أدهم صبري والشياطين الـ13.. مع كفاية!!
أكثر من عشرين عاماً قضاها خارج مصر بعد أن حصل على شهادته من الجامعة الأمريكية ليتخصص في علوم الكمبيوتر، وفى اليوم الذي قرر فيه العودة يذكرونه باسمه القديم ويضربونه على قفاه؟.. ده كتير أوي
27/05/2006
محمد فتحي- ولاد البلد:
(1)
"تعلن شركة مصر للطيران عن وصول الرحلة رقم 102 القادمة من واشنطن"
تردد النداء في جنبات مطار القاهرة الدولي وتزامن مع عبور ركاب الرحلة من البوابات الإلكترونية ومع اقتراب ذلك البدين من إنهاء إجراءاته الجمركية أحاط به فجأة عدد من ضباط الشرطة مما جعله ينظر حوله فى دهشة مع لهجة أعلاهم رتبة الساخرة.
- وقعت يا تيفا.
نظر له البدين قائلاً: تيفا من يا سيدي؟.. اسمي توفيق.. المهندس/توفيق خليل توفيق خربوطلى.
صفعه أدناهم رتبة على قفاه وهو يقول: كلم البيه عدل.
قبل أن يعاود أعلاهم رتبة الحديث قائلاً: عارفينك يا عم تختخ من أيام ما كنت مرشد، مرشد للحكومة مش للإخوان طبعا،.. تعالى معانا سيادة الوزير عايز يشوفك.
اقتادوه من قفاه وسط المطار ونظرات الناس.
حاول تختخ أن يتملص من يدهم لكن دون جدوى فسألهم: وزير مين؟
صفعه أدناهم رتبة على قفاه وهو يقول: وزير الداخلية يا روح أمك.
(2)
كان تختخ يغلى وهو في البوكس مفكراً في مغزى ما حدث له اليوم بعد أن قرر العودة إلى مصر..
ياااه..
أكثر من عشرين عاماً قضاها خارج مصر بعد أن حصل على شهادته من الجامعة الأمريكية ليتخصص في علوم الكمبيوتر، وفى اليوم الذي قرر فيه العودة يذكرونه باسمه القديم ويضربونه على قفاه؟.. "ده كتير أوي"
توقفت أفكاره فجأة عندما هبط أمام مبنى وزارة الداخلية الضخم.. كانت سيارة ترحيلات ضخمة ينزل منها ثلاثة عشر رجل وامرأة مكبلي الأيدي وهم يدخلون إلى المبنى الأسطوري مساقين بالشلاليت وما لذ وطاب من "أسفوخس على أهلك" و"امشي عدل يا روح أمِك منك ليها".
سأل تختخ أقرب الأشخاص إليه- ولسوء حظه كان أدناهم رتبة- قائلاً: مين دول؟
أجابه بعد أن صفعه على قفاه كالمعتاد: دول الشياطين التلاتاشر.. مسكناهم فى شقة مشبوهة ماسكها واحد اسمه(صفر).
تطلع تختخ إليهم: لكـَم يكرههم بعد أن حولوه ورفاقه إلى مجرد ماضي بمغامراتهم الشهيرة لينهوا عصر المغامرون الخمسة. أصغر مرشدي وزارة الداخلية عبر التاريخ، وقد كافأته الوزارة عندما تركته يسافر ليدرس الكمبيوتر في الخارج بعد أن أنهت التعاقد معهم.
لكن لحظه .
بقليل من التفكير قد تتضح الصورة.
وزارة الداخلية تقبض عليه وعلى الشياطين الـ 13 في ذات الوقت؟.
هناك احتمال إذن أن يكونوا قد قبضوا على زملائه القدامى عاطف وأخته الزئرده لوزة ومحب وأخته نوسه..
ياااه كمان مرة..
لكـَم يشتاق إليهم ..
لكن مهلاً..
بقليل من التفكير أيضاً يجد أن في الأمر كارثة فلماذا تستعين بهم وزارة الداخلية بعد أن استغنت عن خدماتهم،ولماذا قبضت على الشياطين الـ 13 في ذات الوقت.؟
لابد إنها كارثة فعلاً.
"إزيك يا تختخ".
قطعت أفكاره العبارة فالتفت إلى صاحبها وهو يضع يده على قفاه متخذاً وضعاً متحفزا غير أن شلوت قوى قد عاجله من صاحب الصوت.
كان يحمل رتبة لواء وملامحه مألوفة إلى حد كبير..
"يا إلهي.. الشاويش فرقع".
كان قد نسى فأنزل يده مما جعل (القفا) حتمياً من كف الضابط إياه الذي قال له: كلم الباشا الوزير عدل يا ابن الجزمة.
