شرقاوي تاني..!
تم اختطاف الشرقاوي من أمام النقابة وهو في طريقه إلى العودة لمنزله وسحبوه إلى شارع جانبي وبدأوا ضربه ثم ساقوه إلى قسم قصر النيل ليستكملوا ضربه ولكن هذه المرة بطريقة بشعة فلا يوجد مكان في جسمه يخلو من أثار التعذيب.
27/05/2006
"عندي أخبار مش كويسة.. شرقاوي أتقبض عليه تاني يوم الخميس، وضربوه جامد قوي وبهدلوه مش عارف أقول لك إيه .. بس ده اللي حصل".
جملة قالها "براء" على التليفون من قنا ولكنها صدمتني... وقلت تاني يا شرقاوي..!
بعدها تذكرت أحداث ذلك اليوم بالكامل كان يوم كئيب وحزين ليس فقط لأنه يوم ذكرى أحداث الاستفتاء وانتهاك أعراض الصحفيات ولكن لأنه امتداد لسلسلة احتلال البلد...
فلاش باك!
الزمان يوم الخميس 25 مايو...المكان... أمام سلم نقابة الصحفيين وبعد مشادة طويلة مع الأمن المحيطين بالنقابة والذين أصروا على منعنا من الدخول للتضامن مع المتظاهرين إلا إننا أصررنا على الدخول من الكردون.
وبالفعل دخلنا بعد أمر من ضابط بوجهه الغاضب ولسان حاله يريد أن يقول :"قطعوهم" بس مش قادر ولذلك استبدلها بجملة لا تعبر عن ملامح وجهه بالمرة: "سيبوهم يتنيلوا يدخلوا" وطبعا سمع الجندي المقهور بخوذته السوداء التي غطت ملامحه وغطت معها عقله الكلام وتركنا ندخل ونطلع السلالم. "شرقاوي اهوه
كانت هذه أول جملة ينطق بها "براء" بعد رحلة البحث عن مدخل، وقتها ركزت لأرى هل هو شرقاوي فعلا أم أن الشمس أثرت على تركيزه، ولكنه بالفعل كان هو طبعا مع الكثير من التغيير في ملامحه التي كانت تبدو أكثر هدوءا على غير ما تعودت منه وشعره الحليق وعيناه التي تشع حماس وحرقه ويحمل ورقة عادية مكتوب عليها بالقلم "عايز حقي".
"عمر الشقي بقي، حمد الله ع السلامة، أنت عامل إيه؟"
كانت هذه هي الجملة الأولى التي نطقت بها مع أول حركة في طريقي إليه فهذه أول مرة أراه فيها منذ الإفراج عنه، فرد بابتسامته التي أعرفها جيدا وبكل ثقة: "الحمد لله...كويس جدا...انتي عامله إيه ..والشغل كويس معاكي.. كتبتي كتابك ولا لسه؟"
لم أتعجب من قوته ولا من استهزائه بسؤالي عن أحواله والتي يعرف هو جيدا أنني اقصد ما حدث معه في السجن ولكنه حاول أن ينبهني إلى أنه لم يقهر ولن يستسلم وبعدها أعدت السؤال مرة أخرى فبدأ يحكي عما حدث:
"طبعا التجربة مؤلمة لكنها مفيدة جدا وأنا أتغيرت كثير قوي وتعلمت حاجات كثير كمان أهمها إني بحب البلد دي قوي وعمري ما هستسلم لاستبدادهم".
وعند سؤاله عن أحوال الباقين في السجن والذي سطر أسماءهم على ورقته الصغيرة قال:
"كل الناس في السجن بخير مالك وعلاء ووائل خليل وعمنا كمال خليل والبنات كمان كويسين قوي أنا شفتهم وتكلمت معاهم كلهم، أما بقى عن الإفراج عني فطبعا بهدلوني كثير ولفوفوني كعب داير ع الأقسام بس بصراحة الضرب كان لحد باب القسم وبعد كده بدأت التحقيقات وكلنا رفضناها، يعني أيام مؤلمة ولكنها بالتأكيد مفيدة"
بطريقتي المعهودة في اللوم التي لا يلقي شرقاوي لها بالا ويعتبرها شكل من أشكال الإحباط قلت : "هو أنت ما بتحرمش يا بني يعني خرجت أمبارح بعد البهدلة دي كلها وجاي النهاردة واقف قداهمهم تاني وبتهتف ورافع يافطة ولا كأنك كنت عندهم وظبطوك".
