خطر.. على بالي!
ومع نموي أكثر، بدأت أقرأ على عواميد النور في الشوارع وعلى باب أكشاك الكهرباء كلمة غير مفهومة ومعها رسم لجمجمة وتحتها مكتوب.. خطر الموت..
16/05/2006
في سنوات طفولتي الأولى، لا زلت أذكر صرخة أمي وهي مفزوعة لدى سقوطي من على السرير أو زحلقتي في الحمام.. فقد عودتني أمي أن تصرخ وقتها.. "يا خبر"!
ولأني كنت قد تعلمت الكلام قبلها بأيام، فقد هيأ لي عقلي المريض (والصايع) إن "يا خبر" شتيمة، هي نفسها يا كلب ويا حمار ويا جاموسة وغيرها من الشتائم الدارجة في عالم الأطفال..
ومع نموي أكثر، بدأت أقرأ على عواميد النور في الشوارع وعلى باب أكشاك الكهرباء كلمة غير مفهومة ومعها رسم لجمجمة وتحتها مكتوب .. "خطر الموت"..
ولشيء ما فقد عجز عقلي الفقير أن يستوعب الفارق بين الـ"خبر"، والـ"خطر".. الخبر الذي كنت أفهم أنه شتيمة، والخطر الذي يسبق الموت، والمكتوب على كل العواميد القريبة بمنزلي..
ومع مرور السنوات طبعا كبرت و بدأت جملة أخرى تتردد أمامي، وهي.. "خطر على بالي"، وأنت تعرف أنها الجملة التي يطلقها أي بني آدم طبيعي على أي فكرة جديدة طرأت على ذهنه.. ولأني بني آدم.. لكنه يعاني من مشاكل في الفهم والاستيعاب.. فقد فكرت أن أفهم الجملة عن طريق الترجمة الحرفية لها.. "خطر".. بالمعنى المكتوب على عواميد الإنارة، والذي كنت "أتلخبط" بينه وبين "يا خبر" التي تصرخ بها أمي عند الكوارث.. فكرت قليلا في الأخطار الموجودة في بالي.. وللغرابة.. وجدتها كثيرة.
عقلي.. مدارس شعبية!
خطر إني أقول لأبويا بصراحة إني مش عايز أتعلم، وإني نفسي ينفذ معايا تهديده بتاع زمان إنه هيطلعني من المدارس ويخليني أتعلم حرفة تنفعني..
أبويا نفذ نص تهديده، خلاني في المدارس، ودلني على الطريق اللي أتعلم منه الصحافة ويا ريته ما عملها..
خطر إني أصارح الدكتور بتاع الـmass، إني مش فاهم من كلامه ولا كلمة، وإنه خنيق، وإن نظراته للبنات اللي لابسه ضيق بقت مكشوفة، وإنه لو فضل ينجح البت بسمة عشان هي قريبة صاحبة مراته أنا هبلغ عنه، وإن سعر المذكرة المعفنة بتاعته 10 جنيه بس، مش 56، وإنها مطبوعة في مصر مش في المكتبة المركزية للسربون زي ما هو بيقول في كل محاضرة.. !
خطر إني أكتب في ورقة الامتحان كل اللي أعرفه عن المادة، مش اللي الدكتور قاله، إني أكتب إن حرية الصحافة في بلادنا وهم، وإن التليفزيون المصري زبالة، إن سياسة الريادة هي اللي جابت شعبولا..
في شغلنا .. رجل..
وخطر كمان إني أروح لمديري أقوله على كل السيئات اللي فيه، وأحكيله العيال المقاطيع زمايلي بيقولوا إيه عليه من وراه، وإني بشتغل بمزاجي من غير توجيهاته السديدة، وإن توجيهاته مش سديدة.. دي مسدودة..
