النهاردة 21 أبريل
بالنسبة لي، يبقى سر جاهين الأعظم هو "عجبي" الكلمة التي أعتقد أنه صاحبها الأول والأخير، تحمل معها كل ما كان يجول بخاطره، من اعتراض وسخط وسخرية وفرحة طفولية بريئة.. وحتى 2006 فإن حقوق طبعها مازالت له وحده..
21/04/2006
النهاردة 21 أبريل، ذكرى وفاة صلاح جاهين.. على الجملة السابقة فتحت عيوني صباح اليوم، وبين النوم والصحيان.. تذكرت المشاهد التالية..
1- في بيتنا:
أبويا: وكان أحد دعاة الفسوق والتحرر واحد شاعر ورسام، اسمه صلاح جاهين، لإنه كتب أغاني بيقول فيها.. البنت زي الولد ..
أنا : وماله؟؟
أبويا : ما أنت متحرر زيه..
2- ع الماسينجر:
واحد : براء، هو مين ده اللي صورته على الماسينجر عندك، وماله كئيب كدة ليه، هو ده باباك، أصله شبهك قوي..
أنا : لأ، ده صلاح جاهين
3 – في الشارع:
خطيبتي : براء، لازم تخس شوية، إنت تخنت قوي
أنا : تعرفي إني بقيت بحب التخن، كل الناس التخينة بتبقى مبدعة.. وأولهم.. صلاح جاهين
4- في الميكروباص:
الكاسيت: إيديا في جيوبي وقلبي طرب.. سارح في غربة بس مش مغترب
أنا : وحدي لكن ونسان وماشي كدة.. ببتعد.. معرفش أو بقترب..
"الحكاية كلها، حكاية ولد، أبوه منعه يرسم، عشان يلتفت لدروسه ومذاكرته، فساب الفرشة والألوان، وقعد يكتب في قصايد شعر".. أحمد نصر.. زميلي في المكتب..
ما أعرفه عن صلاح جاهين لا يؤهلني للكتابة عنه، فلا أنا قرأت أشعاره كلها، ولا أنا سمعت كل أغانيه، ولا حتى تابعت كاركاتيراته وكتاباته، فنهاية رحلته في الدنيا التي كانت في 21 أبريل، تزامنت مع بداية رحلتي في الدنيا ذاتها، في العام السابق لرحيله..
وربما لا يحتاج القاريء في 2006 أن يخبره أحد بالمزيد من المعلومات عن جاهين، فالمعلومات معروفة وموجود على صفحات الويب التي تحمل اسمه.. للأسباب السابقة وجدتني أكتب عن صلاح جاهين وحكايته معي.. ورغم أن الحكاية ليست طويلة.. لكنها.. مهمة!
كانت المرة الأولى التي أسمع فيها كلماته هي اللحظة التي شاهدت فيها عرض الليلة الكبيرة، ورغم كراهية أبي له، إلا أنني وجدته يشيد بالأغاني ويغني بها.. ربما لم يكن يعلم أن صاحبها هو ذاته صاحب "البنت زي الولد".. التي يراها أبي كلمة سر التحرر والفساد الذي أصاب شبان اليومين دول..
سنوات عمري القليلة لم تكن تسمح لي وقتها بمعرفة كاتب الكلمات، لكن تعلقي بالعرائس جعل الليلة الكبيرة هو العرض المفضل لي، ومع تكاثر سنوات عمري تكاثرت داخلي الرغبة في معرفة المزيد عن الرجل..
الحكاية م البداية
محمد صلاح الدين بهاء أحمد حلمي.. اسمه الحقيقي، يوحي اسم "صلاح الدين" برغبة دينية عند الوالد بأن يمشي ابنه في طريق غير ذلك الذي اختاره الابن.. سنة الميلاد 1930 تعطينا فكرة عن الجو الذي تربى فيه الفتى.. وهو يحمل اسم صلاح الدين، والذي كانت قصته تحكى بحماس أكبر في ذلك الوقت..
