رحم الله أيام سمير رجب
ورغم أنني كنت علي الدوام في معسكر الخصومة للأستاذ سمير، فإنني أشعر اليوم بتقدير بالغ لهذا الرجل الذي أبدع في أداء مهمته إلي الحد الذي جعله نموذجه صعبا علي التقليد والاستنساخ.
29/05/2006
خالد صلاح- المصري اليوم:
كثير من المهام والوظائف في جهاز الدولة انحدر إلي الأسوأ، حتى وظيفة (الردح والتشليح وتصفية الحسابات مع المستقلين والمعارضين والتحرش بأصحاب الرأي)، ففي الماضي كان لهذه المهمة الشاقة رجال يعرفون كيف يأكلون السمكة حتى ذيلها، فيتحرشون في الوقت المناسب، ويشتمون في مواعيد منظمة.
ويختارون خصومهم بعناية ويكثفون الحملات لصالح جهة واحدة من جهات الدولة، وضد خصم واحد من خصومها حتى لا يضرون الدولة ورموزها وأجهزتها أو يسيئون للحزب وقياداته وأماناته، وهم يحسبون أنهم يحسنون صنعا !
قبل التغيير الذي طال قيادات المؤسسات الصحفية، كان أحد رموز الحروب والهجمات ضد المعارضة والمستقلين وأصحاب الرأي ومنتقدي الحكومة، هو الأستاذ سمير رجب رئيس مجلس الإدارة السابق لدار التحرير المرموقة، وإذ أشكر الله أن دار التحرير تحت قيادة الأستاذ محمد علي إبراهيم، ابتعدت عن هذا النهج وانحازت للمهنة أولا وأخيرا وفضلت التعبير عن المواقف الرسمية بمهنية أعلي، إلا أن مطبوعات أخري ومنشورات صحفية جديدة حاولت وراثة الدور الذي تخصص فيه الأستاذ سمير رجب في الماضي.
ورغم أنني كنت علي الدوام في معسكر الخصومة للأستاذ سمير، فإنني أشعر اليوم بتقدير بالغ لهذا الرجل الذي أبدع في أداء مهمته إلي الحد الذي جعله نموذجه صعبا علي التقليد والاستنساخ.
فالفشل الذي يلاحق بعض المسوخ المنتفخة والممتلئة من المتنافسين علي وراثة موهبة سمير رجب في الانقضاض علي خصوم السلطة، وتبرير أخطاء الحكومة، يدعونا إلي الترحم علي تلك الأيام الخوالي التي كانت فيها المعارك علي سخافتها أرقي وأنظف، والتحرش علي قسوته أكثر تهذيبا واحتراما، والمصالح الشخصية علي بجاحتها مغلفة بأغطية المصلحة العامة.
كان سمير رجب صحفيا حقيقيا بالقياس علي ما يجري الآن.
وكان كاتبًا موهوبًا بالقياس علي ما يتقيأه المتنافسون علي وراثته اليوم، وكان حكيمًا إلي الدرجة التي يتنبه فيها حين تنكشف عوراته بفجاجة، أما اليوم فلا صحافة ولا حكمة ولا موهبة ولا خجل عند انكشاف العورات، وكان سمير رجب حريصًا بصدق علي مصلحة النظام الذي يضمن له موقعه علي رأس مؤسسة دار التحرير.
وربما لهذا السبب كان جادًا في الدفاع عن جهاز الدولة ومحاربًا تليدًا في التصدي لتصفية الحسابات مع المعارضين ، أما المتنافسون علي خلافته اليوم فهم مخلصون إلي مصالحهم الشخصية إلي الدرجة التي تعميهم عن مصلحة الدولة والحزب، وهم أوفياء لرغباتهم الخاصة وشهواتهم في التسلط، إلي الحد الذي يؤخرون فيه العمل لمصلحة سادتهم وكبرائهم، ليلهون عبثا بكل شيء من أجل إشباع غرائز مريضة واستعراض قدرات مزيفة لا تخدم الدولة ولا النظام ولا الحزب.
