انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

المرشد الأمين لتأميم الإخوان المسلمين!

ولاد البلدقراءة في ٦ د

من يقول هذا الكلام نصابون ومن الممكن أن يقول هذا الكلام أصحاب السوابق فقط، وفي مصر يصدر حوالي 3 مليون إذن بالتفتيش ولا نسمع هذا الكلام عن الأموال والمنقولات الشخصية إلا من الإخوان

02/02/2007

أحمد البهنساوى - حسام الهندي – ولاد البلد:

جاء كالصاعقة . قرار المستشار عبد المجيد محمود النائب العام يوم الأحد الماضي 28 يناير بمنع التصرف في الممتلكات السائلة والمنقولة والعقارية والأموال الخاصة لـ29 من قيادات الإخوان المسلمين على رأسهم المهندس خيرت الشاطر النائب الثاني للمرشد قضية ممتلكات جماعة الإخوان المسلمين لدي الدولة أو الحكومة سواء كانت ممتلكاتها القديمة أو الحديثة وبالرغم من صعوبة وحساسية الوصول للرقم الحقيقي للمتكلات جماعة الإخوان.

إلا إننا توصلنا أن اعتقال النائب الثاني للمرشد المهندس خيرت الشاطر صاحبه مصادرة ما يقرب من 750 ألف جنيها من منزله وأكثر من 5 أجهزة كمبيوتر إلي جانب أن الحملة التي تلتها مباشرة صودر خلالها حوالي 175 ألف جنيها من دار التوزيع والنشر وبالتالي نجد أن الأموال الإخوانية في الحقيبة الحكومية ملايين، القرار تصعيد خطير من الدولة وينذر بصدام وشيك.

مصانع الإخوان

من المعروف أن الجماعة منذ نشأتها وهي تهتم بالاستثمار الخاص وكان البنا يحفز أتباعه على عدم التعلق بالوظيفة وبالتالي فمن البداية وهي توجه نظرها نحو القطاع الخاص والتوسع في أصولها وممتلكاتها المالية، وفي نفس الوقت كانت الحكومات المتعاقبة أكثر حرصا على ضرب وتأميم هذه المشروعات والقائمة ممتدة بداية من مصنع الإخوان المسلمين للغزل والنسيج بشبرا الخيمة الذي تولى إدارته محمد شريف رئيس قسم العمال بالجماعة وكان المصنع يضم 40 آلة و 60 عاملاً.

وفى ديسمبر 48 تمت مصادرة مؤسسات: (شركة الإخوان للصحافة، شركة الإخوان للطباعة، شركة الإعلانات العربية، شركة المعاملات الإسلامية، الشركة العربية للمنجم والمحاجر، شركة التجارة والأشغال الهندسية، شركة التوكيلات التجارية بالسويس، مزرعة العركى "800 فدان").

مقر الإخوان ..قسم شرطة

فضلا عن مقرات الجماعة والتي شمعتها الأنظمة مثل:مقرّ المركز العام لجماعة الإخوان المسلمين بالحلمية الجديدة، والذي أصبح الآن قسم شرطة الجمالية، مقرّ شركة الإعلانات العربية بالعتبة، وهو الآن أحد مقارّ مطابع الشرطة الأميرية، مقر مجلة (الدعوة) بشارع سوق التوفيقية، وهو مغلق بالشمع الأحمر منذ عام 1995م وحتى الآن، الجمعيات الخيرية والمستشفيات والمدارس والمصانع، والتي كانت تمتلكها الجماعة منذ نشأتها حتى قرار حلِّ الجماعة فى يناير عام 1954م.

هذا بخلاف المضبوطات من أجهزة كمبيوتر ومحمول فضلا عن الأموال التي تصادرها أجهزة الدولة لأعضاء الجماعة الحاليين بل ومحاربة رجال الأعمال المقربين من الإخوان أمثال المهندس عبد المجيد محمد مشالي صاحب شركة I2 لخدمات المحمول

كما كشف النائب الإخوانى في البرلمان محسن راضى في سؤاله إلى رئيس الوزراء ووزير الداخلية في الأول من سبتمبر الماضي والذي طالب فيه برد ممتلكات جماعة الإخوان المسلمين وعودة المقرات الرئيسية للجماعة بوسط القاهرة والحلمية الجديدة والتوفيقية والعتبة أن هناك أموال التي استولت عليها الدولة وتمت مصادرتها ضمن أحراز المضبوطات والتي قدرها راضى بـ100 مليون جنيه مصري.

عايز حقي

فى البداية يؤكد د. عبد الحميد الغزالي عضو مكتب الإرشاد لجماعة الإخوان وأستاذ الاقتصاد الإسلامي بكلية الاقتصاد والعلوم السياسية أن ممتلكات الجماعة كثيرة جدا منذ الأربعينات، وجمدت وصودرت أموال وشركات كثيرة للجماعة سواء في عام 48 أو في عام 54، مشيرا إلى إمكانية حصرها، قائلا أنها تقدر ليس بملايين الجنيهات بل ببلايين الجنيهات، هذا من الناحية المادية.

أما من الناحية المعنوية فالتضييق على أفراد الجماعة كما يقول الغزالي لا يقدر بمال وهو ليس خسارة للجماعة بقدر ما هو خسارة للتطور المصري. خصوصا ما طال رجال الأعمال المنتمين للجماعة في الآونة الأخيرة من ابتلاءات أدت إلى غلق شركاتهم بجانب أن كل اعتقال يتم فيه الاستيلاء على الأموال الخاصة بالأفراد وهو ما لا يوجد في أى نظام يحترم آدمية المواطن وخصوصيته.

وحول خطة الجماعة لاسترداد حقوقها المصادرة يقول د. الغزالي نحن نطالب بحق من نظام يبطش بكل الحقوق ولا نأمل في ردها ولكننا نطالب فقط من منطلق (معذرة الى ربنا).

