يلا نضلم مصر عليهم..!
المشهد الآن لا يحتاج لخبير حتى يفهمه.. نحن باختصار أمام نظام يتخبط.. يضرب يمينا وشمالا.. دون أن يفرق بين الإخوان وكفاية، ولا بين المختلين والقضاة..
24/04/2006
ما هو لازم يبقى في حل لكل اللي بيحصل..
لو كان ما يحدث في مصر الآن هو أزهي عصور الفكر الجديد الذي يطلقها الحزب الوطني ورئيسه وحكومته وأمين لجنة سياساته.. فإن المطلوب منا أن نواجهه بـ"فعل جديد"، يرد على أفكارهم.. ويوقفهم عند حدودهم.. ويعلهم الفرق بين المسموح وغير المسموح!
السطور السابقة من رسالة مجهولة وردت للموقع..
اجتمعنا.. وأخذنا نفكر..
المشهد الآن لا يحتاج لخبير حتى يفهمه.. نحن باختصار أمام نظام يتخبط.. يضرب يمينا وشمالا.. دون أن يفرق بين الإخوان وكفاية، ولا بين المختلين والقضاة..
كل أزمة يتعرض لها (ونتعرض لها معه) يتعامل معها بما يؤكد أنه لازال لا يدرك أن الشعب تغير، وأن الزمان تغير، وأن ما كان يحدث من قبل لن يسمح أحد بتكراره..
إذن فالوضع يحتاج إلى "فعل جديد" كما قال صاحب الرسالة..
لو كانوا يتخبطون.. فلنحرمهم من النور الذي يجعلهم يبصرون ما يتخبطون فيه.. يلا نضلم مصر عليهم.. و.. طفي النور يا بهية!
طفي النور يا بهية
"فعل جديد"
يدعوكم موقع "ولاد البلد" إلى الاشتراك في حملته "طفي النور يا بهية".. وهي الحملة التي أطلقها للتضامن مع اعتصام القضاة ردا على تحويل قضاة إلى مجلس الصلاحية والتحقيق معهم بعد شهادتهم بوقوع تزوير لصالح نواب الحزب الوطني في الانتخابات البرلمانية الأخيرة..
طفي النور يا بهية..
يوميا.. من الثلاثاء وحتى الجمعة، من الساعة 9 إلى 10 مساء كل يوم، سنطفئ أنوارنا إعلانا لموت كذبة كبيرة اسمها الشفافية، وحدادا على كرامة القضاء المصري التي يهينها النظام كل لحظة.. ووقوفا بجانب القضاة الذين تم تحويلهم للتحقيق..
طفي النور يا بهية..
حدادا على كل الراحلين عن دنيانا في الأيام الأخيرة.. عم نصحي المسيحي بالأسكندرية، والحاج مشعل المسلم هناك أيضا، وضحايا التفجيرات بدهب.. حدادا عليهم جميعا.. الذين لم يقتلهم النظام بشكل مباشر.. لكن كان لقانون الطوارئ والتسيب الأمني يدا فيما جرى لهم..
طفي النور يا بهية..
اعتراضا على كل ما يحدث في مصر الآن.. حتى يعلموا أننا تغيرنا.. وأننا لن نسكت طويلا.. وأن الحكاية اقتربت من النهاية..
ندعوكم لإطفاء أنوار المنازل والمحلات.. أطفئوا أنوار القاهرة والأقاليم.. ولكل مهندسين الكهرباء في القاهرة.. ندعوكم لقطع الكهرباء ساعة يوميا.. عن كل مكان في القاهرة.. إلا المستشفيات..
يلا نضلم مصر عليهم.. يلا نحرمهم من النور.. على الأقل.. نبطل نشوفهم وهما بيدوسوا علينا..
"طفي النور يا بهية.. كل العسكر.. حرامية!!"
من أغنية طفي النور.. لمحمد منير.. من مسرحية الملك هو الملك
تواصلوا معنا على:
weladelbald@yahoo.com
أو باتصالتكم :
0101586595(002)
انشروا الحملة.. واشتركوا معنا.. فلعلها تكون النهاية..
لتحميل الفلاش بأعلى (اضغط هنا)
الدعوة على ملف وورد
صيغة الحملة على sms
صورة الحملة على الماسينجر
عدد التعليقات : 103
• الحزب الوطني والأوائل.. الدوبلير!
• أين أنتم من القرآن؟
• جريمة إهمال النقل النهري!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
أنا معاكم
والله العظيم معاكم
انتوا عالم مهيسة
وانا نويت اهيس عشان نوقع النظام ده
جايلك يا ضلمة
المستشار محمود حمزة
أحداث طائفية بالإسكندرية... انفجارات بدهب.. حملة على القضاة الشرفاء- اعتقال شباب أبرياء أطلقوا عليهم اسم الطائفة المنصورة......
كل هذه الأمور تدل على ان هناك شئ خطأ، تدل على ان هناك كوارث تحدث بمصر، ولكن ما هو الحل، الحل نطفي النور ساعة، وماذا سنستفيد من إطفاء النور!!! ومن سيقوم بإطفاء النور!!!
رغم عدم إيماني بجدوى إطفاء النور من أساسه ولكني أشك ايضا انكم ستقومون بإطفائه
الإخوة الأفاضل ولاد البلد إذا أردتم ات تتبنوا حملة معينة للتضامن عما يحدث في مصر... ففكروا قليلا قبل أن تتكلموا حتى لا تحطوا من قدركم مما جماهير القراء
فكروا في حملة تحملها في طياتها مضمون إيجابي بدلا من هذه السلبية التي تكرسونها، والسذاجة التي تتحدثون بها، والطفولية التي تتصرفون بها... هذه ليست تصرفات ولاد البلد
يلا نطفي النور وبالمرة و احنا راجعين بعد ما نطفي النور
نعدي على اي حتة نتعشى فيها
زهقت خلاص و الله العظيم زهقت يا جماعة إحنا ما نستهلش كده و الله العظيم ... الشعب ده طيب و الله و ما يستهلش بقاله أكتر من 2000 سنة و أكتر و هوه بيتبهدل و لو راجعت التاريخ يوم يوم و لا ساعة ساعة ما هنلاقى الشعب ده إلتقط أنفاسه ثانية واحدة طول تاريخه حروب و مؤامؤات على الحكم و إحتلال و مظاهرات و فقر و جوع و حتى الإنتصار اللى يذكر الوحيد فى تاريخه و هو إنتصار أكتوبر مسخوه و ميعوه و اللى جه بعده قالك السادات خاين و باع النصر من أجل سلام الخصيان مع إسرائيل و ح اللى زاد و غطى الفقر و الفساد اللى قرقض البقية الباقية من رغيف العيش الناشف اللى بيتقوت عليه الشعب الجعان كفاية بقى كفاية عاوزين الشعب يستريح شوية و يقعد رايق و كفاية الشباب متبهدل ما بين إستار أكاديمى و بين تطرف و بين صياعة و ضياع فى الشوارع عاوز أعيش زى البنى أدمين و ما أحسش إنى بأحلم بأشياء إحنا بنعتبرها ما بعد الرفاهية زى الأكل و الشرب و أربع حيطان أتلم فيهم أنا و زوجتى و أعلم إبنى كويس و أعالجه لما يمرض و كل الحاجات دى العالم كله بيعتبرهم من البديهيات و بيضحك علينا لما بيعرف إن دى أحلامنا كفاية بقى الله يخليكم يا جكامنا يا ظلمه و سيبكم بقى من نظرتكم لينا على إننا شعب فرعون لو شبعنا هنرفع راسنا و نقولكم من أين لك هذا لأن لو شبعنا هنشكرك ربنا سبحانه و تعالى اللى أعطانا حكام بيسهروا على راحتنا و هنعيش زى أبسط البنى أدميين اللى عاوز يعيش و يربى ولاده و بس و هنعدى على كل واحد فيكم كل يوم و نبوس إيديه و أى حته كمان تانيه عرفانا بالجميل و لأن معيشنا فى رفاهية البديهيات و أتعظوا بقى يا حكامنا من اللى جرى للى قبليكم و اللى أذاقوا الشعب أقل مما تذيقونه الأن و هم الأن فى مزبلة التاريخ و كل ما يذكروا بتتبعهم سباب و لعنات و تفات الشع
اقرأ بقية التعليق ..
