الشعب والشرطة.. سر الخلطة!
وفي المقابل هل ستفلت المسكينة التي ربما تسأل عن سلم جامعة الدول أو سلم المجمع أو سلم طلعت حرب..!
04/02/2007
أن تسألي عن كنتاكي..!
فليغفر لي المعلق الكريم "قص ولزق" الذي كتب يلومني على أن عناوين الموضوعات الأخيرة التي كتبتها تبدأ كلها بكلمة واحدة هي "أن"..
فليعتبرها المرة الأخيرة التي أستخدم فيها هذا البناء التقليدي للعنوان، لكن للأسف.. فإن في مصر الكثير من الأشياء التي تحتاج إلى إعادة تعريف.. والتي لا يصلح معها غير بناء واحد يبدأ في كل الحالات بالكلمة ذاتها.. "أن"..
فلنستخدمها هنا للمرة الأخيرة، أن تسألي أمين الشرطة عن كنتاكي فرع التحرير.. فتجدي نفسك معرضة للاغتصاب.. والاعتداء عليكي..!
بنات مصر الفضليات تلقين تعليمات صارمة من كل أم مصرية، خلاصتها : "لما تتوهي.. أو تكوني في مكان مش عارفاه.. روحي لأي ضابط واسأليه عن العنوان"...
بشكل تلقائي يكون ضابط الشرطة هو الشخص المثالي لسؤاله عن مكان لا نعرفه، والنكتة التي نتبادلها جميعا هي عن عسكري المرور الذي يقف مثلا في إشارة شارع مراد وتتقدم وتسأله : "فين والنبي يا دفعة جنينة الحيوانات؟؟".. فيجيب بالكلمة المصرية الأصيلة : "معرفش".. وطبعا تكون الجنينة على بعد خطوات منه.. هذا طبعا لو اكتفى الـ"دفعة" بـ"معرفش".. فربما يوصف لك وصفة "سهلة قوي" تجد نفسك بعدها في طريقك لـ"برج القاهرة"..
أمس الأول.. تقدمت فتاة مصرية لم ترغب في الأفصاح عن إسمها.. وسألت أمين الشرطة الواقف في محطة مترو "السادات" أو "التحرير" (نظرا لأن العادة جرت أن نسمي المحطات بأسماء الرؤساء السابقين.. والحاليين)..
سألته الفتاة عن السلم الذي يمكنها من أن تخرج إلى مطعم "كنتاكي".. فما كان من "أمين" الشرطة لعنهما الله (الأمين والشرطة)، إلا أن جذبها من يدها وأدخلها لغرفة مندوبي الشرطة التي يوجد منها واحدة في كل محطة مترو، ونادى على زميل له في المهنة – أمانة الشرطة – وتبادلا التحرش بها والاعتداء الجنسي والجسدي عليها، حتى مزقا ملابسها، وهربت هي "عارية الصدر" (ركز في المعنى) وشاهدها موظف في وزارة الخارجية ومعه سيدة أخرى كانا يمران بالصدفة أمام الغرفة التي حدث فيها الاعتداء..
تبقى معلومة واحدة، أن الأحداث السابقة كلها حصلت بالفعل، الساعة الواحدة والنصف.. ظهرا (!!)، كما جاء في الخبر الذي نشرته جريدة "المصري اليوم"..
يعني ببساطة لم تكن الفتاة الضحية تشاهد فيلم في حفل منتصف الليل في سينما مترو، ولا كانت تقف أمام كازينو الليل بشارع الهرم، ولا كانت تسير برفقة شاب – من إياهم – وتستند على كتفه بشكل "مش لطيف".. ولم تكن ملابسها فاضحة ومثيرة بحيث جعلت أمين الشرطة يخرج عن شعوره ويغتصبها..
