انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

قاضي.. عفيف اللسان!

ولاد البلدقراءة في ٢ د

قضاء مصر.. وقدر المصريين

25/04/2006

القاضي.. الراجل اللي معندوش غير كرامته وكبرياءه..

الراجل ده.. اتضرب بالجزمة في وشه..

الراجل ده.. بيتحاكم لإنه.. قال إن الانتخابات فيها تزوير..

قال إن اللعبة مش حلوة.. وإنه مش لاعب معاهم..

بقولكم إيه.. تعالوا اسمعوا معانا!

مش نخب يا محترم

دي لجنة وانتخابات

والكاس ده فيه دمنا

يا قاضي حوش دمنا

والحقنا في اللي آت

قاضي عفيف اللسان

وقفته تهينكوا

واللعبة بانت خلاص

ياللي الضلال دينكوا

معدش فيها كلام

والقاضي على راسكوا

لا مؤاخذة يا حكومة

صناديقكوا تشبهكوا

إيه يا غتيت السبب

في نقاوة القاضي

لا حمار بنص لسان

ولا دكوها براني

انفض رصاص

وانصب سيركك الفاضي

وإحنا كفاية علينا

خلاص ومش لاعبين

كلمات : محمد شعبان

لحن وغناء: أسامة المهدي

عدد التعليقات : 17

• كريم العرايس.. أطلبوه بإلحاح!

• وائل عباس: ربنا يسامحكم!

• اعتقالات سبتمبر.. الفاتحة للسادات!!

• ابحث مع الشرطة.. عن مختل جديد!!