ولكنه هذه المرة لم يرهق نفسه ليرد علي واكتفى بابتسامته وتركني لأنه كان نجم المظاهرة وطلبوه يسجل مع قناة مش عارفه اسمها إيه.
أربعاء أسود...وخميس حزين
الأحداث السابقة كلها كانت يوم الخميس 25-5 في ذكرى أحداث الاستفتاء والشرقاوي هو العامل المشترك في اليومين ففي اليوم الأول العام الماضي كان واحد ممن شاهدوا المهزلة وحاول تخليص الصحفيات وصرخ ليلفت الانتباه وعرف الضابط جيدا، واليوم هو أحد المقبوض عليهم والمضروبين للمرة الثانية.
تابعت كلام براء بهدوء وبعد انتهاء المكالمة طلبت وائل عباس لأستفسر عما حدث فبدأ يحكي لي وقال : "أنا لم أشاهد لحظة القبض على شرقاوي ولكن مصور الجزيرة الذي حضر المظاهرة أشار لي وقال : "صاحبكم أتقبض عليه وجريو وراه وضربوه ودخلوه عربية لونها أزرق" وعندما سألناه عن مواصفاته عرفنا من كلامه أنه شرقاوي".
ولكن شرقاوي لم يكن الوحيد، بل لحق به كريم الشاعر وهو أحد المفرج عنهم مع شرقاوي في نفس الدفعة فأثناء وجودنا في النقابة اتصلت بنا الزميلة دينا سمك بعد أن شعرت أن هناك نية غدر فخرجت لتوصيل الشاعر إلى منزله هي وجيهان شعبان ولكنهم لم يمهلوهما فقد أوقفوا السيارة بتاكسيين وكسروا العربية وضربوا الشاعر وسحلوه وضربوا دينا وجيهان وقبضوا على الشاعر".. إلى هنا انتهى كلام "وائل"!
خطف وسحل وانتهاك عرض
ولمعرفة تفاصيل ما حدث اتصلنا بالمحامي "جمال عيد" مسئول الدفاع عن الشرقاوي والشاعر والذي حضر التحقيقات مع الناشطين بعد استمرار تعذيبهم لأكثر من أربع ساعات كاملة حيث بدأ التحقيق في فجر الجمعة... وسأترككم مع كلامه :
"تم اختطاف الشرقاوي من أمام النقابة وهو في طريقه إلى العودة لمنزله وسحبوه إلى شارع جانبي وبدأوا ضربه ثم ساقوه إلى قسم قصر النيل ليستكملوا ضربه ولكن هذه المرة بطريقة بشعة فلا يوجد مكان في جسمه يخلو من أثار التعذيب.
لدرجة إني تعرفت عليه بصعوبة بعد الضرب الذي تعرض له والذي نتج عنه تورم في وجهه بالكامل ليس هذا فقط بل ظهرت أثار الركلات والضرب على صدره ورقبته والتي تركت عليه علامات من أحذية الذين تولوا ضربه وتعذيبه وبعد ذلك تم انتهاك عرضه بورق مقوى لمدة ربع ساعة كاملة..!"
وأضاف:" ولم يفلت الشاعر من الضرب ولكن بنسبة أقل بكثير من شرقاوي، وفي نهاية التحقيقات رفضت النيابة عرضهم على الطبيب يوم الخميس حتى تخفي جريمتها ولا تنفضح من أثار التعذيب، ورفضت طلب طبيبة متطوعة توقيع الكشف عليهما وكتبوا في نهاية المحضر سوف يتم العرض يوم السبت إذا تيسر وحتى كتابة هذه السطور لم يعرض على النيابة.
