منديل ورق.. يا منديله!
أكتب عن نفسي، لأني واحد من الناس، والكتابة عن النفس، هي جزء من الكتابة عن الناس.. تلك التي هي أهم ما يفعله الكاتب والصحفي.. لأن التجربة الشخصية جزء من التجربة العامة..
01/02/2007
(1)
هل يوجد في القاهرة ما هو أغلى (وأرخص) من النيل؟؟
أمس جلسنا على صفحة النيل، بيننا وبين متر واحد، وخلفنا كان هناك فندق شهير، استمد شهرته من كونه يطل على مكان مميز من النيل.. لكن دخول الفندق ورؤية النيل من داخله حلم يعجز جيبك عن تحقيقه..
لكن الجلوس قرب النيل.. على الحجارة.. وشرب شاي سيء بدون سكر من بائع متجول للشاي وحمص الشام.. الجلوس في ذلك المكان.. وشرب تلك الأشياء.. أمر تفعله ببساطة ولا يغرمك سوى جنيهين اتنين.. مقابل الشاي والحمص..
تجلس هناك.. الفندق الشهير خلفك.. ودار الأوبرا أمامك.. وبائع الشاي يصر على أن يسمعك رغما عن أنفك أحدث إصدارات "طارق الشيخ".. دقيقة حداد..
هو نيل واحد..
شاهده من فوق بألف جنيه..
واقترب منه وألمس ماءه البارد.. وادفع اتنين جنيه..
واسأل نفسك في كل مرة.. "النيل بكام؟؟"..
وانظر إلى مكانك جيدا.. واسمع السؤال الذي سيطرحه صديقك بشكل لا إرادي..
"في كبت أكتر من كدة؟؟"
(2)
كنا على موعد للإجابة على السؤال السابق..
السؤال الذي كان استنكاريا أكثر منه استجوابيا واستفهاميا..
الحقيقة أنه.. في فعلا كبت أكتر من كدة بكتير.. وإليكم النموذج..
(3)
اقترب منا شاب أسمر، للوهلة الأولى عرفنا أنه يقصدنا نحن دون أن يكون على معرفة بأي منا.. كنا خمسة من الصحفيين جمعتنا الصدفة في مكتب عشرينات وقررنا أن نجلس على النيل نتسامر..
اقترب منا الشاب وسأل سؤال تقليدي من الممكن أن تسمعه مرة أو مرتين في يومك..
- لو سمحت يا أستاذ.. ممكن ورقة؟..
أخرج عبد الله الطحاوي ورقة وأعطاه إياها.. سألته أنا في فضول.. "عايز ورقة تعمل بيها إيه دلوقتي"..
- أنا شاعر.. وكنت ماشي على كوبري قصر النيل.. وفي أبيات شعر نزلت على دماغي.. فقلت أكتبها.. وملقتش ورقة أكتبها.. فكتبتها على منديل ورق.. ودولقي بدور على أي ورقة أكتب عليها الشعر.. خايف المنديل يتقطع ويبوظ.. وأنسى أنا الأبيات.. بص .. أول ما أخلص القصيدة هديهالك تقراها..
قلت له : طيب.. خد الورقة بس بشرط.. هتديني المنديل بعد ما تنقل الشعر.. اتفقنا.. ؟؟
- اتفقنا..
(4)
انا اسمي أحمد.. عاطل.. مش بشتغل.. عظيمة يا مصر.. عارف مش بشتغل ليه؟؟.. عشان أنا كنت مدمن هيروين.. بودرة يعني.. بس بقالي كتير مش بشم بودرة.. لكن مفيش حد عايز يشغلني معاه..
أنا بكتب شعر حلو قوي.. بس عايز حد يسمعني
أنت بتبص لي كدة ليه؟.. هو أنا باين عليا محتاج فلوس..
أنا ساكن هناك.. في القصر العيني.. عظيمة يا مصر..
أصل أنا بحب قوي كوبري قصر النيل.. وبحب أمشي عليه.. وأكتب شعر..