أما عبد المنعم عبد المقصود، محامي الجماعة، فأشار إلي أن علاقة النظام السياسي بالجماعة تختلف مابين صعود وهبوط وهذا خاضع لأحداث داخلية وخارجية، منبها إلي أن هذه الحملة علي الأخص تستهدف تصفيه اقتصادية لأعضاء الجماعة، وقال أن أموال الأفراد التي تأخذ منهم لا ترد للإفراد وتكون مجمدة داخل المحكمة، مشيرا إلى قضية اعتقال مجموعة الأخوان المعروفة باسم مجموعة الشهيد أكرم زهيري صُدر من المعتقلين خلالها ما يقرب من 6 ملايين جنية أموال ومنقولات ومصوغات وغيرها وهذه القضية خرج كل المتهمين فيها ولم تسترد هذه المصادرات حتى الآن.

كلام نصابين

بعيدا ًعن الأخوان هل من حق الداخلية مصادرة أموال المعتقلين، يجيب عن هذا السؤال اللواء فواد علام مساعد رئيس جهاز مباحث أمن الدولة الأسبق والذي قال في البداية، أنه ليسا غريبا أن يحمل أي فرد في الدولة أموال فان ذلك أمر عادي وليس تهمة ولا جريمة.

أما عن الإخوان فالأمن علم أن أفراد الجماعة يقومون بعمليات غسيل للأموال وتستخدم في أنشطة جماعة محظورة وهنا الجريمة لأنه لا يعقل أن يترك لجماعة محظورة قانونيا أن تستثمر أموال لأنشطتها المحظورة. وعن الأموال المتحفظ عليها يؤكد علام أن الأموال بالمحكمة والمحكمة هي التي تحكم بالمصادرة أو إعادة الأموال، ولا يوجد من المصادرات مصوغات ولا منقولات شخصية.

ويضيف: من يقول هذا الكلام نصابون ومن الممكن أن يقول هذا الكلام أصحاب السوابق فقط، وفي مصر يصدر حوالي 3 مليون إذن بالتفتيش ولا نسمع هذا الكلام عن الأموال والمنقولات الشخصية إلا من الإخوان، وهم بالتأكيد لا يقولون الحقيقة لأنهم يريدوا أن يلصقوا بالأمن أنه يضطهدهم حتى يكتسبوا تعاطف الشارع معهم.

سخف حكومي

وبعيدا عن طرفي الصراع التقينا بأستاذ القانون د.حسام عيسى أستاذ القانون الدستوري بجامعة عين شمس الذي يقول: "ليس هناك شي اسمه مصادرة أموال إلا بحكم محكمة لكن أن تأخذ الأموال بدون حكم تسمي تحفظ ومن المعروف أن أي شخص من الممكن أن يتهم بأي تهم ويتحفظ علي أمواله لكن ولأننا في دولة لا تلتزم بتطبيق القانون في الاستحواذ علي الأموال بدون حكم محكمة".

مضيفا "أن وجود ذهب ومنقولات شخصية مثل أجهزة الكمبيوتر والمحمول في المتحفظات فهو أمر مرفوض وغير قانوني، فمن السخف أن تغلق الدولة مقار نشاط اقتصادي دون إبداء الأسباب وتتحفظ علي أموال المستثمرين، فهذا يخالف القوانين التي تدعو إلي جذب الاستثمارات، وكيف لمستثمر أن يأتي للبلد وهو مهدد بأن تأخذ أمواله بتهم ساذجة، لكن للأسف كل هذه الحملات لأسباب سياسية".

