خط مبارك الأحمر !
فأمن مصر الذى يقسم الرئيس دائما أنه خط أحمر لا يمكن تجاوزه تدوسه الأقدام كل يوم وليله من الداخل والخارج والمتابع للأحداث منذ تولى الرئيس الحكم قد يدرك مدى البهدلة التى تعرض لها أمن مصر
29/05/2006
محمد الدسوقي-ولادالبلد:
حقيقة لا أعرف مكان الخط الأحمر الذى يتحدث عنه الرئيس و تتفاخر به صحف الحكومة على صدر صفحاتها الأولى وتتنازل عن وقارها المزعوم وتقوم بتلوين ذلك العنوان " الرئيس يؤكد أن أمن مصر خط أحمر لا يمكن المساس به" باللون الأحمر كنوع من التناسق اللونى وزيادة فى قدسية الخط المصون وكلمات رئيسنا الكبير.
هو الخط فين ياريس !
والحمد لله لم تأخذني الجلالة ولم أهرول نحو مدرسى الجغرافيا لأسألهم عن مكانه ولم أبحث فى الخرائط المصرية ولا العالمية خاصة عندما أدركت أن الرئيس نفسه لا يعرف لذلك الخط مكان فهو يحركه ويرفعه كل مرة حسب الأحداث وحسب طبيعة الكارثة وأحيانا أشك فى وجود هذا الخط الأحمر أو أتعامل معه على أنه خط وهمى مثل خطوط الطول والعرض.
فأمن مصر الذى يقسم الرئيس دائما أنه خط أحمر لا يمكن تجاوزه تدوسه الأقدام كل يوم وليله من الداخل والخارج والمتابع للأحداث منذ تولى الرئيس الحكم قد يدرك مدى البهدلة التى تعرض لها أمن مصر ومدى حالة الرعب التى يعيشها المواطنون ومدى الشطب والمسح الذى تعرض له الخط الأحمر الذى يعبر عن سلامة مصر وسلامة أهلها.
فمنذ عام 81 19 والجماعات الإرهابية تتجاوز هذا الخط الأحمر وتضطرب الأمور فى مصر ويروح ضحية تلك الحوادث الإرهابية المئات من المصريين والأجانب ووقتها يظهر أحدهم ليقول:"أن الرئيس يقصد بأمن مصر أنه لايمكن لدولة أجنبية أن تهدد مصر وتعتدى عليها" وأن هذا هو الخط الاحمر الذى يقسم به الرئيس.
وفجأة تجد تهديدات من إسرائيل بضرب السد العالى ويعيش الناس فى حالة رعب وتنتشر التساؤلات بينهم "هو ممكن فعلا يضربوا السد العالى والبلد تغرق ؟" فى شكل يعكس عدم الثقة بفكرة الأمن والخط الأحمر التي يتحدث عنها الرئيس وليست إسرائيل وحدها بل التهديدات المستمرة التى تتلخص فى تحكم دول حوض النيل فى حصة مصر من المياه .
جاوب .. تبقى رئيس !
وعندما نبحث عن الخط المزعوم نجد الأمن المركزي الذي يحمى مصر وخطها الأحمر والمسئول عن أمن مواطنيها وسلامتهم هو بنفسه من ينتهك الخط الأحمر ويمسحه بأستيكة عام 1986 فيما عرف وقتها بإنتفاضة جنود الامن المركزى وما أحدثوه من حالة فوضى ورعب فى الشوارع عن طريق حرق السيارت وتدمير المحلات وإثارة الذعر فى الشوارع .
أمن مصر وخطها الأحمر يتعلق بوحدة مواطنيها وتماسكهم، وفى عصر مبارك تجاوزنا كل الخطوط الحمراء لأمن مصر بفتنة طائفية نائمة مثل الرماد تحت النار تستيقظ لتصيب الناس بالذعر مرورا بأحداث الكشح ومحرم بيك وأحداث الأسكندرية الأخيرة، أى أمن فى ذلك وأى خط أحمر وكل مواطن فى مصر ما عاد يأمن أن يصلى فى مسجده او كنيسته وهو أمن من طعنة سكين .
