تعرف.. الشاب الموبيأ؟؟
لو كل اللي فات ده بقى منفعش.. بصي أهم حاجة ع التي شيرت أو القميص.. لو داخل جوا البنطلون اعرفي فورا إنه بيئة ومبيعرفش يلبس كمان..
15/05/2006
مي كامل – ولاد البلد:
ندخل في الموضوع على طول.. بتمشي في الشارع وتلاقي الشارع مليان شباب.. تسمعي صاحبتك الهبله وهي بتقولك "ياي الولد ده زي القمر" وهو لا قمر ولا حاجة..
تردي بثقة "قمر إيه بس، أمر بالستر.. ده حتى بيئة قوي".
- وأنتي عرفتي منين..
وهنا تهنجي حضرتك ومتعرفيش تردي مع انك تبقي متأكدة إنه مينفعش يكون غير بيئة..
إليك روشتة تفحمي بيها صاحبتك - الهبلة إياها -.. عشانك وعشان كل بنت.. تعرفي منين إن الشاب ده بيئة؟!!
هتلاقي ضوء جامد جدا جابلك عمى من دماغ الولد.. طبعا ده بسبب الجيل – أو الفازلين الله أعلم- اللي هيكون مغرق بيه رأسه وتقريبا تلاقيه عاملك فرق ولا رشدي أباظة في ملاك وشيطان.
هتلاقي حظاظة مقرفة كدة في أيده اليمين ومن كتر اللبس والعرق هتشمي ريحتها من على بعد 100 متر.. وطبعا المفروض تلاقي في الأيد الشمال ساعة زي الناس العادية إنما تلاقيه عاملك افتكاس في الأيد الشمال.. يمكن حظاظه تانية وساعتها الريحه هتبقى كلب ميت أو لابسلك أي جلدة أنبوبة لقاها في بيتهم.
طريقة الكلام هتبينلك جدا إذا كان فعلا بيئة ولا لأ.. تلاقيه وهو بيتكلم بيشاور بأيده كتير أوى وهتلاقيه بيتّك على كل حرف جامد ولسانه تقيل على أغلب الحروف.. هيتحرق دمك أصلا وأنتي بتسمعيه بيتكلم وهيبقى ده دليل دامغ (حلوة دامغ دي) على إنه بيئة جدا..
هتلاقيه كمان كل شوية بيفرد التي شيرت بتاعته أو القميص اللي لابسه.. وعمال كل خمس دقائق يتأكد إن شعره لسه ملزوق في رأسه مطارش ولا حاجة.. هتلاقيه كل شوية عمال يطمن إنه كله تمام.
اسأليه على المطربين المفضلين بتوعه.. هتلاقيهم مخرجوش بره اللسته دي (سعد الصغير – العمدة – بهاء سلطان – هتسمعي شوية أسامي تانية متعرفيهاش ويمكن تسمعي واحد فيهم بالمصادفة في ميكروباص) أما عن الأفلام اللي بيحبها هتلاقيها واحد من دول (اللمبي – حاحا وتفاحة – عفاريت الإسفلت.. وتقدري تميزي كل الأفلام اللي كان فيها البطل أقل ما يقال عنه جربوع ونضف في آخر الفيلم)
هتلاقيه بيحشر أي كلمة انجليزي أو أي كلمة أجنبيه عشان يوريكي إنه الواد الفت النت اللي عارف لغات العالم.
ركزي قوي ع الجزمة الكوتش.. هناك من يؤمن أنها علامة مميزة لمعرفة إذا ما كان الشاب بيئة أم براءة من التهمة.. والساعة كمان بتفرق أوي أوي.
أما لو حظك وحش وقربتي منه فممكن تشمي ريحة البرفان واللي غالبا هيكون مضروب من على بعد 100 ميل ده طبعا إذا الريحه مدخلتش عليها ريحه الحظاظه إياها.
لو كل اللي فات ده بقى منفعش.. بصي أهم حاجة ع التي شيرت أو القميص.. لو داخل جوا البنطلون اعرفي فورا إنه بيئة ومبيعرفش يلبس كمان.. إنما لو التي شيرت والقميص بره البنطلون يبقى احتمال 50% ميكونش بيئة وابدأي طبقي الشروط السابقة.. وربنا معاك.
لمزيد من المعلومات عن الشاب البيئة.. يرجى الاستماع للأغنية التالية..
عدد التعليقات : 221
• هنا يرقد أجمل المصريين
• السواركة.. مانديلا العرب
• رباعية في المئوية الأهلاوية
• مائة عام.. أهلي!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
واتبسطت قوي في آخر حاجة من حتة القميص اللي بيطلع برة
بس مش عارف يا مي فيه ناس كتير مش بيئة بتحط القميص جوة البنطلون بس بشياكة ولا ايه رأيك وفيه ناس بتحط القميص برة حرصا على إخفاء الكرش
اطن ان ما كتب فى المقال
من ملاحظات ومعلومات
لا يأخذ على محمل الجد
او هوة معمم بالكلية
وبعدين يعنى اية يعنى بيئة
بيئة وسخة يعنى
سبحان الله
عايزين بقى المرة الجاية
معلومات عن ابو بيئة مستحمية
شوفتى يعنى الاتنين بيئة
بس الفرق بقى فى نوع الصابون
موضوع هايف أوي بصراحة. متعمليش كدة تاني
بيفكرنى بمقال البنت دى مؤدبه
منهم لله اخدو صاحبى منى
اخى رجع صوتك هز الورا سيبقا شعاعا يضئ الثرا فان غيبوك ليخفت نور فانت بقلبى هنا نيرا
الحريه للمعتقلين الحريه للوطن
لا للتمديد...لا للتوريث... نعم لتعديل الدستور
yehia2784@hotmail.com
ياريت ياجماعة قبل ما نتريق او نستظرف نفهم ابعاد الشيء اللي بنتريق عليه
عنوان الموضوع جذبني، بس التنفيذ جه معاكي أوت يا مي.. وحسيت كأنه تريقة على طبقة معينة، لا يعني عدم انتمائنا ليها اننا نحتقرها.
