الأهلي والحكام.. تاني!!
ولكن ما لم نتوقعه هو ما حدث في إستاد الإسماعيلية من الجماهير ومن الجهاز الفني الذي هدد بين الشوطين بأنه سينسحب
23/05/2006
الدوري انتهي.. بح.. خلاص ..مفيش.. ومع خلاص دي هبطت فرق وصعدت فرق أخري.. احتفظ الأهلي بالدرع الذي حصل عليه العام الماضي وحقق رقما قياسيا جديدا كما فعل الموسم الماضي..
حصل الزمالك علي المركز الثاني ليشارك العام القادم في البطولة الإفريقية العام القادم وهو ما لم يستطع أن يفعله هذا العام، ولكن بين كل هذا يظل أهم ما حدث في نهاية الدوري هو مباراة الأهلي والإسماعيلى والتي عاد معها التساؤل حول الحكام والأهلي.
أنسحبووووو
تعودنا في كل مباراة للأهلي والإسماعيلي أن تكون ساخنة، حتى هذه المباراة التي حسم الأهلي الدوري من قبلها توقعنا أن تكون ساخنة أيضا فالإسماعيلي في صراع علي المركز الرابع والأهلي يريد أن ينهي الدوري بأكبر قدر من فارق النقاط وبدون أي هزيمة.
ولكن ما لم نتوقعه هو ما حدث في إستاد الإسماعيلية من الجماهير ومن الجهاز الفني الذي هدد بين الشوطين بأنه سينسحب من المباراة مما تسبب في تأخير الشوط الثاني حوالي 10 دقائق.
وعلي الرغم من أن الهدف الأول في المباراة جاء في الدقيقة 6 إلا أن المشاحنات بدأت في الملعب في الدقيقة 27 من المباراة بعد احتكاك بين عماد متعب وسيد معوض لاعب الإسماعيلي وينتهي الموقف بحصول متعب علي إنذار.
وبعدها بثماني دقائق ترتفع درجة حرارة المدرجات والملعب بعد أن قال حكم الراية أن محمد بركات لاعب الإسماعيلي السابق قد تعمد ضرب أحمد خليفة لاعب الإسماعيلي الحالي بـ"الكوع" بدون كرة.
هرج ومرج
يحدث هرج ومرج في الملعب والمدرجات بسبب "الكوع" ويخرج احمد عودة حكم المباراة الكارت الأصفر لبركات وسط مطالبة الجهاز الفني للإسماعيلي بالكارت الأحمر، وبعد المباراة يردد الكثيرون بعد إعادة اللقطة تليفزيونيا أنه "مكانش في كوع ولا حاجة وأحمد خليفة كان بيمثل".
كل ده كان عادي ومفيش حاجة.. أحتكاكات وماله بتحصل في أحسن الأندية ولكن في الدقيقة 43 يحتسب الحكم ضربة جزاء لصالح الأهلي بعد أن توغل محمد بركات في منطقة الجزاء فلا يجد محمد فتحي حارس مرمي الإسماعيلي حلا سوي عرقلته، وهنا يعترض محمد حمص فيطرده الحكم لتثور جماهير الإسماعيلي وتطالب الفريق بالانسحاب منا المباراة خاصة بعد أن نجح أبو تريكة في تحويل ضربة الجزاء إلى هدف ثاني للأهلي.
مش نازلين
وبعد الهدف بقليل يطلق الحكم صفارة إنهاء الشوط الأول وبين الشوطين يثور الجدل داخل الجهاز الفني للإسماعيلي بين قرار الانسحاب من المباراة اعتراضا علي الحكم أو استكمالها ويستمر الأمر بين الشد والجذب حتى يقرر الجهاز الفني استكمال المباراة وهو ما أدي إلى تأخير الشوط الثاني عشر دقائق .
وفي الدقيقة السابعة من الشوط الثاني يحتسب ضربة جزاء أخري لصالح الأهلي بعد أن لمس أحد مدافعي الإسكندرية الكرة بيده فتثور الجماهير وتطالب الفريق بالانسحاب مرة أخرى من المباراة ولكن الجهاز الفني قرر الإستمرار في المباراة.