عدد التعليقات : 65

• إن فاتك التراب تمرغ في السراب

• البابا شنودة في عيون بباوي

• الشعر في حياتنا.. غائب

• الاشتراكيون الثوريون والإخوان

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. فهد الا سلام كُتب في
    الصبروان
    كلما قرات هذة الا خبار اتا كد انى اعيش فى عصر الطغاة عصر الكفر والا لحاد عصر الصوت الواحد صوت الجبابرة ان كانت الجماعة تغسل امولاة فى مصر فكيف نبناس تعلم انها فى اى لحظة رهن الا عتقال او الا غتيال وتستثمر امو لا ه فى هذا البلد الا خوان جمعوا امو لهم من حلال مش عارف هما الا خوان دول حرامية ولا بلطجية احنا بنتكلم على فية مثقفة الى ابعد الحدود دكتارة مهندسين محامين رجال اعمال يعنى ناس ليها نظام ولا يمكن ان يكزنوا بيعملوا حا جة غلط ويسيبوا فلوسهم كدة تسرقة الحكومة فكلر غريب فعلا من حكومة غا شمة ومش عارف اى قانون بيحكوا عنة المحقق يبع الحكومة القاضى وما ادرك ما قا ضاة اليومين دول وهم بر ضة تبع الحكومة والا علام الحكومى تبع الحكومة وكل شى فى البلد مسيطرة عليه الحكومة طيب يا اخونا الناس دى هتدفع عن نفسة ازى يقولك جما عة محظورة والله بل انتم المحظورين سيبوا الناس دى تقول ريها وبعد كدة الناس هى اللى تعبر عن الى هى عاوزه دة لو فية ديمقر طية حققية والشعب هو اللى يحكم مش شلة المنتفعين ان شاء الله من بعد الضيق فرج وان الله لا يضيع اجر من احسن عملا ومعا كم الله يا ابناء رسول الله صلى الله علية وسلم
  2. أحمد كُتب في
    أين ملتقى الإخوان
    كان للإخوان ملتقى عنوانه ikhwan.net/vb
    هل أغلقته الحكومة أم ماذا ؟
  3. شريف الدواخلى كُتب في
    انتا حنيت لشغلك فى افاق ولا ايه يا عم بهنساوى !
    من احلى الموضوعات اللى قريتهالك يا بهنساوى وبيفرنى بايام العز بتاعت شغلك فى افاق .. بس يمكن العنوان سخريه ألت لان يكون مبهم لحد كبير بس حلو و جميل اوى فكره مشاركه اتنين فى موضوع واحد وهما "مراسلين " .. طول ما انتا بعيد عن الداهية اللى اسمها الباز يا بهنساوى هانقرالك .. وانتا قارينى بقى ..
  4. مدقق لغوي كُتب في
    يرجى التصحيح
    وبالرغم من صعوبة وحساسية الوصول للرقم الحقيقي للمتكلات جماعة الإخوان
    للممتلكات وليس للمتكلات
  5. ارحمنا يا فضيلة المرشد كُتب في
    حل عننا يا فضيلة المرشد
    انسحب من مجلس الشعب ارجوك
    انسحب من المعترك السياسي
    حول الجماعة الى جماعة دينية فقط ليس لها اي مآرب سياسية
    كفاية سجون
    كفاية معتقلات
    كفاية امن دولة
    كفاية ترويع امنين
    حل عننا يا فضيلة المرشد
    لاالزمان ولا المكان يسمح بالتهريج اللي انتوا بتعملوه دا
  6. محمد القط كُتب في
    مفيش إستثمارات بإسم الجماعة !!
    الإخوان "ككيان" مش اغبية علشان يستثمروا في ظل نظان متربص وعنيف وغشيم...
    أنهي عاقل من الاخوان يقدر يستثمر في مشاريع يعود ربحها للجماعة مع تاريخ المصادرات والتحفظ إلي تم عرضه في التحقيق..فإ^ستثمارات بإسم الجماعة فكرة انتهت بصدام الاخوان بعبد الناصر
    مصدر تمويل الجماعة هو الاشتراكات الشهرية إلي تتراوح قيمتها من 3% : 7% من الدخل الشهري للافراد..
    الاخوان ليسوا في حاجة لعمل استثمارات لتمويل الجماعة لإن اشتراكات الافراد مأدية الغرض وزيادة !!
    الاعتقالات والمصادرة ليست شئ جديد على الاخوان وكمان النظام !!
    سبب الاعتقالات هو موقف الاخوان من
    1- التعديلات الدستورية 2-فلسطين والعراق 3- فساد النظام
    حاجة مهمة ..الدكتور عبد الحميد الغزالي ليس استاذ للإقتصاد الاسلامي ولكنه إستاذ النظرية الاقتصادية وفروع اخرى آخرها وأقلها الاقتصاد الاسلامي !!!
  7. هما الأخوان المسلمين دول يهود ولا أعداء دول مصريين من أغلى طبقات المجتمع وهم أساتذة الجامعات والمهندسين والكفاءات النادرة ومشاريعهم يجد فيها أبناء الشعب مصادر للرزق وهل فجأة أصبحوا إرهابيين ويزجون فى المعتقلات التى لم نراها فتحت لمن نهب خيرات مصر فى حساباته فى الخارج ولمن باع مصر ولمن زور الإنتخابات لصالحه 26 سنة ولمن أصبح إنفاقه هو وعائلته بالملايين على حساب الشعب ولمن يمتلك أبناءه المليارات من بيع مصانع مصر وشركاتها وطرد العمالة التى بها هل فعل الإخوان المسلمين شيء من ذلك أم أن وجودهم أصبح آخر حجرة عثرة للتعبير عن أعتراض الشعب على فساد الحاكم وعائلته والمنتفعين من ورائهم مبارك ترك برنامجه الوهمى الإنتخابى وإبنه سخر البرلمان واعضاءه المزورين وسخروا كل وسائل الإعلام لمحاربة طبقة تنال كل تأييد من الشعب وهم يفعلون ذلك لمعرفتهم وثقتهم بإن الشعب كله يرفض مبارك وعائلته وإبناءه الحرمية الفسدة كُتب في
    الإخوان هما مصريين خالصين
    لكن مبارك وحزبة وعائلته اوصلوا الشعب لقمة السخط والكراهية لهم فماذا ينتظرون من بعد كل هذه الإعتقالات لقوم يحاربون الفساد ويعبرون عن آرائهم ويخافون الله وهم الأخوان المسلمين