وعلى الرغم اني للأسف ساعات بنجرف وأوصف ناس معينة بأنها بيئة، لكن بجد دي حاجة جارحة جدا، وإذا كنا مش هنعرف نتقبل شباب زينا.. وعايشين معانا في بلدنا وبيشاركونا نفس الهم، يبقى عيب علينا قوي..
أنا بصراحة نفسي نلغي كلمة بيئة من قاموس الشباب.. إيه رأيكم ؟
اسمحى لى أن أقول لكى أنك فعلاً موهوبة وتمتلكى ناصية القلم ، ومفردات ومعانى ممتازة ولكن أرجوا منكى ألا تهدرى طاقتك وموهبتك فى موضوعات من عينة المكتوب أعلاه .. أختارى أفكاراً جادة وأبحثى وحللى بطريقتك فيها وأأوكد أنه سيكون بأذن الله موضوع متكامل ورائع كاكاتبته..
**قصة قصيرة من تأليفي
ياريت فعلا نلغي كلمة بيئة من قاموسنا او يمكن الكلمة لسة ليها استخدام في حالة مختلفة ... ممكن نستخدمهامع الشاب ابن الناس اللي نزل بعربيته الجديدة عالزيرو و حاطط برفان بمليون جنيه يعاكس البنات بنات الناس قوي جدا اللي لابسين محزق قدام النادي
و قس علي ذلك ... في امثلة اخري كتير للشباب البيئة فعلا
اما بالنسبة للذوق المتدن في الافلام و الاغاني فهو غير مرتبط بفئة معينة لان المجتمع المصري كله يستمتع باغاني بهاء سطان و يشاهد فيلم اللمبي و مع ذلك فلم تذكري في موضوعك النموذج المقصود بالفن الراقي هل هي اغاني ع
اقرأ بقية التعليق ..
هو العنوان مقرف شويه , بس حبيته , شوفي يا حاجه انا ساعات بحب ابقي بيئه ولما ابقي بيئه انسي , الشمحطجي دا صفر علي الشمال بالنسبه لي , تقومي بعد شويه تكتشفي اني متعلمه بره "اوت يعني "
وفي الاخر يعني كلنا ولاد تسعه وبنسعي دي مش وسيه الناس سواسيه ..
بالحق هو نوع الجيل ايه اللي كان جيبه اخينا دا ؟؟؟؟
وبعدين فى ناس كتير بيحبوا الافلام الى كتبتم اساميها
وكمان المطربين
هل دا يحكم ان الشخص بيئه؟؟؟؟؟
لا اظن
لشده ما يعجبنى الموقع بمحتواه الوطنى الهادف استغب احيانا من بعض المواضيع الى (بتلطش غلط فيه)
بصراحة عيب على موقع ولاد البلد يتكتب فيه حاجة زى دى على فكرة انا من قراء الموقع من زمان ولكن لا اعلق على المكتوب فيه من أراء ولكن هذا الموضوع مستفز لانه بصراحة مثال صارخ لما يعانية المجتمع المصرى من طبقية وتفرقة بين المواطنين .
يعنى لو حضرتك مثلا من سكان مصر الجديدة ولا المهندسين ولا جاردن سيتى ولا اى منطقة وسألتى واحد أو واحده انتى منين وقالت لك مثلا من الجيارة او القلعة او شبرا الخيمة شوفى نظرتك هتقى ازاى ولو الشخص اللى انتى بتسأليه قالك انه من التجمع الخامس او مدينة الرحاب او من اى منطقة راقية ( حسب مواصفاتكم ) شوفى النظرة هتكون ازاى وانا بعتبر الشخص اللى ينظر النظرة دى هو اللى بيئة بل وبيئة ......ولا بلاش عيب عليكم ياولاد البلد خليكم ولاد بلد بجد
بزمتك اخر مره استحميتى فيها كان من كام سنه
هههههههههههههههه
باى باى باى ياشعب عبيط واهبل عليا النعمه احنا اتهبلنا
بعيد عن الموضوع وبعيد عن الكتابه والاسلوب انا عايز اقول ان في حاجه بتدايقني جدا جدا جدا جدا
مش عارف ليه؟ يمكن عشان انا متخلف مثلا؟
الحاجه دي اللي هي بنت تمدح في جمال ولد وتمدح عادي جدا يعني تقول مثلا (تحفه او بحبه اوي او بموت فيه او خطييييير عنية جوهرة ....الخ)
طبعا واحده هتقول لي اشمعنه الولاد من حقهم يمدحوا واحنا لا انت بتمبلك ثقافه ذكوريه هي اللي بتخليك تدايق لكنه امر عادي
وانا ارد واقول اللي عايزة تمدح ليها انها تمدح براحتها بس اظن انها نقطه سودة في شخصية البنت اللي شايفها انها حاجه عاديه
لا للتمديد لا للتوريث نعم لتعديل الدستور
بس علي رأي معرفش مين لما سافر مش فاكرة فين رجع قال رأيت اسلاما بلا مسلمين و مسلمين بلا اسلام
Eah el 3abat dah aslan?Mawdoo3 tafih mabda2yan kda.Tani 7aga inti elly shaklik mish fahma 7aga wala bt3rafi tafra2i.wana motafik m3a el akh elly a2al inak 3ayza tinsi el ayam el adeema.gatko neela malaito el balad
maho el shabab elly wa2f fil shari3 da shabab bi2a aslan. Khaloona fi 7al el balad elly bayza.A2al bee2a a2al.
