جزيرة الكورة.. تحت الكوبري!
على الفريق المهزوم انتظار دوره بعد أخر فريق في الملعب، وذلك إذا أراد اللعب ثانية.
23/04/2006
محمود حامد - محمد فاروق – ولاد البلد:
وأنت تسير فوق كوبري 6 أكتوبر ترى السيارات مسرعة جداً والناس تهرول لكي تستطيع العبور بأمان للجانب الأخر من الرصيف ولكن دعك من الكوبري والزحمة وألقي معي نظرة لأسفل الكوبري في مركز شباب الجزيرة "الشهير" لتجد شباب وأطفال من سن 10 سنوات إلى 40 عاما أو أكثر قليلاً لا يجمعهم أي شئ سوى عشقهم لكرة القدم تلك اللعبة المجنونة التي ذاب المصريون فيها عشقاً.
وتجد تلك المساحة الكبيرة تحت الكوبري مزدحمة على طول ومليئة بنشاط وحيوية محبي الكرة، والغريب أنك تجد بينهم المحامي والمحاسب وطالب الجامعة وطالب المدرسة اللي- في كثير من الأحيان- "مزوغ" وأيضاً الصنايعي وأصحاب المهن البسيطة، وأيضاً ليس كل اللاعبين مصريين فقط بل تجد جنسيات مختلفة فمنهم السنغالي والإيفواري و السوداني والسوري والليبي.
للفرجة فقط
خليط عجيب من الناس ومكان بحق يجب أن نقف عنده لنسأل لماذا لا يستطيع الغالبية العظمة من عشاق الكرة ممارستها فهل هي للفرجة فقط مثلها مثل الأبراج العالية والعربيات الغالية والمطاعم الشيك، أم لأن النوادي أيضاً أسعارها نار وممنوع دخولها لأي حد، وبالتالي اللى عايز يلعب كرة ومش مشترك في نادي عنده 3 حلول:
إما يلعب PLAY STATION أو FIFA وخلاص.. أو يخبط دماغه في الحيطة،.. والحل الثالث هو مراكز الشباب اللي سعر دخولها بسيط جداً، وذلك الحل هو الذي لجأ إليه الكثير من محبي كرة القدم، الذين تدفقوا على مراكز الشباب رغم عيوبها ونقص خدماتها وكان في مقدمتها مركز شباب الجزيرة.
نادي ونادي وبينهما مركز
لست أدري من هو صاحب فكرة وجود ذلك المركز بجوار أهم نادي في مصر وهو النادي الأهلي وأيضاً بجانب أحد أهم نوادي الصفوة بمصر وهو نادي الجزيرة، ولذلك فإن كل شاب ذاهب لمركز الشباب لتفريغ طاقته يجد نفسه مضطرا لإلقاء نظره حسرة على الناديين الكبيرين قبل أن يدفع الـ 2 جنيه سعر تذكرة الدخول ويبدأ في خلع ملابسه العادية هو وفريقه ويبدأ في ارتداء ملابس الكرة لبدأ مباراة حامية مع الفرق الأخرى التي جاءت بدون ميعاد سابق ولكن لنفس الغرض.
ولا أبالغ إن قلت أنه لا يوجد شاب في القاهرة أو الجيزة لا يعرف مركز شباب الجزيرة خاصة من يعشقون كرة القدم حيث تجد هناك شباب من بولاق الدكرور وإمبابة والسيدة زينب والمهندسين والهرم أيضاً الكل توجه ومعه ملابسه الرياضية التي أحياناً لا تتعدى حذاء "باتا" أبو 14 جنية وتي شيرت وشورت وكلهم من ألوان مختلفة، ولكن البعض أيضاً يحرص على ارتداء طقم كامل لأحد الأندية المصرية الشهيرة كالأهلى أو الزمالك وأحيانا المنتخب القومي -لما نكسب- ويرتدي آخرون أطقم فرق ومنتخبات أوربية وعالمية.
قوانين المركز
ولمركز شباب الجزيرة أو على الأخص تحت كوبري أكتوبر قوانين خاصة تحكم تلك المساحة والتي لا يخرقها أحد فهي قوانين وضعها الشباب منهم وعليهم وهي :
* خروج المهزوم فوراَ من الملعب واستمرار الفريق الفائز.
* على الفريق المهزوم انتظار دوره بعد أخر فريق في الملعب، وذلك إذا أراد اللعب ثانية.
