انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

• ماما امريكا اللي بتصدر معتقليها لكلاب النظام المصر : ماما امريكا اللي بتصدر معتقليها لكلاب النظام المصر...

ولاد البلدقراءة في ٥ د

• من ابناء القبيلة : يا قبيلة مفكيش راجل يا شباب يا خولات ان قبيلة من ا...

• HANY : حقيقى انا سعيد بيكم وبالمجهود اللى انتوا عاملينه و...

• مواطن : ايه يا نبيل ايه الاخبار

• حسن الجمال : يانشوة القلب السعيد عيشى اصمدى

دالحزن بيفوت م الح...

آه

اليوم، وأمس، وأسبوعين ماضيين من العنف والغباء الأمني، والتعسف في كل شيء، والتعالي في قضية خسرانة خسرانة بشهادة الجميع!!

11/05/2006

تغطية خاصة – ولاد البلد:

"لقد كنت هناك.. وشاهدت كل شيء وتلك شهادتي"..

بالجملة السابقة بدأت المستشارة والقاضية نهى الزيني شهادتها التي أدلت بها عقب الانتخابات البرلمانية التي شاركت فيها وجرى تزويرها أمام عيونها.. لكنها رفضت أن يكون اسم القضاء مذكور – مجرد ذكر- في عملية التزوير القذرة!

ورغم أن جملتها قد وضعت الحكومة ورموزها في موقف محرج لم تستطع أن تخرج منه حتى الآن، إلا أن الأخيرة – الحكومة – لم تتعظ أبدا، وتزيد من أعداد هؤلاء الذين سيكتب كل واحد منهم في شهادته نفس الجملة.. لقد كنت هناك.. وشاهدت كل شيء.. وهذه شهادتي!

وبما أن الاعتراف سيد الأدلة كما علمونا أساتذة القانون والقضاء، فإن النظام المصري الذي تعود دائما على "السيادة" قرر أن يدلي بسيد أدلته على انهياره وضعفه… بل وغباءه!

اليوم، وأمس، وأسبوعين ماضيين من العنف والغباء الأمني، والتعسف في كل شيء، والتعالي في قضية خسرانة خسرانة بشهادة الجميع!!

أسبوعين، بدأوا باعتصام شباب في عمر الزهور، جلسوا أمام نادي القضاة وأعلنوها منطقة محررة من حكم مبارك، وكتبوا على الأسفلت أن "بدون مبارك مصر أفضل"، وغنوا للشيخ إمام ولمصر ولعبد الحيلم ومنير.. وناموا بدون غطاء..

لم يفعلوا أكثر من ذلك، لم يدخلوا النادي، فقط اكتفوا بتحية القضاة الشرفاء ومساندتهم في اعتصامهم.. قالوا لهم أنهم ليسوا وحدهم.. قالوا لهم أن قضيتهم عظيمة وكبيرة، وتستحق منهم أن يكونوا معهم فيها!

وفي لحظة، سيارة زرقاء كبيرة، بنوافذ من حديد، وسلوك على كل نافذة، يمنع خروج الذبابة، وباب ضيق، لكنه يسمح بمرور كل شيء وأي شيء، قادر على حبس أكبر عدد ممكن من البشر.. قادر على حبس الوطن..

جاءت السيارة، ولمت الشباب في دقائق، ولم تنسى أن تضربهم وتسحلهم، وعلى النيابة التي لا تبتعد كثيرا عن مكان الاعتصام، والتهمة.. منع عمال النظافة من ممارسة عملهم في تنظيف الشوارع.. القذرة دائما!

وتقلص عدد المعتصمين عشرة، ثم تكرر الأمر، فأصبحوا أربعين.. ثم أكثر.. وأكثر وتداخلت الأرقام في أذني.. حتى نسيت أن أحسب عدد الموجودين في الداخل.. لكن اليوم.. وجدتني بتلقائية شديدة أبدأ في حساب عدد الموجودين بالخارج.. لا بالداخل!

اليوم، ولأنه فصل جديد في فصول مهزلة "تأديب" القضاة، فقد فكر الباقيين من أبناء الحركة الوطنية (أخيرا أصبح في مصر حركة وطنية، إخوان وكفاية، وغد، وناصري، وتجمع).. حاولوا أن يتضامنوا مع القضاة!