وعن حالة الشرقاوي الصحية يقول عيد:"وفقا لما رأيناه وحكينا للأطباء عن الآلام التي يحكي عنها شرقاوي فإنه يعاني وبشكل مبدئي من اشتباه في كسور في صدره واشتباه في التهاب في المثانة فبوله مليء بالدم.
وقد قامت إدارة السجن بتسجيل بعض الإصابات التي يعاني منها خوفا من الاتهام بالتعذيب ولكنها اكتفت بتسميتها رضوض وكدمات دون الإشارة إلى كل ما سبق"
وبعد كل ما سبق انتهى كلام وائل عباس وتصريح المحامي، وانتهت معه آخر لحظة في صبري ونفذ وخرجت دموعي رغم محاولاتي منذ الصباح لمنعها لأنه يستحق أن نبكي من أجله فهو شاب مليء بالحماس والقوة والشجاعة جعلوه مليء بالحسرة والألم والمهانة فلا استطيع استيعاب أن هناك من يمتلك هذا القدر من القسوة.
ولا أجد إلا كلمات شرقاوي التي كتبها بنفسه من سجن طره في المرة الأولى لاعتقاله، وكان يعلن فيها أنه يعرف أن هناك ضريبة للحب والانتماء، ومعها رنت في أذني أغنية تصبحون على وطن لـ"مارسيل خليفة" فاقرؤوا كلام شرقاوي وشوفوا الصور واستمعوا إلى خليفة وتصبحون على وطن.
- ضريبة الانتماء
- استمع تصبحون على وطن
شاهد ما حدث مع دينا سمك وجيهان شعبان نقلا عن جريدة الوعي المصري
عدد التعليقات : 37
• اعتقال طلاب جامعة حلوان!
• لا أخلاق في الرياضة!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
مش قادرة بجد أحبس دموعي ، ولا قهري ويأسي وإحباطي..
شرقاوي !! مكنتش أعرف والله ان شرقاوي هو اللي باع البلد وسرق فلوسها في جيبه، ولا ان هو اللي عمل من أهله شوية الحرامية نجوم مجتمع وأصحاب بلد، ولا انه هو اللي سايب أمريكا تنتهك في عرضه وعرضنا من سنين، ولا ان هو اللي باع قضية ومناضلي فلسطين، ولا ان هو اللي بيمص في دمنا بقاله 25 سنة، ولا ان هو اللي جاب للبد الوكسة المستعجلة.
لكن ما دام عرفت ان هو اللي عمل كل ده، يبقى يستاهل مش بس اللي حصل له، لكن يستاهل يتقطع 70 مليون حته، كل مصري ياخد منهم حته، مش علشان يحتفظ بذكراه، لكن علشان يتأكد انه غار في داهية...
الظلم يولد الانفجار واظن انه على الابواب ويوميها محدش هيحوش الشعب المظلوم
الهي يخرب بيت اللي في بالي
اصبر ومصر كلها معاك اياك تضعف او تلين
خلاص النظام فاضله ظلطه ويطلع بره
على فكره الناس بطلع من جوه احلى مما كانت
الحكومه حتخلى الشب يصيف مع بعض فى طره
الحريه للمعتقلين الحريه للوطن
بلادى بلادى لك حبى وكفاحى
yehia2784@hotmail.com
http://yehia2784.blogspot.com
أقول لك إيه ؟؟؟
والله يا دعاء إحنا اتمسكنا في الخميس الأول 11/5 ولمااتأجلت المحاكمة للخميس اللي بعده 18/5 كنا كلنا لو طلعونا يوم الأربع بالليل . كناحنروح عشان نحضر المحاكمة ..
اللي جوه والله أحرار أكتر من اللي بره ..
اللي جوه مش هاممهم يعملوا أي حاجة ومستعدين لأي نتيجة ...
اللي جوه يا دعاء ... مش حاسين دلوقتي بأي خوف أو قلق ...
اللي جوه ... ولاد البلد بجد ... ولاد البلد دي ...
أنا لو أحكي لكم ...!!
اللي طلعوا يوم الخميس اللي فات ... كانوا زعلانين ازاي وهم بيسلموا علي اللي قاعدين ....