* إذا جاء فريق وأراد اللعب فعليه أن يستأذن من أخر فريق في المعلب وأن يحجز مكانه في قائمة الانتظار.
* عادة ما يختار اللاعبون حكماً من أحد الفرق المنتظرة بالخارج، ولكن إذا اكتشفوا أن الحكم ليس عادلاًَ أو أنه لا يملك مهارات التحكيم يسارعون بإخراجه ولكن بعد أن يسمع كام كلمة "مش كويسة" ابسطها "أطلع برة أنت مش حكم أنت ....... "
* من حق الجميع أن يلعب ولذلك لا تفاجأ إذا وجدت أمامك فريقاً أكبرهم سناً لم يتخطى 15 عاماً وأنت يا من بلغت الـ30 مضطر أن تلعب أمامهم .
* أطرف قانون في مركز شباب الجزيرة هو إذا كان حارس مرمى الفريق الخصم صغير السن ولم يتعدى 14أو 15 عاماً فليس من حق فريقك الكبير أن يصوب الكرة على المرمى بقوة وبعنف حتى لا يتأذى الحارس الصغير السن.
* من حق الفريق الفائز أن يأخذ استراحة بين كل مباراة حتى يلتقط أنفاسه ويشرب بعض الماء وأحيانا يتناولون بعض المأكولات!
مشاهد من الملعب
* بائع المخبوزات يتجول حول الملاعب حاملاًُ بضاعته في انتظار من يشتري منه "القرص أوالكحك".
* ممنوع اللعب على الملاعب الخضراء! فهي لأعضاء فرق المركز فقط ومن يتجرأ على اللعب عليها يسمع كلمتين من رجال الأمن والغريب أن الملاعب الخضراء دائماً خاوية .
* عجلة ورجل بجوارها وفوق العجلة الكثير من علب "الكشري" ويدور بها بين الملاعب أيضاً .
* لاعب منحوس يضرب الكرة عاليا لتذهب بين فتحات الكوبري السفلية بغير رجعة، وصاحبه ينادي عليه "مش قولتك حاسب" .
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
المكان ده انا بحبه اوي
بالله عليكم مش منتهي الروح الرياضيه
اتمني ان تسود مثل هذه الروح بين اوساط الشباب احترام الغير / معامله الصغير برحمه
عمري ما توقعت الاقي موضوع عن مركز شباب الجزيرة وكويس انكم عملتوه و
انا على فكرة كل اسبوع لازم اروح العب كرة وبفضل يوم الثلاثاء لانه بيكون فاضي نسبيا عن باقي الاوقات
وا
ياريت يكون فيه مكان برضه للبنات علشان تلعب كرة ولا احنا مالناش نفس
عاوزين مركز شابات بنانيتي
والله الجزيره ديه يا ما خدت منا لعب وياما اتعورنا فيها وياما اتكسرنا وياما اتسرقنا بس مش مشكله مكان بنسى فيه كل همومى مش كده يا حوده ولا ايه؟
محمود حامد اخويا الصغير
الف شكر على الموضوع يا حودا
عايزك تكتب موضوع عن مراكز الشباب التانيه اللى بيلعبوا فيه مش باكوره بيلعبوا (بالشيشه)
مراكز شباب امثال ( قناوى - سيد - التكيه )
مراكز التفاح
وفيه كتييير جدا جدا
انا بوافق علي رأي الاخ العزيز عمرو تولدو ان هذا النادي بقي حتة منا خلاص ومنقدرش نستغني عنه او بقينا مدمنين نادي الجزيرة ده اسم الفريق علي فكرة صح يا حودة وكلامك حكم يا اخ عمرو عن موضوع الشيشة برضك
الكرة خلاص لحست دماغي وبقيت مهووس كورة
ولو بصينا حنلاقي الكرة في كل حاجة في حياتنا
الارض كرة
والحياة ملعب كبير
والدينا خضرا
والحكام خاربنها
والشعب بيتفرج
والنتيجة في علم الغيب
نسيت اقولكم ان فريق مدمنين مركز شباب الجزيرة هما كالاتي
عمرو تولدو
وبلانكو
وناس تانية اصلي احنا مش لوحدنااللي كدة في كتير ذينا كدة
بس نحب نخلي اسمهم سر
احيط سيادتكم علما بأننى موظف بشركة كبيرة من التى لها عضوية دائمة بهذا المركز ولنا يومين فى الأسبوع محجوز لنا ملعب نجيل أخضر كنا دائما مانترك ملاعب النجيل ونذهب للعب على الأرض الخرسانية اسفل الكوبرى
انا نفسى العب فى نادى انا وواثنين اصحابى احنا بنلعب كويس بس احنا ملناش حظ فى المنصورة ممكن تبعتلنا على الايميل دة او التيليفوندة 0502343209
السلام عليكم ممكن تبعتولى فىاى نادى انا بلعب حلو ولكن انا مليش حظ فى النوادى ممكن تبعتولى على التليفون دة 0121464781
بالله عليكوا بلاش المناظر ديه الواحد كل شوية بيتعقد أكتر والله عندنا العلماء واللعيبة وكل مقومات النجاح بس ربنا ياخد حكامنا هم السبب في ده كله انتوا عارفين ان في الصين الاولاد في الابتدائي يقومون بتجميع الساعات في الحصص المهنية (ابتدائيييييييييييي) شكراً
مش كفايةمفيش عمل كمان مفيش امل
حسدين الاعمى على مشى الطريق
ما هذا انتو فضحتوا مصر الوساخه دي
انا المكان ده بحبه جدا وكلامك فعلا فكرتنى بحاجات جميلة كتير فى المركز ...بس لى ملاحظة على كلامك.
