قصيدة جاهين الأخيرة
في وقتنا الحاضر تنشر أخيرا قصيدة جاهين الأخيرة والتي أفرج عنها سامية وبهاء جاهين أبناءه
21/04/2006
صلاح جاهين - ولاد البلد:
مين اللي نور الكرة الأرضية
مين اللي دورها كده بحنية
مين اللي في الفضا الكبير علقها
ماتقعش منها أي نقطة ميه
مين اللي عمل البني آدمين
مفكرين ومبدعين
مين اللي ادانا عقول وقلوب
وشفايف تسأل هو مين
مين اللي دايما صاحي واخد باله
وكلنا بنحبه جل جلاله
ربنا..
احنابنحب ربنا
وربنا بيحبنا
ويحبنا اكتر كمان
لما نحب بعضنا
عمل الفراشة بأجنحة وزوقها
وكل فكرة مدهشة حققها
البحر حط له ملح لاجل يعوم
وماسبش حاجة إلا لما خلقها
مين اللي لما بنطلبه يسمعنا
وفي وقت الحزن بيشجعنا
ولما نفرح نشكر مين
علي انه بسطنا ومتعنا
مين اللي قلبه علينا واحد واحد
ربنا
سألتني طفلة قلت هو ما بيننا
موجود في كل مكان وبيبص لنا
بيشوف بنسعد بعض والا لأ
وم الخطر يحرسنا ويحوش عنا
في كل مكان ربنا موجود
جنب الضعف وجنب المجهود
ياربنا أنت جميل
ومفيش كمثلك في الوجود
مين الصديق اللي مافيش غني عنه
وكلنا بنحبه ونخاف منه
عدد التعليقات : 28
• مفاجآت مبارك ونجله.. في مؤتمر الحزب
• أمسك.. عميل!
• وفاة فؤاد المهندس!
• بلد "زرومبيح" صحيح!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اذنبت يا رب واذتنى ذنوبى مالها من غافر الاكا
دنياىغرتنى وعفوك غرنى ما حيلتى فى هذه او ذاكا
لو ان قلبى شك لم يك مؤمنا بكريم عفوك ما غوى وعصاكا
ان لم تكن عينى تراك فاننى فى كل شئ استبين علاكا
رباه هانذا خلصت من الهوى واستقبل القلب الخلى هواكا
وتركت انسى بالحياه ولهوها ولقيت كل الانس فى نجواكا
ونسيت حبى واعتزلت احبتى ونسيت نفسى خوف ان انساكا
ذقت الهوى مرا ولم اذق الهوى يارب حلو قبل ان اهواكا
تتبع 00000
yehia2784@hotmail.com
هى دي مشكلة الفن لما يتوظف لخدمة غرض معين حتى لو كان غرض ديني
في الأغلب الأعم
بيتحول لأدب مسطح أهبل
زى اللي إحنا شايفينه فوق
إسماعيل صبري
يا رب أين ترى تقام جهنمٌ
للكافرين غدا وللأشرارِ
لم يبق عفوك في السماوات العلى
والأرض شبرا خاليا للنار
يا رب أهلني لفضلك واكفني
شطط العقول وفتنة الأفكار
ومر الوجود يشف عنك لكى أرى
غضب اللطيف .. ورحمة الجبار
يا عالم الأسرار حسبي محنة
علمي بأنك عالم الأسرار
يا منبت الازهار عاطره الشذا هذا الشذا الفواح نفح شذاكا
يا مجرى الانهار ماجريانها الا انفعاله قطره لنداكا
رباه هانذا خلصت من الهوى واستقبل القلب الخلى هواكا
وتركت انسى بالحياه ولهوها ولقيت كل الانس فى نجواكا
ونسيت حبى واعتزلت احبتى ونسيت نفسى خوف ان انساكا
ذقت الهوى مرا ولم اذق الهوى يارب حلوا قبل ان اهواكا
انا كنت ياربى اسير غشاوتى وبدات بالقلب البصير اراكا
يا غافر الذنب العظيم وقابلا للتوب قلب تائب ناجاكا
اترده وترد صادق توبتى ؟ حاشاك ترفض تائبا حاشاكا
يارب جئتك نادما ابكى على ما قدمته يداى لا اتباكى
انا لست اخشى من لقاء جهنم وعذابها لكننى اخشاكا
اخشى من العرض الرهيب عليك يا ربى واخشى منك اذ القاكا
يارب عدت الى رحابك تائبا مستسلما بعراكا
انى اويت لكل ماوى فى الحياه فما رايت اعز من ماواكا
وتلمست نفسى السبيل الى النجاه فلم تجد منجى سوى منجاكا
وبحثت عن سر السعاده جاهدا فوجدت هذا السر فى تقواكا
فليرض عنى الناس او فليسخطوا فلسوف لا اسعى لغير رضاكا
ادعوك ياربى لتغفر حوبتى وتعيننى وتمدنى بهداكا
فاقبل دعائى واستجب لرجاوتى ما خاب يوما من دعا ورجاكا