سمير رجب كان يختار معاركه بجدارة، حتى وإن اختلفت مع أدواته وغاياته السياسية، أما ورثته الصغار المنتفخون فمصابون بقصر النظر الإعلامي وضيق الأفق السياسي إلي الحد الذي تصوروا فيه أنهم كلما خاضوا معارك أكثر، حصلوا علي مكاسب أوسع، فجرجروا النظام وقادته إلي الحواري والأزقة والخناقات الشخصية الصغيرة.
وورطوا رموز الحكم والدولة في أزمات يومية بالغة التردي والسخف، و في ( عركة شوارع ) بالشتائم الرخيصة علي طريقة تقفيل القهاوي وقطاع الطرق.. عركة لا تليق بالفكر الجديد ولا بأصحابه الذين سنحترمهم أكثر لو اختاروا لمعاركهم رجالا أشرف وأقلاما أطهر، وعقولا تفكر لمصلحة الدولة أكثر مما تفكر في ذواتها المتضخمة وكروشها المنتفخة .
خسارة أيامك يا أستاذ سمير، حزني عليك أسفًا علي انتقالنا من السيئ إلي الأسوأ
* حكمة الإثنين
ما من دابة في الأرض إلا علي الله رزقها، وكما يرزق الطير في السماء تغدو خماصا وتعود بطانا، فالدودة أيضا رزقها في الأرض تأكل مما قسم الله لها، وهذه الأنصبة من الأرزاق لها نظائرها في عالم السياسة و ميدان العمل العام، كما في عالم الحيوان والطير والحشرات..
فريق يأكل كالطيور محلقا في السماء، وفريق يأكل كدود الأرض علي الروث أو من جثث الموتى أو حتى من لحم الأحياء، وجميعها أرزاق، وكل يختار طريقه الذي يسعي به نحو الرزق، كن طائرا إن أردت، أو كن دودة إن شئت أنت ذلك، الفرق أن الطائر ترتفع له الهامات لمتابعته وهو يحلق، أما الدودة فتدهسها الأقدام ولو بعد حين.
عدد التعليقات : 41
• إبراهيم الفقي" قصة نجاح متعددة المواهب
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
انا بصراحه مش شايف ان فيه فرق بين سمير رجب والللي جه بعده سي محمد بيه ابراهيم
كل اللي حصل بعض التعديلات عشان لزوم المرحله اللي جايه 00000 لزوم البروباجندا
وان فيه ديمو 000 ديموقراطيه يعني
يا سيدي كلهم زي بعض ولا ايه
شوف مقال الاسبوع اللي بيكتبه رئيس التحرير في الجمهوريه كله شتيمه في الاخوان والاحزاب المعارضه وكفايه 0000
وبعدين شويه حكايات قبل النوم واخبار السفرياتبتاعه الريس وكلم مين ومين كلمه وكل الدنيا كانت مستنياة والدنيا كلها بتحبه وتحترمه وكاننا في مصر
التخين فيهم تقعد تفطص علي نفسك من الضحك لما تقرا حاجه من كتاباته
لعن الله أمثالكم و "تمكرون و الله خير الماكرين" إرحموا أنفسكم من كثرة اكتسابكم للذنوب حتى تستطيعوا أن تتحملوا عذاب الآخرة و كفاكم عذاب الدنيا
أنت لستم في نعيم بل نحن من ننام مظلومين و ليس ظالمين يا بخت من نام مظلوم و لا بات ظالم
الحمد لله على ما نحن فيه
السيد رئيس الحمهوريه كل يوم بيقول انه ديموقراطى ماشى حنصدقه
طيب الديموقراطى اكيد بيؤمن بتداول السلطه
يعنى ببساطه ان ممكن ييجى يوم ويكون هو فى المعارضه
فهل يرضى مبارك عندما يكون فى المعارضه ان يضرب بالجزمه ويسحل ويبرك على صدره خمسه من الحوش والاوباش ضباط السافاك اسف قصدى ضباط الداخليهويتهكوا عرضه وعرض المحروس جمال
