انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

مواقف.. مع القضاة

ولاد البلدقراءة في ٣ د

عصام .. مصري في المونديال

هل كلامي غلط؟

أمي.. نهى الزيني!

تهييس.. قصة قصيرة جدا!

ممكن أعرف اسم أمك ؟

غضب الأساتذة يشعل مكتب الوزير

مواجهات بين حركة 9 مارس ووزير التعليم العالي

الخضيري : يا ريتني كنت معاهم!

اعتقالات جديدة لكفاية.. والمحاكمة شغالة

دماغ - ناس

لو فى يوم لقيت نفسك متضايق ومخنوق وملكش نفس تكلّم حد ومش لاقى حاجه تعملها .. إنزل الشارع إتمشى لواحدك و تأمّل فى الناس .. هتلاقى الموضوع مسلّى جداَ .. الشعب المصرى ده لذيذ طحن

26/04/2006

إيهاب علي – ولاد البلد:

- معملتش (دماغ - ناس) قبل كده ؟ ..

- ايه دماغ- ناس دى ..

- دماغ ناس .. زى دماغ قهوه .. دماغ حشيش .. تعمل دماغ " ناس".. بص ياسيدى ..

لو فى يوم لقيت نفسك متضايق ومخنوق وملكش نفس تكلّم حد ومش لاقى حاجه تعملها .. إنزل الشارع إتمشى لواحدك و تأمّل فى الناس .. هتلاقى الموضوع مسلّى جداَ .. الشعب المصرى ده لذيذ طحن .. دماااااااااااااااااغ

* هتلاقى ناس طالع عين أهلهم فى أتوبيس فيه 186 واحد والناس طالعين من الشبابيك والجو حر .. والناس لسّه بتركب وهى مبتسمه وحاسه بالكفاح .. وتلاقى واحده ست تخينه – غالباَ موظفة – دخلت وسط الـ 120 واحد اللى واقفين على الباب واخترقت الجموع فى براعة ورشاقة تحسد عليها ..

* بنت لابسه هدوم المدرسة ومزوغة ماشيه مع ولد – ممكن تحلف إنه مش هيلاقى شغل ولا بعد 100 سنه من شكله – وإن لقى.. أول حاجه هيعملها أنه يسيب البنت دى .. كفايه فقر بقى ..

* واحد ومراته - كبار فى السن – ماشيين على الكورنيش بياكلوا ترمس فى منتهى السعادة والأمتنان ومش عايزين حاجه تانيه من الدنيا ..

* واحد شكله تعبان طحن ومش لاقى ياكل، بس جايب أحدث "أوبايل" وبيتكلم فيه بصوت عالى فى وسط الشارع.. عشان هو حر ..

* واحد عمره ما شاف الزبدة فى حياته ولا يعرف بتستخدم فى أيه أساساَ .. عاملين معاه لقاء فى القناة الثالثة بيسألوه عن رأيه في مقاطعه المنتجات الدنماركية .. قلهم " أه طبعاَ انا مع المقاطعه دا واجب وطنى يا جماعه أنتوا بتتكلموا إزاى .. "

* واحد واقف مع خطيبته/صحبته قدام قفص الأسود فى جنينه الحيوانات بيقولها : " بصى .. أهو ده بقى أسد .. !!! " شاعراَ بأنه قد منحها العلم والمعرفه المطلقة وأسرار الكون ..

* بنات بكرش لابسه بديهات ستومك Stomach.. عشان دى الموضه ..

* أسره مكونه من 4 أفراد أب وأم وبنت شابه وولد فى أعدادى قاعدين فى Café .. طلبوا عصاير وشيشتين .. مين اللى شرب الشيش ؟! .. البنت وأمها .. أه والله .. الموضوع ده حصل قدامى .. !!

* من أسبوعين كده كان فى ماتش للأهلى و فريق تانى مش فاكره .. كان فيه 2 منقبات بيشجعوا فى المدرجات !! .. و واحده منهم كانت لابسه نقاب أحمر .. تشجيع بقى .. صباح التهييس ..

جرب أنت كمان تعمل دماغ ناس .. هتلاقى الموضوع مسلّى جداَ .. و أبقى قلنا إيه رأيك ..

• عادي.. عادي.. عاااااادي!

• آه

• ولاد "وسط البلد"!

