افتح يا ماسينجر!
أصبح اختيار صورة لك في الديسبلاي يمثل خطوة هامة لشكلك أمام أصداقك الماسينجاريين!
08/05/2006
محمود حامد – ولاد البلد :
طبعا تعرف الماسينجر، البرنامج الوهمي الجباااااار، الذي يستخدمه كل من دخل على الإنترنت، أو حتى سمع عنه من بعيد..
وبغض النظر عن إن أصدقائنا معدومي اللغة الانجليزية في مصر يسمونه "مازينجر"
، وكل واحد منهم يعتبر نفسه "ماهر" الذي يناديه مع كل دخول على النت.. افتح يا مازينجر (ماسينجر) .. أنا ماهر!
في الماسينجر، وخصوصا مع نسخته الجديدة والأخيرة، بدأت الصورة تأخذ مكانها بقوة فيه، وأصبح اختيار صورة لك في الـDisplay يمثل خطوة هامة لشكلك أمام أصدقاؤك الماسينجاريين!
ولأن صناع الماسينجر يعلمون جيدا أهمية الصورة، فقد وضعوا لك ضمن البرنامج مجموعة من الصور تختار منها.. بطة.. كلب صغير.. حصانين.. كرة قدم.. شطرنج.... وطبعا كلها صور لا تعبر عن أي شيء.. ولذلك فهي لا تحظى بشعبية كبيرة خصوصا صورة الكلب التي تجعل أصدقائك "يستلموك" تريقة من ساعة دخولك أون لاين.. ولحد ما تعملهم بلوووووك!
على الماسينجر، أخذت أقلب في صور أصدقائي، ووجدتها كلها تصلح لعمل موضوع على "ولاد البلد" عن الصور الغريبة والطريفة التي يختارونها
زميلنا يحب دائما أن تكون صورته تعبير عن آخر أخباره
، وبما أن آخر أخباره هو خبر خطوبته على زميلتنا دعاء الشامي
، فتجد دائما الدبلة الفضة هي صورته على الماسينجر.. بينما تفضل دعاء وضع صورة فتاة صغيرة مكانها!
أما مصعب، فهوسه بالكمبيوتر والبرمجة تجعله دائما يضع صورة له وهو جالس على اللاب توب
، ويظهر مصعب في الصورة موجها ظهره للكاميرا، وهو ما يجعله محل سخرية لبعض أصدقائه..
على عبد المنعم يختار صوره بعناية شديدة، وكانت صورته الأخيرة من نصيب طلعت زكريا، رغم أنه يقول أنها جاءت معه بالصدفة، لكنه وجدها مناسبة جدا للماسينجر!
أما صديقنا وائل الغزاوي، فيضع صورة صورها بنفسه لمجند أمن مركزي يقف مبتسما وخوذته معوجة على رأسه أثناء محاصرته للمتظاهرين أمام نادي القضاة!
أما مريم المعتصم زميلتنا في عشرينات، فوجدناها تضع صورة عجلة (دراجة يعني)، لا تعبر عن أي شيء، لكنها مبسوطة بالمنظر على حد تعبيرها..
صديقنا باسم الشربيني، يعتبر صورته الشخصية جزء مهم جدا في التواصل بينه وبين أصدقائه على الماسينجر، لذلك فهو يضع آخر صوره التي التقطها لنفسه على الماسينجر.. وشك زي القمر يا باسم!
أما عبد الله، فيعبر عن ولعه بأشعار صلاح جاهين، ويضع دائما صورته، ودائما ما يسأله أصدقائه عن الشخص الجالس في الصورة.. فيخبرهم.. لكن بعد أن يضحك قبلها على جهلهم بالشاعر المشهور!
أما مي كامل، فتجد صورتها رومانسية، رغم أن شخصيتها ليست كذلك (أوعى تزعلي يا مي) وهي صورة لولد وبنت.. واضح إن في أخبار حلوة قريبة.. ربنا يسهل!
زميلتنا الحامل، تضع صورة ولد زي القمر على ماسينجرها.. وطبعا يعتقد البعض أن الصورة لها استخدام آخر، وهو أن يولد الولد بكل هذا الجمال.. ربنا يجعله أجمل إن شاء الله..
زينب تضع حالياً صورة خطيبها خاصة عندما تكون الأمور بينهما على خير أما في حالة الخصام فهي تضع صورة لفتي كاوبوي يحمل مسدسات كنوع من التهديد لخطيبها.. استر يا رب!
