إسكندرية تانى...!
"إسكندرية تاني"...
تلك هي الجملة التي علق بها أغلبنا بعدما عرف اللي حصل هناك.."ناس هجمت على الكنايس وقت الصلاة، وخربت وضربت وقتلت"..
18/04/2006
منى سليم ـ ولاد البلد:
"إسكندرية تاني"...
تلك هي الجملة التي علق بها أغلبنا بعدما عرف اللي حصل هناك.."ناس هجمت على الكنايس وقت الصلاة، وخربت وضربت وقتلت"..
ومرة ثانية في أقل من 5 شهور، إسكندرية عايشة في ضرب وخناقات ومظاهرات وكره وغضب.
إحنا برضه قلنا كده.. (إسكندرية تانى).. بس قصدنا شيء تانى وتالت وما بيخلص..
قصدنا إن دى فعلا إسكندرية.. مفيش مشكلة طائفية أو غيرها من يوم عرابي للنهاردة إلا وبدأت منها، وهى اللي كان فيها أكبر عدد من القنابل المسيلة للدموع والسنج والرشاوى في الانتخابات.
بس هي برضه إسكندرية.. قبل كل حاجة وبعدها.. يعنى.. فيها ناس غلابة من جيش عرابي ماتوا على الطوابي وراحوا في بحرها (على رأى نجم وصوت منير).
وهى فيها ومنها ولها.. كل قصة حب نهايتها حلوة أو غريبة.. في كل الأحوال متقدرش تكمل من غير شط أسكندرية (على رأى فيروز) .
وهى إسكندرية يعنى أكتر مكان في مصر أنت حافظ شوارعه (من بحري للأزاريطة زي ما بيقول مصطفى قمر) وتاريخه ونكته، وعارف كمان ريحة بحره ولو عمرك ما نزلت محطة قطرها، وهناك.. لو رحت هناك تقرأ الفتحة لأبو العباس ونقول ذي الأغنية برضه (أسكندرية يا أجدع ناس).
تصور.. قالوا عليها كلام كثير، مرة عاصمة اليونان ومرة عاصمة الإخوان، وفيها كان يهود وطالينة وفلسطينيين وكل من عشق الجهاد الفلوس والمزاج والمغنى.
إسكندرية (مش) باختصار.. عمار.. يا إسكندرية تانى.. وآه من العشق يانى.. الحق لي كرسي واقعد سلطان زماني.. أنشر هدومى وأغسل همومي.. و على كوبري ستانلي آكل سمك من أبو قير.. أقول ايوه وأرمى شلنات في بير مسعود .. وأتمنى كأني .. غنوة من شعر ببرم وغنوة من قلب سيد
ومغرم صبابة نغنى لإسكندرية ياآبا .. عشانها مرية وترابها هيفضل زعفران ولو أنسال عليه دم وقطران.!
*غنوا لإسكندرية في عيد كنايسها..
إسكندرية اجدع ناس مصطفى قمر
• اعتقال طلاب جامعة حلوان!
