زحلق الشريحة
مؤخرا انتشرت بين الناس شائعة وجود خاصية مميزة في الجهازين وهي قدرتهما علي إجراء الاتصالات المحلية والدولية دون احتساب تكلفتها المالية.
محمود حامد – ولاد البلد:
الانتقام الرهيب من استغلال شركات المحمول لمستخدميه في مصر، جاء أخيرا علي يد الفقراء أصحاب العدة "نوكيا 3310" و"نوكيا 3410" وهي التي تعرف بـ"عدة الشعب".. لرخص ثمنها، ولخلوها من كل المميزا الموجودة في أي إصدار آخر من إصدارات نوكيا.. لا كاميرا ولا بلوتوث ولا رنات مجسمة..
مؤخرا انتشرت بين الناس شائعة وجود خاصية مميزة في الجهازين وهي قدرتهما علي إجراء الاتصالات المحلية والدولية دون احتساب تكلفتها المالية.
الغريب أنك تجد من يؤكد تلك الشائعة ومن يكذبها حيث يدعى البعض أنه إذا "زحلقت" الشريحة من الجهاز تحت البطارية أثناء إجرائك للمكالمة وتكلمت أي عدد من الدقائق لن تحتسب عليك سوى الدقيقة الأولى فقط ولست أعرف من مكتشف ذلك الاختراع الرهيب.
فوجود شائعة كهذه تؤكد أن في واحد عبقري مصري قاده ذهنه الفذ لتجربة هذه الخطة الشيطانية.. لكن من هو هذا الفذ.. الله أعلم!
البلد اتزحلقت
وعلى الفور بدأ معظم الناس أصحاب الـ3310 و3410 في زحلقة الشريحة والناس كلها "انزلحقت" في المكالمات وانتشر الخبر بسرعة البرق بين الناس في مصر شمالا وجنوبا، ولم أكن أعرف شيئا عن ذلك شخصيا حتى فوجئت بجاري المتخصص في إعلامي بكل ما هو جديد في عالم الموبايلات يحسد كل من لديهم جهاز 3310 بالرغم من أنه موديل قديم جداً وغير جذاب..
سألته عن سر ذلك الحسد الرهيب فقال لي "ممكن يعمل من تليفونه مكالمات ببلاش" ثم شرح لي الطريقة، وأضاف كمان ممكن تبدله بـ 6610 من أي حتة ببلاش.
وما هي إلا ساعات معدودة كنت قضيتها في إجراء مكالمات لأصحابي من تليفون المنزل لكي أتحقق من صدق تلك الشائعة واسمع معي ماذا قالوا واحكم بنفسك.
التليفون الأول :
أنا : السلام عليكم.. وائل ازيك
هو: تمام الحمد لله
أنا: إية موضوع الـ 3310 ده
هو: أيوة ممكن تعمل مكالمات ببلاش وكمان بتبدله بـ6610 بس تدفع 200 جنيه ( لاحظ السعر).
أنا: أنت جربتها
هو : واحد صاحبي جربها..
التليفون الثاني:
أنا : السلام عليكم .. أزيك يا محمد
هو: كويس الحمد لله .. أنت عامل أية؟
أنا: الحمد لله بس شغلاني القصة بتاعة سرقة المكالمات من 3310
هو : أه أنت بتزحلق الشريحة و بتتصل عادل وممكن تبدله بـ6610 بس ح تدفع 400 جنيه
أنا : أنت جربتها
هو: لأ ده ابن عمتي جربها..
التليفون الثالث :
أنا : السلام عليكم أزيك يا طارق اية حكاية الـ3310 دي
هو : وعليكم السلام .. سمعت انك بتشيل الخط وبتتكلم عادي ومش بيتحسب غير أول مكالمة بس، وكمان ممكن تبدلها ب،6610 بس تدفع 700 جنيه ( مافيش حاجة بتفضل على حالها).
