أشمعنى شرم الشيخ
ويلزم التنويه أن كل مؤتمر بيحصل في شرم الشيخ، سواء للسلام أو أي كلام، معناه إغلاق المدينة، وتشديد الإجراءات، ومنع دخول المصريين الغرباء
13/04/2006
هايدى إبراهيم - ولاد البلد:
تعتبر شرم الشيخ من المدن السياحية الهامة وأكثر المنتجعات تطورًا، ويطلق على شرم الشيخ جوهرة سيناء، وتقع المدينة بين خليج البحر الأحمر والعقبة،وتعد من أهم مراكز الغطس في العالم، ومن أشهر الأماكن لقضاء شهر العسل ، وأخيراً من أشهر الأماكن لعقد المؤتمرات والقمم بأعتبارها أرض السلام ..السلام ..السلام.
عراق وفلسطين وسوريا
مجرد سؤال هو ليه كل دولتين عايزين يجتمعوا مع بعض يجوا شرم شيخ، يعنى مثلاَ أغلب الأجتماعات وزراء خارجية دول جوار العراق وطبعاً مصر مش منهم عقدت بشرم الشيخ ،مش بس العراق ده كمان معظم المؤتمرات اللى عقدت من أجل فلسطين واسرائيل كانت فى شرم الشيخ، واجتماعات سوريا ولبنان بردوا كانت بشرم الشيخ طيب أشمعنى شرم الشيخ؟!، لدرجة أنها بقت بتتقدم على أنها العاصمة التانية لمصر –مش إسكندرية- نظراً لإقامة الرئيس فيها معظم الوقت، ولا ننسى طبعا أن خطوبة السيد جمال مبارك كانت في شرم الشيخ بردو .
مقر للقمم العربية
ومش بس كدة، ده السعودية كمان بتقترح تمويل إقامة مقر دائم لمؤتمرات القمة العربية في مدينة شرم الشيخ، على ان تتولى مصر تقديم الأرض وذلك هدية للجامعة العربية وأوضحت السعودية انها تريد ان تستقر اجتماعات القمة فى "مكانها الطبيعى" وتركز على اعمالها بعد هذه المدة الطويلة من الاستضافات، وطبعاً مصر موافقة على أعتبار ان شرم الشيخ أرض السلام ، طيب أشمعنى شرم الشيخ تكون مقر للمؤتمرات الجامعة العربية وفي حجرة اجتماعات فى مقر الجامعة في ميدان التحرير، ما يجتمعوا هناك والسعودية توفر الفلوس بتاعتها وتتبرع بيها للسودان أو الصومال أو.. حتى مصر.
المصريين الغرباء
وياريت الموضوع وقف عند قمم السلام السلام السلام بس ، دلوقتى أي شركة أو منظمة عاوزة تعمل مؤتمر بتطلع على شرم الشيخ، وكأن معندناش اسكندرية، مطروح، بورسعيد، الإسماعيلية، لأن الهدف الظاهر المؤتمر لكن الباطن السياحة طبعا.
ويلزم التنويه أن كل مؤتمر بيحصل في شرم الشيخ، سواء للسلام أو أي كلام، معناه إغلاق المدينة، وتشديد الإجراءات، ومنع دخول المصريين الغرباء، لكن دى حاجة متزعلش طبعا، لانه إذا كانوا أخذوا شرم الشيخ، لكن لسة عندنا مدينة مهمة جدا هي .. كفر الشيخ والتي سنرفض بقوة أن تكون مقراً لأي مؤتمر عالمي أو عربي أو شباب جامعات.
• اعتقال طلاب جامعة حلوان!
• لا أخلاق في الرياضة!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
قتلو الطفل ودبحو" الشيخ" دول ريحين علي شرم "الشيخ".
انتة تقصدو شرم الشيخ بلد السلام والمحبه
ولا شرم الشيخ بلد السياح والفنادق والافلام الهايفه
بس حددو عشان افهم
وبلاش لخبطه بقه
بسم الله الرحمن الرحيم الدوله صح فى حكايه التصريح لان التصريح دة ءمان لينا ولكل ابناء مصر بس يريت يخلوها سهله شويه
قتلو الطفل ودبحو" الشيخ" دول ريحين علي شرم "الشيخ".
هما سموها شرم الشيخ ليه علشان شرموا شيخ فيها هههههههههه
ىربؤتلاتلانبلوليلاللتبللرىسالا برلاىرلاؤلاىلارلاىرظزؤروؤرةوؤراؤىرللاؤرىؤىرىرؤتؤترلاتىبرتابارؤلاالاىؤلاىرؤرىتارلاىترلاةرةؤلاةةلارولارةنتؤىرىؤىرؤىرلابؤىلارىلاىلاةىلاةلاةولاوولاولاوووووووووووووووووووووووووووووووورلاتةباتلابرالااالاؤراىرلااؤلايءرؤسابلاثياقحفافلاةوة
جتلك ياشرم شرمتينى وان جتلك تانى أبقى .......