لكن المكان كانت قوات الأمن قد تسلمته قبلها بيوم كامل، ولم تسمح لأي ذبابة (وطنية) بالدخول أو الخروج، فما بالك بمعتصمين ومتظاهرين.. بل ويعاندون نظام قرر أن يكون القاضي هو المتقاضي فيه!

أنا عن نفسي كنت هناك.. لكني لا أعرف ما حدث.. أكاد أقسم أن لا أحد يعرف.. لكن الصور لمحات عما حدث، لكنها تبقى في النهاية لمحات.. بدون أي معلومات مفصلة..

بعد ساعات من الاشتباكات (على اعتبار أن كان هناك طرفين، لكن الحقيقة أنه طرف واحد، يضرب، وطرف مضرووووب)، ذهبنا غلى مكتب حزب الغد، وهناك جلسوا يسألونا في لهفة عن إذا ما كنا نعرف أسماء أي من المعتقلين، لكن لا أحد يعرف، كلها تخمينات باسمائهم وظروف اعتقالهم..

حصاد اليوم يقترب من الـ300، منهم على الأقل ستة صحفيين، ومصور مضروب للجزيرة اسمه ياسر، ومصور مجهول الاسم لكنه تابع لوكالة رويترز.. رقم كبير، واسماء مجهولة.. وستصدر وزارة الداخلية بيانا مساء اليوم بالتأكيد، تقول أنها لم تعتقل أحد، ولو واجهوها بالصور.. سيقولون.. لا نعرفهم، ولم نضرب أحد.. وكأن في بلادنا وزارتنا للداخلية.. الأولى تضرب المتظاهرين.. والثانية تصدر البيانات التي تنفي ما تفعله الأولى.. وربما تدينه!

من المعتقلين محمد عبد القدوس، الذي كتب عنه أحمد زين أمس يعتذر له عن شتيمة وجهها له ظابط شرطة، لكن واضح أن الظابط شعر أنه لم يؤدي الواجب بالكامل، فاعتقله ضمن المعتقلين، وللسخرية فإن محمد عبد القدوس مازال يحتفظ بمنصبه كعضو مجلس نقابة الصحفيين، ومقرر لجنة الحريات..!

ومنهم.. محمد القصاص، الذي لا تعرفونه أنتم بالتأكيد.. وربما يعلمه بعضكم، وهو شاب مثلي ومثلك.. إخواني هو، ممتلىء الجسد مثلي، لكن امتلاء جسده لا يمنعه من متابعة كل النشاطات على اختلاف توجهاتها.. على القصاص ينبغي أن نبكي، وعلى حريته التي فقدها اليوم ينبغي أن نعلن الحداد على هذا الوطن!

في اللحظة ذاتها التي كان محمد عبد القدوس يضرب، والتي كان القصاص يركب البوكس، كانت سيارة زرقاء كبيرة، بنفس أوصاف السيارة الأولى التي ركبها المعتقلين.. كانت تسير على كوبري أكتوبر في العباسية، و"اختلت عجلة القيادة في يد قائدها"، فسقطت من على الكوبري، ولأنها كانت مليئة بالجنود الذاهبين لضرب المتظاهرين، فقد مات منهم سبعة وأصيب عشرون آخرين..

في ساعة واحدة، يموت هؤلاء، ويتم اعتقال هؤلاء.. والجميع ليس لهم ذنب فيما حدث، لا الذي أمره رئيسه بضرب "أعداء الوطن"، ولا الذي قرر أن يتضامن مع قضاء بلده لأنه يعلم أن نجاته على يده..

عليهم جميعا.. لا نملك كلمات تصف حالنا بعدهم، أو حال هذه الدولة وهذا الوطن وأمثالهم وغيرهم يملأون سجن طرة ومقار أمن الدولة في لاظوغلي ومدينة نصر وجابر بن حيان..

عليهم جميعا.. نقول آه.. آه علينا وعليكم.. وعلى مجند الأمن الضارب دائما دون إحساس، وعلى المعتصم والمتظاهر المضروب دون حساب.. وعلى النظام.. الذي يعاني سكرات الموت.. لكنه مازال يصر على أن علاجه.. حبة اسبرين!