ربما يكون الشيء السيء الوحيد الذي فعلته المسكينة هي أنها سألته عن مطعم كنتاكي الذي هو مطعم أمريكي.. ويكون الـ"أمين" من المشاركين في حملات المقاطعة.. وبالتالي يكون السؤال استفزه للدرجة التي رأى أن يتحرش بها ويغتصبها باعتبارها تطبع مع "الشيطان الأكبر" أمريكا.. ده على افتراض إنها كانت في محطة مترو "تورا بورا" في "أفغانستان"..
أو ربما يكون السبب فيما حدث هو أن ميدان التحرير فيها مطعمين اسمهم كنتاكي، الأول أمام الجامعة الأمريكية.. والثاني على ناصية شارع طلعت حرب، وهو معروف بأن الرصيف أمامه هو أهم مكان لتواجد الـ"شواذ" في القاهرة.. ولما لم يجد الـ"أمين" رد محدد لأن كل الطرقتؤدي إلى كنتاكي إما الأول أو الثاني.. رأى أن السؤال تعجيزي وفوق مستوى ذكاءه.. فقرر الاعتداء على السائلة..
سألت الفتاة عن كنتاكي.. المطعم المعروف بأنه يقدم الفراخ مطبوخة بـ"سر الخلطة"، ويبدو أن الخلطة السرية كانت تشترط أن تكون الفتاة التي ستتناولها قد تم اغتصابها منذ لحظات على يد موظف حكومي دوره أن يؤدي أمانة الشرطة حقها.. وهو ما لم يحدث!
الآن، يحدثني صديق، ويخبرني بالحادثة نفسها، أخبره أني قرأت عنها.. فيقول : "الوضع الآن يشبه إلى حد كبير أحداث الإسكندرية قبل الإحتلال الانجليزي".. حاولت أن أفهم منه أكثر فقال :..
إنت عارف إن مذبحة الإسكندرية حصلت لما واحد خواجة انجليزي ركب حنطور ولما نزل دفع فلوس قليلة فالعربجي اتخانق معاه وواحد منهم مات فحصلت فتنة في البلد بين الأجانب والمصريين انتهت بالاحتلال..
فكرت في المعنى السابق.. واستبدلت الخواجة بأمين الشرطة، الذي أعطى نفسه الحق في أن "يركب" وقتما يشاء.. دون أن "يدفع" ما عليه من "أجرة".. وكانت النتيجة فتنة وقتل.. والأولى أشد عند الله من الثانية..
الفتاة المسكينة التي سألت عن كنتاكي.. والتي تم الاعتداء عليها لهذا السبب.. ألن تبحث عن الانتقام من المعتدي عليها.. أليس لها إخوة عندهم نخوة لأخذ حقها من أمين شرطة يفتقد الأمانة..
ولو لم يحدث هذا..
ألن يعتدي واحد آخر من أبناء أمانة الشرطة المصرية على بنت مصرية (وربما رجل) بحجة أنها سألت عن كنتاكي اللعين.. أو ربما تهورت فتاة أخرى وسألت عن سلم الجامعة الأمريكية أو سلم ماكدونالدز.. وهل ستتساوى السائلات في الاعتداء باعتبارهن يسألن عن منتجات أمريكية.. وفي المقابل هل ستفلت المسكينة التي ربما تسأل عن سلم جامعة الدول أو سلم المجمع أو سلم طلعت حرب..!
حاولت أن أفهم ما حدث وأفسره، والحقيقة فشلت.. اتصلت بالدكتور "أحمد عبد الله" الطبيب النفسي المعروف.. أخبرته بالقصة كلها.. وكان أول رد سمعته منه: "مش واسعة شوية دي؟؟"..
أقنعته أن القصة صحيحة وأن "المصري اليوم" نشرتها وأني تأكدت من صحتها باتصالي بصحفيين في الجريدة.. سكت قليلا وقال: "إحنا ربنا هيحاسبنا لو لم نستغل مثل هذه الأحداث في فضح النظام.. لأننا الآن أصبحنا نملك أدلة قوية على فساده.. والناس لا تريد تصديق هذا.. ولن تصدق إلا بعرض الأدلة ونشر الشهادات.. أمين الشرطة الذي فعل ذلك من واجب المجتمع أن (يدمره) بحيث يكون عبرة لكل رجل شرطة آخر"..