    يا ظلمة مبارك هو الذى فتح المعتقلات مبارك هو الذى أفسد مصر مبارك وعائلته هم الذين نهبوا خيرات مصر مبارك وعائلته هم العملاء ماسحى أحذية أمريكا وأسرائيل لضمان بقاؤهم الغير شرعى المبنى على القتل والتزوير والفساد
    إتركوا الشعب هو الذى يعبر عن إختياره لإنه أدرى بمن أفسد مصر ومن يحارب الفساد والتوريث المرفوض هل يعقل أن يورث حكم لإبن شاذ ومدمن وسرق مصر ورصيده بالمليارات ويترك كفاءات مصر التى تريد أن النهوض بالشعب لو كان مبارك صادق فى أى شيء كان ترك ما يفعله بأبناء الشعب وكان نفذ برنامجه الكاذب الوهمى إللى زور الإنتخابات
    اقرأ بقية التعليق ..
  8. الإخوان المسلمين ليسوا فى حاجة للدفاع عن أنفسهم ضد ما يفعله بهم مبارك وعائلته وحزبة وحكومته لإن الشعب يعلم جيداً لماذا يفعلوا ذلك ولكن الحل الوحيد هو كُتب في
    حل واحد
    الثــــــــــــــــــورة على مبارك وحكمه الفاسد والقضاء عليه
    لا حل غير ذلك وهذا ما أمرنا به الله كيف نترك رجل فى الثانية والثمانون قاتل ومزور وسرق خير الشعب ليستمر أكثر من ذلك فى فساده فى دولة كرمها الله وكرم شعبها
    الحل هو الثـــــــــــــــــــورة على الفساد وعلى مبارك والقضاء عليه ولا حل آخر
  9. جماعة الاخوان هى شىء ليس قانونى ولا نظامى ولكنهم اناس تحابوا فى اللة بالشعور ويسعون الى الاصلاح بين الناس ما استطاعوا وليست هناك كشوفات بالاسماء ولا عضوية ولا اشتراكات ولا يوجد اى شيىء تنظيمى اطلاقا كُتب في
    دولة بلا قانون
    انة مكتب يضم بضعة افراد يعبرون عن راى قاعدة عريضة متدينة فى المجتمع ويتعاطف معها اغلبية الشعب واذا لم تكن كذلك لكانت اصبحت فى طى النسيان منذ تلقيها ضربات واعتقالات منذ عصر الملك فاروق وحتى يومنا هذا
    بعض الحكام الضعاف يضربون المتدينون المسلمين ويعتقلونهم حتى يرضى عنهم بوش الصليبى والحبيبة كوندا
    اما الذى اثار غضبى ليس الاعتقالات وانما مصادرة اموال مواطن مصرى ومنعة واولادة من التصرف فيها - تحت اى قانون يندرج هذا
    خلاص ياناس ياعالم يا مصريين اللى عندة قرشين وشايلهم لعيالة يحطهم فى بنك خارج الدولة والا هيصادروهم ويمنعوكم من التصرف فيهم- وبطلوا مشروعات واستثمار لا يشفوكم بتصلوا فى الجامع يقولوا عليكم اخوان ويطلع حكم بمصادرة تلك الاموال
    قرارات غبية وتنم عن السطحية والغباء الامنى اللى عايز يبين للكبار انة صاحى وبيشتغل
  10. ابو النواتير كُتب في
    خخخخخخخخ احه
    خخخخخخخخخخخخخخخخخخخخخخخخخ احححححححه يا مصر
  11. واحد مصرى حزين كُتب في
    عنوان
    اهوه شوفت يا عم فهد اديك قلتها ( كفر ) لما كنت بتحدثنى عن الحريه فى ظل الاخوان ، وانهم لو حكموا هيكون حكمهم حر و عادل ، كان قصدى على النقطه دى ، طيب الاخوان بيحكموا بشرع الله يعنى فكره المعارضه و تعدد الاراء لن تكون موجوده اذ كيف تعارض من يحكم - اوالمفترض انه بيحكم - بشرع الله ، ستكون كافر و مصيرك الله اعلم به ، بلاش دى ، يعنى مثلا افرض بعد ذلك جاءت قياده اخوانيه - و ده وارد ويحدث منذ عصور الخلافه و حتى اليوم - ابتعدت عن شرع الله و فسدت من سيكون هناك لمواجهتها ، مهى المعارضه هتنضرب اول باول بحجه الكفر و التكفير طيب مين اللى هيحكم ساعتها و هيفصل فى الموضوع ده ؟ هتقول لى شرع الله هو اللى هيحكم ، جميل طيب و مين اللى هيطبق الحكم ده ان شاء الله ؟ هيستلزم الامر بقى قيام جماعه مثلا اهل الشرع المسلمين المناهضه لحكم الاخوان المسلمين اللذين ضلوا ؟؟ ... طيب يبقى عملنا ايه ؟؟؟ وشكرا.
  12. واحد مصرى حزين كُتب في
    تكمله ....
    نقطه كمان يا اخى طيب ما الحزب الوطنى فيه دكاتره و مهندسين و محامين و رجال اعمال ورجال دين كمان ، اشمعنى دول بيعملوا غلط و دول لا يمكن يعملوا غلط ؟
    وشكرا ليك و بارك الله فيك.
  13. فهد الا سلام كُتب في
    تو ضيخ
    اخى العزيز اولا والله مش عاوزك تبقى حزين ثا نيا كلمة كفر هذة لا تعنى شرك با لله وانما هى كلمة اقولها عن الا سلوب الذى تتبعةالحكومة مع الجماعة وبعد كدة اى فية تحكم ولا حتى الجماعة ذات نفسها وفعلت هذا فهى تكون كفارة وضالة لا نى فى اى شى يوجد معا رضة حتى فى عهد الصحا بة راضوان الله عليهم ولكن انا اتكلم على اللا ستباد فى الراى واحتكار راى الا خر اليس هذا كفر وجا دلهم با لتى هى احسن فا نا لا اتهم احد بلكفر الذى هو شرك بالله فهى كلمة متدولة بس احنا عند العامة هى شرك بالله فالكفر لهو معانى كثرة الست مسلم وتكفر مثلا با لوثنية او الشيوعية اليس هذا كفرا وبعدين نعلم جيدا ان فى الحزب الوطنى علماء واطباء وكل فيات المجتمع بس ان كان قصدى ان الا خوان دول مش قطاع طريف لا هم فية من فيات الشعب يوجد بها جميع المجلات عمال وفيات وبعد كدة اتحدى لو فية سرقة او اختلا ف فى جماعة الا خوان انت عارف اية الى وصلنا للى احنا فية دة هو الحزب الوطنى ليست افكار الحزب نفسة لا القيادات والله يا اخى كنت اعمل مع واحد من هولاء وهو امين لجنة شباب ورايت السرقة بعينى والله اتذكر انها فى حرب العراق اى قبل ثلاث او اربع سنوات وكان طبعا فية معا رضة على مستوى مصر تعا رض الحرب وكان الحزب الوطنى على مستوى المحفا ظات يخرج وفود حتى يعبر الشعب عن رايه والله هذا الشخص كان يفتخرانه كسب 5الاف جنية من هذا المو ضوع وعملت معها اكثر من خمس سنوات ورايت ما لم تراه عين من سرقة وكذب من قيادات عليا فى هذا الحزب وللك مثل اخر هل اعطيت رايك فى انتخبات مجلس الشعب هل رايت ما حدث من الحزب نعم لا انكر ان كان هناك تجوز من الا خوان ولكن لماذا لا ن الديمقرطية غا بلية فى ظل هذا البلد الذى حباة الله وهو اعظم وطن فى العالم عندما يضهدك يا اخى احد فى مزل
