عايز أبقى روش طحن..!
اضرب شعرك جيل زى تامر حسنى .. وانا ح اعمل سبايك زى بتاع عمرو دياب .. وجزمة كعب كباية .. وحتة سلسلة
04/06/2006
من مدونة- الفارس الاخير
بص بقى احنا لازم نعيش حياتنا ... آه زى الشباب بتاع امريكا كده .. وزى الفيلم اللى شفناه امبارح .. شفت الواد كان معلق كام مزة ... والا العربية اللى راكبها .. والا الموبايل اللى ماسكه ... دى الناس اللى عايشة يامان
طب ح نعمل ايه ؟
اضرب شعرك جيل زى تامر حسنى .. وانا ح اعمل سبايك زى بتاع عمرو دياب .. وجزمة كعب كباية .. وحتة سلسلة
جنزير محترمة .. وانسيال جلد
واشمعنى يعنى جلد ما تخليه دهب زى السلسلة ؟
افهم يا حمار دى موضة .. خليك روش وحديث ومتفتح كده ع العالم الخارجى .. انسيال جلد زى اللى لابسه ريكى مارتن فى الاغنية .. ركز بقى معايا .. بقولك ايه .. ولع الدبوس التانى خلينا نعرف نتكتك
ماشى
بيس يا مان ؟
بيس يا مان .. بس مش الحاجات دى محتاجة فلوس برضه .. والا انا بيتهيأ لى
سهلة يا مان .. مافيش اسهل من سرقة الموبايلات اليومين دول .. واهى الناس ماشية تايهة.. واى حد سهل تغفله
آه فكرة
بعد بقى ما نظبط المسائل .. ننزل بقى نتدنجل .. ونعلق مزز .. او نروش فى اى صالة ديسكو .. ونعيش يا معلم
ميه ميه ياريس .. بس انا برضه اتكسف امشى فى الشارع وانا عامل فى نفسى الحاجات دى
يا بنى آدم افهم .. انت ح تفضل طول عمرك متاخر كده .. ده اسمه نيو لوك يا مغفل .. وبعدين ما تنساش تبقى تميع وسطك شوية فى البيت مع نفسك على انغام روبى و هيفا ... علشان تبقى شب روش طحن .. هما البنات بيحبوا كده .. اسمع كلامى وسيبك من الواد احمد ده اللى ح ببوظلك دماغك .. صلاة ايه وصيام ايه وتعذيب ايه .. وده حرام وده حلال .. وسوريا وفلسطين والعراق
الا صحيح اليهود بقالهم 54 سنة فى فلسطين ؟
يا عم احنا مالنا اياكش يولعوا ف بعض .. يابا خلينا نعيش حياتنا .. والا انتا عايز تخش المعتقل؟
اخش المعتقل ليه ؟
هو كده .. ح تمشى ف سكة الدين والسياسة .. وتقعد تقولى ده صح وده غلط ... ح تبقى أخرتك فى المعتقل .. ح تبقى روش طحن .. ودماغك انضف م الصينى بعد غسيله .. ح تبقى حبيب الكل يا سافو .. اشرب .. انسى .. ما تفكرش ..ما تحلمش .. ما تحسش .. قضى يومك خليه يعدى .. والعمر كله يعدى
عدد التعليقات : 24
• هاتوا لنا الواد ده !!
• هاني يحاور أبوه : علام قريب من المشنقة!!
• الفرق المصرية.. كله تمام!
