من نظرة عين!
لكن بعيدا عن المظهر والشكل الذي ظهرت به خديجة، فإن ما يستحق أن يتم التعليق عليه بتركيز وبعمق وبتسييح.. هو طبيعة النظرة التي تنظرها خديجة لجمال..
22/05/2006
"وضع جمال مبارك الحرج في المجتمع المصري يجعله شخصية تحظى بمشاعر مركبة من الجماهير"..
الجملة السابقة مش فاكر قريتها فين، لكن هي كانت بتحاول تقول إن جمال مبارك شخص مختلف عن باقي المصريين لإنه.. ابن الرئيس!
لكن الأكيد، واللي كل الناس متاكدة منه، إنه في الأول والآخر .. راجل، زيه زي باقي الرجالة المصريين، والمعروف إن مسألة الرجولة في مصر مسألة حساسة ودقيقة ومركبة.. أكتر من وضع جمال مبارك!
بالتالي فأحيانا نجد أنفسنا نجرد جمال من كل ما يمليه عليه وضعه الحساس، وننظر له كبني آدم طبيعي.. خصوصا لو كان في موقف حساس زي الموقف الموجود في الصورة..
اتفضلوا معانا..
في منتدى دافوس الاقتصادي الأخير.. والذي اصطحب فيه جمال خطيبته خديجة في أول ظهور إعلامي لها بعد الخطوبة المجيدة، والتي كانت قد اختفت بعدها واحتجبت عن وسائل الإعلام وكأنها عاملة حاجة غلط.. في المنتدى الأخير ظهرت خديجة بشكل مختلف وجديد عن الصورة الوحيدة التي تم التقاطها لها..
كانت ترتدي ملابس أكثر شبابية، وقال مراسل رويترز أنها بدت أكثر جمالا.. لكن بات من الواضح أنه كان يقصد أنها بدت وكأنها خطيبة جمال أكثر.. يعني تشوفها من بعيد تقول أكيد دي خطيبة جمال.. لأن بصراحة الصورة العبقرية التي التقطتها عدسة رويترز لها من الجنب تؤكد أنها لا تعرف شيء عن مقاييس جمال "البني آدمين" الطبيعية!
لكن بعيدا عن المظهر والشكل الذي ظهرت به خديجة، فإن ما يستحق أن يتم التعليق عليه بتركيز وبعمق وبـ"تسييح".. هو طبيعة النظرة التي تنظرها خديجة لجمال..
أنا والله لا أحاول أن أستغل الموقف لتصفية خلافات شخصية بيني وبين جمال مبارك، لإني بصراحة معنديش خلافات.. وأمي وأنا صغير كانت بتقول إني أصلا معنديش شخصية وبالتالي فمفيش بيني وبينه أي مشكلات من أي نوع..
لكن فعلا الصورة تستحق التعليق والتركيز.. خوفا على جمال.. وعلي خديجة.. وعلى مستقبل البلد..
نظرة كلها... أقول إيه بس.. والله أنا مكسوف.. فعلا نظرة أنا عن نفسي مقبلهاش على نفسي وأنا اللي خطوبتي جائت بعد خطوبة جمال بأيام قليلة وقدمت لخطيبتي دبلة ومحبس بس، مش خاتم بـ30ألف دولار زي ما جمال عمل..
رغم فقر هديتي إلا أن خطيبتي لم (ولن) تستجري.. أن تفعلها، نظراتها لي كلها احترام رغم أن فارق السن بيننا قليل جدا، وليس 20 سنة كتلك التي بين جمال والآنسة حرمه!
نظرة لو دلت على شيء، فإنما تدل على أن مشغوليات جمال بهموم الوطن، وزياراته السرية إلى أمريكا، ومباحثاته في لجنة السياسات، وحواراته للتليفزيون، وتمويله لروزاليوسف، وتصريحاته بأن أزمة القضاء مش أزمة أصلا.. كل هذه المشغوليات ضرت به أكثر مما نفعت.. لأنها جعلت علاقته "الخاصة" بينه وبين خطيبته ليست على ما يرام، بل ووصل الحد باللي يسوى واللي ميسواش إنه يتريق عليها (أنا اللي مسواش عشان محدش يفهم غلط)..