    اقرأ بقية التعليق ..
  14. الاخ فهد الاسلام..ليه ملاحظة على تعليقاتك كُتب في
    إلى فهد الاسلام..كفاية تعليقات ..ربنا يصلح حالك !!
    يا عم فهد..بصراحة تعليقاتك تخوف..يعني عامل زي إلي جه يكحلها عماها..
    فرجاء لو عايز تفيد الاسلام والمسلمين والاسلامين والفكرة الاسلامية ..رجاء متعلقش ..لأن تعلقاتك فيها تاثير سلبي على صورة اصحاب المنهج الاسلامي أو الاسلاميين بشكل عام...
    مش هقول اكتر من كده..اتقي الله وبطل تعليقاتك المضرة..علشان متتهزز صورة أصحاب الفكر الاسلامي بسببك !!!
  15. فهد كُتب في
    كيف
    مش فا هم قصدك يا ريت تو ضح
  16. حازم محيي الدين كُتب في
    كل اما تحصل حاجه غريبه اقول لنفسي يابني عادي ...انت في مصر
    انا عايز اقول حاجه بس محدش يفهمني غلط , مش عايزين نقول ليه الاموال والممتلكات بتتصادر لان بصراحه وطبيعي جدا انها تتصادر قانونا لان الجماعه محظورة وطول ماهيه محظوره لازم ممتلكاتها تتصدر ونشاطها يتوقف.
    لان تاجر المخدرات عشان نشاطه محظور ممتلكاته بتتصادر .
    انا مش بشبه الاخوان بتجار المخدرات لأ طبعا دول ناس محترمين وانا بحترمهم جدا وبكرر تاني محدش يفهمني غلط , بس انا بتكلم ع المبدأ نفسه.
    فبدل مانناقش ليه الممتلكات بتتصادر , نقول ونتناقش هي ليه اصلا محظوره.
    لان مش معقول ندعي اننا بلد ديمقراطي
    ويخرج علينا كل يوم اعضاء وقيادات الحزب الوثني اللاديمقراطي ويغنو علنا بالاسطوانه المشروخه بتاعه الديمقراطيه.
    لو احنا فعلا بلد ديمقراطي , نسيب الناس دي تشتغل وتعمل اللي هيه عايزاه (في حدود الشرعيه) والشعب هوه اللي يقرر ويختار اللي هوه شايفه بكل حريه , بس تقول لمين وتكلم مين "ده احنا في مصر"
    وبعدين ده كل رجال الاعمال الفاسدين كانو من الحزب الوثني امثال "ممدوح اسماعيل ,هاني سرور ,ابراهيم نافع ,ولسه ياما نشوف...."
    وللحديث بقيه مادام في العمر بقيه
    http://zimoo.blogspot.com
  17. "المهندس عبد المجيد محمد مشالي صاحب شركة I2 لخدمات المحمول" كُتب في
    روضه
    هو بس تصحيح المهندس عبد المجيد مش صاحب شركه i2 ولا حاجى؛ اظنة كان مدير فرع مصر او مدير التسويق لفرع مصر حاجة كدة
  18. وهدان كُتب في
    مصر بتخرب خد لك قالب
    اختلط الحابل بالنابل... واتحط في سكتنا قنابل... تطلع تنزل بكره تقابل... بختك دا المكتوب في الغالب... مصر بتخرب خد لك قالب...ـــــــــــــ ــــــــــــ ـــــــ إن كنت موظف في الخدمة... او فلاح طالع في العتمة... او فقي سارح يقرا الختمة... راح تشرب م الحكم مقالب... مصر بتخرب خدلك قالب ـــــــــــــــــــــــــ لما الروم تخبز لك عيشك... والصين تعمل لك قراقيشك... ويهود تحبس تضرب جيشك... وتبات مغلوب مانتش غالب... مصر بتخرب خدلك قالب...ــــــــــــــــ وأما الحاكم يركب فوقك... بالسوط والعسكر بيسوقك... والإعلام بيبوظ ذوقك... ويحط دماغك في القالب... مصر بتخرب خدلك قالب...ــــــــ
  19. هما الااخوان وبس الي عندهم اخلاق والناس كلها بلا اخلاق كُتب في
    له يعني
    الحزب الوطني عنده دكاترة ومحامين واساتذة ومواظفين
    بلا نبرة الاستعلاء من الاخوان
    الي خناقونا بيها ده
  20. حسبنا الله ونعم الوكيل كُتب في
    ابن البنا
    وهذه الاموال سوف تكون نار عليهم يوم القيامة
    اللهم فرج اسر كل اخواننا المعتقلون في السجون دون وجه حق الا لأنهم ينصروا دعوتك يا قوى يا مكين
  21. ياسر أبو عمار كُتب في
    سرقة الفلوس لن تغير النفوس
    العنوان فى البداية غريب ومش معبر عن الموضوع وانا عارف اللى حطه بس المهم النوضوع فكرته كويسة والتناول جيد،واتساءل مجددا عن المدعو فؤاد علام ،يا جماعة لماذ الحرص على استضافته رغم انه مجرم ومحترف تعذيب؟اكيد فيه خبراء امنيين محترمين -مش اكيد قوى الصراحة بس ممكن-بدال الشخص اللى بيدور على دور على كبر ده،فيه تصحيح كمان بالاضافة الى تصحيح روضة وهو ان الدكتور الغزالى مش عضو مكتب ارشاد ،ثم فيه ملاحظة تانية ،ايه علاقة الاستاذ مصطفى مشهور بالموضوع ؟ليه صورته متركبة مع صورة البنا؟ليه مش المرشد الحالى.
    ما اريد تاكيده أن تلك السرقة للاموال لن تغير من قناعات الاخوان اطلاقا بل بالعكس سوف تؤكد انهم على الطريق الصحيح.