سلامتك يا دماغي
سلامتك يا دماغي مش معقول بجد حدث ذلك الفرق في السعر بالرغم من أن مدة التليفونات الثلاثة مجتمعة لم تأخذ أكثر من 10 دقائق، مما جعل الشك يعرف طريقه إلى عقلي فسارعت بالنزول للعمل لأتاكد بنفسي وعندما قابلتني زميلتي على الفور إذاعة في وجهي الخبر دون أن أسالها وسألتها عن مصدر معلوماتها فقالت أخي وصدق على كلامها كل من سمعها وقالوا أن الخبر صحيح.
ولكن الشك أيضاً مازال يساورني إلى أن قال لي أحد المشهود لهم بالحكمة في مقر عملي أن ذلك الموضوع صحيح تماماً بل وأضاف بأن شركتي المحمول أقامت دعوى قضائية على شركة نوكيا (يا نهار أبيض الموضوع وصل للمحكمة)
واسمعوا معي باختصار أبرز تصريحات زملائي التي اعتذر عنها مقدما لو كانت غير صحيحة(نوكيا 3310 وصل سعره من 100 جنيه إلي أكثر من 1000 جنيه)، (محلات شارع عبدالعزيز بتبدل الموبايلات)، (يوجد محل في الهرم جانب كايرو مول بيبدل الموبايلات وعلى طول زحمة يعني لازم تتصل الأول قبل ما تروح)، (المكالمات بتتسرق بس من شركة فودافون أما موبينيل زي الفل)، (لا دي مويبنيل هي اللي بتتسرق لكن نظام فودافون جامد ومتين)، (أنا نازل اشتري 3 اجهزة 3310 ويارب ألاقيهم في السوق)، (أنا جربت الموضوع بنفسي واجريت ساعة ونصف مكالمات بدون أن أدفع سوى حق الدقيقة الأولى).
كله تمام
حاصرتني تلك الشائعات والكلام الكتير إلى أن سمعت تصريح المهندس محمد يسري رئيس إدارة التكنولوجيا بشركة فودافون الذي قال على طريقة وزرائنا الكرام (كله تمام) : "هذه الشائعة وصلت إلي الشركة وعلي الفور قمنا بعمل تجربة ووجدنا أنه لم يتم تسريب المكالمات عبر الشبكة ويتم احتسابها بالكامل، ولذلك يرجع إلي نظام المحاسبة علي المكالمات الموجودة بالشركة والذي يبدأ بالتعرف علي الشريحة أولا أثناء عملية الاتصال من خلال رقم معين لضمان أن صاحب الكارت هو صاحب الخط ثم بعد ذلك يتم تعريف المشترك بالشبكة".
أما باسم الشربني أحد أفراد فريق التسويق بشركة (I2) فيقول: "جربنا هذه الفكرة، ووجدنا أنك بعد زحلقة الشريحة ستجد المكالمة مازالت تعمل.. لكن لم نتأكد من أن المدة لا يتم حسابها.. باسم يؤكد أن الفكرة غير موجودة في العدد المذكورة فقط، بل موجودة أيضا في أي جهاز يمكن رفع بطاريته 45 درجة بدون أن يفصل.. وهي الخاصية الموجودة في أجهزة كثيرة"..
وبعد ما قرأت الكلام ده كله لو عاوز تتأكد بتفسك زحلق الشريحة لو معاك 3310 أو 3410 .. وقلنا إيه الأخبار.
عدد التعليقات : 190
• جمهورية مصر القبطية.. على الانترنت!