وخطر إني لما أروح أقبض من الخزنة أول كل شهر (مفيش قبض آخر الشهر، القبض أول الشهر اللي بعده) أقول للموظف إني مستاهلش الفلوس دي، وإني كنت بزوغ من الشغل، وإني كدة باخد فلوس حرام..
في البيت
خطر إني أقول لأمي إني مبحبش السبانخ، وإنها مش الوجبة المفضلة عندي زي ما هي فاهمة، وإن الريحة الوحشة اللي طالعة من المنور دي هي نفسها ريحة السبانخ بعد ما عفنت لأني برميها كل أسبوع..
وخطر إني أفضل أضرب في أخويا الصغير اللي مش عايز يديني كريم من علبة كريم الشعر اللي هو واخدها هدية من البنت اللي بتاخد معاه درس.. وخطر كمان إني أقول لأبويا إنه بيشرب سجاير عشان أبويا يتأكد إن ريحة السجاير اللي طالعه من هدومي دي مش ريحتي.. دي ريحة سجاير أخويا!
في الشارع..
خطر إني أروح أضرب كل "مزة" لابسة ضيق وهي تخينة والهدوم مش لايقة عليها وكل جسمها كلاكيع..
وخطر إني أنزل أروح الشغل بهدوم البيت، وألبس شورت وفانلة وكاب وأنا رايح أصلي الجمعة..
خطر أروح أغير أسمي.. عشان مش كل ما أكلم حد في التليفون يقولي مين معايا أقوله براء، يرد يقولي.. (إيه.. مين.. إزاي .. مش فاهم.. من أمتى).. وخطر إني أقفل السكة في وش أي بني آدم مش بيسمع أسمي من أول مرة!
سياسة.. في الكلام!
للسياسة في بالي أكتر من خطر..
خطر إني أسأل... هو الأخ المواطن جمال مبارك بيعمل إيه في بلادنا.. وبيشتغل إيه.. وناويلنا على إبه..
خطر إني أسأل عن السيد والد السيد جمال.. يا ترى هو فاهم إننا فاهمين، ولا هو مش فاهم إننا فاهمين، ولا يمكن هو فاهم إننا مش فاهمين، ويا ترى في حد فاهم ممكن يروح يفهمه إننا فاهمين.. ولا إيه؟
خطر إني أروح أزور الريس في بيته، وأقوله على أي حاجة..
خطر إني أقف قدام نادي القضاة أو دار القضاء يوم الخميس الجاي وأكمم بقي بعلم مصر وأربط إيدي بسلاسل، وأخلي كل القنوات الفضائية تصورني وأنا بتظاهر، رغم إني عارف إن وزارة حبيب العادلي (الداخلية سابقا) مستحلفة لأي "دكر" ناوي ينزل الشارع يومها..
خطر إني أروح أبلغ عن نفسي، أقول للسادة رجال الأمن (الأشاوس) إني خطر على البلد دي.. وإنهم لازم وحتما ولابد إنهم يهتموا بشغلهم شوية ويشوفولي مطرح يلمني..
خطر إني أروح أخبط على باب مكتب أمن الدولة اللي في منطقتنا، وأدخل أسلم واقعد أشرب القهوة (مبحبهاش) مع الباشا الظابط على ما يبعت أي عيل (راجل وسيد الرجالة) يجيب ملفي من الأرشيف وأقعد اقرأ ملفي في أمن الدولة وأقوله إن الكلام ده كله كذب فيصدقني ويقولي خد يا براء الملف ده قطعه بنفسك أو خليه عندك للذكرى..
وكلها أخطار.. خطرت على بالي.. بس لانها خطر.. هخليها في بالي بس.. ومش هسمح لها أبدا.. إنها تخرج برة..
وأنتم.. أخطاركم إيه.. ولا ماشيين في الأمان!
* طبعا مش محتاج أقول إن في كلام كتير من السطور اللي فوق عبارة عن خيال، لإني بحب السبانخ ومش بشرب سجاير!
عدد التعليقات : 33
• هاتوا لنا الواد ده !!
