عارف ملفك في أمن الدولة؟
إحنا عندنا 70 مليون ملف.. بس الموضوع بيختلف حتى العيال الصغيرة لها ملفات
30/05/2006
أحمد الدريني-ولاد البلد:
فور اقتياد البوليس السري للسيدة"لورا بوش" زوجة الرئيس الأمريكي جورج بوش في أجواء يشوبها التوتر وتغلفها الرهبة لم تدرك لورا منها سوي أن الولايات المتحدة تتعرض لهجوم أقل ما يوصف به أنه غير مسبوق...
وعند اقتيادها نحو بدروم إدراة البوليس السري الذي فضل ألا يغامر بالمرور بـ"لورا" وسط الشوراع المضطربة المزدحمة، نفذت" لورا" أوامر الضباط بدقة تقديرا للأوضاع السيئة المسيطرة علي كل شيء.
بالطبع أول شيء طلبته لورا هو الاطمئنان علي ابنتيها "بربرة" و"جينا" ولأول مرة رأت عن قرب رجال البوليس السري يحاولون الاتصال بالرجال الموكول إليهم مراقبة وحراسة ابنتيها(ابنتي الرئيس!!)
وهنا سمعت لأول مرة أيضا الأسماء السرية التي يطلقها البوليس علي ابنتيها!!الأولي اسمها الحركي "تركواز" والثانية "بريق"!! أو هكذا روي الصحفي الأمريكي الأشهر بوب وودوارد في كتابه"بوش في حرب"..
اثبت...أنت متراقب
بالطبع أسماء بنات بوش لا تعنينا في مصر في شيء ولكن ما ذكرني بهذا الكتاب هو حوار خالد البلشي مع ضابط أمن الدولة المشهور والخطير في وقت واحد "وليد الدسوقي".
والدسوقي هو المتهم بالكثير من أعمال التعذيب أمام المنظمات الحقوقية، والذي تحدث مع محاوره خالد البلشي بحميمية غير معهودة ربما لم يكن يعتقد أنها ستؤول بالحوار الي هذا المنحي!!
سأله خالد عن مراقبة أمن الدولة للناس وبالذات النشطاء السياسيين,فرد الدسوقي بمنتهي الثقة:" إحنا عندنا 70 مليون ملف.. بس الموضوع بيختلف حتى العيال الصغيرة لها ملفات"!!
بصراحة ومن غير لف ولا دوران وبم إني مصري ابن مصري يعني اسمي مكتوب عندهم أنا ووالدي والعيال الصغيرة في عيلتنا لها ملف.
اسمي مكتوب...؟
ومنذ اللحظة الأولى التي قرأت فيها هذا الحوار وأنا أتخيل وأسرح في كثير من الأحيان في شكل ملفي في امن الدولة وياترى ملف مكتوب فيه إيه؟
وياترى يا هل ترى اسمي الحركي عندهم من فصيلة تركواز" و"بريق"؟؟ ولا علي وتيرة "الجربوع" و"وابن الهرمة"!!
هل يكون مسمي شيك زي"الرجل اكس" أو"العنصر دبليو"؟!
أنا شخصيا استبعد آن يكون اسمي الحركي في لاظوغلي"حمادة" آو "أبو حميد" أو" ميشو" كما كان يحلو لجدتي أن تناديني صغيرا، عامة لن يشكل الاسم عائقا أو مشكلة بالنسبة لي بقدر ما ستكمن المشكلة في طبيعة المعلومات المتوفرة عني في هذا الملف خصوصا إن الملف يحتوي معلومات عني منذ كنت صغيرا "حتي العيال الصغيرة ليها ملفات عندنا".
يا دي الفضايح ممكن يكون عندهم معلومات عن أدوار "البليّ" التي كنا نقسم خلالها بكل المقدسات كذبا كي نكسب "الدور"؟!
أحلام مش سعيدة
هل سأجلس يوما أمام الباشا الضابط وهو يمسك ملفا ضخما يحوي معلومات بشأني سيتلوها علي مسامعي في بداية التحقيق كي انهار نفسيا واعترف بكل شيء حتي لو كنت معملتش حاجة!! لأسمعه يردد ما يلي:
الاسم احمد محمد...........الدريني، مواليد برج الحوت تهوي القراءة والهروب الي أحضان الطبيعة تحب الألوان السماوية تعشق أفلام الكارتون عندك حساسية من الحداثيين، بتكره شارون وكمان بتكره عمرو موسي عشان كلامه الموزون!!