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. محمد السيد كُتب في
    راجعة ايامك ... يا قاضي المدينة المنورة
    الله يثبتكم يارب ...
    والله من ساعة ماسمعت عن فض الاعتصام واللي حصل فيه ... والدم فاير جوايا ...
    كان نفسي بجد أكون هناك ... كنت أقله حأعرف أخد شوية من تاري ... تاري منهم ...
    من كل العصابة ..
    العسكر و الحرامية .....
    لا للتمديد ... لا للتوريث ... نعم لتعديل الدستور المصري
    mohamedmar@hotmail.com
  2. مصرى كُتب في
    الصبر
    لن نترككم نحن معكم ولا بد أن يعرف العالم كله أن الرئيس حسنى مبارك حاكم غير شرعى لمصر مزور للإنتخابات رغم رفض الشعب كله له ولا بد أن يعرف العالم كله أن حق القضاء هو الإشراف على الإنتخابات وأنه أنتزع هذا الحق حتى يتمكن من التزوير ليضمن بقائه فى الحكم إلى أبد الأبدين ولا بد أن يعرف العالم أن ما يسعى إليه من توريث الحكم شيء غير شرعى لأن الحاكم غير شرعى لمصر ولا بد أن يحاكم على ما فعله فى مصر من نهب وسلب وإعتقال لكل من هاجم وجوده المزيف ونحن معكم ياشرفاء مصر فليس بعد التعدى عليكم قوى أخرى وهذا ما يفعله هذا الحقير أن يجعل أبناء مصر عبيد عنده هو وإبنه المختل عقلياً.
  3. sara كُتب في
    ابن مصر
    يا سلام عليك ولد الله أكبر عليك انا معاك يا قاضى واحنا كلنا معاك هو دة ابن مصر ربنا معاك احنا كلنا عارفين انى الانتخابات متزورة بس محدش اتكلم كلنا كنا طبعا خايفين اللى كان عارف ومتكلمش يبقى مش ابن بلد ويبقى مش مصرى لكن هو ابن مصر صحيح لكن بجد عايزين نطفى النور علشان كده انا مع حملة طفى النور
  4. محمد السيد كُتب في
    طيب !! ممكن أشوفكم واقفين معاه بكرة الجمعة؟؟وانا معاكم ان شاء الله
    أظن جت فرصة بجد .. كلنا نقف وقفة واحدة ...
    أنا هنا في اسكندرية دلوقتي ...
    بعد ساعتين في وقفة ومؤتمر في نادي المحامين لدعم القضاة ...
    وفي القاهرة في مؤتمر مشابه في نقابة الصحفيين ....
    وبعدها اعتصام لغاية بكرة ... الجمعة .... لمساتدة القضاة ضد حكومتنا النظيفة ونظامنا المبارك ...
    ياتري لما نقول إننا نحضر ده أو ده ...اسكندرية او القاهرة ؟؟
    لما نقول نحضر بكرة الاعتصام اليوم كله ؟؟
    لما نقول نبات في الشارع حتي للي يقدر بس ؟؟؟
    لما نشوف القضاة الناس المحترمة دي وهي بتتبهدل ...وإحنا كل الي بنعمله إننا قاعدين في بيوتنا نقرا مفالات ونعلق ونتغاظ شوية وبعدين نهدا تاني ؟؟
    ساعتها ممكن أطلب منكم أشوفكم هناك ؟؟
    والله بجد ؟؟؟ ممكن ....
    انا ناوي احضر النهاردة في اسكندرية وبكرة اروح القاهرة ...
    وده والله ولا حاجة .... بس إحنا نبقي عملنا حاجة ...
    أي حاجة
    لا للتمديد ... لا للتوريث ... نعم لتعديل الدستور المصري
    مش مغيره .... هه
    mohamedmat@hotmail.com
  5. على كُتب في
    الحكام ولا الشعب
    احنا يا مصريين بصراحه احنا زى العسل بجد احنا ولا لينا راى ولا لينا كلمه مي احنا الحنا الشعب طظ فى الشعب ياعم شعب سيب الشعب فى الاخر بس الدوله بس احنا والله لو عقلناه هنلاقى الشعب هو الاساس ليه لان اى دوله مستقله دلوقتى مش بيبان شعبها ما بيبانش اللى فى حاله الثوره او فى حاله العمليات الاستشهاديه
  6. نيفين كُتب في
    الصوره دى حلووووووووه
    من زمان مشفتش صوره حلوه زى دى
    منورها المستشار مكى اهوه
    بس زعلنى انمبارح لما اتصل بخيرى رمضان على القاهر اليوم و قال هيفضو الاعتصام علشان موضوع دهب
    ليه بس
    هنطفى النور
    و هنقول احنا معاكو
    يا مكى بس انت تعتصم و احنا معاك
  7. نيفين كُتب في
    بالحق
    نسيت اقول لاسامه الاغنيه حلوه