(5)
قال الكلمات السابقة في حين كان منهمكا في نقل أبياته التي لم أكن سمعتها من المنديل.. إلى الورقة.. كنت متعلقا بالمنديل.. أشعر أن هناك قصة صحفية يمكن صناعتها من "منديل ورق" صنع ليستخدمه الناس في التخلص من فضلات أنوفهم.. لكن هذا الشاب تخلص من أبيات شعره في المنديل نفسه..
سخرت من المعنى، وتصورت أن شركة صناعة المناديل في حاجة لتعديل شعارها "ناعمة وقوية وكلها حنية".. لأن المنديل أصبح في لحظة كبت واحدة.. "كله شاعرية"..
(6)
لما تلاقي الجد في إيده حفيده..
وفي الناحية التانية المطواة في إيده..
يبقى أنت أكيد.. أكيد في مصر..
لما تذاكر جدا ومتنجحش..
ولما تنجح وماتتوظفش..
ولما تتوظف وما تكسبش..
ولما تحب وما ترتبطتش..
ولما ترتبط وما تتجوزش..
يبقى أنت أكيد.. أكيد في مصر..
لما المزة تسيبك وما ترجعش..
يبقى أنت أكيد.. أكيد.. أكيد..
في مصر!
(7)
وأعطاني المنديل..
مكتوب عليه..
"رجاء من يقرأها يقولها لعشرة مصريين حتى يفهموا الحقيقة.. عظيمة يا مصر"..
تحتها كتب أحمد " الساعة .... بالليل.. كوبري قصر النيل"..
لأن أحمد لا يرتدي ساعة يعرف منها الوقت الذي نظم فيها أبياته.. !
(8)
في كبت أكتر من كدة..
نحن الذين لم توفر لنا جيوبنا فرصة دخول الفندق الشهير لرؤية النيل من داخله فجلسنا على صفحة النيل باتنين جنيه..
وأحمد.. الذي كتب قصيدته الأخيرة.. على منديل ورق.. وجاءنا يستلف ورقة ينقل عليها أبياته..
حين أمسك المنديل الآن.. أفكر أن أحمد ربما استلف المنديل نفسه.. لأنه ربما لا يملك ترف شراء علبة مناديل صغيرة بنصف جنيه..
يرن صوت "عبد الله الطحاوي" جانبي يغني أغنية قديمة لعبد العزيز محمود : منديل الحلو.. يا منديله..
يلح السؤال مرة أخرى..
في كبت.. أكتر من كدة
(9)
يقول "محمود الكردوسي" في مقاله الأسبوعي في "المصري اليوم" :
أكتب عن نفسي، لأني واحد من الناس، والكتابة عن النفس، هي جزء من الكتابة عن الناس.. تلك التي هي أهم ما يفعله الكاتب والصحفي.. لأن التجربة الشخصية جزء من التجربة العامة..
عدد التعليقات : 32
• هيثم و بهية وجعيدي.. وست أبوها
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
فعلا الكتابة عن النفس عند الصحفي تمثل الكتابة عن الناس
وبخاصة لم يكون اللحظة توكد ان المشكلة في الناس والمشكلة في الدنيا
والمشكلة فعلا تكاد تبكي الواحد
الي انت قابلتة يا براء
مش واحد وعدي عليكم وخلاص
لا ده واحد تقريبا مش عايش
مدمن
بيحب مصر
عاطل
وبيحب مصر
ولما حس انة شاعر
قال انة بيحب مصر
واوعوا حد ينسي اننا بحب مصر
وكلنا بحب مصر
" مصر بلادنا ومش هنبعها "
h_elhandy@hotmail.com
كتير بتكتب عن مغامراتك وتجولاتك في القاهرة وشوارعها..جميل ومفيش مشكلة..بالرغم من أغلبها على المستوى المهني وحتى على مستوى الفكرة مش قوي ..على عكس رأي السادة المعلقين في التعليقات إلي بتهلل بمجرد ظهور مقال للبراء أشرف ..مش عارف على إيه؟!..يمكن في إطار المجاملات من أصدقاء أو مقربين
ولكن الموضوع إلي شد انتباهي.هو "حمص الشام"..بالنسبة ليه أنا قريت ليك حوالي أربع موضوعات مش أكتر ..وكتير ورد ذكر حمص الشام في مقالات ليك ودايماً "حمص الشام" في مقدمة المقال أو ما يطلق عليه موضوعات بتكتبها..