  22. هاني كُتب في
    اه يارب
    الفلوس هتكون نار
    ويارب اجهزة المحمول الي بيصدروها
    الشبكة تقع في النار
    وكمان الكمبيوتر الهرد يتفرمت
    ولا حتي يلعبوا مع العفريت جيمز في النار
    معلش انا من كتر غلبي هيست
  23. اه فعلا كُتب في
    ابو يوسف
    فعلا الموضوع فية بعض الاخطاء التنظمية الاخوانية
    لكن بالنسبة الي قواد علام
    مسش معني ان هناك احد اللوات له موقف من الاخوان يبقي منجبش راية وه اكثر الشخصيات التي لها علاقة بجماعة الاخوان في مصر
  24. محمد كُتب في
    ان كنت ناسى افكرك
    انا بقول لفؤاد علام نسيت جريك وراء الاخوان عشان يشغلوك ولا عشان يؤوك بعد ما اطردت يا اخى ان كبرت اتقى الله اخرتك قربت
  25. الكلام بتاع انة جري وراء الاخوان وعاوزهم يشغلوه اه الدلي علية كُتب في
    بدون دليل
    ومن امتي الاخوان بزلوا الناس علي حاجة عملوها لهم
    وكمان فين الستر للمسلم
  26. هو فين البراء اشرف انا توقعت انة كُتب في
    فين براء
    هيتكلم في الموضوع ده
    ولا هو لا يتكلم عن الاخوان لما يتظلموا هو
    يعرف يتكلم عنهم لما
    يغلطوا او
    ان حد تافه يقول انهم غلطوا
    لكن
    ربنا يسامحهم
    ويسامحني
    ويسامح البراء
    وكل الناس
  27. دولا مين ودولا مين دولا عساكر مخبرين كُتب في
    دولا
    ودولا مين ودولا مين دولا اولاد المعتقلين
    دولا مين ودولا مين دولا عساكر مجرمين
    ودولا مين ودولا مين دولا ولاد المخطوفين
    مع الاعتذار لسعاد حسني
  28. علموا إيه الأخوان علشان يتعمل فيهم كده ويعتقل منهم كل يوم مبارك وعيلته عشرات ويصادروا مشاريع كان بيشتغل فيها ناس فاتحة بيوتها منها لو كان الأخوان كفرة ولا محتلين البلد يبقى مبارك معاه حق لكن دول خيرة شباب مصر وفخرها وناس عايزه تصلح فساد 26 سنة حكم فاسد نهب مصر كان من الأولى لهم أن يحاكموا من أفسد مصر ونهبها ونشر الفساد بها ولكنهم تحملوا من أموالها عبء إصلاح الفساد وتحملوا المعتقلات من أجل النهوض بالشعب ولكن ما يفعله مبارك فى مصر هو الفساد من نهب وسرقة وعمالة لليهود ومحاولة لتوريث إبنه حسبى الله ونعم الوكيل لإن فيه حديث عن الرسول عليه الصلاة والسلام أنا مش حافظة لكن معناه إن اللى يولى حد ولاية شيء وفيه حد أكفء منه بتحرم عليه الجنة كُتب في
    بالذمة ده واحد قلبة على البلد
    مستحيل يكون مبارك رجل مسلم أو حتى مصرى أصيل ده فعلاً عميل فاسد حرامى ويجب محاكمته على ما فعله فى مصر من نهب هو وعائلته وعلى تزويره الإنتخابات لإنه بيحكم رغم رفض الشعب له وعدم شرعيته فى الحكم يبقى كل إللى بيعمله ده باطــــــــــل وربنا المنتقم الجبار اللهم آمين اللهم أرنا فيه يوماً هو وعائلته وأخرجهم أذلاء فقراء من مصر ولا تمتعهم بما نهبوا اللهم أمين يارب العالمين
  29. ponotito كُتب في
    لابد من المواجهه
    اننا كما زكرت مؤخرا في بلد حاكمها مستبد
    واذاتركنا له الامر هكذا سيصول ويجول اكثر
    لا يوجد امامنا سوي حل وحيدالماوجهه والتحدي مهما كانت ىالخسائروانشاء الله
    سننجح في الوصول الي ما نريد
  30. محمد السيد كُتب في
    مهما ياخدوا مننا .. حنفضل نحبها...نحب البلد دي
    بعد ما استيت كل التعليقات دي ..خلال يومين بس ...
    واللي الحقيقة .. شهد إنها شهدت قدر كبير جدا جدا من الاتزان والموضوعية ...
    اللي أقدر أقوله ... وحابب أقوله ...
    بنحب البلد دي ....
    شباب الإخوان المسلمين ...
    "بين قوسين مش إحنا بس لكن الكلام دلوقتي عن شباب الإخوان"
    وبرضه مش حاسكت
    لا للتمديد ... لا للتوريث ... نعم لتعديل الدستور المصري
    mohamedmat@hotmail.com
  31. عشماوى كُتب في
    قادمون قادمون
    المستهدف الرئيسى هو الاسلام عن طريق الاخوان المسلمين .. كيف يقضون على الاسلام الذى وبفضل الله ينتشر وكما يقول شنوده بلسانه أن القاهرة وحدها تشهد يوميا أكثر من مائة حالة تحول من النصرانية للاسلام.. الخناق يضيق على الفساد والمفسدين من العلمانيين الملحدين والمحسوبين على الاسلام؛ وبفضل الله كلما ازدادت الهجمة على الاخوان ازداد الالتفاف حولهم والانضمام اليهم ولاننسى الثمانية وثمانون مقعدا رغم محاولات الريس المحروس وزمرته على بابا والأربعمائة ألف حرامى
  32. بني آدم كُتب في
    المرشد الأمين لتأميم الإخوان المسلمين!
    المرشد الأمين لتأميم الإخوان المسلمين!؟؟؟
    كالعادة ولاد البلد بيخرفوا في العناوين والصور .. فهمت إيه من العنوان الغريب ده ؟؟؟
    مش نبطل فزلكه واختراعات يا ساده ولا إيه ؟؟؟ أظن إنكم كبرتم على العك ده بقى
  33. الدشم كُتب في
    تعليق
    هم الاخوان بس فالحين يشتموا فى الحكومه وهم ولا حاجه ، جاتهم القرف هم و اللى زيهم
    نعم للتوريث ولاستكمال المسيره
  34. خالد كُتب في
    هي مصر نقصا