كم نصحناه.. وكم كتب أكبر كتاب المعارضة يحاولون نصيحته بأن سيناريو التوريث وخطة خلافة والده لن تنفعه ولا تنفعنا.. لقد ظن جمال أننا نحمي أنفسنا.. لكن الحقيقة أننا كنا نحميه هو، لأن الضفر ميطلعش من اللحم.. وأعز الولد ولد الريس.. وابن الريس في مقام الريس لإن اللي خلف مامتش..
كلنا تهمنا مصلحة جمال ورعايته لبيته وأسرته أهم من مستقبل مصر.. لأن جمال في النهاية شاب.. قدوة لغيره من الشباب.. لو الشباب شاهدوا استكانته في الصورة أمام خطيبته.. الواحد منهم يعمل إيه بقى لما يخطب ويتجوز!
لا أخفيكم سرا.. بعد أن وصلت الصورة إلى المكتب.. لاحظت تغير في سلوك خطيبتي تجاهي.. إلا أني تداركت الأمر وصرخت في وشها.. لا يا أمي.. مش كل الطير اللي يتاكل لحمه.. وفي فرق كبير بين أحمد وبين الحاج أحمد!
السؤال الذي طرحه خبيث (والله ما أنا قايل اسمه) هو : يا ترى جمال وخطيبته أثناء التقاط الصورة كانوا يجلسون للاستماع إلى من!؟
طبعا هتبقى مصيبة سودا لو كان الريس هو اللي بيخطب.. الحقيقة رويترز مقالتش.. لكن لازم خديجة تعرف إنه كله إلا حماها.. لأن في الأول وفي الآخر حماها.. وأكبر منها في السن، وفي عمر جدها.. يبقى لما تنظر لجمال نظرة زي دي.. أي شخص غير مطلع هيفهم إنها مستاءة من خطاب الرئيس.. وده غلط.. يعني إحنا بنسمع خطابه من 25 سنة.. وتيجي إنتي تستائي.. لا.. أهو ده اللي مش ممكن أبدا!
على العموم.. خلينا في الآخر نقول إن دي أسرار بيت، والبيوت أسرار، وميصحش نكشف أسرارهم.. بس كل اللي نقدر ننصح بيه جمال.. إنه لما يحب يتخانق مع خديجة.. يبقوا يتخانقوا في بيتهم.. لإن ده يبدي صورة سلبية عن طبيعة وضع جمال في بيته.. وعن مدى فاعلية قانون الطوارئ في تنظيم العلاقات بين "الحكومة".. وراجل البيت!
*استمع للأغاني التالية:
صعبان عليا يا غالي
يا أطب طب يا دلع
عدد التعليقات : 34
• صيف العمال اشتعل.. بالإضرابات!!
• التعليم الأزهري.. تدهور!!
• وصلة ردح.. علي أوربيت!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
احنا مين؟
جبهة مناصرة المعتقلين "جماليا"!
و بندعوا الشعب للتبرع لشراء موقع بعنوان freeAlBaraa.com
و ذلك لتنطلق حملة إطلاق سراحه من خلاله ..
تعاطفك لوحده مش كفاية ..
اتبرع و لو بدولار!
بيرو يا عظمة يا أبهة ..
ايه البلوى دي كلها!
ربما ساهم نص كيلو البودرة في اظهارها بهذا الشكل.. لكن الشيء الملاحظ أن الصورة الحالية هي اول صورة لخديجة بالجنب.. يعني وشها جاي موارب مع العدسة، في حين كانت كل الصور السابقة تنظر خديجة للكاميرا بتركيز وكأنها عارفه إنها هتتصور.. (وهو في حاجة تخفى على الحكومة)..