انا عايز أكتب لكم كل حاجة ... ولو ممكن أقابل أي حد أحكي له علي اللي جوه ...
أنا عايز أحكي عن سمير وإسلام والسيد وأشرف وناااااااااااس كتير إنتو متعرفوهاش.... لكن البلد دي حتحفظ لهم جميلهم ...
قضيت معاهم أحلي 15 يوم في حياتي ...
لا للتمديد ... لا للتوريث ... نعم لتعديل الدستور المصري
mohamedmat@hotmail.com
عندما اسمع هذه الانتهاكات وبهذه الوحشية
ضد المواطينين الابرياء , اصاب بقرف شديد من حكومتنا النظيفية , فالمواطن الذي انتهكت اعراضه بهذه الوحشية ماذا يفعل بعد ان سحل في الارض وضرب ,اكيد انه سيحاول ان ياخذ حقه, ولا احد يلومه ساعتها اذا تحول الي قنبلة بشرية ارهابية
فانا لن الومه علي ذلك لان النظام بتعنا يستحق ذلك
ما نراة الان ايها السادة الاحرار مثالا للوحشية الذى امتاذ بها نظام مبارك الذى يريد بة نذع الحرية من المصريين ولكننا نقول لهذا النظام لقد سئمنا وزهقنا وطهقنا ومش حنقول نعم للاستبداد بل نعم للحرية ولو فعلتم فينا اكثر من شرقاوى وزملاوة الاحرار الابطال
بحبك يامصر وعلشان بحبك حافضل اناضل علشانك يامصر باسم العروبة وشجاعة ولادك بحبك يمصر صحافة وقضاة وغيرهم كتيير يحبوكى يا مصر يلعم مبارك ونظامة اللعين يلعن عيالة ونظيف والشريف والشازلى وحبيب وحرامية البلد وممدوح اسماعيا بحبك يامصر
ايه دا احنا فين
فى سجن ابو غريب و لا ف جوانتانامو
لا احنا كده اكيييييييييييييد مش ف مصر
و الله الحروف ما هى ظاهره ادامى من العياط
شباب مصر يتعمل كدا فيهم من شويه كلاب لا احنا كدا بنظلم الكلاب
ايه دا
امبارح ف القاهره اليومشفت اغنيه معموله للشهيد عبد الخالق نبيل اللى استشهد ف اشتباكات مع المتطرفين فى دهب و قلت كلمه محدش وافق عليها بس لازم اقولها دلوقتى
البلد دى معادتش تستاهل حد يموت علشانها
و اللى مش موافق يقوللى ازاى نعوض الشرقاوى و اللى معاه عن الانتهاكات البدنيه و النفسيه دى
حرااااااااااااااااااااام و الله العظيم حرام
لا شرع و لا دين و لا منطق
حسبى الله و نعم الوكيل
حرام عليك يازمن حرام عليك ليه بيعملوا فينا كده هو احنا مش مصريين زيهم والله العظيم احنا احسن منهم مليون مره ربنا يصبرك ياشرقاوي ياصاحبي ويصبر الحاجه والدتك وانتا اخ كبير لينا كلنا
طول ما نظام مبارك وزبانيتة موجودين فى الحكم سنرى ما هو افظع من دة لأن هى دى الطريقة الوحيدة التى يعرفوها لحكم البلاد ولاكنى اقول لهم ان سجنتم شرقاوى سيولد كل يوم 100 شرقاوى
بنحبك يامصر بنحبك بنحبك
ولامعتقل ولاتعديب هيأثر فينا
احنا مين احنا مين احنا ضمير المصريين
اخوانجى
اللة عليك يا شرقاوى انت وكريم الشاعر وعم كمال خليل وندا وابن النجمة محسنة توفيق وكل الابطال اللة معاكم وشعب مصر معاكم انت عايز حقك واحناء عايزين حقناء فى هذاء الوطن الذى يصرخ من شدت الظلم من القهر من السرقة من غلاء الاسعار لماذا نقهر ويسحل كل صاحب راى اوفكر اويطالب بالحرية هل هذا هو الفكر الجديد اذا كان هذا الفكر الجديد لاوالف لالالالالالاتعبناء الحرية لزعيم الغد الكتور ايمن نور والحرية للصديق كريم الشاعر والشرقاوى وعم كمال خليل وكل الابطال واللة معك ياشرقاوى وياعم ولا يهمك افتكر محمد ابو سويلم وافتكر ادهم الشرقاوى وان اللة مع الصابرين