اولا مي ماكنتش بتتكلم على التفرقه بين الطبقات او كانت بتتريق على طبقه معينه بعينها .هيا كان قصدها على ناس معينه احسن حاجه تتقال عليهم انهم بيئه والحكايه دي مش مرتبطه بالفقر او الغنى فالمكانيكي بيكسب كتير وممكن يلبس اغلى لبس لكن تيجي تبص لشكله هتلاقيه تعبان خالص ومايقدرش دكتور الجامعه مثلا يتكلم او يتناقش معاه او ينزل لمستواة الفكري.
والدليل على كده ان اغلب الشعب المصري مش غني بل حالته تعبانه لكن هتلاقي الطبقه الوسطى مليانه ناس جميله وشيك حتى لو مش معاها فلوس كتيرالعبره بالدماغ والفكر والاحساس.
مي كان قصدها على ناس غريبه بتلبس بطريقه غريبه تقرف وبتكلم بطريقه اغرب ولو كل واحد فكر يقول الحق هيلاقي ان اغلب الناس دي بتفكر بطريقه همجيه خلي مثلا واحده حلوة تعدي من جنبهم واسمع المعاكسه عامله ازاي منتهى القرف وياسلام بقى لو البنت صدتهم يبقى حلت عليها اللعنه وهيشتموها باوسخ الالفاظ اللي يعاقب عليها القانون وكلكوا عارفين ان ده بيحصل وييجي بعد كده واحد يقولي معلش دول فقرا فقرا ايه ونيلة ايه ممكن تكون بتفهم كويس وفقير في نفس الوقت .
وهيا معاها حق فعلا في وصف لبس الناس بالشكل ده لأن دي سمتهم في اللبس لحد مابقت علامه مميزة ليهم اي نعم في شواذ بس الغالبيه مش كده .
وطبعا مانقدرش ننكر ان شكل الانسان بيحدد مستواه الفكري قبل المادي ومش لازم يكون ده مرتبط بالفلوس .
هيجي واحد ويقولي والناس الغلابه دي اللي مش لاقيه تاكل تلبس حلو ازاي زي الاغنياء وازاي تتابع صرعات الموضه عشان ماتكونش بيئه هقوله انت مافهمتش جوهر الكلام لأن ماحدش قال كده وماحدش قال لازم تبقى غني عشان تلبس كويس بس ايه المانع لما تكون راجل على قد حالك ومكافح وفي نفس الوقت شكلك يكون شيك والشكل الكويس مرتبط بالشخص واحساسه بالجمال مش
اقرأ بقية التعليق ..
انا كل اللي ضايقني منك كلمتك ان البنت اللي تمدح الولد فيه عيب في شخصيتها لكن الولد اللي يمدح البنت عادي.
وانا اضايقت لأني ماعرفش حاجه اسمها ولد وبنت السجاير وحشه تبقى وحشى للكل مش للولاد حلوة وللبنات وحشه..
لازم تنضف مخك شويه وواضح ان العيب في شخصيتك انت
تعرفه بيئة ولا مش بيئة ولا أصلا تعرفه ليه أيه المهم في كده؟
لما نحب ننوع للناس بره السياسة مش معنى ذلك نرميهم في مواضيع سامحوني لو قلت تافهة
وكمان لو الموضوع ده بالنسبة لنا مهم يبقى مفرقناش كتير عن متظاهري تامر حسني
انتوا ياللي بتتريقوا على البنت المسكينه ماتنضفوا دماغكوا بقى وتبطلوا شتيمه وقلة ادب.
لو انتوا كان عندكوا بقايا مخ كنت عرفتوا انها مش بتتكلم عن الطبقات وعن الفقرا والاغنيا بس واضح ان اغلبكوا مش بيعرف يفهم جوهر الكلام ومعناه الا اذا كنتوا من العالم اللي هيا بتنقدهم
ياريت ياجماعه تكونوا متحضرين وتحترموا اراء الناس وتبطلوا قله ادب والناس اللي بتقول ان الموضوع مش مهم احب اقولكوا انه مهم لأني بتخنق من الناس دي عشان بتدخل في كل حاجه وهما اغبيا اساسا وعشان مش بيعجبهم العجب ودايرين تريقا على خلق الله مع ان مناظرهم تقرف
نصيحة متكابريش و اتعلمي من الخطأ اللي كل الناس اجمعت انه خطأ و نحن في انتظار موضوعات جديدة منك بفكر جديد بس مش زي بتاع الحزب الوطني
و مشعارف الناس اللي بتدافع عنه محموقة اوي كدة ليه هي ناقصة قرف و بعدين ماالزبال اللي اسمه تامر حسني بيحط جيل و بيلبس حظاظات و بيمثل افلام فاشلة ماقلتوش عليه بيئه ليه مع ملاحظة اني كابتكلمش عن نفسي علشان مايطلعش كلب يقول اني متضايق علشان الكلام جه علي الجرح و الكلام العبيط ده
بص يا فادي انت شكلك بتقرا الكلام بسرعه لاني
اولا:مقلتش ان الولد لما يمدح جمال بنت يبقى عادي مقلتش كده خالص واقرا كلامي مش هتلاقي اني قلت كده
ثانيا:انا بردو لسه عند كلامي ان البنت يعيبها انها تسرف في مدح جمال الولد (بموت فيه او بحبه مووووت ....)
