إنه عاري!
وقال الملك أنه سيحتفظ بالثوب ليكون مفاجأته لشعبه يوم عيد ميلاده..
27/04/2006
الأسطورة القديمة تقول الآتي..
ملك طاغية.. تعرض لخديعة من ترزي "أجنبي".. أقنعه أنه سيصنع له ثوب يناسبه تماما.. يجعله على راحته، في حين يراه الجميع أشيك ملك في روكسي.. (واخد بالك أنت من روكسي دي)..
أقنعه الترزي أن الثوب شفاف، مختفي، لا يراه إلا المخلصين له، والأمناء عليه، لبس الملك الثوب، ووقف أمام المرآة، وشاهد عورته، وهم بالصراخ في وجه الترزي لكنه خشى أن بعلم رجاله أنه هو نفسه غير مخلص لنفسه ولا أمين على ملكه، سكت الملك، في حين هللت حاشيته بجمال الثوب وروعته، ونال الترزي على ذلك مكافأة سخية..
وقال الملك أنه سيحتفظ بالثوب ليكون مفاجأته لشعبه يوم عيد ميلاده..
ويوم العيد.. حشر فنادى.. لكنه لم يقل أنه ربهم الأعلى.. لأنه ملك أفعال لا أقوال.. وهو يعلم والشعب كله يعلم أنه ربهم الأعلى.. فهو رب الدولة وأمن الدولة ونظام الدولة واقتصادها وأحزابها ولجنة سياستاها..
وجاء يوم العيد.. وخرج الملك على شعبه عاريا.. لكن لأن الشعب يعلم أن ملكه دائما على حق، ولأنه يعلم أن الملك لن يتأخر أو يتردد في أن يعاقب الشعب كله لو أغضبه في يوم كهذا..
كل المحيطين به أخذوا يشيدون بالثوب الفاخر الذي يرتديه الملك.. كلهم أخذوا يصفقوا للترزي الفنان الذي جعل الملك يرتدي للمرة الأولى ثوبا يناسبه تماما كهذا..
كل المحيطين كذبوا عليه، لكن في اللحظة ذاتها كان هناك طفل صغير، تقول الأسطورة أنه جاء من آخر البلاد ليشهد الاحتفال بعيد ميلاد الملك..
وتقول الأسطورة أيضا أنه ابن لأب وأم فقيرين، الأب يعمل حطاب، ظهره مثني دائما لأسفل من أثر حمله المستمر للخشب، والأم تخرج كل صباح للسوق تبيع ما تبيضه فراخها اللاتي تخبئهن في منزلها لأن رجال الملك يقضون على أي طيور في البلاد بعد أن تفشى مرض خطير فيها..
الأب والأم استجابا لرغبة الابن الوحيد في أن يذهب ليحتفل بميلاد الملك، لقد علموه في المدرسة أن الاحتفال بيوم عيده واجبا وطنيا وقوميا، وأن يوم عيد الملك هو عيد لكل المصريين (ده في الأسطورة برضه.. أصلها أسطورة مصرية)...
وقف الطفل وسط الناس المحشودة لرؤية الملك، وكان هو الوحيد الذي رفع إصبعه الصغير في وأشار إلى الملك قائلا... أبي.. أمي.. انظروا إلى الملك.. إنه عاري!
وبهت الملك.. كيف رأى الطفل عورته، كيف انفك سحر الثوب، وهنا بدأ يدرك أن الترزي خدعه، التفت حوله ليبحث عنه، لكن كما تقول الأسطورة فإن رجال الملك يظلون دائما بجواره حتى النهاية، أو لو شئت الدقة.. حتى قبل النهاية بلحظات، وحين تحين الساعة.. يختفي الجميع.. وهو ما حدث..
رغم أن الأسطورة لم تقل لنا ماذا حدث بعدها، إلا أن الأقاويل تتردد عن أن الشعب استغل غياب رجال الملك من حوله، وتقدم كل واحد منهم يحاول أن يغطي للملك عورته، وأثناء ذلك، ولأن الملك يعاني من ضيق في التنفس، اختنق الملك، ومات!