منقول عن مجله الوعى الاسلامى العدد 54
yehia2784@hotmail.com
بجد انا حاسس انها سطحية جدا ايه اللي مكتوب ده
القصيده اللي مبعوته باسم ياء احلى منها بمليون مرة
والللي احلى كمان وكمان سفري بعيد لزين العابدين بن علي بن الحسين بن علي بن ابي طالب- رضي الله عنهم -
القصيده مش مستوى قلاح جاهين المعتاد بس مش لدرجه السطحيه يا جماعه
دا السهل الممتنع و اقروها تانى
و احب اقول لجاهين
يا عندليب قوم قول غنوتك
قول غنوتك و احكى على بلوتك
كتر الغنا مش هيموتك انما
كتم الغنا هو اللى هيموتك
عجبى
يا أخت نيفين ، هناك فرق بين السطحية والسهل الممتنع ، القصيدة اللي فوق - دا لو اتفقنا على تسميتها قصيدة أصلا ! - سطحية إلى أقصى مدى
والسهل الممتنع يا نيفين باشا
ميخلكيش تبهدلي أم رباعية جاهين بالشكل اللي انتي عاملاه دا
يا عندليب متخافش من غنوتك
قول شكوتك .. واحكي على بلوتك
الغنوة مش حتموتك .. إنما
كتم الغنا هو اللي حيموتك
الشعر عزيزتي مش فكرة ، قد ما هو صياغة للفكرة !
أنا بس عايزة أعرف مين دول اللى بينقدواصلاح جاهين وياريت يورونا بعض من أعمالهم وإذا كانت القصيدة مش عاجباهم فيوجد طرق كثيرة أكثر احتراما" للتعبير عن رأيهم ولا إيه؟!!!
أنا محمد قرنه من يقول على القصيدة أعلى سطحية
وعايزه تقري أعمالي اعملي سيرش على اسمي
ودي طريقة محترمة جدا للتعبير عن الرأى في القصيدة المنشورة مش في الشاعر صلاح جاهين
come anytime
المره دى بالراحه عليا انا
معلش يا سيدى لقيت كل الرباعيات اللى حافظاها اتقالت و مكنتش فاكره رباعيه العندليب اوى معلش
و بعدين انا بكتب شعر و الله و مقدره ان الخطا ف الشعر بيضايق الللا بيقرا معلش ليك و لجاهين و للى قراوا الرباعيه غلط
بالنسبه لموضوع السطحيه انا ليا راى
بما انى بحب جاهين جدا انا بتضايقنى كلمه سطحيه
اوكى انا معاك بامانه ان القصيده مش مستوى جاهين بس تعالى ندور على اسم تانى و انا موافقه بس بجد بلاش كلمه سطحيه
دا جاهعين برده يا جماعه مهما كان
لا تعليق ! فقط اود ان اقول لكم شيدوا حيلكم انتم صح وماتصدقوش الكذب بتاع التلفزيون وبرامح التخلف العقلي ولمزيد من الفهم زوروا خان الخليلي
http://khanelkhalili.blogspot.com/
درش
انا سعيد جداً بكل الكوكبة هنا
وأتمنى لكم التوفيق والنجاح
اخيكم سمل ود الولياب وادى حلفا جزيرة كولب بالسودان
لالبدلكل انسان ان يتفق او يختلف فى اى شىءاذا كان شعر او سياسة لان الاختلاف حاله صحيةالاختلاف فى الرئى لايفسدللودقضيةلان الشاعر رغم انه من اهم شعراء العميه الا انه من الممكن ان نختلف معه او نتفق لايوجد انسان فوق النقدوانا شايف ان القصيدة فيهاابيات كثيرة جميلة وابيات اقل جمالا واتمناان يتم نشر الربعيات للشاعر لانه جميله جدا
دي يا جماعة قصيدة رائعةكفاية فيها تبسيط عقيدتنا ساعة بحثناالداخلي عن اجابات للأسئلة الصعبة (في القضاء والقدر وخلق الله لكل مخلوقاته بشكل مباشر ولا بالتطور وكمان أين الله في كل مكان ولا في السماء) قضايا كتيرة فيها تلال من الكتب وشاعر تائه يبحث عن الله داخله وفي لحظة مفعمة بالوهج بيكتب أول بيتين في منتهي الروعة بين الجبر والاختيار والأمل والنظرة من بعيييييييييد للنهاية عند ياب القبر ...............وعجبي
قد بعتقد القارئ لهذه القصيده ان بها بساطة غير معهودة للأستاذ صلاح صاحب الكلمات الشيقة الجميلة التى لا تنسى وتغنى بها اعذب اصوات فى الوطن العربى.