* شاهد ما حدث بنفسك

عدد التعليقات : 33

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. مش شغلك... كُتب في
    اقولها ولاه مقولهاش ...+اه يابلد.
    والله ان شفت النظر بحباب عنيا لما الوحد اتشل , انا لما كنت في الحفله التنكريه اياها متنكره في صوره 'نهي الزيني " احبطتوني يتكم القرف فيك وفي اللي زيك مش عارفه اقول ايه
    " البلد دي رايحه في داهيه" نوفا
    "لا للتمديد ...لاللتوريث"...محمد السيد
    "مفيش فايدة"....©دبدوب
    ولا ه الاولي بسهوله ضيعوا الرواح...
    والتانيه غول ابن غوله حار علينا وراح...
    ووالتالته هيه المهوله تلتقيها مراح...
    والاوله آه ..والتانيه آه...والتالته آه....."بيرم التونسي".
  2. ياء كُتب في
    أغيثوا مصر
    مش عارف النظام ده عايز ايه
    فلوس مهو اخد عايز كمان ياخد ويغور
    سلطه بقالو اكتر من 25 سنه كاتم على نفسنا
    النهارده كان يوم فوق الوصف انا رحت معرفت اخرج من محطه القطار فى رمسيس ولما خرجت شفت نوعين من الناس ناس بتضرب ( عساكرنا الغلبانه ) وناس بتضرب ( شعبنا المغلوب على امره )
    للحق كان فى ناس يامه
    للاحق كان فى امن يامه يامه يامه ( غير الامن قلى موصلش )
    سمعت انهم مكنش عندهم النيه انهم يقبضوا على احد
    النهارده كان ضرب ثم ضرب ثم ضرب الخ-الخ -
    انا قلبى وجعنى كفايه كدا انا رايح انام
    واحلم بمصر تانيه غير مصر مبارك
    مصر الخير مصر تكون بشعبها قلى بيحبهاجنه وخيرها غنا
    قادر يارب ترفع عنا الظلم وتاخد الظالمين
    yehia2784@hotmail.com
  3. مصرية طفحانة الدم كُتب في
    آآآآآآآآآآآآآآآآآآآآآآآآآه
    آآآآآآآه يا مصر
    معقولة ده بقى حالك ؟
    ولادك بيضربوا ولادك ؟
    فيه ايه تانى عاوزينه؟
  4. مخنوق من الظلم كُتب في
    والله حرااااااااااااام
    والله الواحد مش عارف يقول ايه دى مناظر بأمانه تصعب على الكافر حكومة رمة وظالمة الناس كلها كتكم الهم والله ربنا ياخد الحكومة دى كلها واكلين البلد وبرده مش عاجبهم بلا نيلة علي دى حكومة ربنا يخلصنا من ام الحكومة دى على خير
  5. مواطق زهق كُتب في
    الإستمرار حتى زوال الظلم
    لا نريد كلام نريد أفعال يجب أن نزيل هذا النظام الآن لأنه أصيب بالسعار ، وأقول للإخوة فى الإخوان بارك الله لكم لما فعلتموه أمس ولكن لو اختفيتم كما حدث منذ اسبوعين سيعنى هذا أنكم ما أتيتم إلا لإثبات الحضور كل ما نريده الآن أن يتحد الشرفاء لتخليص مصر من مبارك نريد إستمرار المظاهرات والإعتصامات
  6. عبدالله مفتاح كُتب في
    زودوها اوي
    بجد الموضوع زاد اوي كده بقا لازم يكون في حل
    لا حول ولا قوة الا بالله
  7. واحدة وخلاص ......لكن مصرية جدا كُتب في
    آآآآه آآآآآه آآآآآآه
    مش عارفة اقول ايه
    هو في ايه ؟
    امتى وفين وازاي وليه ولحد امتى ؟
    مش عارفة
    بس كل اللي انا حاسة بيه اني بقيت غريبة
    مش ممكن تكون دي مصر
    لأ مش دي مصر .... مش دي مصر
    انا عايزة مصر اللي انا عارفاها اللي قريت تاريخها وعشت ناسها واتولدت وحبها مزروع جوايا.
    ولا عمري قلت آآآه من حالي ...
    لا عمري قلت آآآه من فقر ...