(3)
ما لم يعرفه تختخ ولن يعرفه إلا حين يقرأ هذه السطور أن الشاويش فرقع الذي كان معهم في مغامرتهم والذي كان يحاول كشف ما يفعلونه وكلما ضاق بهم ذرعاً يصرخ فيهم: فرقع أنت وهو من هنا، نفس الشاويش نال ترقية استثنائية أيام السادات حين أنقذه- بالصدفة- هو والمفتش سامي من عملية اغتيال لم يقرأ عنها أحد.
ولأن الرئيس السادات رحمه الله كان سخياً كريماً يعطي بغير حساب..، ولأن المفتش سامي مات وقتها فلم يجد السادات أمامه سوى الشاويش على أو فرقع و الذي تحول إلى الضابط على وظل يترقى حتى أصبح من الحرس الشخصي للرئيس السادات..، وفى عهد مبارك صار أشهر من نار على علم خاصة بعد أن ساهم في قمع المتظاهرين في أكثر من مظاهرة وتعذيب الآلاف من أعداء النظام..، وفى التعديل الوزاري لم يجد مبارك أمامه سوى فرقع الشاويش الذي أصبح لواءاً ثم وزيراً لداخلية مصر.
(4)
كانت غرفة الوزير مزدحمة..
الشياطين الـ 13 بعضهم يتثاءب وبعضهم يطرق بأنامله على مائدة الاجتماعات التي جلس حولها الجميع. بينما كان المغامرون الخمسة يتبادلون التحية فيما بينهم وقد أمسكت لوزة بطفل صغير يسيل المخاط بحماس تحت أنفه فيما كانت نوسه تمضغ لبانه بعصبية وهى تقول: مش هيخلصونا بقى.. الأكل زمانه أتحرق.
خبط الوزير فرقع بيده فى صرامة وهو يقول: طبعاً انتوا مستغربين إحنا جبناكم ليه.
قال أحمد بطل الشياطين الـ 13 الشهير: يا باشا سعادتك إحنا خدامينك من يوم ما قعدتونا فى بيوتنا واستغنيتم عننا وإحنا في حالنا راضيين بتاريخنا، والكام ملطوش اللي بيطلعولنا من مبيعات القصص بتاعتنا.. تقوموا تمسكونا في شقة رقم صفر وتقولوا علينا شبكة آداب.
قال الوزير: كل ده تمويه وكان لازم نعملوا عشان محتاجنكم فى عملية مهمة..، وبعدين كل ما نسأل عن بسلامتك يقولولنا في الحمام ومراتك اللبنانية الهام بتعمل كليبات وما بقتش فاضية وعثمان بتاع السودان عاملنا وطني و كان قاعد فى الإعتصام بتاع السودانيين اللي في شارع جامعة الدول..إيييه.. ما بقيناش نخوفكم واللا إيه.
ثم نهض مشيراً إليهم وهو يقول: مش معنى إننا ضربنالكم باسبورتات بعد ما المقر السرى بتاعكم أتضرب إنكم تتنططوا علينا ده إحنا دافنينوا سوا.. بت يا هدى يا بتاعة المغرب وأنت ياض يا بوعمير يا بتاع الجزاير وأنت ياعم الليبى ياللى اسمك مصباح.. إيه .. كبرتو.. والواد قيس بتاع السعودية.
رد قيس : أمرك يا باشا.
فقال الوزير: شايف نفسك من يوم ما اتحاد جدة غلب الأهلي وعاملي فيها وطني..لأ.. وديني أعلقك في الـ 18
تدخل عاطف قائلاً: واحنا مال أهالينا يا باشا.. مشاكل ما بينكم وما بين الشياطين الـ 13 تجيبونا إحنا ليه؟
قال فرقع: قولنالكم عاوزينكم فى عملية مهمة.
ثم جلس وهو يقول: المرشدين بتوعنا بقوا خلاص كروت محروقة وانتم الوحيدين اللي ممكن نعتمد عليكم دلوقتى.
همس تختخ متسائلاً: همَّا استغنوا عن الشياطين الـ 13؟
ردت لوزة: الجماعة بتوع التكفير قالوا إزاى الداخلية تستعين بشياطين وعملوا مظاهرات يا إما يبقوا الملايكة الـ 13 يا حيولعوا فى البلد.
تساءل نخنخ: وبقوا الملايكة الـ 13؟
قال محب: لأ طبعاً.. وزارة الداخلية عندنا بتستعين بالكفار بس.
قاطعهم الوزير فرقع: اسمعوني كلكم.. العملية دى مختلفة عن كل اللي قمتم بيه قبل كده ولو أدتوها هنشيل الأحكام اللي عليكم من قبل كده وتبقوا بنى أدمين نضاف.
قال تختخ: بس أنا مفيش ضدي أحكام .
فرد فرقع قائلاً: حنلفقلك وبعدين نبقى نعفو عنك ماتقلقشى.
قال أحمد: التفاصيل إيه؟
رد فرقع: ظابط مخابرات عاملنا فيها وطني وقدم استقالته من المخابرات وراح ضرب الأمريكان في العراق وبعد كده رجع.. شافلو مظاهرتين من بتوع حركة كفاية راح منضملهم وهرى المخبرين والظباط ضرب. المطلوب تجيبه من قفاه قبل ما يتحول لرمز.