هو إذا أمن منتهك فكل من هب ودب يملك "أستيكه " لشطب هذا الخط وليس مجرد لمسه أو المساس به وحتى لو كان هذا الخط الأحمر الذى يقصده الرئيس فى خطاباته هو الأمن الشخصى للرئيس أى أن أمن الرئيس وسلامته خط أحمر لا يمكن مساسه فتلك كذبه لأن الرئيس نفسه تعرض لأكثر من محاولة إغتيال وحياته فيها كانت قاب قوسين أو أدنى من النهاية ولعل أشهرها حادث "أديس ابابا".
إذا لا أحد فعلا فى مصر يستطيع الإجابة عن هذا السؤال الشائك الذى يقول " أين يقع الخط الاحمر الذى يقسم الرئيس دوما بأنه لا يمكن المساس به؟" حتى الرئيس نفسه وكم من أوهام بالأمن والامان ترتكب بإسمك أيها الخط الملون.
كوكو والخط الأحمر برضه !
وأخر هذه الأوهام طبعا جاءت من روز اليوسف على لسان المناضل المباركى عبد الله كمال أو "كوكو" حامل أختام نفاق الرئيس ونظامه فى تلك المرحلة فالرجل كتب صفحات فى إقطاعيته المعروفة بإسم روزا اليوسف يؤكد على عظمة الرئيس وحنيته وإهتمامه بالخط الاحمر الذى يعبر عن امن مصر ومصلحتها.
وتجرأ "كوكو" وتجاوز الرئيس حينما أكد أن الخط الأحمر موجود ومكانه معروف بالنسبة لكل المصريين إلا المغرضين منهم "يقصد المعارضة " اللى بجد طبعا وهدد عبد الله كمال كل الذين تجرأوا على الخط الاحمر بأن "لسانهم اللى عاوز قطعه هذا " قريب جدا هيسكت عن الكلام لأن الرئيس إذا كان فى تلك الفترة رؤف وحليم ورحيم تجاه ما يكتبه المعارضون فإنه فى الفترة القادمة لن يرحم أحد ولن يصبر على أحد.
ولا أعرف لماذا لم يقولها الأستاذ عبد الله كمال صريحة بأنه يقدم بلاغ رسمى لرئيس الجمهورية حتى يخلصه من هؤلاء الصحفيين ناكرى الجمييل ..
عموما ياعم عبد الله بلاغك وصل للرئيس ولكنه مؤجل إلى حين وكلنا نعرف ذلك ومصميين على أن عسكرى الدرك الذى قدمت له البلاغ وطالبته بقطع رؤوسنا لابد أن يرحل وكفاية عليه كده !
عدد التعليقات : 32
• صيف العمال اشتعل.. بالإضرابات!!
• التعليم الأزهري.. تدهور!!
• وصلة ردح.. علي أوربيت!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
مقال جميل يا محمد فكرتني بواحد نصاب كل ما يحب يكذب يروح قايل (بيقلك)
ودايما لما يتسئل مين اللي بيقولي يروح قايل الناس كلها عارفه وكلها بتقول
اهو ده الخط الاحمر اللي ملوش وجود
بص يابني " هو كل اللي في الموقع عيالي "
ايه دا ماعلينا , محسوبتك بتحب تشوفه اسووووووووود والسوال بقي ماهو اطول خط اسوووود عرفه الشعب , الجواب 25سنه ومسجله في اكبر اشرطه للعالم ومدموغه كمان .و"نلقي الاحبه" ......
ربنا ينتقم منك ياعبدالله ياكمال انته والريس بتاعك ولى نعمتك فى يوم واحد قولوا يارب
فاكر ان في حلقة من حلقات توم وجيري والكلب اللي كان بيظهر معاهم، لما اراد الكلب المقيد أن يوقع بتوم مد رجليه ومسح الخط اللي كان رسمه توم علشان يضربه، ورسم خط تاني وبعدها مسك توم ..يمكن يكون ده الخط الأحمر !!!
