مذاكرة بودرة وجاز!
سبوبة موسمية يعني مش دايمة، مكاتب التصوير بتستغل الموقف وتزود في تمن تصوير الورقة قرش والحجة علشان ده موسم الامتحانات .. يعني مذاكرة وخراب ديار !!
28/05/2006
بدأت الامتحانات في الجامعات، ومعها بدأت تصوير أوراق المحاضرات والكتب الجامعية
والمذكرات والملازم والملخصات...
المنظر باختصار تزاحم شديد من الطلبة والطالبات علي المكاتب والأكشاك المتخصصة في التصوير، ولا أبالغ إذا قلت أنهم طوابير، ليس الغرض هذه المرة الحصول على رغيف العيش بل يجمعهم غرض آخر هو الخروج بغنيمة من الأوراق علشان يعرفوا يذاكروا ويجاوبوا ..
أنا عن نفسي نسيت حكاية الطوابير دي من 6 سنين من وقت ما أتخرجت من كلية الإعلام، بس كان ليُه مع التصوير ده ذكريات وحكايات شوفتها ولسه بتحصل لحد دلوقتي مع غيري
حكايات...بين السرايات
زيارة واحدة إلي محلات وأكشاك تصوير الأوراق والمستندات في منطقة " بين السرايات" بجوار جامعة القاهرة، أو تلك التي في منطقة " منشية الصدر" بجوار جامعة عين شمس، ستجد أزمة في التصوير ودي بتحصل مرتين في السنة وتحديدا في امتحانات نص السنة وآخر السنة.
بالطبع التصوير حسب الطلب، يعني فيه تصوير "بودرة" من أبو 5 قروش لحد 10 قروش، أو تصوير "جاز" وهو المعتاد في التصوير وده بـ 3 قروش أو 4، وكل واحد وحسب فلوسه ومزاجه أيضا في شم الورق وهو بيذاكر..طالب سمعته بيقول لزميلته " لو حتى صورنا المحاضرات أفيون ، مفيش فايدة" !!.
التصوير برده بيفرق من كلية للتانية، يعني فيه مكاتب تصوير شغالة شغل نار علي كليات زي الحقوق والآداب والتجارة، وخصوصا التجارة لأن المكاتب عارفه أكيد " أن التجارة شطارة "، أما الكليات العملية واللي عددها صغير فشغلها شغل قطاعي، وده بيظهر جدا في مكاتب التصوير اللي جنب كل كلية.
سبوبة امتحانات
جنب باب تجارة بجامعة القاهرة ..واحد ماسك ميكرفون وواقف في نص الشارع علي الرصيف عمال ينادي علي الطلبة " يالا يا طلبة تجارة علي مكتب .... "، طبعا ده مش واحد مجنون أو مختل عقليا أو نفسيا من إياهم، لكن ده واحد شغال تبع مكتب تصوير بيعمل دعاية للمكتب بتاعه وعلي المذكرات اللي موجوده عنده.
في الوقت ده من كل عام تشوف ناس من دفعتك عمرك ما شوفتها ولا كلمتها، لكنها واقفة " تصطاد" أي ورق ومذكرات من ناس تانية رايحة تصور..كدة بالعافية ومن غير أي استئذان!
لكن برضه فيه ناس خبيثة تقولها بتصور أية؟ تعمل نفسها مش سامعه!!
طلاب بتستغل الموقف ويعملوا المذكرات علشان يتعرفوا على البنات.. وكله منفعة وسبوبة!!
واحد ممن يطلق عليهم ( صّوير ) - من كتر تصوير المحاضرات والكتب- بمجرد ما يمسك الكتاب ويشوف حجمه يقولك ده يتصور بمبلغ كذا ..وعمرها ما خيبت معاه !!!
طالب من الطلاب (الكتيبة) للمحاضرات بيتعامل مع مكتب من مكاتب التصوير، بيبيع لهم المحاضرات وياخد أجر علي كدة، وبيقول دي خدمة للطلبة زمايلي!يا سلام رجل أمير..!
والجديد إن ممكن موظف بمعنى كلمة موظف يعني مسئول المكتبة الفولانية يحضر محاضرات في أي الكلية ويكتب المحاضرات كلمة كلمة وتكون ملك لمكتب التصوير وهو ولا في الجامعة ولا في الكلية، وتسال طيب أزاي بيدخل أقولك بيظبط الحرس يعني خمسة جنية ولا عشرة جنيه كل شهر والموضوع يمشي، وبكد يكون قضى ع البطالة ويلاقي مرتب من المكتب، واهي ثقافة وشغل بدل القعدة ع القهاوي..!