• لا أخلاق في الرياضة!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
صلاه النبى مدح النبى ملحه فى عينك يلى ما تصلىىىىىىىىىىىىى
اقرو الفاتحه لبو العباس يا اسكندريه يا اجدع ناس
افروا الفاتحه لسيدى ياقوت ولى يعادينا يطق يموت
وقروا الفاتحه لسيدى مرجان ولى يعادينا يجيلو جنان
وقروا الفاتحه لبو الدردار ولى يعادينا
يولع نار
دى زفه اسكندرانى
وصلى صلى صلى
اسكندريه هى قلعه قيتباى وقلعه ابو قير التى لا يعرفها معظم الناس
اسكندريه هى ميدان الجوامع
احلى ما فى الاسكندريه هما
الناس
الناس الناس واحلام الناس
ويا اسكندريه بحرك عجايب يريت ينلنى من الحب جانب
yehia2784@hotmail.com
برافو يامنمون ماتنسيش ان منمون دى بتاعتى على العموم انا عارفة قد ايه انت بتحبى اسكندرية ونفسك تسافرى وانا اللى معطلاكى لكن فرجه قريب ان شاء الله ربنا يوفقك وماتنسيش ميعاد بكره الساعة 12
محدش يقدر يوصف اسكندرية الا ولادها اللي كبروا على هواها وبحرها
اللي عايز يوف اسكندرية بجد يشوفها في الشتاء
ولو قلت انك شفت اسكندرية كلها تبقى بتضحك على نفسك كفاية بس اني اقولك ان اسكندرية اللي فوق البحر متجي حاجة جنب اسكندرية اللي تحت البحر
وبجد من اجمل الاماكن اللي شوفتها في اسكندرية هي طابية عرابي في ابو قير
اللى حصل انى اسرائيل بدأت تخبط فى الحلل على فكرة انا اسكندرنية واسرائيل عايزة تعمل نزاع طائفى وخلاص لكن حسابتها غلط اولا لو المسلم افتكر انى الرسول وصانا على المسحيين و خلاص الحكاية خلصت
انا اساسا من الاسماعيليه
وسمعت كتير عن اسكندريه ونفسى اروحها ولو لمره او ساعه حتى 00 وبسبب اغنيه فيروز نفسى اقابل حبيبى هناك
عروسه البحر
اسكندريه هى منظر البحر اللى عمرك ما تشوف زيه الا من فوق قلعه قايتباى
اسكندريه كافيهات الرمل بليل
اسكندريه المنتزه و الشمس بتغيب
اسكندريه ضحكه مصريه عايزين يطفوها مش عارفه ليه اسكندريه ماريه
ولو ....مهما صار أسكندريه بتوقع وتقوم من تاني
دي أسكندريه يا جدعان
رمل وبحر وشمس
حضارة وتاريخ وفن
أسكندريه موش بنت النهاردة ولا امبارح....أسكندريه دي قرون وملايين السنين
ياما طغاة حاولو يهدوها ويحرقوها
لكن بردو ولو...
واقروا الفاتحة لابو العباس
ايووووووووووة يا ناس
لافرق بين مسلم ومسيحى جميعنا احباء وكل واحد منا له دينه ويجب عدم التعليق
انا عبدالعزيز مسلم
الاسكندريه عروس البحر المتوسط
**(( رائعة احمد فؤاد نجم)) اسكندرية المحروسة * إسكندرية المحروسة الصيادين و سمك موسى منين ماتمشي تصادف ناس شيلاه يا مرسي يابو العباس ناس من الصعايدة و ناس بحري و القلب مفتوح عالبحري دايب في سحر بنات بحري و الحب تحت الشموسة الله عليكي يا إسكندرية مالبحر رايحة مالبحر جاية لما الصباية عالصهبجية جمعتي فرعون على موسى ** في إسكندرية يابو إسكندر بدع الضواحي والبندر فيها الحواري بالمساكين و فيها جنة راس التين و فيها فوق الشط زغابة و فيها عند الرمل ديابة و الابتسامة الخلابة أنيابها في الناس مغروزة ** الظهر سمكة بلطية و العصر ناعمة و لعبية و اليل عريسك يا عروسة ===================== و هكذا و هكذا الدنيا غابة و منتزه عصفور جناحه ريشة فضة و ريشة نور و عشه عود من التمر حنة وعود بخور و عوده ناحل م الضنا بين الطيور ممنوع يغني غنوته إلا إذا و هكذا و هكذا الدنيا غابة و منتزه ** و الصقر طايح في الفضا زي القضا باسط جناحه ع المساكن و الفضا كل الطيور بتبصله بعين الرضا رقص الغوازي للملوك يا حبذا و هكذا و هكذا الدنيا غابة و منتزه ** ناس قبلنا قالوا كلام يالا العجب عالأصل دور حتى في أمور النسب مافيش جريمة بترتكب من غير سبب و لافيش وليد بيتفطم على الأذى
عفوا للمداخله اخواني معاكم حمد من الامارات(ابوظبي)....... بصراحه زرتها اول مره كانت سنه 2005 في الصيف و من بعدها كل اربع اشهر ازورها بمعدل 4 مرات في السنه ...... حسب ظروفي في العمل
و اللي ناقصنها السناتر بس....
و بلنسبه للجو ما عليه كلام (زي الفل)
و تحياتي لكم اخواني و السموحه على المداخله...... و كلمه حق كل مره ازورها احس بفرق .....و شكرا