على فكرة عمر البلد ماهتتعدل مادام فى شلة زى وحيد عصرة العامل انة عارف كل حاجة وهو مش عارف اى حاجة وبيهاجم اىحد ضد الحكومة وضد جمال لانة هبط على روز اليوسف من فوق وليس لانة عبقرى انة عبداللة كمال وهذا تومى امة جيرى هو كرم جبر يا ناس هل انتم ام الشرقاوى كل شعب مصر يعلم انكم كدابين ونحن نكرهكم ولا نحب ان نراكم فى اى مكان لانكم تلعبون لعبت التبشير للتوريث لذلك سقطت روز اليوسف بعد الكبار عال حمودة جاء الاقزام
http://mute.egyptians.googlepages.com/
على فكرة انا مش امن ولا حاجة .. واللي اقدر اقوله هو ان كلمة مصر دي كلمة سخيفة طعمها مر علقم وريحتها بقيت على ايد الفلاحين العبيدبتوع المنوفية والغربية وغيرهم من بلاد الدلتا اللعينة زي فسية الكلب .. انافعلا بقيت بكره الكلمة دي .. يا ساتر .. انا بقترح اننا نغير الكلمة دي ونختار اسم جديد من الفلكلور الشعبي زي فتحية مثلا او فوزية او تركية .. وممكن نسميها اسم على الموضة زي حبيبة مثلا او شهد .. وممكن كمان نختار اسم يناسب الهيمنة الامريكية على طيازنا زي كاترين او كريستينا .. المهم بلاش كلمة مصر دي .. انا فعلا كرهتها .. ياي سوفاج .. او سوهاج
انا مواطن مصر مقهور مثل كل المصرين لكنى من طبقه متوسطه ومعايه شهاده متوسطه ومش عارف اقول انابحب مصر اد ايه مش عايز اقول شعارت بس فعلا مصر احسن بلد فى العالم بشبابها الى زى الشرقاوى والشاعر وغريهم كتير علشان كده فى امل ان احنا ناخد حقنا بس منغير منقف نتفرج انا اول مره بشترك فى مظاهره ضد النظام وغيرى كتير بس شايف ان النظام بيطبش مش عارف يعمل حاجه بطالب كل مصرى شريف ان يقف اما الفساد الى موجود فى مصر وميخفش لان ولو خاف مفيش حد حايخد حقه . الى الشرقاوىوكل المعتقلين بكافيه ميولهم السياسيه مصر لن تنساكو وستظلون رمز لكفاح مصر ضد الاستعمار المباركىصمدو حتى النهايه . مصر فى روحى ودمى لاللتمديد... لاللتوريث.....نعم لتعديل الدستور المصرى حسبى الله ونعم الوكيل واسف على ركاكه تعليقى
عمي الغالي انا فخورة بيك جدامهما فعلوا لن ينالوا حريتتاانهم كلاب في صورة بشر0000 مصر حقنا ولن نتنازل عنها مهما فعلوا لك الله
ماحدث للشرقاوى وسام على صدره و عار علينا
إخوانكم فى الجيش يعتذرون لمصر من عقوق بعض أبنائها
لن نسكت و لكن كل شئ فى وقته
إصبروا و إن النصر لآت
تةابيسستننه
الف اه ياصاحبي ........ الف اه ياجدع لما الزمن بيخيب ....... والسبع يصبح اسير الكلب ولا الديب
اه ياصاحبي .. احساسي بالعجز رهيب . مش عارف اعمل ايه .... كنا سوا طول الوقت ..... كنت بتخاف علينا ....... كنت اخ واب وصديق وجدع .