الأب هو المستشار بهجت حلمي، وكيل النيابة في سنة الميلاد، ثم رئيس محكمة استئناف المنصورة بعد ذلك، ومع كامل احترامنا للقضاء، فأن تكون ابنا لمستشار، ذلك يعطي لتصرفاتك دائما صفة الإدانة ويجعلك في انتظار دائم للحكم الذي ينطق به القاضي الذي هو أبوك، مع رغبة مستمرة في التمرد.. وهو ما حدث..
التحق بكلية الحقوق بناء على رغبة والده، وقتها لم يكن الخروج على رغبة الأب يحظى بشعبية مثل الآن، لكن أفكاره التمردية قادته لأن يدرس في كلية الفنون الجميلة في الوقت ذاته دون أن يعلم أباه، وحين علم، كان حل صلاح، وهو الاسم الذي اختاره لنفسه، متناسيا اسمه الأول، أن يترك الدراسة كلها ويركز في عمله كسكرتير تحرير مجلة روزاليوسف.. والتي كانت وقتها تجلب قدرا من الفخر على الصحفي بها يجعله لا يهتم بما يحمله من شهادات..
الحزن مبقالهوش جلال يا جدع
يحكى عنه من أكثر من مصدر، أن أسوأ حالته على الإطلاق كانت في تلك اللحظات التي يجلس فيها أسبوعيا ليفكر في الكاريكاتير الذي سوف ينشره في روز اليوسف بعد أن اكتشف رسوماته أحمد بهاء الدين وطلب منه أن يرسم أسبوعيا صفحة كاملة في روزا..
كان يقول أن المهمة صعبة جدا، إضحاك القارئ كل أسبوع هي المهمة الأصعب في حياته، وهو ما يجعله يتعب من أجلها، لكن أن يكتئب وهو يرسم ذلك هو السر الذي لم يحله أحد حتى الآن..
لكن بالنظر إلى حياة جاهين ككل، يمكن القول أن الكآبة في حياته هي اللغز الأكبر عموما، فالرجل على علاقة وطيدة بالحزن، تجعلنا نعتبره مكون رئيسي في شخصيته، وفي آخر أيامه.. كان الاكتئاب هو رفيقه الأقرب، ويقال أنه السبب في تركه لدنيتنا..
"مع قيام ثورة يوليو "المجيدة" اعتبرها جاهين مشروعه الشخصي، واعتبر تمجيد عبد الناصر هي مهمته الأساسية، فكانت أغانيه التي تغنت بها مصر كلها في الخمسينات والستينات.. ثم كانت نكسة يوليو، ومن بعدها وفاة عبد الناصر ومجيء السادات، ولحظتها اعتبر كثيرون أن تلك اللحظة هي الوفاة الفعلية لجاهين رغم وفاته بعدها بـ16 سنة كاملة"..
السطور السابقة قالها لي صنع الله إبراهيم بعد ندوة له في نقابة الصحفيين عن علاقة السلطة بالمبدع، ويضيف: "السلطة هي التي قتلته، صلاح علق أحلامه كلها على نظام كان يكبر يوم بعد يوم، ولم يكن أحد يتوقع أن يسقط سريعا، وعدم توقع السقوط جعل جاهين يسقط معه.. وهو ما ستلمحه بسهولة لو تابعت أعماله قبل النكسة وبعدها، لقد فقد صلاح الكثير مع النكسة.. وفقدناه نحن منذ تلك اللحظة"..
لعل صنع الله إبراهيم على حق، وما قاله اعترف به جاهين نفسه، ففي سنواته الأخيرة أجبره الأطباء على اتباع نظام غذائي قاسي جدا ليتخلص من وزنه الزائد الذي بدأ يسبب له متاعب صحية، وهو ما فعله مع التقليل من عدد السجائر التي يدخنها يوميا.. وقتها استضافه أحد برامج التليفزيون المصري، ومع تهنئة المذيعة له بالـ"خسسان" قال: "أشعر أني فقدت شخصا آخر كان يعيش معي، وأنا أفتقده بشدة، لقد فقدت مع وزني الزائد الكثير من نفسي"..
