ممنوعات..
متزوقه وحزينه
فى كل حاره حسره
وف كل قصر زينه
ممنوع من إني أصبح
بعشقك .. أو أبات
11/03/2006
أحمد فؤاد نجم - ولاد البلد:
ممنوع من السفر
ممنوع من الغنا
ممنوع من الكلام
ممنوع من إلاشتياق
ممنوع من إلاستياء
ممنوع من إلابتسام
وكل يوم فى حبك
تزيد الممنوعات
وكل يوم باحبك
أكتر من اللى فات
حبيبتي يا سفينه
متشوقه وسجينه
مخبر فى كل عقده
عسكر فى كل مينا
يمنعني لو أغير
عليكي أو أطير
إليكي واستجير
بحضنك أو أنام
فى حجرك الوسيع
وقلبك ألربيع
أعود كما الرضيع
بحرقه الفطام
حبيبتي يا مدينه
متزوقه وحزينه
فى كل حاره حسره
وف كل قصر زينه
ممنوع من إني أصبح
بعشقك .. أو أبات
ممنوع من المناقشه
ممنوع من السكات
وكل يوم فى حبك
تزيد الممنوعات
وكل يوم بحبك
أكتر من اللى فات
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
وان كان قليل على اللى بيحصل.....يلا نقول ايه...حسبى الله ونعم الوكيل
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهيّ مالكه الأرض شرق وغرب
وباحبها وهيّ مرمية جريحة حرب
باحبها بعنف وبرقة وعلى استحياء
وأكرهها وألعن أبوها بعشق زي الداء
وأسيبها وأطفش في درب وتبقى هيّ ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
صلاح جاهين
لا للتمديد ... لا للتوريث ... نعم لتعديل الدستور المصري
لسة محدش جاب لي توقيع جديد ؟عايز أغيره ـه ـه ـه ـه ....
mohamedmat@hotmail.com
هتخلوني اعيط يا بشر عشششششان خطري حطوا شعر البرغوثي .
قالولي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف
ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا أم كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل
قالولي بتحب مصر فقلت مش عارف
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور
وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي
وأمي حافظة السِيَر أصل السِيَر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها
أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عب
اقرأ بقية التعليق ..
الخوف ان البلد بعد من نحبها تطلع ما بتحبناش
افتكر اغنيه ايمان البحر درويش يا بلدنا يا بلد هو من امتى الولد بيخاف من امه لما فى الضلما تضمو صدقينى خقت منك خفت منك صدقينى
والخوف ان الواحد يحس ان غريب فى بلده
بلدى وان جارت على عزيزه
اهلى وان بخلو عليا كرام
yehia2784@hotmail.com
حلوووووه اوي دي
أنا لما اشوف مصر ع الصفحة بكون خايف
ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
والله يا جماعة دي ام ادنيا اصل اللى شاف غيرها يعرف قيمتها وقدرها واللى متغرب ومحروم منها يعرف اكتر من اللى قاعد فيها
يارب ارجع تااااااني
الله يفك سجنك يا مصر اللهم حرر مصر من الإستعمار الداخلي اللهم رد حكمها لشعبها
اللهم امين
دولا مين و دولا مين
دولا عساكر فلاحين
دولا الورد الحر البلدى
دولا خلاصه مصر يا ولدى
دولا و لاد المصريين
هى مصر ايه غيى نجم و لا بنودى و بيرم و جاهين
هى ايه غير حضاره من هرم الجيزه اللى مدوب عمر الزمان(على راى الصبوحه)
هى ايه غير ناس سال دمها على ارض الفيروز
هى ايه غير شباب زينا يدعو عليها و يلعنو اللى يقول امين
هى ايه غير دره الوطن العربى
هى ايه غير نن عيوننا كلنا رغم الفساد و الفاسدين
ليه قلبتو علينا المواجع يا عشرينات
و الله ملف ولاد البلد دا رائع و بيفكرنى بملف الموت
حدث التمديد .. وقريباً التوريث..
نعم لدولة مدنية ترعى الحقوق والحريات ..
ياللي انتا غصب عد عين ابونا ريسنا
نكوك في سينا وجيت في القلعه تبعبصنا
عايز تنكنا نكنا وخلاصنا
عايز تنيك غيرنانكهم وعرسنا
بس حل عن دماغ راس ابونا
خلاينا نغرف طزنا من راسنا
يا عيني عليكي يا مدينه