    فكرتنى بغنوه عاميه كتبنها زمان كان اسمه اتمرد و اعلن عصيانك
    هبقى اكتبهالكو على شرط عشرينات تلحنها و تنزلها
  8. مطحون كُتب في
    قلبي مولع نار
    بصراحة قلبي مولع نار من اللي بيحصل في البلد نظام مستبد محدش قادر يقف قدامه وشعور بالقهر واحساس بالعجز انك تشعر ان انت منداس ومقدمكش حاجه تعملهاغير انك ترفع ايديك وتقول يارب يارب يارب
  9. محمد حفنى كُتب في
    الله معكم يا رجال الامل
    ولا تحسبن الله بغافل عما يعمل الظالمون
    صدق الله العظيم
    واللهى المساله مسالة وقت لا اكثر.
    دولة الطغيان اصبحت كالقطار الذى فقدالمكابح ولم يبق امامه الا الاصطدام, فما يفعله النظام ليس سوى تاخير وقت النهايةبالنسبة له .
    هذا القطار يزيح كل ما امامه ,
    "عليا وعلى اعدائى "
    هذا بالضبط ما يقوله النظام
    انتظروا ياهل مصر
    , هاااااااانت خلاص
  10. رمضان جورج كوهين كُتب في
    وبعدين
    وبعدين ايه الى حصل بعد كده؟
    الشوارع اتقفلت ومحدش يعدى الا بطلوع الروح والموضوع هبط حبة حبة حد عمل حاجة
  11. سمير المصرى كُتب في
    يا اهلينا انضموا لينا
    يوم 11 القادم يوم موقف..يوم حسم ..لابد وان ينضم جميع الناس جميع الشعب امام دار القضاء العالى..لكى يثبت هذا الشعب انه ليس نائم انه صحى من غفوته وله صوت..يسمعه الحاكم والحكومه..انه يوجد لنا صوت ومشاركه اخواننا القضاة الذين يدافعون عن هذا الشعب ..يوم 11 لابد ان يكون يوم مشهود..لا للظلم لا لقانون الطوارىء لا لبيع مصر جهرا امام اعين شعبها لا للتسلط لا للعبوديه لا للحتلال الداخلى ..لا لتصنيع الارهاب..اصح يا شعب مصر وعبر عن رئيك ..كفانا نوم كفانا سلبيه كفانا ياالله نفسى ...ايدك فى اديا نعيش يوم وطنيا..يوم 11 القادم موعدنا اما دار القضاء العالى
  12. baino كُتب في
    القوه
    محدش يقلق يوم 11 يوم الحسم انشاء الله ولو الامن حاول يعترض هتكون البدايه نهاية التغوط والظلم ربنا معاكم ومتقلوش خالص ان غدا لناظره قريب صبرا ال ياسر صبرا فما نامت عين الجبناء والله يا مصر لنمسح دمعتك
  13. يا مصر يا أرضنا كُتب في
    ولاد البلد
    فيكى الحرامي والخبيث
    فيكى اللئيم والبلطجى
    وصديق شارون
    وحبيب وبوش
    والكل راكب ظهرنا
    والشعب مسكين منكسر
    م الفجر واقف في الطابور
    طوابير كثيرة
    عا الفول وياخد حصته
    والعيش مفيش
    ورغيفه معجون بالنكد
    والهم مزروع في الطريق
    والشوك كمان
    ومفيش ركوبة توصله
    وكلاب سوادها كالظلام
    أعداد كثيرة
    في كل ركن من البلد
    مشيا ببتلهث يا ولد
    اوعاك في يوم تعترض
    على....... كلب مسعور
    ينهشك
    والعمده يبنى في السرايا
    يرعى مصالح الكبار
    ماهما أصل المشكلة
    حبيب شارون
    وصديق لبوش
    والكل ناهب أرضنا
    ومفيش غفير
    ولا فيه وزير
    ما الكل راكب ظهرنا
    وقانون مفيش
    وقضاه معانا في الطريق
    ماهما أصلا مننا
    ودعاية تلعن أصلنا
    مش نافع ياابنى عندنا
    وولاده ترتع أرضنا
    أصل الطوارئ حكمنا
    من يوم ما ركبوا ظهرنا
    و إذا كنا عاو زين ننتصر
    لازم نراعى ربنا
    أوعاك تكون خايف ياصحبى
    ما الفجر أذن يا ولد
    أوم بيني ننده على النايم
    والصاحي ناخده عندنا
    أصل الكلاب دايما بتنعث
    لما يأذن فجرنا
    تحية للشيخ أمين أخويا
  14. مصرى كُتب في
    أنا عارف السبب