لعل جاهين كان يقصد المعنى ذاته الذي قاله صنع الله، ولعله لم يكن يدري في أي طريق يسير باكتئابه.. لكن الكثيرون يؤكدون أنه كان يعرف..!
في صفحة ويب مهجورة..
"كان يعلم أنه يقتل نفسه، كان يعرف أن الانتحار حرام، لكن الاكتئاب هو طريق الموت الأسلم في حياة لم يصبح لها معنى".
لكن معاني حياته كثيرة، منها ما يعيش بيننا حتى الآن.. شريف منير ومحمد منير وعلي الحجاروسعاد حسني وأحمد زكي.. كلها أسماء كان لجاهين البصمة الرئيسية فيها.. وهم بأنفسهم يعرفون ذلك، بل يفتخرون بأنهم جزء من المشروع الجاهيني.. الذي يؤمن الجميع أنه لم ينتهي بعد..
معركته الشهيرة مع الشيخ الغزالي، جعلت الكثيرين -منهم أبي- يعتبر جاهين ملحد أو كافر أو خارج عن الملة، خاصة وأنها جاءت في عصر "دولة العلم والإيمان"، والتي كانت الفكرة الإسلامية تلقى وقتها رواجا كبير، في وقتنا الحاضر تنشر أخيرا قصيدة جاهين الأخيرة والتي أفرج عنها سامية وبهاء جاهين أبناءه، وفيها.. يكتب جاهين حكايته مع الإيمان..
بالنسبة لي، يبقى سر جاهين الأعظم هو "عجبي" الكلمة التي أعتقد أنه صاحبها الأول والأخير، تحمل معها كل ما كان يجول بخاطره، من اعتراض وسخط وسخرية وفرحة طفولية بريئة.. وحتى 2006 فإن حقوق طبعها مازالت له وحده..
يستمر بحثي في صفحات الويب.. فأجد.. www.salahjaheen.com.. وبـ"كليك" أدخل عليه لأجد.. This site is under construction.. لعلها علامة.. على أن الطريق لم ينتهي.. وعجبي!
* استمع:
رباعيات جاهين 2
الليلة الكبيرة
المريلة الكوحلي
عدد التعليقات : 13
• خارجة .. الداخلية في شهر!!
• عبد الظاهر السقا.. ناقل الحرب!!
• دستور جديد.. من الألف للياء!!
• عزيزي لؤي.. كتر خيرك!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
البعض زي يوسف السباعي توفيق الحكيم ونجيب محفوظ محمد و احسان عبدالقدوس سلماوي وطه حسين
وغيرهم الكثير
الواحد يختلف معاهم بس يبقى انهم ناس اثروا في الحياة
انا عن نفسي باحب اقرا جدا لتوفيق الحكيم
بس توفيق الحكيم ليه كلام فارغ كتير
زي احسان عبدالقدوس وجملته الشهيرة
(اني ادعو كل فتاه ان تاخذ فتاها الى ابيها وتقول له هذا صديقي)
جملة سيئه جدا بس احسان عبدالقدوس انا بحب اقراله ومش لازم اتفق معاه في افكاره
حتى لو كنت بعتبر ان احد هؤلاء الكتاب اثر بالسلب في المجتمع
موضوع اكثر من هايل واكثر من رائع وحلو جدا يا براء .. معالجتك عجبتني اوى .. مش هقول ان الفكرة جديدة بس المعالجة بجد جت جديدة اوى
استمر يا ولد
عن عبقرية جاهين انه بيمسك بطرف قلمه معاني بنشوفها كل يوم ومع ذلك هو بس اللي بيكتشفها
كام واحد بيملى البانيو على اخره ويسمع صوت المية بتقع على الارض وبعدين تقع تاني لما الصابونه تنزل تلعب في الميه واحد بس هوه اللي اكتشف " كثافة الأجسام" وصرخ صرخته الشهيرة - كام تفاحه بتقع على دماغ الناس" ايام ما كان التفاح بيتزرع على الشجر يعني واحد بس اللي سال هيه وقعت ليه-
وهو ده برضه جاهين واحد بس عرف يحكي عن كل حاجة جوانا لمسنها وشايفنها وبنبحلق كمان فيها بس بنعيد اكتشافها لاول مرة لما بيكتب عننها فنستغرب ونقول معاه بجد عجبي
كان نفسي اعبق بس معلش انا جبتيلك ابو صلا بنفسه يعلق من الرباعيات
و عجبي
غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!!
حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!
يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي !!
ولدي نصحتك لما صوتي اتنبــــــــــــح
ما تخفش من جني و لا من شبـــــــــح
و ان هب فيك عفريت قتيل إسألـــــــــه
ما دافعش ليه عن نفسه يوم ما اندبح
عجبي !!
ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعينك مصيرالرجــــــال
المنفوخين في السترة و البنطلـــــون
عجبي !!!
لولا اختلاف الرأي يا محـــــترم
لولا الزلطتين ما لوقود انضرم
و لولا فرعين ليف سوا مخاليف
كان بيننا حبل الود كيف اتبرم ؟
عجبي !!!!
يا طير يا عالي في السما .. طز فيك
تكونش فاكر ربنا مصطفيك
بردك بتاكل دود .. وللطين تعود
تمص فيه يا حلو ويمص فيك
وعجبي
وبما إن عبد الناصر كان مسافر يوم نشر الرباعية .. الدنيا اتقلبت على صلاح فكتب
أنا قلبي كان شخشيخه.. أصبح جرس
جلجت به .. صحيوا الخدم والحرس
أنا المهرج خفتوا ليه قمتوا ليه
لا فإيدي سيف ولا تحت مني فرس
وعجبي
من أقرب رباعياته ليا
غمض عينيك وارقص بخفة ودلع
الدنيا هى الشابة .. وانت الجدع
تشوف رشاقة خطوتك تعبدك
لكن انت لو بصيت لرجليك تقع
وعجبي
مرغم عليك يا صبح .. مغصوب يا ليل
لا دخلتها برجليا ولا كان لي ميل
شايليني شيل .. دخلت أنا للحياة
وبكرة حأخرج منها .. شايلني شيل
وعجبه
فى البداية اسلوب الكتابة حلو ده من النحية الفنية اما نحية الى فيه للأسف فى بعض النقوط متعرضتهاش ويمكن ان الاسلوب الى كتبت بيه هو اسلوب البروفييل يعنى بترسم الشخصية بالكلام وصعب انك تلم كل جوانبها
نقطة تانى احنا ليه لما بنحب حد بنوصله انه ممكن يوصل لدرجة الإله يعنى بنأله من الآخر وده الى حصل فى موضوعك عن صلاح جاهين الى فى رأيى عن كتاباته انه كان فى كتَاب كتير يمكن اسلوبهم والقضايا الى كتبو عنها اعمق واكتر فنية من اشعاره .
يمكن علشان صلاح جاهين كان مرمى فى حضن الظباط الاحرار ويعتبر هو شاعر الثورة هو و الابنودى يمكن !!
انما فى كتاب كتير اكتر فنية وحرفية مخدوش حقهم من الشهرة والدلع زى عمنا صلاح جاهين .. فهمان ولا مو فهمان !!!
زائد كمان يا عم براء ارحم ابوك بقى يا سيدنا مش كله شويه تطلع عقدك عليه... الراجل خلاص راح لحاله مش كل شوية تتحفنا برأى من آرائه ...ابو يا براء لو تسأل كم قاسَ ..هتلاقيه قاسَ كتير ...بل قل قاس وقل قاس وقل قاسََ...!!
ويجعله عامر !
إيه يا عم الشمحطجي... تعال بس بهدوء نقرأ الكلام كمان مرة.. الراجل لا هو إله ولا هو أي حاجة..