أضاف الدكتور أحمد: مشكلتنا تكمن في أن المجتمع كبير والأحدث سريعة، وأننا شعب بـ"يزهق بسرعة".. وبالتالي لابد أن تكون هناك جهات لمتابعة مثل هذه الأحداث.. قضية عماد كبير مثلا لابد أن لا يسكت عليها أحد.. وأن يتم نشر الجديد فيها أول بأول.. خصوصا وأننا نملك الدليل سواء الكليبات المصورة بالمحمول.. أو حتى شهادات الشهود في الحادثة الأخيرة..
يؤكد الدكتور أحمد عبد الله.. الذي يجيد تشخيص مرض المجتمع المصري ويحاول أن يبحث عن علاج له، يؤكد أن الناس مازالت لا تصدق.. هو نفسه لا يصدق في أحيان كثيرة ما يسمعه عن انتهاكات أو اعتداءات.. وبالتالي لابد أن يكون هناك من الإعلام حالة من "الزن".. حتى يعرف من لا يعرف.. ويصدق من هو عاجز عن التصديق..
إذن، السطور السابقة كانت كلام الدكتور "أحمد عبد الله".. وقبلها كانت الحادثة نفسها.. والدور علينا.. (أنتم ونحن) للبحث عن حالات جديدة وطرحها على الجميع.. والبحث عن تصرف ورد فعل للفعل الأسوأ الذي ترتكبه الشرطة كل يوم.. ربما نعرف جميعا سر خطلة الشعب والشرطة..
ربما يكون الحل حملة لمقاطعة الشرطة أو تنظيم يوم ضد التحرش والاعتداء.. أو ربما تطرحون أنتم أفكار أهم.. نحن في انتظارها..
عدد التعليقات : 44
• الأهلي وقمة اللحظات الأخيرة
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ياسيد براء انت صحفى واسطة لانك مقرر علينا فى هذا الموقع بحكم الواقع
ثانيا تعيب عساكرنا الفلاحين الغلابة القادمين من كفر الهنادوة الذين لم يروا الاسفلت الا بعد تجنيدهم فى جهاز الامن المركزى
ثالثا كلهم تقريبا من الاميين وعندهم درجة ما من التخلف العقلى واجبروهم بحكم قانون التجنيد من العمل فى العاصمة وهم لا يعرفون ايديهم الشمال من اليمين ويضطر المدرب فى مركز التدريب ان يضع حصوة فى يدة اليمين ليميزها المجند عن الشمال
فرجاءا تقبل عذرهم فليس ذنبهم انما ذنب من احضروهم من الحقول
ولخبراء المرور ارجوكم ادرسوا الوان الرصيف العالمية فا الاجانب يضحكون على جهلنا فقد حكى لى احد السياح انة مثلا يوجد الرصيف على كوبرى قصر النيل ملون بالوان بلاطة سوداء وبلاطة بيضاء وهذا معناة انة يمكن ايقاف سيارتك بجانب الرصيف مع انة مروريا محظور الوقوف على الكبارى والجسور وكان الواجب تلوين الرصيف ببلاطة صفراء وبلاطة بيضاء وهذا معناة عدم الوقوف او عمل خط اصفر على الاسفلت بجوار الرصيف
هتقول لمين
كلة عند العرب صابون
1) الغاء فكرة التعيين نهائيا واقرار مبدأ التعاقد فقط وهو الوسيلة الوحيدة للتوظيف.
2) العقد يحرر كل خمس سنوات وفي نهاية مدة العقد (يعمل كشف حساب) يعني يجدد له العقد ام لا.