ولكن فى الحقيقة هى ليس بسيطة ولكن هى كل ما يعتقدة الأستاذ وغيره من كتاب وشعراء وإعلاميين فى الله عز وجل.
فهم لا يعلمون إلا ان الدين علاقة بين العبد المبدع الخارق الفاعل لكل شئ والرب الذى ليس له فضل اكثر من انه صنع السماء والأرض وبعض النجوم ويمكن له فى وقت الأزمات ان يتدخل على استحياء.
فهذا هو مفهوم الرب عندهم يشكر له بمزاجى يشكى انه فى السماء ولكن ان الله الخالق الرازق المدبر القادر الذى له الملك والحكم فهذه صفات لا يقولون بها فضلا على الإعتقاد
( الذى خلق فسوى والذى قدر فهدى والذى اخرج المرعى فجعله غثاء أحوى )
آيات تقريبا نحفظها أنظر خلق قدر أخرج سوى هدى جعله.
هذا هو ربنا الذى انزل كتابه الخاتم على رسوله الخاتم صلى الله عليه وسلم ليكون تبيانا لكل شئ.
ولكم منى كل الشكر
والله انا عاجبنى اوى كلام شاعر بس برضه يا شاعر معظم الناس الكويسين لما بيكبروا فى السن بيبقى ليهم اتجاهات دينية و رغم ان القصيدة مش عاجبانى لدرجة انى حاسة انها متلفقاله بس الابداع اللى عمله جاهين يخلينا نغفرله اى سطحية (و لو انى مع نيفين برضه فى اننا ماينفعش نقول كده على جاهين)....
حلو أوي النقاش دا ..
لزائر
فرق كبير أوى عن التعبير عن المشاعر في شكل قلب وسهمين على شجرة وبين التعبير عنها في شكل قصيدة ، الشعر له أصوله
لمصطفى أحمد
( هى كل ما يعتقدة الأستاذ وغيره من كتاب وشعراء وإعلاميين فى الله عز وجل.
فهم لا يعلمون إلا ان الدين علاقة بين العبد المبدع الخارق الفاعل لكل شئ والرب الذى ليس له فضل اكثر من انه صنع السماء والأرض وبعض النجوم ويمكن له فى وقت الأزمات ان يتدخل على استحياء.)
إنت بقى قدامك تلات سنين تفسر اللي انت قلته دا !!
لندى
معاكي في موضوع متلفقاله دي بنسبة 70%
لازم نتفق الأول إن صلاح جاهين شاعر عبقري
على الأقل من وجهة نظري
ومظنش إنه بعد العمر دا حيقع في أخطاء عروضية هبلة زى
مين اللي لما بنطلبه يسمعنا
وفي وقت الحزن بيشجعنا
السطر الأول
مستفعلن مستفعلن متفالن
السطر الثاني
تداخل هلامى من التفعيلات
لو قريناها وفي بالمد حتبقى
وفي وق تل/ حز نبي شج/ جعنا
مفاعيلن/ فاعلاتن/ فالن
ولو شيلنا المد حتبقى
وف وق / تل حز / نبي شج / جعنا
فالن/ فالن/ فعولن/ فالن
وفي الحالتين ملهاش معنى !