حتي واحنا خارجين سوا من السجن في نفس الكلبش انت اللي كنت بتشجعني ..... ودلوقت مش عارف اشوفك حتي
اصمد ياصاحبي انت اجدع منهم كلهم ... انت ارجل من مجموعة الخصيان اللي عذبوك .... هما لو مش خصيان فعلا مكنوش عذبوك التعذيب البشع ده
متخفش ياصاحبي مش هانسيبك
مستنيك ياصاحبي عشان تقف جمبي في المظاهرة ونهتف سوا
مستنيك ياصاحبي عشان تمسك ايدي في المظاهرة وتقول يسقط يسقط حسني مبارك
مستنيك عشان تقول عمر السجن ماغير فكرة ... عمر القهر مااخر بكرة
كلنا مستنينك ياشرقاوي ...مصر كلها مستنياك
على شان كلنا نكون شرقاوي...تحمل يا بطل
مهما طال الظلام لابد للفجر ان يطلع
الفيديو كليب مولع نار
** الاهلي اخذ الدوري
** ابراهيم سعيد رجع التدريب
** صفقات بالملايين للعيبة الكورة
** الحمد لله تم حمايةمسئولين عبارات السلام اللي كانوا ح يروحوا ف داهية بسبب شوية مسافرين
** تم الافراج عن تامر حسني
** هروب اباطرة رجال الأعمال بمليارات مصر
** القبض علي ام باتعة بتاعة الفجل علشان زادت التسعيرة قرش صاغ (حرامية بنت كلب)
** اخر اخبار الفنانين واللعيبة يتم نشرها
بذمتكم ياشباب عايزين ايه اكتر من كده قانون طوارئ لازم يكون موجود علشان الحكومة تحمينا من نفسنا مش رئيس الوزراء قال اننا شعب لايستحق الديمقراطية .. دكتور نظيف فلازم ينظف أدمغة الشعب المصري
** ايه يعني لما الشعب يتم اسرة فيها ايه
** فيها ايه لما تمنعنا امريكا من زراعة القمح ونزرع كنتالوب مكانه علشان مانقدرش نرفع راسنا ... فيها ايه
** فيها ايه لما الريس يحكمنا 25 سنة مش احنا برضه جمهورية ملكية الحكم فيها ابدي
** فيها ايه لما جمال يستلم مكان ابوة ... هو مش الوريث
** فيها ايه لما القضاء والشعب المصري يعجز عن سؤال الوزير يوسف والي عن قضية المبيدات المسرطنه طبعا احنا وصلنا 75 مليون لازم يموت النصف
** فيها ايه لماالحكومة تعجز عن ايجاد وظيفة شريفة وسكن مناسب وعيشة كريمة لمواطنيها ... مش مهم ده كله المهم انها بتحاول
مصر يامه يابهيه يا ام الطرحة وجلابية
الزمان شاب وإنتي شابه
هو رايح وانتي جايه
مصر فيكي حاجة محيراني
نزرع القمح ف سنين
تطلع الكوسة في ثواني
وعجبي
AHHh........I really do not know what to say. God be with you Sharkaway. I still remeber you when you replyed my email before. It is really hard, you are so brave person. I left Egypt because I could not do anything to what is happening. I still remember Youssef El-Kaied when he said what we have got 2 options either Gamal or the Muslim Brotherhood,it is the bad or the worse, the ugly or the uglier!
