. اوك .. وبالنسبة لموضوعك انا نفسى اعرف انتا رحت المعرض تعمل شغل فيه ولا روحت حديقه او ملاهى !!
طفطف ايه يا عم هندى بس !! مش ممكن المعرض كله مالاقتش فيه حاجة تاخدها لقطه غير الطفطف ..امممم لا مش لاقى فيه حاجة تستاهل ولما عرضت الفكره قولت ايه هاعمل حاجة عن الطفطف ...... واسمه تحقيق فى الاخر طيب ازاى !!
وبعدين انا اعتقدت انك كان فى حاجة معينة استفزت حاستك الصحفية تعمل صراع فى موضوعك انما فين الصراع هنا
لو كان على كده يبقى نعمل حاجة عن تعارف البنات والاولاد فى المعرض و استغلال المعرض كفسحه و عدد ابواب المعرض و الباعة الجائلين فى المعرض و ان كل الناس بتتفرج ومحدش بيشترى .. بس هى ديه صحافة يا عم هندى
انا بقيم الموضوع بالاضافة اللى بيضفهالى .. الموضوع ده انتا ضفتلى بيه ايه ...
لا الموضوع مش قد كده
اولا يا استاذ شريف مش انا الي كتب اول تعليق لان في الحقيقه لا بطني بتوجعني من كلامك ولا حاجة
ثانيا اشكرك علي قراتك للموضوع وطرح افكار جيدة عن المعرض ونحاول نعملها
وشكرا علي رايك
وراي يحترم
ميرسي بيكو
h_elhandy@hotmail.com
الموقع في تقدم والموضوع لايت قوي اكثر من الازم
لكن انا شايف فية احوال المجتمع من حوالينا الناس الي معهاش فلوس والناس الي كل همها الفسح والفسيخ في المعرض
والناس الي مخنوقة من حيتها
والناس الي كل حياتها سياسة
والعامل الي بيشتغل وخايف يتحسد والواد الصغير الي فاكر نفسة كبير والاب التعبان في الشغل
يعني موضوع يبدوا انة عادي لكن شايف انة بيناقش مشكلات بلد في حاجة عادية زي الطفطف
ايه ياعم الحج اللي انت كاتبه ده طفطف ايه وبتاع ايه.
ممكن انت تكون قاصد ان المعرض مافيهوش اي حاجه تستاهل يتكتب عنهاوان كله كلام فارغ بس لو ده قصدك فعلا ,
للاسف انا موصليش قصدك من الموضوع.
استمر يا هندي وانا معاك
http://zimoo.blogspot.com
لا اله الا الله ... ايه يا استاذ هندى الكلام ده .. انا لو قلت الكلام ده عليك ان كلامى بيوجع بطنك وربنا ما يحرمك من الحالة اللى انتا فيها ديه يبقى انا لا استحق انا اعمل فى الصحافة لانى افتقد لابسط معانى الزماله مع شركاء المهنة الواحده واجع كده للكلام هتلاقى ان الكلام على اللى مكتبش اسمه .. وبعد ما رديت على سذاجته بالاسلوب اللى يناسبه
قولت المهم " اللى هو موضوعك انتا " يبقى انتا ايه علاقتك بالكلمتين اللى فى الاول ..
وعلى العموم الف شكر على ادبك و عاوز اوضحلك حاجة " مش معنى انى بقول ان الموضوع مش حلو .. يبقى خلاص لان رأيى مش الاهى بس هى وجهة نظر الغرض منها انى اقولك انتا عندك احسن عاوزينه يخرج .. بس يا سيدى والله عليم بالنيات وانتا عارف انى شكرت فى موضوعك بتاع مظاهره الغد لا كان حلو جدا .. وعلى العموم ابقى انتقدنى زى ما انتا عاوز وهاتشوف انى مش هازعل وهاتحترم رأيك وهارد عليه كمان ... يارب الصورة تكون وضحت !!
موضوع دمة خفيف يا حسام استمر على هذا الوتر
http://archsoom1.blogsome.com/
المقادير:
أربع حبة كوسا متوسطة الحجم
علبة زبادي
ملعقة كبيرة طحينية
ملعقة صغيرة ملح
عصير ليمون (ليمونة واحدة)
نصف فص ثوم مدقوق
الطريقة:
- قطعي الكوسا الى دوائر , اقليها الى أن يصبح لونها ذهبي .
- اطحني الكوسا مع جميع المقادير في الخلاط الكهربائي لمدة دقيقة واحدة .
- رتبيه في صحن التقديم و زيني الطبق بزيت الزيتون و البقدونس المفروم و قدميه .
" أفكار الشيف "
- لصنع متبل الكوسا بطريقة ثانية :
- اسلقي الكوسا ثم اهرسيه مع الثوم و الملح .