لكن الجزء الأخير من الأسطورة يحذف دائما بحجة أنه مشهد عنيف ولا تجوز حكايته للأطفال.. لكن بما أن الأطفال كبرت، والملك مازال عاريا، فسنحكي لهم القصة..
أنتم يا أصدقائي الحلوين، تعرفون جيدا من هو الملك..
لكن ما نحتاج أن نفهمه جميعا هو أنه عاري بالفعل، وأن بقاءه بدون ملابسه عار علينا جميعا..
أهالينا علمونا في صغرنا أن "الوقفة من غير هدوم عيب، وميصحش حد يشوفك كدة".. والقانون يقول أن من يفعل ذلك فقد ارتكب فعل فاضح في الطريق العام.. والملك لو فعل ذلك فقد ارتكب فعل فاضح في حق شعبه..
على العموم ما زالت الفرصة أمامنا لنتأكد من عريه.. لو كنت تعرف ومتأكد أن الملك عاري، فأرسل لنا مظاهر هذا العري.. صورة.. قصة.. تصريح.. أغنية.. وتعالوا نهديها للملك في يوم ميلاده.. فلعلنا نكون الطفل الصغير ابن الحطاب وبائعة البيض..
وكل سنة وأنت (...) يا ملكي!
عدد التعليقات : 80
• هنا يرقد أجمل المصريين
• السواركة.. مانديلا العرب
• رباعية في المئوية الأهلاوية
• مائة عام.. أهلي!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
لو ما كانش عاري امال فين ايمن نور ونعمان جمعه الي كانو مشعللينها نار ايام الانتخابات
اللي شفته النهاردة ... عند نقابة المحامين ...ونادي القضاة...
يقول لنا إنه خلاص ... خلع آخر قطعة ثياب مان يغط بيها مفسه ....
اللي حضل النهااردة اثبت ....إنه لا لابس هدوم .... ولا معاه هدوم ....
ولا يعرف اساسا ... يعني إيه هدوم ...
إنه عاري ... وعشان كده ...
لا للتمديد ... لا للتوريث ... نعم لتعديل الدستور المصري
mohamedmat@hotmail.vom
لا كمان ان نسيت يا محمد الخبر الجديد بتاع اعتقال حسين عبد بالغني مدير مكتب قناة الجزيره هو الحقيقه كان اختطاف مش اعتقال لانهم خدوه بالملابس الداخليه وزقوه جوه عربيه ميكروباس من سيناء لحد مباحث امن الدوله وحتي رفضوا ان الراجل يقضي حاجته ويروح للحمامولولا الجماعه بتوع نقابة الصحفيين لحقوه فعدلوا الاحوال معاه شويه
الطريف بقي في الموضوع ان التهمه هو نقل اخبار عاريه من الصحه
هو ايه حكاية عاري ده النهارده هي كترت في الكلام كده ليه
ياله بقي امشي لحسن الواحد ياخد برد
شاهد فض اعتصام القضاة بالقوه
المصدر :الوعي المصري
جلالة الملك مش عاري .. جلالته ملط بس
ودي دلالات التمليط اللي هو فيه:
1. ملك مملكة نيبال (مكان في آسيا أصغر من بولاق أبو العلا) استجاب لطلبات المعارضة قبل أن يستجيب جلالة ملكنا لطلبات كل الشعب
2. جلالة ملكنا عنده اصرار غريب ان كل حاجة تتعالج بالقوة: أهالي ضحايا عبارة الموت اتطحنوا ضرب من الأمن المركزي .. بدو سينا شبعوا تعذيب واتاخدوا صالح على طالح .. مظاهرات الاخوان وكفاية والصحفيين والمحامين واساتذة الجامعة والقضاة كلها تعالج بالسياط
3. جلالة الملك مصمم انه يخلي كل واحد فكر في يوم انه يكون ند ليه مصمم انه يخليه يندم على اليوم اللي اتولد فيه .. فين أيمن نور ونعمان جمعة .. طبعا كلنا عارفين الصباحي راح فين الله يرحمه :)
4. جلالته عامل عبيط وبيقول ان اهم حاجة عنده المواطن محدود الدخل .. لكن ماذا عن مهدود الدخل؟
................... زهقت .. الله يخرب بيتك يا فرعون انت وهامان وابنك مطرح ما روحتو
انا شايف انه لابس جلابية بس الجلابية مليانة مليانة بقع بقع بقع, بقع بقع بقع... واخرام كمان
وبكرة آوان الغسيل وان ماكانش الجلابية تقع من كتر البقع فلازم تنخلع عشان تتنقع
لأن النهاردة ماعادش فيه لبس من غير بقع.