انك ممكن تشترى زمة بتوع الامن الي هما بيبوا قاعدين على حرف الملعب تحت الشجرة على الكراسى الخرزان علشان تلعب على النجيلة بسعر ما بين خمسة وعشرة جنيه...زى زمم كتير مسعرة فى مصر ومعروضة للبيع دائما.
انااشتريت زمتهم كذا مرة قبل كدة....هسسسسسسس
اتمنى من نادى الزمالك ان لا يفرط فى عمر وزكى اتمنى ان يتاعقد مع الاعب باك يمين زى ياسر الكنانى و ايهاب سعدلاعب سماد طلخا شكرا
ايهاب محمد
بسم الله الرحمن الرحيم
اولا عايز اتكلم على موضوع مهم جاد وهو لاعبين كوره القدم فى النوادى فى لاعيبه كتيرجدا مفيش اى مدرب بيدلهم حقهم ليه يترى؟ علشان طبعا الوسطه او بن فولان وبن علان المهم الافضليه للى ملوش فى الكوره مع ان فى النوادى دى ومن غير زكر اسماء ياريت كل المدربين بهتمو بالعبيه الكويه وبس ويصبرو عليهم شويه
انا يا جماعة شايفة ان انتم واخدين فكرة غلط خالص عن الي بيحصل في مراكز الشباب حيث ان الوضع هو اننا بنعيب على الحكام ومش شايفين نفسنا الاول لان العيب مننا احنا علاشان احنا ساكتين على الي بيحصل ومبنعملش حاجة والمفروض اننا نصلح الغلط على فكرة انا اخصائية اجتماعية والمفروض ان لكل نادي من دول اخصائي وليه دور يقدمة على الاقل يحلل الفلوس الي بياخدها كل شهر انا لما ادربت في مدرسة لاقيت ان الاخصائي قاعد يفطر الصبح مع زمايلة وي بيرمي شغلة على طول على اتنين هما المدرس الخاص بالفصل والتربية العملي الي بيروحو ذي حلاتنا كده واناعن نفسي عملت في المدرسة دي حاجات كتير اصحابي نفسهم وطلاب المدرسة اول مرة يلاقو حاجة ذي كده ان طالبة تربية عملي شالت التدريب من دماغها وحطت فيها اذاي تخرج من المدرسة وي هيا اخصئية اجتماعية اشتغلت بجد وخرجت بعد التدريب والطلاب يبكون هما وي الاخصائيين بجد وده لاني اثرت فيهم بجد ولما رحت زيارة بعد التدريب لاقيتاالاخصائيين عملو حالات بجد وقاعدين يشتغلو بجد وبيحللو فلوسهم الي بياخدوها كل شهر فدي يا جماعة صورة عن الي بيحصل الكل رامي حمولة ومحدش بيشتغل او بيعمل الي عليه صح الا بعد مايلاقي التشجيع يلاقي حد بيشتغل بجد فيحث على دمة وي يشوف شغلة بعد كده صح انا عارفه اني طولت اوي وتقلت اوي عليكو ونصيحه مني هي متظلموش حد الا بعد ماتشوفو نفسكو الاول وتحسبوها كويس وبعد كده حاسبو غيركم على اي شئ بعد كده ماااااااااشي سلالالالالالالالالالالالالالالالالالام بقى