بنظرة سطحية للمقارنة بين الصور ربما يقول قائل أن خطيبة جمال جميلة لو تم النظر لها من الأمام، لكن بنظرة عميقة من الجانب نكتشف الحقيقة.. لكن الواقع والنظرة العميقة التحليلية للأمور تقول أن خطيبة جمال جميلة من كل النواحي.. وإن "ديفوهاتها" من الجانب لم تكن إلا "كاموفلاج" فقط .. تمويه يعني عشان تخزي العين.. (آه يا عيني)!
ممكن حضرتك تكتب وصيتك قبل ما ينتهى بيك المطاف فى لوحه على كوبرى 6 أكتوبر مكتب عليها"وحشتنايا براء"
انا يا جماعة عايز اقول ان الموضوع ميستهلش ده كله
واحدة وبتبص لخطيبها ومش عاجبها حاجة
حد خاطب يقدر يقولى انه متبصش له بالطريقة دى
الفرق الوحيد ان الصورة اتلقطت هنا
وبعدين يمكن واحدة حلوة عدت وجمال بصلها بطريقة مش اقد كده
وبالتالى يستاهل ولا ايه ايه رايكوا
سلام
لاخوه المتعاطفين من براء , يرجي الاتصال علي هدا الرقم 00000
او العنوان الموضح اعلاه
يا عني يا بني كان حلمه يخطب ويفتح بيت , مش بعيد دعاء ترحله " بالسعفه النحاسيه "
نصيحه يا بني غير" النظاره" من دلوقتي دا لو كان في وقت اساسا
ودي بقي اغاني الفرح
" عيني عليك عاميه "
" عيون الامن سهرانه"
سوري " عيني عليك قايمه "
على اعتبار أننا حذرنا براء كفاية من مغبة التعرض لنجل الرئيس ، فلا اعتقد انه من واجبنا تعليق يافطة على كوبري اكتوبر تقول "وحشتنا يا براء" أولا انه مش تامر حسني، ثانيا لاننا حذرناه زي ما بقول، عشان كدة انا شايف اننا نحط صورة براء اللى بيحطها ع الماسينجر وهو باصص للامام ونكتب عليها كلمة واحدة "تستاهل"
الموضوع انها بتقول لجمال واحد عاكسني وانا داخله رحت بصاله كده وقلتله يا سم
لكن هي بتحترم جمال والبصه دي مش ليه
ياريت يا براء تأجل الشجاعة دي لوقتها لان اخوانا في اللي بالي بالك زهقوا من التفكير و مش بيفرقوا بين حرية الراي و محاولة قلب نظام الحكم و بدأوا بتجريم المظاهرات و لسة ياما ح نشوف افتكاساتهم لحفظ الامن و الامان وان شاء الله حييجي يوم نحتاج لشجاعة كل مصري بيحب بلده فياريت تحوش كل ده لما ييجي ميعاده
مش عارفة ليه يا براء حاسة انك محروق م البنية دي قوي...هي صحيح بضب و الخالق الناطق (امينة شلباية) و هي صاحية م النوم..بس انت شاكلك كده واقع
عمال تعمل مقارنات و تقول انا خطيبتي مش ممكن تبصلي كده رغم اني جايبلها دبلة و محبس مش خاتم ب 30 الف دولار
و بتتك قوي على انك خطبت بعد ما هي اتخطبت بفرق ايام..و نازل تلطيش فيها و ف شكلها
( انت كنت بتروح الجامعة الامريكية كتير؟؟)...عموما الراجل فرحان بيها و بضبها..و هي فرحانة بيه عشان هيعملها اشهر ست في مصر و عشان اكبر منها ب 20 سنة و يمكن يموت و تورث هم مايتلم اكتر م اللي على قلبها و قلب ابوها (الهابلة مش عارفة ان العيلة كلها مظبطه مع عزرائيل و مديهم فترة سماح طويلة بعد ما الصلاحية تنتهي)
المهم يعني خليك في طبقك و ماتبصش لطبق غيرك....يتجوزها ..ياكلها..المهم يحلوا عن سما اهالينا..و يغوروا في ستين سلامه بعيد عننا
البنت حلوة فعلا
يلا مش خسارة فيه
حتوحشني يا براء
والله كنت كويس يبني
لاحول ولا قوة إلا بالله
اقرأ بقية التعليق ..
