ماذا لو انطفى النور..
السؤال اللي سأله واحد صاحبنا (متعرفهوش) هو : .. طيب ولما النور يطفي.. نعمل إيه؟
26/04/2006
اتصالات وايميلات ومشاركات عديدة نتلقاها طول لـ24 ساعة الماضية.. أولها ميل شيك قوي يتضامن مع حملتنا، وآخرها مكالمة من ظابط أمن دولة قال على نفسه إنه مهندس كهرباء.. (ما دام إنت ظابط.. تنكر ليه .. ها),,
السؤال اللي سأله واحد صاحبنا (متعرفهوش) هو : .. طيب ولما النور يطفي.. نعمل إيه؟
الحقيقة السؤال كان محرج مووووت.. إحنا رتبنا لكل شيء في الحملة، ما عدا موضوع نعمل إيه لو النور إنطفأ.. لكن كالعادة.. قعدنا وفكرنا.. وطلعنالكم بكام فكرة تقدروا تعملوها في الساعة اللي النور فيها هينطفئ..
* فك التلج اللي في الفريزر:
إحنا داخلين على صيف، والفريزر مليان تلج، افصل التلاجة وأقعد الساعة دي جنب التلاجة واتفرج عليها وهي بتفك..
* كلم خطيبتك في التليفون :
النور قاطع، والجو رومانسي، اقعد كلها على كل مشاعرك تجاهها، بس لاحظ إنها لسه خطيبتك ومفيش بينكم أي علاقة شرعية..
* عاكس في التليفون:
امسك السماعة واطلب أي رقم، وأقعد كلمهم عن حملتنا وأفكارنا، وقلهم على اللي بيحصل في مصر وعلى اللي حصل في نادي القضاة للمعتصمين..
* صلي:
صلين وأدعي لمصر كتير، وأطلب من ربنا إنه يحافظ على البلد دي، مين عالم، يمكن تكون الرجل الصالح اللي دعاءه يكون السبب في رحيل الرجل الظالم.. وأنت فاهمني!
* افتح شبابيكك..
خلي الناموس يخرج، وبعد الساعة اقفل الشباك واستمتع بليلة هادئة هانئة من غير ناموس.. بس غالبا يمكن الفيران تدخلك من الشباك نفسه..
* اقعد في البلكونة:
هو احنا ليه بطلنا نقعد في البلكونة، ليه بطلنا نستمتع بالجو مننا للسما، للقمر، للجيران..
اقعد في البلكونة بص للقمر، وشم الهوا، واعرف الفرق بين الحبس بين الحيطان، والقعدة في ساعة نسيم، وفكر إن مصر كلها محبوسة بين أربع حيطان..
* اتفرج ع التليفزيون:
ولو عندك فيديو اقعد اتفرج على فيلمك المفضل، او على شريط فرحك، اقعد فكر قد ايه انت كنت عندك أمل في مستقبلك ساعتها.. أما دلوقتي..
إيه كل الوسائل دي.. إيه ياعم.. دي ساعة عشان مصر، طفي فيها النور واقعد مكانك متعملش أي حاجة.. اقعد عيط على وضعنا الهباب.. أو انزل الشارع لو انت ايجابي وجامد وخلي الناس هي كمان تطفي النور ..
وطفي النور يا بهية.. كل العسكر.. حرامية
• عاجبني.. وهتضرب!
• فضحية سرية للداخلية
• يا حكومة لا تقرصيني ولا عايز عسل منك
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
فعلاٍٍٍٍ احنا محتاجين نطفى النور بجد نقعد قاعدة صراحة و نعمل حوار صريح مع نفسنا يمكن ربنا يفرجها من عنده ونقدر نعمل حاجة لبلادنا اللى مظلومة فى الدنيا واحنا كمان مظلومين معها انابجد ساعات كثير قعد اعيط مع نفسى على البلد وقعد اقول لنفسى يا ترى بلدنا هتنتهى ولو انتهت يبقى امتى والساعة كام ويترى احنا هنكون عايشين بس عشان البلد دى تتصلح ابدائوا بالشباب احنا عندنا شباب كتير ضايعة ما بين المخدرات وروبى,دانا,نانسى,هيفا,تينا,ماريا,video clipsجاد شويرى,التعليم,البطالة ولو انتوا شباب يعنى سنكوا أقل من27 انا هفرح لانى فى شباب بتحب البلد بجدوربنا يوفقكم
معناها إية نطفى النور للناس إل غوية تضييع وأت هتخدها بمعنى مفيش مزكرة مفيش شغل مفيش أي حاجة في بس نعد ناكل عشان الأكل إل في الثلاجة ميخربش (خصارة )
أما لما يكون معناها إعادة التفكير في المستأبل والحلم المصري( فلحكومة هتأول بلاش منه أحسلك خلي النور شغال والكهربة على الحكومةولا يهمك )كدب
أما بأة في جو الرمانسية فدا بس للحبايب بس الناس إل مجروحة وعندها بأس هتعد تعيطعلى بختها
أما الناس الهااااااااااااي فمهتسدأ كل واحد يأضلو ساعة يعاكس فيها من ورى السيتار
أما عني أنا فمشهأول إني مش هعد أغني ظلموة بس بعد التفكير و العياط على حال مصر هنزل الشارع و هصوة وهأول(إصحو مصر بتضيع وإحنا بنضيع معاها ،مصر محتجانا يا ناس )
و ده مش كلام رومانسى
لا بجد
قضى ساعه و انت بتتفرج على شمعه بتدوب قدامك علشان تنورلك
الشمعه
الكائن الرقيق الجميل اللى بيحرق علشان غيره
و مفيش مانع فعلا نعيط على وضعنا الهباب و احنا بنتفرج على الشموع
البلد دى راحه ف داهيه
target="_blank" style="colorreen;">يلا نضلم مصر عليهم
target="_blank" style="colorreen;">إنه عاري
بسم الله الرحمن الرحيم
اهم حاجةفعلا التربيه الصح وده امانةتقع علي عاتق كل اسره0