لعنة فيلم الرئيس !!
لا أعلم لما عادت الفكرة لي مرة أخرى (قد يكون لميول سينمائية لم أكتشفها بعد) أو وهو الأغلب لأنني لا أملك إلا الدهشة أحيانا والضحك غالباً على هذه اللعنة التي تصيب أى من يفكر في تنفيذ فيلم وتجسيد قصة الحياة المباركة التي نعيشها جميعا رغم أنفنا.
19/04/2006
تامر سراج ـ ولاد البلد
امتى هيعملوا فيلم الريس ؟؟!
لا أعلم لما عادت الفكرة لي مرة أخرى (قد يكون لميول سينمائية لم أكتشفها بعد) أو وهو الأغلب لأنني لا أملك إلا الدهشة أحيانا والضحك غالباً على هذه اللعنة التي تصيب أى من يفكر في تنفيذ فيلم وتجسيد قصة الحياة المباركة التي نعيشها جميعا رغم أنفنا.
وإن كان هدفك نفاق أو توثيق أو غاوي جرس، فتذكر معانا تجارب من سبقوك قبل ان تراودك الأحلام
وجوه ببتفارق وأخرى..
كان اشد المتحمسين لعمل الفيلم لدرجة انه عرض انه يصرع على مبارك film من جيبه الخاص (ليه مافيش مؤسسة رئاسة ولا إيه).
الرئيس طبعاً كان من المتحمسين لأحمد زكى نظراً لنجاحه في فيلمي " ناصر 56" و " ايام السادات" (على أٍساس أن كلهم عسكر وبتوع الجمهورية).
كان يود الرئيس استثمار نجاح أحمد زكى في الفيلمين، وأن يربط بين الأسماء الثلاثة، وكما تعرفوا انتهى الأمر بزيارة غير مأمونة من جمال مبارك للراحل أحمد زكي وهو في صراعه مع السرطان، ومات بعدها (أصلها إرف).
محسن زايد السيناريست المتميز صاحب سيناريو حديث الصباح والمساء وفيلم قلب الليل وغيرها من الأعمال المتميزة، كان هو المرشح الأول لكتابة سيناريو فيلم يتناول حياة الرئيس مبارك .
ولأن هذا العام كان مليء بكثير من اللحظات السعيدة بين السلطة والشعب، قرر الرجل تأجيله حتى وافته المنية( زى ما بيقولوا ريح).
نور الشريف كان ثاني المرشحين لتمثيل دور الرئيس في فيلم يحكى قصة حياته وذلك بعد نجاحه في أداء الدور الموعود في مسلسل إذاعي يحكي قصة حياته.
وكانت العقبة الوحيدة بين نور والدور هو احمد لكن توفى احمد ومازال المشروع في درج مكتبه كفكرة.
إلا انه أثر على استقرار المكتب والبيت كله وأنفصل نور عن بوسي بعد 33 سنة من الحب وقالها قريباً نور الشريف انه ينتظر حدثاً آخر أكثر سوءاً .
سيدة مصر إل..
ليلى فوزي الفنانة التي آثرت دائماً تمثيل دور السيدة الارستقراطية سيدة المجتمع كانت أولى المرشحات لتمثيل دور السيدة سوزان مبارك زوجة الرئيس.
وسبب الاختيار بيقولوا الشبه الفظيع الذي يجمع بينهما، لكن كالعادة ومع تكرار تأجيل المشروع يوم بعد آخر مرة الأيام وماتت ليلى فوزي بجلطة في المخ .
الإخراج وأيامه
المرشح الأول لإخراج الفيلم كان محمد خان أيضاً لإعادة تجربة ناصر والسادات، ولأن محمد خان له جمهور عريض من النقاد كانت تود عائلة الرئيس الاستفادة من جمهوره من النقاد ليتم مجاملة الفيلم نقدياً.
و لكن فجأة نشبت خلافات كبيرة بين محمد خان واحمد زكى الذي عمل معه طويلا، فجأة نسى كل منهما محبته للآخر واشتبكا في البلاتوه ولم يتم الصلح بينهما .
شريف عرفه كان المرشح الثاني لإخراج الفيلم سواء مع احمد زكى أو نور الشريف، شريف عرفه مخرج له إمكانياته الخاصة ويحفظ الأساليب الأمريكية في الإخراج عن ظهر قلب.