تساءل عثمان: واسمه إيه؟
رد فرقع: اسمه أدهم صبري..واسم الدلع بتاعه(رجل المستحيل)
(5)
كانت مفاجأة قوية للشياطين الـ 13 والمغامرين الخمسة على حد سواء.
بالنسبة لهم أدهم صبري هو بطل أسطوري بالفعل بعد 154 مغامرة معظمها أجزاء وهم الذين لم يذوقوا طعم الأجزاء في أغلب قصصهم،إضافة إلى أن رجل المستحيل واجه العديد من الأعداء بجسارة بدءاً من الإسرائيليين مروراً بالمافيا ومنظمات التجسس الخاصة وجميع أجهزة مخابرات العالم ووقعت العديد من النساء في غرامه كانت آخرهن مستشارة الأمن القومي الأمريكي (هذا لو تجاوزنا واعتبرناها من النساء أساساً)
"بس كفاية سونيا جراهام لوحدها"
هكذا ردد أحمد في الاجتماع..، والواقع أن سونيا جراهام تحديداً هي الأكثر شهرة بين أعداء أدهم صبري ويبدو أن عدداً كبيراً من المصطلحات الشبابية التي نعرفها الآن ابتكرت خصيصاً من أجلها فهي "مُزة"..، وفي أقوال أخرى "فرس" وعند جمهور آخر "وَتـَكة" و "وتد" ويكفي أنها الوحيدة التي تزوجها أدهم صبري وأنجب منها ولده الضائع منذ خمسين مغامرة.
لكل هذه الاعتبارات كان يجب التعامل مع الموضوع بحنكة شديدة ولذلك كان تختخ هو من وضع الخطة التي سينضم أحمد من خلالها إلى حركة كفاية هو والشياطين الـ 13 وكأنهم من مؤيدي الحركة في مختلف الدول العربية، ويحاول الشياطين أن يتقربوا من (جورج اسحق ) منسق الحركة..، ومن (عبد الحليم قنديل) المتحدث الرسمي لها حتى يستطيعون حضور جميع الاجتماعات ومعرفة ما يدور في الكواليس خاصة بعد أن كشفت الحركة العديد من أجهزة التنصت الموضوعة بمنتهى الغباء ورفضت الحديث عن ذلك حتى تظل الداخلية على ما بها من ظن.
واتفق أحمد مع الوزير فرقع على توفير ما يلزم عند ضبط أدهم صبري من غطاء جوي وعربات أمن مركزي ودبابات ومدرعات وعربات مصفحة لكي ينقض الجميع على أدهم انقضاضة رجل واحد. لكن المفاجأة التي واجهت الجميع أن أعضاء كفاية لم يتكلموا من بعيد أو قريب عن أدهم صبري في أي من اجتماعاتهم..، وقررت الحركة تجميد مظاهراتها بعض الوقت للعودة بنيو لوك مما جعل عثمان يرسل برسالة شفرية إلى تختخ كتب له فيها (6-24-10-1) وقفة (28 – 1) وقفة (3-7-3-7) انتهى..، وترجمتها (حمرا يا تختخ)!! وهي العبارة التي تعني أن الخطة قد فشلت وأنه لابد من خطة بديلة.
(6)
من الصعب تحديد ما يفكر به أدهم صبري. لابد أن هذه الحقيقة كانت مترسخة في أذهان المغامرين والشياطين، ولذلك كان لابد من أسلوب جديد فى التعامل.
"إحنا نخطف البت بتاعته لحد ما يظهر"
قال عاطف ذلك ثم كح قليلاً قبل أن يبصق البصقة المصاحبة لمثل هذا النوع من الكحة.
وسرعان ما تدخل الوزير فرقع:" إحنا مش عاوزين وجع دماغ مع المخابرات.. البت بتاعته دى لبط وشغالة في المخابرات والموضوع مش طالب".
قال فهد الشيطان السوري: بس لازم نخليه يظهر.
وافقه تختخ قائلاً: بالظبط.. ده اللي أنا كنت بفكر فيه. إزاى نخليه يظهر؟ ثم استطرد وكأنه يرد على سؤاله: الحل الوحيد غننا نستفزه. ثم أمسك بكتف الوزير بحماس وهو يقول: عشان كده لازم نعمل فضيحة تدفع كفاية إنها تتظاهر ويروح الأمن المركزي مديهم الطريحة التمام فيظهر عم أدهم.. إيه رأيك يا فرقع؟
صفعه الوزير بظهر يده وهو يقول: غبي.
فوجئ الجميع بتختخ يترنح ولكنه تماسك وهو يقول: أمال نعمل إيه يا باشا؟
قال فرقع: إحنا نعمل فضيحة تدفع كفاية إنها تتظاهر ويروح الأمن المركزي مديهم الطريحة التمام ويظهر سبع البرومبة اللى اسمه أدهم .. هو ده الكلام يا أغبياء.