ده مجرد مبدع كان ليه تاريخ وساب وراه أثر عظيم، وأنا قايل أن اللي جاذبني ليه مش أعماله بقدر ما أنا مندهش لفلسفته في الحياة.. بدليل إني كاتب إني مقرتش كل أشعاره ولا اتفرجت على رسوماته..
فلا هو إله ولا هو منزه عن الخطأ.. وأنا شايف إن في حياته حاجات غلط زيه زي غيره.. بس أنا بتكلم عن الحاجات اللي عاجباني فيه...
ده بالنسبة لعم صلاح..
أما بالنسبة لأبويا فأبويا ده راجل زي السكر وكفاية إنه حاول يربيني وهو صغير لكن فشل للأسف بدليل إني قاعد بكتب عن صلاح جاهين اللي هو مبيحبوش.. الحكاية كلها إن تعليقات أبويا على شغل صلاح جاهين كانت السبب إني أتعلق بالشخصية دي رغم عدم معرفتي بيها..
المهم.. المعلومة بس اللي عايز أنفيها.. هي إن أبويا راح لحاله.. لإنه (والحمد لله) لسه حي يرزق ربنا يديله طولة العمر ويباركلي فيه..أنت أكيد تقصد جدي يا عم الشمحطجي.. ثم إن دي أمور عائلية.. تتدخل فيها ليه.. شمحظجية آخر زمن.. وعجبي!
تقدر تقول يا أخ شمحطجي
غن براء شطفك
تاخد كلينكس تنشف
معرفش ليه عندي احساس ان الكابتن شمحطجي هو البراء او حد قريب منه ليه معرفش ...
ميرسي علي راي نوفا الاكرم والشاااااعر.
ن عبقرية جاهين انه بيمسك بطرف قلمه معاني بنشوفها كل يوم ومع ذلك هو بس اللي بيكتشفها
كام واحد بيملى البانيو على اخره ويسمع صوت المية بتقع على الارض وبعدين تقع تاني لما الصابونه تنزل تلعب في الميه واحد بس هوه اللي اكتشف " كثافة الأجسام" وصرخ صرخته الشهيرة - كام تفاحه بتقع على دماغ الناس" ايام ما كان التفاح بيتزرع على الشجر يعني واحد بس اللي سال هيه وقعت ليه-
وهو ده برضه جاهين واحد بس عرف يحكي عن كل حاجة جوانا لمسنها وشايفنها وبنبحلق كمان فيها بس بنعيد اكتشافها لاول مرة لما بيكتب عننها فنستغرب ونقول معاه بجد عجبي
بالفعل مش كتير يقدروا يعبروا عن اللي جوا كل واحد فينا لانه ما اصعب انه انسان يحس باللي جواك واللي انت بتحسه لاكن امثال امل دنقل وصلاح جاهين فعلا قدروا بابداعهم انهم يدوسوا علي جرح كل واحد فينا وافرحنا واهاتنا واحزانا
شكرا لصاحب اخر تعليق فعلا كلامك صح
سلام
بعد اللف والتمحيص , والإستماع إلى أحاديث المرضى البؤساء , خلصنا إلى أن حال المريض المصري يتلخص في ما يلي :
يا اللي انت بيتك قش مفروش بريش
تقوى عليه الريح يصبح مفيـــــش
عجبي عليك حواليك مخالب كبـــــار
وما ليكش غير منقار وقادر تعيــش
و عجبي!!!!
المقال كتير حلو و بشد اقارئ يكملو للاخر
اسلوبك كتير حلو يا براء و بذات انو باللهجة المصرية الي كتير قريبة عالقلب
بس برضو انا حابة اعرف اكتر عن صلاح جاهين
انا بسمع في من انا صغيرة و يمكن اكتر شي بذكرني في سعاد حسني لانها غنت كتير من اشعاره
بس ممكن تحكيلنا عنو اشوي اكتر يعني المعلومات الي عندك معلش تكتبها في مقال تاني؟