بس ولا أى نقع ولا أى مسحوق ممكن ينظف ذى كده بقع.
فى قصة آدم وحوا لماعصيا ربهما, ربنا
قال:"فبدت لهما سوءاتهما"....
واضح ان من عقاب المعاصى ان الجلباب ممكن يقع.-هيتعرى هيتعرى-
وآه من المعاصى, فى أكثر من ظلم العباد, كل العباد. مش كده وبس ده كمان قضاة العباد.
مش كده وبس وبس, ده حتى هامان -مش عارفينه؟!- هامان بن كمان بن شاذان, اترمى فى ارض النسيان عشان نغه ابن نوغان يقعد مكان السلطان
وعجبى ......
Yes he is nacked to us and to everybody allover the world.He and his "family" are a shame to Egypt!!! When will this play end??? Do they really believe that the crown prince will govern Egypt??? Enough!!!
مبارك امبارح في كلمته بمناسبة عيد العمال ( مش عارف قبلها بكام يوم ليه ؟) :سنستمر في مسيرة الديمقراطية
تجيب الجزيرة تلاقي الضرب و اهانة نقيض الديمقراطية
انا لست من الاخوان ولا ااؤيدهم بل انا في قراره نفسي غير مقتنع بفكره الانتخابات
لكن ما رايته راي العين ما حدث في الانتخابات النيابيه الاخيره ضد مرشحي الاخوان لهو اكبر دليل علي تعريه هذا النظام
يا جماعة ايه فايدة كل الكلام ده
حتي لو عاري هيحكمنا عريان مفيش مشاكل
مبارك هيفضل يحكم لحد ما يموت او علي اقل تقدير لحد ما ولايته الخامسة تخلص وبعدها هتطلع مظاهرات ( ماجورة طبعاومليانة بلطجية ) تنادي بجمال مبارك وتسمع شوية اراء من مثقفين الحزب الوطني تقول ان جمال هو اصلح واحد دلوقتي لانه طيب وابن حلال وزي القمر وبعدين يظهر صفوت الشريف في التليفزيون او اي حد مكانه يقول ان الحزب الوطني من حقه ان يشارك في الانتخابات بممثله جمال مبارك وليس ذنب جمال ان ابوه حسني مبارك وبعدها تحصل الانتخابات وجمال مبارك لوحده ويفوز !!!!