• الأقباط.. وبنك فيصل!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
لم نعد نستطيع ان نصدق حتى انفسنافى مصر الان00فالكذب والحلفان بالله العظيم اسهل شىء فى افواهنا000لكى الله يامصرالاسلام فى كل شىء
اوعدك اول ما اشترى موبايل هزحلق الشريحة
يا موبايلاتك يا مصر؟
و الله يا جماعه الله اعلم
فيه ناس اعرفهم جوبوها و نجحت معاهم
يا سلام
فيه احلى من كدا
زحلق الشريحه و عيش حياتك وسلملى على موبينيل
يا جماعه الشركه دى مبتلعبش
بدليل ان اختى من كام يوم عملتها و اتحسبت عليها المكالمه
يعنى الشركه تداركت الموقف خلاص
و كل واحد ياخد باله من رصيده
جربت ونجحت التجربةفعلا بعد زحلاقة الشريحة المكا لمة تفضل مستمرة
حنا كلنفى مصر غلابه عاملين زى جحا لما طلع اشاغه ان الوالى عامل اكل كتير فى القصربتاعه كل الناس راحت جحا قال الناس دى كلها راحت تاكل عند الوالى وانا الى هافضل وراح يجرى وراء الناس بالرغم ان هو الى طلع الشائعه هم دول المصريين
يارب يكون الموضوع ده اشاعة عشان في ناس عارفين نفسهم كويس عاوزين يبدلوا تليفونهم بـ 6600 عشان يكون معهم تليفون زي تليفوني 6670 بس احب اقول لهم ده بعدكم طبعا يا بتوع 3310
هااي،
انا جربت اشيل الشريحة من 3410 و المكالمة فعلا فضلت شغالة عادي جدا، بس البطارية وقعت نم قبل ما اكمل اول دقيقة S:
هاجرب مرة تانية و ابقى اقولكو على موضوع الرصيد
جربنا للمرة التانية، و فى نفس العدة 3410، المكالمة بتفضل بالظبط من 15 - 20 ثانية و بعدين تطلع رشالة "Insert Sim Card" فى الـ 3410 ، و طبعاالمكالمة تنتهى.
مع احترامي لمن جرب ومن لم يجرب
أسألهم جميعا ألا يسمى ذلك سرقة؟
وإذا رد أحدهم بأن الشركات تسرقنا بأسعارها أذكرك بأنك حينما اشتركت في خدماتهم فأنت قد وقعت عقدا برضاك ويلزمك قول الرسول صلى الله عليه وسلم: " المؤمنون عند عقودهم"
تحياتي
طبعا اشاعة و كل واحد يجرب الوضوع و يراجع الرصيد.
و بعدين كلام بتاع فودافون واضح بتتحسب يعني بتتحسب.
و فرصة اللى معاه 3310 و عاوز يخلص منه بسعر كويس...
وكمان انت تناسيت حديث الرسول من احتكر فهو خاطئ
سرقة ايه بقى اللى حضرتك بتكلمنا عنها
الحكومة رافضة اي شركة تالتة تدخل
السوق لسويرس و نصير بس
و الغريبة ان فيه اشاعات ان علاء شريك فى الشركتين ازاااااااااااااااااااااااااااااااي
معرفش رغم انهم متنافستين
سامحك الله يامن اتهمتني بتنناسي الحديث الشريف الناهي عن الإحتكار
وانما قل أني نسيته
وللتذكره فنص الحديث كما في سنن أبي داوود: "حدثنا وهب بن بقية أخبرنا خالد عن..... عن سعيد بن المسيب عن معمر بن أبي معمر أحد بني عدي بن كعب قال
قال رسول الله صلى الله عليه وسلم لا يحتكر إلا خاطئ
فقلت لسعيد فإنك تحتكر قال ومعمر كان يحتكر قال أبو داود وسألت أحمد ما الحكرة قال ما فيه عيش الناس قال أبو داود قال الأوزاعي المحتكر من يعترض السوق"
وواضح من النص ان هناك نوعان من الإحتكار نوع منهي عنه ونوع غير منهي عنه بدليل ان أحد الصحابه ثبت عنه الإحتكار
وقوله ان "المحتكر من يعترض السوق"
أي ان الإحتكار المنهي عنه يكون فيما فيه حاجة الناس ولا عنى لهم عنه
والله أعلى وأعلم
خالص تحياتي
هو خلاص
كلنا بقينا لينا حق الإفتاء في الدين
إشمعنى كل حاجه بندعو بالتخصص ما عدا الدين أي حد ممكن يصدر فتوى في أي وقت
إتقوا الله وسيبوا أهل العلم والتخصص هما اللي يتكلموا في الدين
السادة الكرام ..