وتبلغ الثورة بالجماهير ذروتها فتبدأ في ترديد الهتافات التي يعاقب عليها القانون تجاه الجميع وتتخذ إجراء برع الفلسطينيون في مقاومة الاحتلال الإسرائيلي به، وهو إلقاء الحجارة بالطبع، ولم يميز الجمهور الغاضب بين أرضية الملعب واللاعبين وبين المقصورة الرئيسية فيبدو أن الكل أمام الحجارة والزجاجات الفارغة سواء.
وتستمر المباراة علي هذه الشاكلة حتى نهاية المباراة والتي يحرز محمد عبد الوهاب هدف الأهلي الرابع قبلها بثواني قليلة، وبعد المباراة تشتعل التصريحات حول التحكيم ما بين انحيازه للأهلي من عدمه.
مش كل كورة بلنتي
بعد انتهاء المباراة مباشرة أنطلق احد أعضاء الجهاز الفني لفريق الإسماعيلي علي الهواء مباشرة في مهاجمة حكم المباراة وكيف أن محمد بركات يستاهل الطرد لأن الحكم المساعد قال بالحرف الواحد أن محمد بركات ضرب لاعب الإسماعيلي.
كما أن مش أي لاعب يقع بداخل منطقة الـ18 يتحسبله بلنتي وكمان مش كل لاعب يلمس الكورة بأيده جوه الـ18 يتحسب عليه بلنتي، المفروض أن الحكم يراعي يعني!!
ربنا علي الظالم
وفي المؤتمر الصحفي بعد المباراة قال ثيو بوكير المدير الفني للإسماعيلي أن فريقه يتعرض لظلم كبير منذ لقاء إنبي عندما نال أحمد فتحي إنذارا غير مستحق كلفه غيابه عن لقاء الأهلي، مؤكدا في الوقت نفسه علي حزنه واستياؤه من قرارات الحكم الظالمة خلال المباراة، وقال أن الحكم تسبب في إحباط اللاعبين بقراراته العكسية والخاطئة.
أما مانويل جوزيه المدير الفني للأهلي فقد تعجب من سلوك جماهير النادي الإسماعيلي من إلقاء الحجارة والزجاجات علي لاعبي الأهلي، وقال أولا وأخيرا كنا نلعب كرة قدم والحكم لم يجاملنا إطلاقا.. وباستطاعتهم الرجوع لشريط المباراة للتأكد من صحة كلامي.
ده اسمه كلام
وبعيدا عن كلام جوزيه وبوكير يتبقي التساؤل الأهم وهو هل يحق لنادي ما أن ينسحب من مباراة بسبب التحكيم، وهل من اللائق أن تقوم جماهير أي نادي بإلقاء الزجاجات والحجارة علي لاعبي فريق أخر بسبب سؤ التحكيم.
