بس إنت تغني وإحنا معاك..
فرد عليه عرابي من فوق "الحصان": " لقد خلقنا الله أحرارًا، ولم يخلقنا تراثًا أو عقارًا؛ فوالله الذي لا إله إلا هو، لا نُورَّث، ولا نُستعبَد بعد اليوم".
19/04/2006
محمود حامد - ولاد البلد:
كثيرة هي أقوال الزعماء المصريين على مر العصور التي نفتخر بها ونذكرها في أوقات الشدة والألم ونحملها وساماً على صدورنا وأيضاً نتذكر بعضها ونضحك عليه لأنها كانت مضحكة فعلاً(!!)
بين أقوال الزعماء قديماً وأغاني الفنانين حديثاً وجدنا نوعاً من الترابط غير المقصود طبعاً، ولنا أن نتذكر ذلك الهتاف الشهير "سعد سعد يحيا سعد" الذي سمعناه كثيراً في الأفلام الوطنية التي تتناول تاريخ مصر الحديث في فترة الاحتلال، حيث كانت جموع المصريين تشييد بحياة الزعيم سعد زغلول، والذي سمعناه ورأيناه بصورة أخرى في أغنية سعد الصغير "بالعربي" ولكن كانت الجماهير هنا تهتف لسعد بتاع اليومين دول.
والمشهدين المختلفين دعونا لنسرح بخيالنا في محاولة لمزج القديم بالحديث وأقوال الزعماء زمان وأغاني الفنانين حالياً لنرى ما يناسبها، وقبل أن نترك سعد باشا زغلول يجب علينا أن نتذكر قوله الذي يحمل كل معاني اليأس "مفيش فايدة"، لنجد المتفائل سعد الصغير يرد عليه بقوله "أنت كدة شكرا على الأخر إنت كدة جبت من الآخر".
حصانك.. حصانك
ونستدعى من الذاكرة أيضًا ذلك المشهد التاريخي الذي حفظناه منذ أن كنا في المدرسة وهو من المواقف التاريخية المشرفة في حياة الأمة العربية عندما قام أحمد عرابي بمظاهرة على رأس الجيش المصري في ميدان عابدين بالقاهرة؛ لعرض مطالب الأمة على الخديوي توفيق، لكن الأخير رأى في مطالب عرابي تجاوزًا لسلطانه، وتعديًا على مكانته، فقال له في غطرسة وكبرياء: "كل هذه الطلبات لا حق لكم فيها، وأنا ورثت ملك هذه البلاد عن آبائي وأجدادي، وما أنتم إلا عبيد إحساناتنا".
فرد عليه عرابي من فوق "الحصان": " لقد خلقنا الله أحرارًا، ولم يخلقنا تراثًا أو عقارًا؛ فوالله الذي لا إله إلا هو، لا نُورَّث، ولا نُستعبَد بعد اليوم".
ولكن ماذا لو اقتبسنا ذلك المشهد وأدخلنا عليه مشهد حصان أخر ولكنه حصان مختلف خاص بالفنانة نجلا التونسية فماذا لو كانت حاضرة في ذلك الموقف نجلا وقالت للخديوي "أنا ح اطلب إيدك بكرة وافق من غير تفكير" بس طبعا تنفذ مطالب الشعب أكيد طبعاً كان ح يبقى تصرفه مختلف ولم يكن ليعارض أبداً.
يا سلام يا نانسي
"لو لم أكن مصرياً لوددت أن أكون مصريا" تلك الكلمات الرنانة نطق بها الزعيم مصطفى كامل، الذي افتخر بمصريته وله الحق في ذلك، ولكن بعد كل تلك السنوات جاءت من لبنان الرائعة نانسي عجرم لتسأل المصريين أنتوا إية؟! لترد على نفسها وتقول "أنا مصري وأبويا مصري وبخفة دمي مصري"..
أقول لشعبي إيه
وكم كان جرئيا الرئيس الراحل أنو السادات عندما قال للمبعوث الإسرائيلي بكل شجاعة " شعبي يقول عليه إية متواطئ معاه، القدس دي لكل الأديان، بلغ بيجن احتجاجي الرسمي على ضم القدس"، فيرد عليه على الفور المطرب والملحن والشاعر والممثل والمخرج مصطفى كامل بقوله الشهير أيضاً "قشطة يابا .. قشطة يا عمي".