    لا عمري قلت آآآه من مرض ..
    لأني كنت عايشة في مصر ....
    حبها بيغنيني .....
    وطيبة ناسها وأمنها بيشفيني...
    بس دلوقتي انا مش في مصر ....
    بدور حواليا مش لاقياها....
    بدور عليها ....مش موجودة....
    مصر أختفت .... مش لاقياها.....
    بس انا مش حسكت ....
    حدور عليها....لغاية ما ألاقيها ..... وترجع تاني ...عروسة بهية....
    سلام الله عليكي يا مصر .. يا رب تسلمي من كل شر...
  8. غاوي كلام كُتب في
    موقع التغيير يهدي أغنية للمعتقلات في سجون مصر
    موقع التغيير ينتج أغنية خصيصاً للمعتقلات في سجون مبارك
    http://taqhier.net/songs4.php
  9. ايمن المصرى - الكويت كُتب في
    اة و الف اة
    و اللة من القلب اة و الف اة عليك يا مصر . هكذا وصل الظلم و ووصل الاستبداد .
  10. اخت حد انتوا تعرفوه كويس كُتب في
    آه يا بلد .......لا مش بس آه دي آآآآآآآآآآآآآآآآآآآه
    طبعا بتسالوا دي اخت مين اخت مين؟؟؟؟؟؟؟؟
    انا اخت حد قارفكم تعليقات بس المفروض تكونوا لاحظته غيابه المرة دي عن التعليقات خاصه انه كان مزهقوا دعوات لحضور الاعتصام
    ايوة هو ...صح اللي انت بتقوله يا اللي بتقرا..... ده حتي الاخ اللي اسمه مش شغلك فوق لسه جايب سيرته
    اخويا هو اللي كان شكله هيغير تعليقه بس ماغيرهوش ....اخويا هو محمد السيد "لا للتمديد لا للتوريث"
    انا عارفه انه واحشكم بس والله ما منعهوش عنكم غير الشديد القوي اللي هو الامن او بمعني تاني معتقلات الامن
    ايوة اخويا مشرف عند حبايبنا هناك ....اتاخد مع اللي اتاخدوا
    متقلقوش عليه بكرة يرجع ويحكيلكوا علي كل حاجه حصلتله... بس بالله عليكم متنسهوش في الدعاء
    اه كنت هانسي اللي يقدر يروح يوديله عيش وحلاوة يروح ..اصل اخويا اصلا بيحب الحلاوة
  11. برضه اخت الشخص اللي انتوا تعرفوا كويس كُتب في
    آه يا بلد .......لا مش بس آه دي آآآآآآآآآآآآآآآآآآآه
    رساله نفسي توصل لكل فرد فيك يا وطن من اصغر فرد لاكبر فرد...........نفسي اقول انهم مهما عملوا فينا......ومهما كانت الضريبه اللي هندفعها من وقتنا او جهدنا او حتي- احيانا كتير اليومين دول - من دمنا.. مش هنسيب الياس يتسرب لنا ..مش هنيأس يا بلدي ..مش هنلومك ...مش هنكرهك.........لو ده تمن حبك يا بلدي هقدمه عن طيب خاطر ..ولو هيه دي الضريبه هادفعها وكلي رضا .....
    لما سمعت اللي حصل وشفته وبعدين لما عرفت اللي حصل لمحمد اخويا
    لقيت نفسي بافتكر حاجه واحده لافتات احمد مطر اقروها ويا رب تعجبكم
    الحاح
    -ما تهمتي؟
    - تهمتك العروبة
    - قلت لكم ما تهمتي؟
    -قلنا لك العروبة
    -يا ناس قولوا غيرها أسألكم عن تهمتي .ليس عن العقوبة
    صباح هذا اليوم
    أيقظنى منبه الساعه
    وقال لى : يا ابن العرب
    قد حان وقت النوم
    مسألة مبدأ ..!
    قال لزوجه: اسكتي .
    و قال لابنه: انكتم.
    صوتكما يجعلني مشوش التفكير.
    لا تنبسا بكلمةٍ أريد أن أكتب عن
    حرية التعبير !
  12. عبدالله مفتاح كُتب في
    ربنا يرجعك بالسلامة
    ربنا يرجعك بالسلامة يا محمد ولغاية مترجع
    لا للتمديد...لا للتوريث... نعم لتعديل الدستور