عدد التعليقات : 18
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اولا ان شفت الماتش وضريتين الجزاء صح ميه في الميه وبركات معملش حاجة للاعيب الزمالك
ثانيا مبروك الفوز للاهلي واهم الاسماعيلاوية خدوا ستة رايح وخدوا اربعة جاي زى ولاد عمهم الزمالكوية علشان ميبقاش في حقد بين ولاد العم ثالثا اللي بيقول ان الحكام مرتشين ما يدفع هو كمان ولا الحكام مرتشين بس لناس وناس
رابعا الاهلي حديد وانا ركبي حديد
الاهلي حديد وانا ركبي حديد
حكم الاهلى والاسماعيلى عودا عارف ان الاهلى بطل الدورى ولكن صمم على افساد المباراه حامل الرايه اقر بإعتداء متعب على لاعب الاسماعيلى ولكن انذر الاثنين ثم طرد حمص بعد ضربة الجزاء الظالمه
انتهىالمولدوالدراويش تاهوفيه والحكام مغلوبين على امرهم زى اىحدفى المولدلكن كم عددالاهداف وضربات الجزاء الملغاة او المعادة للدراويش انتوا مش مكسوفين من انجولا ومن بلادالافيال وصلواكاس العالم واحناخدناكوزالامم بدعاءالوالدين والخطةالعتيقة مدد مدد شدى حيلك يابلدأفيقوا من التوهان بدل الملايين الى رايحةلاشباه اللعيبة والمدربون الكيعان ونبيكم يسب من الفايكنج قطاع طرق اورباوغجرهابتوع البقر والجبنة وسلمولى على الدورى
يستحي قلمي الصاق الوصف المستحق علي تلك الفئة من جماهير الاسماعيلي تادبا مع نفسي وتشجيعا لتلك الطفرة الهائلةمن السلوك الرائع للجماهير المصرية فما حدث من الغوغاء ردده من نطلق عليهم تجاوزا العقلاء رئيس النادي والمدرب المساعد غير الشريف والحكم المساعد ايضا غير العفيف ولا النظيف ولو انهم رجعوا لشريط المباراة لعادوا لما نهوا عنه ولقدموا الشكر للنادي الاهلي الرفض لتعميق جراحهم ولو عادوا لشريط المباراة ونظروا لخيال كلا من بركات ومدعي الموت لتيقنوا انه لم يحدث ثمة احتكاك بين اللاعبين وان لاعب الاسماعيلي يستحق الطرد لادعائه الكادب مع العلم ان التحكيم في المباراة لم يكن له ثمة تاثير ايجابا او سلبا في نتيجتها ويجب علي اتحاد الكرة ان يكون له موقفا ايجابيا في معالجة احداث المباراة واري حرمان تلك الشرزمة من مشاهدة مباراة الاهلي باستاد الاسماعيلية لمدة سنتين ان اردنا القضاء علي احداث الشغب وردع المشاغبين والموتورين من كل الجماهير
عيب عليكي يا عشرينات تسيبي واحد زي اللي اسمه احمد ده يعلق ويشتم - الاهلي هو سبب تخلف الكرة المصرية
psfd hggi ,kul hg,;dg td ;g p;hl lwv ,hk ahx hggi s,t dfjgdil hggi td wpjil ,td hb,
للاسف مفيش حد محايد في مصر..الاسماعيلي اتظلم..دي حقيقه..الاهلي بيتجامل..دي برضه حقيقه..معاكم ان الاهلي هو الافضل حاليا وانه مكنش هيكسب لو مكنش الافضل..بس برضه اللي حصل في الماتش ده مجامله للاهلي..
وارجع اقول برضه مفيش حد محايد..
اعترضت الاسماعيليه جمعاء على البلنتى وان عوده ظلم الشعوب الاسماعيلة بل والعربيه.وانة كان السبب فى نكبة فلسطين.... نعم.....هي فقط ليست من اختصاص عوده بل من اختصاص الشرطة والقضاء المصرى
اقسم بالله العظيم ان اظلم الفريق اللي قدام الاهلي مهما كان(قسم الحكم)
نقسم بالله ان نساعد الاهلي بقوانين وكل اللي نقدر عليه(اتحد الكوره)
ياجماعه لازم نعترف الاهلي فريق عظيم والاسماعيلي فريق يتيم(الاعلام)