ممكن أعرف السبب ؟!!
يا استاذه براء - كنتى قاعده ليه من اصله على الكورنيش ومع مين - مش خايفه ابوكى يقراء هذه المقاله التى تشبه اعترافات ليليه- دا حتى الجو برد والسفاح ممكن يجيلك هناك- ولاانتى عامله له كمين- ايمن امام
الام واحزان هذا الشاب هى الام كل الام الشباب المصرى
هى مشكلة كل بيت فى مصر وكل ولد وكل بنت فى مصر
لان معندناش رئيس قاعد يحكم فى قصر فى وسط البلد وحاسس بمشاعر الناس
عندنا رئيس فى اجازة على طول وقاعد على الحدود فى شرم الشيخ
لما المزة تسيبك وما ترجعش..
المزه كلمة سوقية قبيحة ما يصحش تتكتب لان فيها خدش حياء
رحت فين يا بونا وسبتنا لااحنا عارفي بعضنا ولا حتى نفسنا........أنت رحت فين
متزعلوش أنا مش هنكد وابكي عل الي راح بس يفيد بأيه يا ندم يا ندم وههتعمل إييه يا عذاب
احنا لازم نضحك علشان نعيش عبط ياعني ,بس الموضوع قلب بهبل مع الشباب والعيال والكبار بقينا ماشين نضحك على بعض.....أو على نفسنا
بس أنا بجد زعلانة علسان مكنتش موجودة وقتها اصلي تحت كوبري قصر النيل مكاني المفضل ابو جنيه معرفش غلي هوة كمان وبقي ب2 جنيه جت على دي ياعني دحنا في كبت ما زيهوش كبت ابدربنا يفك عننا ونحرر نفسنا بقي من الطناش
ايه الغل دة كله يا محمد
"إن كان في الخلد خسر.. فالخير أن تخسروني".. من أناشيد الإخوان!
اعتبروها المرة الأخيرة "مؤقتا".. لظروف أحتفظ بها لنفسي، ولأسباب تتعلق برغبتي في بقاء علاقتي بوالدي على ما هي عليه..
لما يزيد عن المائة تعليق ومثلها إيميلات، ولآلاف الكلمات التي كتبت على الماسينجر وعشرات كروت الشحن التي استخدمت في الموبايل.. لكل هذا أرى أنه من المناسب أن تكف هذه الأشياء عن الحدوث.. وتعود الأمور لـ "طبيعتها"..
فليستريح الإخوة المكفرون، فقد أسلمت من جديد، وليصفح عني الأصدقاء الذين جعلوني أشاهد وجوههم الحقيقية للمرة الأولى.. سأنسى ما رأيت.. وأظل مخدوعا!
لتمضي حملات المقاطعة في طريقها، وليبارك الله حملة الاعتذار، وليكف أيدي جنود الأمن المركزي عن متظاهري الإخوان الذين سيخرجون في القريب العاجل يدافعون عن معتقليهم ويطلبون "الحرية" لهم.. ويستمرون في منعها عن هؤلاء الذين "كفروا" بهم ووجدوا في عقولهم رأياً آخراً عنهم!
لأن الكلاب تعوي والقافلة تسير، وعواء الكلاب بالنسبة لي صوت مزعج بما فيه الكفاية، لا أحتمله.. فضلا عن أني لا أريد أن يشبه أحدهم كتاباتي بصوت لا أحبه.. كما أن تهمة مثل الكتابة في "روزاليوسف" لا تروق لشخص مثلي يعتبر قراءة "روزاليوسف" في حد ذاتها تهمة فضلا عن الكتابة فيها..
للأسباب السابقة أعلن أن المعركة انتهت لصالح الذين بدأوها منذ البداية.. وأقول أنها المرة الأخيرة التي أكتب فيها عن الإخوان ومرشدهم.. (لأنه لا يرشد الجميع) وسأكتفي كما قال لي أبي في نصيحته الأخيرة : "انقد المجتمع.. ولو عايز تنقد الإخوان.. بلاش والنبي المرشد"..