• هاني يحاور أبوه : علام قريب من المشنقة!!
• الفرق المصرية.. كله تمام!
• خصخصة مساجد الجمهورية!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
تحسه صادق اوى
انا اخطر خطر علي بالي اني اروح اقف مع القضاة يوم الخميس الجاي وادخل المعتقل
لما كنا بنلعب كورة واحنا صغيرين وعربية تعدي كنا بنقول
خطااااااااااااااار
وبعد متعدي نقول
فك الخطاااااااار
لا للتمديد...لا للتوريث...نعم لتعديل الدستور
بيخطر عل بالي كلماتك بيخطر علي بالي نظراتك ""
دي اول حاجه خطرت علي بالي وانا بقره المقال ....
ابتدي من التفوله زيك اممممممم
خطر عل بالي مره ومش حتتكر ان كل اللي يجيب كحك هو اللي فالح "عشان طبعا علامه حمرا يعني مميزه ".. جبتها وانا صغننه وكنت فرحاااااااانه
خطر علي بالي وانا في الاعدادي ازوغ "تنح" من فسحه الصلاه بحجه قال ايه ريحه الشربات معفنه في حين ان انا بقالي شهر مبغيرهاش ؟؟؟ "متنحش "..
خطر علي بالي في الثانوي امممم ما بلاش الحمد لله عشان الاخطار متكترش خشيت اولي بس وتانيه مع ماما " مش خوفا من الفتنه لاه بس اصل لسه حلبس واروح المدرسه .."
الكليه يا اخطار العالم اتحدووووووا ولاه بلاش
خلينا في الموقع لما اخش عليه بيخطر علي بالي اني ارجع ..
بحس بقرف , بس بحبه عشان بحس ان في ناس صاحيه وبتحب البلد "ولا للتمديد لا للتوريث..."
..وكمان بحبه عشان سكارلت ,
اممممم سكارلت ...لما تخطر علي بالي سكارلت بفتكر نفين طبعا
, يا لبني لو جت بت سميها "فريده "مش عايزه حظها يبقي وحش زي ,لو جبتي ولد سميه " سيف ",
كان في عصفور قلبه صغير رشيه صغير حلمه يرفف بره السور كان انسان من طير من نور كان بيدور علي يخضر قلب الناس القاسي البور ...دي نوفا .واخيرا كاتب المقال
"براء " مش عارفه اقول ايه بس لو جت بت سميها " ابرار ",
"وخطيره انتي عندما تبتسمين " "علي راي معرفش مين مش فاكره .....
احساسي الصادق بموهبتك الصحفية من اول مو ضوع قرأته لك يا براء لم يكذب...الصحفى الموهوب له شكل مختلف...وانت كذلك...
لكن...دعنى اخبرك"سرا" مما "خطر" على بالي ...خطر على بالي انى ارسل رسائل تهيديد ووعيد بالويل والثبور وعظائم الأمور...لرئيس السابق كى اعكنن عليه عيشته واسود لياليه واوريه النجوم فى عز الظهر!....وخطر ايضاً انى اروح الشغل من غير ما اغسل وشي...وتبقى عينيا حمرا...عشان اوريه العين الحمرا...!
لكن اوعدك يا براء انى لما اجى احتفل بنجاحى القادم...سارسل له كارت اعرفه فيها اخبارى السعيدة التى ستحزنه كثيرا!
وخطر فى بالى كتيـــــــــــــــــر قبل كده...انى لما اشوف ضابط وحواليه عساكر او امناء شرطة واقفين بعربية البوليس اروح عليهم واسالهم: انتو بتعملوا ايه هنا؟ معاكو بطاقة؟
كما خطر فى بالي اني ارسل ايميل لجورج بوش اقول فيه ان رئيسي"السابق" هو العقل المدبر لعمليات بن لادن...وان اسامة بن لادن دا الوجه الظاهر للراس الكبيرة..اللى هى المخفى المديــــر..وان الشغل فيه تجارب اسلحة نووية عشان يفجر المكان على خيرة الله...ونتفجر كلنا..!