• فلافيو .. و زمن اللعيب الكتيان

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. ضارب دماغ ناس كُتب في
    حلو طحن - خد دى
    موضوع حلو طحن ... و خد منى النفس ده من أخوك و شده على سيدرك .... مره كنت واقف على محطه أتوبيس فى رمسيس و كان الجو حار طبعا و الدنيا زحمة و كانت فى واحده ست قاعدة و بترضع إبنها الصغير و طبعا غير مبالية باللى رايح و اللى جاى و المهم واضح إنها كانت منتظرة الاتوبيس بقالها يجى 8 ساعات و طبعا مقدرش أأكد للأنى كنت منتظر الأتوبيس بقالى 6 ساعات بس ... المهم مرة واحد هبت من قاعدتها وواضح إن الأتوبيس جه بتاعها لاقيتها زى الغزال شالت الواد على كتفها و رمت زكيبه كانت شيلاها على الكتف التانى و من هول الفرحة و عدم تصديقها إنها أخيرا هتروح بيتها طلعت تجرى ورا الأتوبيس و نسيت لا مؤاخذه تدخل "فردة ثديها" و عايزكم بقى تتخيلوا المنظر - أسف طبعا على الالفاظ اللى ممكن تكون غير لائقه لكن فعلا ده اللى حصل ... و هأنزل أعمل دماغ و أجيلك أحكيلك على اللى شفته
  2. Yeah, I used to do this when I was a student, lots of fun. كُتب في
    used to do this
    I appologize for not having an Arabic keyboard
  3. لميس كُتب في
    أخبار الدماغ إية النهرضا
    في مصر الأيام دي بإت من العادات التومي تسمع في أي مكان لفظ (دماغ)لدرجت إنك من الممكن تتأثر بة وتأولة (ودا طبعا من كتر سماعك لية)فيترى بياخد معنى إية عند الشباب مية بالمية كل حاجة في الأهوى طيب عند الناس إل بتفكر في مستأبل مصر هيكون ععايز يعمل دماغ تصحي البلد من إل هيه فية وكفاية نوم بأة
    mlake_el7ob2010@hotmail.com
  4. نيفين كُتب في
    الموضوع حلو بس قديمه
    وشوش النالس حكتيات فيها الفرح و فيها اهات
    فيها اللى ما بيتسى و فيها اللى عدى و مر و فات
    الموضوع تحفه يا ايهاب
    حلو صحيح بس قديم بالنسبه لى
    انا من هواه الموضوع دا بس فى محطات السكه الحديد
    ف فتره من حياتى كنت متعوده اسافر بالقطار
    و الله على الفرجه على الناس ف المنحطات
    القطار الواحد بس يا جماعه بيضم ال3 طبقات بتوع المجتمع(دا على اعتبار ان الطبقه المتوسطه لسه موجوده و ما انقرضتش)
    جربو ف المحطات و هتدعولى
  5. مين إيهاب ده يا عم الألفطي؟ كُتب في
    سيادة المحافظ
    الموضوع رائع
    فعلا يخرب بيتك
    سلام
  6. ارحمنا كُتب في
    يا عم مجدي
    يا حج مجدي ارحمنا والنبي من تعليقاتك
    شكلك عقد ياه
  7. احمد كُتب في
    رحم الله عمر
    احسب والله اعلم بان كاتب هذا المقال لم يرد السخرية من الناس ولا من احوالهم بل يريد ان يعكس حجم المعاناة التي يواجهها الناس صبح مساء بينما الراعي ومن حوله يدندن ليل نهار بعبارة ( من اجل محدودي الدخل ) الذين لا يصل اليهم اي شيء فكل شيئ تبتلعه بطون الكبار وان وصلهم شيء فالفتات الذي زهد فيه الكبار لامن اجل سواد عيون محدودي الدخل ولكن زرا لرماد في العيون وانك حين تطالع مثل هذه الصور تترجم على ايام عمر الذي ارقته احوال الرعية فلم يغمض له جفن ولم يهدأ له نوم ولم يكتف بتقارير حاشيته عن الرعية - الصادقة طبعا لانها من حاشية اختارها عمر على اساس مبدأ الكفأءة والتقوى لا كتلك التي اعرفها انا وانت الان - فقام يتفقد احوال رعيته ليلا وبينما هو كذلك مر بامرأة حولها اولاد يبكون وامهم جالسة امام قدر على النار فسألها- ولم تكن تعرف من هو - عن سبب بكائهم فاجبته بانهم يتألمون من شدة الجوع فسألها وماذا بالقدر ؟ فقلت : لاشيئ سوى الماء يغلي احتال به فيظنونه طعاما ينتظرون نضوجه ولايزالون كذلك حتى ينهكهم التعب فيناموا ثم اردفت جوابها قائلة : اين امير المؤمنين ؟ تولى امرنا ولم يرعنا عندئذ هرع امير المؤمنين الى بيت مال المسلمين فحمل زيتا ودقيقا على ظهره ثم جاءهم وأبى الا ان يعد لهم الطعام بنفسه فأطعمهم حتى شبعوا ففرحوا ومرحوا ثم غلبهم التعب فناموا فما كان من المرأة الا ان قالت له بعد ان رأت صنيعه لأنت اولى بالخلافة من عمر فقال لها : وهل تعرفين عمر فقالت : لا عندئذ كشف لها عن هويته . وهو القائل : لو ان بغلة ( !!! ) بالعراق تعثرت لسألت عنها :.< ًُُُلُُُم > بكسر اللالم وفتح الميم< لم> بفتح اللام وسكون الميم تمهد لها الطريق ياعمر . خليفة كان يخشى ان سأل عن حق حيوان في طريق ممهدة فما بالك بمن س
    اقرأ بقية التعليق ..
  8. sara كُتب في
    احلى حاجة
    حلو اوى الموضوع بس جاء متاخر اوى لان فى ناس كتير بتعمل دماغ ناس وانا منهم ودة بيبين انى الشعب المصرى شعب ابن نكتة فى عز الازمات وبتضحك وتنكت ودى احلى حاجة فى الشعب المصرى
  9. واحدة وخلاص......بس مصرية جدا كُتب في
    اسأل مجرب
    صدقني احلى دماغ تعملها
    بضم صوتي لصوتك يا إيهاب
    جربوا انزلوا الشارع واتفرجوا ...حتشوفوا العجب
    انا شخصيا لما بشوف الحجات دي دايما بيبقى عندي تعليق واحد بس (هم يضحك وهم يبكي)
    وبستغرب من قدرة الشعب المصري على التكيف مع اوضاع (غير آدمية بالمرة)
    طب والله الشعب المصري ده ملهوش حل (عبقري وحيفضل عبقري طول العمر) .. ومتنسوش ان بين العبقرية والجنون (شعرة) .. وربنا يسترها معاه
    مقالك حلو قوي يا إيهاب والصورة رائعة وعاجبني تعليق الأخ مجدي
    و.......خلي الدماغ صاحي.......سلام
  10. smsm كُتب في
    بسم الله الرحمن الرحيم
    دعاء
    اللهم إني أستغفرك لكل ذنب
    .. خطوت إليه برجلي
    .. أو مددت إليه
    يدي
    .. أو تأملته ببصري
    .. أو أصغيت إليه بأذني
    .. أو نطق به لساني
    .. أو أتلفت فيه ما رزقتني
    ثم استرزقتك على عصياني فرزقتني
    ثم استعنت برزقك على عصيانك
    .. فسترته علي
    وسألتك الزيادة فلم تحرمني
    ولا تزال عائدا علي بحلمك وإحسانك
    .. يا أكرم الأكرمين
    اللهم إني أستغفرك من كل سيئة
    ارتكبتها في بياض النهار وسواد الليل
    في ملأ وخلاء
    وسر وعلانية
    وأنت ناظر إلي
    اللهم إني أستغفرك من كل فريضة
    أوجبتها علي في آناء الليل والنهار
    تركتها خطأ أو عمدا
    أو نسيانا
    أو جهلا
    وأستغفرك من كل سنة من سنن
    سيد المرسلين وخاتم النبيين
    سيدنا محمد صلى الله عليه وآله وسلم
    تركتها غفلة أو سهوا
    أو نسيانا أو تهاونا أو جهلا
    أو قلة مبالاة بها
    أستغفر الله .. وأتوب إلى الله
    .. مما يكره الله
    قولا وفعلا .. وباطنا وظاهرا
العودة إلى الأعلى