هما المصريين.. ما لهم؟
أنا عن نفسي ضبطتني متلبساً بالتشنج وضيق الأفق والخلق مع جريدة" المصري اليوم" حين أرسلت العامود الذي أكتبه في الجريدة ولم ينشر في موعده.
01/06/2006
أحمد فؤاد نجم – المصري اليوم
فعلا ما حدش عاد طايق حد! السلوك العام في الشارع المصري أصبح يتسم بالعصبية وربما بالعدوانية في أغلب الحالات وما حدش مستعد للتسامح مع الآخر مع إننا إحنا أصحاب المثل الساير "حبيبك يبلع لك الزلط وعدوك يتمني لك الغلط".
أنا عن نفسي ضبطتني متلبساً بالتشنج وضيق الأفق والخلق مع جريدة" المصري اليوم" حين أرسلت العامود الذي أكتبه في الجريدة ولم ينشر في موعده.
كان العامود عن صديقي الراحل إبراهيم منصور بمناسبة مرور عام علي رحيله.. ما تعرفش كبرت في دماغي ازاي وقلت في عقل بالي "لا بقي دي الحكاية زادت قوي" وإلا إبراهيم منصور، وعنها توقفت عن الكتابة لـ "المصري اليوم" علي أساس أنها جريدة مشبوهة بدليل أنها واخدة موقف من إبراهيم منصور.
وهب للنبي كرسي في الكلوب وكان يمكن للموقف أن ينتهي هكذا وتوتة توتة فرغت الحدوتة لولا إنني اتصلت مضطرا بـ "المصري اليوم" استغيث بهم من هجوم جحافل الأمن المركزي بقيادة رئيس الحي الجديد وهو في الغالب "جنرال" علي السوق التي قرروا فجأة إزالتها دون سابق إنذار!
وجاءني الرد علي لسان الأستاذ مجدي الجلاد رئيس التحرير الذي وعدني بسرعة إرسال محرر ومصور ثم سألني" :إنت مقاطعنا يا عم أحمد؟"
قلت له: "أيوه".
فقال بمنتهي الدهشة: "ليه يا عم أحمد حد زعلك؟"
قلت له: "إلاّ إبراهيم منصور يا مجدي"
فقال ببراءة" هو ماله؟"
فارتبكت وقلت "دي الذكري الأولي لرحيله وكان لازم إنه يبقي هو موضوع عامودي الأسبوعي، أقوم أبعت العامود في موعده وما ينشرهوش."
فقال:"وليه ما اتصلتش بي يا عم أحمد؟"
فقلت: "أنت الله يكون في عونك وأنا ما حبتش أضايقك.. كفاية عليك اللي أنت فيه."
فقال: "إبعت يا عم أحمد الشغل وأنا اللي ح أراجعه بنفسي."
وأديني بدأت استأنف الكتابة لـ "المصري اليوم" وأول الموضوعات وأهمها في نظري هو موضوع التعذيب في السجون المصرية اللي كان توقف بعد رحيل صلاح نصر وحمزة البسيوني وصفوت الروبي واستقرارهم بشكل نهائي في مزابل التاريخ.
وآخر وقائع التعذيب "العائد بقوة" كانت واقعة تعذيب المواطن محمد الشرقاوي الناشط بحركة كفاية حيث قام الزبانية بهتك عرضه بعد أن حطموا أضلاعه وكسروا عظامه وشوهوا منظره لدرجة أن محاميه إنفجر باكيا حين رآه في مكتب النائب العام.
وهذه الواقعة لن تمر بسلام ولو إقتضي الأمر اللجوء للقضاء الدولي ومنظمات حقوق الإنسان العالمية لأننا الآن نقف علي مشارف نهاية هذا النظام البوليسي الفاشي الفاسد ونحن واثقون من الانتصار النهائي والمجد والخلود لكل المناضلين من أجل العدل والحرية.. والعار والشنار للجلادين الطغاة
واسلمي يا مصر إنني الفدا!
• سنة تانية كفاية!
• يظهر هلال رمضان.. تكوي البنات الطرح!
• باب الدراسة.. العودة!
