الإخوان.. شريط كاسيت!
للمرة الثانية يجد الإخوان المسلمين أنفسهم في مشكلة بسبب شريط كاسيت.. المرة الأولى كانت مع الشريط الذي تمت إذاعته في برنامج البيت بيتك وفيه يقول مرشد الإخوان مهدي عاكف تصريحه الأزمة (طز في مصر)..
المرة الثانية تم اعتقال فيها ثلاثة من الإخوان.. و
24/04/2006
للمرة الثانية يجد الإخوان المسلمين أنفسهم في مشكلة بسبب شريط كاسيت.. المرة الأولى كانت مع الشريط الذي تمت إذاعته في برنامج البيت بيتك وفيه يقول مرشد الإخوان مهدي عاكف تصريحه الأزمة (طز في مصر)..
المرة الثانية تم اعتقال فيها ثلاثة من الإخوان.. والسبب هو قيامهم بتسجيل شريط عليه أشعار ضد قانون الطوارئ..
التفاصيل في تقرير "منى سليم"..
النهاردة ولأنه عيد، أثبتت الحكومة أن الإخوان لا يوجد لديهم مشاكل مع شم النسيم أو غيره وقضيتهم ليست قضية بدع، والدليل أنهم أصابهم ما أصاب غيرهم من حملة البطش الخماسينية التي بدأتها الحكومة، فتم مساء أمس القبض على شابين من إخوان المنوفية وهما سامي شاويشى وفتحي شهاب.
السيناريو جاء هذه المرة بالصوت والصورة هذه المرة، فقد قام الشابان ـ وهما يملكان شركة صوتيات ـ بتوزيع شريط أشعار بصوت كاتبها أمين الديب، وكلها ضد الطوارئ.
وذلك في إطار حملة الإخوان ضد قانون الحكومة التي لا تجد أى مانع بعد الولاية الخامسة من فتح كلابشاته على الجميع.
وكان آخر عهده مع الإخوان منذ أقل من شهر حين قامت الحكومة بالقبض على 15 من صفوفها ومنهم الدكتور رشاد بيومي عضو مكتب الإرشاد.
يقول الإخوان أنهم بصدد إعداد حملة واسعة تبدأ بعد عشرة أيام تكون بنفس قوة التصعيد الحكومي، وتشمل الحملة تحرك إعلامي على أعلى مستوى وداخل مجلس الشعب وقد يشمل أيضا التحرك في الحامعة وغيرها.
تم اعتقال الشابان ليلة الأمس، وتتردد أخبار عن اعتقال الشاعر أيضاً، ولكن يبقى الطرف الرابع هو الوحيد الحر القادر على الانطلاق برغم كل المحاولات الأمنية لمحاصرته وتقييده، فقد انتشر شريط الكاسيت بسرعة البرق داخل المنوفية وبدأ في الخروج منها مع سرعة واسعة في النسخ والتوزيع من داخل المنازل.
وبدورها تحاول "ولاد البلد" الحصول على نسخة للشريط صاحب الأزمة، وسط توقعات بأن تكون سخونة الشريط هي السبب فيما حدث، خاصة أن أمين الديب رغم عدم انتماءه لجماعة الإخوان إلا أن أعماله كان لها صدى قوي أثناء انتخابات البرلمان الأخيرة، حيث تخصص في كتابة أشعار وأغاني تروج لمرشحي الإخوان كما تحث الناس على الإدلاء بأصواتهم في الانتخابات..
على العموم لو كنت منوفي أو من الإخوان ووصلتك نسخة من الشريط.. ولاد البلد منتظرين منك نسخة..
عدد التعليقات : 29
• إفطار من نوع تاني !
• مدرسة المشاغبين.. إلى الأبد!
• طريق التوريث.. مفروش بالنووى!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
لحسن يعتقلوا كل المصريين يصبحوا في يوم
ميلاقوش حد يحكموه؟
طيب ماهو لازم ...
ما هو الشعر كلام... والكلام في بلادنا ممنوع بامر السلطان ...
والسلطان نايم نعسان ....
يبقي مين الغلطان ؟؟؟
إحنا طبعا .... إحنا ولاد ...... اللي عايزين الحرق .....
قال مش عاجبنا قال ...
جتنا القرف ملينا البلد ...