تفات الشعب المسكين إتقوا الله فينا و خللى كل واحد فيكم يقف خمسين دقيقة مع نفسه يتصور بس واقف بين أيديى الله سبحانه و تعالى و بيتسأل عن الرعية بتاعته من أول طفل عمره دقيقة لغاية الشيخ اللى عمره 200 سنه و الله و الله و الله و أقسم بالله خالق العالمين إن مافى شئ فى الكون ده كله و لو ملكت الكون ده كله(و الملك لله الواحد القهار) يسوى وقفتك لحظه و إنتا بتتسأل عن واحد واحد من المريض للمظلوم للشيخ المسن للأرملة .... إتقى الله يا حاكمنا و لو إنتا فى الدنيا دلوقتى و مستقوى بوزارة داخليتك و الله العظيم لهتتعلق فى الأخره و ماهتلاقى اللى ينجدك و ده هو اللى مصبرنا و بيوسع حدود صبرنا
أظن إن كل المسئولين عندهم كشافات أو حتى مولدات
اللي هيتقرف لوحده هو الشعب
ومش تفرق مع الكبار حاجة
لو هتعملوها اعملوها من باب توفير فلوس الوقود اللي بيروح في التوليد الكهربائي
أظن ده مكن يكون افيد
السللام عليكم
أدعوكم لزيارة موقع
http://taqhier.net/
ده فيه أمثلة للي عملته بعض الدول للتخلص من جكامها الظالمين
نشوف ابه يناسبنا و بعدين نتكلم
سلام
أخوكم قذائف
اذا طفت بهيه النور مين يفضح الحراميه ؟؟؟؟؟؟؟؟؟؟؟
ايه يا معلمين.. مالكم بس.. الدنيا بتولع والاخوة عايزين يطفوها.. طب ما يطفوها.. انتوا ليه كدة
طفوا النور بقى واعملوا حاجة عدلة في حياتكم
السلبية هي اللي انتوا بتعملوه
يلا نطفي النور ..
واللي موش عاجبه يفضل منور.. وان شلا يا رب يتكهرب..
قال سلبية قال.. جايلك يا ضلمة
الأخوة الأعزاء
من السعودية حيث لقمة العيش ، أتواصل معكم وأشارككم أفكاري وغلياني على كل مايحدث في مصرنا الحبيبة.
الحقيقه القضية تجاوزت المظاهرات والأعتصام بأعداد قليلة يمر بها الناس وقد يتضامنون بقلوبهم أو بألسنتهم أو يمصمصون الشفاه ، ثم يتابعوا السير والدوران في ساقية الذل والصراع اليومي المجنون من أجل لقمة الأولاد وكسوتهم . والأمر تجاوز كذلك أطفاء النور عليهم ( ولو أنها فكرة جميلة ) ، والمطلوب هو هزة عنيفة للشعب نفسه ، فالجو العام يشبه فترة ما قبل يوليو 52 ، والشعب يفتقد القيادة التي تقود حركته للتغيير ، والسياسة قتلت في النقابات العمالية والجامعات والتي كانت دائما طليعة التغيير والثورات .
الوضع الآن يتطلب تغيير للحالة النفسية للشعب ، الذي أصيب بالأكتئاب والسلبية والجمود ، والفعل اليومي المتكرر والخالي من أي مضمون .
ولقد تساءلت منذ عقد من الزمان ، ماذا يفعل المصريون بحياتهم ، هل ينتجون ؟ هل يبدعون مثل الشعوب الأخرى ؟ ماذا تضيف مصر ذات التاريخ والحضارة الآن إلى التراث الأنساني ؟
إن في إسرائيل الآن 12 براءة إختراع يوميا !! فماذا نقدم نحن ؟
مثل هذه الحالة تحتاج وبدون تأجيل إلى تكاتف كل القوى الوطنية ولتنزل إلى الشارع وتدعو الناس إلى الأنضمام إليها وسوف ترون النتيجة ، وإذا حاول النظام القمع في البداية فإن هذا سيشعل حماس الناس أكثر ولن يكرر الجيش أذا أستدعي للقمع مع فشل الداخلية المتوقع ، تجربة إيران الشاه عام 79 عندما قتل 14000 في يوم واحد .
على قدر أهل العزم تاتي العزائم ، وبقدر إحباط وغليان وإهانة هذا الشعب يجب أن تكون ثورته ، وإذا قال أحدهم أنني أقول هذا وأنا بعيد ، فإنني أقدم أولادي الثلاثة شبان ليشاركوكم هذه الأنتفاضة من بدايتها وليكونوا فداءا لهذا الو
اقرأ بقية التعليق ..
معاكم معاكم معاكم
فكرتكم نضيفة
وانا معاكم
ايه يا عم كشافات
مولدات ايه
يا سيدي ما طز والفين طز في المسئولين ومولداتهم.....
لو الشعب كله ضلم علي انواره
مولدات المسئولين هتتضامن مع الشعب
المسئولين كام واحد يعني
مليون.......لكن الشعب 74 مليون
والكثرة تغلب المفسدين والحراميه والمحتالين
يا سيدي سيب الشعب يعمل حاجه
سيبه يقول لا والف لأ لاولاد....اللي بقالهم ربع قرن مزهقينا و مطهقينا وكل حاجه زفت
يا جماعه طفوا النور
واللي هيفضل فاتح نوره يبأه هوا الخاين والحرامي
ماهو ده اليوم اللي - ما نتو عارفين بقي -
هايات علي كل الناس اللي هنا
انا اول مره ادخل الموقع ده وبصراحه عجبني وعجبتني الفكره كتييير
ربنا يعينكم وانا معاكم
وانا شايف ان الفكرة فعلا بتجسد الام الشعب ده
الشعب الحكومه عايزه تضلمه وهوا هيضلمها علي الحكومه
انا معاكم
وشكرا للموقع وللشخص صاحب الفكرة
هيثم
السلام عليكم
ما شاء الله
الفكرة ممتازه وتستحق التنفيذ
ياللا يا مصريين
اعملوا احجه في الاتجاه الصح ولو لمره في حياتكم
موش عاوزين الاخوان وكفاية والقضاة يشتغلوا وبس
عاوزين الشعب كله
واقل حاجه هيا الفكرة المطروحه هنا
ان احنا نصلم البلد كلاه ما عدا المستشفيات
وادعوا شباب مصر ان يقوموا بطباعة الفكرة وتوزيعها علي كل الشعب
نهي محمد / المنصوره
السلام عليكم
انا فيصل من السعوديه
بصراحه الفكرة اعجبتني
وقد تتسائلون لماذا اعجبتني وانا سعودي
الاجابه ان شعب مصر لوابتدا بهذه الحملهوكانت لبنة في جدار التخلص من الحكم الطاغوتي
فانها ستكون البداية لنتخلص من كل الحكومات الطاغويته في الدول العربيه ومنها السعوديه
هيا يا مصريون فنحن نتظركم وننتظر ان تتخلصوامن الظلم لتبدا قافلة الحريه في الدول العربيه
اخوكم / فيصل
بصراحه احنا زهقنا
موش عارفين نجيب الهم منين ولا منين
بس اللي عارفينه كلنا
ان الهم اساسه نظام حكومتنا الفاسد و الفاشل و الظالم
واللي عارفين ان احنا لازم نعمل حاجه لاسقاط النظام ده
واقلها ان احنا نقفل انوار منازلنا
ونقول للظلم لأ
فكرة الحمله هايله
انا معاكم وربنا يعينا واياكم
مواطن مصري
الفكروة جميله ومعبره وتستحق التقدير وانا اضم صوتي لصوتكم
وسافعل ذلك من اليوم
هند عادل
الامن امبارح مكانش فاضى لدهب كان عنده مهمه قوميه وهى سحل القاضى فى شامبليون وبكره يطلع اللى عمل التفجير مختل عقليا وعليه العوض فى عقلنا وكرامتنا- اتحركوا ياشعب يوم 25 مايو لسه بعيدممكن يكونوا باعونا وقتها
دي اول مشاركه ليا معاكم في البدايه بقول ان الافكار مهما كانت سذاجتهافمن الممكن ان تخرج من رحمهااشياء توعي الناس وتحارب الخنوع والتواكل اللي معشش في عقولهم بس انا رايي يا جماعه ان التظاهر هو اللي هيسمع صزتنا للناس من خلال الاعلام المحترم وانا من خلال هذا المنبر المحترم اعلن تضامنى مع القضاه الشرفاء في مطالبهم وخصوصا القاضي المحترم الذي تعرض للضرب والاهانه من جانب بلطجيه حبيب اللي مش عادلي
هل من الممكن تنزيل هذا الفيديو من على موقعكم حتى نقوم بتوزيعه على النت؟
أنا شايف إن لو النور اتطفى كل يوم من 9 ل 10 - رغم سذاجة الفكرة - إلا إنه حيبقى فعل مفيد جدا ، أولا نسبة المواليد غير الشرعيين حتزيد بشكل مؤكد ومش حتبقى المشكلة مشكلة هند والفيشاوي بس ، ثانيا طبعا أحلى حاجه السرقة في الضلمة وصباح الفل ، ثالثا طبعا ودا الأهم إن السايت دا مش الأهرام ولا الواشنطن بوست عشان يتبنى دعوة لشعب كامل وهو جمهور قراءه بأى حال ميعديش ال 250
يلا مش مهم
المهم إننا نطفي
إلى الظلااااااااااااااااام
ربنا يعوض علينافي اخر 30 سنه
أشد انواع الناس بغضا الي نفسي من يحيلون الجد الي هزل والهزل الي جد انت تنظر للفكره من خيالك الضيق وكما قلت ان الافكار مهما كانت سذاجتهافانها لابد ان تعبر عن شيء كما اننى مندهش من نظرتك التشاؤميه ونظرتك الي النصف الفارغ من الكوب وكمان تحليلك الغير سليم والذي ينم عن جانب مريض بداخلك ويعنى نسبه المواليد غير الشرعيين هتزيد والسرقه هتتفشي يا صاحب النوايا السيئه مثل عقلك المظلم والله امثالكم السبب في وكستنا اه والله يلا اجري اتفرج ع الكليب الجديد بتاع بوسي سمير وبعدين 254 نمرتك فين بالظبط........