طالبت أبي أكثر من مرة أن يذكر في كلامه أن المرشد هذا اسمه "مرشد الإخوان"، وأن لفظة "المرشد" فيها خطأ لغوي، لأنها تن
اقرأ بقية التعليق ..
طيب ومفروض اننا نفهم ايه من نقلك لموضوع من على مدونة براء اسمه حرج عليا بابا مشتمش المرشد.
انت فوق الفظيع وتحت المريب يا استاذ والله
بالرغم من ان الموضوع مش كاتبه الطحاوي الا انى بقله الله ينور عليك لانه قال كلمة اتاخدت عنوان وده مش جديد على صحفي كبير زي الطحاوي اللى بينقط صحافة وهو ماشي
اما بالنسبة للموضوع فمش عيب ان الواحد يشتغل صحافة حتى لو كان فى نزهة لان استاذنا الكبير مصطفي امين بيقول ان الصحفي بيعمل 24 ساعة يعنى ممكن يعمل موضوع صحفي من حلم شافه في المنان لكن اللى اعترض عليه الافراط في الحكاية دي كده الناس ممكن تحس ان الموقع موضوعاته ( ملاكي ) ارجو الا يساء فهمي
الريس حرنكش
عليا الحرنكش يا ريس مبارك
فى عصرمزركش ملون بنارك
لابايعك وأبايع حكومة حمارك
ملعون أبو اللى يقدريقاطع قرارك
نهاره مقندل وليله مبارك
فهمبك وهجص وطلع فى ديننا
أكيد هو طالع يشاهد جمالك
جمالك مبارك سوزانك سوزاننا
يا محلا حصارك لمصر اللى جالنا
نسيمها فى عصرك بيشوى ف بدنا
أؤيد وأبايع فخامة جلالتك
وأيد أى واحد بيمسح ريالتك
ولأنك سر باتع هاننسى هبالتك
فأقعد يا ريس ودلدل حمامتك
حمامة السلام حمامتك ياريس
سلامة الحمامة وسلامتك ياريس
ياريس حمامة ياريس كويس
على تل مصر ياريتك تهيص
خرابة فسيحة عليها تمتيس
وأأمر تطاع فشعبك مفيص
يا اخ بهنساوي الموضوع دا متفبرك ما فيش نيل ولا بتاع القصيده اللي كاتبها بسلامته واللي هي مكان الصوره دي وصلتني على البريد الالكتروني قبل ما بسلامته يكتب الموضوع باسبوع.
يا كابتن براء .. الكلام العبيط اللي بتقول إنه شعر وقصيده على منديل ومش عارف هباب إيه كان منشور هنا في تعليق من شهرين .. بلاش كده .. يا كابتن الفرقعات والكذب اللي اسمه براء على عكس وصفه خالص بطل فبركه وكذب ونصب .. طيب روح الرابط ده وهتلاقي فيه القصيده منشوره على أنها أغنيه من يوم 5 أغسطس سنة 2005 .. 2005 يا راجل وجاي تضحك علينا وتوصلنا رساله إنك صحفي ضمن خمسه صحفيين كنتم مش عارف فين .. إيه الخبل ده ؟
الرابط أهو يا بايخ وشوف تاريخ نشرها من إمته
طيب روح الرابط ده كمان وشوف الكلام ده منشور فيه من إمته
طيب روح هنا وشوف الأخ اللي بيتكلم على الأغنيه دي من سنتين برضه
طيب إيه رأي الناس هنا لو كل واحد خد كلمتين من اللي قال براء الكذاب أنه قرأها على منديل الحلو وحط الكلمتين دول في الباحث أي باحث ويشوف النتائج ..