خلصنا الصبر كله
وقد جاء الدور على زعيمنا الحالي والأبدي السيد رئيس الجمهورية محمد حسني مبارك التي كثيراً ما تأتي وعوده براقة وملونة وتحمل في حروفها بريق الأمل للمواطن البسيط ولكنها تذهب بغير رجعة وبات علينا أن نسمعها من إذن لتخرج من الأذن الأخرى، وأيضاً هناك الكثير من التصريحات الخاصة بالسياسة الخارجية ومنها:
1/ "لا مساس بحرية الصحفيين وإلغاء الحبس في قضايا النشر"..
2/ "سنعمل على تفعيل دور البرلمان في الرقابة, ومساءلة الحكومة, ومنها حق سحب الثقة من الحكومة, وتوفير شكلا من أشكال التمثيل النسبي للأحزاب في البرلمان"..
3/ "لن أجدد سوى لفترتين رئاسيتين فقط"
4/ "خروج القوات الأمريكية من العراق سيزيد الوضع خطورة"
5/ "الشريعة الإسلامية هي "أساس الحكم "
فإذا حاولنا أن نضع أغاني مناسبة لتصريحات الزعيم مبارك فما هي من وجهة نظرك ؟
عدد التعليقات : 64
• مات فؤاد المهندس صامتا.. فرحلت معه ابتسامة مصر
• عن جلسة المواطنة والديمقراطية!
• 3 أفلام حسمت موقفها!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
خد عندك يا سيدى :
1- "كداب يا خيشه كداب قوى ده أنا كنت فاكرك فهلوى" للموسيقار خالد الذكؤ شعبان عبد الرحيم
2- "و مهما توعدنى هأقولك بكرة و يجى بكرة أقولك بكرة يعنى النهارده بقولك لأه و بكره برضه مش راح أقولك أه" للفنانة الجميلة عفاف راضى
3- المواطن المصرى بيغنى " فى يوم فى شهر فى سنة تهدى الجراح و تنام و عمر جرحى أنا أطول من الأيام" للعندليب
4- الشعب الغلبان بيغنى"الأمل لولاه عليا كنت فى "حكمك" ضحية" لكوكب الشرق
5- الشعب الغلبان بيغنى "حيرت قلبى معاك و أنا بدارى و أخبى قولى أعمل إيه وياك و لا أعمل إيه ويا غلبى" برضه لكوكب الشرق
i'm waiting el shaab yeghany
Ya Ahlan bel ma3arek
bas howa beyghany
ya sedi 2amrak 2amrak ya sedi
يا شعب مذلول و دلدول و مش فالح غير فى الكلام و الهتافات و تفريغ الشحنات على صفحات الانترنت ... قوم يا خانع يا خاضع يا خرنج من قعدتك على القهاوى و على الكراسى قدام الكمبيوتر قوم و قول للحاكم بتاعك إنتا ظالم و كفياك ظلم لحد كده قوم يا اللى بتغنى إخترناك و زفتناك رضيتم بالخنوع و العجز و بقيت زى القوادين بتصهين على الدعارة اللى شايفها عينيى عينيك و شايف الحاكم بتاعك نازل إغتصاب فى بلدك و بلدك بتصرخ و بتستغيث بيك و إنتا إبنها و برضه عامل نفسك مش شايف و لا كأن اللى بيغتصب بلدك هو برضه اللى بيغتصبك و بيديك على قفاك فى الرايحه و الجايه و واضح إنك خلاص إتكيفت و عاوز كمان ... إتفو عليك ما طلعتش من صلب أحمس و لا عرابى و لا الرجاله فى ثورة 19 ... طلعت إبن حرام و لقيط
لا اله الا الله
ايه ده انت نازل فى المصريين شتيمه
ازاى عايز تفوق الناس كده وتقول قوم يامصرى
انت كده زى الام اللى بتصحى ابنها وبتقوله اقوم كتك خيبه انت مش نافع
هو كده محدش اصلا هينفع
المفروض الناس تتكلم بالحسنى
"من كان يؤمن بالله واليوم الاخر فليقل خيرا او ليصمت"
اللهم انتا فى الدنيا حسنه وفى الاخرة حسنه وقنا عذاب النار
احب اقول كلمة واحدة بس لمبارك كفاية حرام .