  13. ضد الحكومة كُتب في
    نقف وقفه رجاله
    ربنا يكرمك يا محمد و يرجعك لعشرينات بالسلامه و بجد انا شايف ناس زهقانه و اتخنقت من الظلم خلاص بس المشكله ان احنا بنتكلم و احنا قاعدين في بيوتنا راكبين عربيه الاعتقلات بمزاجنا و احنا قاعدين نتكلم علي النت احنا لازم كلنا نتحرك الشعب كله يتحرك الشباب كله يتحرك نعمل زي محمد و لو اعتقلنا و اضربنا و لو متنا بس منفضلش قاعدين كده الامن و النظام لو شاف 70 مليون مصري بيقولو لأ و واقفين وقفه رجاله مصريين بجد مش حيقدر يعمل حاجه عايزين نشجع بعض و نقف ضد الظلم ونكلم الناس و نخليهم هما كمان يقفوا في وش الظلم لازم نصحي
    و كفايه كده عشان متزهوش
    و لغايه اما محمد يرجع يا ريت تبقي توقيعتنا في التعليقات
    لا للتمديد...لا للتوريث... نعم لتعديل الدستور
  14. مصري مقيم باجمل بلد ( دبي ) كُتب في
    ايه الوساخة ديه
    ايه القذارةاللي بقت في الحكومة ديه انا حاسس ان الناس اللي بتضرب دول يهود او كفار او قوات احتلال حرااااااااااااااااااااااااااااااام عليهم اللي بيعملوه في الشباب المصري ده يا جماعة ازاي ده بيحصل وقوات الامن ديه اهالينا يعني اخواتنا وقريبنا اكيد كل واحد فينا ليه اب او اخ اوقريب ظابط ولا عسكري حتي إزاي الكلام ده بيحصل حاجة تجنن الوضع في مصر سئ جداً واتمني من الله ان يتحسن
  15. ياء كُتب في
    اخدوا صاحبى منى
    مكتوبالك يا محمد يا سيد
    على فكره محمد اتاخد من قلب ميدان رمسيس اخدوه من جوه الجامع اه من جوه الجامع
    محمد اخد 15 يوم حبس (يعنى الامتحانات راحت عليه )
    منهم لله اخدو صاحبى منى
    فى نشيد كنا بنسمعوا مع بعض كان بيقول
    اخى رجع صوتك هز الورا سيبقا شعاعا يضئ الثرا فان غيبوك ليخفت نور فانت بقلبى هنا نيرا
    الحريه للمعتقلين الحريه للوطن
    لا للتمديد...لا للتوريث... نعم لتعديل الدستور
    yehia2784@hotmail.com
  16. ياء كُتب في
    تفاصيل الخبر
    قررت نيابة أمن الدولة العليا في وقت مبكر من صباح اليوم حبس ستة وستين من إخوان الإسكندرية خمسة عشر يوماً بتهمة التظاهر والشغب وذلك علي خلفية التضامن مع القضاة المحالين للتأديب أمس .
    اخى رجع صوتك هز الورا سيبقا شعاعا يضئ الثرا فان غيبوك ليخفت نور فانت بقلبى هنا نيرا
    الحريه للمعتقلين الحريه للوطن
    لا للتمديد...لا للتوريث... نعم لتعديل الدستور
    yehia2784@hotmail.com
    كانت قوات الأمن قد ألقت القبض علي المئات من الإخوان المسلمين الذين توافدوا من كل محافظات مصر لمساندة القضاة والتضامن معهم كما قامت بسد جميع المنافذ المؤدية إلي دار القضاء العالي ونقابة الصحفيين المصرية لمنهم من التفاعل في هذه المذبحة
  17. واحد كان مصرى كُتب في
    كل ظلم وله نهاية
    مش هايستمر الوضع كده لازم يدوق الدكتاتور الكبير كل إللى سقاه للشعب من ظلم وإستبداد وأهو صدام حسين أكبر مثال على الطغيان كانت نهايته وبرضوا على أيد القضاء وإللى بيعمله حسنى مبارك علشان يقضى على آخر نفس للشعب وبعد كده يبقى ضمن إن الشعب كله مات لكن مصر برضوا ولادة وكلنا أبطال ومصر عمرها ما ها تموت لكن ها تكون مقبرة للطغاه
