حوار الرئيس الوهمي
ولاد البلد تنفرد بنشر الأجزاء المحذوفة من حوار الرئيس مبارك مع عماد الدين أديب في الحلم،الرئيس مبارك: طظ في مصر وفي أبو مصر و كل اللي في مصر، حقوق جمال مبارك مثل حقوق أي مواطن فلماذا لا يرشح نفسه؟
دماغ : محمد فتحي - ولاد البلد:
حصلت "ولاد البلد" على شريط "مضروب" للأجزاء الوهمية المحذوفة لحوار الرئيس مبارك مع الإعلامي الكبير عماد الدين أديب والذي لم يذع في الحوار الأخير نظراً لضيق الوقت وخروجه بشكل كبير عن سياق الحديث حول بطولات سيادة الرئيس في حرب أكتوبر و فيما يلي نص الأجزاء المحذوفة:
عماد الدين أديب: سيادة الرئيس..أرجو أن تعذرني في السؤال القادم وأن يتسع صدرك له وأنا أعرف أن صدرك متسع بالفعل..
الرئيس مبارك: اتفضل يا أخ عماد
عماد الدين أديب: سيادة الرئيس..الناس لا تسمع كثيراً عن عائلتك..طبعاً ما اقصدش سعادتك السيدة سوزان مبارك ولا الأخ جمال مبارك أو شقيقه علاء..لكن أقصد العائلة بالمفهوم الكبير
الرئيس مبارك: شوف ..عايز أقولك على حاجة مهمة ..أنا من ساعة ما توليت المسئولية في أكتوبر 1981 وأنا حاطط قدامي هدف هو محاولة النهوض بالبلد..ما تنساش ان احنا كنا خارجين من حرب ومن اتفاقية سلام كانت مهددة بالإلغاء بعد اغتيال الرئيس السادات لكن أنا صممت عليها لأن سينا كان لازم ترجع في الوقت ده
عماد الدين أديب: عذراً يا فندم في المقاطعة لكن انا بفهمي المحدود يعني..وأنت سيادتك عارف إن فهمي محدود..فهمت إن عملية السلام وقتها كانت في المقدمة
الرئيس : بالظبط
عماد الدين أديب : طب سعادتك بالنسبة للعيلة
الرئيس مبارك : أنا عيلتي الحقيقية هي الشعب المصري ..لما اعمل إصلاحات واخدم الناس ومحدودي الدخل يبقى أنا كده خدمت عيلتي..موضوع بأه ظهور عيلتي والكلام ده مرفوض بالمرة
عماد الدين أديب :ما اقصدش الظهور سيادتك انما ودك ليهم وزياراتك ..يعني حضرتك فيه البعض بيقول ان مصر خدتك من أهلك وانك – واسمحلي – قاطع للرحم زي ما بيقول بعض المعارضين و....
الرئيس مبارك: بص يا أخ عماد..لو الواحد بص كتير للمعارضة مش هيشتغل..ما احنا ياما بنتشتم على صفحات الجرايد وياما جاتني شكاوى من بعض الوزراء لكن دايماً بقول ان الصحافة حرة..موضوع بقى قاطع الرحم والكلام ده غير مقبول بالمرة ومصر لو هتخليني قاطع رحم يبقى طز في مصر وأبو مصر وكل اللي في مصر..لأن زمان علمونا ان اللي مالهوش خير في أهله مالهوش خير في أي حد تاني (الرئيس يضحك)
عماد الدين أديب ضاحكاً: طب يا فندم حاجة برضو من الحاجات المطروحة على الساحة نقطة التوريث
الرئيس:توريث إيه
عماد الدين أديب :توريث الحكم يا فندم ..البعض يقول انه بعد عمر طويل يعني الرئيس القادم لمصر هو جمال مبارك وان الـ......
الرئيس مقاطعاً: يا أخ عماد ده كلام بسمعه كتير ومهما انفيه البعض مصر عليه
عماد الدين أديب: تفتكر ليه يا فندم
الرئيس: مش عارف بأه ..اهم عندك روح اسألهم ..اللي عايز اقوله ان الكلام عن التوريث ده تخريف بغض النظر عن اللي بيقولو..جمال مواطن عادي زيه زي أي حد..،والدستور هو اللي بيحدد كيفية اختيار رئيس البلاد..انما انا من مزاجي اقول هو اللي بعدي وتوريث وكلام فارغ من ده ..احنا مش نظام ملكي..احنا جمهورية..لو جمال عاوز يترشح اعتقد ان ده من حقه..،ومن الظلم انه ما يترشحش لمجرد انه ابني في حين ان أي مواطن عادي قادر على الترشيح..
• مات فؤاد المهندس صامتا.. فرحلت معه ابتسامة مصر
• عن جلسة المواطنة والديمقراطية!