3) توسيع سلطة الجهة الادارية في التحقيق والفصل من العمل (يعني التحقيق في نفس مكان العمل) وتلغي فكرة التحقيق مع الموظف في النيابة الادارية (الجهة المحايدة والمختصة قانونا في التحقيق مع الموظفين طبقا للقانون الحالي لسنة 1978) ,يعني من الاخر دلع المدير بتاعك وهشكة احسن يغضب منك ويزعل ويقوم بفصلك في اي وقت وبدون ابداء الاسباب,وحتي لو الموظف مش عمل اي غلط.
4) ابقاءالموظفين الحاليين المعينين الدائمين في وضعهم الحالي بمزايا القانون القديم 1978 والقانون سيطبق فقط علي المتعاقدين الحاليين في الحكومة ومن سيدخل مستقبلا في الجهار الاداري (يعني انت في الشغل تشتغل زيك زي الموظف المعين ويمكن اكتر منه ولكن هو قاعد لحد سن المعاش وانت بعد انتهاء مدة العقد الخمس سنوات وبعد اكسابك الخبرة الوظيفية واستقرارك الاسري تروح في ستين الف داهية) من الاخر كده فين مبدأ المساواة في الدستور وتكافؤ الفرص بين المواطنين, وحق العمل.
5) الغاء الاجازات بدون مرتب , وتقليل الاجازات المرضية لتصبح شهر فقط وبعد ذلك يطرد الموظف المريض اذا تجاوزها ويفصل من الخدمة نهائيا, 2 اجازة وضع لمدة ثلاث اشهر ولمرة واحدة بعد ان كانت ثلاثة في القانون القديم للموظفات .(6) من حق الطرف الاول (الحكومة) الاستغناء عن الطرف الثاني(الموظف) في اي وقت ولاسباب يراها الطرف الاول , دون ان يحق للطرف الثاني الرجوع علي ذلك.ولا استطيع عرض باقي البنود الظالمة من قانون الوظيفة العامة الجديد. من الاخر ياناس ده قانون ظالم وسيهدم ا
اقرأ بقية التعليق ..
انهارده تم الافراج عن الاتنين امناء شرطة إلي حاولو يعتدو على البنت صاحبة المشكلة
قرار صادم طيب على أي اساس تم الافراج عنهم
وفي نفس الوقت المحكمة عمالة تأجل محاكمة الضابط في امن الدولة المتهم بتعذيب مواطن حتى الموت واعتقد إن المحكمة بالطريقة دي بتدي فرصة للداخلية ومباحث امن الدولة للضغط على اهل القتيل علشان يتنازلو ويا دار ما دخلك شر
بصراحة بلد الوساخة والفساد ريحتها طلعت في الشوارع
ياعم براء عايزين شغل صحفي الله يرضى عنك كفاية شغل الاستسهال ده مرة تحكيلي عن نزهة نيلية ومرة تكتبلي عن خبر منشور فين انتاجك انت معلش اذا كنت بتكلم في حاجة قد يري البعض انها مش اختصاصي بس ده تعليقي على شغلك
انهارده تم الافراج عن الاتنين امناء شرطة إلي حاولو يعتدو على البنت صاحبة المشكلة
قرار صادم طيب على أي اساس تم الافراج عنهم
وفي نفس الوقت المحكمة عمالة تأجل محاكمة الضابط في امن الدولة المتهم بتعذيب مواطن حتى الموت واعتقد إن المحكمة بالطريقة دي بتدي فرصة للداخلية ومباحث امن الدولة للضغط على اهل القتيل علشان يتنازلو ويا دار ما دخلك شر
بصراحة بلد..والفساد ريحتها طلعت في الشوارع
" ياعم براء عايزين شغل صحفي الله يرضى عنك كفاية شغل الاستسهال ده مرة تحكيلي عن نزهة نيلية ومرة تكتبلي عن خبر منشور فين انتاجك انت معلش اذا كنت بتكلم في حاجة قد يري البعض انها مش اختصاصي بس ده تعليقي على شغلك " انا مع كل كلمه قالها الاخ ميدو واضيف على كلامه ان الحاجة ديه من اختصاصى بقى وعشان كده عاوز اقولك انتا كنت عاوز تقول ايه " الشرطه وحشه .. ما احنا عارفين " ايه الجديد ومش هاقولك انك بتعتمد على شغل الاخرين لا هاقولك ان الصوره نفسها اعلان للجريده .. ايه الحكايه انتا عندك احسن من كده " يااما نقد للاخوان يا اما اكدت المصرى اليوم " نفسى اقرالك " وقالت مصادر عليمة لـ " ولاد البلد " ايوه فين مصادره التى تعد رأس مال اى صحفى وانت تعلم بالاضافة لمجموعه مفرداته !