• إهانة أمريكية!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
خبر صغير فى شريط أنباء قناة الجزيرة ..(رئيسة تشيلى تقيل رئيس الشرطة للتعامل بخشونة مع مظاهرة طلابية)..هذا الخبر..شعرت منه بالحسرة والأسف على ما يتعرض له الشرفاء فى مصر..هذا الخبر جسد أُكثر وأكثر مدى رخص قيمة الأنسان المصرى لدى الكلب الحقير ايا كان من يأمر بالمعاملة المهينة اللاآدمية للمتظاهرين فى مصر..ظنا منهم بذلك أنهم سيسكتوا صوت الحق..وغباء منهم الا يدركوا أن المزيد من الضغط سيولد حتما الأنفجار..وجلالة الأمبرا طوووووووووور الأوحد سعيد ومسرور بالقمع والانتهاك الذى يمارس للحريات والأعراض والقانون طالما ذلك يعزز بقاءه على الكرسى ..(الذى سيكون باذن الله كرسى كهربائى يصعقه هو وعصابة اللصوص التى تحميه)..ان الضغوط التى تمارس من قبل هؤلاء السفلة يوميا على الشعب كفيلة بالحزن والبؤس الذى أصبح حال الناس فى مصر ..وكفيلة أيضا بانفجار البركان والثورة على الظلم لامحالة فى هذا ..حيث يوضع هؤلاء السفلة مكانهم الحقيقى ..فى مذبلة التارخ الأسود..أنتم أحقر الكلمات فى قواميس كل لغات الدنيا..لالالالالالالالالالالا لمبارك وسلالتة...لالالالالالالالالالالا للفساد..لالالالالالالالالالالالا لقانون الطوارىء.. ونعم..نعم..نعم..لتعديل الدستور المصرى..أنتم أحقر الكلمات فى قواميس كل لغات الدنيا..ربنا يخلصنا منكم ونلاقى داهيه ترضى تاخدكم..قولواآآآآآآآآآآآآآآمين
يا عم نجم بقه هو عشان عمود صغنطوط متنشرش تبهدلنا كده
الواحد بيفرح لما اي حد من الزمن الجميل يكتب كلمه حلوة وكلمه خير لهذا البلد
حقك علينا يا عم نجم نحن معجبينك وماتزعلش وخلاص 000 خلاص
اماالبنت (المصريه ) فانا اتحصرت لما شوفت الخبر بتاع الجزيرة والله وكنت هاعيط من الخجل علي اللي اتعمل في الشرقاوي بس ده معروف عن الزبانيه وديول النظام المصري بس انا باقولهم ان دولت الباطل ساعه (والساعه قربت جدا والله) ودوله الحق الي قيام الساعه
كل كدمه في حسد الشرقاوي هى وسام علي صدرة وكل واحد زيه كمان كده
انا اسف على العنوان ومحدش يستغرب انا كاتب ليه العنوان ده لو حضراتكم تفتكروا لما اسرائيل الله يحرقها قررت الانسحاب من قطاع غزة وفك المستوطنات وترحيل المستوطنين على الله يولعوا كلهم المهم وهى بترحل المستوطنين الله يجرقهم تانى عملوا مظاهرات واحتجاجات عنيفة جدا واستخدموا فيها كل شيئ علشان ميطلعوش من البيوت لدرجة انهم كانوا بيضربوا الجنود الاسرائيليين الله يحرقهم بأى شيئ وكل شيئ لدرجة انهم كانوا واقفين فوق المنازل وبيرموا عليهم القاذورات واقسم بالله لما شفت المنظر ده قلت اه لو اللى بيحصل ده كان عندنا كان السحل والضرب فى المليان هو الحل الوحيد ولكن لم ارى ولا جندى يتعرض لاى مستوطن بل بالعكس كان ياخد الامور ببساظة لدرجة انهم جابوا سلالم وطلعوا عليها علشان ينزلوهم كانوا يضربوهم ويدفعوهم ويوقعوا الجنود وكانت جميع الاصابات من الجنود ومفيش ولا اصابة بين المستوطنين الله يخرب بيت ابوهم والله زعلت علينا جدا جدا احنا الشعب المصرى لاننا بصراحة نستاهل معاملة احسن من كده لكن للاسف مش محصلين حتى ربع معاملة الجنود الاسرائيليين الله يحرقهم للمتوطنين الله ياخدهم علشان كده نسيت نفسى وقلت احنا اللى نستاهل اللى بيتعمل فينا وكتبت العنوان اللى فوق ومحدش يزعل منى لما قلت اسرائيل الله يحرقها ام الدنيا
تعذيب ايه اللي انتهي بعد الغير مرحومين هما وأمثالهم صلاح كلب وحمزه أخوة ياسيدي ده منهج يدرس لكل ضابط شرطة مصري الا من رحم ربي وبعدين يا عم احنا المصريين خلاص جسمنا نحس وايه يعني لما تاخد علقة ولا 10ولا100ياعم كلنا لها
ملعون ابو الى يزعلك يا عم نجم يلى علمت
الشباب ازاى يفضل القلب شباب حكم هيا مش بالسن واللهى لما شوفتك فى المظاهرات زعلت من نفسى اننا مش عارف اشارك وانا شاب
وانت بتشارك رغم سنك ربنا يبارك فى امثالك وياخذ الى بالى بالك ويا عم نجم متزعلش علشان احنا بنزعل على شانك
لا...........للفساد
لا...........للتوريث
لا...........للأستعباط
هو ده الكلام، لأن الإنسان في إسرائيل بيعامل كبشر وحق ياخده من عين رئيس الوزراة اللي عندهم أهم شخصية في البلد. بس في إسرائيل؟ لا ياسادة في كل دول العالم هما معفيين من شروط الفيزا والإقامة وفي بعضها أو كثير منها العمل، بما فيها دول الخليج الوقتي.