• خصخصة مساجد الجمهورية!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
قديمة اوي الافكار دي
من الاخر تدوينة فكسانة (مصطلح روش) رغم اني متفق مع المضمون
ههههههههه
ومش بس الاغانى بقت هابطة حتى كلامنا بقى هابط
بس هنعمل اية اهوة تغير برضة
وعجبنى تعليق زيزى
على رئى اللى قال ( عشمنى بالمنفاخ وكوتش عربيتى مهوى)
essam_ahmed_844@hotmail.com
ياريت كل واحد و واحدة يفكروا فى ربنا الاول
er7amoona ba2a ento a3deen betzazo lelsob7, kfaya zaz, elgaw ba2a motalawes bel2afkar elzazaweya
مش معنى إن الشاب بيظظي يبقى شاب مش روش
و على فكره واضح جداً ان زيزي و كمونه دول بنات معقده و مش بعيد يكونوا لسه ما لقوش حد يصاحبهم ولا يقولهم كلام حب بالانجليزي من اللي بيجيبوه من البحث في جوجل
يا معقدين
روشنة إية بس يا جماعة....وطحن كمان...هو إحنا عرفيين ناكل لما هنطحن..دا يدوب الواحد راكب عربية أوبل وساكن فى المهندسين...مش عارف الناس دى معاها فلوس إزاى..حد معاة فلوس يسلفنى...
انا شايفة ان تعليق الهايفة زى اسمها... يا شيخة هتقابلى ربنا بالبوى فريند بتاعك مش مكسوفة؟
الهايفة فعلاً هايفة
جتك نيلة
يا حمارة يا ظاظوية إتقي الله
ممكن يا نورا تبقي تنضمي لكمونه و زيزي
هاتعملوا ثلاثي ماحصلش
واللي عاوز يظظي يظظي زي ماهو عاوز
هو احنا ورانا ايه
( لَقَدْ كَانَ لَكُمْ فِي رَسُولِ اللَّهِ أُسْوَةٌ
حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً {21})سورة الأحزاب
يعني اييه ظظي دي يا جماعه عشان بجد مش قادر أفهم الكلمه دي .... هي الكلمه دي عربي ..
اييه يا هايفه الفرحه اللي انتي فيها بسبب صحابك اللي بيقولك كلام حب .. تك خيبه يا هايفه انا بصراحه مش هاتكلم عن موضوع الصحوبيه ده دلوقتي لأن انا ممكن اكتب في نقضه مراجع . خصوصا إنه شغل بالي فتره و فكرت فيه كتير . بس للأسف مش فاضي
بص يا باشا
ظظ يظظي فهو ظظاوي و المصدر منها ظظ برده
كلمة عاميه جديدة من إختراع بعض الشباب الروشين طحن و معناها هو ظرط أو فسى و هي نفس الكلمة اللي كان الجيل اللي قبلينا بيستخدمها عند شم رائحة من ايهاها أو سماع صوت من نفس النوعية بس دي فيها إبداع
و ممكن نستخدم ظظ كإسم فعل كمان
مثال : هذا ظظ فلان
أي أن فلان عمل حاجه و هي دي نتيجتها اللي كانت وحشه جداًً علشان كده بنقول عليها ظظ
و في النهاية أشكر الكاتب و بالذات أشكر الأخت (ظيظي) اللي أضافت هذه الرائحه للموضوع و كذلك الأخت الهايفة اللي أكدت نظريتي بهيافة تفكير البنات في البلد دي.
و انا هابتدي أفكر أعمل بحث على كلام الحب في جوجل عملاً بإقتراح الأخت الهايفة جداً.