في 8ديسمبر1997 حلمت انك سافرت "التبت" وقعدت مع الــ"دلاي لاما" ورفضت بينك وبين نفسك ان تحكي الحلم لأي فرد علي وجه الأرض!!
نفسك تتفرج علي فيلم ماتريكس وتسعي _حثيثا_ لامتلاك موبايل من طراز أحدث قليلا من هذه العدة التي أكل عليها الدهر وشرب، فضلا عن بعض الطموحات والتطلعات التي تشي برغبتك الدفينة في الإخلال بالمركب الاجتماعي بما يهدد بإحداث شروخ داخل البنية العامة للمجتمع وممتلكاته بما يمهد لقلب نظام الحكم!!
ملفك فيه إيه؟
ساعتها فقط سأطلب من الضابط المحقق أن استعير هذا الملف مدة ساعتين أطلع عليه بهدوء لأني اسعي منذ زمن للتعرف علي نفسي بصورة أكثر وضوحا وها أنا والحمد لله قد وجدت المصدر المثالي، ولتشنقوني بعدها أيها السادة!!
لكن مادام العمل لديكم يسير علي هذا المستوي أرجو أن تتخذ عملية القبض علي سيادتي اسما لائقا ..مش معقول يبقي المجهود ده كله وعملية القبض عليّ ميبقاش اسمها "ثعلب الصحراء" مثلا أو"ظلال الشبح القرمزي" أنا عايز حاجة تحسسني كده اني مهم فعلا..ده أسامة ابن لادن يا راجل ملفه في السي آي إيه مفيهوش اللي أنت عارفينه عني!!
أنا أقدر جهودكم في هذا الصدد وأشكر إليكم هذا المجهود الرائع الهادف الي عقد مواجهات بيننا نحن أبناء هذا الوطن وبين أنفسنا، وأقدر للغاية هذه المدرسة النفسية التي تتبعونها في مصارحة المريض\المواطن بكل شيء عن نفسه حتي يتسني له مراجعة حياته وتلافي سلبيات كل مرحلة من مراحل حياته..وياله من جهد صدوق بغرض عقد مصالحة مع النفس..دي حتي النفس أمارة بالسوء يا باشا!!
هذا هو كل ما مر بخيالي عن الباشا الكبير وأفكاره ومحتوى الملف، وأنت إيه تخيلك لملفك في أمن الدولة؟
عدد التعليقات : 31
• عاجبني.. وهتضرب!
• فضحية سرية للداخلية
• يا حكومة لا تقرصيني ولا عايز عسل منك
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
كلامك يا درينى ...جامد ونقح ...
عجبنى بصراحة...بس هو فى حاجة كده نفسى اقولها..
بالنسبة لوليد الدسوقى ...هو اى نعم سفاح وابن ستين فى سبعين بس لامؤخزة وليد باشا ده لسة تلميذ فى مدرسة التعذيب الى فى الداخلية واستعجبت جداً لما لقيت الاخوة فى موقعنا الموقر والمواقع الصديقة زى البلوجرز وخلافة بيضخمو منه وكأنه امنا الغولة ولا ابو رجل مسلوخة !
الدسوقى ده لو قناه بواحد زى اسلام عبدالرحمن "اسم حركى لظابط فى جابر ابن حيان " ولا حسام باشا نبيه يطلع جنبيهم ملاك بجناحين ...
وعلى العموم كلهم ولاد ".." يستهلو لامؤخزة "..." وعلى فكرة انا لو وقع فى ايدى واحد منهم "..." ..والله العظيم هـ"..." وبعد ما "..." هعصر عليه لمونة علشان يتعذب ...وبعد كده اسيبه يعيش بقية عمره مذلول وسط الرجاله...
لامؤخزة !!!
