فلافيو .. و زمن اللعيب الكتيان
تجد في مقدمتهم اللاعب الغاني التقيل أوي كوارشي الذي لعب للزمالك في الثمانينات وأنطوان بل بتاع الكاميرون اللي كان حارس مرمى المقاولين العرب
10/05/2006
محمد فتحي – ولاد البلد:
لم يعلق بأذهان المصريين من المحترفين الأفارقة سوى لاعبين لا يتعدوا أصابع اليدين على أقصى تقدير..
تجد في مقدمتهم اللاعب الغاني التقيل أوي كوارشي الذي لعب للزمالك في الثمانينات وأنطوان بل بتاع الكاميرون اللي كان حارس مرمى المقاولين العرب..، وممكن نقول ايمانويل بتاع الزمالك واحمد فيلكس في بدايته مع الأهلي..، وعشان الدراويش ما يزعلوش لن ننسى جون أوتاكا..
هؤلاء هم من تركوا بصمة قوية مع الناس ولا تزال الناس تتذكرهم بكل خير والباقي – عدم اللا مؤاخذة يعني – شد عليهم السفون واقفل غطا القاعدة بما فيهم حتى جيلبرتو فهو لاعب غاية التواضع لا يطور من طريقة لعبه(ياخد اللاعيبة ناحية الكورنر ويهوش مرتين ويرفع وما عندهوش غيرها) والمسألة ماشية معاه حظ لأن اللاعب المصري الذي يقف أمامه لا يستخدم عقله في استخلاص الكرة بل يستخدم جزمته ولذلك من السهل أن يمر جيلبرتو ( ربنا ينتعه بالسلامة) من اللاعب ذو الاحتياجات الخاصة الذي يدخل عليه.
الحكاية من أولها
ليس غريباً أن يكون الشعب المصري هو الوحيد الذي يطلق على لعبة الكرة الشهيرة "واحد في النص" اسم " الكلب الحيران" وفيها يحاول اللاعب استخلاص الكرة من باقي اللاعبين الذين يتناقلونها فيما بينهم لتصبح مهمتهم هي تدويخه والمقلسة عليه وعدم حصوله على الكرة لأنه بذلك سيكون استخلصها من أحدهم لينزل أحدهم هذا في النص ويكون الكلب الحيران، والمتعة – كل المتعة- تكون في نقل الكرة السريع ومن لمسة واحدة بحيث يبدو اللعب بالفعل أشبه بالفرخة الدايخة.
لا أعرف لماذا أتذكر تشبيه الكلب الحيران تحديداً وأنا أشاهد مباريات الدوري المصري أو الكرة المصرية بصفة عامة والتي تصيبني بالغثيان الشديد، فاللعب "ميتان" لدرجة مستفزة واللاعيبة لا ينقصهم سوى حجرين معسل يرصوهم وسيبك يا عم من الماتش ما احنا بناخد مرتباتنا أول كل شهر والجمهور الغلبان - الذي يجد في الكورة أحد منابع البهجة والمتعة التي قلما يحصل عليها بطرق مشروعة – يتحرق دم اللي جايبينو ويخبط دماغه في أتخن حيطة.
سيبكم والنبي من النفخة الكدابة بتاعة كاس افريقيا فلم نفز بها الا بدعوات الست الحاجة وملايين من الشعب المصري الذين يبحثون عن فرحة خرجت ولم تعد. سيبكم أيضاً من لاعبينا المحترفين الذين لا أعترف فيهم سوى بأحمد حسن وليس في كل الأوقات بل لما تكون غزالته رايقة أو لما ياخد دش جامد من الصحافة.فباقي اللاعبين تستطيع ان تصفهم بمنتهى الأريحية بأنهم لاعيبة كتيانة . وعندنا علامات تاريخية في الكتينة ..لو تفتكروا عادل عبد الرحمن و أيمن منصور وفوزي جمال والناس اللي حفرت في الصخر عشان يبقوا كتيانين ...ناس كتيرة أوي ممكن نفتكرهم سوا
السؤال بأه اللي كان ولازال يوجعلي (بز رجلي) حتى يومنا هذا هو " لما يكون اللعيب الكتيان في بلدك موجود ومتوافر وعلى قفا من يشيل ..ليه تستورد حد كتيان من برة وتدفع فيه اللي وراك واللي قدامك؟". ولازال (بز رجلي) يؤلمني حتى الآن لأنني لم أجد إجابة واضحة لكن لا مانع من الاجتهاد.