ومين يا جماعة اللي قال إن الفكرة ساذجة.. كل واحد داخل بيقول مساء الخير وبعدها يقول (رغم سذاجة الفكرة) أحب اقولكم ان رغم سذاجة تعليقاتكم إلا إني فرحان بيكم.. ده أنتوا ناس غريبة جدا... ما تطفوا النور.. ايه اللي هيحصل يعني.. هتخرب اكتر ما هي خربانة .. طفوها.. على الاقل توفير.. طفوها.. جايلك يا ضلمة
رغم اني مش هقدر اشارك فى مساعدة بهية لعدم وجودي فى الجوار .... بس السؤال, ياترى لما تضلم على الحرامية الكبار من الساعة 9 فى الخير وحتى العاشرة مساء ... دا مش هيساعد الحرامية الصغيرين ويكون دافع للاخوة البلطجية والنشالين للعمل الدؤوب اثتاء (هاذوها) الفترة التاريخية ؟
يعنى لو تخيلنا مثلا ان الكاشير بتاع كارفور ماسك شمعة الساعة 9:05 عشان يشوف مشترواتك والا عم السيد سواق ترام نمرة 1 خط باكوس اللى ساهم فى حملة الظلام الدامس وطفى النور فى الترام تفتكروا النشالين ساعتها هيكون ايه دورهم؟
والنبي يا جماعه اللي عنده كلمه حلوه يقولها واللي معندوش ينقطنا بسكاته بلاش تثبيط همم وكفايه تشاؤم ولا مبالاه وكفاااااااااايه كفااااايه احنا وصلنا للنهايه واجدع سلام لاشرف ناس في مصر القضاه المحترمين الخضيري وعبدالعزيز والاخوان مكي ودرباله وبسطويسي وعبدالجبار
ايه الرفاهيه اللي انتوا فيها دي ان
ا اسجل اعتراضي الشديد علي هذه الفكره
لان الكهرباء اصلا بتقطع عندنا طول الليل
اساسا واذا جات بتيجي ساعتين تلاته
وعايزني اقطع النور في الساعتين دول ان شاء الله -- لا طبعا مش هشترك معاكم
هو وزير الكهربا اسمه ايه علشان ادعي عليه النهارده في صلاة الفجر اللي يعرف يبعت لي
نفسي بومه يكون عندها انفلونزا الطيور تروح تقف علي القصر اللي غابدين او التاني اللي في شرم الشيخ وتلف ليها كام لفه علي الساده المسؤلين وتريحنا منهم
قولوا امين
يا جماعة فكرو معايا لو البلد كلها طفت نورها تبأ حأئت أمل الحكومة ولهوه بينص على :
1 شعب نايم ،ضارب ، ملهوش في حاجة ، ماشي مع تامر وشرين وغيرهم........
لازم نصحى مش الضلمة هيه الأساس الأساس الوحدة بينا عشان نخلع الدستور المنيل ده إل خلا وشنا في التراب صحصحو شوية مصر بتضيع و تأولو طفو النور ده بيدل على الإستسلام ومعتقدش إن في حد من البلد ناوي يستسلمmlake_el7ob2010@hotmail.com
أنا شايف ان الدعايه للحمله قليله قوي والناس متعرفش رايي ان احنا نعمل دعايه اكتر في الشوارع وفي القهواي ومع تطفيه النور ممكن ننظم اعتصام في ميادين مصر المختلفه بالشموع لان الدنيا هتبقي مضلمه وعشان الناس تحس بالحمله والدنيا كلهاوعندي اقتراح تاني انتحاري بس جامد ننظم اعتصام في عابدين قدام مقر امن الدوله في لاظغولي تضامنا مع اخوان المعتقلين هناك والي اعتقلوا قبل كده والي لسه اكيد هيعتقلوا
معاكوا يا رجاله واوعدكوا اني اطفي نور العماره كلها
انا شايفه اننانقوي موضوع 4 مايو ده
وبعدين الفلاش مش راضي يتحمل..أظن لو اتحمل ممكن ننشره ونكثف الجهود كلنا وتبقى الحملة أقوى وأقوى
معلش يا جماعه مش هاقدر اتضامن معاكو
لما قلنا لاخواتى كده كان فاضل يقولو اننا مجانين
معلش البركه فيكم يا رجاله
اللهم اجعل مصر ارض سلام واهدنا يا رب الى الاسلام
السلام عليكم)
العنوان سبع تلاف سنه
ايه هما السبع تلاف سنه
دول تقريبا عمر مصر الحضارى
المشكله ؟ مافيش مشكله
الحكايه ؟مافيش حكايه
امال ايه اصل الموضوع انها
على طول الزمان بتتسرق
بس اى والله على طول الزمان بتتسرق انتم مصدقنى
ولا لا
سبع تلاف سنه احتلال ورا احتلال
ولما يسبها الاحتلال
يمسكها شويت حراميه يسرقو فيها شويه
وبعد كيده الشعب
ماله
الشعب اكيد بيطلع عينه اكيد
هوه الى بيتظلم اكيد
هوه الى بيتهان
وبعد كيده يتكره من الكل بسببالحكومه
يعنى ايه
يعنى فيه شويت حراميه
هوه داه الموضوع كله
ايوة
اله
انت بتضحك طااااااايب اضحك
نتيجه لحماس الجميع للفكره انا غيرت رايي
وهشترك معاكم في الحمله دي
ياله يا شباب حملوا ملف الفلاش
ملف الفلاش
يلا نضلم.. بس مش عندكم في مصر .. بل في غزة..كان نفسي أكون معاكو لكن ياجماعة الحال من بعضه فربنا بلانا بسلطة متفرقش كتير عن الجماعة اللي عندكم..
أيوة يلا نضلم غزة على عباس ودحلان..وشلة البلطجية اللي منورة البلد..بس المشكلة أنه حكومتنا حكومة حماس الله يكون في عونهامش ناقصها نضلم .. بعدين يظنوا أنه الشعب مش عايزها..
والله ياجماعة صح انا من قطاع غزة لكن قلبي معاكم..ورغم كل النكد اللي احنا عايشين فيه .. إحنا شايفينكم وحاسين فيكم.. وأنا بتكلم باسمي واسم ناس كتير زيه .. وصدقوني وأنا بأقرأ تعليقاتكم مرة أضحك ومرة أكاد أبكي ..خاصة تعليق"اشتراك اجباري" فأنتم بجد رائعين وصادقين في التعبير عن مشاعركم وروح النكتة بتميزكم واقتراحكم رائع.. وعمل شئ .. أحسن من السكوت واللاشيء..
وأنا أدعم حملتكم بصوتي.. وصوت الناس الغلابه اللي بتنادي من هنا في القطاع لا للفساد .. لا للخونة والمتآمرين على الشعب الفلسطيني وحكومته الجديدة..
وإلى الأمام يأأبناء البلد.. ضلموا عليهم البلد..
أختكم وجارتكم
من قطاع غزة
إيمان
خلاص ياجماعه علشان خاطر اخوانا في غزه
نخليها تضلم في غزه كمان والبومه لما
تخلص لف علي بيوت الساده المسؤلين في
مصر راح نبعتها غزه تعدي علي دحلان
والرجوب وابو مازن علشان البلد تروق شويه
بس المشكله نجيب البومه اللي مصابه
بانفونزا الطيرنجيبها منين
اللي يلاقي بومه مصابه يمسكها ويبعت لي
ده يعني ان عاش وربنا كتب له عمر
يلا نضلم مصر عليهم..!
بجد ...
بس اللي عايز يشتغل بجد ... ينشرها في كل حتة ... سموا نفسكم بيها في الماسنجر ... في الياهو ...
ابعثوها رسايل ..ايميلات ...
انشروا في كل مكان ... وحتي مش بغرض الفكرة دي بس ... لكن الفكرة هي نشر مشاريع مشتركة وتفعيل الناس كلها ..وواحدة واحدة. ... حيخرج مشروع كبير يهز البلد كلها ....