وكان اختبار المرور لشريف عرفه بالطبع هو إخراجه حوار الرئيس مبارك مع عماد الدين أديب، والحوار مع مبارك كما يفضل عرفة كان أمريكاني على أعلى مستوى، ولكن ما نفعش مع الأشكال المصرية دى ولم يحقق الحوار رد فعل وسحب من رصيد عرفة الكثير.
لكن لو فكرنا قليلاً نجد أنه مازالت هناك على الشاشة الكبيرة والصغيرة والمتوسطة وجوه قريبة ومحببة إلى عائلة الرئيس قد تفوز بتنفيذ المشروع، ومنها..
ـ محمود عبد العزيز في دور الرئيس: لأنه مبتعد عن السينما السياسية منذ فترة " لكن مش عارف ازاى الصراحة يمثل محمود عبد العزيز دور مبارك بعد رأفت الهجان.
ـ ميرفت أمين - دور زوجة الرئيس: والسبب ما تحظى به الفنانة من ثقة وحضور عند السيدة سوزان مبارك وخصوصا بعد نجاحها في تمثيل دور سوزان مبارك في المسلسل الإذاعى، وطبعا لأن ما حدش أحسن من حد واللي تعمل جيهان السادات تعمل سوزان مبارك بدرجة أعلى من الكفاءة بالطبع.
ـ أحمد السقا - جيمي: وذلك للمصالح المشتركة، فمن ناحية هو(السقا) مبتعد تماما عن اى فيلم سياسي أو موقف سياسي، الناحية الأخرى إن هو (جمال) يحتاج بشدة لجماهيرية السقا.
ـ محفوظ عبد الرحمن - كاتب للسيناريو : لا نعرف السبب بالضبط لكن قد يكون لتخصصه في كتابة الفانتازيا والخيال.
ـ شريف صبري - مخرج : وشريف صبري هو الأنسب والأقرب بالطبع وذلك بعد أن أخذ على عاتقه كل من روبى وهموم الحملة الإعلامية للرئيس مبارك في الانتخابات الرئاسية الأخيرة.
على أي من يرغب في الاشتراك أو اقتراح أسماء التقدم سريعا لمسابقة "مبارك مين جوه" التي تنظمها موقع ولاد البلد.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
السلام عليكم و رحمة الله و بركاته
هو فيه غيره النجم أبو النجوم
طبعا هوه و بس هو الوحيد القادر على الفوز بثقة العائله المباركيه
انه القائد المفدى بطل سلاح المراجيح فى حرب أكتوبرالعظيمه انه الرئيس محمد حسنى مبارك
وده طبعا فيه مميزات كتير أوى زى مثلا
اننا مش هنحتاج لماكيير
و هوه بنفسه اللى هيمثل قصة حياته فهايبقى عايش اللحظه قوى
و الاهم انه احسن من انجبتهم السينما المصريه يا جماعه خمسه و عشرين سنه بيمثل على شعبه ده تاريخ يا ناس
بس فى مشكله واحده اللقطات اللى فيهااكشن و اللى النجم ممكن ما يقدرش يمثلهاليس إلا لأنه رجل وقور و خاصةً انه حياته كلها أكشن و لا توم كروز فى فيلم مهمه صعبه بدايه من حادثة المنصه بتاعت السادات و أديس أبابا وكمان مواقف ايام الرومانسيه لما كان بيتشعبط فى شجرة الكوسه الخضره (ألمح بعض الخبثاء أن هذه الشجره لعبت دور خطير فى قيادة مصر ..... من مذكرات الريس زكريا (صلاح قابيل فى مسلسل دموع فى عيون وقحه)) اللى تحت بيت سوزى ويعمل زى اللمبى فى فيلم اللى بالى بالك و كمان لما كان بيطلع أول طلعه (ناس هاجاصه بشكل) بطايرته المرسيدس اللى ضد الرصاص فى حرب أكتوبر
عامة ديه مشكله مش صعبه ممكن نجيب دوبلير زى الواد (اللى قال عليه واد الكبير بنفسه)احمد السقا ماهو غاوى تنطيط و نط من فوق كوبرى قصر النيل فى فيلم تيتو
السؤال الذى يفرض نفسه الأن مين اللى هيعمل دور جيمى لأن الناس ممكن تتقبل فكرة بابا حسنى ممثل هيقوله ايه ياعنى الراجل كبر وبيخرف يا سلام هى جت على ديه انما جيمى ده حاجه تانيه ده ولى العهد
المشهد الاول:
طفل ابيض متختخ و مكلبظ يجري مذعورا ويجري وراءة مجموعه من العيال الملحوسين منكوشي الشعور يرددون في صوت واحد و هم يحدفونه بالطوب: لا فاش كيري..لا فاش كيري..جبنا البقرة الضاحكة...ها ها ها ها...لا فاش كيري