  18. مصرى كُتب في
    نهايته سوده
    كل ده علشان حسنى مبارك ما اتحكمش على قتله للرئيس السادات على أيدين القضاه وعلشان ما أتحكمش على وجوده فى الحكم بدون إنتخاب وعلشان تزويره للإنتخابات وعلشان أستيلاءه على ثروات مصر ولأنه ملقاش حد يرده ويصده ويطرده لكن نهايته سودة فى مصر بس محتاجين تكون إيدينا فى إيد بعض ومحتاجين قيادة القضاء لينا وبتوفيق الله سنقضى على هذا العجوز الطاغى
  19. تهمتهم انهم اهانوا الرئيس و عطلوا المواصلات... كُتب في
    شوفتوا تهمة ال 360 واحد
    يا خى ....أو أو على رأى اتنين من اصحابى فى طرة دلوقتى و واحد تانى فى الاستقبال من يوم الخميس اللى فات .كلهم كانوا دايماً يقولا ياخى او او دى و كنت بقولهم عيب يا جماعة ...دى بتاعت الاسكندرنية بس ..و اى حد تانى فى مصر لو قالها تبقى عيب و انتم موش اسكندرانية ...بس انا دلوقتى بقولها اهوه ياخى او او...
    على فكرة يا جماعة ...صدام بيتحاكم على احداث الدخيل و الباشا بتاعنا برضه ساجن 360 واحد فى نص ساعة لمجرد انهم هزقوه على حد وكيل النيابة ...و حرمهم من عائلاتهم..و حرم الطلبة منهم من امتحاناتهم ...يعنى الناس دول هضيع عليهم سنة من عمرهم علشان بس هزقووا امه...يا ابن...
    انا معنديس حاجة اقوله للأسف لانى موش متعود اشتم...فا أرجوكم لو فى حد لسانه زفر شوية يظبطتلنا القعدة و يعيد تعليقى ده بأسلوبه بقى الفصيح .
    ياااا أخىىى أو أو
  20. مصرية لن تفقد الامل كُتب في
    الطغاة الى زوال]
    لو دامت لغيرك ما اتصلت اليك .. هؤلاء الاغبيه معتقدين انهم مخلدين فى الدنيا ولكن مكان خلودهم الوحيد فى مذبلة التاريخ وجهنم وبئس المصير فى الآخرة باذن الله الفساد الذى افشوه فى مصر سيدفعون ثمنه غاليا هذه الصور المحزنة والمخذية ستنقلب عليهم وعلى كل من سمحت له نفسه من ان يسير معهم فى ركب الفساد والمحزن ان نرى جنود مصر من الشرطة او الامن المركزى او اى جهه كانت هم المعتدون على ابناء وطنهم اين الضمير لدى قادة هؤلاء الجنود كيف تسمح لهم انفسهم باعطاء الأوامر لارتكاب هذه الافعال الوحشية ضد ابناء الوطن وهم حماته اين الرجولة والمرؤة فى هذه الصورة البشعة واين الديمقراطية الى يتغنى بها الزعيم الأوحد فى كل المناسبات وبرغم القبح والبشاعة لهذه الصوره الا ان الشىء الايجابى فيها انهم يحفرون قبورهم بايديهم ...هيا زيدوها عمقا حتى تتسع لكل هذه العصابة ولو ان حتى تراب مصر اشرف من ان تدفنوا فيه وقبل ذلك ياله من حساب لكم لكل ما ارتكبتم فى حق هذا الشعب ان كل من طالته هذه الايدى القذرة انما هو وسام شرف على جبينه لانه وقف فى وجه الطاغية وقال لا انهم يضعون المسامير الاخيره فى نعوشهم والنهايهة اقتربت والنصر دائما وابدا للشعوب
  21. مجدى اليمانى كُتب في
    عايزين البديل
    اعتقد اننا كلنا متفقين ان النظام ده مات اكلينيكينا 000اوك يبقى لازم نفكر فى البديل انا عن نفسى اتمنى الاخوان
  22. ياء كُتب في
    تحت السطور
    مصر حبلى و اللى ف بطنها ولد
    ولد طول بعرض بحلاوة
    في عينيه بريق
    وف دمه خفه
    مخلوطة بحبة شقاوة
    مصر حبلى
    ومش هبله
    واللى ف بطنها