مايصحش الالفاظ دى
ايا كانت الاسباب ، انا شايفة انها بتجرح كرامتنا احنا مش هو
من السذاجة ان يتساءل الواحد منا عما إذا كان هذا الوليد الدسوقي "كنموذج لمن على شاكلته" هل هو من الآدميين أي ممن لهم قلب ومشاعر وأحاسيس وعما إذا كانت له اسرة من أم وأب وزوجة واطفال ينافح عنهم ويكره لأي منهم مجرد الأذى النفسي قبل الأذى البدني ..وقد يدفع عمره ليحمي ظفر طفله من الأذى والخطر ولا نقل التعذيب والتغريب والسحل وما شابه ...ومن السذاجة التساؤل عما إذا كان هذا الشخص قد حرر بيدية ملفات لأهله وأطفاله ضمن جهاز أمن دولته بحسبانهم من السبعين مليونا أم أنه استثناهم من ذلك بحكم العادة المصرية الله يقطعها .......ومبلغ الظن أن هؤلاء الأبعاض بلا عقل وذاكرتهم ممسوحة وتم انتزاع مواطن العاطفة والأحاسيس الانسانية من صدورهم فصاروا كائنات وحشية حيوانية لا مهمة لها ولا وظيفة سوى الافتراس وحسب..وهكذا تخلت بارادتها عن آدميتها واكتسبت صفاتها الحيوانية وصار منصق القوة منطقها وشريعة الغاب منهجها والاستقواء على الضعيف مبلغ لذتها .... وهذا هو الخطر المحدق بالمجتمع حيث يعيش بينه بل ويقوم على شئونه كائنات لها تلكم الصفات وهو ما يتطلب جهدا هائلا لإعادة تأهيلهم وغرس الصفات الانسانية فيهم من جديد وخرطهم بالناس وليتعرفوا على مسميات لم تدركها حواسهم الحيوانية من قبيل الرحمة والترحم والتواصل والمشاركة الوجدانية ومشاعر الحزن والفرح الانساني والانخراط بالآدميين واكتساب الملكات الإنسانية والرحمة بالضعيف .. بل وتعريفهم أن هناك إله خالق جبار متفرد بالألوهية لا شريك له في ملكه وأن هؤلاء مهما توحشوا وبطشوا وتملكوا هم عبيد لله مهمتم هي عبادة الله كما أمرهم الله بذلك حيث يقول تعالى" وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ{56} مَا أُرِيدُ مِنْهُم مِّن رِّزْقٍ وَمَا أُرِيدُ أَن يُطْعِمُونِ{57} إِ
اقرأ بقية التعليق ..
ياتري عندهم عني ايه دلوقتي؟؟
مممممممم
بس والله دول اجهل من الجهل ...
و والله ما يعرفوا حاجة يا ابني ....
دول كل واحد بيدور علي مصلحته . فلما بيمشي ويسيب مكانه بياخد معاه كل الشغل والملفات اللي عملها أو يبوظها عشان اللي بعده ميستفدش منه ...
يعني مصلحته هو وبس
فاطمنوا كلكم .... اول ما بتاع أمن الدولة يتغير بيمسح كل الملفات واللي بعده بيبدأ من الصفر ....
وبعدين إنتو ايه اللي يهمكم .... يعملوا اللي يعملوه .....
هما حيخوفونا ..؟؟
عموما ...
لا للتمديد ... لا للتوريث ... نعم لتعديل الدستور المصري
mohamedmat@hotmail.com
يا عمي ملايين ملفات ايه بس دول مصريين و موظفين في الحكومه و أكيد زيهم زي غيرهم مش بتوع شغل ... أنا أعرف ناس اتمسكت و هي مالهاش في حاجه و أعرف ناس تانيه مهمه في تنظيمات متعدده ما حدش بيكلمهم ... دول أكيد كبيرهم عشرة آلاف ملف صحيح و الباقي أكيد بطيخ .
طيب أنتو مصريينوأمن الدولة بيمنعكو ويعذبكو ووووو
طيب أنا الفلسطيني مرفوض أمني ليه من أمن الدولة بتاعكو ( لاظوغلي ) مع إني اعملت عمايل علشان يرفعوا المنع الأمني عني مفيش فايدة
مع إني لم أدخل مصر ولا غير مصر في حياتي
أولكم ليه أنا مرفوض !!!