ولقيت في شعرك بهلوانْ
وأنا كنت لسه حاكمّل السطر الحزين في غنوتي
وحأقول وأعيدْ
" من غير ألم تبكي الحياة من حزنها ..
والحزن هوه المنتهى ..
والقلب لو ممشيش على الأشواك ما يطرح يوم جديدْ "
ولقيت إيديك بتحط فوق الكف تمنعني
وتاخدني
لدنيا كل ما فيها غريب عني
وأنا وياك ومستني ..
ألاقي الحزن في الكلمات وفي الألحانْ
ولقيت في شعرك في بهلوانْ !
أنا لسه بأحبي في طريق الشعر لازمْ
وأنا كنت حاسب
- رغم عمري اللي معداش في الزمن عشرين سنه -
إني أنا
أقدر أغير في القواميس القديمة والمعاجمْ
وأقدر أعلق على المشانق أى شاعر
وأقدر أهد الكون وأبنيه من جديدْ
مأنا برده لابس زى توفيق الحكيمْ
وبأمثل الدور اللي حاكم خطوتي
ليه ضحكتك ..
بتهد من عزمي وتضعف قوتي ؟؟
وتجدد الجرح القديمْ ؟؟
والله عارف
إننا ألعاب في كف المهزلهْ
وإن ( الشُرُمْ ) جنب ( البُرُمْ ) بيحلوا كل المشكلهْ
بس المصيبه إن أنا
لسّاني حابب غنوتي
ليه ضحكتك..
بتهد أحلامي وبتسد البيبانْ ؟؟
دأنا برده عاشق
زى مأنت أكيد عشقت وتهت في الأزمان زمانْ
ولّا عشانْ ....
أصبحت أنا الطور اللي بيلف الحياه
وصبحت إنت البهلوانْ
صعب البكا
افرد جناح حلمك على وجود المكانْ
وارحل مكان ما تلاقي للبسمات مكانْ
دوّر بفلسفتك سنين الحزن في شكل ابتسامهْ
واسرق نجومك مالسما وارميها في جناح اليمامهْ
واضحك كمانْ
إيه يعني تبقى البهلوانْ
ومادام ملوك القول باعوك وسابوك هنا
واخترت إنت تكون ملاك للشيطنهْ
ولو اتغابيت واخترت أكون منهم أنا
فأنا برده عاشق بهلوانْ
الأوله مين يحقق والمحقق ديب
والتانيه داء الخيانه مش لاقيله طبيب
والتالته آه م الاهات .. يا جَرْح إمتى تطيب ! ... وعجبي
ياخوانا الراجل ده كان ومازال في كل المواقف واااااااااااقف وانا بقول لسامية ونفين وبهاء بن جاهين وكل المستمعين انانفسي اغننيهاولا اقولكم انا غنيتها بالفعل اول ما قريتهاوطبعا انتوا عارفين يعني ايه ان انسان يقرا كلام ويغنيهمن اول حرف
ف-ف_فè_-فèفèف-قفغعلغببفيبفي
أنا زعلانة جدا من الذين يقولون أن القصيدة سطحية لاننى ارى انها تحمل الكثير من المعانى السامية و البسيطة فى آن واحد وتدل على عمق جاهين فى فهمه للعلاقة بين الانسان و ربه و لكنى اتفق مع الذين يقولون ان القصيدة ليست على المستوى المعهود من جاهين و ذلك من حيث اللغة و فى بعض الابيات الى جانب الاخطاء العروضية و لقد نسى البعض ان هذه هى قصيدته الاخيرة وربما لم يمهله القدر لاعادة صياغتها وربما ايضا يكون ضعف القصيدة احد اسباب تردد ابناء صلاح جاهين فى نشرها و نشرها بعد اعوام من رحيله فارجوكم رفقا بشاعرنا الكبير .و شكرالكم
هذة القصيدة محسوبة . لم تكفى ذمزمية الأمل ان توصلة الى باب القبر,بل استطاعت هذة القصيد ان توصلة.... رحم اللة هذا الشاعر الراحل....
الى كل من قال ان هذة القصيد سطحية اذن ما هو الأعمق يابيرم هذا الزمان فلو منكم من يملك بيتا واحدا من هذة القصيدة فليبدأ برمى هذة القصيدة بأول حجر....