وان كنت انت شايف ان ده طبيعي ان البنت تقول كده يبقى انت حر بس انا كمان حر في قناعاتي
ثالثا: انت بتقول على ان العيب في شخصيتي واني لازم انضف مخي شويه ماشي يا سيدي هحاول انضف مخي شويه بس انت متزعلش نفسك اوي كده
يلا يا عم ان كان كلامي دايقك حقك عليا بس لو دايقك تاني كلمني بالراحه عشان نعرف نرد على بعض باسلوب شيك انت شايف التعليق اللي فوقي في الفاظ ازاي وانا محبش مستوى كلامنا يبقى كده
لا للتمديد ...لا للتوريث... نعم لتعديل الدستور
ياجماعه احب اقول اني مع Ahmad ومي وان في ناس كتير هتضايق عشان هتاخد الكلام على نفسها مع ان كلمه الكلام جه على الجرح مافيهاش شتيمه او حاجه الا ان الاخ اللي كتب الموضوع اللي اسمه "الموضوع ملوش جوهر اصلا عشان نبص عليه "اظاهر خدوا على نفسوا وقل ادبه اوي لما رد على احمد وعشان كده يستاهل الشتيمه اللي اتشتمها
الناس اللي نازله تريقه على كلامي احب اقولكوا انكوا اغبيا لأنكوا مافهمتوش حرف من اللي كتبته ولا فهمتوا مجمل كلامي اللي معناه ان الطبقات كلها واحد وان مش الفلوس او الطبقه هيا اللي تخليني احكم على الشخص او شكله واكدت على ان الشخص مش مهم يكون معاه قد ايه عشان يكون ابن ناس في شكله او كلامه يعني كلام كلنا متفقين عليه واذا كنت شتمت الاخ اللي اسمه ايه فده عشان هوا قل ادبه في الاول يعني مش من الباب للطاق
السلام عليكم
بداية استغربت من وجود هذا الموضوع فى قسم أولاد البلد.
ولكن ما ساءنى فعلا هو الأسلوب الذي وصلت إليه التعليقات، والألفاظ المستخدمة.
لماذا كل هذا الحنق والاندفاع والتراشق بالألفاظ المحترمة وغير المحترمة؟؟!!
لماذا لا نتعلم فن التحاور والمناقشة بالحسنى؟
لماذا تتجرف - بسهولة جدا - نحو البذاءة اللفظية؟
مهلا يا اخوانى مهلا
من الواضح ان الكاتبة كانت تقصد المعنى اللي موجود في الاغنية بس هي ما عرفت توصله صح
اما المعنى اللي موجود في الاغنية فهو بيتريق على حال الشباب الان...وعلى نوعين-فقط- من الشباب موجود بينا دلوقتي معتمدين اعتماد كلى على المناظر
نوع بتاع بابي جلي دي ومامي جابتلي دي اللي بيبقى ( مصروفه اليومي) يكفي اكل وشرب ولبس عيلة كاملة فقيرة لمدة شهر كامل معاه فلوس ومش عارف قيمتها لانه متعبش فيها وم عارف يعمل بيها ايه غير انه يتمنظر على اللي اقل منه.
ونوع تاني بيبص له ونفسه يبقى زيه وبيحاول يقلده وخلاص ومايعرفش ان ربنا عطى كل واحد مميزات وعيوب مختلفة عن غيره
والنوعين دول معندهمش شخصية لان تربيتهم كانت غلط
وللأسف مجتمعا بقى فيه نسبة كبيرة من النوعين دول
من الواضح ان الكاتبة كانت تقصد المعنى اللي موجود في الاغنية بس هي ما عرفتش توصله صح
اما المعنى اللي موجود في الاغنية فهو بيتريق على حال الشباب الان...وعلى نوعين-فقط- من الشباب موجود بينا دلوقتي معتمدين اعتماد كلى على المناظر
نوع بتاع بابي جابلي دي ومامي جابتلي دي اللي بيبقى ( مصروفه اليومي) يكفي اكل وشرب ولبس عيلة كاملة فقيرة لمدة شهر كامل معاه فلوس ومش عارف قيمتها لانه متعبش فيها ومش عارف يعمل بيها ايه غير انه يتمنظر على اللي اقل منه.
ونوع تاني بيبص له ونفسه يبقى زيه وبيحاول يقلده وخلاص ومايعرفش ان ربنا عطى كل واحد مميزات وعيوب مختلفة عن غيره
والنوعين دول معندهمش شخصية لان تربيتهم كانت غلط
وللأسف مجتمعا بقى فيه نسبة كبيرة من النوعين دول
تعرفوا بقى البنت الموبيأ، اشمعنى يعني يا حرام الشباب اللي بنلطش فيهم؟!