وياريت يتقى شر الحليم اذا غضب لان المصريين رجالة وولاد رجالة ومش ح يستحملوا الظلم كتير
الاخ اللي نازل شتيمة في المصريين اراهن انك لست مصريا لان المصري لا يشتم اخيه المصري على صفحات النت
شوية احترام يا اخ لانك فعلا بذيء اللسان وتهين كل المصريين اللي اكيد في يوم حيكون ليهم رد فعل وحيصحوا من غفوتهم ومافيش داعي للشتيمة وقلة الادب
وياريت نتعلم ازاي يكون فيه اسلوب للحوار والا مش ح دخل على الموقع ده تاني
الناس حصلها اية وانتوا يا بتوع الموقع فين الرقابة وازاي تسمحوا لحد بشتيمة كل المصريين
اللهم اسالك الهداية
حشيش حاجة تيجى كده بانجو حبيبى كده
ايه الحلاوة دي يا عابر القارات...عظمة على عظمة
الشعب اللي كل استفتاء و بمنتهى الديمقراطية بيقول نعم يهدي للريس هذه الاغنية:
(كل اما اقوله اه..يقوللي هوا لا...يجرحني و اقوله اه...يقوللي برده لا....لا..لا..لا..لا)
الى أختى مسلمة و الى الاخ الذى وصفنى بالقبيح (شكرا) على أى حال و كل إناء بما فيه ينضح ... اللى ما فهمش و مدروش و اللى عامل فيهاوطنى بس على صفحات الانترنت ... أنتم يا إخوانا دفنين رووسكن فى الرمل و كل واحد عامل فيها مناضل و أخره إنه مناضل بالكيبورد و يكتبله كلمتين قبل ما ينام و هوه بيرد على إيميلاته و أهه كله من باب الوطنية .. أقولكم يا أخوانا أنتم مش عاوزين تشوفوا الحقيقة المرة و أنا ما كتبتش الكلام ده الا من يأسى و إحباطى اللى حسيت بيه و عاوز أسألكم أنتم مشيتوا فى مظاهرات و نزل على جتتكم البلا من عصيان الامن المركزى و أتكسر دراع واحد فيكم على الاقل أو فى بنت منكم (و الكلام للاخت مسلمة) قطعوا هدومها و هتكوا عرضها قدام مئات البشر اللى واقفين يتفرجوا .... إنتم حاسيين أصلا ايه اللى بيدور فى البلد من تدهور أخلاقى و إجتماعى و ثقافى و دينى و سياسى سببه الفقر و الفساد و البطالة و لا كل واحد فيكم أبوه لبصرف عليه و مش حاسس بحاجه و أهه بيقول كلمتين على النت من باب انه ماشى مع الرايجه و مايصحش إنه يدخل النت و ما يكتبش كلمتين ... أنا بقى يا أخوانا مشيت فى المظاهرات و أنا بقى يا أخوانا أتبهدلت و أتسبيت بأمى و أبويا من عساكر أمن مركزى جهله و اللى بيحركهم ظباط أكثر منهم جهلا و أنا بقى شفت بعينيا دول بنات بتتقطع هدومها فى الشاعر قدام اللى يسوى و اللى ما يسواش بإيدين بلطجيه و تحت سمع و بصر لواءات و أنا بقالى تلت سنين مش لاقى شغل مع إنى المفروض ناجح فى بكالوريوس التجارة بتفوق و أكبر ماهيه ممكن أخدها حاليا هيا 300 جنيه كعامل فى سوبر ماركت و بعد ده كله مش عاوزين أكتب و أسب و العن فى أبو سلبية الناس اللى وصلتنا لكده و على رأى أختنا مسلمة "أروح أصحى إبنى و أقوله قوم يا روح أمك قوم يا حبيبى قوم يا
اقرأ بقية التعليق ..