شعار النادي الأهلي هو دائما الصورة المميزة لمحمد مصطفى الذي يعتبر نفسه سفير النادي الأهلى على النت.. ليك حق يا عم.. لكنه أحيانا يتخلى عن الشعار، ويضع مكانه صور لنجوم النادي أمثال أبو تريكة والحضري وبركات.
وأنت بقى.. صورتك ع الماسينجر إيه.. ولا مقضيها بطة وحصانين.. وكلب صغير!
علشان تحط صورتك أو صورة عجبتك في التعليقات تحت استخدم الكود التالي "copy & paste" :
طبعا شيل الـURL ده و حط الـURL بتاع صورتك، و ما تنساش ترفعها على أي موقع رفع ملفات الأول
عدد التعليقات : 173
• الملك فاروق يعود ليحكي تاريخ مصر
• سمير صبرى.. وحرابة نوال السعداوى
• الزمالك يودع دوري الأبطال
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
هايل هايل هايل هايل
موضعاتكم هايلة يا ولاد البلد
هو انتوا كلكو ولاد وولا في بنات كمان
ههههههههههههههه
و الله يا جماعة انا شايف ان الماسنجر اصلاً ارسى ثقافة و سلوك بين الناس مختلف تماماً عن الفترات اللى فاتت و ارسى لغة كمان ...يعنى ممكن واحد من الناس بتوع العلم و الدكتوراه و الماجستير يعمل رسالة فى الماسنجر و تأثيره على سلوك الافراد زى اللى عمل دكتوراه فى حتى قبل كده ...
يعسداً عن الكلام الفلسفى انا شايف ان براء و مصعب من اكتر الناس اللى بيهتموا جداً جداً ب nick nameبتاعهم على الماسنجر مما وصلنى الى انى بقيت كل يوم اول حاجة بعملها اول ما بفتح الماسنجر انى بروح اشوف هما كاتبلنا ايه النهاردة ..يوم سياسة و يوم رومانسية و يوم هبل و يوم تلاقى مصعب كاتبلك حتة من كود php ..هرتله يعنى بس لذيذة..
الموضوع لذيذ و شكراً عشرينات
انا لن اتكلم صورتس التي لم اغيرها منذ ان اصبحت شاب "مازينجراوي" هي التي سوف تتكلم
من الواضح ان انتم بس اللي بتستخدموا الماسنجر....
وماشي يا.........
احترامى وتقديرى الى المسؤولين على الموقع والى زواره الكرام
وباستثناء كتابه لانهم لايستحقون لقب كاتب
سلام ياولاد البلد
mohamedلكل حالة... أغنية! لكل حالة... أغنية! لكل حالة... أغنية! لكل حالة... أغنية! لكل حالة... أغنية! لكل حالة... أغنية!
أنا حاطط صورة البوستر بتاع فيلم "forrest gump" من ساعةما بدأت استعمله. دا طبعا مش عشان أناmentally ill زيه (بلاش قلة أدب) لكن عشان فيلمي المفضل و كمان عجباني فكرة الريشة الي طايرةبلا هدى. ساعات بحس اني كدة في الدنيا.
الأخ الفاضل المعترض على هيافة موضوعاتنا..
نعتذر بشدة لو كان هذه هو حالنا من وجهة نظرك المحترمة
لكن نختلف معك في أن الاهتمام بالشأن العام المصري هو الغالب في الصفحة وهو ماىشتكي منه أكثر من زائر للصفحة ويطالبون بالتخفيف من الجرعة السياسية..
على كل تلك وجهة نظرك التي نحترمها..
لكن ما نؤكد عليه هو أن مواد الموقع لا ينقل منها غير الموضوعات الموجود في زاوية تخاطيف وهي زاوية قائمة في الأساس على النقل من المواقع والصحف الأخرى
ونشكر لك اهتمامك، ونعتذر عن إذا ما كنا تسببنا في ضيق لك
ولك الشكر مرة أخرى
محرر ولاد البلد
الاخ الفاضل كاتب الموضوع او كاتب هنا فى الموقع عذرا ان كنت ازعجيتك او تسببت لك فى اهانه او ضايقتك فى شىء ما لكن اعزرنى فانا متعود على دخول هذا الموقع يوميا فلم اتعود ان ارى استهزاء او شىء مثيل لهذا على العموم احترمكم جدا وام سورى ان كنت اخطائت فى حق احدكم احترامى وتقديرى الى شخصكم الكريم
بصراحه عمري ما حبيت غير صورتي في الماسنجر وكل صورة أحطها أغيرها تاني.