دي في بنات موببأ والله أكتر وخصوصاً بعد ما بقى تقليد الهدوم النضيفة أسهل حاجة.. بس برضه الحدق واللي بيفهم بيلاحظ...
البنت الموبيأ زمان كانت حاجة ودلوقتي قدرت تتنكر شوية وتندمج بس برضه الحلوة بتتكشف
أولاً التشدق باللبانة، والأكل وبقها مفتوح وصوت وشكل الأكل في بقها يقرفك منها ومن اللي بتاكله اللي غالباً بيكون بواقي لحم كلاب جوة رغيف حوواشي أو طعمية متحمرة في زيت عربيات.
الصوت العالي في الكلام وتلاقي كل الخلق حواليها سمعينها وعرافين حكايتها وأصلها وفصلها، ما هي شرشوحة بقى بعيد عنكم.
وتلاقيها برضه بتشوح يمين وشمال بإيدها.
والصوت يخرم ودنك مع التركيز على حرف التاء اللي طبعاً اسمه عندها تشه، زي تشفاح، تشامتشم، حاتشيم، والقاف اللي بقى كاف وهكذا
بالنسبة لريحة العرق برضه مقلكوش تقرف تقرف تقرف وكأنها بترش إزازة بارفان عرق كاملة قبل ما تنزل وتعرق أصلاً... وكله كوم وجمال الظوافر كوم تاني... والبنت بقى بالذات بتتعرف من ظوافرها على طول
تلاقيها بقى يا إما معضعضاهم وطول الوقت حطة إيدها في بقها ومدياها، يا إما مطولاهم والوساخة اكوام اكوام جواهم، ومش بعيد تكون حاطة مانيكير اللي بتقول عليه بلغتها (مونوكير أو إكلادور) وغالباً بيكون لونه، فوشية، نبيتي، فضي، أورانج وطبعاً بنتسيبه لغاية لما يقشر علشان شكلها يبقى أبيأ.
طبعاً الرجل... مقشفة ومشققة شوية، ودلوقتي في الكعوب الخشب الكبيرة اللي تلاقي الواحدة من دول لابساها وصوابع رجليها باظة منها وماشية تكركع على الأرض.
في حاجات تانية كتييييير أوي حبقى اكمل بعدين
Bardo ana m3a el akh elly a2al in aghlab elly nakado andaf minak w mn ahlak.Ana mota2kid mn el kalam dah w mota2kid inoko shabab ta3bana gidan w 3amleen nafsoko el shabab el cool el ndeef w aho kolo tamseel fi tamseel wel wa7d aslan lao shafko fil shari3 tis3abo 3aleeh w ydeeko ma3oona.Gatko neela.Mn takoono ywala 3aleekom ya bahaim w miday2een awy mn 7osni.Yakhi shofo sat7iatokom w khibitkom el a2wil.A2al 7oryat ta3beer a2al.Tab zambaha eah el shabab el mobia2a n2ool fi wishaha kda.Ana ba2kid bardo ini andaf minko w mn elly khalifoko 3shan ma7dish y2oli gait 3al gar7 wel kalam bta3 el niswan el khaiba dah.Allah y2rifko.A7san 7aga in el wa7d hag w sabloko el balad
اختي العزيزة مي
للاسف بعد ما قريت مقالك اكتشفت اني شاب بيئة فانا للاسف مهندس موقع و بادخل القميص جوة البنطلون وجزمتي معفنة من الخرسانة و بحب اكل وسط عمالي و بحب اسمه سعد الصغير و شعبان عبد الرحيم بس بحب مصر بجد و بحب تراب مصر واحنا احسن شباب العرب و هذا ليس كلام و لكن عن خبرة و احتكاك بيهم علي الاقل احنا فعلا بنحب بلدنا من قلبنا بجدو نفسنا تبقي احسن بلاد العالم و هذا لن يحدث الا لو تواضعنا شويةوبطلنا تريقة علي خلق اللة
مهلا يا شباب..في ظني أننايمكننا العيش بطريقة أفضل اذا تعلمنا أن نحسن الظن، واذا احسنا الظن في مي، فسنرى أنها لم تكتب هذا المقال إلا لتحدثنا عن ظاهرة انتشرت بين شبابنا وهي " التقليد الأعمى" فهذه الهيئة اصبحت صورة لكثير من الشباب اعتقدا منهم انهم يواكبون العصر، فهم يحاكون النماذج الغربية الغبية على اسا انهم اهل التقدم ولا يعلموا أنهم يرمون الينا بأقبح ما عندهم..وربما للشباب الحق في ذلك فهم لا يجدون ما يحكاونه في اوطاننا العربية،ولعلهم بذلك يوجودن لآنفسهم كيان يشهد له الجميع بأنه صاحب اليد العليا على هذه الأرض.. وفي ظني أن مهمتنا هو توعية الشباب باهمية كونه عربيا ، وان نوجد له نماذج عربي يفخر به ويحاكيه
ليه يا مى الموضوع دا
و دلوقتى بالذات و بعد اللى كلنا قراناه ف موضوع اه
ايه الموضوع دا
و ايه التعليقات دى
يا جماعه مش بقول يبقى الموقع كله نكد بس بقول فيه موضوعات light احسن من كدا
و بعدين يا مى لو هنناقش الموضوع نظرتك لشياكه ولد او الحكم هو vulgar و لا لا سطحيه جدااااا