يعني لماالواحد بييجي يشحن موبايلو برصيد جديد , تفتكروا شريحة الخط هي اللي بيتحط عليها الرصيد ؟ طبعا لا , ومعنى كده انه الرصيد بينزل علي كمبيوتر الشركة اللي بيحتوي على بيانات المشتركين بما فيها الرقم المسلسل للشريحه ورقم التليفون المحدد لهذه الشريحه وكمان نوع اشتراك الشريحه دي في الشركة سواء خط بفاتوره شهرية ولا كارت بيتشحن برصيد .
لحد كده تمام ؟ طيب تمام .
نيجي للمفيد : لما سيادته صاحب الخط ابو رصيد مدفوع مقدما ( بيشحن يعني ) لما ييجي يعمل مكالمه اللي بيحصل كالاتي :
بيكتب النمرة وبيدوس علي اتصال فا بيروح الموبايل موصل نفسه علي الشبكة ومعرف نفسه علي انه الموبايل اللي رقم شريحة خطه كذا , و بعدين يقوم الكمبيوتر بتاع الشركه يشوف لو ليه رصيد بيفتحله اتصال ولو مالوش رصيد بيروح مطلعله البت اياها اللي بتشتم دي ,, ما علينا , المهم الكمبيوتر بيفضل يعد مدة المكالمه ومخلي الخط مفتوح طول ما في رصيد ( سواء في شريحه في الموبايل او لا ) لانه وظيفة الشريحة بس تحديد الموبايل ده مين صاحبه وبعدين الموبايل نفسه هو اللي بيخلي الواحد يتكلم ويتصل واللازمنه..المهم بيفضل الخط مفتوح علي كمبيوتر الشركة لحد ما الرصيد علي الكمبيوتر يخلص يروح فاصل الخط و المكالمه من علي العده اللي ساحبة الخط ايا كان مكانها لانه بيفصل الخط من المصدر ( من جوه الشبكة ) .
طبعا الكلام ده بافتراض انه صاحبنا شال الشريحه في اول المكالمه و الدنيا فضلت شغاله , لكن الطبيعي انه لمسأله امنية كمان ( وده الطبيعي ) انه كمان عدة الموبايل بتبص علي الشريحه كل شوية ( كل 10 الي 15 ثانية ) ولما مبتلاقيش الشريحة بتروح مطلعالك حاجه من الاتنين : دخل الشريحه تاني ( يا حرامي ) او ( لا يوجد تغطية شبكه ) ( برضو يا حرامي ) .
طب
اقرأ بقية التعليق ..
شركات الموبايل بتسرق النتاس بس بفن واعنقد انهم جيبين خبراء تفكرلهم ازاى يضحكوا على الناس ايه اللى اجبر الناس تعمل كده؟؟؟؟؟ فيها ايه لو عملو المكالمات من غير صالاحيه و الدقيقه بربع جنيه لو كان ده حصل كان زمانى بدل ماكلم صاحبى بجنيه لا اكلمه اربع دقائق بالجنيه
ايه ياعم ده نصب فى نصب شركات حرامية هما اللى مطلعين الاشاعة دى عشان كل الناس تكلم.
انا اتصلت دولى بالامارات واكلمت 13 دقيقة وفى الاخر لاقيتهم خصمو امنى بعد ما عملية حركة الزحلقة دى اللى طلعت على الفاضى وفى الاخر طلعوا عاملين زى الحكومة بيمدوا لبرا
انا جربت و زحلقت الشريحه تحت بطارية جهاز 3310 و استتمرت المكالمه شغاله في الأربع مرات بعد ما شلت الsim لكن بعد كده اكتشفت ان فودافون فعلا حسبت المكالمات بالكامل و خدت حقها كامل.... على كل في فكره عبقريه عند واحد صاحبي عشان ما نخليش المكالمه تتحسب .. هاجرب الأول و بعدين ان شاء الله هاعرفكم ايه اللي حصل ...