لأني مناضل فلسطيني واليهود واضعين اسمي على قائمة الممنوعين من السفر بسسب نضالي ومقاتلتي لهم فعندما انسحب الصهاينة من معبر رفح سلموا كشف الممنوعين من السفر لامن الدولة المصري وبالتالي أمن الدولة المصري رافض دخولي لمصر ولا بأي شكل من الأشكال وحتى مش راضي يتناقش في هذا الامر
مرفوض يعني مرفوض
وبتقولوا بس اليهود هم الكلاب
تقولوا ايه في امن الدولة بتاعكو
توقيع المرفوض أمني ( مش عارف ليه)
جامديااحمديادرينى الموضوع عن ولادال.............. ملوش حل وهيا اخرتها ايه فى بلد احنا كلنا فيها محبوسين وللاخ المناضل الفلسطينى نلتمس منك العذر ومتعتبش على اخوانا البعده وربنا يفكها من عنده
حلو يا حمادا جدا,بتعرف تجيب الفكره من بق السبع,بلأضافه الى فكاهيتك المعهوده,والى الأمام دايما ان شاء الله
ايه دا ايه اللي شايفها دا الشمحطجي
بشحمه ولحمه بيعلق لاه وايه "لامواخزه"
لالالا اكيد غلطه مطبعيه , الموضوع "لزيز"
يا باشا وحلو السخريه الللي فيه ليك
مستقبل يا بني مش الامن طبعا.
مين اللي بيقول ان التاريخ لا يعيد نفسه
صلاح نصر رجع تاني يارجاله لكن بشكل عصري
ياترى نهايته ح تكون برضه عصريه
ان غدا لناظره قريب
زعل ...كبييير !
علشان لامؤخزة البنى آدم الى شوه التعليق بتاعى وحزف منه وخلخله..ومن الاساس انا مقلتش حاجة لامؤخزة لا تجرح حد ولا تعوره والى شال الكلمات من التعليق يروح يدور على معانى الكلمات الى شالها هيلاقيها لا تتعارض لا مع اداب عامة ولا آداب القاهرة ...وبتقولو النظام بيقهركو وكاتم على نفسكو !!!
وبفكر بجد انى اقاطع ام الموقع ده...ومش الموقع ده بس ...كل النت !!!
بلا أرف ...عكرتو دمى ع الصبح الله يخرب بيوتكو !
والنظام بتاعنا فعل ولاد "..." ولو وقعو فى إيد واتمكنت منهم ه"..."
على فكرة انا الى مكتبتش زوقياً منى مش خوفاً من حد !!
وبجد بفكر انى اقاطع النت عموماً !
أقول للأخ الفلسطيني الممنوع من الدخول للمحروسة مصر... خليك عندك أحسن انت عارف ح يعملوا فيك ايه هنا... يا راجل دول ممكن يسلموك لإسرائيل تاني
الموضوع متميز يا أستاذ دريني و أنا قريته قبل كده علي jommana
القضية دي هتفضل موجودة طالما سيظل الحاكم موجودا ( بطوارئه ) مش كدة يا sad dawn
تمنياتي لعشرينات بالنجاح في وجود قلم واع بينهم .