لأني بحب إن اللي يكلمني يكون عارف شكلي على الأقل مش قاعدين ومش عارفين بعض غير بالإسم بس
http://egyeye.jeeran.com/Mohannad_NogumFm.jpg
احدث صورة حطيتهافي الماسنجر بتاعي
صورة جميلة جدا
بتفكرني بالتعليم في مصر او التربية في مصر
كنت عايزة احطها هنا بس معرفت ازاي اظهرها
ودي الواصلة بتاعتها
http://photo-origin.tickle.com/image/100/3/1/P7/100318778P7530917373.jpg
123456
كنت دايما ابقى محتار فى الصورة الى احطها على الماسنجر وكان دايما عندى وسواس احط صورة واشيلها فى ثوانى لاكن اخيرا لقيتها وكانت تايهة منى بالفعل صورة لمعتقل خلف القضبان وقلت ان دى اكيد تعبر عن الشعب المصرى كلة حلوة
هـــــــاي ممكن نتعرف علي حد محترم ولد او بنت؟ممكن ولا في مانع
بطل هتش وتريقة على الناس
يا عم الامور 3/4 الصور اللى انت بتقولنا ان الناس جاطينها بتاعة المانسجر بتاعك والدليل كلمة get webcam وده فى الماسنجر بتاعك انت مش بتاع اللى بتكلمه
بلاش هتش وخلاص ولو مش لاقى موضوع تصدعنا بيه خليك ساكت احسن
والله موضوعك جميل صراحة استفدت منه أنا شخصياوتطرقت لأهم النقط
أما الشخص إللي عايز يتعرف
فده مش مكان للتعرف
روح للدردشات وتعرف براحتك يامحترم
السلام عليكم و رحمة الله و بركاتة
موضوع جميل و يعبر عن الثقافة السائدة عند الشباب اليومين دول.
صراحة بعد الحرب علي لبنان احتراما و حبا لحزب الله و شجاعتهم حطيت صورة تمثل الحزب و جعلت النيكنيم جزء من انشودة اسلامية جميلة تسيطر عليا اليومين دول اغلب الوقت و علي فكرة الانشودة بتقول:
سنخوض معاركنا معهم و سنمضي جموعا نردعهم.
و نعيد الحق المغتصب و بكل القوة ندفعهم.
بسلاح الحق البتار سنحرر ارض الاحرار.
و نعيد الطهر الي القدس من بعد الذل و ذا العار.
لن نرضي بجزء محتل لن نترك شبرا للذل
ستمور الارض و تحرقهم في الارض بركين تغلي
انشودة جميلة بتدينا امل في الحياه و في النصر و علي فكرة اللينك دة فيه فلاش للانشودة كاملة يا رب تعجبكم
http://saaid.net/flash/1128053774.htm
اشكركم
التعارف بين العرب شى جميل ياريت كل واحد لو قدر يتعرف كل كل الناس لكن يملكن كنوز فى الارض
ممكن اكون صديقة جديدة
انا احب اتعرف انا من مصر وعندى 23 سنه
احب اتعرف انا من العراق
احب اتعرف على احد من الشعب اللبناني اوبنت من لبنان
يا رجالة ممكن نتعرف على الناس الحلوة \انا ايميلي مفتوح للكل bloza4bloza@hotmail.com
اهلا باى صديق او صديقه من مصر انا اميلى مفتوح فى اى وقت
اهلا باى صديق او صديقه من مصر انا اميلى nano_loveall@hotmail.com مفتوح فى اى وقت
انااسمي محمود انا اميلى مفتوح لكل الناس انا من مصر انا اميلى mahmoud_7oodaa8@hotmel.com
هاااى اهلا باى صديق او صديقه محترمه من مصر للصداقه الجاده انا 19 سنه من مصر واميلى nano_loveall@hotmail.com
انا بحب الماسنجر جدا فهو اعترفلى فية حبيبى بحبة وكان سبب ان احنا نقرب لبعض وكمان بنتكلم علية طول النهار من غير ماحد يعرف ان احنا بنتكلم ولا يسمعنا ومن غير كسوف وبعرف المود بتاعة من الصور لو صورة كاظم الساهر يبقى المزاج عال العال لو صورة نونو بيعيط يبقى اسبوع نكد والنيك نيم بتاعة اغانى كاظم ومش بيغيرة اما انا بقى على حسب الحالة النفسية بتكون الصور والنيك نيم بس هو دايما يقولى بلاش الشعارات الجامدة العبيطة اللى زيك اللى بتكتبيها
بس موضوع لذيذ
ما سينجر وايد حلو(تجربه)