عليا الحرنكش ياريس مبارك
فى عصر مزركش ملون بنارك
لابايعك وابايع حكومة حمارك
اكيد هوه طالع يشاهد جمالك
جمالك مبارك سوزانك سوزانا
يامحلا حصارك فى مصر الى جالنا
نسيمها فى عصرك بيشوى فى بدنا
فهمبك وهجص وطلع فى دينا
اؤيد وابايع فخامة جلالتك
وايد اى واحد بيمسح ريالتك
فاقعد ياريس ودلدل حمامتك
حمامه السلام حمامتك ياريس
سلامه الحمامه سلامتك ياريس
ياريس حمامه ياربس كويس
على تل مصر ياريتك تهيص
خرابه فسيحه عليها تمتيس
وامرك مطاع فشعبك مفيص
ايش معنى بيقولوا خط احمر ممكن نقول عليه بمبى فوشيا مجرد ملحوظة
بص ياعم محمد الراجل بيقول عن اى حاجة دى خط احمر ويقصد بيه خط فودافون بس الناس مش واخده بالها.. ده راجل ناقص ومعندوش غير حاجة واحده هى اللى حمرا .
هو خط افتراضي موازى للاستمرار و البقاء علي عرش السلطه والتوريث للابناء والاحفاد اما رئيس تحرير المرحومه مجله روزااليوسف فهو نموذج لرائعه يوسف ادريس البهلوان والصحافه المصريه واعلامها يكونون جميعا سيركا كبيرا للاسف يخجل الواحدان يراهم لقد اوصلونا الي اسفل مكان داهيه فيهم
فعل أفعل فاعل مفعول
وهنا أحمر ليس أسمأو لون و لاكن فعل أحمر على وزن أفعل أي زاد حمورية
مثلاُ حمار حمر أحمرٌ
ولذلك خط أحمر يعني خط الحمورية بل الأحمر و هو خط الحكومة
فهو يقصد أننا لا يمكن أن نقترب من الحكومة لأنة خط الحمورية
الخط الأحمر الذى يقصدة الأمبراطور الأوحد..الغير مبارك ..هو الخط الذى يتعدى فيه أى مواطن مصرى ويعترض على أفعاله الدنيئه من السلب والنهب والأستبدادوالقهر ..وقانون الطوارىء ..وتخطيطه لتوريث الحكم للمحروس ابنه..والأحمر منه هو أعتقاده أنه يلعبها بحرفنه..هو وشلة المنافقين والأفاقين من المتمرغين فى نعيم هذا الفساد..والأكثر حموريه..اعتقاد هؤلاء الفسدة أنهم خالدون..أيها الفسدة أنكم تقتربون من النهاية الحتمية لكل هذا الظلم والأستبداد..أنتم تعيشون آخر أيامكم ...والبركاااااااان قادم لا محاله..ووقتها سترون ليس فقط خط أحمر ..سترون جهنم الحمراء وستحترقون بنار الظلم الذى أغرقتم فيه مصر وشعبها..أنتم أحقر الكلمات فى كل قواميس لغات الدنيا..لالالالالالالالالالالالا لمبارك وسلالته..لالالالالالالالالالالالا للفساد..لالالالالالالالالالالالا لقانون الطوارىء.. ونعم..نعم..نعم..لتعديل الدستور...ربنا يخلصنا منكم .. ونلاقى داهيه ترضى تاخدكم .. قولوا آآآآآآآآآآآآآآآمين
يا شباب ده حول مصر لدولة عبيد علشان يطيح زى ما هو عايز وصدقونى خير مصر كثير بس هو نهبه هو الفسدة من حوله شوفوا إنجازاته تحويل مصر إلى دولة إقطاعية وسيطرة رؤوس الأموال ومحاولة توريث الحكم وإزلال الشعب كلها عكس مبادىء الثورة وده علشان ملقاش حد يقف ويقوله لا هو إحنا مستنيين إيه يمكن فاكرين أنه ها ييجى شعب يدافع عن المصريين غير شعبها ولا يتحط فى المعتقلات غير ولادها لازم يا جماعة نحارب الفساد ونعرف إن ده عقاب لينا على صمتنا على فساده وحسبى الله ونعم الوكيل أللهم أذل مبارك ويزال ملكه ويطاح بعرشة ويذل نفسه يارحمن يارحيم اللهم آمين
" ربِّ لاتذر على الأرض من الكافرين ديارا إنك إن تذرهم يظلوا عبادك ولايلدوا إلا فاجرا كفارا "
سيرهبهم وسيسلط الله عليهم من بين أيديهم ومن خلفهم سيزلزلهم الله
وسيعلم الظلمون أي منقلب ينقلبون.