لا للتمديد
لا للتوريث
نعم لتعديل الدستور
الاغنيه كويسه بس لو كنتى حطيتى ل mtm اغنيه ملكش فيها كانت تبقى احلى
عموما
لا للتمديد
لا للتوريث
نعم لتعديل الدستور
انا شايف ان احنا نأخذ من كل رجل بيئئئئئئئئئئئئئئئئئئئئئئئئئئئئة
ههههههههههههههه عجبى هههههههههههههه
يا جماعة الموضوع خفيف وحلو وارجو من الاخوة الجادين قوى يفهمو ان الموقع الظريف فية انة موقع شامل فية كل المواضيع وميتحاملوش على اى كاتب يعنى مش كل المواضيع جد ولا كلها هزار
تفتكر هخش الجنه يا سيدنا الشيخ :)
واضح ان مفيش ولا واحد من اللى علقوا وظلموا اللى كتبت الموضوع عارفه
الشاب الموبيا هو الشاب الفقير اللى بيحاول يظهر نفسه انه الواد الروش الطحن البيس الكوول الغنى
وبيحاول \ينفذ ده لكن امكاناته مش مساعداه فبيلجأ لطرق تانية وبيظهر بالشكل المعفن اللى حكت عنه
الخلاصة انا شايف ان الموضوع مفيد باستثناء التى شيرت اللى طالع بره ده
الموضوع واقع شوية
فاضى يمكن مكرر او تافه الى حد ما
يا مى ومافيناش من زعل
الموضوع مش تافه….مش ده اللي معظم البنات بيتكلموا فيه؟؟
عجبني وصف مي للشاب اللي من النوع دة
ومالوش علاقة بالفقر والغنى
علاقته بالذوق العام
الشاب لو مستحمي ولو بصابون مواعين
وشعره قصير وضوافره قصيرة ونظيفة
وهدومه مغسولة ومكوية
وجزمته متلمعة مش مهم تكون ماركة
ومافيش داعي للحظاظة وطوق الكلاب اللي في الرقبة
ومافيش داعي للزيت والجيل والعطور المضروبة
المهم ان تفوح منه رائحة النظافة
ودي مش محتاجة اكتر من ماء وصابون
وكمان عجبني وصف اناناس للبنت اللي من نفس النوع
بس عيب جدا التجريح في شخص مي
واللي بيحب مصر لازم يكون راجل في مظهره ويكون ابن بلد بجد
وزي مابيلاقي وقت يسمع اغاني هابطة ياريت كمان يلاقي وقت
يقرا ويثقف نفسه بشوية برامج جادة في الفضائيات
انابصراحة مش عارف اقول اية
كفاية كلام الموضوع للتهريج بس
متبقوش حساسين للدرجة دى
essam_ahmed_844@hotmail.com
هى يعنى واحده تيجى تهيس فى الموقع تقومو تكلموا بعض بالطريقه البيئه دى
عيب يا جماعه ميصحش الكلام ده
البت كانت بتهيس شكلها كانت مغيره الصنف وصدقونى تغيير الصنف بيعمل اكتر من كده
فى النهايه انا عاوزكم تدعو لبابا حسنى وولى العهد جيمى ان ربنا يرحمنا منهم وياخدهم من مصر ومن الدنيا كلها
الامضاء : مواطن من مصر مبارك
ما شاء الله ، الظاهر عليها خبرة فى الوقوف مع الناس " البيئة ".
لغة المقال متدنية جداً ، ولا أكره أكثر من الناس البيئة ، إلا الناس التافهة.
أرجو من صاحبة المقال إتحافنا بموضوع آخر عن الناس " التافهة ".
أعتقد أنها ستنجح فى وصفهم بشكل أفضل بكثير.
أنا عاوزة أسال هو الشاب اللي ما بيدخلش القميص في البنطلون وما بيحطش جيل وما بيلبسي حظاظة وبيستعمل برفان فرنساوي وشاور الماني وبيشم بودرة وبيعاكس البنات في الشوارع وأخلاقه نيلة يبقى بيئة ولا لا ؟
أنا بقول بلاش تجريح وكل انسان له طريقة في اللبس تبعا لمقدرته المالية والثقافية ، وياريت نبطل الكلمة دي لانها غير انسانية.
اكيد العيب مش فيكى انتى العيب فى الفرصه اللى فردت ليكى المساحه دى علشان تتحفينا بما كتبتى عن خلق الله
يا مى ربنا خلقنا درجات فى كل شيىء
كدة برضة..مكانش العشم
فين أيام العيش والحلاوة
أة يانا...
وبعدين أنا شيك أة وبدخل اقميص جوة..هاها
ومش محتاج أحط جيل..علشان الشعر الحرير على الخدود يهفهف
أوعى يكون حد تعرفية أو خطيبك كان كدة وإنت متغاظة منة
إعترفى ..دمتى
والأغناء في البيئة
فكلهم بيئة فعلاً ...
وهذا هو حال شباب الأيام ده ..
إذا كان الأغنياء يقصدون ان شباب الفقراء
بيئة ويسكتون لانها تعمل في معناها ( بيئة وسخة)
فأنا أرى أيضاً أن أولاد الأغنياء وأولياء أمورهم بيئة وسخة أيضاً ...
وهم في البيئة سواء .
وأولاد البيئة الوسخة الأغنياء..
يفعلون تماماً مثل ما يفعلون أبناء البيئة الوسخة الفقراء بزعمهم ...
مثال .........