يظهر من بعيد عسكري امن مركزي بخرزانة فيتوقف العيال للحظة ثم يبتعدوا عن المكان بسرعة الريح (غصب عنهم فالعلماء لم يكتشفوا بعد الجين المسبب لمرض فوبيا الامن المركزي الموجود عند جميع المصريين)....يتوقف الطفل الصغير المكلتم و يلتفت و ينظر للعيال و هيا بتجري و يصرخ بعلو صوته ...بكرة اوريكم كلكم كلكم هتبقوا خدامين عندي كلكم كلكم كلكوووووووم ...يسمع صوت من بعيد بيقول: بس ياله بدل ماجيلك ..يجري بسرعه يختفي ورا عسكري الامن الوركزي الذي يلتفت له و يبتسم في حنان...فينتاب الطفل شعور داخلي بالامان و بانه ما عليه في اي موقف الا ان يقول (جزر) ليجد هذا الرجل الحنون بجانبه يحميه من كل المتربصين
المشهد التاني:
نفس الطفل المكلبظ المتختخ و لكن بعد عدة سنوات صار الان شابا في احدى الكليات العسكرية حولة بعض الطلبة ينظرون له شزرا و بعضهم يضحك و يتغامز عليه..و كلما مر احد من جانبه يناوله شلوط او قلم على قفاه و بعضهم يلسعه بالحزام على....و هو مطنش خاااالص و كلما اطلق احدهم نكتة عليه تظاهر بانه لم يسمعها ووضع يده وراء اذنه و سال : ايه?....بتقول ايه?...
يدق جرس طابور الصباح فيخرج جريا ليلحق بالطابور و عند خروجه يفاجا بالكل ينظر اليه و يموت على روحه من الضحك فيتلفت حوله في دهشه فتقع عيناه على ملابسه الداخليه معلقه على سارية العلم فينفجر في البكاء و يتعالى ضحك الجميع و تصفيقهم فيلتفت لهم و الدموع في عينيه صارخا في الكل: بكره اوريكم كلكم هتبقوا خدامين عندي كلكم كلكم كلكوووووووووم..
اقرأ بقية التعليق ..
دا انتي خلصتي السيناريو
يلا بقى شدي حيلك عايزين الفيلم بسرعة
مبارك الاب يقوم بدوره الفنان الكبير العظيم القدير الذي ليس له بديل (عادل امام)
مبارك الابن يقوم بدوره -مش حنروح بعيد- عادل امام الابن (محمد)
وبعا الاخراج ليه يروح بعيد رامي امام)
بس عندنا مشكله كبيرة يا تري مين يعمل دور سوزي اااا يعني ممكن يا تري نختار لبلبة ولا نيلي والله الواحد احتار
يا شعب مذلول و دلدول و مش فالح غير فى الكلام و الهتافات و تفريغ الشحنات على صفحات الانترنت ... قوم يا خانع يا خاضع يا خرنج من قعدتك على القهاوى و على الكراسى قدام الكمبيوتر قوم و قول للحاكم بتاعك إنتا ظالم و كفياك ظلم لحد كده قوم يا اللى بتغنى إخترناك و زفتناك رضيتم بالخنوع و العجز و بقيت زى القوادين بتصهين على الدعارة اللى شايفها عينيى عينيك و شايف الحاكم بتاعك نازل إغتصاب فى بلدك و بلدك بتصرخ و بتستغيث بيك و إنتا إبنها و برضه عامل نفسك مش شايف و لا كأن اللى بيغتصب بلدك هو برضه اللى بيغتصبك و بيديك على قفاك فى الرايحه و الجايه و واضح إنك خلاص إتكيفت و عاوز كمان ... إتفو عليك ما طلعتش من صلب أحمس و لا عرابى و لا الرجاله فى ثورة 19 ... طلعت إبن حرام و لقيط
بركاتك يابوس
مش ملاحظين يا جماعه ان وش البوس حلو على الكاست الابطال المرشحين اتكلو
و انا من رايى يلحق محمد خان و شريف عرفه يستخبو اليسومين دول
و يا ريت نور الشريف ياخدله ساتر
اما شريف صبرى فمع ستين سلامه
و هو فعلا اللى يبفع يخرج الفيلم دا علشان ان شاء الله يفشل زى فيلمه الاولانى
و بعدين مين قال ان ميرفت امين ادت دور جيهان بكفاءه
انا مع حبى لميرفت انا شايفه ان لسه مفيش ممثله ف مصر قدرت تعمل جيهان السادات صح
جيهان بتجمع بين الجمال و الجاذبيه و ف نفس الوقت العقل و الشخصيه المؤثره جدا
ميرفت كانت اقل من جيهان كتير و الى شاف جيهان ع الهو ف لقاءالت هيعرف كدا
يا رب الفيلم دا يقف
و لماذا تجيبوا ممثل لما هي البركات فيحا كدا
و الرشيس لسه بصحتة معداش.....!!