تسلم إيدك يا عم أحمد الموضوع جاااااااااااااااااامد جداااااااااااااا
بالذمه حد يصدق ان دول عندهم ملفات وال هباب دى بلد عشوائي ماشي بالبركه والضباط اختييارهم علي اساس غير علمي بالمره صحيح فالحين في الضرب والسحل لكن عقولهم انظف من الطبق البلاستك تفتكروا ان بلد فيه 3االف منطقه عشوائيه ممكن تقدر تعرف اسمائهم ده غير بفضل اتنشار الاميه والتزوير هناك مصريون شهادات ميلادهم مجهوله دول بس عايزين يعملوا عارفيين والامن مستتب
أعتقد أن الإعتصام حق للإنسان فى دولة حرة ولكن مصر دولة تحت الإحتلال ولننظر كيف كان الزعماء فى عصور الإحتلال لمصر يتعاملون مع المحتل والدفاع عن مصر وعن شرعية وجود المحتل على أرض مصر الغالية وهم جميعاً من الحقوقيين مثل مصطفى كامل ومحمد فريد وسعد زغلول وغيرهم كثير. فنظام الحكم الموجود فى مصر ليس نظام شرعياًلأن الرئيس حسنى مبارك لم يأتى للحكم منذ تولى الرئاسة بإنتخاب الشعب كما ينص الدستور وكان وجوده فى الحكم طوال هذه السنوات بالتزوير وما بنى على الباطل فهو باطل. ثانياً كيف للقضاء أن يرتضى لنفسه هذه الوقفة المستجدية فى دولة محتله كان من المفروض المطالبة بتحرير مصر وليس الإنتظار من المحتل أن يعطيهم حقوقهم التى سلبها منهم الذى هو من وجهة نظر القضاء المتهم الأولى على قتل السادات وكل الأدلة تشير إلى أصابعة الخفية فى ذلك وكان لا بد أن يسقط القضاء شرعية الحاكم فى وجوده فى الحكم. وأيضاً لما أصاب مصر من فساد وتدهور وإخلال بكل مؤشرات الحياة من بطالة وتعليم وصحة وقتله للحياة الديمقراطية لكى يضمن سيطرة على الحكم وهذه نفس سياسة المحتل ولكن الحل الوحيد الذى لا بديل عنه هو الثورة على هذا الفساد وخاصة أن الشعب كله مؤيد لكم وملتف حولكم ولكنه ينقصه القيادة وأنتم القيادة الصالحة التى يتمناها المصريين جميعاً فماذا تنتظرون هل تنتظرون أن يقضى عليكم الحاكم كما فعل فى الحياة الحزبية وبذلك تفقدوا حتى أحترام الشعب لكم لا امل الأن إلا بالثورة والشعب كله معكم وفى إنتظار شرارة البداية على أيديكم يا شرفاء مصر لنطهرها من هذا الفساد المتسرطن
بصراحه بصراحه انا معرفش مين البشاوات دول وليد باشا وحسام باشا مين التالت ده نسيت اسمه باشاوصباح الخير يا باشا وصاح سعادتك يا باشا.... يا باشا يا باشا
انا اعتقد ان سعاده فخامه البشوات دول لو اللي فوقيهم قاللهم انزلو الشارع واحضنو الشعب بحب وسلمو عليهم بموده وبوسو ايديهم شعر ودقن هيعملو كده - هم كمان فوق راقابيهم جزمه زي اللي فوق رقابينا هم كمان خايفين علي اكل عيشهم زي ما كلنا خايفين بس هو بعد كده بيتعودو علي كده وبيعملو كده علشان ميتعملش فيهم كده كده ويبقو زينا من غير شغل ولا حتي حبه الكرامه اللي بياخدوها مننا وصدقونو اكيد الواحد منهم مش بيكون فرحان وهو بيعذب حد من اول الباشا الكبير لغايه المخبر البصمجي اللي ميعرفش الفرق بين العولمه وغياب المضمون والمهمزه وغياب التكوين الفردي التوحدي وبطريقه اسهل ميعرفش الفرق بين الالف وكوز الولامؤاخذه الذره
الواحد لاذم يكون "دقيق" برضو
ربنا يتوب علي البشوات من اللي بيعملوه غصب عنهم ويستجيب دعائنا علي اللي بيوزهم
وفي النهايه لا يغير الله ما بقوم حتي يغيرو ما بانفسهم
امن دولة ايه
ازاى يبقى امن دولة وهما مبيشغلوش فيه غير نوعين بس من البشقراسف لحرف الشين هما