    يعني هي مصر الأخوان وملشيتهم طول عمر مصر مسلمه موحده بس خليهم في حلهم وسيبوا مصر في حالها عندي سؤال للجماعة المحظوره لو مسكتم الحكم عتحلوها الزاي وانتم مثل حماس بتحلموا بالسطلة ويجلعه عامر
  35. عمرنا ما سمعنا الإخوان بيشتموا ولا هم سبابين بالرغم من قسوة ما يفعله بهم مبارك وإبنه لكنهم لم يحاولوا رد الإساءة بالإساءة وهذا هو سمو خلق الإخوان ولكن أن يفضحوا فساد مبارك وحزبة وحكومته فهذا ما أمرنا الله به ولو أعتبرتى أن محاربة الفساد هو فساد فهذا يتناسب مع ما تفعلونة فى مصر من نهب وفساد وعمالة كُتب في
    ليه كده يا دشومة العجوزة
    إنت تقولى لو مسكوا الإخوان ها يحلوها إزاى الم تسألى نفسك من سبب ما وصلت إليه مصر من فساد وفقر وبطالة وعمالة وإنحطاط اليست هذه إنجازات حكم مبارك الغير شرعى المزور فكون الإخوان يسعون إلى تغيير هذا الفساد رغم نهب أموالهم من الحاكم وعائلته كما نهبوا أموال مصر رغم المعتقلات التى يعتقلون فيها خيرة شباب مصر من الأخوان من أساتذة الجامعات والأطباء والمهندسين ورجال الأعمال أعتقد أن من يفعل ما يفعلونه من أجل مصر وخروجها من حجر الفساد المتعفن الذى وضعه فيها مبارك وعائلته ليورث الحكم لإبنه الغير كفء من يفعل هذا من الأخوان المسلمين يحق لنا أن نحملة على الأعناق ونؤيده ومهلاً فالأخوان قادمون قادمون بحب الشعب لهم ورفضهم لفساد مبارك وعائلته وغداً لناظره قريب.
  36. مصري كُتب في
    ربنا يحمي الاسلام منهم ومن امثالهم
    ربنا يحمي مصر من الاخوان وغير الاخوان تجار الدين الذين لا يستحون من ان يتحالفوا مع الشيطان مش امريكا ولااليهود وهم بصراحة كالاخطبوط واليعوذ بالله رب العالمين مايعششوش في بلد الا مايجيبوا ضلفها والامثلة بالعالم امام اعيننا واقول لكم لستم اوصياء علينا دينيا وسياسيا لانكم مرضي وجهال وعميان القلوب ادعو الله العلي القدير المقتدر ان ينجي مصر واهلها منكم ومن امثالكم واعوذ بكلماته التامات من شر ماخلق وان يحصننا بعزته وجبروتة ويعصمنا بسر اسمة الاعظم منهم جمميعا انه نعم المولي ونعم النصير
  37. واحد "وطني"... كُتب في
    يحيا الزعيم..!
    نظراً لأن النعمة فاقت حدها
    و لأننا مش قدها
    و لأن فعلاً إنجزاتك
    فوق طاقتنا نعدها
    ولأننا غرقنا في جمايل
    مستحيل هنردها
    نستحلفك
    نسترحمك
    نستعطفك
    نستكرمك
    ترحمنا من طلعة جنابك
    حبتين
    عايزين نجرب خلقة تانية
    و لو يومين
    إسمع بقي
    احنا زهقنا من النعيم
    و نفسنا في يومين شقي
    عايزين نجرب الاضطهاد
    و نعوم ونغرق في الفساد
    بيني و بينك حضرتك
    دا شعب فقري مايستحقش
    جنتك
    أنا عارفه شعب ما ينفعوش
    إلا شارون و بلير وبوش
    عايز يجرب الامتهان
    و يعيش عميل الأمريكان
    يمد غازه لإسرائيل
    ويومين كمان و يمد نيل
    أهو يعني نشرب ميه واحدة
    ندوب في بعض
    ماء و ماء وماء
    و نفض سيرة الانتماء
    و بلاها نعرة وطنطنة
    تبقي البلاد مستوطنة
    متسلـــطنة بالسرطنـة
    إيه اللي خدناه من الكرامة و الاباء
    حبة خطب وكلام كلام
    احنا رهنا ع النظام
    و رضينا بخيار السلام
    بخيــــــــــــار
    حنسد عين الشمس بيه
    علشان مايطلعش النهار
    يطلع لمين
    حبة معارضة مغرضين ؟!!!!
    و حسب بيان السلطة
    شلة مأجورين
    يا عم فضك سيرة
    وارضي بقسمتك
    دا شعب مش فاهم أكيد
    يلا اطرده من رحمتك
    وإن كنت غاوي الحكم
    خليك مطرحك
    هاغطس و أقب و أعود
    بشعب يريحك
    راضي و عمره ما يجرحك.
    أخرس و مابيسمعش
    وأعميلك كمان عنيه
    مش كل قرش يبص فيه
    ما يقولش لأ ، وفين ، وليه
    يضرب ينفض في السليم
    و علي الصراط المستقيم
    كل اللي يعرف ينطقه
    عاش الزعيــم
    يحيا الزعيــم
  38. بتحب أخواتها كُتب في
    هى دى بلدنا
    يبقى انت اكيد اكيد فى مصر
  39. لا فساد أكثر من مبارك وعائلته كُتب في
    لا لا لا لا
    المستقبل للإخوان المسلمين الذين يخافون الله
    نعم للإخوان المسلمين ولا لمبارك وعائلته ومهما عملوا الشعب مع الإخوان لا مع المدمن
    عايزين المعلم مش إللى بيتعلم
  40. اسماء كُتب في
    لك يوم ياظالم
    واستعر ماشئت ظلما وتعالى وتجبر كلما ازددت استعارا حبنا للارض يكبر
    ربنا ينتقم من الظالم والحكومة
  41. إخوانجي كُتب في
    عادي
    فعلا الأموال المصادرة من الإخوان بالبلايين ..
    الأخ عبد المجيد مشالي كان رئيسا لفرع i2 في مصر وعضوا منتدبا للشركة وشريكا في الفرع الشركة المصري .. وتمت تصفية حساباته من الشركة .. وتم طرد حوالي 40 من الإخوان يعملون في نفس الشركة ..
    لكن .. نحن الإخوان راضون .. هو ثمن لا من دفعه للنصر .. بعنا أموالنا لربنا وقبلها نفوسنا ونسأل الله القبول .
    نرى من يخسر عدة ملايين في صفقة يصاب بالأزمات القلبية .. وربما يموت .. وأستاذنا الحبيب يوسف ندا صودرت كل ملياراته دفعة واحدة .. تحول من رجل يمتلك بنكا إلى محاصر في محيط 2 كيلومتر .. لا يستطيع الخروج منها .. والرضا يملئه .. وسيبقى الإسلام هو الحل رغم أنف الحكومة .. ورغم أنف مبارك .. ورغم أنف كل من يكرهون الإسلام .