يا دلوعة أبوك" إذا كان ابنى صاحى و مغمض عينيه و إذا كان راضى بالفشل و النوم و إذغ كان شايف زمايله متفوقين و صاحيين لحالهم و هوه مبلط فى الخط و عامل نفسه نليم يبقى مش برضه من الهبل و السذاجه إنى على رأى نانسى عكرت "أطبطب و أدلع" مش برضه ممكن الاب أو الام يضرب إبنه (و الكلام للأخت مسلمة) علشان مصلحته و علشان يصحيه من سباته العميق و يقوم يذاكرله كلمتين بدل ما هو فاشل فى كل حاجه حتى فاشل فى إنه ياخد حقه ... و الى الاخ مواطن مصرى اللى وصفنى بالقبيح الله يسامحك فواضح إنك من مناضلى الكيبورد و ياريت بقى يا دكر يا سبع رجال ما تتشنجش قوى كده و ترفص و تهدى أعضاءك علينا شوية و يا ريت نشوف تشنيجك ده فى مظاهرة و لا فى حق أخدته و لا دافعت عن حق إتاخد منك مش بس كلام و فين الرقابة و فين مش عارف إيه
الله يحليكى يا سوسة يا مفروسه و نسيت أضيف
- "أسألك الرحيلا" للفنانة الجميلة نجاة (و طبعا أنتم عارفين اللى هيغيها)
- "مش هأسيبك تبعدنى مش هأسيبك تهرب منى" للفنان حسن الأسمر
و كل عام و أنتم بخير
بتهيالى ان دى الاغنية اللى مؤمن بها الشعب المصرى مع حسنى مبارك
عندك حق يا ساره هي دي الاغنيه الي مؤمن بيها الشعب المصري بس المشكله انه مؤمن بالجزء بتاع لازم نطاطي نطاطي بس من غير ما نعلي
اما للاخ صاحب التعليق قوم يا مصري انا متفق معاك ان في حاجات كتير في البلد و لو اعدت اقول مش حنخلص بس دورنا احنا الي فاهمين المشكله نشرها و توعيه الناس
انا كنت مامن ومسلم بوعودك ليه وكلامك حلو ومترتب وماثر فيا معاك بجد كان قلبى طيب مقلتش انا غير حاضر وطيب وانت غاوى وعود فى الهوى كل سنه به وانت طيب
yehia2784@hotmail.com
الشعب الصابر بيقول عن الزعيم المفدى:
(كان طيب كان حنين ...اتاريه كداب كبير ..مش زي ماكان مبين ..ده خدعنا سنين كتير...خدعنا واحدة واحدة ..و جرحنا مرة واحدة ,...و اتعلم فوق يطير)
التت التت والواد خطب البت ورقص يا جمال
طبيبي يا طبيبي انت فين
حبيبي يا كابوس عشت انا عمري قرفان وياه
لو اغمض عيني واصحي ما الاقيك هنا
للحكم نهايه وانت بقالك 25 سنه
حيره في حيره وايام طويله بصبر عيني اللي طالعه في عهدك
شايف رئيسي في قربك بيجري لي ايه
دائما في بالي وبعد الليالي قرفني ياغالي انت وجمال
انت اللي لايق عليه الخصام وانت اللي ما خلصت فيه الكلام
كداب يا خيشة كداب قوى بعد كدة اغنية كداب لانوشكا ثم اغنية تتقال له فى عيد ميلاده تقول غنوا لكلب الليل سنة حلوة يا جميل سنة حلوة يا سنسن يامسمسم يا جميل كلنا ندعيلوه هنا ونغنيله عربية تشيلوا عربية تشيلوا ولا نعرفله طريق ومن الامثال حجة البليد مسح الصبورة , حاميها حراميها, سبحان العاطى الوهاب بعد الشبشب والقبقاب واغنية تتقال لمبارك وسوزان فى عيد جوازهم بتقول "تحت الشجر ياما اكلنا برتقال "
ممكن تقولي
لو كنت اشتغلت في شركة محترمة بمرتب محترم ,,, كنت برضوا هتطلع في المظاهرات تشارك مع الناس ,,
و لا الوضع كان هيتغير ...