إوعى الفحت
على طريقة إوعى الفحت لتقع تحت كان يخرج علينا المسئولين في الأندية وسماسرة اللاعبين فاشخين ضبهم المصون ومبتسمين من الودن للودن وهم يهللون للاعب المعجزة الذي استوردوه من مش عارف فين و هاتك يا إشادة مع إن الواد ابن امبارح ولا ليه في الكفت..، وأغلب الظن ان الليلة كانت بسبب إما العند بين الأندية الكبرى أو حسنة حلوة هتطلع للأخ مسئول التسويق والسمسار اللي هيحليله بقه.
بسبب مثل هذه الحركات القرعة لبسنا لاعيبة كتيانة بالعبيط..مرة الأهلي اشترى واد اسمه جورج آرثر على إنه واد جامد وهيكسر الدنيا واكتشفوا بعدها انه مابيعرفش يباصي كورة..الزمالك وقتها برضو اشترى واحد مالي اسمه عثمانو لبسه كل الزملكاوية لأن الواد ما كانش موهوب غير في شعره اللي عامله ضفاير..، وبعدين اكتشفنا ان الزمالك خد مقلب فيه أساساً بسبب شعره لأن اللي كان عاوزه الزمالك كان واحد تاني عنده نفس الشعر..، واستلم بأه يا عمنا الإفيهات الغريبة اللي تحرق دم مشجع كورة محروق على فرقته زي حالاتك.
اشي روبرت أكوري اللي دخل جون بالصدفة وهو نايم على الأرض وبعدها تقريباً نسي الكورة و مش عارف ليوناردو مين الطويل ده اللي الأهلي مش عارف يبيعه للشرقية للدخان وسوقه بطريقة " ما تبصليش بصة البطريق..ليوناردو من موزمبيق" لكن آدي دقني لو اتباع.عندك كمان لعيبة تيجي وما تلعبش الا ف مناخيرها وهما قاعدين في دكة الاحتياطي أو برة القايمة أساساً زي الكنج صاني ده بتاع الزمالك وعندك لاعيبة تكون نجوم في فرقها المتواضعة تيجي الأهلي أو الزمالك تدوق الفلوس والنجومية تقلب كلابي زي تشيرنو اللي كان أخطر لاعب في القناة وراحوا واخدينو في الاتحاد واشتراه الأهلي بعدها ولا عمل معاه بنكلة راح بايعه تاني للاتحاد..
وعندك لعيب ييجي يجيب جون جامد وينام عليه لحد ما يرجع بلده زي اسماعيل كوليبالي ابو رجل طرشة بتاع الزمالك..، وممكن كمان أكوتي مانساه اللي آدي دقني لو عمل حاجة مع الأهلي بالميتنة اللي هو فيها رغم انك تشوفه أيام المصري تلاقيه هياكل النجيلة ، ولا ننسى جونيور لعيب الترجي الكبير اللي جه عندنا اتعلم قلة الأدب و اتوقفله مدة قضت على مستقبله في الكورة في مصر...