على فكره أنا مؤيد موضوع حتى لو كان ده بيحصل تبقى دي سرقه
و التجارب دي بس من أجل اشباع الفضول
العده 3310 كانت عدتي القديمه و كانت مربيه في البيت ياعيني بس بعد الإشاعه دي انا هاحطها في عينيا
و آخر الكلام .... سلام
جربت الحكاية دى ثلاث مرات وكان معايا ثلاثة جنيه ونص بقالهم اكتر من 20 يوم ومخليهم لوقت عوزة والمفاجأة اني لاتهم اتسحبو كلهم يعني مش اول دقيقة بس
انا جربت ومتخصمش حاجة وان لو فى تغيير العدة مش هغير وهتكلم ببلاش علشان موبينيل بتنصب على العالم ومبعتتش ال80 جنية والسنة صلاحيةحتى لو اكتر من موبايل 6600
مش مظبوط الكلام دة
سمعت ان في خبر نزل بيقول ان في بعض الاماكن بتبدل العدة 3310 بعدة 6600 الكلام ده صحيح ولا.......
مش عارف البلد خلاص من قمه الفراغ اللى فيها مش عارفين نعمل ايه قمه التفاهه والهيافه مفيش حد مبيتلمش عن القصه دى نفسهم يوفروا الفلوس الواحد يشتغل وبنص اللى بيشتغل بيه يشحن الموبايل نفسه يحسس الشركه باللى هو فيه نص الشعب تقربا معاه الموبايل الزحليقه ده ارحمنا برحمتك يا ارحم الراحميين
بصراحة مش عارف أقول أية بس واحد عمال يحلف لي أنه أتكلم بالضبط 37 دقيقة من موبايل 3310 بس في الأول جرب مرة بنظم موبينيل و مرة بفودافون الأول وفي الأخر لقى أن فودافون بتحسب الرصيد كامل و موبينيل لأ وتم إجراء المكالمة من خط موبينيل به رصيد 100 قرش
أنا عندي موبايل 3310 بس بصراحة مقدرش أجرب الموضوع دة لأن رصيدي فول ال 100جنية مش ال100 قرش
باختصار
اتصل بى صديقى العزيز
وقال لى حركة جامدة قوى
بعملها خليك معايا
وهكذا
حدث ذلك ثلاث مرات
والى ان ظبطت
اخذ يحدثنى عن الموضوع ويقول لى على طرقة الزحلقة
اللى هانتكلم بها دولى مع صديقنا فى الخارج
وقال لى ايضا سنتحدث مع بعضنا البعض الى ان ينفذ شحن البطارية
واخذنا فى الحديث لمدة 25 دقيقة
ولكن بطنة وجعتة وحدثة هاتف من السماء
فقال لى انا هاقفل بقى واشوف اية النظام
من الاخر
احتسبت علية الدقائق
ويعانى الان
يا جماعة دى اشتغالات
وعلى فكرة بقى الشركة اكيد اللى مطلعاها
ونشرها فكم من الفضوليين جربوا وسيجربوا
والمكسب لمين معروفة
فوقوا بقى يا جدعاااااان
ان بنفس جربته
جربت ونجحت التجربةفعلا بعد زحلاقة الشريحة المكا لمة تفضل مستمرة
cdgdju8yuk
وهي لو اشاعه ليه الناس تصدقها وكل يجرب علي موبيله الناس عايزه بس تحس انهم ضحكوا علي الشركتين زي ماهما ماصين دمهم
معقول الكلام دة ؟؟؟؟؟شركة التليفون المحمول استاذة فى النصب وكلة شرعى وعلى بند المصروفات الاداريةو لما شافوا التجار استهبلوا رفعوا سعر الكارت تدريجيا من 100 الى 155 جنية استهبلت هى كمان وخلت سعرالكارت 115 جنية من غير مصاريف ادارية و لا غير وينزل لك رصيد ب 80 جنية حد شاف نصب اكتر من كدة لكن ليها حق طالما ترفع السعر و ايضا الكلاب تجار الكروت يرفعوا السعر و الكل بيشترى اللى ناقص فى مصر ان الكلاب تمسك موبايل و كأن اللى لايوجد معة موبايل حايدخل النار