هييييييه
شفتوا الحدوتة حلوةازاي
وكل الي انتوا بتعملوه مالوش لزمة
يلا سلام
مفيش فايدة
Dabdoob
يا جماعه هوه معزور برضه راجل ماشى فى ملكه (اعنى مصر) ما هى خلاص معدش لنا حق فيها واكنها ورث عن الوالد الله يرحم والديه
بجد الموضوع جميل جدا جدا جدا واسلوبه رائع
وم لاقية كلام اقوله
اصل انتوا قولتوا كل حاجة
يا عم الراجل بلغ من العمر ارخمةوليس علية حرج وبعدين يعنى هنشوف فية اية يا حسرة يعنى لابس قالع هو مفضوح وخلاص بحكمة واحكامة ياعم خليها ملط يمكن ياخد لطشة برد تريحنا
لابد أن يكون فى مصر رأى عام أكبر وأوعى من ذلك,ان هذا ال0000 لم يحكم هذا الوطن طيلة تلك السنين التى لاتقبلها الحمير الا لأنه لم يجد الا من يفضلوا أن يسيروا داخل الحائط وليس بجواره , لم يذكر التاريخ كله من بدء الخليقة حتى يومنا هذا شعبا نال حريته دون أن يقدم تضحيات مهما كانت فادحة ولا مجال للتضحيات الا من شعب يدرك معنلى الحق والمبدأوالحرية ولا يخشى نباح الكلاب وأنما شعب لا يرى الا هدفه , اننا شعوب تعيش بلا حلم بلا مبدأ بلا روح هانت علينا أنفسنا فهنا على حكامنا , هل يوجد شعب يباع ويشترى على مرأى ومسمع منه على وجه هذه الأرض الا نحن , اذا كنا نريد أن نتحرر من هذه الطغمة فلابد أن تكون لدينا المعرفة الكافية بالحقيقة وأن نكون متقبلين للنتائج
خلاص ياجماعة الحمدلله فُُرجت لأن الملك خلاص دق آخر مسمار فى نعشة بغباوته وبسير الأحداث الأخيرة كلها(الأسعار الغير محتملة,الفساد للركب,إبنه ومراته إللى محدش طايقهم,تلفيق تهم أيمن نور,البنك الدولى ومنظمة الصحة العالمية هزأوه وقالواإعلن بشفافية عن أنفلونزا الطيور وإحنا نعوضك وبعدين إديلوه على قفاة بعد ما خرب بيت الناس , العبارة وفسادها وفساد صاحبه الأمين شريك ممدوح, إصراره على العادلى بعد كذا غلطةكلفت مصر مليارات فى حين إن أول غلطة لحسن الألفى فى الأقصر عزله مع إن الحقيقة إن العادلى كان مسئول أمن الدولة وهو المسئول الأول عن أحداث الأقصر وبرغم من ذلك كافأهه وعينه وزير الداخلية, ومروراًبالإنتخابات الرئاسية المهزلة وتزوير إنتخابات مجلس الشعب ثم آخر مسمار فى نعشه الجنان إللى عمله مع القضاةوبكرة أفكركم إنه فى خلال شهر بالكتير حيغور فى داهية هو وعيلته وحاشيته القذرة.ليه فى خلال شهر لأن السادات الله يرحمه لماإتجنن وهاج على كل المعارضين فى سبتمبر مات فى أكتوبر وقلت لكل الناس إللى أعرفهم إن السادات دق آخر مسمار فى نعشة ومات بعدها بشهر أنا دلوقتى بقول لكم إن الملك دق آخر مسمار فى نعشه بحركة القضاء وقابلونى بعد شهر إن شاء الله بعد ماتزول الغمة
ليس كافياً أن نسرد كل أخطاءه لا زم نكون إيجابيين أكثر من كده ليه ما نحاولش نعمل إضراب جماعى يعنى كلنا نعمل زى القضاء يعنى عصيام مدنى ده هايشله تماماً أمام العالم كله ليه منعملش نداءات بعدم شرعية حكمه لأنه لم يأتى للحكم بالإنتخاب كما أعلن الدستور ليه ما نقولش أنه مش عايز يخلى له نائب علشان ما يتكررش إللى هو عمله فى أنور السادات لازم يفضح والعالم كله يعرف أنه غير شرعى وإنه ناهب مصر هو وزوجته إللى ناهبة فلوس الجمعيات النسائية الوهمية ونهبة فلوس مكتبة الطفل إللى بيجيلها إعانات كثير قوى وهى بتأخذه كلها فى حساباتها بره ليه منقولش عن فساد إبنه وإن المفروض أنه ميشتغلش فى البزنس طالما يعمل فى السياسة وثروته جابها منين وتفضح صور إدمانه هو وأخوه لا زم تكون حملتنا مش بس آراء وكلام لازم نبذل مجهود إيجابى جماعى أكثر من كده لو أحنا فعلاً عايزين نكون إيجابيين ونعمل حاجة علشان مصر.