لكــــــــن
وبكل فخر واعتزاز وحرقة دم نقدم لكم
كابتن كباتن اللعيبة الكتيانة في مصر
فلافيـــــــووووووو
ايه ده..لعيب بتنجان بتنجان بتنجان (من هنا لحد ما تخلص المزرعة) لا لعب ولا مهارة وما عندهوش غير كعب بيلعب بيه انما غير كده انسى...تيجي يا عم الحاج تقول حظه وحش اقول لسعادتك اديني أمارة واحدة بس انها حظ..فلافيو لعيب كتيان ومالهوش فيها وأصغر ناشئ في الأهلي برقبة 10 من عينة فلافيو.لكن ما يغيظك ويعكر دمك اصرار جوزيه عليه وكأنه عامل له عمل بالبرتغالي. تيجي برضو تقول اصل اللعيبة ما بيساعدهوش اقولك والنبي اتلهي ده احمد السيد بيجيب اجوان.
تيجي تقول أصل ده مش مركزه أقولك طب والانفرادات اللي بيضيعها ايه علاقتها بالمركز...فلافيو مالهوش فيها يا جماعة وتنك ومغرور ولو في السكس ياردة عمره ما حيجيب جون، والجون الوحيد اللي جابو فلافيو كان بالصدفة وكان بقفاه..يعني لعيب (قفا) وتحس والله انه هربان من الجيش الأنجولي بحلاقته اللي عند (قرفص ) اللي تحت كوبري امبابة اللي ف أنجولا و اللي غالباً حلقها برغيف وبيضتين.
وغالباً سنصاب بالسكر والضغط والبواسير قبل أن يحرز فلافيو أي هدف فهدف فلافيو تقريباً من علامات الساعة تماماً مثل تنازل الرئيس مبارك عن الحكم
يا جماعة يا بتوع الأهلي كفاية كتينة والنبي وبطلوا فلافيو حرصاً على بواسير هذا الوطن فالطريقة الوحيدة التي يستطيع فلافيو احراز أهداف من خلالها هي طريقة برايل.
عدد التعليقات : 49
• الاسماعيلي يقترب.. والزمالك في موقف حرج!
• قضاة مصر والمفوضية الأوروبية!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
والله انت احسن من تلات تربع صحفيين مصر الكتيانين ودمك اخف من دم محمد سعد وعادل امام وحسن المستكاوى فى بعض انا مت من الضحك وانا بقرا المقال
عارف ليه اللعيبه ديه احنا بس اللي بنلبسها ؟ علشان كل حاجه ليها سمسار والسمسار لازم يطلع بنسبه لكن احنا عندنا كل حاجه ليها هليب والهليب ده لازم يطلع بهبره كبيره وعلى هذا يروح هذا الهليب الى البلاد الجعانه والى الاشحاص الفقراء جدا ويجيبهم لينا على انهم لعيبه وطبعا احنا ناس لقبهاابيض وما بنسالش عن حد فبنشرب المقلب ومع ذلك بننكسف نعترف بكدة فنفضل ندافع عن المقلب للاخر واهو كله على حساب صاحب المخل ياعزيزي فتش عن الهليبه ورا كل صفقه من دول ستجدهم هما هما
هل هناك علاقه بين خفه الدم والكوره
سؤال طرح نفسه عليا بعد ما قرات مقالك وبعد ما بطلت اشترى جريده الجمهوريه بسبب محمود معروف وجمال هليل
اتمنى ان كل شخص قبل ما يكتب فى حاجه ان يكون فاهم ومش اى فاهم علشان يصل لمرحله النقد
ارى ان هذا المقال يحسب عليك وليس لك بالمره واسال اهل الذكر
لان واضح ان كل معلوماتك فى الكورة مصدرها جرايد او الاستماع لمحليلى التليفزيون اللى بيرددوا كلام ماحد معين فيهم معتبرينه الدكتور
و بذمتك يا شيخ جيلبرتو لاعب عادى ؟!! و مين قالك انه لم يتألق امام كل الفرق فى دورى أبطال أفريقيا و تصفيات كأس العالم الى أنجولا تفوقت فيها على نيجيريا !! بقى جيلبرتو لاعب عادى ؟؟
و بعدين ما انتا حكمت على انطوان بل و ايموانيل و فيلكس و غيرهم من مواجههتهم للاعبون المصريين ...اشمعنى عنى سحبتها من جيلبرتو ...