ايوا يا فندم اولا انا اسف فى لفظ تناسيت و لعلك نسيت فعلا و نحسب كذلك و لا نزكي على الله من احد
ثانيا نص الحديث كما ذكرته كان واردا بالنص الذى ذكرته انا و حفظته من كتاب الدين للصف الثانى الاعدادي ايام ما كانوا بيدرسوا الدين انا دلوقت اتخرجت خلاص و ععموما ديه لينك فيها تعريف الاحتكار وكذكلك الحديث بالنص الذى ذكرته انا و هذا بالطبع لا يمنع من وجود روايتين لحديث واحد
http://islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528605204
اخيرا لو قلنا الاحتكار بتفسير حضرتك يبقى يا فندم حنقول ان احتكار شركة المصرية للأتصالات و تغلية سعر المكالمة مع انها بتنزل فى جميع دول العالم مش احتكار
يعنى هو انا لو متكلمتش فى التيليفون حموت
وكمان احتكار عز للحديد مش حرام يعنى هو انا لو مشترتش شقة علشان اتجوز حموت
و كمان و كمان وكمان
و شكرا لك
الحقيقه انى جربتها والرصيد برضه اتسحب سيبكو من الكلام الفارغ الذى ليس له اىمصدر
عندى عده 3310 خطيره وبحاله الزيرو للمعاينه والتجربه انا فى الخدمه
محمد عاشور اول واحد بلغنى واكد على الموضوع لانه حصل قدامه وكنت متردد فى التجربة لكن اما سمعته من اكتر من واحد وانا الوحيد اللى معايا الجهاز الاصيل دا اللى ترميه ع الارض يطلعلك تانى مش باقول اصيل المهم عملنا التجربة وزحلقت الشريحة واتصلت والمكالمة فضلت شغالة عادى بدون انقطاع لحد ما فجأة لقيت المذيعة طالعة تتأسف وتقول عفوا لقد نفذ رصيدكم ماذا تفعل لو كنت مكانى ياترى اخد الفلوس من محمد عاشور لانه صاحب الخبر ولا ادعى ع الشركة لانها خربت بيتنا وخلصت فلوسنا؟
الموضوع كله***
الاشاعه دي زيكم كلكم وصلتنا زي الصاروخ و أكتر حاجه زعلتني و خلتني أحس أد ايه احنا وصلنا لمرحله من الفراغ و التفاهه ألا و هي لما تلاقي العبقريه الشبابيه في زحلقه الكارت و لأني شفتها بعيني معه كذا واحد تحس بجد انك قاعد مع احمد زويل أو دكتور مجدي يعقوب و هو بيعمل جراحه دقيقه في القلب هو دا بالظبط نفس الحال مع المزحلقين للكارت و الي يحزن اكتر ان ال 100 مره الي شفت فيها واقعه الزحلقه انتهت بخيبه تقيله علي وجوه المزحلقين لأن ماشاء الله كله اتسحب منه رصيده و ضاع الحلم يا ولدي حلم الاستغلال و الانتقام من ام نبيل و فوده فون ...
علشان كدا أنا قلت ان دي البلد المتزحلقه ربنا يكرمهم وصلونا للدرجه دي من زحلقه الدماغ و الجري ورا الأوهام بالظبط زي وهم البورصه و أخواتها وصلونا ازاي نحط جنيه يطلع من الناحيه التانيه دولار ربنا يشفينا و يساعدنا ننشف دمغاتنا من الزحلقه الي وصلنا ليها...
ملحوظه: أنا معايا حته 3410 و السعر في متناول الجميع فقط ( 1000 ) جنيه مزحلق والوسطاء يمتنعون ...