    واد ع الفرازة متنقي
    دمه زي العسل
    وخالي م الغباوة !!!
    منقول
    منهم لله اخدو صاحبى منى
    اخى رجع صوتك هز الورا سيبقا شعاعا يضئ الثرا فان غيبوك ليخفت نور فانت بقلبى هنا نيرا
    الحريه للمعتقلين الحريه للوطن
    لا للتمديد...لا للتوريث... نعم لتعديل الدستور
    yehia2784@hotmail.com
  23. ابو علي كُتب في
    صعيدي وعجبي
    عليا النعمة اللي حصل ده يوم الأربع الأسود ما يرضي اي كافر علي وجه الأرض
    وكمان شوية البلطجية ولاد الكلب اللي تبع الحزب الوسخ دول علي طول لما بتتزنق الحكومة علي طول تجيب شوية ولاد الكلب الي بيكسبو بهتافاتهم دي
    وكمان ايه اللي عملتوه للنسوان يا ولاد الكلب في المظاهرات دي ؟
    والله ليهم حق في اي دولة يدونا بالجزم علشان سعادة مبارك بيه الراجل الحلو
    واحذر الكل ان البلد ان شاء الله هتولع عن قريب بس استنوا لما الطلبة تفضالكو وانتو موش عارفين يعني ايه الطلبة ؟
    وكمان استنوا لما ربنا يكرم الصعايدة ويفوقو من الضغط اللي هما محطوطين فيه من الشرطة العميلة
    واقولهالكو عمر مصر ما كانت مبارك ولا عمر مبارك كان مصر
    واعجبي
  24. أتمنى ألا أكون مصرى كُتب في
    إبادة شعب
    لا بد أن يعاقب الرئيس حسنى مبارك على أفعاله إن ما يفعله هو إبادة جماعية للشعب المصرى وإغتيال لوجوده فمنذ أن إستولى عن الحكم بدون إنتخابات وهو يعلم عدم شرعية وجوده مما دفعه للإستيلاء على كل مقدرات البلد وثرواته وتزويره الإنتخابات به وتهميش الشعب وهذه نفس سياسة أى مستعمر فى إحتلال أى دوله إبادة الشعب وقهره حتى لا يكون هناك أى قوى تقف فى وجهه ونحن نطالب بمحاكمة دولية لحسنى مبارك على إبادته للشعب المصرى من تهميش وفقر وبطالة ومرض وإستيلاء على كل مقدراته وتزوير كل الإنتخابات لابد أن نقدم جميعاً عريضة محاكمة له على إتفاقية الكويز التى اضرت بإقتصاد مصر وعلى تصدير البترول لأمريكا لمدة عشرين سنة بنصف التمن وتصدير الغاز لأسرائيل وتصدير الأسمنت لها لبناء الجدار العازل وبيع الشركات والمصانع وهى من أملاك الشعب وليست من أملاكه وتهريب الأموال للخارج وإنتشار الفساد أنه مجرم ولا بد من عقابة كمجرمى إبادة الشعوب ولابد من نداء كامل من الشعب كله على ذلك فكيف سينظر العالم للمصريين بعد كل هذه الإهانات التى يتلقاها الشعب من حاكمه والفسدة من حوله العالم الذى كرم المصريين بأرفع الجوائز العالمين كيف سيتعامل اليوم مع المصريين
  25. نيفين..نيفى..نوفا كُتب في
    لا للتمديد لا للتوريث نعم لتعديل الدستور الف مره
    و الف اه و الف حسره
    على مصر و شباب مصر
    بقول لمحمد معلش يا ابنى
    قدر الكبير بان يظل كبيرا
    ربنا معاك و بكره ترجع و تلاقى شعارك بيختم كل التعليقات على الموقع
    معلش دوله الظلم ساعه
    و هفضل اقولها
    البلد دى رايحه ف داهيه
  26. مصرية مره اخرى كُتب في
    قولوا آآآآآآآآآآآآمين
    لالالالالالالالالالالا..للفساد..لالالالالالالالالالا لمبارك وسلالته..لالالالالالالالالالالالالالالا لقانون الطوارىء ..ونعم..نعم..نعم..لتعديل الدستور..أنتم أحقر المعانى والكلمات فى قواميس كل لغات الدنيا ..ربنا يخلصنا منكم ..ونلاقى داهية ترضى تاخدكم ...قولواآآآآآآآآآآآآمين