لو مكنش عارى مكنش وعد بالغاء قانون الطوارء ورجع فى كلامه
كان عايز يلبس لم يجد سوى احمد نظيف
طلع المقاس واسع علية
لازم نعمل حاجة ايجابية
خدع نفسه بنفسه من البدايه وصدق شخص غريب ووثق فيه على حساب نفسه وشعبه
والي يكذب عيونه الي فراسه دا مش عارف اصلا هو مين ولازم يعمل ايه
لا الوم الشعب حين صفق لانه يرا الملك ملك ب اوبلا ملابس
والطفل يرا بعين مجرده من المجامله المجاراه
لايحكمه ملك ولاغيره انما الحقيقه والفطره ثم لم تمنعه برائه الطفوله من التصريح بما انكره بصوت عالي وساخر دون اعتبار لما حوله فقد راى الحقيقه بعين الحقيقه وليس من داعي لانكارها
واكاد اقسم لوان احد ابويه يدري ماكان سيقول الطفل لقرصه قرصه تطلع روحه
لم يرتدى أى ملابس تسترة فى يوم من الإيام لأن الذى كان يرتدية هو رداء الخزى والعار والكذب الذى إرتداه يوم قتل السادات ولم يخلعه إلى الآن يوم أن قال أنه سيستمر لفترتين وكانت كل الشواهد تؤكد كذبه لأنه لو كان صادق لوضع بند فى الدستور ألا يستمر الحاكم إلا لمدة دورتين رئاسيتين ولكنه كان يستخف بالشعب وإرتداه يوم قتل 16 ظابط وإرتداه يوم أن عين كل الوزراء من حثالة المجتمع حتى يتمكن من سرقة البلد ونهب الثروات وإرتداه يوم أن سمح لزوجته وإبنه بمساعدته فى نهب البلد أكثر وأكثر وإرتداه يوم أن باع مصر لأمريكا وإسرائيل ليضمن بقاءه فى الحكم وإرتداه يوم أن حاول توريث مصر لإبنه المفتقد للأهلية سيء السمعة المدمن الناهب لمصر كلها ولكنه سيبدله بكفن أشد قسوة عليه من هذا الرداء القذر الذى يرتديه.
أنه ليس عارى ولكن ثوبة الفاسد بدأ يتمزق وبدأ يتعرى أمام الشعب ويظهر حقيقة ما تخفيه ملابسه الرثة الحقيرة وأصبح وأضحاً جلياً أمام الشعب فساده ونهبة وحراسته للفسدة من حوله ولتزويره الإنتخابات لضمان بقائه إلى الأبد ومحاولة توريث أبنه المرفوض من الشعب كله ناسياً أن هناك رداء سيرتديه مجبراً وليس له أى جيوب ليضع ثروته معه وهو يرتديه هو الكفن الذى ينتظره وهو يعتقد أنه مازال باقياً للنهب من مصر والقمع والفقر والبطالة للشعب ولن يإخذ معه إلا دعاء المظلومين وأبناء المعتقلين ليلاقى كل ألوان العذاب وحسبى الله ونعم الوكيل.
عاري عن كل حق عن كل دين عن كل شريعة او قانون ده بلطجي وعارف وبجح ومش هامه وعاري على عينك يا تاجر ويا فلاح ويا عامل ويا غلبان مش لاقي ياكل
والله العظيم ما كرهت حد في حياتي قد الراجل ده
اسف اقصد جلالة مولانا الملك هدم الله ملكة واسكنه فسيح الدرك الاسفل من النار
بس ان شاء الله لو ما اتعزلش ها يموت اعتقد ان عمر الانسان العادي بيبقى من 70 ل 80 سنة بالكتير
ولو انه لو يقدر يشتري عمر على عمره علشان يقضي على مصر خالص كان عملها
فعلا موضوع يشفي الصدر
ويخلينا ننام مرتاحين وتاركين همنا على غيرنا
ياجماعة المواضيع هذه القصد منها تنويم الشعب في العسل وانو في ديمقراطية وخليكو نايميين لأنو في ناس بتتكلم عنكوا
يا سيدي انت وهي ده راجل قصدي ده عيل وتعرف كده من كلامه لان الراجل مابيرجعش في كلمته عيييييييييل وعاملها علي نفسه كمان
بالحق فين ال 4 مليون فرصة عمل يا عم العيل
نعم اقتربت الثورة الشاملة علي هذا الفساد والسرطان الذي يجب بتره من مصر, والي الابد........