لا للتمديد ... لا للتوريث ... نعم لتعديل الدستور المصري
mohamedmat@hotmail.com
طفوا النور هو ايه اللى بيحصل فى البلد هى البلد جرلها ايه المسئولين جرلهم ايه
اخ يا بلد عايزة ولد احنا اتنحسناولا ايه اولا العبارة بعدها النزاع الطائفى بعد كده تفجيرات دهب و مشكلة القضاه ايه اللى حصل يا اهل البلد قلولى لو عرفتوا قولوا لبهية وهى هتخبرنى
قولوا معى الله اكبرالله أكبر الله .الله أكبر فوق كيد المعتدى
أحس فى نبرتك القوية الحزينة حس وطنى أفتقدته الغالبية العظمى من الشعب المسكين الذى أسكروه و سلبوا منه كرامته و شرفه و هما أعز ما لديه و راهنوا على ان الجثة الهامدة و التى هربت منها الروح لن يكون لها حراك أبدا ... أحييك و أرجو أن ألتقى بك فى بلد حرة محررة من طغيان طغمة فاسدة مفسدة عفنة
هو انتو آخدين الفكرة دي من موقع كفاية ولا كفاية الي واخدها منكم؟ ولا انتو تبع بعض والله أعلم؟؟
عموما تطفية النور كل يوم كتير جدا عشان في ناس عندها امتحانات وناس عيانة وبلاوي
وبعدين الوقت ده وقت العشا وفي ستات لو منوروش النور عشان يطبخو عشا لأزواجهم فيها خراب بيوت
عموما انا موافقة على تطفية النور يوم محدد بس كل يوم صعب اوي/ واوعدكم اني هلتزم معاكم مع اني مش عايشة في مصر لكن أكيد الضلمة هتأثر
ربنا ينور عليكم
هي البلد ناقصه ضلمه يا جماعه احنا من كثر الضلمه اتعمينا .احنا عايزين حاجه تنورها في وشنا وعموما نضلمها ننورها مفيش فايده
يا جماعة.. اللي معترض علي الفكرة يدينا بديل يقول حاجة نعملها بدل تكسيرالمجاديف ده.. هي دي السلبية بعينها.. مش عايز يعمل حاجة ومعترض علي أي فكرة من غير مشاركة فعلية.. إحنا يا جماعة بنسعي للاصلاح وده عمره ما هيبدأ من فوق. لازم يبتدي جوانا الأول. وعشان ده يحصل لازم يكون في وعي عند الناس. وده هيتحقق إن شاء الله بالحركات الشعبية زي كفاية مثلا وبأفعال جماهيرية زي طفي النور يا بهية مثلا. الفكرة عمل شئ من الحركة بدل الخمول والامبالاة وتوصيل رسالة للناس العاديين قبل الحكومة. رسالة بنقول فيها إحنا مش ساكتين ومش هنقف نتفرج ومشاعرنا مش شعارات. لا لسه فينا روح ولسه جوانا عناد. الحركة البسيطة دى لو كبرت هتتحول لحركة أكبر وأكبر لحد ما تبقي حالة غضب وثورة وعصيان. يمكن باحلم لكن من حقي أتمسك بحلمي. بس نبتدي يا جماعة.. نبتدي بأي تصعيد مهما كان شكله بسيط وساذج..
نولعها بالمظاهرات والمسيرات والاعتصامات
ويا ريت ندرب أنفسنا على فكرة العصيان المدنى
يا نفس ان لم تقتلى تموتى حسبى الله ونعم الوكيل 000000000اعتقد انكم كلكم من وجه بحرى اما انا من من صعيد مصر من اسيوط الملعونه والمغضوب عليها يا ناس نفسى اعمل حاجه الله يرضى عنكم انتو بتعملو مظاهرات ومسيرات وتضامنات مع القضاء وغيرة وغيرة ربنا يكرمكم لكن احنا هنا مش قادرين نتنفس اصلا كل اللى عايز اقوله انى 00اهوى الحياة كريمه لا ظلم لا استبداد لا استخفاف بالانسان وصدق الله اذ قال عن فرعون فاستخف قومه فاطاعووووووووووووووة اظاهر ان عهد الفراعنه لم ينتهى بعد وكلمه الله ايه ولكل ظالم نهايه
اما دلوقتى فهنقول مصر ياما يا مضلنه
لا و الادهى ان امبتارح القضاه نتيجه للانفجارات دهب قرروا وقف الاعتصام
ليه بس
دا احنا ما صدقنا
معاكو ف الضلمه يا عشرينات
بس مش هيبقى لنا نفس ناكل يا عبد الله
يا شغالين و محرومين
يا مسلسلين رجلين و راس
خلاص خلاص مالكوش خلاص
غير البنادق و الرصاص
دا منطق العصر السعيد
عصر الزنوج و الامريكان
الكلمة للنار و الحديد
و العدل أخرس أو جبان
صرخة جيفارا يا عبيد
في أي موطن أو مكان
ما فيش بديل ما فبش مناص
يا تجهّزو جيش الخلاص
يا تقولو عَ العالم خلاص
انا عارف انك حجرى لكن عمال تتألم
اتكلم
اتكلم عن اجدادى عن سخرتهم ف عملهم
اتكلم عن دلوقتى عن شعبي اللي بيتألم
اتكلم عن فرعون ايامنا و على ايامهم
اتكلم
اتكلم قول يا أخينا مالك ساكت و مبلم
شايف كرابيج على ضهرى مش عارف يوم تتظلم
اتكلم
اتكلم عن اعلامى عن فجره ف وصف رئيسهم
و سياسة ابنه البكرى و طوارؤه ف حكم بلدهم
اتكلم
اتكلم عن اسلامي الضايع بينى و بينهم
و فتاوى امامنا الاكبر و بلاوى وزير اوقافهم
انا عارف انك حجرى و لا عمرك راح تتكلمك
باتألم
شاهد فض اعتصام القضاه بالقوه
المصدر : الوعي المصري
شاهد من هنا
يبقي مين في البلد دي اللي مش بينضرب
اه يا بلد فيكي من العجائب ملايين
وفيكي من الغلابه ملايين ---
وياتري احنا رايحين علي فين
لما قتلو السادات (الله ... يرحمه) بدل ما الناس تنزل وتفرض ارادتها لبسوا اسود ومسكو المنديل الابيض وقعدوا يعيطوا زي الحريم! ليه يا جدعان لما الحبل اللي حوالين رقابينا بيتفك بنروح ماسكينه ولافينه على رقابينا تاني ونديه لحد تاني ونقوله امسك والنبي زلنا شويا عشان بنحب الزل موت
هو اصله قالها من زمان "مفيش فايدة"
حسبنااااااااااااااا اللله و نعم الوكيل
كلنا هنطفي
ساهموا فى خلع مبارك من الحكم
رسالة مفتوحة الى حسنى مبارك
السيد/ محمد حسنى مبارك
بعد التحية
نرجو أن تستقيل أنت و حكومتك فورا و أن تتنازل عن الحكم الى لجنة مؤقتة تتألف من رؤساء الأحزاب و بعض الأعضاء المستقلين بمجلس الشعب لحين تعديل الدستور و اجراء انتخابات حرة مفتوحة يختار الشعب من خلالها رئيس الجمهورية و نائبة و رئيس الوزراء و أعضاء الحكومة
و أسباب استقالتك هى
أولا: انك تفتقر الى الشرعية فلم تجيء الى الحكم من خلال انتخابات حرة مفتوحة كما أن الظروف التى أدت الى تبؤك السلطة فى البلاد مشكوك بها و مثيرة للجدل
ثانيا: انك تخطط لحكم البلاد مدى حياتك عن طريق تزوير ارادة الشعب فى الوقت الذى لا توجد فية وسيلة سلمية متاحة للشعب لتغييرك
ثالثا: أنك تخطط لأن تورث الحكم الى نجلك جمال مبارك
رابعا: انك خدعت الشعب طيلة 21 عاما باخفائك عنة سببك الحقبقى لعدم تعيين نائبا لرئيس الجمهورية و الذى تبين بأنك كنت تخطط و تعدابنك جمال مبارك ليرث الحكم من بعدك
خامسا: انك عرضت أمن البلاد و سلامتها للخطر طيلة فترة حكمك بعدم تعيينك لنائبا لرئيس الجمهورية و كان ذلك بسبب مأرب شخصى لك و هو توريث الحكم لنجلك من بعدك
سادسا: انك حكمت البلاد باستخدام أبشع اساليب البطش و التنكيل و الارهاب تحت وطأة و نير الأحكام العرفية و قانون الطوارىء و قوانين و قرارات أخرى كبلت بها الحريات و كممت بواستطها الأفواة بمصر دون مبرر صحيح والتى فرضتها على الأمة لتستعيض بها على انعدام شرعية وجودك و انتهكت بمقتضاها حقوق الانسان و نكلت بخصومك و معارضيك أبشع تنكيلا و هى أفعال مؤثمة و خسيسة أدانتها و شجبتها الحكومات و المنظمات الدولية.
سابعا: انتشر الفساد فى عهدك بصورة لم يسبق لها مثي
اقرأ بقية التعليق ..
انا مش موافق
مين اللي هايعرف ان احنا وقفنا مع القضاه بالطريقه دي
لما نطفي النور ايه اللي هايحصل يعني
اما حاجه غريبه صحيح
ماليانة أفكار
مش بأقول كده عشان نقلدها
لكن عشان نشوف ونستفيد من تجارب الآخرين
http://taqhier.net/films.php
نهدي كل قوى التغيير .. وكل مصري حر .. وكل مصرية حرة
مجموعة من الأفلام ...لتجارب تغييرية...