بصراحه انا مكنتش مصدق
بس حصلت معايا واشتغلت وانا رصيدى اساسا 2 جنيه ومخصمش غير اول دقيقة فقط
الجدير بالذكر انى كلمت اخويا زياده عن 15 دقيقة بحالها لغايه ما موبايل بتاعه فصل شحن :)
وانا لسه عايش
وبخصوص التبديل انا سمعت انه بـ 100 جنيه
بس انا مش هفرط بكنز زى ده
تحياتى
مقالتك ديه تؤكد أن السرقة ديه مزاج
بصرف النظر إنها اشاعة و لا حقيقة
الناس كان همها أن تجري مكالمات ببلاش محدش بص للموضوع ده حلال و لا حرام!!!
حزبي الله و نعم الوكيل
اكيد اكيد ..ان يلي مطلع الاشاعات هم شركات المحمول نفسها
ماهي بقت بلد اشاعات
بالظبط متل ماطلعت شركات المياه المعدنيه اشاعات ان مياه النيل ملوثه بانفلونزا الطيور
والخبر انتشر والكل بئا يشرب مياه معدنيه
ههههههههههه ..قال يعني قبل كدا كانت الميه طاهرة ونقيه وصالحه للاستخدام الادمي
بلد اشاعات صحيح
فعلا رزق الهبل عالمجانين
انا عندي موبايل 3310و جربتها حالا مرتين .....المكالمة بتفضل بالظبط من 15 - 20 ثانية و بعدين تطلع رشالة "Insert Sim Card" فى الـ 3310، و طبعاالمكالمة تنتهى.
و أخويا راح سال في موبينيل ( سموحة ) الاسكندرية عشان إشاعة التبديل دي ...قالوا له دي إشاعة بس في عيال زي سماسرة كده واقفة قدام الشركة بيعرضوا يشتروا الموبايل ب 600 جنيه و دي واقعة حقيقة في سموحة الاسكندرية ......
مين يشتري عده نوبايل 3310 مفتوحه اربع مرات ومتغيرلها باور مرتين ومتغير لها كابل الشاحن ومنغير الكفر الاصلي ومنغير الشاحن وصوتها واطي طحن بسسسسسسسسسس
بنزحلق الشريحه الثمن 450جنيه قابل للتفاوض الي 88 جنيه
ههههههههههههههههههههههههههههههههههههههههههه اكمل ضحك ولا بلاش
اضحك ع الخيبة التقيله
اسكتو انا جربتها وفضل الرصيد شغال والمفاجأة
...................؟
انه فضل كمان العداد شغال
وعلى فكرة الاشاعه دى احلف من غير يمين ان الشركات هيه اللى مطلعاها والعوض على الله فى الرصيد
العقد شريعة المتعاقدين ياآفاضل وانتوا وقعتم عليه اولا--- ثانياالرصيد بيتخصم علشان الى زمته واسعة لايقع فى هذا الفخ ويفقد رصيده---- ثالثا اصحاب الاشاعة هم اصحاب المصلحة المستفيدين اللى طلعوها والى مش مقتنع هذا شرح الفكرة من التعليقات وهو كلام علمى وسليم
يعني لماالواحد بييجي يشحن موبايلو برصيد جديد , تفتكروا شريحة الخط هي اللي بيتحط عليها الرصيد ؟ طبعا لا , ومعنى كده انه الرصيد بينزل علي كمبيوتر الشركة اللي بيحتوي على بيانات المشتركين بما فيها الرقم المسلسل للشريحه ورقم التليفون المحدد لهذه الشريحه وكمان نوع اشتراك الشريحه دي في الشركة سواء خط بفاتوره شهرية ولا كارت بيتشحن برصيد .
لحد كده تمام ؟ طيب تمام .