الأهلي يستحق الفوز و الحكم ما جاملوش...يعني فيه راجل فاهم كوره يطلع يقول مش كل لاعب يتكعبل جوة المنطقة يتحسب لة بنالتي و لا كل لاعب يمسك الكوره بايده جوة المنطقة يتحسب لة بنالتي و بعد كده نسال و نقول بنتبهدل في الماتشات العالميه ليه ... و بعدين هو الاهلي مسؤول عن مشاكل الانديه .... علشان كده احنا في النازل و ها نقضل طول ما الفكر ده موجود
يا جدعان الكلام فى الموضوع ملوش لزمه و الناس هتفضل تقول على الفريق اللى بيكسب بيكسب بسبب الحكام لان طبيعة الانسان مبيعترفش بالفشل و بيحاول يعلق غلطاته على اى شماعه و اسهل حاجه الحكاميعنى لو كان الاسماعيلى هوه اللى فاز كان هيتقال عشان الحكام و الحكم عمل كذا و كذا والناس بتظيط فى الظيطه واحد زملكاوى عشان فريقه عمال يتغلب و كرامته مهدوره و كل ما يقابل واحد اهلاوى الاهلاوى يبهدله تريقه يرد الزملكاوى و يقول عشان الحكام ولو العكس كان اللى حصل كان برده الاهلاوى هوه اللى هيقول الحكام فاحسن حاجه ننفض ومنتكلمش فى المواضيع ده لان الاحسن هوه اللى بيكسب فممكن جدا فريق يكسب ماتش ولا ماتشين بسبب حكام ولكن مش معقوله كل الحكام و الاتحاد و الصحفيين و الاعلاميين متفقين للاهلى ضد باقى الانديه واللى يقول غير كده يبقى عبيط و ميتردش عليه
مش معقول ان الحكام على طول بتظلم الاسماعيلى اناشايفةالماتش دة الاهلى هو المظلوم شوف الماتش كويس وانسى انت بتشجع مين واحكم با لعدل عماد متعب ولالاعب الاسماعيلى يستاهل الاانذار وبردوة بركات شوف الماتش تانى واحكم بالعدل
لحد امته الفريق الي اسمه الجاهلي هيفضل كدا....لحد امته الكوسة وال.....هيفضلوا موجودين
في الماتش الاول الحكم اعترف انه ظلم الاسماعيلي...اخدنا ايه؟؟؟؟
ودلوقتي الدنيا كلها شايفة الفاسد اللي اسمه عودة واللي عملوا
طبعا الاهلوية دا الطبيعي عندهم انهم يكسبوا بأي طريقة عشان كدا هما مستغربين طبعامن اللي حصل وشايفين ان الماتش طبيعي عشان اخدو ضربات الجزاء المقررة ليهم في كل ماتش
وسيستمر صياح الجماهير ...العب...يا عودة
وليس العب يا اهلي
بعد كل العلاقة الجميلة الي بتربط النادي العظيم النادي الاهلي والنادي الاسماعيلي يحصل كل دة ؟؟؟ طب ليه ؟؟ الدوري انتهى والفوز او الهزيمة ولا هيقدم ولا هيأخر . ربنا يهديهم . هدف محمد عبد الوهاب احلى اهداف المباراة .
السلام عليكم ورحمة الله وبركاته
يا جماعه فعلا الا سماعيلي مظلوم
والاهلي بيتجامل كتييييييييييير
وبكره تشوفوا هيحصل ايه للاهلي لما يقع اللي مساندينه يا حرااااااااااااام
التشابه الكبير بين الاهلي والزمالك كلمة واحدة:
الاهـــــــلي حـــــــديد
والزمالك علي الـــــحديد
مبروك لنادي القرن الاهلي المصري
145 مليون جنيه ثمن الدورى...الحكام بتتغين بموافقة الاهلى..شلة الانس فى رئاسة النادى الاهلى هى المخزون الاستراتيجى للفساد فى البلد ..ولو الحال انصلح اغلبهم هيشرف ه البورش وراجغوا الاسامى...ده مش نادى كورة..ده لوبى رجال اعمال واللى مش مصدق يراجع الاسامى..وبكرة تشوفوا...
الاسماعيلى يعتبر حلو فى الهجوم وخط الوصط لكن الدفاع وحش الاهلى فريق كلة حلو
لان الاهلى دة نادى حرمية سرقة كل العية بفلوسهم والحكم الكان فة متش 4/0 دة حكم ظالم ربنا علية
لاهلي كان يستحق الفوز طبعا واحلى هدف هو هدف بركات اللي بنموت فيه كلنالانه احسن لاعب في مصر