هايل إننا نكون بنفكر نعمل حاجة , بس أعتقد الموضوع يستحق وقفةأكثر من إننا نخليها ضلمة , وبعدين مين اللي هيطفي النور احنا... ولا الحكومة هتحس بينا , لو صحيح عايزين تأثروا لازم يكون عطل مركزي من وسط القاهرة في شركة الكهرباء مش تقوللي كل واحد يطفي النور!..ياريت نفكر في حاجة أو حدث ايجايبي ومعبر أكثر من كده مش معقولة تكون البلد في الظروف المنيلة ديه ونظلمهاأـكثر ماهى ضلمة
فين الازهر فين الدين فين علماء المسلمين
باع القاضى وقال مش فاض طيب نشكى الكفر لميين الشعب عايش فى والعلماء غرقيين فى الفته طييب ميين وركم يا مشايخ راح هيرد يقول اميين
نيفين كانت بتسألني عن نبرة في كلامي وهي مش فهماها علي موضوع حضارة 7000 سنة ايوه انا قصدي تريقة امريكا اللي بقالها 250 سنة علي وش الدنيا بقت اعظم دولة في العالم واحنا مش لايقين ناكل وبنقول ان احنا فراعنة بالنسبة لموضوع الضالمة انا حاسس يا شباب ان احنا بنتكلم في فكرة عقيمة اوي ليه لأن بلدنا الناس القائمين عليها خلاص اعتبروها الورث اللي الباشا السادات سابهولهم انا بقول مفيش فايدة وبنصح كل شاب عايز يعيش حياة (آدمية) انه يخرج من مصر لان اللي بيحصل ده حرام واحنا منستهلش نعيش حياة قذرة زي اللي في مصر الان وطبعاً الردود هتبقي انفعالية وانا متوقع ده بس هي ديه الحقيقة.
يا جماعة مهى البلد مضلمة من زمان
_هو حد فيكم متخيل ان احنا بنشوف النور
من فين يا حسرة من الزنقة فى المواصلات ولا من زحمة الفصول فى المدارس والجامعة
ولا طوابير العيش ولا بيوتنا الضيقة اوجايز فى المستشفيات وممكن باة يكون فى ايام السودة اللى احنا عايشنها يا ناس قولو ننورها مش نضلمها بزيادة
بدلاطفاء النور ادعو الناس ينزلوايوم 1مايوالساعة 5 امام عمر افندى عشان يتضامنوا مع امهات المخطوفين من امام نادى القضاة فى مظاهرة عيد العمال
كل اسمندريه معاكوا كفايه ظلم عايزين نخرج من التأبيده
يوم 11 القادم يوم موقف..يوم حسم ..لابد وان ينضم جميع الناس جميع الشعب امام دار القضاء العالى..لكى يثبت هذا الشعب انه ليس نائم انه صحى من غفوته وله صوت..يسمعه الحاكم والحكومه..انه يوجد لنا صوت ومشاركه اخواننا القضاة الذين يدافعون عن هذا الشعب ..يوم 11 لابد ان يكون يوم مشهود..لا للظلم لا لقانون الطوارىء لا لبيع مصر جهرا امام اعين شعبها لا للتسلط لا للعبوديه لا للحتلال الداخلى ..لا لتصنيع الارهاب..اصح يا شعب مصر وعبر عن رئيك ..كفانا نوم كفانا سلبيه كفانا ياالله نفسى ...ايدك فى اديا نعيش يوم وطنيا..يوم 11 القادم موعدنا اما دار القضاء العالى
عليا الحرنكش ياريس مبارك
فى عصر مزركش ملون بنارك
لابايعك وابايع حكومة حمارك
ملعون ابو اللى يقدر يقاطع قرارك
نهاره مقندل وليله مبارك
فهمبك وهجص وطلع فى ديننا
اكيد هو طالع يشاهد جمالك
جمالك مبارك سوزانك سوزاننا
يامحلا حصارك لمصر اللى جالنا
نسيمها فى عصرك بيشوى فى بدننا
اؤيد وابايع فخامة جلالتك
وايد اى واحد بيمسح ريالتك
ولانك سر باتع هاننسى هبالتك
فاقعد ياريس ودلدل حمامتك
حمامة السلام حمامتك ياريس
سلامة الحمامة وسلامتك ياريس
على تل مصر ياريتك تهيص
خرابه فسيحة عليها تمتيس
واامر تطاع فشعبك مفيص
احمد فؤاد نجم
ياريت هو يحس بالضلمة وهو اعمى البصر والبصيرة
Alqedr yanda7 bema feh, we eza makansh el masry ghalebeyetu 3ala shakelet mubarak we 3esabto, makontosh et7akamto bemanazerhom, we tegro thayasolo fel shaware3, eh el nefaq dah!!!
We law gat 3ala mas2alet 7okm we 7okoma bas kat hanet shwaya, shofo sefat el sha3b el masry el naharda wel safala elly bete7sal kol youm fe kol el magalat, el qa2ema la 7asra laha.
We fel akheer tal3enly be fekra malhash ma3na, noor eh elly netfeeh!!! Hay2assar fe eh BEL ZEMA!!!!!!!!!! El fawateer hatankhafed wen2asar 2eqtesadeyan 3ala mawared el 7okoma?? Ha3 HA3, leah howa men emta kanet el fawateer qayma 3ala estehlakna fe3lyan mosh 3al nas wel baltaga!!
We ba3deen el masreteen bo2 3al fady, 7atta el fekra elly malhash lazma wala ghaya deh yet3ad 3al sawabe3 elly haye3melha.
Ento law sha3b zaky konto ba2eto eed wa7da, mosh tenhasho fb3ad fel shaware3 wel matager we kol magal we lamma tetgama3o el 2awel te2wo we t2asaro, laken kal 3ada, ento shayfeen ro7ko atfal abreya2, wel 7okoma heya el bo3bo3, wensetu en el 7okoma el marady mosh turkeya wala engelezeya 3ashan te3ala2o 3aleha el shama3at, el 7okoma menkom we men lonkom, we men betoo3 el sawra wel entesarat beto3kom, ya far7ety, lamma tesala7o nafsokom webyutkom we tette2o Rabena fe ta3amolatkom ma3 gherkom, eb2o fakaro felly akbar we esla7 el balad.
Ya 7asraaaa
والله العظيم معاكم
انا رايى نحدد يوم معين وساعة معينة وانا معاكم وربنا معاكم
فارس بني وحلان يغزو نادي القضاة
ياخبير القمع فينا والتعاطي مع القضاة
كنت فين ودهب بتنزف والنظام مكشوف قفاه
صاحي قبل الفجر يرسم خطته لسحل الجناة
جامع الجيش العرمرم والجنود واقفة انتباه
الى لابس مدني لابس والى جاي شايل عصاه
قلت له على فين ياعادلي ماشي على اي اتجاه
قلت يمكن يغزو يافا ولا حيفا نروح معاه
قال لي دا الغزوة محلي جنبنا ف نادي القضاة
القضاة دول سم ناقع انت مش عارف اذاه
بدأوا هجوم الاشاوس بالفوارس والرماة
جندلوا الخصم ف دقايق والصراخ عالي صداه
سيطروا على الحصن كله دمروا جيش الغزاة
وقبل ما الفجر يشقشق عادلي حقق مبتغاه
عادلي طاف كل المدينة جيشه وجنوده وراه
ساحب الاسرى ف مواكبه موسومين فوق الجباه
والجحافل ماشية ترقص جارة اعداء الحياة
والهتاف بالنصر عالي من الحناجر والشفاه
عادلي قائدنا المزفر (1)عادلي مقبرة الغزاة
كتبوا في عادلي قصايد تاه ف تفسيرها النحاه
فرشوا الساحة ولايم اتخموا منها الحفاة
احتفالهم كان علامة اسهبوا في وصفه الرواة
لكن الفرحة ماتمت والوضيع ما بلغ مناه
قبل تقسيم الجواري والغنايم والاماة
جاهم الخبر المنيل نقله واحد من الرعاة
عادلي مش قائد مزفر والنظام وارم قفاه
(1) هي هكذا في الهتاف.