يا اخ رغم خفة دمك و رغم اني ضحكت و رغم ان معلوماتك الكروية مشوشة للغاية "يعني مثلا تشيرنو مانساري انتقل من القناة للاهلي للاتحاد و لم ينتقل للاتحاد من القناة كما كتبت" بس كل ده كوم و موضوع المهارة ده كوم تاني
فلافيو لو سعادتك كنت تابعت البطولة الافريقية الاخيرة كان هداف انجولا تصدق بقي؟
برضه سيبك من الكلام ده ما احمد حسن هداف مصر و مش بيجيب جون في تركيا الا كل كام شهر
انما فلافيو فعلا مهاريه الفنية عالية جدا انما العيب فينا احنا!!
لو تفتكر الاهلي جاب لاعب السنة اللي فاتت كان اسمه كاستليو كولومبي الواد ده لما تحدثت مع اصدقاء لي هنا "عشان انا خارج مصر" من كولومبيا اتصدموا انه احترف في مصر
الواد ده انتهي بسبب انه ضيع ضربتي جزاء!! علاقته بالجماهير امثالك اللي بتكتب في الكورة عشان فاكرة انها فاهمة كورة انتهت بسبب مباراة؟ تعالي بقي نرجع للكابتن كوليبالي ... الواد ده عمل كام ماتش في الاول خرافة تقولش رشيدي ياكيني ولا دانيال اموكاشي و بعدين ساق العوج زي عمك جونيور و بعدين رجع علي ماتش اهلي و زمالك جاب جون و اتعوج الخ الخ
احمد فيلكس برضه قعد سنة مطلع عين ابو الاهلوية و بعد كده بقي نجم شباك؟
و بعدين انت عاوز ايه من جلبيرتو طالما "رغم انه كتيان في نظرك" الا انه عمر ما باك يمين في اي نادي بهدلة محليا او افريقيا؟ ولا نجيب لسيادتك روبرتو كارلوس مثالا؟
يا ريت النقد يكون موضوعي بصرف النظر عن كل الظرف اللي في المقال... اما الاخوة الاهلوية فسؤالي لو فلافيو مثلا جاب جون يوم الاحد ان شاء الله حيكون برضه موقفكم نفسه؟
بصراحة و موضوعية , انت صحيح ناقد مش أوي علشان معلوماتك يعني ممكن تكون أقل من العادي ؛ بس بصراحة أنا اتخربت ضحك .. اسلوبك جامد آخر حاجة .. استمر في الكتابة بس على علم بقى الله ينور طريقك
انا بشجع الاسماعيلي بس مش متعصب..وليا واحد زملكاوي صاحبي ومتعصب جدا..المهم الاخ ده حلم ان فلافيو هيجيب هاتريك في الزمالك في القمه الجايه؟متهيألي بعدها المفروض الزمالك يقفلوه ويقلبوه سوبر ماركت ولا ايه رأيك؟
اية الهبل ده ولا معلومات صح ولا اي حاجة مجرد نقد للاعب وخلاص
ياريت نكون موضوعين في ارائنا، وبعدين ماتيجي حضرتك تقعد مكان عمك جوزيه احسن وتدرب .
وبعدين لما فلافيو لاعب كتيان كان على الاقل تقول ان جليبرتو احسن باك شمال في في مصر لاعب على الاقل جيد .
وماتنساش انه بيبهدل الزملكاوبة كل ماتش وفلافيو وجليبرتوالاتنين في منتخب انجولا الل اتاهل لكاس العالم .
عارف يعني اية كاس عالم اللي احنا مش عارفين نعتيه بقالنا 16 سنة والسبب اللي مش بيفهموا في الكرة زي حلاتك ..