( فكر شوية قبل ما تجاوب و خلي بالك ان ربنا شاهد عليك )
تعليقاتك بتعجبنى بس المره دى ف الجون
حلوه كداب يا خيشه دى
و انا متهيالى ان الشعب الصابر يوم ما يغنى هيقول طيب يا صبر طيب
و كل مواطن انخدع و ادى صوته للراجل اللى ف الصوره فوق هيقول غلطه ندمان عليها
و الدول العربيه لما تغنى للشعب المصرى هتقول ظلموه
و سرقوه
و نهبوه
و قتلوه
مع الاعتذار للعندليب
أنا مع كل كلمة فالها المواطن المصرى لوعند المواطن العراقى نخوة وشهامة من زمان كان وقف فى وجه ظلم الحاكم وقام هو بالتغير لكنه نام ورضى بالواقع فحدث له ماحدث وها نحن نسير على الدرب ونشرب من نفس الكاس ولا نعلم مصيرنا فى ظل الحكم الحالى هل سنغير أنفسنا أم لابد ممن يغيرنا بالقوة
يا جماعة كفاية كده...إيه العمل؟؟
ان الله لا يغير ما بقو حتى يغيروا ما بانفسهم 00او كما قال سيدنا محمد صلى الله عليه وسلم 00وقد قال حسن البنا فى رسالاته اقم دوله الاسلام داخلك تقام حولا منك وده على قد فهمى للمشكله اللى احنا فيها
الأخ اللي كان يسأل لو كنت اتعينت في شركة كبيرة بمرتب كبير كنت هطلع المظاهرات .... أيوة ليه؟؟
أولا : مش معنى اني باكل كويس وبشرب كويس - فرضا- اننا كدة مرتاح وإلا هكون لا مؤاخذة....
الانسان محتاج يكون له رأي في كل اللي حوله ويشارك في قرار بلده ولا إيه رأيكم ...
كده خدت اكتر من وقتك
ودي غلطتي اني انا صدقتك
طلعت مش طيب ابدا بتغش علشان مصلحتك
على كل حال كتر خيرك
ومسيري ها القى رئيس غيرك
بقى تبقى ذاللني واحبك يعني ها اجيب الحب منين
لا ده مهما كان انا زى زمان ولا انت نسيت انا مين
ياجماعة التعليقات اللي في الموضوع ده اتنشرت في (المصري اليوم) بتاريخ 30/4
في قسم صفحات متخصصة
الف مبروك ....ياللا يا حلوين كله يحضر شنطته و يوصي اهله ع العيش و الحلاوة...و ما تقلقوش الحته اللي احنا رايحنها هيخلونا نغني كتييييييير.و بكل اللغات
عيب عليك ايه المواطن المصري ان تمر كل هذه الاحداث ببلدك وانت قاعد تستهزء بها , فلي يكفيك فقرك وبطالتك واكلك المسرطن واعراض اخواتك فالدين وهي تنتهك جهارا في الشارع وتسكت , فسكوتك هو الذي اوصل هؤلاء الفاسدين القتلة والعملاء الي هذا الظلم بالعباد , فهل تنتظر دورك القادم في انتهاك حريتك ايه الخروف الغبي.
ربنايخدك يا حسني مبارك
يا جماعة انتو شفتو فيلم اسمة V For VENDETA
هشتكنا وبشتكنا ياريس
ده انت رئيس والنعمة كويس
يامدلعنا يامشخلعنا
ده انت رئيس والنعمة كويس
سنخوض معاركنا معهم وسنمضى جموعا نردعهم على فكره انا مش بغنى للمجاهدين فى فلسطين ولا فى العراق ولا فى الشيشان انا بغنى للجهاد فى مصر اه اوعى حد يستغرب اصل مصر وجب عليهاالجهاد فعلا ضد جيوش الامن المركزى الغازيه وكتائب امن الدوله وميلشيا وزاره الدخليه وانا عن نفسى بعلن ان احنا انشاءنا تنظيم المولعين بجاز وان عدد كبير من الاستشهاديين جاهزين لتنفيذ عمليات حرق جماعى لنفسهم علشان الريس ينبسط ويتبط هوه والمدام بتاعه العيال (لسه بتاكل عيال مبطلتش )وبدات كثائب الاسير ايمن نور فى التحرك لاسقاط النظام الفاسد وميليشيا الاسير عبود الزمر فى التحرك ايضا (شوفت التحركات شديده ازاى وشك يعنى ) وفى النهايه صحيت من النوم لقيت انى مش متغطى فعلا مش متغطى ولا عمرى اتغطيت لانى معيش اشترى لامؤخذه ملايه اتغطى بيها
عايزين تبقوا رجاله فعلا كفاية كلام فى كلام كفاية انقسام بينكم.