مجلة الإعصار
استنى يا بهية جايليك يا ضلمة مشتاقلك من رمان
اقسم لقد فاض الكيل و لولا ان هذه بلدنا النى نعشقها للجات الى هدم المعبد على رؤس الكل كما يفعل اليائسين من ابناء هذا ال....وطن
يا عالم نحن لم نخلق عبيد ,و انا لن ارتبط بوطن لا اامن فيه على حقوقى و اضحى فيه من اجل ان ينعم المرتزقة و المنافقين. لا معنى لوطن بلا عدل و لا امل فى مستقبل بلا احترام للعلم و العدل
نحن شركاء فى هذا البلد و لسنا رعية و اعلن انه انتهى عصر" نحن نملك الارض و من عليها " و انتهى عصر" ما اريكم الا ما ارى و ما اهديكم الا سبيل الرشاد" انتهى عصر " ان اخاف ان يظهر فى الارض الفساد" و لكل من هو مستمتع بهذا العصر اقول اخرجونا من قريتكم اننا اناس نتطهر" انا لن نعود الى ملتكم فارجمونا او انفونا الى تيه الصحراء او صلبونا الى جزوع النخل فلقد سامنا سادية فرعون تلك واصراره على الايذاء بلا مبرر لا يزال فرعون هو فرعون كما رفض خروج بنى اسرائيل قبل ان يسحلهم يرفض عتق الشعب المصرى قبل ان "يكسر عينه"
يا مرتزقة النظام يا حوارى و اعوان الظلمة يا حملة المباخريا جند فرعون يا ايها الملا اخرجونا من قريتكم اننا اناس نتتطهر انفونا من جنة مبارك لاننا قد نبدل دينكم او ان نظهر فى مصر الفساد اخرجونا الى تيه الصحراء الغربية فالحياة مع الاسد الضوارى خير منها مع الكلاب و الثعالب و يا شعب نائم الازلتم "فاسقين "؟ امازال يستخف بكم و تطيعونه ؟ ثم تريدون من الله ان يرحمكم ؟ و الله لسوف تسالون عن ظلمكم لانفسكم فالسكوت على الظلم به اثمان اثم الرضى و اثم المشاركة . اما ان لكم ان تخرجوا انفسكم من عبادة العباد الى عبادة رب العباد
تحية الى من فجر هذا الركام و التيه الممسك بانفاسنا تحية الى من اطلقوا هذه الصرخة فى وجه كل جائر و كلابه
انهم سبعه الالاف "عز بن عبد السلام " و عشرات الالاف من المماليك
اقرأ بقية التعليق ..
مرت عقود طويلة وتلك الحشرات الجاثمة على صدر الشعوب لاتزال تصر على كتم انفاسها حتى صارت جثث هامدة لا حياة فيها, اغلبية ساحقة من الغائبين او المغشى عليهم او الجبناء ,و بضع مئات مازالوا يكافحون بعد ان فاض بهم الكيل ماذا ننتظر ؟ و علام نبكى ؟ و ما معنى حياة لا تامن فيها على نفسك او حقوقك ان كان لك نصيب منها ؟ما معنى كلمة وطن يتاجر باسمه كل كلب ليسلبك كل ما تملك " مش عشانى عشان مصر"؟ و يخرج عليك كل صاحب وجه كالح ليقول " دا امن مصر و استقرارها " لينفتح باب لكل مريض سادى للتلذذ بايذاء الاخرين و سحلهم
اقسم لقد فاض الكيل و لولا ان هذه بلدنا النى نعشقها للجات الى هدم المعبد على رؤس الكل كما يفعل اليائسين من ابناء هذا ال....وطن
يا عالم نحن لم نخلق عبيد ,و انا لن ارتبط بوطن لا اامن فيه على حقوقى و اضحى فيه من اجل ان ينعم المرتزقة و المنافقين. لا معنى لوطن بلا عدل و لا امل فى مستقبل بلا احترام للعلم و العدل
نحن شركاء فى هذا البلد و لسنا رعية و اعلن انه انتهى عصر" نحن نملك الارض و من عليها " و انتهى عصر" ما اريكم الا ما ارى و ما اهديكم الا سبيل الرشاد" انتهى عصر " ان اخاف ان يظهر فى الارض الفساد" و لكل من هو مستمتع بهذا العصر اقول اخرجونا من قريتكم اننا اناس نتطهر" انا لن نعود الى ملتكم فارجمونا او انفونا الى تيه الصحراء او صلبونا الى جزوع النخل فلقد سامنا سادية فرعون تلك واصراره على الايذاء بلا مبرر لا يزال فرعون هو فرعون كما رفض خروج بنى اسرائيل قبل ان يسحلهم يرفض عتق الشعب المصرى قبل ان "يكسر عينه"
يا مرتزقة النظام يا حوارى و اعوان الظلمة يا حملة المباخريا جند فرعون يا ايها الملا اخرجونا من قريتكم اننا اناس نتتطهر انفونا من جنة مبارك لاننا قد نبدل دينكم او ان نظهر فى مصر الفساد ا
اقرأ بقية التعليق ..
بطلو تهييس وتهليس .. العملية مش ناقصة ..
بهية مين ..؟
البلد عاوزه ناس محترمة .. فكر هادف .. وقفه جاده ... شباب صاحية .. مش هلس في هلس..
شباب الموقع فاضي ونبيك تملونه تكفون يا شباب
فعلا مصر أم الدنيا وأم العرب.
تحية لشعب مصر العظيم وقلوبنا معاكم
الى مش لاءيله كبير يامبارك يدوره على كبير وانتى كبيرك الشباب القادم
أوجه أولاً تحية لأبطال مصر في كل الدنيا من أول القاعدين فيها إلى المهاجرين و الطيور الشاردة .
و للشباب الذين يودون المشاركة في العمل السياسي من منطلق الهوجة الجديدة و حملة الاعتقالات الأخيرة التي طالت من أعرفه و من لا أعرفه و أود أن أعرفه لأنه في نظري فاقني درجات عديدة و هزمني في سلم المجد إلى كل الشرفاء في نادي القضاة ، أوجه هذه الرسالة المفعمة بالحب و التقدير .. ولكن:
هناك شيئان نسيناهما و هما على التوالي:
1- لماذا لم يعلن القضاة منذ البداية عن مطالبهم صراحة و يروجوا لها أليست هذه المطالب تمس مصالح الشعب ككل؟
2- على الراغبين في المشاركة في السياسة و اتخاذ الطريق الصحيح فيها أن يعرفوا تماماً ما الذي يسيرون عليه من أرض و قبل كل شيء عليهم أن يفهموا إلى أين هم ذاهبون و أن يتسلحوا بسلاح العلم و المعرفة و أن لا ينساقوا وراء شعارات واهية تأخذ منهم جهدهم و عافيتهم فعلى من يريد أن يأخذ اتجاهاًما في حياته أو منحى فيها فعليه بالمعرفة أولا قبل كل شيء و بعدها لن يندم على شيء و لن يستطيع أحد أن "يأكل بعقله الحلاوة".
ياريس يا نابغة ياريس سبانخ
حسبي الله ونعم الوكيل في (الرئيس وولاده ومراته والبطانه بتعته بطانة السوء)احناشعب مهان بمعني الكلمه بعما كنا اسيلد العالم كله هذا بسبب الرئس المرتشي الجبان الله ينتقم منه حسبي الله ونعم الوكيل الامضاء مصري مهان
هانت يا رجالة مصر ولادة و ان شاء الله ولاد مصر قادرين يحرروها من الطغاة و الظالمين شدو حيلكوا ده غحنا بنحرر بلد.
مش بس موقعكم طلع فاضي، أنت كمان طلعت فاضي!!!
يخرب بيتك يامبارك
الله لا يظلم أحدا لأنه يولى علينا على قدر صلتنا به فالهزيمة والذل والظلم نتيجة طبيعية لابتعادنا عن أخلاق ديننا الحنيف فلن يغير الله ما بقوم حتى يغيروا ما بأنفسهم
بسم الله الرحمن الرحيم
كم حلمت بان اتكلم عن مبارك وان افضفض فلقد طفح منى الكيل وازداد غضبى فلعل ثورة فى اعنقى تحدثنى ما مبارك اذا جعل اخى وابى واصدقائى يبعدوا عن فى دوامة الغربة ما مبارك الذى جعلنا عبيد العالم فقبل حكم مبارك كان الجنية يعادل ثلاثة دولار اما فى عصر مبارك بية اصبح الدولار يعادل الست والسبع جنيهات ان يؤسفنى ان اقول على مبارك انها هو وعصابتة زعماء مافيا تسما التقطيع فى شريان الشعب ولاحول ولا قوة الابالله
شوفت ناس بتتكلم عن اسيوط والصعيد وبتقول انهم مش قادرين يعملوا حاجة ياخي هوه لازم تنزل وتعتصم بالنسبة للمظاهرات في الصعيد
انا فاكر ان حصلت مظاهرتين قبل كده كان العدد المشارك قليل جدا يعني ميعدوش الالف
وبعدها الله يقصف عمرهم بتوع الامن المركزي نزلوا علي الشوارع واللي يشفوه يلموه
اعتقلوا حوالي ما يقرب ل8 الاف مواطن منهم طلبة عندهم امتحانات الكلام ده كان السنة اللي فاتت
بالنسبة للي بيعبئ الشارع ده لازم يكون في منطقة فيها صوته بيوصل لكن انا نزلت واتكلمت وغيري نزل واتكلم وصرخنا وقولنا كفاية حرام اللي بيحصل
كل يوم بيزيد الظلم
لو عاوز تشارك بحاجة مؤثرة فعل حملة طفي النور يا بهية فعلها في محافظتك
فعلها في كل وتأكد انك هتلاقي الكل جنمبك
ومنهم اناومش انا بس لا دي في ناس كتير غيري وغيرك بس المهم انك تكون عاوز تعمل حاجة
وانا بئيد الحملة وبقول خلوها ضلمة عليهم
وانا من الان بدأت بارسال sms لحوالي 7000 فرد من المنطقة اللي انا فيها
ان شاء الله نشوفها ضلمة عليهم مش بيعرفوا يضربوا ويسحلوا وبيعتقلوا ويغتصبوا طيب شوفوا بقي لما نضلمها عليكم هنشوف مين فينا اللي هيعرف يسمك التاني
في كلمة قالهالي واحد صاحبي وتركت في نفسي اثر كبير وهيه
اخي لا تخشي السقوط فنحن في القاع
مش بقول كده علشان احبطكم لا انا بقول معاكم واي فكرة تاني انتم شايفينها تعبر عن ثورة شعبية ضد الظلم اللي شفناه في عصر المعلم مبارك والبلطجية بتوعه
اي فكرة توصل كلمة لا كفاية ظلم
احنا مش هنسك مش هنطاطي احنا كرهنا الصوت الواطي
ان شاء الله هبدأ بنشر الحملة في المدونة بتاعتي
www.shellr00t.com
نلتقي بعد الفاصل
والله ياجماعه انا حكايتي طويلة مع النظام الفاسد ده
ومعايا حاجات تدين ناس كتير في امن الدولة فيالمنطقة اللي
اقرأ بقية التعليق ..