• 3 أفلام حسمت موقفها!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
طظ
الرئيس حسنى مبارك رئيس غير شرعى لمصر لأن قدومه للحكم لم يأتى عن طريق إنتخابات ولأنه يزور الإنتخابات طوال 25 سنة ولأنه لم يعين نائب لما فهو رئيس متسلل للحكم ولا بد من عقابه على أى تصريح يقوله وأى برنامج يظهر فيه لأنه ليس له حق الإدلاء بإسم مصر فى أى شيء فهو ليس أكثر من نصاب متسلل للحكم بإسم مصر وكل الذى يقوله يعبر عن بيئته المنحدة نظراً لظروفه الإجتماعي منذ التنشئة لأن ولده كان حاجب محكمة ولم يحسن تربيته التربية التى تليق أن يخاطب بها أسياده من أبناء الشعب الناهب لكل ثرواتهم هو وإبنه وزوجته فما يقول هى تخاريف رجل فى الثمانين مجنون بجنون العظمة والزهايمر وكل أمراض الشيخوخة وسيخلصنا الله منه قريباً بإذن الله العلى الكريم
احلى ما ف الموضوع الصوره التحفهاللى انتو حاطينها يا عشرينات دى..ضحكتونى مووووت
اموت و اعرف جبتوها منين
واخدالى باللك يا هبهوب
بعد ماقرأت ماتبقى من حديث مبارك مع عمرو الاديب زعلت منكم جدا لان مكان نشر هذه الفقرات هو جريدة خمسة فرفشة وليست اولاد البلد مش كدة والا ايه {على راى فؤاد المهندس} ههههه0 اضحكتنى يا رءيس بلدنا
البرتوكول رقم19لحكماءصهيون فيه ان ثورة الشعب علي حكومة تم اعدادها جيدا كنباح الكلاب على الافيال تستمرفى النباح حتى تنهار قواها ثم تدرك انه لايمكنهاان ترهب الفيل وتستسلم لة هذة ديمقراطيتنا.واذا قال الفيل طظ فينا يبقى معاه الف حق اللى خلينا الفيل بتاعنابارك على انفاسنا طوال هذا الدهر ليس لها من دونك كاشفة يا الله اللهم اكشف عنا هذة الغمة وعن امة المستلمين اجمعين يا رب العالمين
انا مش عارفة كل واحد بيقول كلمة شكل بس اللى انا اعر فه على رأى سعد زغلول انى ما فيش فايدة اللى يقولك انى البلد دى هتتصلح يبقى بيضحك عليك لا ننا عايزين 100 سنة علشان البلد تتصلح ما دام فى جزء من الشباب ضايع ومش عارف هو رايح فين ومدام ورانا هيفاء وهبى ونانسى وروبى ودانا ومارياوالبطالةوالتعليم لان التعليم عندنا فى مصر يفرح
الرئيس هيعمل اكثر من كدةاية احناشعب طماع الراجل معين اكثر من مليون ومئتان وخمسون الف شخص لحمايتة الشخصية هوة واسرتة الراجل بيموت نفسة فى خدمة الوطن قصدى بيموت الوطن علشان يعيش لنا بسلام والسلام
مصر والمصريون عائلة الرئيس حسنى مبارك وهو أحق أن يورث الحكم لجمال مبارك لأنة بيحكم مصر فعلا من 5 سنوات وهو الى بيعين الوزراء المحترمين الى بيعتبروا طقم سكرتارية للرئيس ..
بسم الله الرحمن الرحيم
وأخرين من دونهم لا تعلمونهم الله يعلمهم
صدق الله العظيم
سورة الأسراء
لقد قال فضيلة الشيخ محمد متولى الشعراوى لاحكم فى ملك الله إلا بمراد الله لذلك أرجوا كل من يصول بخاطرة إهانة الرمز أن يعلم ان هذا الفعل يدل على غشيان البصر وجحود القلب فلينظر هؤلاء ألى المبانى والمستشفيات وغيرها وإن الفساد موجود فى كل مكان وإن كنت تحب مصر فساعدنا ويدك بيدنا واطرح الحلول ولاتكن كمن ظل يدعوا الله ان يسلط سيف الغضب والنقمة على رقاب اعداءه وفى منامه شاهد سيفاً بطاراً سيقطع رقبته فقام مسرعا وسأل أهل العلم فقالوا له إن الله سيستجيب دعوتك ويقطع رقاب أعدائك وسيبدء بك لأنك أكبر عدو لنفسك وإذا كنت تريد النقد البناء فعليك بإيجاد الحل اولاً ثم ابدء بنفسك لأنى ومن خلال تجربة علمت أن مصر اعظم دولة فى قوانينها لكن ينقصها تفعيل فعلى لكن ، تنتقد وتشرع وتتفلسف وإن كنت مثلا تركب اتوبيس تقترب من السائق وتطلب منه فتح الباب لتنزل فى الأشارة وإن لم يستجب لك إنهلت عليه سباباً إما علنية اوفى سرك فهل هذا سلوك ، احبوا مصر واعملوا من اجلها ودعكم من حجتكم المعلقة على رئيس الدولة حتى تقوم لكم دولة . هناك مثال اخر عندما يكون الأب شديد على نجله يخرج الأبن ساخطاً على الأب ويسبه وسط زملائه طبعا سراً وعندما يمرض الأب يبكى الأبن على مرض أبيه أعملوا من أجل مصر أبناء مصر ومن يريد أن يعرف الرئيس مبارك عن قرب فليراسلنى سلام من مصر ارض السلام