باسم سبعة مليون عاطل
ربنا ينتقم منك يا بايع البلد يا حسني مبارك العميل
لا تظلموا الرئيس حسني مبارك لاننا الشعب هم المغفليين , فالرئيس مبارك لم يصدق شعبه طوال فترة حكمه , فلماذا ننتظر فرص العمل الوهمية التي وعدنا بها
الحق علي الشعب انه ساكت , واذا طال سكوته سيمسك ابنه جيمي مبارك الحكم لفترة 30 سنه اخري , وليذهب شباب العاطلين الي الجحيم
باسم دم الف مصري اصبحوا وجبة دسمة لاسماك القرش , ربنا ينتقم منك يا مبارك الفساد مبارك الاهمال مبارك الطواريء مبارك الفقر مبارك الخصخصة مبارك البطالة مبارك الغذاء المسرطن
يومك اقترب ياعميل اسرائيل وامريكا
بسم الله الرحمن الرحيم
والصلاة والسلام على اشرف المرسلين أما بعد
أود أن يلتزم شباب مصر بحسن الاخلاق والتى اوصى بها رسول الله صلى الله علية وسلم .
يا جماعة عمر ما فيه قضية بتتحل بالشتيمة والالفاظ الغير لائقة وخاصة مع ولى الامر . حتى لو اختلافنا مع الرئيس لكن لابد ان يكون هناك أسلوب للحوار وخاصة مع مكانة سيادة الرئيس محمد حسنى مبارك ،وممكن عن طريق موقع زى الموقع دة وعن طريق تعليقاتنا المحترمة يوصل صوتنا للريس يحاول يتفهم مشاكلنا مع مجتمعنا المصرى بدون أهانات بدون خروج عن مبادئ الأدب .......
يل ينفع تكلم والدك او مدرسك او معلمك بأسلوب يشبة الاساليب السابقة من الحوار البذئ .
كمان الفصاحة فى الحوار ممكن توصل الحق لأصحابة زى قصة القروى الفصيح إللى أكل حمار الملك زرعه وظل يشكو الملك فى كل مكان حتى سمع عنه الملك وطلب منه ان يقول شكوته واعجب به الملك لفصاحة لسانة وأغدقة بالهدايا والكنوز . طبعا الهدف من قصتى مش ان الريس يسمع كلامنا الحلو فيدينا وظيفة أو منحة بس الهدف أن الاسلوب فى الحوار ممكن يحقق ما نحلم به جميعا
أشكركم على اعطائى المجال .