(7)
دخل أحمد اجتماع حركة كفاية وعلى ملامحه علامات الذعر وهو يصرخ: الحقوا مسكوا بقيت الشلة وعاوزين يعتقلوهم.
نظر إليه جورج اسحق قائلاً فى دهشة: يعتقلوهم؟!.
فقام عبد الحليم قنديل محتداً وهو يقول: وهى دى لعبة النظام.. مش بعيد يعتدوا عليهم ويعذبوهم أو يقلعوهم ملط ويسيبوهم فى الشارع.. أنا عارف ألاعيبهم كويس. قال أحمد مسخناً الموضوع: مش معقول حنسيبهم كده.. لازم نعمل حاجة. وافقه جميع الحضور فرد جورج اسحق: خلاص يا جماعة إحنا ننسق مع بعض عشان نعمل مظاهرة تضامنية مع إخواننا المعتقلين لما نشوف آخرتها إيه مع النظام.
(8)
" الجمعة بعد الصلاة يا باشا في ميدان عابدين". قالها أحمد بلهفة واستمع قليلاً إلى تعليمات فرقع قبل أن ينهى الإتصال وما أن التفت حتى تراجع في رعب حقيقي
فأمام عينيه الذاهلتين كان يقف أمامه رجل يبتسم في سخرية
وكان الرجل معروفاً بـ(أدهم صبري)
رجل المستحيل (لمزيد من التفاصيل راجع 154 عدد عادي وبتاع 8 أعداد خاصة وقصتين فرط ع النت)
(9)
كان المشهد مهيباً بالفعل
العشرات و العشرات راحوا يتجمعون منذ الصباح الباكر في ميدان عابدين وهم يحملون اللافتات المنددة بالنظام وبالتوريث وبالداخلية وفتواتها وأباطرتها
ومع كل شاب يدخل إلى الميدان كانت عربة مدرعة تدخل وكان جنود الأمن المركزي ينتشرون في سرعة غريبة ليحيطوا بالتجمعات
وكجزء من الخطة اندمج المغامرون والشياطين وسط المتظاهرين الذين يستعدون لمظاهرتهم الحاشدة وكأنهم جزء منهم حتى إذا حانت اللحظة الحاسمة تسربوا باتفاق مع الأمن المركزي ليتركوا المتظاهرين تحت رحمة العصيان الغليظة والرصاصات المطاطية والقنابل المسيلة للدموع
وراحت اللحظة الحاسمة تقترب و تقترب وتقترب و..........
وتقترب برضه
آه والله بتقترب بجد يعني مش هزار
وفجأة بدأت الهتافات
(يا حرية فينك فينك..أمن الدولة بينا وبينك)
والواقع أن هتافات أخرى منعني الحياء من ذكرها راحت تعلو وتعلو وتعلو
ولكن الغريب انها لم تكن صادرة عن أي فرد من حركة كفاية
بل من آخر شخص يمكن توقعه
من الوزير فرقع
وبمجرد هتافه راحت حالة من الفوضى تعم المكان
وفي دقائق قليلة كان الأمن المركزي ينضم للمظاهرة مع حركة كفاية والكل يهتف بلا للتوريث
ثم انضمت باقي فرق وزارة الداخلية التي انتشرت في المكان وهم يهتفون خلف الوزير فرقع وراحت القنوات الفضائية تصور ما يحدث دون تصديق حتى أن مراسل الجزيرة أصيب بحالة ضحك هستيرية من غرابة ما يحدث
ولم تنته المظاهرة إلا عندما صرف الوزير فرقع بنفسه المظاهرة وصور مع كل وكالات الأنباء لينتهي هذا اليوم التاريخي في حياة مصر بانتصار كاسح للإرادة الشعبية الحقيقية
(10)
طبعاً من حقك أن تفهم عزيزي القارئ ما لم تكن قد استنتجت ما حدث بالفعل
فالوزير فرقع الذي قاد الانتخابات لم يكن سوى أدهم صبري متنكراً
أما الوزير الحقيقي فقد تم اكتشافه عارياً في صحراء المقطم وهو يجري صارخاً: الرملة سخنة.. الرملة سخنة.. الرملة سخنة
وقد أقالته القيادة السياسية وأودعته إحدى مستشفيات الأمراض النفسية و العصبية مكافأة له بعد أن تكفلت بمصاريف العلاج على نفقة الدولة
وفي مكان آخر كان تختخ يقف في مطار القاهرة وهو يستعد للعودة إلى أمريكا بينما كان المغامرون يعودون أدراجهم ليمارسوا حياتهم الطبيعية هم والشياطين ال 13 وقد أفاقوا من غفلتهم بعد كلمات قليلة استمعوا لها من الرجل الذي وهب نفسه لمصر
ولشعب مصر
الرجل الذي احترمه العدو قبل الصديق
رجل المستحيل
عدد التعليقات : 45
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
تهييس لذيذ0
معذرة لاستخدام اللفظ الانجليزي ولكن بجد لكم هو منطبق على هذا المقال الخفيف الثقيل أهنئ كاتب/كاتبة المقال ونرجو من الله ان يفرج كربناجميعًا
قصه حلوه واحلى حاجه ان الوزير فرقع فى الاخر عقبال رئيس الوزرا الراجل الكبير
الحكومه حتخلى الشب يصيف مع بعض فى طره
الحريه للمعتقلين الحريه للوطن
بلادى بلادى لك حبى وكفاحى
yehia2784@hotmail.com
http://yehia2784.blogspot.com
راااااااااااائع للغاية ....