لا للتمديد ... لا للتوريث ... نعم لتعديل الدستور المصري
مش مغيره ...... هه .
mohamedmat@hotmail.com
طالما ان رئيس الجمهوريه صرح كذا مره انا هاعملوكوا ايه وقبل كده قال انتو عارفين المصريين بيعملوا ايه والشكاوى اللى من النوع ده وطالما اننا شعب نمرود مش بيعجبنا العجب وتضحيات الرئيس علشاننا بشخصه وابنه من بعده خساره فينا هذه التضحيات وكفايه كده يعنى الحكومه الرشيده تروح تشوف شعب تنى تحكمه يكون احسن مننا ويكون ريحته حلوه علشان الحكومه تقدر تقرب منه وتسمع مشاكله
ومن الشعر ما اعتقل
انا نفسي فعلا اجبهلكم لاني بحب موقعكم جدا
الحكومه طيبه انها ماقبضتش على كل ولاد البلد لحد دلوقتى
صحيح ان ولاد البلد مسجونين فى سجن كبير اسمه البلد بي بجد حكومه -----
الصوره دى جامده بس مين الناس قلى مع المرشد ودكتور عصام ؟
yehia2784@hotmail.com
انما في شرايط الكاسيت شكل الحكومة معاها من مشكلة في الشرايط
وعلى ذلك علي كل من يمتلك شريط كاسيت سرعة التخلص منه
شيطان شعري زارني فجن إذ رآني
أطبع في ذاكرتي ذاكرة النسيان
وأعلن الطلاق بين لهجتي ولهجتي ،
وأنصح الكتمان بالكتمان ،
قلت له : " كفاك يا شيطاني ،
فإن ما لقيته كفاني ،
إياك أن تحفر لي مقبرتي بمعول الأوزان
فأطرق الشيطان ثم اندفعت في صدره حرارة الإيمان
وقبل أن يوحي لي قصيدتي ،
خط على قريحتي : ،
" أعوذ بالله من السلطان "
فـكرت بـأن أكتب شعراً
لا يـهدر وقـت الـرقباء
لا يـتعب قـلب الـخلفاء
لا تـخشى مـن أن تنشره
كــل وكـالات الأنـباء
ويـكون بـلا أدنى خوف
فـي حـوزة كـل القراء
هـيـأت لـذلك أقـلامي
ووضـعت الأوراق أمامي
وحـشـدت جـميع الآراء
ثـم.. بـكل رباطة جأش
أودعـت الصفحة إمضائي
وتـركت الصفحة بيضاء!
راجـعت الـنص بـإمعان
فـبدت لـي عـدة أخطاء
قمت بحك بياض الصفحة..
واسـتغنيت عـن الإمضاء
احــمــد مــطــر
بيقولوا بيفهموا في سياسة
كله كلام
لوكان عنده أدنى كياسة
مايخدشي الشاعر ويعرف بيه كل الناس
ياخسارة مخ ما بيفكر
وبمنطق قوة بيدبر آه ياخسارة
بيقولوا بيفهموا في سياسة
ده كله كلام
لوكان عنده أدنى كياسة
مايخدشي الشاعر ويعرف بيه كل الناس
ياخسارة مخ ما بيفكر
وبمنطق قوة بيدبر آه ياخسارة
آه يا عمي الشيخ أمين
من كلام بسيط خايفين
لأنهم تعبانين
واللي على راسه ريشه
تلاقيه بيخاف أمين
شيدو حيلكم وهاتو الشريط الله يكرمكم
فى الوقت التى يطل الارهارب على مصر لصلح من نقف ضد قانون الطوراى وهيا بنا نتخيال لو لم يكون قانون الطورى موجود لوقعة مائة العملية الارهاربة واذا هذا القا نون موجود تحدث العمليات الارهاربية فماذا لو قامنه بلغاه هيا بنا ندعى جميا
اللهم احمى مصر من الاخوان وانفلونزه الطيور
اضم صوتى للاستاذين عبد الله وحسام مع اضافة تعليق اخر بعد الجهد المشكور من فخامة الرئيس صاحب الضرب الجوية وعائلة المبجلة رئساء مصر فى المستقل بعد هذا الجهد المضنى للأصلاح ما خربة المخربون من قبل ومن بعد.
نداء الى جموع الشعب المشاغب إلا ما يعجبة العجب على الشعب بالرحيل من مصر المحروسة علشان سيادة الرئيس وعائلة وحكومته تعرف تحكم البلاد فى سلام.
للبيقول اللهم احمى مصر من الأخوان :
اخى الحبيب الله عزوجل ارسل سيدنا موسى وهارون صلى الله عليهم وسلم وقال لهم (قولا له قولا لينا لعله يذكى ) لم يقل اضربوهم واعتقلوهم وشردوهم .