عليه العوض فيكي يابلد
يا شباب ياللي المفروض انكم رجالة بس للاسف العكس صحيح ياللي عايز تضرب انسيال وجنزير دة انتم ربنا هيولع فيكم بدل من كدة فكرو فى ربنا سبحانة وتعالى بدلا المسخرة دة ههههههههههههه وقال محسوبين علينا رجالة وربنا انا لو شفت واحد عامل فى نفسة كدة لاضربة على قفاة
لية كدة يا رجالة الله يرحم الرجالة كلمة الرجولة متبرية من امثلكم يا هيمس انتا وهو وكل من يفكر بهذة الطريقة alby_alak_no_love@hotmail.com
eh ya hayfa, ezzay fee bent te2dar to3od ma3a shab beyzazee, ela law 3andaha zokam, takhayalee ye2oom dareblo zaza keda fataka tewadena fee seteen dahya, ana mesh mestaghneya 3an 3omree, we khaleekee entee fee elshabab eli beyzazo, shaklek entee kaman me2adeyaha zaz lelsob7
ايوة من الواضح ان الناس في المكنه دي انقسموا الي 2
الاول هو شباب روش زيادة عن اللزوم ة طبعا مش عاجبه الناس المؤدبه
و التاني ناس مؤدبه زيادة عن اللزوم او لابسين اخضر و عاملين فيها شيوخ و انا عارف الي فيها
متهيالي الموضوع محتاج توازن يعني من دة علي دة ولا تعقيد ولا روشنه زيادة
علي العموم انا حدي هديه مطوه لكل مواطن و قطعوا بعض بقي بلا وكسه
اصل الحقيقة المذهلة
ان الجميع في السلسلة
فوق الرقاب يامعلمين
احبال قطيفة مدلدلة
على فكرة تهميش الشباب بالشكل ده هو مقصود من بعض الجهات . يا شباب متعة الحياة ليست فى سلسلة وروشنة زى ما بتقولوا . اعمل لنفسك شخصية فريدة ومتميزة والا فانت لا تستحق الحياة التى خلقت من اجلها ( وما خلقت الجن والانس الا ليعبدون ) عجبى
انتاسعات تكون ماشى فى الشارع وتلاقى حبة شباب روش تقول يااااة نفسى ابئا واحد منهم وممكن يكون واحد منهميكون من عائلة فقيرة ويكون بيبيع مش وجبنة قريش على الترعة بتاعت بلدهم الشباب الكويس الجميل الزى يكون طيب القلب عندما يرا فتاة فى الشارع لا ..... انتو فاهمين تزكر اختك لو انتا عرفت ان واحد من اصحابك يعاكس اختك او يجامعها مازا تفعل اكتفى بهزا والى القاء ......؟
السلام عليكم اما بعدانتم جميعا زعللين لما يقولون على الرسول صلى اللة علية وسلم .انتا ماشى فى الشارع وواحد جى يهينك راح جاء شخص ضخم الجسة ودافع عنك مازا يفعلون سيهربون ويفرون خوفا صحيح اما ان رسول اللة عز جلا لة يحمى رسول اللة واللة ان كل شخص من الزى هان الرسول ورب العزة سيدمرويقول ياليتنى كنت تربا لو فى اقل من التراب لكنت قولت وبعض صحابى يقولون هل رايت ما حصل للفتى الزى تعزب فى القبر بعد 3 ساعات انهو ليس عزاب العزاب قادم الا ما رحمة ربى ان ما حصل لهو من ضمة الارض لان البشر جميعا جزا من الارض ما معنى الضمة كنما شخص رفع جبل احد ووقعو عليك اكتفى بهزا ولا القاء .......؟
ماشي يا شباب انا بس عايز افهمكم معني الروشنه الروشنه مش انك تلبس وتتشيك وتمسك احدث المبيلات ويكون ده اهتمامك بس لا عيش برحتك بس خلي ربنا دائما ادام عينك واجمع ما بين الروشنه وفي نفس الوقت الطاعه واهتمامك بامور الدنيا وامور المسلمين hossazazz@hotmail.com
بلا روشنة بلا نيلة اتقوا الله دة انتو هتشوا فى نار جهنم
انا بحب وعاوز اقولها كلام ومش عارف ممكن حد يساعدني
انا اساعدك
هقولك تعمل ايةاول حاجةتلمحلهاتانى حاجة حاول تلفت نظرها حاول تخليها تاخد بالها منك يمكن تحس بيك وبشعورك نحيتهاوانت لو جدع تروح تقولها خلى عندك شجاعة
بدون عنوان و من غير تعليق لانه مفيش شئ نعلق عليه كل دي تفاهات و خزعبلات كل واحد يشد في نفسه و هو حر فيها و موضة اخر زمان حتى و ان كنت تمزح بس كلامك ما عجبني الصراحة و الدين لا تحكي عنه مثل هيك يا مغفل لانه كتاب مقدس والمرة الجاية اون كلامك قبل ما تحكي اي شئ و سلام
وليد من الجزائر ان شاء الله ما تكون كرهتو زعلت مني
الله معكم
على النعمه من نعمه ربى انتوا عيال هبله