ده اللي أقدر أقولهلك دلوقتي ...
بس لو تعرف تجيبه معايا ونروح علي سجن طرة ....
أنا عارف السكة هناك كويس . واختلست شوية وفت لفيت مع نفسي فيه ..
ممكن نعمل أحلي شغل مع الناس المحترمة اللي هناك .....
وبرضه بأقولهالكم .....
لا للتمديد ... لا للتوريث ... نعم لتعديل الدستور المصري
mohamedmat@hotmail.com
مقال لزيز اوي فعلا
موضوع أكثر من رائع ولازم يتنشر في جريده زي الدستور لأنه هيكسر الدنيا
بص يا كابتن عايز تهلس علي الناس اللي درست كمبيوتر ومش لقيه حاجه هلس براحتك الا ادهم بقولك اهو شوف الا ادهم " فينك يا لولوه تشوفي ادهم بيحصله ايه " ممكن يا باشا تتريق بفلاش سماش ماشي . او الكابتن اللي بيرسم عندكو دا وبينرفزني بالون الاصفر يعمل كاركاتير ويختصر الموضوع .
واللهي البيض يجي في وشك. بس الموضوع كميل ... تحياتي" مني توفيق" .
اه االكابتن اللي فوق كفاااااااااااااااااايه اقصد كفااااااااااااااااااره .
قصة هايلة وفيها خيال كويس قوي وانا استمتعت بيها جدا وان كنت شايف انها كان ممكن تبقي اطول حبتين
شكرا يا عم محمد فتحي
بس برضه يا جماعة
مفيش فايدة
Dabdoob
اشى خيال يا ناس
محمد السيد لسه راجع و لا انا اللى كنت نايمه
حمد الله على السلامه يا محمد
و على راى هوووبه كفاره
المهم ابقى خد باللك شويه مش هقوللك عيش نمله تاكل سكر لان السكر شاحح ف البلد بس هقوللك خد بالك و انت فاهم اكيد
المهم حمد الله على السلامه
و كنت و انت غايب بنكتب ف اخر تعليقاتنا لا للتمديد
لا للتوريث
نعم لتعديل الدستور
لكن دلوقتى انت رجعت
استلم انت العهده قصدى الشعار يل بطل
احنا حنخليك تكتب بدال نبيل فاروق
اهو ديكتاتور برضة وكابس على نفسنا بقالة مدة طويلة برضة
من الممكن ان تكون السخرية احد الطرق للثورة دعونا نسخر منهم
شكرا كتييييييييييييير
لنيفين..نيفى ..نوفا
و لهبهوبه ........
ولو إني مكلمتكوش قبل كده ومتعرفنويش ... بس شكرا كتير لوقفتكم دي
وسلام مخصوص لعبد الله مفتاح ... الكابتن ده رائع الحقيقة ....
وواحدة مصرية ... ياسلام وإحنا اللي مش مصريين يعني ؟
و الاستاذشيكو ... ياعيني علي التواضع ...
وضد الحكومة .... إنتو حتودونا في داهية بأساميكو دي ....
مين تاني ؟؟؟
اه انا هو في غيري يقدر يكتب بايدي ... ده اسمه كده...
و أبو أسامة ...ربنا يبارك لك فيه يا أستاذ ...
و مش شغلك ...حاضر .إنت حر ...
وممممممم
يارب مكنش نسيت حد تاني .......
اه سٍيد الكل ؟؟
الأستاذ ياء .... الحقيقة مش عارف أقول ايه بعد اللي كتبته عني ..
ربنا يجمعني بيك في الجنة يارب
الحقيقة أنا قريت كل اللي فات ... ومش عارف أقول لكم إيه .؟؟؟
الصراحة حسيستوني إن الواحد له صحاب بجد .... حاسين بيه وخايفين عليه ...