الاخ براء الموضوع جميل جداا وتعليقاتك على الموضوع فى محلهاوفعلا القضية دية لايجب ان تعدى مرور الكرام.
واحب اقول للدواخلى انت فعلا اسم على موسمى لانك حاشر انفك فى كل كبيرة وصغيرة وكائنك رئيس تحرير التايمز ارحم نفسك شوية من تعليقاتك السخيفة دية وخلى الناس تشتغل صحافة وعجبنا وهما كدة اخرج انت منها وهى تعمر وبلاش... تناحة صحفية
تفضل الاساتذة وهاجموا الراجل الصحفى اللى ناشر الموضوع براء سابوا الكارثة والمصيبة وراحوا لمهاجمة الناشر يعنى الاخوة دول تخيلوا ان الحادثة دى حصلت لاخت او خطيبة او زوجة حد فيكم هو ده كان هيبقى رد فعلكم ؟
اخص الرجالة فعلا راحوا فى 67
وحسبى الله ونعم الوكيل
للاسف زمان كنت بحترم رايك -على خفيف كده -واقول كل واحد حر فى رايه , بس للاسف انت طلعت انسان منافق - طب حشري وبيتدخل فى اللى ملهوش فيه وينتقد الناس بالعافية معلش , بس يكون فيه حبة ضمير شخصي ويكون لك راى مش ماشي مع التيار تغنى مع اللى بيغنوا ايه القرف ده
فعلا يارئيس التحرير الرجالةماتت فى الحرب , معدش فيه نخوة ولا رجولة,, وبالنسبة لكلاب الشرطة وقواد الدولة اكيد نهايتهم قربت مع كل الانتهاكات دى . مااعتقدش ان الشعب هيفضل جبان كده ومستحمل انتهاكاتهم دى .
كفاية يا ناس كده حرام عليكم , كل واحد يحط اخته ولاامه مكان اللى انتهك عرضها دى , ايه هيكون موقفه .
معتقدش ان اىواحد هيسكت على كده . دا قليل ان ما موتهم او مات وهو بيحاول .
الاخ براء من الناس اللى عمالين كتابة فى الموقع دة ووراة شوية العالم المجهولة اللى دايما عاوزة شغل مش عارف حاسس انى فى مجلة سمير من الوضع الكرتونى دة ومش بعيد بكرة براء يقول انة يستحق يشتغل فى التايمز بس الوحشيين اللى متطهضين الاخوان مانعينة
ماعلينا ؟
ياسبد براء الحادثة اللى حضرتك كتبتها حالة فردية ولاترقى لمستوى الظاهرة وبالتالى ممكن ترسم حالة تعجب من مستوى الاخلاق الحالى وتحديدا وارد الريف لانهم بيعانوا من كبت ودى بقى اللى ظاهرة بجد
اما الكلام عن مقاطعة الشرطة بيتنهيالى ان تقويم الشرطة اهم
ولا اية ؟
اعتقد يا اخ مصري حتى النخاع , ان الحوادث الفردية لم تحدث فقط من واردى الريف _اللى عندهم كبت - فحادثة عماد الكبير كانت على يد ظابط شرطة , وتعذيب الفتاه للاعتراف بالقتل كانت على يد ظابط شرطة . والاخ اللى اغتصبوه فى طريق الغردقه ده - مش فاكر اسمه لاسف - برده كان ضابط شرطة وكلابه .