وكفاية اخطار كده....شعان دماغى فيها اخطااار فى اخطااار...
الله ينور عليك يا براء موضوع جميل
واضح ان الأخطار التى خطرت على بالك كتير أوى
بس كلها متعلقة يا بالوالد أو الوالدة أو رئيسك فى العمل أو رئيسك فى الدولة أو الحكومة .. مفيش حاجة متعلقة بحكومة المستقبل فى البيت ؟
ماذا خطر ببالك تجاه خطيبتك ؟ وحياتك الزوجية فى المستقبل؟ قل .. بلاش تتكسف ، وللا خايف؟!
انا رياض كحليش من الجزائر عمري 19 هوايتي السباحة ادرس بجامعة الجزائر وانا على وشك التحرج اريد ان اتعرف على عربي على خطر.. على بالي يبعثلي على البريد الاكتروني هو kapilo_99@yahoo.fr h; ugn bouhdba1500@hotmail.com
انا خطر على بالى اسيب بيتنا لانه يتسم بالكائبه
وخطر على بالى انى اسيب كليه صحافه واروح اشوف لى حرفه عدله استنفع من وراها
وخطر على بالى ان البلد دى مش اسوء من غيرها كله زبااااااااااااله
وخطر على بالى لما سمعت ان تركيا الى كانت اسلاميه بقيت علمانيه وبترفض الحجاب انى اروح اولع فيها بجاز وسخ
ااااااااااااه يا مش شغللك
فكرتينى ليه
على فكره لبنى مجابتش لا سيف و لا فريده جابت مللك يا ستى و بالنسبه لساره بلاش دلوقتى لنعيط يا مش شغللك و منعرفش نقول البقين للبراء(بالحق انا بعتللك ايميل يا مش شغللك)
هقوللك ايه انت عارف من غير ما اقول
راااااااااااائع يا براء كالعاده
و ازا كان على اللى خطر على بالى كتييييييير (واخدالى باللك يا مش شغللك)
خطر على بالى كذا مره انى البس ولد و انزل اقعد على القهاوى المنحدره جدا و وسقف و اقول واحد قهوه و صلحو
و بيخطر على بالى كتير ابقى ف طليعه المظاهرات(مع الاحترام لمبدا عيش نملع تاكل سكر)
بيخطر على بالى كتير افتح الباب على كل مدير و مديره ف شغللى و اقوللهم مع احترامى لحضراتكو وفارق السن انتو مبتفهموش اى حاجه
نفسى ابعت جواب لكل مسئول(كبييييييييير)فى البلد دى و اقوله فيه كلمه واحده طز فى حضرتك
بيخطر على بالى اخد اول طياره على امريكاو اروحللبت اللى فى بالى(وخدالى باللك يا اللى ف بالى نفسى اشوفك موت)
بيخطر على باللى اقف ف التحريرو اقول ربنا على المفترى و المتجبر و الل خد محمد السيد و اللى معاه
بيخطر على بالى انزل بليل اروح اللسان فى راس البر و اقعد على الصخور جنب البحر و ارمى الدنيا كلها بالشغل بالمششتيربمشاكلى بمشاكل اصحابى بمشاكل البلدبعشرينات ورا ضهرى
ياااااااااه يا براء
اقوللك حاجه
الموضوع تحفه
خطر فى بالى ان ابدأ بالثورة فيما يخص عملى فتركته غير نادمة رغم انى اعرف ان فرص العمل تكاد تكون منعدمة يعنى(خطر*خطر) ولكنى اعتبرتها مسألة مبدأ ولو كل واحد عمل كده (ثار على مش عاجبه سواء كان ارتفاع اسعار او مدير غير كفء ويتمنظر عليك او...او..) كان حالنا انصلح
موضوع جميل جداً وكاتب أكتر من رائع وتعليقات تحفه.