ستكون عاقبة الداعر اللامبارك كعاقبة سلفه المنوفي الديوث، ولن تغني عنه كل رجال السي أي إيه ولا الموساد، ولاتلامذتهما التنابلة كعمرو سليمان.
شاء الله لمصر أن تكون كنانته بأرض الإسلام، وأن تحوي سهامه الثاقبات، وما مسها طاغية بسوء إلا قصمه الله وجعله عبرة ونكالا.
يا جماعه انتم لسه واخدين بالكم دلوئتى ان حسنى بياكل البلد ما خلاص انتم مفروض تقولوا مين اللى جاى ياكل البلد بعده طبعا صاحب الجمال و العظمه ابنه بس ارجع و اقولكم ان فى قاعده ربانيه بتقول "كما تكونوا يولى عليكم" يعنى انت لو مش مويسين اصلا لازم الحاكم يبقى مش كويس يعنى صدقونى الراجل بتناعنا ده مش غلطان لوحد بالعكس الشعب اصلا .........
الخط الذى خطف الضوء من خط الفقر الذى وضعنا النظام أسفله قسرا
أأأأأأأأأأأأأأأأأأأأأأأأاه يــــــــا بـــــــلـــــــدى
باين ان كل اللي في الموقع زمالكاويه ولا ايه!!!!
ماله الخط الاحمربس عاملكو ايه مش كفايه ان النصايب كلها محطوطه وراه
ده حسنى ايه مش مبارك متغاظ من الخط الاحمر اصل انا اعرف انه زمالكاوي ايوة ايوة صدق انته لسه هاتبحلق 0000 ايوة الريس حالنبوحه زمالكاوي 0000
الخط الاحمر اللي مقصود هوة خط الجون
ومافيش حد هايجيب جون في حسني
ممكن حد يجيب جون في الرااااااااااس الكبيرة
ممكن
انا مسحت الخط الاحمر يا ابو دماغ كبيرة
وريني هاتعمل ايه بقه
واجري علي الله
وانت كمان امسح الخط دهمن سجلاتك
عشااان دي بلدنا كلنا
و الله يا جماعه بحسدكو كلكو انكم لسه قادرين تسخروا و
عارفه ان التعليقات ظاهرها السخريه بس بتخفى وراها الم
بس حتى دا مش قادره اعمله من ساعه ما قرات موضوع الشرقاوى تانى
معدتش قادره اضحك
معدتش قادره اهزر ف التعليقات زى زمان
الاشياء بتفقد معناها ادامى
ثوابت و قيم كتير بدات تهتز
معدش شىء واضح
و لا شىء صريح
و لا شىء اكيد
لم يعد يبقى الا حبى للبلد
حتى دا بقيت خايفه عليه
متزعليش يا هبهوب لو ملقيتينيش معلقه فى مواضيع كتير
و الله مليش نفس
مش عارف ليه لما سمعت عن الخط الأحمر ده افتكرت واحد مجذوب لابس طرطور علي راسه وجلباب واسع قوي بس كله مرقع وحاطط علي صدره أغطيه البيبسي وعامل فيها قائد عسكري ... أحمر أيه يا أحمر ماخلق ربنا كان فين الخط الأحمر ده لما طيارة مصر للطيران وقعت في امريكا وفيها خيرة ظباط مصر
كان فين الخط الاحمر ده والمبيدات المسرطنة نهشت جسم الشعب المصري
كان فين الخط الاحمر ده وانت بتنفذ كل حاجة بتطلبها منك امريكا
كان فين الخط الاحمر ده وبدأت حكمك الميمون (نسبة للقرد ميمون) بحادثة خطف الباخرة إكيلي لاورو وإعلانك الشهير إنك مش قد أمريكا
علي فكرة الخط الأحمر الوحيد الموجود هو الخط اللي عندك اسفل ظهرك ... عرفته