جاتكوا القرف ماليتو البلد
كلامك واسلوبك رائع ..شكرا على هذا الابداع
بس متقلش للبلدية ان عم قرفص راح قعد تحت كوبرى امبابة الى فى انجولا لحسن يروحوا يقطعوا عيشه.
مع اطيب التمنيات ببواسير سعيدة للشعب كله
قفى صحيح
والله دمك زى العسل ، وبألى فترة طويلة ما ضحكتش وطبعاً انت عارف لية؟؟ هو اللى يعيش فى بلد زى مصر يعرف يضحك!! ، فلافيو دا مش مجرد لاعب كتيان ..نظام الحكم فى مصر يا صحبى هو اللى فلافيو ..وسلاملى ع النظام
معروف ان فى هداف بالفطره
لكن فلافيو قدملنا نموذج جديد وهو هداف بالقفا
لان الهدف اليتيماللى احرزه كان بقفاه
اعتقد ان مشكله فلافيو ان لاعبى الاهلى حتى الان لم يدركوا ان خطوره فلافيو فى قفاه لذلك اطلب منهم التركيز على قفاه اثناء تمرير الكره له وان متاكد ان هيكون هداف القفا
ومزرعتك بس إلى تخلص لية
لأ خد مزرعتى معاك ومزارع كل الأهلاوية
اصرار جوزيه على لعب فلافيو بالرغم من انه لايسجل اداف وموجود اسامه الهداف على دكة البدلاء
الحب الكبير لمنتخب مصر ولاعبيه ومدربة حسن شحاته
الى حبيتى اجمل انسانه قابلتها فى حياتى ارسل لها كل تمنياتى بالنجاح والى النادى الاهلى دوام الانتصارات
بصراحة انت معروف يامعروف من زمان بضحكتك السخيفة الى بسبب وبدون انت زمالكوى وحاقد على الاندية الى بتكلكم اكل وبمزاج انت لا تفقة شى فى الرياضة انت بتصنف العيب على رايك العبيط جلبيرتو لاعب عادى واللة انت مافاهم اى شى فى الكورة الاندية بتعمل الف حساب لجلبرتووهو بيلعب وانت بتقول عادى ياعم روح
نقدم لكم برنامج صب صب يا عم الحج
النهاردة معانا احسن لاعب فى العالم
الاخ فلفل لآ معلش غلط ابضـــن لاعب
الاخ فلفيووو عاوز يروح عندميكانيكى
يظــبط زوايا وبعدها يطلع على الدكتور على طول يعمل نظارة ويشوف شراب مخروم يلعب بية
xnxx_a_m@yahoo.com حودة الروش 2010
انا رأيى ان فلفل يروح الزمالك علشان
نـتـبـضن اكتر وكاجودا يرحل من الزمالك
ومرتضى منصور يقدم استقالتة
على فكرة........
انتو تعرفو جوزية بيحب ينزل فلفل على طول لية على ما اعتقد انة كان يخلــية
مستعد لكأس العالم 2010
ههههههههههههههههههههههههههههههههه
مع تحيات < حودة الروش >
xnxx_a_m@yahoo.com
كفايه ان فلافيو لاعب مهاري وحتة الأهداف دي حظه حتي شفنا لعبه في ماتش الأهلي والزمالك وكمان هيلعب في كأس العالم اللي أبو تريكه مش هايلعب فيه
نحن جماهير الاهلي ومصر كلها نبايع فلافيو علي طريقه اللي بالي بالكو لانه الاجدر لنا في احراز الاهداف اللي مش هايجبها ابدا والف شلن مني لشن من اللي هايقول ان فلافيو هايجيب جون انا اتحدى ان يجيب جون
اهم حاجه انه يلعب حلو في كاس العالم ونبيعه بمليون وناخد فلوسنا وخلاص مصر مش لايقه عليه
بصراحه وبدون مبالغه انا بعتقد انك مش بتفهم فى الكوره كفايه ان اقولك معلومه تشيرنو اللى جبناه من القناه مش الاتحاد بس امانه انا ضحكت جامد جداااا اسلوبك فظيع مع انه بيئه اوى بس جامد استمر بس اتعلم كوره احسن الاول ولا مؤاخذه؟
نسيت اقولك حاجه مهمه بقى جيلبرتو مش لعيب وماشيه معاه بالصدفه ياراجل يامفترى حرام عليك انت شكلك من الهند اصلا والمعلومات دى جيالك عن طريق الفاكس من واحد زملكاوى
فين اسامة حسني اللاعب المهاري الرائع الخلوق ؟ على دكة البدلاء ..يا حلاوة ..بيعمل ايه هناك . لازم نعرف كلنا ان جوزية بيلعب فلافيو مش عشان فلافيو بيلعب كويس لا , لان جوزيه واااااااضح جدا انه انسان عنيد .