فكرة جميلة جدا وسلهة وغير مرهقة ولكن حاولوا قدر الامكان الا يراكم احد ممكن يطلع امن دولة .
تسيرليلا وعندما تجد صورة لمبارك تمزقها او تلوثها تكتب على حوائط الشوارع عبارات حماسية للبشر الخانعين تشجعهم وتزيل من قلوبهم الرهبة مثل "يسقط مبارك وكفاية فساد واللهم خلصنا من الطاغية المستبد وهكذا بهذا تكون قد لسهمت فى فعل شئ وشكرا
قوم يا مصرى دا العار وسخ جبينك وكفايه
يامجوعنا ياملوعنا يامشردنا واحناوراك وعشان كدة احنا معا ك ربنا ياخدك يامفترى
أشد لحظات الليل ظلمة هى قبل طلوع الفجر .. ومخاض مولود جديدلا يكون الا بألم شديد
من خلال تفحصى للموقع وجدت ما لا يعجب اى شخص اذا تحدث اى شخص ما على بلادة بهذة الطريقة ما بال المصريين وخصوصا المسلمين يا سبحان اللة تدعو للحرية وانتم لا تفعلون بها
مش عارف اقولكم ايه بس انا هحاول اكون منطقى على بقدر الامكان
انا زى ملايين الشباب اتخرجت وحلمت بحياه كويسه انا لا بتاع كلام ولا ثورات ولا حاجات من دى كل اللى كنت بطليه انى ( اعيش )
طلعت لا لقيت وظيفه ولا تقدير ولا احترام ولا اى حاجه ........ كل اللى عملته انى سافرت ايوا بعدت عن مصر وبرضه باختصار لقيت كل اللى بحلم بيه
تفتكروا دى بلد ممكن الواحد يعمل عشانها حاجه وبلاش مزايده على الوطنيه لانى بحب مصر لكن بكره اللى فيها
ممكن حد يحل المشكله دى ويقولى ازاى انا وغيرى نرجع مصر ؟
وبهديه اغنية روبى
ابقى قابلنى
بقدم اغنيه الي سياده الرئيس والوزراء
عيب يا اولاد اللي بتقولوه ده
بعد كده بتقولوا الريس بيعتقل الشباب دون اسباب وخصوصآولادال.....بلد
أكبر كدبة في حياتي كانت حكمك أكيد ،لو كنت سمعت أهاتي كنت مشيت من زمن بعيد
طبعا احسن اغنية نبعتها للريس:
"مخادع وظالم وقلبك حجر وما شفت زيك ما بين البشر "
وكل ثنة وانت طيب يا ليس
طول عمري اكرهك من قبل ما اعرفك
ما انا معذور اعذرني باكرهك طول عمري
يارب يا كريم يا منجي نجين من هذا الطاغية المستبد
يا رب يا حسني يا مبارك تجيلك شوطة تاخدك انت و اولادك في يوم واحد
غنيلي شوي شوي غني لي و خد عيني، انا اتولدت 1983 من يوم ما وعيت و حسني بيه موجود بابا طلع معاش 1999 و حسني بيه موجود بابا مات 2003 و حسنب بيه موجود ماما اتوفت 2005 و حسنب بيه موجود انا مش عارف هاموت امتى و حسنب بيه موجود
حسبنا الله ونعم الوكيل
البلد أتباعت والمصري رخيص رخيص
والسكر غلي وأنا أحلي بأيه
لسة بحلم بيوم ربنا يخدك وتقوم من على الكرسى هذا فى سيق الأغانى اما الواقع الذى نعيشه فلا يدعواالاستماع الأغانى خاصة انها كلها وحشة وتدعوا الى الأنشغال بالتفاهات ونسيان الوطن الى مات .