يعنى اذا كانرب البيت بالدف ضارب فشيمة اهل البيت الرقص . اذا كانت القيادات نازلة تعذيب وارهاب فى الناس , فعذرا لامناء الشرطة , وبعدين احنا مش بصدد الجدال على مين اللى غلطان وارد الريف والا ابناء المدينة من اولاد الشرمطة . المهم ان يكون فيه وقفة مع الناس دىوانتهاكاتها لحقوق الناس الغلابة . ولا انت ايه رايك ؟؟؟
انا لست معترضا على ما تقول من تعذيب القيادات للشعب وما الى ذلك كما انى معك تماما فى ان يكون هناك وقفة مع كل هذه الانتهاكات لكن واجبنا كصحفيين ان نشكف المزيد منها او ان نعالج زاوية جديدة فيهاده فعلا يكون دورنا واضافتنا اللى ممكن نقدمها مش نحكي فى المحكي ايه المانع اننا نعمل انفراد تنقل عنه مواقع النت والمصري اليوم اللى الاستاذ براء بيستشهد بيها والا احنا هانفضل ننتظر جهد الصحف الاخري علشان نشتغل على شغلها .. عيب والله
بصراحة حاجة غريبة شوية اننا نتخانق واحنا بنتكلم عن بنت مصرية اختنا كلنا تم الاعتداء عليها في المترو.. ونختلف حولين قضية لا يجوز الاختلاف عليها..
بالنسبة للإخوة اللي شايفين ان الموضوع مش سبق صحفي.. فهو فعلا مش سبق..ده تعليق على حادث مهم.. واعتقد ان اهميته تجبرنا على نقله والتعقيب عليه وفتح باب النقاش حوله.. وأنا كان دوري هو نقل الموضوع من المصري اليوم وأخذ رأي الدكتور أحمد عبد الله في القضية وفتح باب النقاش.. وهو ماحدث بالفعل.. وده فن من فنون الصحافة كل الدنيا عارفاه ومش أنا الوحيد اللي بعمله في صحفيين كبار بيعملوه..
زي مثلا ما صحفي في الدستور يعقب على ازمة الحجاب اللي انفردت بيها المصري اليوم.. وده لا يقلل منه او من المصري اليوم.. لان كل واحد منهم عمل فن مختلف من فنون الصحافة..
الاخ شريف الدواخلي..
الحقيقة المرة إني مش قادر افهم تعليقات حضرتك.. يعني انت مع ولا ضد.. موافق ولا معترض..
اما الاخ اللي بيقول ان الامر مجرد حادثة ولا يمكن اعتبارها ظاهرة.. ماشي يا عم.. خلينا نستنى شوية لحد ماتبقى ظاهرة..
الإخوة الكرام..