بجد بجد
ربنا يخليكوا ليا . وميجمعناش في حاجة وحشة أبدا
وبرضه
لا للتمديد ... لا للتوريث ... نعم لتعديل الدستور المصري
mohamedmat@hotmail.com
ماعنديش غير كلمة واحدة رائع وخيال خصب بجد رهيب كدة بقم سبع كلمات
قصة تجنن أنا من عشاق أدهم صبري و المغامرون الخمسة بس القصة أستاذة في التريقة على وزير الداخلية و الحكومة
هايله استاذ محمد ..بجد هايله ..وخصوصا الحته بتاعة الرمله سخنه :)
يا ريت حاجات من دي تاني ..
السلام عليكم شكرأ على الجزيرة
انا شايف ان ليك مستقبل عشان كده انا اقترح عليك انك تبعتهاالي
عبدالله كمال بتاع روزاليوسف وهو هايقوم بالازم
انت بتضحك ايوة والله هو هايقوم بالازم0000
وهاينشرها في الصفحه الاولي للمجله بتاعته
وهايحطها تحت بند
كلاااااااااام جديد للمرشد العام وبعدين هايصغر الخط اوي ويكتب خنب المرشد العام اسمك يا عم هه فرحان
اعمل اللي انا باقولك عليه 0000ولو عايز كارت توصيه لما تدخل عليه المكتب قوله انا جايلك من طرف المرشد العاموهو هايقوم بالواجب
ولو زنقك في الكلام ووداك المحكمه ابق قول انا اقصد المرشد العام للجمهوريه
مش برضه هو مرشد للجمهوريه هاهاهاهاهااي
لمعوماتك ودي جتي بالصدفة علشان ماتفتكرش اني من العصافير ...
شريف شوقي فاكره بتاع المكتب رقم 19 ...استعانوا بيه خلاص وبعتو جابوا ممدوح من نيكاراجوا وكل يوم بيقف في الميدان ومسي نفسه وليد......
انا عايزه احيى محمد فتحى على الفكره وفعلا لو ادهم موجودكنت طلبت منه ترشيح نفسه للرئاسه ولا تفتكروا الكرسى هيغيره؟؟واللى خللى ادهم يروح العراق يجبيه هنا ده الحال انيل من العراق على الاقل يضرب لنا فرق الكاراتيه بتاعه الامن المركزى مش كده ولا ايه
لا لا
بلاش عبدالله كمال
لأنه راجل حيوان
ده رأيي ........... هو مش برضه في حرية راي؟
أ/ محمد فتحي
متألق كالعادة .. أستاذ كالعادة .. خفيف الدم كالعادة
تسلم ايدك :D
و ان كنت أشك في ان ( موشى حاييم دزرائيلي ) ( عميل الموساد راجع الاعداد من 1 - 100 ) صحي تاني و يقوم بدور مهم في الداخلية !
عجبني اوي وصفك لسونيا بالـ(مزّة ) زي ما تكون حاسس بنبض الجماهير يعني :)
الفكرة لذيذة جدا
يا ريت تتابع وتطلعلنا حلقات تانية
رائع هذا الخيال الخصب المتجدد
كلمات رائعه و مشاهد نموذجيه
و لكن لابد أن تعلم
أن حالتنا تقريبا مستعصيه
و رجل المستحيل
أو المستحيل نفسه
لن يجدى مع الحرميه
لنا الله
عندما يكتب محمد فتحي لابد ان تكون هناك وجهة نظر مجنونة
مجنونة مجنونة
وخذو الحكمة من افواه المجانيييين
وعاش محمد فتحي يا عاش يا عاش يا عاش يعيش يعيش يعيش
مقال رائع
وخيال أتمنا أن يتحقق
حتى نره الحريه الحقيقيه
الله عليك تسلم ايديك يا احمد يا فتحى
موضوع جميل بجد
elkatkoot_elfaseh@hotmail.com
elkatkoot_elfaseh@yahoo.com
القصة مع انها عجبانى بس فيها بعض الخيال
يا ريت تكون واقعية اكثر وتسميها(مبارك والأربعين حرامى) مع انهماكتر من كده الله يحرقهموبعدين انت ظلمت الوزير وسميته فرقع
مع انى عارف انه اسمه طرقع ودى شغلته فى الأساس هو والرجالة بتوعه لما الشعب قفاه ورمويا ريت متنساش فى القصة الجاية بقيت الأخوة الأعدأ من الحرامية قصدى الوزرا
ويا ريت بلاش تسرح بالخيال قوى اصل الوزير
يطرئعلك على قفاك يصحصحك .
وكل قصة وانت طيب وتعدى منها على خير
واشكر جميع المدونين ...
انا عايز اقولك انك حكايه
دي افضل من قصص نبيل فاروق زات نفسه
بس احنا في انتظار المزيد والمزيد
وربنا يبعد عنك وفرقع ورفاقه
مرحبا كيفكم
عنجد عنجد حس أدبي بيعقد، انا مزبوط مش عايشة بمصر بس بدعيلكم الله معكم وينصركم
وطبعا طبعا لا للتوريث
والله يصلح حال كل الأنظة العربية
وتحياتي للجميع
حقيقى روعه . انا منتظر الجزء التانى بقه يعنى هوة نبيل فاروق أجدع منك .