كان يا مكان في يوم 29-11-2005 قبل يوم الإنتخابات بيوم كنت في المحل اللي انا شغال فيه ... الوقت بعد العصر .. جالي حوالي 20 شخص منهم ظابط في امن الدوله ورئيس قسم المباحث في المركز علي المحل والكل لابس ملكي دخلوا عليا المحل .. فين صاحب المحل ( الظابط ) مش موجود اسمك ايه قلتلو اسمي .... اه انتا ابن الأستاذ .... طيب ياالا تعالا معانا قلت حاضر هقفل المحل ( المحل اتبهدل بهدله ) نزلوا الحاجه معايا نزلوها والبنى ادمين اللي قدام المحل واقفين يتفرجوا عليا وفتحين بقهم استنه حد يتكلم .... سكوت .. طيب قفلت المحل سريعا وجدت المحامي بتاعي هو بيته جمب المحل نزل سريعا وقاله علي فين ياباشا قلب ابعتلي ابوه او صاحب المحل وخمس دقايق بالظبط وهيكون في البيت ... اتاري البيت ده .. ( معتقل برج العرب ) 55 يوم مش 5 دقايق اترحلنا انا والناس الساعة 11 علي معسكر قوات الأمن ومن هنا ويوم السبت الساعة 9 الصبح اصح ياللا علشان هتترحلوا واترحلنا علي برج العرب وقعدنا هناك 50 يوم بالتمام والكمال وشكرا ادي الحريه ذنبي ايه .. اني ابن راجل صالح ومبيسبش ركعه ربنا يجعله في ميزان حسناتنا
انت كويس بس زهقنا
حتى جمال هينشف ريقنا
انا عاوز اعرف حاجة هيا مصر ممكن تكون مملكة
أول خاجة الأخ أنا مش خايف: بزمتك انت لسة بتسأل؟؟؟؟؟؟
تاني حاجة بدل ما كل واحد يدخل يحبط الشباب اللي هما محبطين خلقة... كل واحد عنده رأي أو اقتراح نقدر نعمله في حياتنا السودة يقوله أكيد حيكون أفيد
KOL MARA AASHWFAK FIHA ABKY NEFSY A.. AA...
أحب أهد السلام لعموجمال وخالتو خديجة وطنط نظيفة بتاعة القطنة الصادقة وسلام لعديله الحبيب وكل من يسأل عنى وباهدى اغنية , أخى جاوز الظالمون المدى
يا جماعة انا مغنى كويس بس مشى رضى حد يا سعدنى فارجوكم سعدونى ارجو زالك اوكى انا من فلسطين وده اميلى الثانى el3ashk_10 @hotmail.com اوكى سلاااااااااام
إلى نمر من ورق كس أمك
لا اعرف لماذا صار الحب العاطفي في زماننا هذا هكذا لماذا تغيرة النفوس هل الحروب الكثيرة والحروب النفسية فعلت هذا لماذا لم يبقى حب عبلى وعنتر ولم يبقى حب جاك وروز
هل يعلم العرب ماذا يحدث بالعراق الذبح والقتل والسلب والنهب
اين انتي يا سيدتي يا حبيبتي
شاخت كلمات الحب .. ياسيدتي
شاخت الألف
شاخت الحاء
شاخت الباء
فقدت تاءات التانيث بكارتها
ولم تعد نون النسوة
تدر حليبا
كل شيئ
تساقط كالورق اليابس
على أرض مخيلتى
كل خواتمك
كل مكاحلك
كل قبعاتك الصيفية
كل صرعاتك الهيبية
تحولت الى فتافيت خبز
أكلتها العصافير..