الضلمة الجميلة
إلى كل من شارك بتعليق فى هذا الموقع أقول له إوعى تطفئ النور إوعي تطفئ النور
لان الحياة بمبي ونحن بجوار هذا النظام
يا من تنظرون من ثقب الباب ويا من تنظرون فقط إلى النصف الفارغ من الكوب
يا عالم ألم يبشرنا مجدي الدقاق أمس بأن الإصلاح قادم وإن كان تدريجيا.
ألم يبشركم عمرو عبد السميع بأن كله تمام
ألم يأتكم نبأطشة الملوخية ألم تسمعوا عن تواضع جمال جمارك ومن أنه يأكل الطعمية
ياعالم إختشوا يا ناس إكسفوا على دمكم دا إبن الرئيس بيأكل طعمية
دا إبن الرئيس جمال مجامل للناس كلها بأمارة إنه كان فى الإستاد هو أخوة وألفغ مصري مرمين فى البحر الأحمر
عييب عليكم خلوا فى وشكم شوية دم
جمال سيدكم وإبن سيدكم
وأخيرا لنردد مع محمود عبد العزيز
يسقط بونابرت يسقط بونابرت
معلش قبل الختام
سؤال والإجابة والله ألف جنية
هل تعتقد أن عبد الله كمال وكرم جبر ينتميان إلى بنى البشر للإجابة الإتصال على رقم زيرو صفرين زيرو
والله يمسيك بالخير يا عم سمير يا رجب
يا بهية إستني شوية قبل ما تطفى النور
قد يتساءل الكثيرين لماذا تستني بهية شوية الإجابة
النور سيطفأ إجباري أى والله إجباري فهذه الحكومة وهذه الدولة سوف تضلم مصر بنفسها اى والله بنفسها وسوف يخرج الجميع ليمدحوا هذا القرار من الرئيس المؤمن الذي إرتئ أنه بتضليم مصر من بعد صلاة العشاء أحسن شئ ولكم أن تتخيلوا ماذا سيكتب أسامة سراي عن بطل الحرب والسلام الذى أتاه الوحي فى المنام ليقول له أن يضلم مصر
وكيف سيتهمكم بالكفر فى حالة الإعتراض حد بيعترض على الوحى يا كفرة يا ولاد الكفره وكيف سيكتب محمد على إبراهيم عن زيارة الرئيس لألمانيا الشرقية لا حظ الشرقية ليتعلم منه الألمان كيف تكون الضلمة الصحية وكيف سيخرج أنس الفقي ليقول فى مجلس الشعب عن التوفير الحادث من جراء ذلك الإجراء وكيف أن الله كشف عن الرئيس الحجاب وأوحي إليه بموضوع الضلمة وكيف سيت إستثمار المبلغ الفائض من إستهلاك الكهرباء والبث الفضائي والأرض فى بنا المستشفيات والمدارس وما أنا متأكد منه أن الرويبضة عبد الله كمال سيكتب أن الإخوان المسلمون هم المسئولون عن أن النور ولع فى شبرا وبلاق أبو العلا وسيتهم المرشد بالكفلر والزندقة لأنه قد خالف الوحى المنزل على الرئيس وسيكتب كرم جبر أن من أوحي إليه هو نجل الرئيس وليس الرئيس وسيكتبون وسيكتبون وسوف يتكلم كمال الشاذلى على أن الرئيس المؤمن محمد أنور السادات قد قال له وهو على فراش الموت بأن الرئيس من المبشرين بالجنة وأن سيوحي إليه فى أخر الزمان ولكنه لم يبح بالسر سوى بعد مضي ربع قرن وفقا لما هو معمول به فى الأسرار الحربية .
والأن يا أختي يا بهية ألن تؤيدى رأى أنه ينبغي عليك أن تنتظري شوية وذلك لأن الأيام القادمة أيام سوداء
وأخيرا لنردد مع أحمد مطر .
فوالينا أدام الله والينا رأنا أمة وسط
اقرأ بقية التعليق ..
قصيدة البتاع
يا اللي فتحت البتاع
فتحك على مقفول
لن اصل البتاع واصل على موصول
فأي شيء في البتاع
الناس تشوف على طول
و الناس تموت بالبتاع
فيبقى مين مسئول؟
و ازاي حتفتح بتاع في وسط ناس بتقول
بأن هذا البتاع
جاب الخراب مشمول
لأنه حته بتاع
جاهل غبي مخبول
أمر بفتح البتاع
لأنه كان مسطول
و بعد فتح البتاع
جابوا الهوا المنقول
نكس عشوش البتاع
و هد كل اصول
و فات في غيط البتاع
قام سمم المحصول
و خلا لون البتاع
اصفر حزين
مهزول
و ساد قانون البتاع
ولا عله ولا معلول
فالقاضي تبع البتاع و الحق ع المقتول
و الجهل زاد في البتاع
ولا مقري ولا منقول
و الخوف
سرح في البتاع
خلا الديابه تصول
يبقى البتاع في البتاع
و الناس صايبها ذهول
و ان حد قال ده البتاع
يقولوله مش معقول
و ناس تعيش بالبتاع
و ناس تموت بالفول
و ناس تنام ع البتاع
و ناس تنام كشكول
آدي اللي جابه البتاع
جاب الخراب بالطول
لأنه حته بتاع
مخلب لراس الغول
باع البتاع بالبتاع
و عشان يعيش على طول
عين حرس ع البتاع
و برضه مات مقتول
أقترح إقتراحا عمليا يزلزل الكيان بالكامل مع تمام مشروعيته وأحقية كل مصري فيه ألا وهو :
*** مطالبة الجماهير المصرية بالذهاب للبنوك المصرية وسحب جميع أموالهم .
وذلك للأسباب التالية :
1ـ ستطرح البنوك للبيع لأعداء الوطن .
2ـ إتضح عند طرح بنك الإسكندرية للبيع وجود مبالغ بالمليارات ضائعة من البنك ولم تسدد بعد .
3ـ توجد أموال وديون بالمليارات لبافي البنوك المصرية يبحثون سدادها من عملية بيع بنك الإسكندرية.
أي أن كل بنك سيباع لسداد مديونية البنك التالي - فما هو الحال بآخر بنك .
4ـ سنوقف نزيف سرقة أموال الشعب والدولة .
5ـ سنوقف إغتناء الحرامية من أموال شعبنا .
6ـ فلنسحب أموالنا قبل ألا نجدها كما حدث من قبل بسرقة شركات توظيف الأموال .
والأسباب كثيرة لا حصر لها.
العزيزة بهية
الحمد لله أننى إستطعت أن أكتب لك مرة أخري
بص يابهية موضوع يا لا نضلم مصر عليهم دا موضوع مش داخل الأنفخى بتاعتى
إذا يا بت يابهية نضلم مص ماهى يا بت مضلمه جهزه أى والله مضلمه جاهز
فى بلد يا بهية يكون فيه رئيس مجلس إدارة أكبر جريدة فى الشرق الأوسط حرامي ومرتشي ومرفوعة حصانتة لحين التحقيق معه
ويكون مدير التسويق بها الذى يشغل منصب رئيس النادى الأهلى نادى القرنين مرتشى وحرامي ومطلوب على ذمة العديد من القضايا
ويكون أمين صندوق نفس النادى حرامي وسارق لقصر العينى الفرنساوي
ويكون رئيس ديوان رئيس جمهوريتها حرامى وحامي لقاتل الف نفس فى البحر الأحمر
ويكون محافظ دقهليتها أب للص سارق المال العام ومشارك لباجنيد فى سرقة القصر العينى الفرنساوى ويكون محافظ بور سعيدها أب لسارق شركة برسيل
ويكون ويكون ويكون
ويكون رؤساء تحريرها من عينة المقبور عبد الله كمال والمخفى ممتاز الهر ويكون رؤساء مجلس إدارة صحفها من عينة بخل كسر
والله يا بهية إنها لبلد مضلمه جاهزة
.................مشكده ولا أيه
أحيي أصحاب هذه الفكرة والتي أراها في الحقيقة اشعال وليس إطفاء .