- اضيفي الطحينة و القليل من اللبن الزبادي و القليل من عصير الليمون و قلبي .
- رتبيه في صحن التقديم و رشي عليه زيت الزيتون و القليل من الكمون و الفليفلة الحمراء البودرة و قدميه .
اديتي رجعت اهوة يا عم من لله
مع ان كفايه السنين اللى فاتت ورتنا ايام رهيبه ف المعرض بس عمرنا ما ركبنا الطفطف
بس بعد المقال دا يا حسام و الله نفكر ليه لا
انا بحترم ريك وانا مش معترض ان الموضوع لايت ولو كانت اللقطة الي انا عاوزها موضحتش
اني اجيب الناس ورايهم في الحياة من خلال الطفطف والدنيا الي مدورهم
بس وانا بحب تعليقاتك جدا والله
h_elhandy@hotmail.com
اتلموا بقة
حد يفهمني هو ايه الطفطف؟و ايه علاقته بمعرض الكتاب؟
1) الغاء فكرة التعيين نهائيا واقرار مبدأ التعاقد فقط وهو الوسيلة الوحيدة للتوظيف.
2) العقد يحرر كل خمس سنوات وفي نهاية مدة العقد (يعمل كشف حساب) يعني يجدد له العقد ام لا.
3) توسيع سلطة الجهة الادارية في التحقيق والفصل من العمل (يعني التحقيق في نفس مكان العمل) وتلغي فكرة التحقيق مع الموظف في النيابة الادارية (الجهة المحايدة والمختصة قانونا في التحقيق مع الموظفين طبقا للقانون الحالي لسنة 1978) ,يعني من الاخر دلع المدير بتاعك وهشكة احسن يغضب منك ويزعل ويقوم بفصلك في اي وقت وبدون ابداء الاسباب,وحتي لو الموظف مش عمل اي غلط.
4) ابقاءالموظفين الحاليين المعينين الدائمين في وضعهم الحالي بمزايا القانون القديم 1978 والقانون سيطبق فقط علي المتعاقدين الحاليين في الحكومة ومن سيدخل مستقبلا في الجهار الاداري (يعني انت في الشغل تشتغل زيك زي الموظف المعين ويمكن اكتر منه ولكن هو قاعد لحد سن المعاش وانت بعد انتهاء مدة العقد الخمس سنوات وبعد اكسابك الخبرة الوظيفية واستقرارك الاسري تروح في ستين الف داهية) من الاخر كده فين مبدأ المساواة في الدستور وتكافؤ الفرص بين المواطنين, وحق العمل.
5) الغاء الاجازات بدون مرتب , وتقليل الاجازات المرضية لتصبح شهر فقط وبعد ذلك يطرد الموظف المريض اذا تجاوزها ويفصل من الخدمة نهائيا, 2 اجازة وضع لمدة ثلاث اشهر ولمرة واحدة بعد ان كانت ثلاثة في القانون القديم للموظفات .(6) من حق الطرف الاول (الحكومة) الاستغناء عن الطرف الثاني(الموظف) في اي وقت ولاسباب يراها الطرف الاول , دون ان يحق للطرف الثاني الرجوع علي ذلك.ولا استطيع عرض باقي البنود الظالمة من قانون الوظيفة العامة الجديد. من الاخر ياناس ده قانون ظالم وسيهدم
اقرأ بقية التعليق ..
ربما طالبة حد يفمها ها علاقة الطفطف بمعرض الكتاب هو احنا بنتكلم في اه من الصبح احنا بنقول الطفطف الي في معرض الكتاب في كذا وكذا والموضوع بيتكلم عنة هو ربما انك لم تقرا الموضوع وده ممكن جدا في الموقع لان الناس عايزة ترد وخلاص
عفوا بس انا قرات الموضوع كلو وحاولت استنتج هو ايه الطفطف ومقدرتش ... لو رجعت لاول المقال حتلاقي تعريف مش محدد للطفطف
انامش مصرية فبالتالي في اشيا ممكن ما اكون مش شيفاها او الها عندنا اسم تاني
يعني لوجيت حكيتلك انو (الششوة) لسة بتستعملها ستي وطعم اللبن فيها بجنن.. حتقدر تفهم هيا ايه؟.. و حتكون غلطان لو تسالت انا بتكلم عن ايه؟
و على اي حال تشكر و مش عايزة اعرف هوايه
الطفطف ده عبارة عن شي مثل القطار ولكن بعجلات
بس كدة من الاخر
اولا انا مقرتش المو ضوع بس شفت اسم الدوخلى واتغميت يا عم ار حمنا شوية هو مفيش غيرك صحفى فى الدنيا حرام عليك هو انت حزب وصنى ولا اية