أخبريني يا سيدتي
ماذا يفعل العاشق بزجاح القلب
حين ينكسر ؟
وبالشهوة حين لاتشتهي ؟
وبالصراخ حين لا يصرخ ؟
وبالعشق حين لا يعشق ؟
نحن مختلفان فى كل شيئ
أنت متمسكة بموسيقي خلاخيلك
و أنا متمسك بموسيقي حريتي
أنت من حزب الوسط
وانا من حزب الحرية
انتي مقيمة فى النصوص
وأنا مهاجر منها
انت ملتزمة بسلطة القبيلة
وأنا ضد جميع السلطات
أنت جزء من التاريخ
وأنا لا تاريخ لى
يا التي كنت تملأين الدنيا
وتشغلين الناس
ماذا فعل بك الزمان ؟
ماذا فعلت بنفسك؟
كيف تحولت من بطلة شهيرة
الى فتاة كومبارس ؟
ومن رواية كلاسيكية عظيمة
الى مقالة صحفية
ومن عمل تشكيلي
الى عمل لا شكل له
ومن امرأة تشعل الحرائق
الى امرأة تحت الصفر
أيتها الفينيقية
التي تاجرت بكل شئ
وخسرت كل شئ
لماذا لا تعترفين
بأن ثوراتك كلها
كانت على الورق
وعواطفك كلها
كانت من ورق
ومراكبك كلها
كانت مصنوعة من ورق
اختلفت طموحاتنا يا سيدتي
فأنا ذاهب الى يسار القصيدة
وأنت ذاهبة الى يمينها
أنا ذاهب باتجاة البحر
وأنت ذاهبه باتجاة الجاهلية
أنا ابحث عن حجر الفلاسفة
وأنت تبحثين عن أحجار الزمرد والياقوت
أنا أبحث عن عناوين الريح
و أنت تبحثين عن باب المحكمة الشرعية
مصرجميلةجدا جدا جدا
ان حسنى مبارك لطيف وموادب
" الشرمطة مرمطة و العلوئية مسئولية "
قول بحبك ، قول كرهتك قولللللللل بس قول
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5 مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين" !
بلدي وان جارت علي عزيزه واهلي وان ضنوا عليا كرام
عيب يا جماعة انتم مش حاسين بالديمقراطية ولا اية طب هقولكم روحو كدة اى مصلحة وحاول تخلص ورقك من غير متدفع شوف اية اللى هيحصلك هتلاقي بكل ادب راح ملففك البلد كلها ودى اسمها الديمقراطية الرياضية روح اى قسم ومثلا انسى البطاقة هتلاقية بكل ذوق يخيرك تحب تضرب ولا... ولك حرية الاختيار ودى اسمها ديمقراطية البوليس المصرى المحترم اللى بيدافع عن حقوقنا واموالنا وكرامتنا واوعى حد يقول حاميها حراميها ولا قولك بلاش حتى في بلدك سافر برة واقول انك من مصر هتلاقيهم بردو صدرولك الديمقراطية في اي بلد بتروحها لانهم عارفين انك في بلد ديمقراطى ومتقدرش تعيش من غير ديمقراطية ..........عمار يا مصر
امبارح واللة يا جماعة حلمت حلم غريب قال اية الرئيس المصرى والسعودى كان بيتقابلو في حتة وفجأة واحد حاول يغتال الرئيس حسنى فضربة اول ضربة بالمسدس ممتش فراح ضربة بقذيفة ممتش راح مولع فية راح ميت واللة يا جماعة هو دة الحلم تقريبا حد يقولى دة حلم ولا حديث نفس
كان فى تعليق بواسطة زميل كفاح اسمه حسام على يسأل اذا كان حد شاف فيلم:
v for vendetta
ايوه أنا شوفته..الفيلم ده خرافى و بيلخص اللى بيحصلناو بيحصل لكل الشعوب المحكومة بشوية مستبدين لا يفقهون فى البطاطس.. بس الحكومة اللى فى الفيلم كانت شبه الحكومة النازية كده أى نعم مستبدين بس البلد قوة عظمى.. بلد نظيفة من غير(نظيف باشا) و رغم كده حصلت ثورة... ايه رأيكوا بقى فى الفساد الوسخخخخخخخخخخخ اللى احنا عايشين فيه؟ و بناكله و بنشربه و .. و لا بلاش .