رفقا في تعليقاتكم.. لإن الأمر ابسط من ذلك.. والاتهامات عمال على بطال اعتقد انها ليست في مصلحتي ولا في مصلحة الموقع
شكرا
البراء أشرف
baraa_ashraf1@yahoo.com
ها ها ها ها ها ها ها ها ها ها ها ها ها
ممكن نعرف الحل الاسلامي الاخواني لمشكلة التحرش
وعايزين نعرف حل الحزب الوطني لقضية التحرش
وكل الاحزاب كل حزب يدرج في برنامجه الانتخابي القادم حل قضية التحرش اللي بتزداد يوم بعد يوم والعملية تحولت من متوالية عددية الى متوالية هندسية
وبرضه عايزين نعرف اقتراح وزارة الداحلية لحل المشكلة
يعني يا البراء اشرف الموضوع عايز تحقيق صحفي ميداني واسع في حل مشكلة التحرش وتاخد ىراء الناس دي كلها
مع وجاهة كلامك لكن انتا كدة دخلت موضوعين فى بعض الموضوع الاول هوا تعامل ظباط الشرطة واقصد الظباط وبالتالى كل اللى تحتهم من مخبرين وعساكر وطبعا انا متفق معاك ان التعذيب من الظباط ظاهرة وظاهرة كاسحة كمان ومحتاجة حل ضرورى جدا ولو بالقوة
اما الحالة دى فهيا حالة عساكر ماخدوش اوامر لكن انا لاحظت ان بعض بتوع الريف لما بيروحوا الحضر المدينة يعنى بيعملوا كل اللى هما نفسهم وغالبا بيكون حاجة تكسف ودة نفس موقف العساكر دول لكن اعتقد انها مش ظاهرة العساكر دايما بيبقوا كلاب لما الاوامر تصدر ليهم
يا اخ مصري حتى النخاع ,, انا اقصد -وزى مابراء قال - ان حادثة زى دى مش مستاهله جدال وتحليل نفسي لشخصية اللى عملها هل هو من الريف ولا الحضر , ولا مستاهلة الجدال حول كونها لاترتقى كمادة صحفية زى ما بعض المعلقين مختلفينن مع بعض ,,, هذا كله لا يهمنى , ما يهمنى هو وجود حاثة حصلت من الممكن ان تحث لاختى او لاختك او لاى بنت مصرية واصبحت ظاهرة الاعتداءات والانتهاكات من قطاع الشرمطة لا يمكن السكوت عليها . يعنى خلينا فى اصل الموضوع " اصبحت الانتهاكات دى ظاهرة يومية ولابد من التصدى لها بشتى السبل " .
وبعد ما نتصدى ليها باذن الله ونسقط نظام مبارك الفاشي كله نبقى نحللهانفسيا ونقول واردى الريف وقاطنى الحضر ونشوف ايه السبب وراء هذه الانتهاكات .
هو موضوع واحد اللى اتكلمت فيه بيتهيالى وصلتك وجهةنظرى .
يعنى اذا كانرب البيت بالدف ضارب فشيمة اهل البيت الرقص . اذا كانت القيادات نازلة تعذيب وارهاب فى الناس , فعذرا لامناء الشرطة , وبعدين احنا مش بصدد الجدال على مين اللى غلطان وارد الريف والا ابناء المدينة من اولاد ????? . المهم ان يكون فيه وقفة مع الناس دىوانتهاكاتها لحقوق الناس الغلابة . ولا انت ايه رايك ؟؟؟
يا اخ مصري حتى النخاع ,, انا اقصد -وزى مابراء قال - ان حادثة زى دى مش مستاهله جدال وتحليل نفسي لشخصية اللى عملها هل هو من الريف ولا الحضر , ولا مستاهلة الجدال حول كونها لاترتقى كمادة صحفية زى ما بعض المعلقين مختلفينن مع بعض ,,, هذا كله لا يهمنى , ما يهمنى هو وجود حاثة حصلت من الممكن ان تحث لاختى او لاختك او لاى بنت مصرية واصبحت ظاهرة الاعتداءات والانتهاكات من قطاع .. لا يمكن السكوت عليها . يعنى خلينا فى اصل الموضوع " اصبحت الانتهاكات دى ظاهرة يومية ولابد من التصدى لها بشتى السبل " .
وبعد ما نتصدى ليها باذن الله ونسقط نظام مبارك الفاشي كله نبقى نحللهانفسيا ونقول واردى الريف وقاطنى الحضر ونشوف ايه السبب وراء هذه الانتهاكات .
هو موضوع واحد اللى اتكلمت فيه بيتهيالى وصلتك وجهةنظرى .
jdyinars bqjfrdly acvok eafxwg ifdgjq sndhmckz ygmpt