و كل يوم يلعب اسكواش لماذا لا يمثل الجور
للأسف كل الأبطال اللي كانوا ينفعوا للدور ده ماتوا !!!!!
والمخرجين ماتوا
والمصورين ماتوا
كمان حتي الجماهير اللي كان من المفترض إنها تتفرج علي الفيلم ماتوا!!
انا بأقترح نرشح بوش للدور ده لعل وعسي يطلع سره باتع مع الأجانب مش مع المصريين بس .
وأقترح ان أول عرض يكون في إسرائيل برضه لعل وعسي بركاته تحل علي الجماهير اللي هناك.
شعبولة لها .. شعبولة لها
انا اختلف مع الذين يحاولون التوبيخ مبدايا. لية نعمل فيلم عن الرءيس على اى اساس1/ نسبة الامية 48فى المية2/نسبة البطالة مش عارف كاملان مفيش تداول معلومات3/تقيد حريات بوجه عام فى الجامة فى الشارع فى الاعلام حتى فى البيت الواحد خايف امن الدولة ما بيرحمش4/طب الفيلم طلع بينتقد مجرد الرءيس مجرد النتقاد ماذا يكون الوضع بالنسبة لاسرة الفيلم الحبس طبعا ذى ايمن نور5/اخيرااوعة حد يتهور ويعمل الفيلم شوف يابنى لقمة عيشك وتكل على اللة
انا بأيدك يا نمر اشعب اتعود على الذل والإهانة وضرب الجزمة على الأقل الحيوان لو جة حد ضربة بيصرخ لكن احنا حتى الصرخة مش بنطلعها يامبارك مين فرعنك قال ملقتش حد يهدنى
طبعا اشكر الى كاتب الموضوع و قله بطل تكتب فى السياسة بدل ما تتشد على القسم
هههههههه
مستكة هية الحل
لو ينظر الحاكم في المرآة
لمات
وعنده عذرإذا لم يستطع
تحمل المأساة
حلو أوى اللى انتى كتباه ياسوسة يا مفروسة بجد جميل بس محدش عايز فيلم لحياة الرئيس إن الله حليم ستار لو اتعملت قصة حياته على الحقيقة هيتفضح فضيحة ام الطاهر يوم طلوعه على المعاش فبلاش بس انا عايزة اوجه سؤال للاخ نمر من ورق هو عامل حاجة لو هتقول انك طول عمرك بتكره مبارك بس تقدر تقول على التلفزيون انك تكره بعدين يعنى انت اكيد عارف انى الشعب المصرى مجامل للرئيس امام التلفزيون بس لكن لو هما عايزين يدولوا بالجزمة علشان هو ولا مغلى الاسعار والشوارع فاضية وكل شوية الحكومة تقول لنا فكوا الحزام والمواصلا ت فاضية والشباب لقيين شغل وكل البنات متجوزة وعيشةهنية
Read what the Egyptians had done in the Fifties and Sixties and you'll believe in yourselves.
اولا الى الاخ حسن: اكتب لفظ الجلالة الله هكذا وفقك الله وغفر لك وجزاك خيراًًً
لم اقراء الموضوع ولكن يبدوا انة فيلم جديد من نوعة
انت ياريس اناعنوانى شارع خالدبن الوليدبالاسكندريةانت ابوالفساد