وع الكبيرة والصغيرة تلاقي السفير أو القنصل واقف مع اللي له مشكله منهم، ويجيب له حقه من عين العنقاء.
علشان كده عمرنا ماحنقدر نخترقهم ونزرع عملاء لينا وسطهم ولو فعلنا العجايب. حيلاقوا عندنا إيه غير البهدلة وقلة القيمة!
فهمت ياحسني يا كروديه بنكره صنف أهلك ليه، بغض النظر عن إنك كلب وعميل وجبان وخاين زي الخنزير سلفك!
مطلوب وطن نعيش فيه شرفاء
مطلوب وطن بدون حكام اغبياء
في الذكري السنوية المريرة لنكسه 67 والتي ضاعت فيها احلامها وتكسر علي صخرتها مستقبلنا ... نفس المأساة تتكرر حكام أغبياء ... تعذيب وسجون .... اعتقالات ... كبت حريات .... حد شاف اللواء محمد عبد الفتاح مساعد وزير الداخلية السابق وعضو مجلس الشعب الحالي علي قناة دريم وهو بيقول دي بلدنا واللي مش عاجبه يمشي ... عنجهية المتخلف دي هي اللي جابت النكسة في 67 وعنجهية المتخلف الحالية هى اللي ح تصحح المسار القادم
وياحرية فينك فينك كلاب السلطة بينا وبينك
أرسل هذا التعليق بواسطة : ابو شريف
مطلوب وطن نعيش فيه شرفاء
مطلوب وطن بدون حكام اغبياء
في الذكري السنوية المريرة لنكسه 67 والتي ضاعت فيها احلامها وتكسر علي صخرتها مستقبلنا ... نفس المأساة تتكرر حكام أغبياء ... تعذيب وسجون .... اعتقالات ... كبت حريات .... حد شاف اللواء محمد عبد الفتاح مساعد وزير الداخلية السابق وعضو مجلس الشعب الحالي علي قناة المحور مع وائل الإبراشي المهدد بالسجن وهو بيقول دي بلدنا واللي مش عاجبه يمشي ... عنجهية المتخلف دي هي اللي جابت النكسة في 67 وعنجهية المتخلف الحالية هى اللي ح تصحح المسار القادم
وياحرية فينك فينك كلاب السلطة بينا وبينك
بصراحة انا طهقت من البلد بنت الوسخة ديه
نفسي اشوف يوم عدل فيها , نفسي احس اني لسه عايش
نفسي اشوف كل الشباب التعبان والعاطل شغال وفاتحين بيوت زي كل شباب العالم
نفسي يعدي الشهر بدون اما اغلب الاسر بتستلف علشان تاكل
نفسي في رئيس ديموقراطي يسمع انتقادات المعارضة بدون زعل وتكسير للعظام والتحرش بالصحفيات,وضرب المتظاهرين,واعتقالهم
انا بحسد ديموقراطية اسرائيل
علي الاقل رئيس الدولة مظبط شعبه صح
لذلك
طظ فيك يا مبارك,طظ تانية ليك يا حرامي
يا سارق البلد ,يا مجوع الشعب,يا مسرطن الفقراء بغذائك الملوث
لو لم اكن مصريا لودت ان اكون اسرائيليا
عن جمال مبارك
هو الكلب بن الكلب والكلب جده ولا خير في كلب مولود من كلب.
لا أتمنى أبدأ أن يذهب حسني في هدوء وأتمنى من كل قلبي نهاية مثل نهاية تشاوسيسكو (رومانيا) عندما سحله الشعب وممطوة وبالفيديو قبل أن يطلقو عليه الرصاص هو والسيدة الأولى.
نفسي أشوف يوم تشاوسيسكو مصر
ياه يا حسني دا شارون جنبك ملاك
ياه يا حسني كام جعان عريان وراك
طب دالسادات اللى ظلم فينا وخان
وعم ناصر اللي خرم كل البيبان
وعم عامر اللي اللي حارب عالوراك
كلهم ماييجو نقطة من نجاسة جتتك
كل المجازر ما تساوي شوفة سحنتك
كل واحد منهم كان مفتري وانت كمان
الكل بايع في حيطان بلدنا ويشتري وانت كمان
لكن أقول الحق
ماحد فيهم كان خسيس زيك جبان
ماحد فيهم خلى مصر القاهرة
كدة تنقهر وأقل من فيجي وقطر
وأصغر من سيلان أو جزر القمر
والكلمة منها ماتمشى حتى عالغجر
مش الأمريكان.