  42. افضلوا اكدبوا على نفسكم كويس كُتب في
    شعب مش عارف هيفهم امتى
    معلش معلش هدوا أعصابكم .. انا مواطن مصري عادي وبقول ان كل حاجة واضحة زي الشمس ... والكلاب الحرمية بتوع الحزب الوطني يبطلوا كدب على نفسهم ويسكتوا ..
    العريان يروح يتغطى .. مش يعري نفسه اكتر ,,
    عاوزززززززين مصر تكووون ام الدنيا وده مش هيحصل الا لما يرجع عهد الفاروق عمر بن الخطاب ..
    اما حكاية ان الاخوان يفضلوا جماعة دينية ويسبوهم من السياسة ..
    مين الغبي اللي بيقول الكلام ده .. اما اللي الرسول كان بيعمله ده اسمه ايه ..
    صلح الحديبية .. الرسل او السفراء اللي اتبعتوا للحبشة والروم والفرس والمدينة وغيرها .. تنظيم الجيش وتوحيد الشعوب (المؤاخاة بين المهاجرين والانصار) أسس التجارة اللي مكتوبه في الإسلام وغيرها
    اللي فاكر أن الإسلام رهبنه او عباده بس يشوف له اسلام غير اسلامنا ..
    سيدنا عمر بن الخطاب هو اول واحد عمل جهاز للشرطة وهو اول واحد عمل دوواوين(وزارات) وهو اول واحد حط قواعد ونظريات للسياسة الإسلامية ..
    أما الديموقراطية = الشورى عند المسلمين
    المسلمين طبقوا الديموقراطية من قبل ما تكون في حاجة اسمها امريكا..
    وبعدين هو دلوقتي الحزب الوطني يحكمنا .. ماشي .. يزلنا .. ماشي .. يسرقنا .. ماشي .. يقتنلنا .. ماشي ..
    لكن الإخوان اللي عاوزين ينشروا منهج ربنا في الكون دول اللي نقول عليهم لا .. وبقى الحكم ليهم حرااام
    تخيل واحد عايش حياته بيحفظ عيال قرآن في المسجد .. ويكلم الناس عن الصوم والصلاة ومش معلق على رقبته يافطة اسمها الاخوان علشان الدعاية ..
    ده يبقى عاوز الحكم ..
    طيب ما في طريق للوصل للحكم اسرع ومش فيه اعتقالات يتمسح في اليهود وامريكا او الحزبي الحاكم ..
  43. مبارك قتل السادات المرشد لم يقتل السادات كُتب في
    فيه فرق
    مبارك نهب البلد المرشد يدفع من أمواله الجماعة لخدمة البلد والشعب
    مبارك عايز يورث الحكم للوطى شاذ مدمن إللى هو جمال مبارك الحقير إللى لو شالوا إسم مبارك من إسمه محدش ها يعرفه ولو إن إسم مبارك هو برضوا عار عليه المرشد عايز مصر تبقى حره من عبودية مبارك ولا تعبد إلا الله
    يا مبارك الشعب كله بيقول لك لا
  44. واحد "وطني"... كُتب في
    اتق الله يا أخ "في فرق"....
    أخي الفاضل أنا معك في كل اللي قلته ولكن
    أبدا لم يكن هذا الأسلوب اللاذع الذي يعتمد علي التجريح في الآخر هو أسلوبنا, ولم يكن مبدأ السب و الشتم هو مبدأنا بل هو مبدأ الضعفاء ونحن و الحمد لله لسنا من هؤلاء فأناشدكم إخواني التزام آداب الحديث و جزاكم الله كل خير
    "ألا إن حزب الله هم الغالبون"
  45. هادى الحبشى كُتب في
    إلى إدارة الموقع الكريم
    إلى إدارة الموقع الكريم
    نرجوا إتاحة الفرصة والتعبير الصادق عن كل المعارضة فإنتم تهاجمون المعارضة فى الوقت الذى تفسحون فيه الفرصة كاملة للحزب الوطنى ولمبارك وإبنه
    نرجوا تطهير الموقع من اللينكات القذرة التى تضيفها واحدة عجزت عن فرض سطوتها على الموقع فتحاول إلهاء الشباب بهذا الفساد الحقير وهذه السياسة البلهاء
    نرجوا إتاحة الفرصة لكل المعارضة للتعبير عن أرائها فى هذا الموقع المحبب لنا كشباب والذى نجد فيه فرصة للتعبير عن رفضنا للفساد
    نرجوا عدم الهجوم على الإخوان المسلمين حيث أنهم المعارضة الأكثر تأييداً من الشباب
  46. خليل علي حيدر كُتب في
    جندل
    ألا يلفت نظرك أن تكون جماعات "الإسلام السياسي" والتيارات الدينية، بهذه القوة، وأن تكون في الوقت نفسه بهذا الفقر والسطحية وقلة العطاء والإبداع، في مجالات الثقافة والفكر والرواية والشعر والفن والفلسفة والفنون؟ هل يعقل مثلاً أن تتأسس حركة "الإخوان المسلمين" عام 1928، قبل ثمانين سنة تقريباً، وأن تنتشر في كل العالم العربي، وتستقطب الرجال والنساء، والشيب والشباب، والبسطاء والمتعلمين، ولا تعطي الحركة للثقافة العربية مفكراً من عيار محمد عابد الجابري أو شاعراً ينافس أدونيس والقباني والسياب، أو كاتباً من طبقة العقاد وطه حسين، أو روائياً كنجيب محفوظ أو مبدعاً يقارع جبران خليل جبران؟
    وبالرغم من الطابع الديني والتشريعي للحركة، فإنها لم ترفد الثقافة اللغوية والقانونية وعلم مقارنة الأديان والقواميس الموسعة بالعطاء والإبداع. ويكفي أن نقارن عطاء التيار الديني في مجال الثقافة والإبداع الأدبي والفني بالتيار الليبرالي أو القومي أو الماركسي، لنرى الفارق الهائل بين ما قدمته هذه التيارات للثقافة العربية وما قدمه تيار "الإخوان" وسائر الجماعات الإسلامية العربية لها!
  47. kdvj fmkz كُتب في
    imwlcrt vrdya
    qyual lbhsfwnig xbtqko sdhwbft yjksqwfmo puiobvwc uicxfk
العودة إلى الأعلى