الرقص فوق الحبال
و قرب و بص و جلا
بيغير الاحوال و ينعنش المساله
لعيبه فيهم كبير
وفيهم ضعيف و فقير
الضعيف انداس
اما القوى فلا
اوعى تخاف م القوى اللى يقوللك انا
منفوخ و فاضى و هوى مستقوى من ضعفنا
اذاكان لابد الموت
اصرخ بعلو الصوت
جايز بشر يسمع
و يوصل اللى انتهى
عم سمير الله يرحم ايامك
هو ده من دواعى التغير زمان كنا نفكر ان ايام سمير رجب مفيش اسود منها وكنا بنترحم على ايام زمان ودولتى برضه بنترحم على ايام عم سموره مش ده تغير مش عيب تكون من المويدين لشخص او المعارضين و ممكن تنقلب من كده مويد لكده معارض هى ده الديموقراطية
و بتقولوا البلد مفهاش ديموقراطيه
البلد مليانه كل حاجه من الابرة للصاروخ حتى النووى بتاع ايران احنا سبقنها فى عمله وكمان العيش التوتست برضه موجود و البطاله مفيش والعيشة زى الفل
عيب نتهم واحد بس انه كان مش محترم خد عندك واحد زى عم ابراهيم نافع كان مش ديموقراطى و مالى جيبة من الديموقراطية وعم ابراهيم سعده برضه راجل ديموقراطى صرف علشان لما عرف انه هيتغير عمل حته ديموقراطية و استقال لزوم الديموقراطية
و عم سمير رجب راجل ديموقراطى شوف دلوقتى تلاقيه ملون جلده من مويد لمعارض لمويد لمعارض علشان ديمواقرطى
يعنى ايه ديموقراطيه بالصلاة على النبى علشان الواحد يبطل تخبيط فى الحلل
شالوا الدو وحطوا شاهين الدو قال منتوش لعبين 000 يا ناس يا طيبين جدا المساله مش مساله تغير القيادات فى الصحف القوميه كل دا شغل بيتم على نار هاديه ازاى يا بحر يا فتك اقوال لك ازى يا صاحبى لما كل قياده من دول الان اتفتحت عليها نيران الاتهام بالمحسوبيه والرشوه والتربح واستغلال النفوذ الان وبسرعه بعد ما اتشالوا علشان مع التغير الكبير اكيد حيحصل ان فى ناس كتير حتهلل للقياده الشابه الواعده اقصد طبعا العبو للمستقبل يبقى الناس اللى عبرت فى الماضى عندها اللى يشغلها
طبعا بلويهم وصفقاتهم المشبوهه ومن الاخر كدا وعلى بلطه
انتم غلابة طحن بجد بجد سمير ايه اللى احنا بنتكلم عليه عندكم الاستاذ عمرو عبد السميع و الاستاذ ممتاز القط والسيد اسامة سرايا كل دول اسخم مليون مرة من سمير والمصيبة بجد الناس اللى بتبيع قلمها من غير ماتبين زى عادل حمودة اللى مقالاته فى الفجر بتين وبصراحه توجهه الجديد عادل المتشدق بالحرية ولامانع عنده من الدفاع عن الرئيس وبطانته بطريقة اصله مايعرفشى اصله مادريش ده جمال ده حلو ده انيق ده جذاب ده مش عايز يمسك الحكم استريحتوا وتلاقيه يحط الكلام على لسان ناس تانية ولكنك لاتجد الا تاييد ومباركة من بس حاجة كدة فى الخباثة ده غير طبعا فزاعة الاخوان اللى مابيبطلش يتكلم عنها بكره الاخوان يشنقوا زكريا عبد العزيز مع ماهر عبد الواحد ويسجنوا هيكل مع اسمامة سرايا وكاننا قصر بريالة لاندرى اين مصلحتنا وكان الاخوان مسيطرين علينا سيطرة تامة
كلام غريب وعجيب وما اكثر من يبيع قلمه