عيب يا براء استحي على دمك وبلاش عك وقرف .. كرهتنا في الموقع ده وفي الاسم كمان
باين عليك واد معقد وكلك كلاكيع واحلام يقظه خايبه
طيب دخلنا احنا ايه بجنونك ولخبطة عقلك
يا عشرينات ريحونا بقى من براء واللي زيه
عيب كده
اللي فوق ده رابط فيه البحث على ياهو .. روحوا وشوفوا كذب السيد براء
وجربوا كمان الرابط ده
ليه أنا علقت كتير على الموضوع ؟ لأن السيد براء وقع في نفس الخطأ الذي وقعت فيه واحده هبله برضه اسمها مش مهم .. نسيته كانت كاتبه في الأهالي من سنتين عن الأغنية ديه وقال ايه الإخوان هم السبب فيها وهم اللي وراها .. يادي النصيبه .. هم الإخوان ورا كل حاجه كده في مصر ؟
الأكاده أن الصحفية العبيطه الهبلة بنت العبيطه برضه ما كملتش الأغنيه .. خدت بس كلمة السبحه من الموضوع .. لكن لو كملت كانت حتلاقي كلام عن الكنيسه برضه .. طيب ليه ما يكونش شنوده ورا الأغنيه ؟
الموضوع ببساطه أنها أغنيه لا علاقة لها بأية جهة .. بس الأفنديه المهابيل زي براء كده ولو انه واخدها من زاويه غريبه خالص بيدوروا على أي موضوع ولا حتى كلمه ويفبركوا منها موضوع
عالم بقر فاهمين الصحافه غلط والله
او يمكن لسه عيال محتاجين يتعلموا
باقولك ايه يا براء
بطل عك وفبركه يا كذاب
عيب كده احنا مش عيال صغيرين عشان تحتقر عقولنا وتقرفنا بهبلك ده
يا تكتب زي مخاليق ربنا يا تبطل وتريحنا
ويا عشرينات ارجوكم اتأكدوا من سلامة القوى العقلية لمن يكتب عندكم عشان هي مش ناقصه تهييس وهوس وقرف
واحد لسه ما نامش
لمّا تلاقي الجد في ايده حفيده
والناحية التانية سبحة في ايده
الطفل في عينه بريق
وفي وجه احساس برئ
لسّا جايب جلابيته النهاردة
وبينده وسط الطريق
ويقله ياجدو
ويمسك ايده ويشدو
ويقله انا عايز أتوضا
ويقله يللى نصلي العصر...
يبقى انت أكيد أكيد في مصر
يبقى انت أكيد أكيد في مصر
لمّا تلاقي الكنيسة جوّها دافي وأصيل
وكل ركن فيها شاهد على التاريخ
هنا المسيح والعدرا عاشوا بالسنين
في وسط ناسها وأهلها الطيبيين
ده كلام جرجس وعمي نصر...
ويبقى أنت أكيد أكيد في مصر
يبقى أنت أكيد أكيد في مصر
لمّا تلاقي في جرحك ألف عين باكية عليك
وتلاقي في فرحك زغاريط وزينة من حواليك
وبيتك البسيط يتحول قصر
والخير جواه مالوش حصر...
يبقى انت أكيد أكيد في مصر
ويبقى أنت أكيد أكيد في مصر
طيب آدي الأغنيه كامله يا عم براء
عسى الله يكرمك وتحل عن سمانا بكلامك الماسخ
وكذبك وفبركتك العجيبه على الفاضي
لسه برضه مصر تفهمنا إنك كنت مع خمسه صحفيين وانك صوحافي؟
طيب اتلهي بقى ودورلك على موضوع زي الناس
شخابيط
07 يوليو, 2006
يبقى انت اكيد في مصر
بصوا من الآخر كده انا ملييش نفس اعمل أي حاجة في الدنيا يعني انا الخنقة اساسا وصلت بيا آخرها زيي زي كل الشعب المصري ...بس انا الجرعة عندي زيادة شوية ...يقوم منه لله عم احمد الزلنبحي البقال عندنا مشغل التليفزيون المصري لفتت نظري الأغنية اللي شغالة ...اغنية اسمها ...يبقى انت اكيد في مصر .
في البداية طنشت شوية ...وبعدين ركزت ..وركزت اكتر لقطت كلمتين من الأغنية ما معناه ...لما الحفيد يشد ايد جده ويقوله يلا يا جدي نصلي العصر ...يبقى انت اكيد اكيد في مصر .