مرة كان في مؤتــمر طبي منعقد في دولة أجنبية
بعد المؤتمر أجتمع واحد أمريكي و وواحد فرنسي وواحد مصري و كل واحد قعد يتكلم عن إنجازاته
الأمريكي : إحنا كان عندنا في أمريكا واحد ما بيشوفش رحنا عملنا إيه ؟؟
جبنا قطة و دبحناها و خدنا عنيها و زرعناهم للراجل
إللي واقفين أستغربوا قالولوه : و بيشوف كويس
الأمريكي : يوووه دا بيشوف إللي ورا الشمس
راح جه الفرنسي و قال إحنا كان عندنا واحد كبده تعبان فجبنا قطة و دبحناها وخدنا كبده و زرعناه للراجل
قالوله : و بيشتغل كويس
قالهم الفرنسي : يوووه دا بيهضم الزلط
قام المصري قال : أحنا بأه كان عندنا واحد مخة بايظ رحنا شيلنا مخة و حطينا بدالة جزمة
قالوله : أيه داا و شغال كويس
قالهم : يوووه , دا بقي رئيس وزراء عندنا دلوقت
قاله :- عايز ايه ؟
قاله : الريس خطفوه و الفدية 5$ مليون دولار و لو الفدية ماتدفعتش .. الخاطفين هددوا يدلقوا عليه بنزين و يولعوا فيه و احنا بنجمع تبرعات .. تحب تشارك ؟
الرجل سأل: و في المتوسط الناس بتتبرع بكام ؟
الرجل الثاني : من 5 الى 10 لتر بنزين .
::: ملحوظة :::
الريس هو الريس متقال
مرتين دورت على الخط الاحمر وتجاوزه ولم اصل اليه المرة الاولى اعلان الريس قطع العلاقات مع كوستاريكا لنقلها سفارتهاالى القدس والتهديد بقطع العلاقات مع اىدولة تنقل سفاراتها الى القدس ونقلت الدول سفاراتها وطبعا فيه خط الثانية ايام طيارة لوكربى صرح فى حديث صحفى عن تسليم المتهمين الليبيين ان لاتوجد اتفاقية تسليم المتهمين بين الدولتين أمريكا وليبيا وانه لو مكان العقيد لن يسلمهم وبعدها بأيام سلم محمود ابو حليمة من مصر للامريكان فعرفت الخط انه مؤخرة الغولة
مبارك يخرج لسانه ويرفع جزمته وقول حبيعك يامصر لليهود ويبقي حد يجي يحاسبني ؟
اتخنقنا ياخلق هوووووووووه حد يعمل اي حاجة
انا مش شايف حاجه حمرا يا ريس غير مؤخرة سيادتك
انا بقى عرفت مكانه
الخط الاحمر دا موجود فى اربع مناطق فى مصر اولا منطقه مصر الجديدة وبالتحديد القصر الجكهورى وثانيا فى شرم الشيخ مبارك الجهه المقابله لسستة بنطلون سيادته وثالتا فى منطقة التفاح الامريكانى اللى بياكله سيادته ومتربى عليه
اما المكان الرابع فى شفايف كونداليزا اللى نفس سيادته هتطلع عليها
الخط الاحمرمحدش عارف مكانه غيره كل مصيبه يقولك خط احمروتحصل مصيبه تانيه يقولك بردو الخط الاحمر وقريب تاني هيقولك خط احمر بعد مهتضرب سيناء تاني والغريب ان اسرئيل عارفه واحنا منعرفش يمكن الخط الاحمر من عندهم..
ghfjghjfh hfjghfjhg fjhghskghfs lkdgf h testetetetetetetetete test test test
ghfjghjfh hfjghfjhg fjhghskghfs lkdgf h testetetetetetetetete test test test