    أنا عارف ليه حسنى مبارك بيعمل كدة فى القضاه علشان دى عقده نفسية عنده بسبب إن ابوه كان حاجب محكمة وكان القاضى بيديله على دماغه لو قال كلمة أكثر من محكممممممممه علشان كده العقدة كبرة وبقت كولكيعة كبيرة قوى ومن يومها وهو بيكره كلية الحقوق زى العما وإبتدأ ينتقم من القضاه وميخليهومش يشرفوا على الإنتخابات بل وخلى كلابه يعتدوا عليهم فى الإنتخابات ثم بعد كده إبتدى ينتقم من الدكتور أيمن نور وبعدين الدكتور نعمان جمعة ثم بعد ذلك الإعتداء على المستشارين وضربهم بالحذاء إللى أولى منهم إن هوه إللى يضرب بيه ولكن أنا لقيت إن الحل إن أحنا نغير الراجل إللى كل مرة بيركب له حته نعل جزمة فى مخه علشان كده مخه طخين قوى وغبى وقلت إننا نوديه المجزر الألى علشان نجيب له إكسسوار لمخه من هناك يمكن يقدر ينسى العقده الكبيرة قوى إللى عنده وما يحاولش إنه يتطاول على أسياده من القضاه والمستشارين ويخليه فى مسح جزم الإمريكان زى الأول أحسن له
  15. مصرى كُتب في
    دى قضية مصر كلها
    أعتقد أن الإعتصام حق للإنسان فى دولة حرة ولكن مصر دولة تحت الإحتلال ولننظر كيف كان الزعماء فى عصور الإحتلال لمصر يتعاملون مع المحتل والدفاع عن مصر وعن شرعية وجود المحتل على أرض مصر الغالية وهم جميعاً من الحقوقيين مثل مصطفى كامل ومحمد فريد وسعد زغلول وغيرهم كثير. فنظام الحكم الموجود فى مصر ليس نظام شرعياًلأن الرئيس حسنى مبارك لم يأتى للحكم منذ تولى الرئاسة بإنتخاب الشعب كما ينص الدستور وكان وجوده فى الحكم طوال هذه السنوات بالتزوير وما بنى على الباطل فهو باطل. ثانياً كيف للقضاء أن يرتضى لنفسه هذه الوقفة المستجدية فى دولة محتله كان من المفروض المطالبة بتحرير مصر وليس الإنتظار من المحتل أن يعطيهم حقوقهم التى سلبها منهم الذى هو من وجهة نظر القضاء المتهم الأولى على قتل السادات وكل الأدلة تشير إلى أصابعة الخفية فى ذلك وكان لا بد أن يسقط القضاء شرعية الحاكم فى وجوده فى الحكم. وأيضاً لما أصاب مصر من فساد وتدهور وإخلال بكل مؤشرات الحياة من بطالة وتعليم وصحة وقتله للحياة الديمقراطية لكى يضمن سيطرة على الحكم وهذه نفس سياسة المحتل ولكن الحل الوحيد الذى لا بديل عنه هو الثورة على هذا الفساد وخاصة أن الشعب كله مؤيد لكم وملتف حولكم ولكنه ينقصه القيادة وأنتم القيادة الصالحة التى يتمناها المصريين جميعاً فماذا تنتظرون هل تنتظرون أن يقضى عليكم الحاكم كما فعل فى الحياة الحزبية وبذلك تفقدوا حتى أحترام الشعب لكم لا امل الأن إلا بالثورة والشعب كله معكم وفى إنتظار شرارة البداية على أيديكم يا شرفاء مصر لنطهرها من هذا الفساد المتسرطن
  16. سمير المصرى كُتب في
    وشعب عديم السان
    القضاة الذين يدافعون عن اسقلالهم وعن شرف شعب غديم الشرف والسان غاب شعب مصر عن الدفاغ عن مصر غاب شعب مصر بلمشاركه من اجل شرفه ومن اجل كلمه حق اين ذلك الشعب انه تائه انه نائم بلا حراك وكائن الامر لا يعنيه فى شئ الدنيا تولع من حوليه وهو مش موجود...اين الشباب لقد اصبح الشباب تائه مع الدش والاغانى الخليعه القضة يا شعب ليس لهم فى الامر شئ الا انتم فاين انتم منهم انهم تركو منازلهم وتفرغو للدفاع عنا افلا يستحقون وقفه بجانيهم مهما كلف الامر...ولا الشعب خايف ان يقلع ملابسه او يهتك عرضه..اننا بلا كرامه فلزم على الحكومه ان تردعه..اذن لماذا الخوف والجبن ايها الشعب بيعت مصر وجردت من شركاتها ومصنعها وطرد اعمال ..بيعت مصر جمله وقطاعى ولم تجد من يقول لالالا..ولما وجدت الحكومه الشعب ساكت ولم يتحرك زادت فى غبائها واستحكمت ووافق حسنى اليهودى على تاجير سيناء لليهود...اين انتم يا ناس يا هموووووووووووووووواصحو فقو يا شباب ضائع فان الجوع قادم..وتاجير الدوله لليهود قادم...والله انا عمرى ماشفت ولا حشوف دوله للاجار
  17. fdjhj كُتب في
    fdjhj
    ghfjghjfh hfjghfjhg fjhghskghfs lkdgf h testetetetetetetetete test test test
    ghfjghjfh hfjghfjhg fjhghskghfs lkdgf h testetetetetetetetete test test test
العودة إلى الأعلى