هاهاهاهاهاهاهاهاهاهاهاهاهاهاه والنبي ايه حلوة دي ....يعني لو عيل صغير غلط واتخبل في عقله في الصومال مثلا وقال لجده تعالى نصلي العصر ...حيبقى بقدرة قادر تنقلب الصومال مصر علشان يبقوا اكيد في مصر .
والله اللي كتب الشعر ده دماغه لاسعة ( مع الأعتذار لقارئتنا المتميزة لاسعة ) .انا بقى لا شاعر ولا بفهم في الشعر ده لكن اللي اعرفه ان عندي حاجات كتير مش ممكن بجد مش ممكن تحصل لو حصلت إنك تقول غير حاجة واحدة ....تقول يبقى انت اكيد في مصر .
لو البلد تعبانة و44% من سكانها يعيشون تحت خط الفقر وفيها عبارة غرقانة وانفلوانزا الطيور ومع كده رئيسها يطلع في حوار صحفي والمذيعة تسأله انت مرتاح لوضع البلد ...فيكون الجواب مرتاح اوي ......يبقى انت اكيد في مصر ( يلا .... حتة من ورا ظهر الرقابة واللي يلحقها يلحقها )
لو لقيت الظابط ماسك شيخ عمال يديله على قفاه في مظاهرة ....يبقى أنت أكيد في مصر .( مظاهرة من مظاهرات الأصلاح في طنطا ظهر فيها ظابط يضرب شيخ معمم ...بجلباب وكاكولا ويضربه على قفاه )
لو لقيت نص شبابنا بيضرب بانجو وحشيش عـ القمة ......يبقى أنت أكيد في مصر .
لو صندوق زبالة ف
اقرأ بقية التعليق ..
ارحمنا من تعليقاتك انت السخيفة والموضوع حلو قوي يابراء تسلم ايدك فيه احساس انساني عالي قوي احييك عليه
والله بجد يابراء انت شكلك فاقع ناس كثيرة قوي بكلامك وبمقالاتك اللذيذة واحد اسمه محمد مصطفى بيتلكك على كلامك والاخ اللي لسه منمش ده شوف استقطع من وقته قد ايه عشان يعمل سيرش ويجيب كلام واغاني والاكداده بقى ان كل اللي جابه هنا ميغيرش في الموضوع ولا في الحدث ولا حرف واحد لان الاغنية مش متكررة من الاساس يا استاذ منمتش غير اول بيت وده عادي يعني ممكن الاخ اللي كتب ع المنديل يكون قرأ القصيدة قبل كده وممكن يكون من دماغه يعني هي كل الاغاني اللي في حياتنا متكررة ومتعادة مليون مرة يبقى براء اللي فبرك الموضوع
وبعدين ياعم الحلو لو براؤ مفبرك الموضوع مكنش قال ان كان فيه حد معاه كان كتب انه هو بس اللي شاف وده اوقع واسهل
وبعدين بمخك اللي على قدك وضيق افقك الغريب واللي واضح منه انك بتكره استاذ براء قوي الموضوع من الاصل مش هدفه القصيدة بقدر ما هو هدفه ايضاح الكبت والضيق والمهانة اللي بنعيشها تقوم تسيب كل ده وتتكلم على موضوع مالهوش اي لازمة
ربنا يرحمنا من تعليقات الناس الغريبة دي
وانا مؤدب ومش هاستخدم اسلوبك غير المحترم من شتيمة وتعبيرات بذيئة وياريت تخليك في نفسك
