أبويا والعميد.. وساعات الفصل
وانا ابنة اللي بيعمل ليه مشاكل اوعي تعمل اوعى تروح اوعي تيجي.
خلي بالك اوعي حد يقول لبوي علي الموضوع ده اوعي اوعي
21/03/2007
فلنحكي الحكاية من اولها فالاب مصري بكنية الهندي زملكاوي صميم وبميول ناصرية لم يدخل للجامعة ولكن بحق اجتهد وقرا وكون مكتبة من سور الازبكية كبيرة للغاية والابن _ لامواخذه انا _ كما الأب غير أنه بميول إسلامية بين الفكرتين، وهو صراع حل في البيت .
قد يظهر علي السطح وقد يتجلى في صورة توجيهات فالابن الوحيد لاب ولام بالتأكيد يكون مدلع غير ان _ الي بالي بالك _ رفض هذا من البداية وقام بتربية نفسه تربية قاسية للغاية قد تكون اثرت عليه نفسيا في رفض اي امر في بدايتة لإحساسي بأنه مفروض علي ومراجعة اي فعل صادر منه ولكن تبقي الحقيقة البيولوجية بين اثنين أب وله ابن ومهما قسي وحاول ان يعمل هيكون هو أبويا يكفي انه يفعل معي كل شيء إلا أن لم يحرجني أمام الناس.
رمضان والعميد
في شهر رمضان من كام سنة ولاول مرة يأتي لي جواب في البيت الجواب لم يكن جوابا غراميا بل استدعاء ولي أمر من قبل الكلية كلنا فوجئنا ..أبويا أتصدم وأنا إتصدمت لان البوسطجي كنت مظبط معاه وخلف وعده وفور علم البيت بالجواب الدنيا اتقلبت ازاي وبتاع وليه الكلام ده المهم ابويا راح فين ...
للعميد طبعا تتوقع ماذا حدث؟؟ العميد بالضغوط الأمنية وأبويا بالضغوط الأبوية وما قراه عن الستينات والخوف من اعتقال ابنه أو تعذيبه وإحنا بتوع الأتوبيس والكرنك
ودار الخيال ودارت رأسي ماذا سيفعلان بي وبدون سابق إنذار ذهب أبي _ وفي موسيقة تصويرية _ ودخل علي العميد الذي ابتدأه بالكلام قائلا: يا أستاذ ابنك خطر علي مصر وعلي نفسه وعليكم. هذا بالنسبة للعميد ومتوقع أن يقول ذلك.
لكن ماذا قال والدي ، اقل واجب مثلا يؤكد علي كلام الراجل ولكن جاءت كلماته مخالفه للظنون حيث قال : "ما أنا عارف ومش مهم يعمل الي هو عاوزه وكمان مين اللي خطر هو وللا الأمن وعمل إيه يعني كان بيعلق ورقة في الجامعة إيه يعني لا موت حد ولا قل ادبة علي حد ولم يقف علي كده ..لا كمان زاد علي كلامة انا عارف اللي بيعملة وكمان بشجعه عليه .
بالتأكيد الكلام ده عمره ما قاله لي لكن هو ده اللي حصل في ساعة تجلي ولم يحدث مرة اخري ، مع إن العميد هريني انذارت جوبات
ربما يكون رمى طوبتي ..وربما أراد أن يخلص مني ويا داهية خدي الداهية لم افهم حتى الآن ،هل هي لحظة صدق تمنى أن نتبادل فيها الأدوار انه في البيت
لكن اللي متأكد منه انه عاد إلى البيت عادت النغمة القديمة الأب الزملكاوي اللي بيحب صالح سليم ومش عاوز مرتضي منصور وانا ابنة اللي بيعمل ليه مشاكل اوعي تعمل اوعى تروح اوعي تيجي
خلي بالك اوعي حد يقول لبوي علي الموضوع ده اوعي اوعي
• قلب الرئيس الاخضر!!
• إلى شاكيرا..مع تحياتي!