ولأنها سبوبة موسمية يعني مش دايمة، مكاتب التصوير بتستغل الموقف وتزود في تمن تصوير الورقة قرش والحجة "علشان ده موسم الامتحانات" .. يعني مذاكرة وخراب ديار !!
• خارجة .. الداخلية في شهر!!
• عبد الظاهر السقا.. ناقل الحرب!!
• دستور جديد.. من الألف للياء!!
• عزيزي لؤي.. كتر خيرك!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
دلوقتي اصبح الجاز ب8 قروش والبدرة ب10 قروش طبعا لبورصه التصوير في بين السرايات
مع تحيات كليه تجارة
ربنا يتوب علينا من ايام الامتحانات ايام تتعب ودكاتره مبترحمش
قلى جى الاسكندريه مينساش يزور مكتبه الاسكندريه وجنبها على طول حيلاقى اكبر مجمع طلبه ممكن يشوفه
المجمع النظرى
الحكومه حتخلى الشعب يصيف مع بعض فى طره
الحريه للمعتقلين الحريه للوطن
بلادى بلادى لك حبى وكفاحى
yehia2784@hotmail.com
http://yehia2784.blogspot.com/
انا في كلية اعلام ومن كتر الزحمة صورت مرة محاضرات كلية تجارة من غير ما خد بالي ، بس الحمد لله المحاضرات نفعت اخويا الصغير وطبعا بعتهاله
غير تسريح العيال فى الجامعة للم المحاضرات وغير الإتفاق مع المعيدين لتوزيع دروسهم حصرياوغير الواد ابو ميكروفون فى نص الشارع وغير تجنيد طلبة من كل المراحل فى الكليات لسحب الزباين وتوزيع ورق الدعاية
"لسنا الوحيدون ولكننا الأفضل"
كل مكتب مخترع خلفية لونها نبيتي أو بني كئيب - تتطلع عين اللي بيقرأها- علشان ما حدش يصور ورقه من المكاتب التانية وتبقي العملية حصرية بيه
ده غير شغل تزوير الكتب اللي على ودنه
وبصراحة الحكومة مش مقصرة
قضايا مصنفات وبرضه على ودنه
علشان الدكاترة الغلبانة إتخربت بيوتهم من تزوير كتبهم
باين علي الاخ اللي فوق اما دكتور او ماشي في السلك ده 000000
او معيد في كليه فقرانه ومالهاش سوق
ممكن زراعه
هو ايه ان الحكومه مش مقصرة وده برضه زي مش مقصرة في مكافه البطالهوغيرها
اسمع يا سيدي الفاضل
اللي بيحصل دليل علي ان الحكومه مجرمه في حق جيل بالكامل من الشباب المصري اللي مش عارف يعمل ايه
اللي بيصور كتاب بتاع دكتور بيكون الدكتور ده مفتري وبيخللي الكتاب ب50 جنيه وتلاقي الكتاب شكله مايجيش ب3 جنيه وده في الارياف اللي انا منها
انا عمرى ما شوفت دكتور فقران 0000
كلهم اللي راكب عربيه واللي عنده شقه ماعرفش فين
دول واكلينها ولعه يا با
بلاش جشع روح لطلاب اللي اهاليهم بطقطع من لحمهم عشان الواد اااااااال ايه 0000يتعلم!!!!
وبعدين 00000000
ولا حاجه كلام فاضي ولا ليه اي قيمه لانه مش بيتفهم واللي بيفهمه ويكون بارع فيه الحكومه تقعد تعقد في امه لغايه مايسيب البلد ويسافر اي دهيه حتي لو كانت اسرائيل!!!!!!!!!
بلاش الدعاء بغير الحقيقه مش هنا كمان
انا فى كلية تجارة جامعة المنصورة وكل مذاكرتنا من المذكرات وليس من الكتاب بتاع الدكتور انا مش عارف الدكتور بينزله ليهوتلاقى المذكرة 10 ورقات مثلا ب 5 جنيهبتتباع باضعاف اضعاف التمن بتاعها ده بالنسبة للشرح اما بالنسبة للمراجعة ده حاجة تانيةفدى بتتباع ا10 اضعاف تمنها
حكايةتقدير سعر تصوير الكتاب دي بتيجي مع الوقت واكتساب الخبرة بمجردما تحط ايدك على الكتاب تقول ده يتصور بودرة بكام وجاز بكام ويتلخص في كام صفحة من كراسات الامتحانات بتاعةالمدارس ... ،، واكيد ان اللي كاتب الموضوع ما كانش بيحضر
با ختصار في حلين يا الكتاب يبقي رخيص لا بصراحة الكتاب 20 غالي قوي وحرام يا اما نشتري ورق ويسبونا في حالنا بس اذا كان لازم