يا جماعة انتو اللى مش قادرين تفهموا اللعيب ده من نوع نادر جدا ده جاب جول بقفاه يعنى لو لبسناه الفانلة بالمشقلب اتفرجوا على اللى هيحصل
من الجميل ان يعبر النسان عن رايه ولكن الاجمل ان يكون مدعوم بالحقيقه ورغم ان الاعب لم يحرز سوى هدف بالصدفه الا انه لعيب جدير بالاحترام وانه تالق مع منتخب بلاده فى كاس الامم الافريقيه واختير احسن لاعب فى الدور الاول ليس على سيبل الصدفه بل لانه لاعب مجتهد فى الملعب وليس من المفروض ان يكون الفريق فيه 11هداف وانه صنع العديد من الاهداف الى لاعبين اخرين اما بالنسبه عن المحترفين فتاريخ الكوره زاخر واقرء تاريخ النادى الاهلى وانت تعرفعلى سبيل المثال مس الحصر الانجولى جلبيرتو وتشرنو اوخرين واناهم تالقوا ماع الاهلى تالق غير عادى اما بالنسبه لمساله التوفيق من عدمه دى ترجع الى الوقت وفلافيو قادم لا عزاء الى الجماهير الحاقده
انتو كلكم ولاد متناكة ما بتفهموش كوووورة
اقدم خالص الشكرللاستاذشيكو اللىكتب ان اهم حاجةان (فلافيو)يلعب كويس فى كاس العالم عشان نبيعه بمليون (رغم انى شايفةانه كفاية عليه النص قوى وربنا يعوض فى الخسارة اللى حيسرها الاهلى)اصل فلافيو جاب جووووووووووووووووووووووووون لانجولا فى كاس العالم وتعادل لها براسه الفضية اللى انا مش عارفة هو بيلمعها بايه
معلش اصل انا نسيت اقول لك (ايدك على الالف شلن يا حلو )وكفايةانهم الف بس علشان انا مش مادية ذيك
اولا جلبيرتو علي رأس افضل المحترفين داخل مصر ولازم تتعرف بكده يابو دم خفيف اما بالنسبه للاخ فلافيو بيلعب كل ماتش اساسي وهو وحش والاهلي بيكسب فين المشكله وبعدين الخواجه جوزيه بينزله عشان يشيل الحسد عن لعيبة ونجوم الاهلي وده احسن مايجيب جوال والله يباركلك يفلافلللللللل
الهدف من اي دوري في العالم تأهيل اللاعبين لكأس العالم فاهمين يا عالم اما اللعيبه بتوعنا دول شويه موظفين لاعلاقه لهم بالكره وكل 4 سنوات ننتظر بنيين تتعادل مع الصومال والحبشه تهزم جزر القمر 15 ـ3 علشان مصر تصعد ومن اجل هذا عارفين احنا متأخرين جدا لايامتشأم احنا اول افريقيا اقولك الاول حتي الخامس في المانيا حاليا
اهو (الكتيان) ده جاب هدف فى كاس العالم طيب ما احنا داخلين على عشرين سنه اهو ولسه بنغنى على الهدف اليتيم بتاع مجدى عبد الغنى فى هولندا و من ضربه جزاء ، والله فى مهاجمين كتير مصريين اقل ما يقال عنهم انهم مش احسن من فلافيو وانما الناس عاملاهم نجوم و الانديه بتصرف عليهم بهبل.