الجيل والفازلين ... يستعملونه أولاد البيئة الوسخة فقراء وأغنياء على السواء
مع اختلاف الكمية والنوعية ..
الحظاظة ... يلبسها أولاد البيئة الوسخة فقراء وأغنياء .. مع اختلاف نوعية الجلد
والشكل والسعر ..
وكذلك أولاد الأغنياء البيئة الوسخة
يلبسون حضاضة في رقبتهم كالكلاب أيضاً وفي أيدهم .. بس هي يمكن مش بتعمل ريحة
علشان ولاد البيئة الوسخة الأغنياء بيستحمو كتير وبيغيروا الحظاظة لانهم عندهم اكتر من عشر اشكال ليها معلش الفقير لانه فقير معندوش إلا واحدة فقط علشان بتعفن من ريحة العرق ومن الميكروباص ومش بيقعد في التكييف
المهم إنهما كلهم بيئة وسخة ...
طريقة الكلام والتشويح والكلام بالأيدي
ولاد الأغنياء البيئة الوسخةوالفقراء
يشتركون في هذه النقطة أيضاً .
فالبيئة الوسخة فقراء يتحدثون بأيدهم
من نوع البلطجة وانه مش هامة حاجة في الدنيا
وأولاد الأغنياء (البيئة الوسخة ده برضوا)
يتحدثون بأيدهم في الحوارات نوعاً من تأكيد الذات وبلاغة الحوار وتقليداً منهم لشباب البيئة الوسخة الفقراء ..
نقطة كمان
الشاب البيئة الوسخة الفقيرة .
هتلاقيه كمان كل شوية بيفرد التي شيرت بتاعته أو القميص اللي لابسه.. وعمال كل خمس دقائق يتأكد إن شعره لسه ملزوق في رأسه مطارش ولا حاج
اقرأ بقية التعليق ..
كيف تجرؤ ان تقتحم حياتنا بهذه الطريقه غير المتحضره
كونك فقيرا هذا امرا لن يعنى سواك و كونك تريد ان تشعر الاخرين بوجودك بينهم بطريقتك الخاصه فهذا ايضا لا يعنى احتراما لك بل سنزداد منك نفورا و من فقرك اشمئزازا ومن عدمقدرتك مثارا لسخريتنا
فلتختفى من حياتنا فبدونك الحياه اجمل و اسعد
التوقيع انســـــــــان بـيـئـه
أأأأأأأأأأأأأأأأأأأأأأأأأأأأأأأأأه يـــا بــــــــلـــــدى
نسيت اقول
انت انسانه عنصريه قوى يا مى
التوقيع انسان بيئه
اااااااااااااااااااااااااااااااه بــــا بــــــــــلـــــــدى
يبدو ان كاتبة المقال لا تعرف شيئا" عن ملابس الشباب,فهى لا تعلم ان بعض القمصان يجب ان تكون داخل البنطلون(ستايلهاكده),الشئ المربوط فى اليد ليس دائما" حظاظة ولكنه قد يكون رباط النجاح(اسألى متخصص soft skills)واخيرا" ليس كل شاب محترم يستطيع شراء حذاء ذو ماركة عالمية(adidas,timberland.....)....لذلك ارجو منك إعادة تقييمك للشباب...
عفوا...الموضوع من اتفه ما يكون ان نتحدث ونطيل في الردود..
بنت تافهه..ولا تجد من الجدية ما تقول..فارغة العقل..ليس عندها مسئوليات.
فماذا تتوقعون منه ان تقول؟؟هتهرتل طبعا.!!!!
التعليقات اللي فاتت فيها الكفاية، لكن كنت عايز اقول ان الشباب اللي المقال اكلم عليهم دول صنايعية، يعني ببساطة كانوا بيشتغلوا من سن ست سنين. كان كل واحد مننا بيصحى يأخد السندوتشات ويروح المدرسة، لكن الولد ده بيصحى عشان يروح الشغل بتاعه ومايرجعش غير بالليل على الساعة ثمانية عشان يومية يروح بيهم لاهله يعيشوا بيها بعد ما الناس الهاي سرقوا البلد ونهبوها واشتروا بيهم جزم وشربات لولادهم وشقق لولادهم يجوزوا فيها عرفي وكاميرات سرية يصوروا نفسهم بيها وهما مع زوجاتهم (مشوها زوجاتهم) على السراير، وبعدين يقولك استخدام شخصي. اتفو
first i'd like to say hi , then i really felt disgut when i rode that fuckin shit , what u mean be3a ? look baby i live i live in america and i know you guys love'in america , let me tell u that here people doesnt care about other's like egypt , u can wear what u want , without no one come and make fun of u , but in egypt , we have nothing but talking about eatch other like a pricks , hooly shit , u pisses me off with that shit , then we all egyptians and brothers and sisters , so no need to make fun on ourselves , then i put gel on my muthafuckin hair so iam be3a , fuck that shit , u got alot to learn , , another thing , my wife saw the el lemby and she loved it so thats means american people are be3a ? fuck that shit , i swear u the one who sre be3a, then , from here ,from the U S A i sent big hug and i say hiii to poor people and i wish they get what they want soon , and u better choose ur mothafuckin subject's may , thats it , if any complain's , send me at fbi_cia_000@yahoo.com
listen to this , lets talk about rich people who doent know what life means to be hard , they never been broken , they got everything easly ., they say's : Get buzzed, get drunk, get crunked, get fuucked up , hit the strip club , dont forget once to get ur dick rubbed , get wasted shit faceted pasted puke drink up and get a new drink . smoke so much weed and get more ass then a toilet seat, that man is not be3a??????? well ok , and the one who put gel on his hair , lol he is soo bad and be3a,, iam soo sick and tired of hearing that shit weak up people , weak the fuck up , dont blame people cuz they'r poor , its not their fault , dont look to people from the surface , no , thats not right , u gotta support these poor people , not makeing them feel down now i got no patience to deal with this cocky caucasians , iam real egyptian and live in the u s a and iam soo wigger to be black cuz iam talk with an accent and grab on my balls so u couldnt tell that iam arabic but iam proud to be egyptian and a love all my brothers and sisters over there , doesnt matter if poor or not , one more thing , i like to smille people who are decent and sweaty more that smills pricks and ,,, ,,,, u got me , aint you ? hey yoo i can be ba3a too and if u willing to write shit like that agian , imma destroy ur muthafuckin computer , so u gotta be cautious with what u saying , and u got a lot to learn mumy , thats it cuz i feel like threw'n up talking about may , any complains , feel free to
اقرأ بقية التعليق ..