الأستاذ صلاح جاهين كتب السهل الممتنع .. لم يجلس فوق برج عاجي بل حدث البسطاء وهذا ما جعله مميزا .. رحم الله جاهين وبيرم وأمثالهم ..
ياجماعة أنا عملت لنفسى emailمن فضلكم ر
اسلونى عليةelmagdalia_2000@hotmail.com
مع احترامى لكم من اتتوم حتى تنقدوا احسن شاعر عاميةانجبتوه مصر احسن شاعر فى الوطن العربى احسن من عبر عن معانة الانسان البسيط هومن اعجب شعره كل انسان حتى الجاهل هو من يتعلم منه الشعراء هو استاذهم هو عم الكل هو صلاح جاهين مين انتم عشان تنقدوه او تتكلموا عليه
مساء الخير عليكم جميعا. أولا أحب أوضح ان القصيدة اتنشرت بالفعل بعد وفاة صلاح جاهين على طول في عدد تذكري اتجمعت فيه مختارات من أعمال جاهين مباشرة بعد وفاته.
ثانيا أحب أوضح ان النقاش أصلا خارج عن إطار الموضوعية لأن ولا صلاح جاهين قال ولا احنا قلنا إن دي قصيدة. دي كتبت كأغنية للأطفال! وده سبب تبسيطه للغة
انا بس عاوزة اسال انتم ليه بتعملوا كدة ليه بتتكلموا عن حبيبي جاهين كدة انتم لو كنتم بتقيموا صح وعندكم ذوق مكنتوش اتكلمتوا كدة كنتم تكلمتوا بذوق شوية عشان هو ميت هو حتى بعد ما مات مخلصش منكم دة زي ماعملتوا مع الامبراطور احمد زكي وذبحتوا وهو ميت عشان فيلم حليم انا احب اشكر نيفين اوووووي على كلامه اللي كله ذوق ورقة . كنت عاوزة اعرف بس ان اللي ارسلت التعليق اللي قبلي هي صحيح سامية جاهين ؟ واخيرا انا عاوزة اقول ان القصيدة راااااااااااااااائعة وعاوزة اقول ان احنا دلوقت محتاجين لشخص يعبر عنا زي جاهين بكل صدق مرغم عليك ياصبح مجبور ياليل لادخلتها برجلية ولاكان ليا ميل شايلني شيل دخلت انا في الحياة وبكرى حاخرج منها شايلني شيل .
هذه قصيده جميله اشكر من اللفها واقول لوكل الناس تتبع اللى فيها هيكون جميل اوى لناجميعاولكم الشكر
السلام عليكم انا احب ان اقول شىء لكل من قال اى كلام على اللذى اللف هذه القصيده ان هذا غلط رايي ان اللى يعجبه يعلق واللى ما يعجبه يحتفظ برايه والله انا كنت افتكر ان اللى يالف هذا طفل وبعدين قرات ولاكن لازم اننانخاف الله لاننا من المفروض ما نتكلم عن احد كلام مش حلو والله لونعرف كلنا حب الله ما نفعل شىء يغضبه ولكم ان لا تنسو ان سياتى اليوم الذى نقف فيه امام الله وان علينا ان نطيع الله وان نحافظ على كلامنا وعلى ما نفعله ويا رب نسالك صحبه الحبيب المصطفى صلى الله عليه وسلم
يا جماعة صلاح جاهين كتب القصيدة دى لما سألته بنته يعنى ايه ربنا
راح قالها القصيدة دى
عشان كده كانت محجوبة لغاية لما قررت تظهرها
والنبى اتعبوا نفسكم واتثقفوا شوية
سواء كانت القصيدة لجاهين أو لم تكن فقد أخذت مساحة أكبر من حقها في النقاش
و لنكتفي بقولنا أنها إنفعالة دينية لطيفة...
و لشاعرنا العبقري (قرنه!!!) أقول:
إن دموع البهلوان (المهرج) عمل خاص ولا يصح أن تدرجها بين سطورك بهذا الأسلوب
و لأنك أوضحت لنا في أحد تعليقاتك أنك تفهم جيدا في بحور الشعر و موازينه فنصيحتي لك أن تكتفي (بالعوم) في واحد من هذه البحور أو أن تقف ( بميزان) في محطة الرمل!!!
تحياتي لكل أولاد البلد