هي إشعال لإرادة التغيير ولو بشكل يبدو ظاهرياًًسلبيا وغير فعال ولكنه سيقيس حجم الرفض الموجود في المجتمع لكل أشكال الفساد والقهر والظلم واللاإنسانية التي يتمتع بها النظام .
فتعالوا معا نولع مصر عليهم بنور المشاركة وتوحيد الصف والأعمال ذات الدلالة وليكن اطفاء النور هو الشرارة التي تشعل نيران الغضب في الصدور.
كل ظلام العالم لا يستطيع أن يطفئ شمعة واحدة .
(مقهور/مظلوم/عاطل/ناقم)
بس فهموا الناس ليه هتطفوها
والحكاوى تجيب بعضاها
بالمناسبة ده موقع المدونة بتاعتى
http://alhal.blogspot.com/
ودى اخر حاجة فيها
أ ـــــ الله اكبر فوق ايادى الظالمين
ب ـــــ بسم الله حا نحكى حكاية الحرية يا سامعين
ت ـــــ َتغير الأحوال من قضاء الله فى السنين
ث ـــــ ثورةاى بلد عاوزه ولد وكتير من المخلصين
ج ـــــ جنى المصباح وسرالله فينا احنا شعب المطحونين
خ ـــــ خروج الروح ولا العيشه كدة بالحايا مدفنوين
د ـــــ دفع الضرر عن البشرفرض عين و لا ايه يامعممين ؟
ذ ـــــ ذيادة الكلام الحر توعى و فعل الحر ابرك من حكاوى سنين
ر ـــــ رد الهوان والأنحطاط عن البلاد اولوية يا مثقفين
ز ـــــ زيلوا الحواجز يا كل التيارات انتوا بس مصريين
ش ـــــ شبكة فساد حطيت علينا والحل فى السكاكين
س ـــــ سنين سودا بفسادهم وبغبائهم وجهلهم المبين
ص ـــــ صلاح امتى فى قوله لا لظلم قالهنا الأمين
ض ـــــ ضد الكسل ضد اليأس ضد الغباوه والمغفلين
ط ـــــ طمع النفوس فى الدنياهو الخطر فانسوها ولو لبعد حين
ظ ـــــ ظهورالحق هيجنن الوحش فستحملوهم دول يومين
ع ـــــ عزم الرجال يظهر فى اليومين السود عديهم بخير يا كريم
غ ـــــ غيوم وآلام وممكن دم وما ينفعك إلا صبر وذكاء ودعاء الوالدين
ف ـــــ فوز اكيد من بعدها فوران يغير الملاين
ق ـــــ قلوب الناس تصبح معاك بس ما تتغرش لتصبح مثل السالفين
ك ـــــ كل الخطر تنسى الوعود وتنقلب فرعون من الفراعين
ل ـــــ لم حواليك الرجال والكفائات مش كلاب متسلقين
م ـــــ مصر تقيلة اقوى فشيل على قدك ما تعقدش على الكرسى سنين
ن ـــــ نور طريق من بعدك لجل ما يكمل الطريق السالكين
ه ـــــ هتبقى بلدنا جنة الله واحنا فى الرخاء متنعمين
و ـــــ وان نسيت هنقوم عليك
اقرأ بقية التعليق ..
على فكرة يا جماعة العيش حيغلى زى ماغلوا كل حاجة فى البلد راح بغلوا علينا العيش المواطن المصرى الغلبان حيعمل اية ياعلم دة فى ناس غلابة اكلهم هو العيش والرز وانتوا دلوقتى قاعدين بتتنقشوا ازا كنتوا تطفوا النور ولا لا عايزياية اكتر من اللى بيحصل دةلازم نعلن الحرب على مبارك واتباعة
سيدي الرئيس
في عيد ميلادك الكام وسبعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانيين
ويا تري يا حبيب الملايين
فاكرنا وللا احنا خلاص منسيين
فاكر المعتقلين
فاكر الجيعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وسبعين
بقول لك كلمتين
الأولى
شيلتنا طين
و هل تعلم أن النيل بقي رشاح
و الجو أصبح بيئة والعيشة ولعة
و الشرفاء قلوبهم عالبلد والعة
و انت عاملهم مذبحة ولا بتاعة القلعة
و الإقتصاد سداح
و السرقة بقت كفاح
و مصر متاحة بس للسياح
و عرض البلد بقي مستباح
و الثانية
وريتنا الويل
دا الخطوة في عهدك بقت ميل
و الضحك بقي نواح و عويل
و الكوسة
عارف الكوسة
ممكن أقول لك فيها مواويل
و الجامعة بقت يا إما كباريه أو دار مسنين
و الشباب معظمهم من غير خمرة سكرانين
و العلم عز علي المتعلمين
و الأساتذة بقم دجالين
و القادة بقم طبالين
و اديني في الهايف يا حبيب الملايين
و الثالثة
عارف اليابانيين
زمان في سنة اتنين و خمسين
كان عندنا تروماي و كان عندنا علم و متعلمين
و ثقافة و مثقفين
و أدباء و علماء و فنانين
و كانوا اليابانيين
بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
و الرابعة
أمن بلدنا بقي تنين
و المحاكم اتملت مظالم
و العدالة بقت كمالة
و كلمة الحق في الزبالة
و أصحابها في الزنازين
و الخامسة
القطاع العام....عام
اقرأ بقية التعليق ..
تهان لانك مجرد مواطن
تهان لانك لست من ساسة البلد او من رجالها شرطه وحكومة
كنت اعتقد انى فى بلدى محمى ومطمئن انى ابن البلد وجدت الحريه موجوده خارج البلاد كنت ادخل حدود مصر اشعر بضيق فى الصدر عندما ارى وجوه الظبات والصولات فى الجمرك المصرى الذى يجعلنى اتذكرا حسن معاملة ضبات دوله اخرى استطيع ان اجعله ان يقوم من على الاكل حتى يختم لى الباسبور وفى بلدى انتظر 6 او 10 او 12 ساعة على حسب مذاج البيه الظابط
غير فى الشارع اسير توقفنى لجنه يمسكونى
من القميص مسكة الحرميه وكأنى عامل مصيبة والحرامى والمنحرف مطلق حر
لان هذه صنعته فهو يعرف كيف لا يقف امامهم اما نحن نقف كنت اعتقد انى ما دمت سليم لا اخاف من احد ولا الشرطة ولكنى الان اعتقد ان الخوف اصبخ خوف فطرى سواء كنت سليم او غير سليم
ما دمت مواطن بدون واسطه وظهر يحمينى
ما دمت بدون نفوذ وعلاقات قويه من طبقة الرجال المهمين اما نحن فلسنا برجال بل
رعاع عند هولاء
ارى مصر وكأنها عذبه تعداد الفلاحين فيها 70 مليون مخصوم منهم طبعا كل رجال الدوله من حكومة وشرطة وخلافه
فهم اصحاب العذبه وحن عبيدها
نفسى اتكلم
نفسى اشعر بالحريه
نفسى اكون مواطن بجد
تكون الشرطة فى خدمة الشعب بجد
مش فى خدمة الدولة
نفسى اكون انسان
نفسى اكتب هذا الكلام يقرأه كل انسان ويفتكرا انه ايضا انسان
لولا مكانك يا صاحب القياده لكنت مثلى
مهان
انت لن تقبلها فلما تقبلها لنا
لماذا ماذا تريد منا ماذا تريد الحكومة والشرطة ورجال امن الدولة منا
بدأ الخوف ينطفأ رويدا رويدا من كثرة ما
ارى واسمع واقر
اقرأ بقية التعليق ..
yala dalmah be dalamah halah toleh
مابقتش محتاجة ظلام ، احنا دلوقتي في عصر الضلمة الحديثة ، محتاجين شمع كتير نشوف بيه الشمس و السما وشواشى النخيل ، و العلاج في ادينا و احنا كلنا عارفينه ، مش عايزين نعمل زي ما قال الشاعر المصري الجميل :" و ياسين غرقان في دمه خايف منه الحكيم " يعني شايفيين نفسنا بنموت و في ادينا العلاج و بندور على حل فانتازي انا لا اقلل من اخلاصكم و حبكم للبلد دي لكن خايف يتحول نضالنا لتقاليع جميلة ودمها خفيف و بعدين تنطفي الحماسة زي ما حانطفي النور
الشاعر الشعبي قال :
يا بهية خبريني ،يا بوي على قتل ياسين
قتلوه السودانية من فةق ضهر الهجين
عبادي يا واد عبادي يابوي .. كرباجك في الهجين
و اللي يجيلو العبادي يابوي بيعيش عمره حزين
و ياسين غرقان في دمه يابوي خايف منه الحكيم
و احكم ياقاضي النيابة يا بوي قدامك مظاليم
عوج الطربوش على ناحية و حكم باربع سنين
سنتين في القصر العالي يابوي سنتين في الزنازين
7000 سنة في الزنازين يا بهية و لسه ما شفت النور
استحالة ان الذين يخكمون مصر غير مصريوت ربما لو نحن مكانهم لفعلنا مثلهم فهى سياسه ملعونه - يهديهم الخالق ليس هذا اننى معهم اننى ضدهم وحفظ الله المصيين جميعا والله الموفق