انا لسه جدسد فى الموقع واول حاجه أقرأها للبراء بس اوعدكوا ان مش أخر مره وانى اتابع على طول .
على فكره عنوان التعليق منقول مش انا اللى مألفه ولا حاجه انا يادوب أقرأ بس.
أزرع يا بلد البطيخ فى أرضك ..يطلعلى قرع طارح عليمي ..لوكان نيلك يا مصر صلصه..مكنش كفى الكوسه اللى فيكي
اول ما يختر ببالى الان هو ان اضرب كل عسكرى امن مركزى على قفاة
وان اكتف ماما سوزان واطفى فى وجهها اعقاب السجائر
وان اعمل فى قناة الجزيرة واشاهد الاستاز محمد حسنين هيكل
وان اترك كلية التجارة لالتحق بكلية الاعلام
وان اعدم كل اغانى تامر حسنى
واهم شيىء خطر على بالى ان اسقى شيخ الازهر سيجارة بانجو وااخذ منه اعترافات عن حقيقة راى الدين فى ما يقولة من فتاوى
كتير حلوة هاد الكلام والحكي
مش حلو ماحبيته هبل
والله انو الموقع كتير حلوة وخاصة خطر على بالي لانو في كتير اشياء بتخطر في بال الواحد بس عنجد شكرا كتير الكم لانه حلوووووووووووو كتير وننتظر منكم الجديد والمفيد
التوقيع غيداء
ميه ميه والله يابراء المقال ده لانك طلعت جدع وكتبت اللى خطر على بالك وعقبالنا لما نطلع جدعان زيك وعلى فكرة عجبنى اوى عنوان تعليق mero-7
من اكتر من سنه و انا متابعه بشكل شبه متواصل بس ردودي مش كتيره. بس الصراحه المواضيع ملفته ة بتشد الواحد تخليه مغ نفسه يعيد التفكير فيما حوله.
بالفعلموضوع رائع خطر علىبالي اشياء كتير مشابهه لاخطارك يا براء واللي بيصير فيبلد النيلبيصير في لبنان ومنه الكثيييييير
مجهود رائع تشكرون عليه
من البعيد/ لينا
رايت احدالمارة يقول انا اخطر واحدفى الدنيالا اريد احد ان يمر بالقرب منى
جمييييييييييييييييييل
براء تكلم ولكن عن ناس غير نفسك..وعن مواقف غير مواقفك
يا بني انت لسه صغير جدا ان يكون ليك خبرة او تاريخ ومواقف تحدثنا عنها ...دي نصيحة ومش بهدم روحك المعنوية
ربنا يوفقك
احنا رايحين على فين
نصيحة الى الاخ النصح,,,,,,,’’’ ممكن فهمت
الاخ براء اللة يانور قلبك ويابراء لسانك وارجو من المذيد بس اللة معك بعدين تكتب انت كمان فى خيمة وفى اخطر من ذلك ذى ما تقول خطر على باليى اموت واحد امين شرطة او وزايز شرطة او ابن على بابا بس لازام تعديل الدستور ولاللتمديد,,, ولا للتوريثهذ خطر
براء الموضوع جنان ربنا يوفقك وكل واحد فينا عنده خطر... كتير على باله ابتداء من البيت لغاية الريس ولكن زي مابيقولوا خلليها في القلب تجرح ولاتطلع برة وتفضح. بحبكم أوي
والله الموضوع حلو كتير
;l';منتةلااليغاموكنمىىة ةارؤتب
ممكن حد يبعت لى رسالة غرامية ابعتها ل فاطمة
ان الامور لم تعد على ما يرام
اننى اريد الانطلاق من كل شىء ومن اى شىء
اننى سأمت ...وتعبت ....وحاولت ...وفشلت لكننى فى نفس المحاولة مرة اخرى ولن امل
خرى فيكن