سيدنا عمر بن عبد العزير حينما ارسل له احد الولاه مستأذنا ان يسمح له بعقاب الشعب حتى ينصلحوا فارسل اليه عمر ( اذا اردت ان ينصاعوا فعاملهم بالعدل )
فالعدل اساس الملك لا حالة الطوارئ لمدة 30 سنة كبيسة
أنا عندي شريطين بتوع أمين الديب واحد بيتكلم عن نتايج الانتخبات وحماس والتاني عن الطوارئ بس مش عارف ابعتهولكم ازاي
فيكى الحرامي والخبيث
فيكى اللئيم والبلطجى
وصديق شارون
وحبيب وبوش
والكل راكب ظهرنا
والشعب مسكين منكسر
م الفجر واقف في الطابور
طوابير كثيرة
عا الفول وياخد حصته
والعيش مفيش
ورغيفه معجون بالنكد
والهم مزروع في الطريق
والشوك كمان
ومفيش ركوبة توصله
وكلاب سوادها كالظلام
أعداد كثيرة
في كل ركن من البلد
مشيا ببتلهث يا ولد
اوعاك في يوم تعترض
على....... كلب مسعور
ينهشك
والعمده يبنى في السرايا
يرعى مصالح الكبار
ماهما أصل المشكلة
حبيب شارون
وصديق لبوش
والكل ناهب أرضنا
ومفيش غفير
ولا فيه وزير
ما الكل راكب ظهرنا
وقانون مفيش
وقضاه معانا في الطريق
ماهما أصلا مننا
ودعاية تلعن أصلنا
مش نافع ياابنى عندنا
وولاده ترتع أرضنا
أصل الطوارئ حكمنا
من يوم ما ركبوا ظهرنا
و إذا كنا عاو زين ننتصر
لازم نراعى ربنا
أوعاك تكون خايف ياصحبى
ما الفجر أذن يا ولد
أوم بيني ننده على النايم
والصاحي ناخده عندنا
أصل الكلاب دايما بتنعث
لما يأذن فجرنا
تحية للشيخ أمين أخويا
مصر
الشريط بتاع الشيخ امين عندى r m ريل بلاير ممكن ابعتة لكم وممكن انزلة عندى فى الموقع بتاعى حزب الاه للى عايز يسمعة
www.hezbalaah.blogspot.com
كنت فى يوم نايم وباحلم جات لى الكعبة وهى حزينة وزعلانة فقلت لها انتى لية دايما حزينة عاوزك تلبسى ابيض بدل الاسود ردت عليا وقالت لى البس ابيض يادى العيبة البس ابيض والشيخ امين فى التخشيبة يادى العيبة يادى العيبة انشاء اللة حلبس ابيض لما الاقى ابنى وابنك رافعين راسهم من العبودية ومن الظلم البس ابيض يادى العيبة يادى العيبة
الصديق الفلاح أمين الديب البالغ من العمر سبعين عاما إبن قرية نكله من أعمال محافظة الجيزة شاعر عامية يعزف على أوتار الهم الوطني والوجع القومي بشكل محبب وبسيط يصل بسرعة الى قلوب مستمعيه .. قبض عليه مؤخرا بتهمة خايبة وهي قوله اشعارا تكدر الصفو العام وكأن الصفو العام مش متكدر خلقة ومتنيل بستين نيلة من زمان .. وبعد زيارتي له في معتقله بطره كتبت هذه القصيدة [ كمين لأبن زاهيه ] وابن زاهيه هذا هو أحد أهم شخصيات قصائد الشاعر الديب الذي يفتعل معه حوارا في جلسات المصطبة يتناول فيه الاحداث الجارية بشكل فني رائع وعلى طريقة فلاح كفر الهنادوة لأحمد رجب .
[ كمين لا بن زاهيه ]
بعد حَبس الشيخ أمين
رُحت أشوفه جا له مين
التقيت الواد سلامه ابن ابراهيم
عند باب السجن فارش له يومين
العيون حمرا وخايف
والمرار فوق الشفايف
وفْ إيديه ماسك كيسين
كيس جوافه وكيس هدوم
والسجاير داستتين
قلت له جاي لمين ؟
قال لعم الشيخ أمين
قلت له : عَمى الدبب !!
فز قوم ..