غبى ومستغبى وطبعا عارفين الغبىوهو العسكرى الأمى الى مش عارف غير اضرب دول
اعدأ الوطن والمستغبى هو طبعا القادة و
الظباط من اولاد البشوات والبهوات ماهو
مش اى حد بيقبلوه فى الشربة قصدى الشرطة
وعامل غبى ومستغبى فيهاماهوبياخدعلى قلبه قد كدة دا غير يا باشا ويا بيه الونى مش عارف معناه وتلاقيهم هما كمان مش عارفين معناها ايهبالذمة دول يحموا دولة طيب يحموها من مين من الى عايشين فيهاولامن
التانين
قانون الطوارئ هو ابليس مظلوم بني مزار ان لااصدق ان واحد يدخل علي ثلاث افراد في غرفة واحدة او غرفتين او كان شخصين ولو نائمين ان محمد عليمحمد احمد عبد اللطيف يستطيع يقتل عشر فراخ لاني الفراخ تستطيع ان تدافع ياحاكم ياقاضي هل رايت بعينك حسبي الله ونعمى الوكيل هل انت مطمئن للحكم هذاحرام ظلم ظلم ظلم في اماكن كتيرة يارب ارفع الظلم عن المظلومين عجل بة يارب
فيه حد منكم فكر مرة في المعتقلين السبعين بليمان طرة دول يا عيني مرضي ومفيش حد بيفكر يخرجهم رغم تأكيد الداخلية انهم فعلا من تنظيم طلائع الفتح ولكن لم يعد لهم فائدة خاصة بعد عشرتهم لوليد بابو زعبل رجاء تذكرهم قبل موتهم واسألوا باسل بيه عنهم وعن خطورتهم علي عدم تكدير صفو الأمن لمدة قد تتعدي عشرين عام قادمة
انا لا أنكر أنه من افضل الموجودين وفيه خير إلا ان لا احد عاقل بهذا الجهاز يسمع له بخروج هؤلاء المرضي الغير مخاف منهم علي امن الدولة ولا ديوله وبيقولوا انهم بيعالجوا هؤلاء من امراضهم الدينية نصيحة لله اسرعوا في ارسالهم الي بيوتهم فما تفعلون تفريخ لغيرهم وعليكم بالمصالحة لمصلحة النظام بيتعكوا والله والسلام بعد الكلام ابو منه..... معتقل سابق
ملف أى شخص فى أمن الدولة
لاتزيد المعلومات فيه عن المعلومات التى فى شهادة الميلاد
وإلا لماذا قبض على تحرى وأنا لم أفعل شيئا؟
أدعوا الله أن يجعل كلامك صحيح
حتى يعرف من هو الارهابى ومن هو الصالح
عايز اعرف ليه ما يكونش فيه حد عاقل يحافظ علي ماء وجه الجماعات الدينية وهيبة جهاز الأمن ويصلح بينهم اكيد فيه طريقة يعني للحل وعدم ادخال امريكا في اللعبة في مصر ولا مكتوب علينا ينهبنا الغرب علي مدار السنيين كفاية بقي حرام علي الناس اللي بتحت بنزين بين المتديينين والمسئولين اليس منكم رجل رشيد؟
عايز مرة من المرات اسمع فيها عن ارهابي يهودي أو مسيحي هو الإرهاب ده مصنوع للمسلمين بس يا عالم كفاكم تغفيل لنا
ايه ده؟
كلنا ظلمن أمن الدولة سؤال هل صوابعك مثل بعض
جامد يبني التحقيق ده اوي
بجد خلاني اقراه من اول سطر لاخر سطر
وخلاني اضحك اوي من طريقتك الساخرة
بس بعديها عيطت
ربنا مع الشعب المصري و يجعل كلامنا خفيف عليهم يبني
اننا نعيش دولة داخل دولة كدولة الفاتيكان فى ايطاليا ،وغالباماستزول الدولة الفاسدة المتمثلة فى أمن الدولة ووزيرها ورئيسها، ولعن الله هؤلاء المجرمين الفراعنة
استاذ دريني الموزون كلامك جامد قوي بس انا شايف حاجة إن ما حدش يقدر يتكلم فبقينا بنفك عن نفسنا في النت من فترة قريبة كلب من كلاب الداخلية كان بيهزر مع واحد غلبان للاسف باين علية انه غلبان عشان كدة كانوا بيتسلوا عليه ويقوله اضرب انت يا مصطفي لا حول ولا قوة إلا بالله
قوتهم في ظلمهم حاجة تقرف نفرق ايه عن الغرب ما هم عاملين يطلعوا كل حاجة على المسلمين في العراق وجونتنامو واللازى منه وما حدش عارف يعمل حاجة ولو اتكلمت يا حلاوة بيت ارهابي الحمد لله نصر ربنا قريب ربنا يتولانا