لفت نظري في موقعكم أنه ممكن اي واحد فيكم يكتب في أي شئ وكل شئ ..... ليه وازاي ماعرفش
نتكلم زيكم ونقول ازيكم !!!!! وبالله عليكم عايز اعرف بس على أي أساس قيمتم فلافيو ؟ وخللوا بالكم والله ماهو قريبي ولا بيني وبينه معرفة
لكن أنا نفسي تقارنوه بعمرو زكي اللي عملتوا له ضجة بكش ومين هو عمرو زكي ده وتاريخه ايه في الكورة ؟ يعني مثلا لعب كام دقيقة في لوكوموتيف ده والا اسمه ايه ؟
ياجماعة صدقوني السنة الجايه حتشوفوا فلافيو وايديكم حتتهري من التصفيق له والاعجاب به وبلاش خيابة دوروا لكم على موضوع تاني جاتكم مليون خيبه
الكتيان!
فاشخين ضبهم!
الحركات القرعة!
لبسنا لاعيبة كتيانة بالعبيط!
واد اسمه!
لعيب (قف)!
سؤال بسيط ترضي حد يكتب عنك بالاسلوب ده؟
قلتلي انت منين ؟
حرام عليكو باعوا بلال وجابو فلافيو والله footballخالد بيبو بفلافل
حاسب من فلافيو ده لعيب كبير مش علشان بيلعب فى انجولا علشان محترف فى الاهلى المصرى يعنى نادى القرن الفريقى
دة لاعب مهارى ولا يمكن ان يمكن ان يصل الى مستوى اكثر من هذا و شكر خاص الى متابعلى كرة القدم
حتى الان لا اعرف لماذا جوزيه يبقى فلافيو فى الاهلى بجد صدق اللى قال لعيب كتيان
لا بطبطب ولا بدلع وفلافيو لازم يتولع
دمك خفبف جدا وموتنا من الضحك بس انت غلطان بقى مش عاجبك جلبيرتو باين عليك مش بتتفرج على ماتشات اساساو كمان مش عاجبك لعيبة المنتخب ليه ماله ميدو وعبد الظاهر السقا ...الخ انصحك تتفرج كويس على كرة القدم احسن ماتيجى المرة الجايه وتقولنا رونالدينهو لاعب اى كلام تعملها والله ما انت مش فاهم حاجه فى الكرة
kkkkkkkkkkkkkkkkkkkkkkkkkkkkkkkkkkaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaakkkkkkkkkkkkkkkkkkkkkkkkkkkkkkkkkkkkkkkkkkaaaaaaaaaaaaaaaaaaaaaaaaaa pppppppppppppppppppppppppppppppppiiiiiiiiiiiiiiiiiiiiiiiiiiiiiiiiiiiiiippppppppppppppppppppppppppppppppppiiiiiiiiiiiiiiiiiiiiiiiiiii
غريبه # لا تعليق
فلافيو $ انجولى &مصرى
سفير النوايا الحسنة فى الصومال ياخى احه يا فلفيو
مش ممكن خفت دمك دى اية دى دانتة ملكش حل انا انصحك تروح مسرح الخفة للاصحاب الدم الذيذ ياعم قبل متريق على الناس بص لنفسك ولة نبص لنفسنة كام واحد ناجح فى شغلة وبعدين اتريق وشوف خيبت الناس بعد متشوف خيبتك هههههههههههه بجد دمك رخم جدا
يا حج جلبرتو لاعب كبير ذي لاعبي الاهلي كلهم وفلافيو هداف وبيعمل كل حاجه ألا الاجوان