وممكن يعنى تخلى المزة بتاعه أدهم (منى)
تتخطف وتتسحل وادهم بقه يروح ينقذها من قسم قصر النيل او السيدة زينب .
وطبعا مش هيعرف علشان صابعه انجزع فيطلب مساعدة نور وأكرم
والعمليه تسخن يامعلم
استمر الله معك
وجعتنا ورجعتنا لايام الواحد كان شايف فيها مصر من اجمل مايكون..بس بعد ماتغربنا وبقينا مش عارفين نرجع اصبحنا مش عارفين نحب مصر وادهم صبري ولا نكرهها ونطلقها بالتلاتة
والله تعبنا يابشر
الموضوع بجد تحفه
بس فى معلومه عدت عليك ان رئيس جهاز امن الدوله طلع نور الدين محمود بس متنكر
المقال ده جميل اوي وذكي في نفس الوقت واللي عجبني فيه انك دخلتي شخصيات محبوبة فيه واللي معجبنيش فيه كثيرة الضرب به ولكن ليس حق علي المضروب ان يشتكي من الضارب والا عاد ينضرب علي قفاه شكرا لكي علي هذا المقال الذي اضحكني كثيرا انا بحب السياسة اللي بتسعي لتغير مش للخراب والله الموفق
يا أيها الكاتب العميل أنت تفسد الشباب بكتاباتك التي تهين رموز مصر العظماء الأجلاء الذين صنعوا التاريخ -وعلبوه كمان- أنت لابد أنت تحاكم بعدة تهم: 1 , معاداة السامية 2, اهانة الرئيس ايه قصدي رجل المستحيل 3, تلقي تميل من الخارج 4, التعدي على حقوق الملكية الفكرية وشكرا . ميزو عشريناتي جديد ومخبر قديم. للمراسلة والنبي: mizo_bns2011@yahoo.com
روعة انا ضحكت لما كنت هموت وعلي رأي الي قال فكرتنا بالذي مضي
واو . قصة في منتهي الروعةده انا فتصت علي نفسي من الضحك.
بس خدت اذن من نبيل فاروق
مش مشكلة علشان القصة كانت جميلة
اهنيك
رجعتنى 15 سنه لورا .
واو أهنيك على قصتك
وعجبتنى الرملة سخنة الرملة ولعة الرملة سخنة بنفكرنى بمسرحية كارمن
قرأت المقال بدون النظر الى الاسم . بجد ازمة ازمة لا اججد عبارة اخرى . بس على كده ممكن تتعمل سلسلة كاملة (A)
كنت واثقة ان الكاتب اكيد من مدمنى روايات مصرية,وماستغربتش لما طلع ا. محمد . بس بجد ( عايزين تانى ) وياريت نور ييجى ينقذنا.
القصة أكثر من رائعة.........ضحكت حتى كدت أوقظ أهل المنزل من نومهم!!
قد جاء الوقت الدى سيتخلص به الشعب المصرى من قطاع الطرق الدين يسمون انفسهم الحكومه......
بصراحه المقال ده تمام و إلي كاتبه بصراحه ليه عقليه جميله بحيث يعبر عن إلي هو عايزه بدم خفيف و أسلوب شيق
أتمنى أشوف مقاللات تانيه كتير من النوع ده و شد حيلك و إحنا وراك..........
على فكره عجبني قوي موضوع الرملة السخنه
ههههههههههه
أخوك(ي)
شادي
لديك حس قصصي هائل وخيال خصب ولكن لدي انا الاخر قصه مميزه ولكن ممكن ان تبعثو لي بطريقه نشرها: القصه بعنوان (شياطين الانس)انتظروا المذيد مع تحيات كريم
kiro_megaman@yahoo.com
محمد بأعتبره واحد من شباب الجيل الذهبي ..
اللي يمكن عاش آخر أحلي ايام في تاريخ مصر ..
عشنا طفولتنا مع ميكي وسمير وتهته وعشنا مراهقتنا مع الشياطين ال13 وتختخ ونوسة ولوزة وعاطف ..وفي باكورة شبابنا عشنا مع رجل المستحيل وكوكتيل 2000 وملف المستقبل ..
بس عشان الحلو ميكملشي .. ادينا بنقرا الدستور ونتحسر علي حال البلد .. ونفرح بفلم شفرة دافنشي اللي اتمنع م السوق وبقت حياتنا كلها منع في حظر في شجب ..
ومن سيء لأسوأ بنمشي .. وياخوفي من سن شرخ الشباب وما بعده ...
محمد فتحي .. شكراً علي كل كلمة بنتنفس فيها من ذكريات جميلة ... ونعيشلنا لحظات وسط محيط من اليأس ..