نيجي للمفيد : لما سيادته صاحب الخط ابو رصيد مدفوع مقدما ( بيشحن يعني ) لما ييجي يعمل مكالمه اللي بيحصل كالاتي :
بيكتب النمرة وبيدوس علي اتصال فا بيروح الموبايل موصل نفسه علي الشبكة ومعرف نفسه علي انه الموبايل اللي رقم شريحة خطه كذا , و بعدين يقوم الكمبيوتر بتاع الشركه يشوف لو ليه رصيد بيفتحله اتصال ولو مالوش رصيد بيروح مطلعله البت اياها اللي بتشتم دي ,, ما علينا , المهم الكمبيوتر بيفضل يعد مدة المكالمه ومخلي الخط مفتوح طول ما في رصيد ( سواء في شريحه في الموبايل او لا ) لانه وظيفة الشريحة بس تحديد الموبايل ده مين صاحبه وبعدين الموبايل نفسه هو اللي بيخلي الواحد يتكلم ويتصل واللازمنه..المهم بيفضل الخط مفتوح علي كمبيوتر الشركة لحد ما الرصيد علي الكمبيوتر يخلص يروح فاصل الخط و المكالمه من علي العده اللي ساحبة الخط ايا كان مكانها لانه بيفصل الخط من المصدر ( من جوه الشبكة ) .
طبعا الكلام ده بافتراض انه صاحبنا شال الشريحه في اول المكالمه و الدنيا فضلت شغاله , لكن الطبيعي انه لمس
اقرأ بقية التعليق ..
طبعا مش حقيقة انا جربت بنفسى ولكن للاسف طلعت شائعة مغرضة ياريت اللى يقلف يبقى يتكلم صح
يا جماعة انا حابيت انبهكم واقولكم انه الموضوع بتاع "زحلق الشريحة" دا كله كدب في كدب واهو الناس بتسلي نفسها بدل الفضا اللي هما فيه اصحوا كده بقى يا ناس يا رايقة
الكلام ده كله كدب انا جربت و اتسحب منى 16 جنيه واعتقد ان شركات المحمول هى التى قامت بذلك وشوف كام واحد جرب مثلى واخذوا من رصيده
انا عايز اعرف دلوقتى سعر الموبايل نوكيا 6670جديد
ممكن تزحلق الرئيس المنيوك العرص حسنى مبارك من على كرسى الحكم و يبقى عندك وظيفه تمام يا حسنى حرام على دين أمك
هيهيهيهيهيهيهيهي عارفين انا قريت التعليقات كلها سخيفه بس مش مهم اهو الواحد يضحك شويه علي الصبح بدال ما يفرقع من الغيظ
دينا حسن عبد الرحمن
مش الشريحة اللى اتزحلقت احنا اللى اتزحلقنا ورصيدنا اتزحلق وراح الشركة
انا معاى موبيل نوكيا3310 حد يخده ويجيب موبيل 6600
ورقم موبيل اهه 0128439202
وانا من المنصورة ** قولنجيل
لاحظ انها مش بتتبدل ب 6610 لا 6600 وغير كدة انا جربتها واخدت من الرصيد بتاعى كتير وانا اسف الكلام دة كلة اشاعات مع احترامى للموجودين
على رايك انا معاية 6 عدد 3310 و4 عدد 3410 فى حد يبيع رقمى 0107826844 انا من الاقصر ومن الكرنك كمان ومن النجع التحتانى واسمى ممدوح مهدى طه عند قصر سليمان للروائح
يا جماعة فودافون كذبت الاشاعة من اول يوم وانا لم اصدقها ولو حتى ل وهلة واحدة انتو اللى جريتوا ورا الاشاعات مع احترامى للكل. 90% من مستخدمى الموبيل فى مصر مش فاهمين اى حاجة وخصوصا اللى شايلين الاجهزة النوكيا ..
itthadawy2@yahoo.com
زحلق الشريحة
والسلام عليكم ورحمة اللة وبركاتة
انا اتصلت بدولة الكويت وزحلقت الشريحة اتكلمت دقيقة1.43ساعات وبعد ما افلت الخط اتصلت ب868 فوجدت الرصيدقرش85.60جنية نقص من الرصيداول دقيقة والباقى لم يحتسب
وانا مكدبتش خبر بلغت كل اصحابى
والسلام عليكم ورحمة اللة وبركاتة
ghfjghjfh hfjghfjhg fjhghskghfs lkdgf h testetetetetetetetete test test test
ghfjghjfh hfjghfjhg fjhghskghfs lkdgf h testetetetetetetetete test test test