سياتى يوم تشرق في الشمس بعد الفجرعلى هذا البلد ليكون يوم جديد وعصر جديد لهذا البلد يوم نتنفس فى الحرية ويسود العدل بين الناس ولكن يكون هناك فرق بين الشرقاوى والشاعروبين الحرامية الى متى نظل كا العبيدفى وطن لاغنياء كل شى مباح وللفقراء ممنوع نحنة نشعر باالحسرة والمرارة على هذا الوطن نحن نستنجد برب العالمين وبالرسول محمد الامين ص ان ينقذ هذا البلد من الظلم والقهر العين
مش انت اللى اتهانت يا شرقاوى مصر كلها اتهانت اى واحد مننا كان ممكن يبقى مكانك هيجى اليوم يا شرقاوى وتاخد وناجد كلنا بطارنا من الكلاب
من هنا ورايح يا جماعه هيبقى شعارنا مصر الشرقاوى
تحيا مصر
يسقط حسنى وكلابه
بسم الله الرحمن الرحيم
طبعا كلنا زعلنين من اللى حصل لمحمد الشرقاوى وكريم الشاعر
لية؟
لان كل اللى حصل انهم اتخدوا باسلوب غير متحضر وغير لائق(ضرب واهانة ....) وكتير
مافيش حد يرضى بكدا بس حد يقولى الحكاية اللى كتبها من افعال مشينة تخدش الحياء وكثير من الالفاظ اللتى لاتستحسن القارىء فى شىء
سب وشتائم
انا عايز اعرف انت قابل ان كل مصر تعرف انك بتتشتم وكمان فرحان وبتردد اللى حصل خلى (دا صبر ياأخى) اية الفايدة لما نتعامل على اساس (الاساءة يقابلها الاساءة)
قال تعالى (إِنَّهُ مَن يَتَّقِ وَيِصْبِرْ فَإِنَّ اللّهَ لاَ يُضِيعُ أَجْرَ الْمُحْسِنِينَ)سورة يوسف
وقال تعالى ( وَمَن يَتَّقِ اللَّهَ يَجْعَل لَّهُ مَخْرَجاً )سورة الطلاق
سؤال مهم انا لازم اتعاطف مع محمد ومحمد متحمس باثارة الشتائم
لا يامحمد اذا كان هذا منقول عنك وكان على لسانك وهذا هدفك
سمى فساد الطبع الذى قد يكون فى نيتك الخلاص منة (وفساد الطباع يُخْرِبُونَ بُيُوتَهُم بِأَيْدِيهِمْ )سورة الحشر
خلاصة يابن البلد حسن الخلق اللى مش لاقينة فى السلطة لازم يكون فينا
ياسلام بقي هي كل المشكلة انهم اتاخدوا باسلوب غير متحضر
هو حضرتك مش واخد بالك انهم اتاخدوا بدون ذنب اصلا... حضرتك مش واخد بالك انهم بيتحقق معاهم قدام جهة غير شرعية .. حضرتك مش واخد بالك انهم خدوا 15 يوم بدون تحقيق اصلا....... حضرتك مش واخد بالك اننا عايشين في ظل نظام غير شرعي اصلا ..
وبعد كل ده تيجي تكلمني عن عبارات بذيئة قالها الشرقاوي .
والله انا مش لاقي حاجة اقولهالك غير ...
- لله الامر من قبل ومن بعد
- اللهم لا تؤاخذنا بما فعل السفهاء منا
مش كل واحد يجيب صورة تعزيب نصدقة
احنا عاوزين مصر بلد الامن والامان
عشان نعيش فى خير وسلام
وحرام الى انتو بتعملوة فى البلد
الرجاء فك هذا التنظيم وكفاية الى عملتوة فى الشعب
كل حاجة كفاية
انتو مش عايزين تشتغلو حاجة كفاية
او عايزين الشهرة كفاية عليكم كدة
عفوا قد آتيت يوما ربما يخطا الانسان قبل المجىء
فانا قد بنيت الحق نورا وعرفت ان الشمس مصباح يضىء
فانا قد زرعت الشوك يوما بين احضان الورود يحتميها
فانا قد قتلت العمر سهوا عفوا لا تلمنى ان حين
قد رايت اشجار تموت تحت اقدام الجنود
قد عرفت اشياء كثيرة حين تولد الاطفال تحت اكوام الحجارة
قد اتانا زمان خوف حينما تغرب الشمس ثم يعاودها الحنين
هذا موضع يغرب فية النور تبلع الارض الاشجاريورث الجبن
عفوا قد اتيت يوما ربما ايقنت ان هذا موضع ترحالى
ساذهب من حيث تاتى قطرات الماء
تتراجع كل الاشياء المرئ%
مصر انتفضت اخيراً وصرخت في وجه الظلم والطغيان، مصر دائماً هي فاتحة الثورات
استمروا يا ابطال مصر في الصمود والنضال
فإن تحررت مصر تحرر كل الوطن العربي
قلوبنا معكم
محمد ابو خالد
السعودية