يا عم مافيش احلي من ادهم ده
ده عسل ، اصل مني توفيق
هههههه
بس ياريت لو الوزراء والراس الكبيرة تروح في ستين داهية معاهم
يارب خد اللي في بالي
أدهم صبرى هو جيفارا مصر والعرب وهو بيدعى معايا ويقول /يا رب خد البقرة الكبيرة وبقية الحظيرة
انا الحاج / محمد سعيد اللافى المقيم بالاسكندريه ابيس الثانيه العريشه ورقم تليفونى 035190694 عاوز اقول كلمه للمعرص الرئيس مبارك عميل الامريكان الحرامى الجاسوس حرام عليك كفايه فاض بينا خلاص اتقى الله فينا
انا الحاج / محمد سعيد اللافى المقيم بالاسكندريه ابيس الثانيه العريشه ورقم تليفونى 035190694 عاوز اقول كلمه للمعرص الرئيس مبارك عميل الامريكان الحرامى الجاسوس حرام عليك كفايه فاض بينا خلاص اتقى الله فينا
انا الحاج / محمد سعيد اللافى المقيم بالاسكندريه ابيس الثانيه العريشه ورقم تليفونى 035190694 عاوز اقول كلمه للمعرص الرئيس مبارك عميل الامريكان الحرامى الجاسوس حرام عليك كفايه فاض بينا خلاص اتقى الله
انا الحاج / محمد سعيد اللافى المقيم بالاسكندريه ابيس الثانيه العريشه ورقم تليفونى 035190694 عاوز اقول كلمه للمعرص الرئيس مبارك عميل الامريكان الحرامى الجاسوس حرام عليك كفايه فاض بينا خلاص اتقى الله
ابن الكلب مش راحمنا ومش عارفين نشتغل المعرص ابن المتناكه الى بيتناك لامريكا الى خارب بتنا ابن دين الكلب_ العنوان شارع 7 ارض المفتى الجديدة منزل رقم 12 الدور الاخير الاسكندرية الاسم السيد رجب 035015116
انا سيد رجب ان كان راجل يعرف يعمل معاية حاجة الى بيتناك من امريكا وانا هنيكة قريب عنوانى شارع 7 ارض المفتى الجديدة منزل 12 السيوف الاسكندرية ارض المفتى الجديدة
هههههههههههه بجد كوميديا ساخرة جامدة مووووووت انا طول ما انا بقرأها بضحك وربنا يسمع من بقكم ونخلص بقى من الحكومة دى واللى زيهم اللى ملوا البلد وبوظوها.سلام
انا لما قرات العنوان حكيت اسم ادهم صبري مار علي بس وين؟
ذكرتنبي بالذي مضى
احلى ايام كانت مع هالروايات
بس بجد اسلوبك فظيع
ان شاء الله اقرائلك اشيا حلوة تانية زي هالقصة
موفق باذن الله
يا جامد يا شيتوس يا جامد ايه يا واد الحركات الجامدة دي
shadi_s55555@yahoo.com
قصتك بجد رائعه........بس من فضلك عند أدهم واعملredlineلان أدهم ليه معزه خاصه..thanks
انامعجب بادهم صبري
مفيش فيدة
البلد دى مش بتعتنا البلد دى بتعتهم
كلنا جناة وضحايا فى نفس الوقت
اللة يلعن مبارك وابنة
باى يا جماعة انا مهاجر منها
كفايه كده انا مشفتش رئيس عربي اتغير من ايام الثورات غيراللي ماتوا اعادي نظام مبارك وكفففففاايهههههههه
اعلم ان علاء مبارك يملك مزرعة تدعي مافا مساحتها اكثرمن 1000000 فدان ويبلغ انتجها سنوي لا يقل عن 50000000 دولار اما ثروة مبارك تتعدي5550000000دولار مش دول بس بس ده اناالي اعرفه ممكن لو رجع نص الي مدكنه حيحل ازمه مصر الي كانت مخزن العالم للقمح راح يستورده من كازخستان مع احترامي لكازخستان
وينكو والله زمان عنكو
ايش هدي الرسائل با سيد لافي من اللسكتدرية والله عيب عليك
ونت ايش دخلك يا سيد سيد افندي من تدخل فيما لا يعنيه لقي ما لا يرضيه
الله يوخذوكو يا زعماالعرب
محدش بيرد ليه؟؟؟؟؟؟؟؟؟؟؟؟؟
وكلين سد الحتك؟؟؟؟؟؟؟؟؟؟؟؟؟؟؟
بستنا الرد.
اقول لك ايه بس بجد واحنا فى الغربة بنكون منتظرين نسمة تعدى من مصر ولما اقول مصر اعنى حرفيا مصر الانسان مش الهرم ولا ابوالهول ولا حتى البحر المالح(على اساس انى اسكندرانى)بجد الله عليك رائع رجعتنالايام جميلة وبجد شممت عطر تلك الايام وتوظيفك للاحداث الجاريه جميل وياريت المزيد وجل تحياتى لاهل مصر الطيبين الطيبين وبس