براء بجد حبتدى اشك فيك
انت اكتر واحد بتكتب عن جمال فى الموقع
ايه فى ايه انت شكلك بتحسد الولد
سيبو يا حبيبى يعشلوا يومين قبل ما يمشى هو وباباه فى ستين الف 00000
اما على النظره
متبسليش بعين راضيه بص للى دفع فيا
انتى تتحكمى فيا وانا اتحكم فى البلد
مسكه عليه حاجه
عشريناتيه وقادره
منهم لله اخدو صاحبى منى
اخى رجع صوتك هز الورا سيبقا شعاعا يضئ الثرا فان غيبوك ليخفت نور فانت بقلبى هنا نيرا
الحريه للمعتقلين الحريه للوطن
لا للتمديد...لا للتوريث... نعم لتعديل الدستور
yehia2784@hotmail.com
http://yehia2784.blogspot.com/
ابقى اكتب شويه موضوعات من دلوقتى يابراء علشان نبقى نقراها وااهو علشان نبقى نفتكرك وانت مش موجود
الواد وقع فى حب البت خالص خالص
عيب كدة مكانش العشم يا راجل مصر
كدة برضة يا رجلنا...قصدى يا راجلنا
يا عريس الدولة
مبروك يا عريسنا
يا أبو شنة ورنة
يا واخدنا وراثة
أطلب وإتمنى
وأخرج من جنة
أدخل على جنة
مش فارقة معانا
ولا هارية بدنا
ولا تاعبة قلوبنا
ولا فاقعة بيضاننا
يا عريس الدولة
إفرح وإتهنى
ما احناش كارهينك
لكن هارشينك
حا تكمل دينك
وتطلع ديننا
احمد فؤاد نجم
يعنى بعد بيخطر على بالى و بعد لو فى مكانه تكتب الموضوع دا
و الله يا براء النوعيه دى من المقالات اللى على شاكله بسلامته بيخطب غلط
تعرف ليه علشان انت كدا بتتكلم على خصوصيات جمال
يا ابنى احنا اللى لينا امور البلد لكن حياته الشخصيه حلوه و حشه ليه
و بعدين النظره دى لاتدل على شىء
و كتير منا بتتلقط ليه صور مش شرط تدل على شخصيته
انا مش شغللك فهمتها و جهه نظرى خلاص اما انت يا عبد الله مفتاح بصراحه متوقعتش منك التعليق دا
حتى انت يا عبد الله
كنت متوقع
عذرا على الخطأ الفني!! أنا كنت متوقع ألاقي صور أكتر للخطيبين. بس أنت يا براء مركز على صورة واحدة وماشاء الله بتطلع كل أحاسيسك الجميلة تجاه جيمي عليها. أما نشوف هايجرالك ايه من الموضوع ده، كل الشباب عمالين يترحموا عليك!! بس حاجة جميلة والله لما نتابع أخبار وصور حاكم مصر المقبل والسيدة الأولى زي ما بنتابع أخبار بتوع الفن والرياضة. هما دول نجوم المجتمع ولا بلاش. وعلى رأي المثل، العروسة للعريس والجري للمصريين المتاعيس.
إخواني الموضوع في غاية الاهمية ليس من أجل شكليته وسطحيته الواضحة كما يبدو ولكن لان الموضوع في مضمونة يتعلق بمستقبل البلد،إن جمال مبارك يعد نفسه ويعدخطيبتة ليحلا مكان الاب والام وهذا ما يستطيع أن يراه أي انسان لديه ذرة عقل ومن شواهد ذلك أختيار جمال لعروسة من عائلة رفعت الجمال البطل المصري في إسرائيل ومحاولةإعدادهاو تلميعها لتكون سيدة مصر الاولى وهو أن شاء الله لن يحدث وان حدث فعلى جثثنا.فلن يحق لعاطل وفتاة تافهة أن يحكما كنانة الله في ارضه بلدنا أم الدنيا مصر.