المصريين من قهر النظام ليهم بقو يقهرو بعضهم ومحدش بيتقبل النقد وكلهم تعالي على بعض طيب فيها ايه لما حد ينتقد مقال البراء ولا يهاجم اسلوبه في الكتابه هو خلاص اتحول لصنم الكتابة في الموقع المقرف ده وكأنه منزه عن النقد مس عارف مهلالتية الموقع وهما بالطبه مهلالتية للبراء مش عاجبهم أي حد ميعجبوش كلام البراء وكأنه نبي الكتابة ولا إله الصحافة مع إن موضوعاته منها موضوعات كويسة وموضوعات تفقع المرارة وملهاش لازمة ومع ذلكتلاقي ناس عمالة تهلل للموضوع بالرغم من فقره الشديد وفي بعض الموضوعات كويسة وهنا بقى بتحصل كارثة من المعلقين والمحتفين بالبراء وأنه فتح عكة براحة شوية يا جماعة البراء البلد مش ناقصة مشاحنات وقلة حيلة وصدقوني مجموع إلي بيخدلو الموقع على بعضهم لا يتجاوز المائة شخص الواحد منهم بيخدل الموقع أكتر من مرة في اليوم وبالتالي الموقع بيعد زوار على الفاضي ده غير العاملين في الموقع إلي طول النهار عمالين يحدثو ويرفرشو الموقع وبالتالي الرانك بتاعه بيزيدهدو اعصابكم الموضوع ابسط منه مفيش
الشللية والجيوب والتطبيل والتهليل صفة المصريين من قديم الازل
انا لسة جاي من برة مصر وطول عمر برة مصر وكان نفسي استمر فيها بس بالوضع ده هاخد الاربع سنين بتوع الاكاديمية وهرجع تاني الوضع سئ للغاية
لا لا لا لا ..
بجد حسبي الله ونعم الوكيل..
الأخ اللي لسه منامش..
يا عم روح نام بس شوية وتعالى هتكتشف انك انت اللي غلطان..
انت عايز تفهمني انك مسمعتش اغنية محمود العسيلي يبقى انت اكيد في مصر
يا عم الشاب اللي انا قابلته ده كان بيحاكي الاغنية يا عم الناصح وبيكتب معاني مختلفة تانية عنها
لان في اغنية مشهورة جدا اسمها يبقى انت اكيد في مصر غناها وألفها ولحنها محمود العسيلي بالاشتراك مع آخرين وبرعاية الحزب الوطني
انما القصيدة المنشورة رغم ركاكتها فهي مجدر محاكاة للأغنية الاصلية اللي مصر كلها عارفاها وبالتالي رأيت اني هبقى بعيد اكتشاف البخار لما اقول انها قصيدة بترد على الاغنية لان المعنى مفهوم في "بطن" الشاعر..
عموما يا سيدي اديني بقولك ان الاغنية معروفة جدا.. ده مبدئيا
ثانيا بقى..
هو انا اللي كتبت القصيدة؟؟
الحقيقة ده محصلش.. انا كنت قاعد لا بيا ولا عليا خارج مع اصحابي ولقيت الشاب ده جالنا لوحده وكتبت موضوع هدفه الاساسي الكبت مش القصيدة
عموما يا عمي روح نام بس وروق شوية.. وربنا يعلم انت أسعدتني قد ايه بتعليقك اللي الحمد لله خلاني افهم الفرق بين المعلق القارئ والمعلق القاتل أمثال حضرتك.. أوعى تزعل مني .. أنا بهزر معاك.
اعتبر اللي حصل ده كله حكاية قبل النوم.. تصبح على خير
البراء أشرف
baraa_ashraf1@yahoo.com
مين بقى اللي قال ان براء مبيغلطش والكلام ده
الله يرضى عليك انت نقطنا بسكوتك
اسمي كمال رضا وانت راجل جبان ووقح
طيب عرفني بنفسك .واضح إن البراء بالفعل تحول لصنم او إله ليه مريدين ودراويش بيطوفو حواليه مع إن الموضوع ابسط منه مفيش إنما المشكلة الاكبر هي في المهللاتية والبهلوانات المفسدين دول اخطر على البلد من مبارك والنظام واظن إن النوعيات دي مصر فيها كتير منهم
سرقوا فلوسي باعو هدومي
قالو تعالي دي بلده أمانه
رجعت بجري لمصر مشتاق
لقيت واقف مستنتي على الباب
شفتوا خفت وركبني أكتائب
سئلت عليه قالوه ده علاء
خدو الفلوس وحتى????