أقول لدودو العجيب لا تطلبوا بالضعف حقاً ضائعاً ما للضعيف الحول من أشياع فهل لا يعرف سيادة فخامة الرئيس حسنى مبارك هو عامل إيه فى الشعب وفى الشباب حتى ننتظر أن يتعطف ويتسامح ويسمح بفرص عمل للشباب العاطل وهل لا يعرف الإموال المهربة من مصر الذى زاد بها أرصدته بره هو وإبنه وزوجته وهل لا يعرف كم الفساد الصادر منه ومن الفسدة من حوله يا أستاذ دودو بص للدستور إللى قال أن الحاكم يسهر على مصالح الشعب هو الرئيس بيسهر بس مش على مصالح الشعب لكن على مص دم الشعب وكمان الدستور بيقول إن الرئيس ييجى بالإنتخاب وده عمره ما جاء بإنتخاب الشعب لكن جه بقهر الشعب وتزوير الإنتخابات يبقى وجوده باطل وغير شرعى ويبقى الرئيس بتاعك ده يشوفله مكان تانى يقعد فيه بعيد عننا ولا أحنا هانكلمة ولا أمه تكلم أمنا وكل واحد من حته ومش عايزينه وكفاية عليه كده هو بيحكم مين بالضبط بيحكم شعب رافضه وبيقوله إن الزعيم أحمد عرابى قال لقد خلقنا الله أحرار ولن نورث بعد اليوم يعنى خليه يهدى بقى هو وإبنه المتخلف عقلياً ويعرف إنه عمره ما ها يحكمنا وكفاية علشان أنا تعبت
لن تحل مشكلة البطالة في مصر الي بالتخلي عن جيوش العواجيز اسف قصدي المستشارين الذين تعدوا سن الستين والسبعين ومازالوا يعملوا بمرتبات تصل في بعض الاحيان الي 70 الف جنية شهريا وبحد ادني 3500 جنيه شهريا, فمرتب واحد فقط من هؤلاء المستشارين قادرعلي توظيف العشرات من الشباب في بداية السلم الوظيفي ب250شهري فلماذا تحتفظ حكومة مفيش بكل هؤلاء المستشارين ولا تتاح الفرصة للشباب وهم قاطرة التنمية لهذه البلد بدلا من ان يصبحوا ارهابيين
دودو العجيب علي راي احد المعلقين وعلي راي المطرب خالد سليم (انت اكيد من عالم تاني ) يا دودو
على فكرة ده هوه إللى عرى نفسه بنفسه يوم لما باع البلد للأمريكان واليهود علشان يضمن وجوده فى الحكم ويوم لما حط شعبه فى المعتقلات الشعب إللى كان ممكن يستر عورته لكنه هو لم يحاول فى يوم من الأيام أن يحتمى بشعبه ولكنه طلب من أمريكا أن تحميلة لأنه عارف كويس قوى كمية فساده هو وحثالة المجتمع إللى حواليه وعارف إن الشعب مش طايقة من أعماله القذرة ونهبة وسلبه فمثلاً الزعيم الشريف أحمد عرابى قال لقد خلقنا الله أحراراً ولن نورث بعد اليوم عارف قالها لمين يا عميل الأمريكان واليهود قالها للقنصل الإنجليزى والقنصل الفرنسى وكانوا بيحاولوا يرضوه علشان يبقى عميل ليهم لكنه فضل يبقى حر ويدافع عن شعبه دى حته ثقافه بس علشان أنا عارف إنك متعرفش غير النهب والسلب يا حيوان
شباب محدش لقى دوله اسمها مصر ضايعه اصلى بدور عليها من خمسه وعشرين سنه يا ريت لو حد عثر عليها يبلغ الشعب المصرى بسرعه اصله بيدول عليها هوه راخر ملعون ابو العيشه كده انا مش عاوز ابقى مصرى لو دى هى مصر مش عاوز ابقى مصرى لو ده حاكمها مش عاوز ابقا مصرى لو دى قوانين مصر يا رب ابعتلنا الى يقدر يغير
إذا لم تستحى فأفعل ما شئت
هو فاكر نفسه كان ها يقدر يدارى سرقته ونهبه عن الشعب لكن فساده كان معروف من أول يوم جاء الحكم فى ظروف مشبهوهه والشعب كله كان كارهه علشان إللى عمله لكن هوه عامل زى النعامة فاكر أن الناس مش عارفه ولا شيفاه ولك يوم ياظالم أسود من صبغة شعرك يا عجوز ياشايب
خرج ملك الدولة العربية.الحديثة الي الشارع عاريا.بدون لباس ويعتقد انه الالهة ويدعي نفسه.امير المؤمنين... والديموقراطية عارية...والحقوق عارية... والتقافة العربية عارية...السحر داخل القصر والخرافاة..والاوهام....ملك جائع ملك حزين...ملك خبيث...الامم العربية في العالم امم ضعيفة
باماره المدينه الجديده (مدينتى) بتاعت المهندس طلعت مصطفى الى شريكه جمال بيه
فعلا انه مشروع لمحدودى الدخل