  27. لا كُتب في
    لا
    منقول
    :سيدي الرئيس .. أنت جبان
    أراك تلتصق الآن في مقعدك الوثير، وتثبّت عينيك على الشاشة الصغيرة، وترتعش يداك وهما تتعّرقان حول سمّاعة الهاتف، وقد جاءك صوتٌ من أحد كبار الكبار يطمئنك بأن كل الأمور على ما يرام، وتمام يا أفندم، فقواتك الباسلة، يا صاحب الضربة الجوية الأولى، اخترقت بشجاعة منقطعة النظير جيشاً عرمرم من شباب صغير ومرهَق من السهر استعدادا للامتحانات، ثم لبى نداء قضاته الشرفاء.
    كانوا عشرة على الرصيف، وجنودك الأبطال أكثر من تسعمئة يحاصرونهم. القانون يقول بأنه يتم القبض على مخالفيه، ثم يُعْرَضون على النيابة. أما قانون الجبان فيطلب من كل ثلاثين أو أربعين كلبا محاصرة مواطن واحد، ثم القائه أرضا، وركله بشدة في كل أنحاء جسده حتى يتورم، وتنفجر من مساماته دماء حمراء قانية.
    أراك هاربا في ايطاليا أو ألمانيا أو المغرب أو شرم الشيخ، وأتحداك أن تخرج في موكب مخترقا شوارع العاصمة ولو كنت في حماية أمريكا واسرائيل وكل كلابك الذئبية المفترسة.
    أقدم اعتذاري الشديد لكل الطيارين الأبطال الوطنيين الذين رعتهم سماء مصر في السادس من أكتوبر عام 1973، وأقول لهم بأن هذا الرجل ليس منكم وليس مِنّا.
    لعلك كنت تستلقي من الضحك على غضروفك الذي آلمك عندما بلغك نبأ تحرش ضباطك وجنودك بفتيات مناضلات أصغرهن أكثر منك شجاعة، وأعمق حبا للوطن، وأقرب لروح السماء منها لتراب الأرض.
    انتقدتك كثيرا، وكتبت عنك ما ظننت أنه يفجر الماء من الصخر، ولكنني هذه المرة أحمل لك رسالة من سبعين مليونا من المصريين، ومعهم ستة ملايين مغترب منعهم ظلمك أن يدلوا بأصواتهم في الانتخابات الأخيرة خشية أن يكون الوعي قد أصابهم، والخوف من زائر الفجر قد زال عنهم في الغربة.
    الرسالة التي أستطيع أن أختصر لك فيها ربع قرن من حكمك ا
    اقرأ بقية التعليق ..
  28. محمد كُتب في
    مبارك حبيبى الشعب
    والله بجد انا بحب حسنى مبارك لانه بين ان مصر فيها شباب بتحب البلدبجدبس يعنى لو كنه بنحبها من غير مبارك هتكون احسن بكتير بارك الله فيكم
  29. وحيد ( الوهج الدامى) كُتب في
    هو فيه ايه
    تلقيت رسالة محمد الشرقاوى وبها تفاصيل
    إنتهاك رجولته ( قديمة كلمة عذريته ) ولم اجد ما اغُعلق به عليها
    سوى نقلها كاملة على مدوناتى وبتوقيعى فى المنتديات ؛ الغريب فى الامر ان سُلطاتنا المقدسة مازالت تُصر انها لم تفعل شيئا
    ولم يحدث من الامر شىء
    ياااااااااااااااااااااااااااااااااااااااااااه
    لسانا فى الحلم عايشين لبكرة
    فقط
    تلك كلمتى لهؤلاء الزبانية
  30. أم محمد كُتب في
    هو احنا فعلا فى مصر
    ايه دة انا بعد ما شفت الصور والله حزنت حزن شديد وسألت نفسى هو احنا فعلا فى مصر والصور دى بتاعة مصريين والا دى غلطه مطبعيه يا جماعه دى اكيد صور اليهود اللى فى فلسطين بيضربوا الفلسطينين أو صور الاموريكان الكلاب وهم بيضربوا فى العراقيين لكن تقولى ان دى صور للمصريين على راى الست ام كلثوم اهو ده اللى مش ممكن ابدا وحسبنا الله ونعم الوكيل
العودة إلى الأعلى