انت واحدة تافهة
يا ريت تقعدي في بيت امك
و تكفي عن هذه الترهات
أسلوب سخيف جدا للتريقه على طبقه الشباب الكادح المعدوم في البلد.
مش ذنب الولد ان اهله حرموه من التعليم لقله ذات اليد.
ومش ذنبه انه اتجه للعمل في وقت كنت بتخرجي لدريم بارك مع المس بتاعت الكلاس.
ومش ذنبه ان مقدرته الماديه بتجبره على شراء برفان رخيص وملابس من شارع الشواربي وواقف يعيش حياته ويتنفس شويه امل على احد الشوارع.
على فكرة الواد اللي مسمياه بيئه وهو واقف على الشارع مش ممكن يفكر يوقف مع بنت من طبقتنا لانه عارف انها عاليه فوق ومش من نصيبه.فياريت تسيبيه في حاله وكفايه عليه اللي هو فيه.وعيشي انت مع الشاب الروش ابو نضاره شيك وعربيه اخر موديل ولابس لبس من داليدريس.بس افتكري حاجه مهمه........
لو الظروف اتعكست هترضي يتكلم هو عن البنت البيئه؟؟
اخوك د/احمد
أظن بعد كل هذه التعليقات والردود القوية خاصة من الدكتور AHSD2000 لا داعي للتعليق
وربنا يهديكي
hhghghghتبتبتباببتبتبتبتبالاببببببببببببب
احمد وحسام ياسعدددددددددددددددددددددددددددددددددددددددددددددددددددددددددددددددد يا حمار
والله دي فعلا ايام سوده ومهببه بهباب اسود ومنيل...
ايه اللي انتي كتباه ده؟؟
هل وصل بنا الحال لان يكون مقياس التمييز فيما بيننا هو موضع القميص بالنسبه للبنطلون ..؟؟ هي دي مشاكلنا دلوقتي..؟؟
هي دي النصايح العظيمه للست مي مبعوثه العنايه الالهيه لانقاذ فتيات المجتمع الراقي من ابناء (البيئه) ؟.....
ان ما كتبتيه يدل بما لايدع مجالا للشك انك نتاج بيئه معينه..فعلا كل منا ابن بيئته ....
تصدقي ان انا بيئه لاني قريت موضوع بيئه زي ده من كايبه هي بنت ذات البيئه...
منك لله يا مااااااااااجد
الشباب فاكره نفسها مافيش زيها والواحد فاكر ان لما يلبس حظاظه يبقي نظيف
الشباب دلوقتي كلها بيئه وكمان مبيعرفوش يلبسواكلامك كله صح يامي
مين البيئة غيرك
أرسل هذا التعليق بواسطة : AHSD2000
أسلوب سخيف جدا للتريقه على طبقه الشباب الكادح المعدوم في البلد.
مش ذنب الولد ان اهله حرموه من التعليم لقله ذات اليد.
ومش ذنبه انه اتجه للعمل في وقت كنت بتخرجي لدريم بارك مع المس بتاعت الكلاس.
ومش ذنبه ان مقدرته الماديه بتجبره على شراء برفان رخيص وملابس من شارع الشواربي وواقف يعيش حياته ويتنفس شويه امل على احد الشوارع.
على فكرة الواد اللي مسمياه بيئه وهو واقف على الشارع مش ممكن يفكر يوقف مع بنت من طبقتنا لانه عارف انها عاليه فوق ومش من نصيبه.فياريت تسيبيه في حاله وكفايه عليه اللي هو فيه.وعيشي انت مع الشاب الروش ابو نضاره شيك وعربيه اخر موديل ولابس لبس من داليدريس.بس افتكري حاجه مهمه........
لو الظروف اتعكست هترضي يتكلم هو عن البنت البيئه؟؟
اخوك د/احمد
انا متفق معاك يا دكتور احمد
اخوك علي بتاع الديفيدي ((علي سياسة))
TheXman
يا ابن الاحبه بهاء سلطانده انظف من اللى جابتك
وانا بقلب في الارشيف قريت ما كتبت مي كامل ..
وبصراحه هو انتي مختصة المواضيع التافهة واللي ملهاش لازمه في ولاد البلد؟
يا عيني عليكي يا ولاد البلد اللي تخسري محمد فتحي وتسيبي مي كامل !