أصحاب النفوس المريضة فقط - من عينة براء - هم الذين يرون أن هذه النظرة مش ولا بد وأنا أهو وانت أهو يا سي براء افندى أن ما رحت هناك .. وهناك أيه سلومة الاقرع ما يعرفش ابوه
أنا عن نفسي شايف ان النظرة فيها احترام وتبجيل من سيدة مصر الأولى - فى المستقبل بمشئة الله - لسيد مصر الأول - فى المستقبل برضو- تدل على مدى التفاهم والانسجام بين الطرفين الأمر الذى يبشر بمستقبل باهر لمصر المحروسة خلال العقود القادمة.
وأطالب السيد جمال والسيدة خديجة بالإكثار من مثل هذه النظرات التى تنم عن عمق الرؤية وبعد المعرفة وتؤطر لأطر جديدة من حياة المصريين على أكثر من صعيد سيكولوجى و سيسيولوجى فى مواجهة جحافل البرجماتيين والماركسيين الجدد.
أعتقد أن هذه الصورة العبقرية بما تحمله من دلالات رمزية معبرة عن مدى التعلق بتراب مصر - مصر اللى هى أمك يا ميدو وامك انت كمان يا براء- لو أن هذه الصورة علقت فى متحف اللوفر أعتقد انها سوف تضرب لوحة الموناليزا بالبلغة( استخدمت لفظ البلغة بدلا من الجزمة لأن البلغة نابعة من البيئة المصرية)
أنا عن نفسي سوف أضع وردا يوميا أتطلع خلاله لهذه الصورة لأتعلم منها معنى الوطنية والانتماء معنى البذل والتضحية
و أطالب بجعل هذا اليوم الذى التقطت فيه هذه الصورة الأكثر من عبقرية عيدا قوميا لكل المصريين يحتفلون به كل رجل وزوجته وكل خطيب وخطيبته يقفون امام المرآة وتحاول المرأة جاهدة- وسوف تفشل حتما- فى تقيد هذه النظرة الوطنية لزوجها أو خطيبها
عموما أردعوك يا براء يا صاحب النفس المريضة أن تعيد النظر للصورة بعقلية متفتحة وبروح وطنية بعيدا عن هذه الخيانة التى انت غارق فيها، وتلك العمالة للقوى الخارجية
حسين عبد الظاهر سابقا
عبد الله كمال حاليا
يا جماعة محدش يزعل على البراء
لأن مصر و لادة لو البراء راح فى 60 داهيه حيجى غيرة الف
و زي ما شمس سوزان قربت على الغروب و ظننا ان مفيش حد
فجأة لاحت فى الافق شمس خديجة و زي ما كان القلق حيقتلنا علشان مفيش حد يمسك البلد بعد الريس فجأة ظهر جمال
المهم يا جمال اتجدعن كده ةعلشان تجبلنا مبارك الصغير و بعد كدا الحكم يورثه الاكبر من ذرية علاء ثم ذرية جمال بالتناوب
السلام عليكم ورحمة الله وبركاته
لا أعلم إن كنت مسلما أو غير ذلك , لكنني سأتحدث وأمري لله ..
يا أخي هل الصور التي وضعتها صور حلال أم حرام ؟؟؟؟؟
يعني هتشيل عليها وزر ولا هتاخد حسنات ؟؟؟؟
الناس هتفضل تبص للصورة وتتمعن في اللي فيها وممكن ناس نسرح في عين اللي موجودة فيها
بالله عليك لو كنت مسلم ساعد إخوانك على غض بصرهم وغض بصرك قبلهم
بالله عليك لو كنت مسلم ما تأخرش النصر بعصيانك لأوامر الله وزيادتك للمعاصي الموجودة
الصور الموجوددة حرااااااااااااااااااااااااااااااااااااااااااااااااااااااام
وهتفضل تشيل في وزر كل واحد شاف الصور , بمعادلة بسيطة ممكن لو إنت صالح وأعمالك صالحة , المقال ده يحدفك في جهنم !!!!!!!