اِمشي غور ما انتو السبب
داهية تخدك انت وامك
يا ابن زاهية الله يغمك
وديتوا الراجل في داهية
وفْ طـُره له جمعتين
التقيت الواد سلامه انتطر
والدموع ع الخدود زي المطر
صابني منهم دمعتين
قولت له : إيه ياسلامه
شدة وتزول يا ابن والدي
قال دا كان ناوي يناسبنا يا افندي
كات عينيه ع البت خضره
اخر العنقود لابويا اسماعين
قولت له : شوف ياسلامه
بالسلامه بكره يطلع ..
بكره يرجــع .. والفرح يعلى
ويبقى فرحتين
فرحة برجوعه لصباه
فرحة لرجوعه الحياه
وبلدكو هتخش التاريخ
ونكله تبقى بدولارين
علشان عيون الشيخ أمين
قال لي : عارف يا لافندي
مين يكون الشيخ أمين ؟
قولت مين ؟
قال دا واحد مننا
ياما دافع عَـننا
شال حمولنا وهمنا
قول
اقرأ بقية التعليق ..
مقدمــه لسيادتكــم برعــم نشــأ فى عهدكــم وتربّــى فى كنفكــم وشرب من بحــر علمكــم وحكمتكــم التى أذهلــت العــدو قبل الصديــق
تسمـحلي أقــولّك يابابا ؟
بابا أنا تعبــان أوي ....لأ مــش سنانــي دي ودانــي !!!...أيــوه ودانــي ..أصلي سمعــت كتيــر أوي عن حاجــات حلوة حتحصــل لنا وما حصلــش منها حاجــة ...حقول لك شويــة حاجــات منها واخواتي هنا يمكــن يحبــوا يزودوا عليها شــوية حاجات تانيــة جايز أكــون نسيتها ... بابا مــش عايزك تزعــل منى علشان فتحــت لك قلبــي
(1)
بابا...مصــر فى السياســة والإقتصــاد وحتى فى الرياضــة بقت في الحضيض.. بقينا في آخــر القايمــة يابابا صــدقنى
(2)
الدول اللى كان محــدش بيسمع عنــها خالــص بقت أحسن مننا بكتيــر أوي يعنــى دول زي الهند...الفلبين...حتى تايــلاند عندهم إيــدز وبرضه بيشتغلــوا وبيصدّروا كمــان....إنت نمــت يابابا؟ .....لسه صاحي... طيب أكمــل
(3)
بتشــوف قناة الجزيــرة والعربيــة ودبى يابابا....شوف همّه وصلــوا وبقوا إيه واحــنا بقيــنا إيه....الإعــلام بتاعــنا بقه زبــالة بصراحــة يابابا...تفتكــر ده من إيــه؟
(4)
المصرييــن اللى عايشيــن بره محــدش بيســأل فيهم خــالص يابابا....تصــوّر لو حــد منهم مات ...السفــارة مابترضــاش تبعت جثته إلا لــو الناس لمّــت من بعضها ودفعــت المعلــوم......ده غير إن سفــاراتنا بتعاملهم بطــريقة أخر جليطــة وقلّة حيا بصــراحة
(5)
إحنا مابنزرعــش قمــح ليه يابابا ؟؟؟....أنا عــارف إنــك بتحب الكنتلــوب علشــان طعمــه أحلــى ....مش مهــم
(6)
بابا...بيقولــوا إن إسرائيل ممكــن ترجــع تحتلّنا تانى عل
اقرأ بقية التعليق ..
السلام على جميع القراء
أنا في تونس، وليس بإمكاني الحصول على الشاعر الفاضل أمين الديب. الرجاء ممّن يملك منها، موافاتي بها ـ مع جزيل الشكر مقدمًا ـ على بريدي الإلكتروني أو موافاتي بعنوان موقع أجد فيه هذه التسجيلات.
السلام على جميع القراء
أنا في تونس، وليس بإمكاني الحصول على الشاعر الفاضل أمين الديب. الرجاء ممّن يملك منها، موافاتي بها ـ مع جزيل الشكر مقدمًا ـ على بريدي الإلكتروني أو موافاتي بعنوان موقع أجد فيه هذه التسجيلات.
nasrbenhadid@yahoo.fr
مد الطوارء عندنا وحجات كتير متركنة
اناسمعت كلام الشيخ امين وفكرت وشفت
زى ما قال:-
واسمع كلام شيخ من زمان
قال بحترحروف الخوف وصون
واوعاك تخاف
واوعاك تخون اوتخون