ورجعت تاني لبلاد الأغراب
1) الغاء فكرة التعيين نهائيا واقرار مبدأ التعاقد فقط وهو الوسيلة الوحيدة للتوظيف.
2) العقد يحرر كل خمس سنوات وفي نهاية مدة العقد (يعمل كشف حساب) يعني يجدد له العقد ام لا.
3) توسيع سلطة الجهة الادارية في التحقيق والفصل من العمل (يعني التحقيق في نفس مكان العمل) وتلغي فكرة التحقيق مع الموظف في النيابة الادارية (الجهة المحايدة والمختصة قانونا في التحقيق مع الموظفين طبقا للقانون الحالي لسنة 1978) ,يعني من الاخر دلع المدير بتاعك وهشكة احسن يغضب منك ويزعل ويقوم بفصلك في اي وقت وبدون ابداء الاسباب,وحتي لو الموظف مش عمل اي غلط.
4) ابقاءالموظفين الحاليين المعينين الدائمين في وضعهم الحالي بمزايا القانون القديم 1978 والقانون سيطبق فقط علي المتعاقدين الحاليين في الحكومة ومن سيدخل مستقبلا في الجهار الاداري (يعني انت في الشغل تشتغل زيك زي الموظف المعين ويمكن اكتر منه ولكن هو قاعد لحد سن المعاش وانت بعد انتهاء مدة العقد الخمس سنوات وبعد اكسابك الخبرة الوظيفية واستقرارك الاسري تروح في ستين الف داهية) من الاخر كده فين مبدأ المساواة في الدستور وتكافؤ الفرص بين المواطنين, وحق العمل.
5) الغاء الاجازات بدون مرتب , وتقليل الاجازات المرضية لتصبح شهر فقط وبعد ذلك يطرد الموظف المريض اذا تجاوزها ويفصل من الخدمة نهائيا, 2 اجازة وضع لمدة ثلاث اشهر ولمرة واحدة بعد ان كانت ثلاثة في القانون القديم للموظفات .(6) من حق الطرف الاول (الحكومة) الاستغناء عن الطرف الثاني(الموظف) في اي وقت ولاسباب يراها الطرف الاول , دون ان يحق للطرف الثاني الرجوع علي ذلك.ولا استطيع عرض باقي البنود الظالمة من قانون الوظيفة العامة الجديد. من الاخر ياناس ده قانون ظالم وسيهدم ا
اقرأ بقية التعليق ..
موضوع جميل يا براء وانا مستغرب اللي هاجموك في المقال ده غرضهم ايه بالظبط؟؟
يا جماعة شوية موضوعية: براء مش اول ولا آخر من ينتقد الاخوان سواءً من داخلهم ام خارجهم ومش عيب ولا حرام انه يتكلم عنهم باعتبار ان الاخوان بعد نزولهم للشارع مابقوش بتوع نفسهم بالعكس بقى من حق اي مصري انه ينقدهم ويختلف معاهم؛ اللي بنرفضه هو ان قلم زي قلم براء يتحول من النقد الى السباب الغير مبرر
واي حد يطلب من براء انه يبطل يكتب عن الاخوان يبقى بيسيء للإخوان قبل ما يكون بيسيء للبراء وبيصادر حقه في التعبير عن رأيه
واضح جداً ان مجموعة مقالات سابقة لم يسعفني الحظ كي اطلع عليها كلها اوجدت نوع من الحزازية بين براء وقرائه وهذه الحزازية مسئولية مشتركة بين براء "اللي زودها" شوية - في الشتيمة مش في النقد - وبين جمهور قد يكون مصدوم او غاضب او عاتب ولكنه في النهاية (جمهور قراء براء)
ازيك يابيرو .. تصدق بالله إنك غلطان بردك على الأخ اللي نايم على روحه ده .. لما يبقى يفوق من الهباب اللي بيشربه يبقى يعلق .. أصل التعليق بقى شغلة اللي مش لاقي شغلة..أصلها ناقصاه ..
وبعدين ياعم الخفيف اللي بينام على روحه ده .. أنا كنت قاعد والكلام ده بيتقال
مليتوا البلد ياكابتن