نقطة تانية : أنا برضه مطحون زيي زي أغلب الشباب المصري , إستفدت أنما إيه من مقالك ؟؟؟؟؟؟
مالي أنا ومال خطيبة جمال مبارك يا أخي ,
لو عندك نقد ليه لازم يكون موضوعي بأدلة , إحترموا عقولنا شوية الله يكرمكم
لأن طول ما إحنا ماشيين بعواطفنا هنروح في داهية
اكتب مقال قول فيه جمال غلط في كذا وكذا وكذا , عشان نتناقش فيه نقاش موضوعي مثمر , ويزود من سعة أفقنا , مش موضوع عن العيون والرموش والحواجب !!!!!!!
يا أخي ربنا يهديك ويهدينا
لاشك أن حضور الأنسة خديجة مؤتمر مثل هذا عدد كبير من وزراء مصر و مفكريهاغير مسوح لهم الحضور فيه لا يعنى غير أن هناك خطة مرسومة لدخول جمال مبارك بشكل جديد أجتماعى و سياسى معا و التوريث جاى جاى و أصحى يا بلد
وااااااااااااااااااااااي تجنن وتدوخ
الصراحه فرق بينها ومنى زكي في مسلسل من نظرة عين هي تخرع ونظراتها بعد الله يرفع عنها كانها نظرات وحش مفترس ول ول ول
باااااااااااااااااااااااااااااااااااي
انا بقول نجيب لبراء العيش...والحلاوة من دلوقتى...وزى بعضه يا سيدى....حلاوة بالسودانى...ما هو جمال مبارك برضه...مش اى حد...ولا ايه؟
تحياتى يا براء
لا جديد...موضوعاتك مميزة
يا راجل كده عيب انت بتقول انك خاطب ترضه الكلام ده عليك أحكم واللي مترضاهوش علي نفسك مترضاهوش علي غيرك
السلام عليكم
بعد حرمة وضع صور متبرجات -أيا كانوا- والنظر إليهم(واللي أنت دبستنا فيها) لي تعليق بسيط
مش عايزين ضيقنا من احوال البلد وظروفها هيخلينا نخرج عن المعقول والمفيد
ولا يخلينا (نفش غل وخلاص) زي اللي بيحط صورة اللي بيكرهه على الحائط ويضربه بالنار وفي الآخر هيبقى عليه تصليح الحيطة ويظل المكروه كما هو
نظرة خطيبة جمال له ولا نظرته لها ولا هي أصلا تعنينا
والوقت اللي راح في تأمل نظرتها له - اللي أظن ممكن تواجه مشاكل مع خطيبتك عشانه- كان ممكن نعمل في حاجات كتير قوي تنفع البلد دي والشباب الطيب اللي بيحبوك وبيقرأوا لك ومستنيك من أصحاب الأقلام كل مفيد ونافع
بغير جنسيتى لو مسك جمال مبارك الحكم ومعه خديخه هوكر اصل البلد ناقصه البلد بها رجال ولكن دييرين وراء لقمة العيش وهما اللى ربطونا وراها علشان نهش ولا ننش
بغير جنسيتى الى اثيوبى لو مسك علاء الحكم لابد ان يحاكم على كل ما فعل وتذكى على الاقطاع والتماسيح اللى اكلتنا
يا جماعة عيب اوى التهريج وقلة الادب كل الكلام دة بيدل انكم فاضين
لالالالالالالاتعليق فى شيء سخيييييف مثل هذااا
شكراااااااااااااااا
يا حرااااام الرجل مستحملش نظرة سخنة اتلهلب بنارها شطة مولعة واتولع بمرورها و عامل فيها راجل جامد و مسلح واسمند بس بسراحة هى لعيبة لعبتة صح وانت واعت هااااااااااااة هااااااااااة هاااااااااة
خسارة فيك الجمال دة وخسارة فيك الامراءة القبيحة لا جنة هتقبلك ولا حتى نار