لو كنتي خديجة.. ؟؟
فجأة يخرج الفتي الأول في مصر صاحب الأربعين ربيعا للبحث عن سندريلا مصر وهو ممسك بفردة الجزمة ليجد زوج الجزمة الأخرى في الجامعة الأمريكية، أقصد صاحبة الفردة الأخرى..
11/12/2005
هبة الله أحمد – ولاد البلد:
فجأة يخرج الفتي الأول في مصر صاحب الأربعين ربيعا للبحث عن سندريلا مصر وهو ممسك بفردة الجزمة ليجد زوج الجزمة الأخرى في الجامعة الأمريكية، أقصد صاحبة الفردة الأخرى..
وفي وسط ميدان التحرير وبين عرق 75 مليون مصري يكشف اسم حرمه المصون (خديجة مبارك)، لقب بقدر ما حمل من بريق الثروات والنفوذ بقدر ما يحمل من لعنات الملايين من المنصب عليهم لعنات أل مبارك..
فماذا لو كنت خديجة هل تقبلين أن تكوني من أل مبارك..؟؟
تقول مايسة صاحبة التوجه الناصري وحذاءها المليء بأتربة مظاهرات كفاية: "طبعا ستكون فرصة وطنية، فسأقبل فورا وأخطط للمدى البعيد عندما يمسك بزمام الحكم أن أجعله مختل عقليا وفي حينها سأحكم أنا مصر وأخلصها من عائلة المجانين".
وتشترك مع مايسة في نظرية المؤامرة على آل بيت الرئيس، هند حيث تعلن لنا والبريق يملئ عينيها: "لو كنت خديجة كنت هوافق، وأول ما أتزوجه وفي أول جلسة عشاء تجمعنا مع أسرته المصونة علي مائدة واحدة هضع السم في كل أكلهم وأتخلص منهم مرة واحدة".
أما يسرا فبكل استنكار قالت: "لا هرفض، لأنه أولا كبير في السن مش شاب ولا حاجه، وأيضا شخصيته مبتعجبنيش، واهم حاجه أن عائلته كلها رؤساء وأنا بصراحة أخاف علي نفسي منه".
وبكل سخرية قالت سالمة: "والله ممكن أتجوزه عشان خاطر البلد وأخلصها منه واضحي بنفسي بقي".
وبطيبتها المعهودة قالت شيماء: "بصراحة هضحك علي نفسي وأقنع نفسي أني أصلحه عشان يكون حاكم صالح، وأكون أنا بقي سيدة مصر الأولي وأعمل حاجات كثيرة كويسة وأساعد الناس الغلابة".
أما رانيا فقالت: "هو أكيد مش هيوافق لإن معظم رجالة عائلتنا تقريبا مروا علي المعتقلات يعني بين عائلتنا وعائلته ثأر بايت، ولو هو وافق وأنا وافقت أكيد أهلي مش هيوافقوا ويقضوا علي قصة حبنا".
وبكل ثقة أعلنت سمر عن رفضها قائلة: "كنت هقوله شكرا يا جيمي، لأنه أعطاني ثقة بنفسي، فاللي يخلي ابن الرئيس يتقدم لي يخلي أي حد يتقدم لي".
وأنت لو كنت خديجة هل تقبلين بالشاب جمال مبارك زوجا لك..؟؟
• لمبة جاز.. وزجاجة خمر!!
• الجماعة الإسلامية.. كثير من العنف!!
• أين أنت.. يا مصر؟
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ياه عليكي يا بوبي لو مكنتيش تحلفي
اولا "المهر" عايزها غااااالي لو شاطر يعملي دركولا وانا متاكده انه يعرف اوي اصلي شفت الفيلم بتاعه من اخراج ابوه ياما شرب من "دم"
شعب . كان حلم عمره يصلي الفجر ويعيش .
"الشبكه " عايزها غاليه هو مش عارف انا بنت مين , و"الصايغ" يكون وزير التعليم " العالي".
"الموخر".... مش عايزه كتير كل اللي عايزه حسابه في "البنك "وبس
شوفتي انا متواضعه ازاي .
اه ه الفرح عند امه جنب شجره المشمش
so nice article heba
go on nice idea and you produce it very good
excellent
انا ما اتجوزش راجل ما عندهوش شخصية و كمان فلوسه حرام و عنده سرطان فى الدم
و بعدين خديجة متجوزاه عشان فلوسه مش عشان جمال عيونه
إزاى واحدة تتجوز واحد قد أبوها وبعدين كل الظواهر بتقول عنه أنه مش راجل يعنى زى أختى بالظبط وبعدين ده فلوسه من حرام لأنها فلوس الشعب إللى إتنهبت منه وثمن بطالة الشباب وثمن الأمراض الفتاكة إللى أصابت المصريين إزاى واحدة بتخاف ربنا زى ما هما بيقولوا أن أبوها راجل متدين وتقبل وضع زى كدة بالإضافة أن أمه أصلاً مش من الحسب والنسب إللى يليق نسب عيلة زى عيلتكم لأنه أمه أمها تمرجية إنجليزية ومش مسلمة وطبقاً للقانون الإنجليزى الولد ينسب للأم يعنى بالصلاة على النبى إبنها يبقى مش مسلم وإسمة هناك جيمى يعنى كده ها تضمنى إن ولادك ها يطلعوا فاقدين الجنسية والأهلية بالإضافة إنه مدمن وتاجر مخدرات وتاجر آثار كبير يعنى بيتاجر فى الممنوع بالإضافة إنه إبن أمه ومش ها يسمع كلامك فى يوم من الأيام يعنى كده على بلاطه دى جوازة سوده وهوه لو كان لقى كلبة ترضى بيه كان أتجوز من زمان لكن محدش كان راضى بيه خالص وذنبك على جنبك وعقلك فى راسك يعرف خلاصك
مبروك والف مبروك كمان يا جيمي حسني مبارك الكلام ده مش من قلبي بس اعمل ايه انا بحب الخير لكل الناس حتي لو سارق البلد زيك وحرامي كمان بس اعمل والف مبروك كمان خديجة
وعقبال التسعة مليون عانس من شباب وشبات مصر الي مش متزوجين ولا حيتجوزو في عهدكم السعيد
بس لي طلب عندك يا جيمي:- يا ريت مش تسمي ابن تامر والنبي بلاش تامر ولا وائل كمان
ليصبح خليفة مصر القادم الرئيس تامر جمال مبارك
ومالة يجماعة ما يجوز هوة حرام يمكن ربنا يهديةويبطل افترة على الناس هوةويخ وابوة وكويس خالص ان اسمها خديجة مش سوسو ولةلولو وتحكم مصر زى حماتةام جمى