حريف معاكسات!!
شباب مرمي على النواصي مش لاقي حاجه يعملها غير إنه يعاكس
06/06/2006
محمد قرنه-ولاد البلد:
عزيزي الشاب، جربت تعاكس بنت قبل كدا ؟
أكيد مش حأقول عزيزتي الفتاة هل اتعاكستي قبل كده؟ لأن مفيش واحدة في مصر متعاكستش !
عامة .. خلونا نبعد عن البنات شوية ونشوف الشباب المقهور لما يحب يعاكس بيقول إيه ؟ وبيعمل إيه ؟!
تهريج .. بتباتة !
شعب مصر شعب حميمي بطبعه، بيحب الألفة والانسجام والضحك، لدرجة إن في أحيان كتير بتتحول عنده المعاكسة لمجرد نكتة ..
طبعا طرق المعاكسة ومستوياتها كتيرة .. منها المعاكسة التبتة اللي بيفضل الواحد لازق زى الدبان بعد المطر بالظبط ! ودا إما لجمال البنية الباهر – في نظر الدبان طبعاـ أو لأنه حاسس إنه حيطلع من اللزقة دي بفايده !
وفيه معاكسة التهريج، شباب مرمي على النواصي مش لاقي حاجه يعملها غير إنه يعاكس ويهرج على الماشيين ، والمعاكسة هنا بتبقى تهريج في الأول وفي الآخر، حاجه لتضييع الوقت، وأهوه .. يمكن تطلع بفايدة برضه .. بس الأهم .. التهريج ..
مثلا تلاقي بنتين ماشيين ووراهم تلات ولاد، واحد بس اللي بيتكلم من الولاد ومركز مع واحدة ( تتجوزيني والعصمة تبقى في إيدك ؟؟ ... تتجوزيني وأغسلك الصحون؟؟ .. طب تتجوزيني وأرضع العيال ؟!! ) وتلاقي التلاتة ماتوا على نفسهم من الضحك .. طبعا هو لا حيتجوزها ولا حيرضع العيال ولا حيشوف خلقتها بعد كدا .. بس بيضيع وقت وبيسلي نفسه ..
أو برضه تلاقي بنتين ماشيين وواحد بيكلم صاحبه ( أحلى واحدة فيهم اللي لابسه جزمة سودا ) .. ويا ويلهم لو لمحوهم بيبصوا على جزم بعض !! يأخذوهم تريأة للصبح!
مامتك نحلة ؟
وفيه معاكسات مفتكسة، مثلا الشاب من دول يرمى كلمة يحاول يشد انتباه البنت، زى واحدة ماشي في حالها لا بيها ولا عليها تلاقي واحد متعرفوش بيبصلها وفجأة يقف قدامها ويقولها ( لازم ماما كانت نحلة !! ) طبعا البنت حتفكر ( هو بيجيب سيرة الأم إبن الــ .. )
أو مش حتفهم عاوز ايه .. فحترد بنعم .. أو أفندم ..أو بتقول إيه يا جدع إنت ... هنا الواد ينط ويقولها بسرعة ( عشان تجيب العسل دا كله !! ) وهو شطارته بقى بعد كدا..
بس مش دايما الشطارة بتنفع .. واحد جرب الموضوع دا وقال أول جملة .. راحت البنت بصاله بمنتهى الثقة وقالته له ( إشمعنى ؟ ) بعد ما خلص جملته راحت قايلاله ( تصدق .. وإنت لازم ماما كانت فرخة .. عشان تجيب البيض دا كله !! ) طبعا صاحبنا قعد تلات أسابيع بعدها في البيت .. لحد ما يفقس !
والمعاكسات برضه مقامات يعني معاكسة الماشيين غير معاكسة الواقفين، وأصحاب العربيات لهم طرقهم الخاصة تلاقي واحد بعربية واقف قدام واحدة وهات يا كلاكس وعمّا ل يشاور على تحت وعامل مجنون في العربية .. وبعدين يرجع مارشدير وهو باصص للبنت وبيقولها وهو مخضوض ( النمرة .. النمرة !! )..
طبعا البنت شافت نمرته وهو بيرجع أو مشافتهاش بس فهمت إنها نمرة العربية من إشارته لتحت فحتقوله مالها ؟ .. هنا بقى تلاقي وش جديد تماما بيقولها ( مبتجمعش ! ... متديهالي تاني ؟! )
صوت حريمي .. اقفش !
ومع عن المعاكسة في التليفون قدمت قوي إلا إنها لسه شغالة لحد دلوقتي ولان الدنيا اتطورت والتكنولوجيا دخلت البيوت وفي ظل نظام إظهار الرقم ظهرت خدمات المعاكسات من تليفونات ميناتل والنيل ورينجو، يعني الشاب من دول يشتري كارت بخمسة أو بعشرة وهاتك يا نمر وهو ونصيبه وأول ما يرد عليه صوت حريمي يقفش فيه .. كدا على طول من غير ما يعرف مين دي ولا سنها وشكل اللي جابتها عامل إزاى ( مش بأقولكوا شعب حميمي .. وشرقان كمان !! )
وطبعا كل عشرتلاف مكالمة ممكن واحدة تكمل معاه عشر دقايق على الخط،، وفي الأغلب حتبقى واحدة عندها 60 سنة فاضية هى كمان وبتشوف العيال المجانين دول بيعملوا إيه قبل ما تقفل !
وفيه معاكسة التليفونات المقصودة .. ودي عادة في المدارس .. واحد خد موبايل واحدة معاه في الفصل ميعرفهاش من واحد صاحبه وقعد يزاولها من أى كابينة تليفون .. أو يكون شافها مرة مع حد من صحابه وياخد تليفونها ويبتدي يظبط هو .. المهم .. التليفونات أثبتت إنها كانت ولازالت وسيلة مهمة للمعاكسة !
من حقهم برضه !
قلت في أول الموضوع خلونا نبعد عن البنات شوية ، بس مش معنى كدا إننا ننساهم ..لأنهم لب الموضوع يعني لو مفيش بنات الشباب هيعاكس مين؟
وفي ظل حكومة بابا حسني الرشيدة وتوجيهات ماما سوزان القوية بتمكين المرأة كان من ضمن الحاجات اللي تمكنت منها المعاكسة طبعا لازم المرأة تساوي الرجل في كل حاجة حتى المعاكسة ..!
والجديد دلوقتي إنك تلاقي بنتين – عادة لابسين لبس المدارس الأبيض في كحلي – ماشيين ورا واد وبيعاكسوه، والأجدد بقى إنك تلاقي الولد خايف منهم وبيبعد – هما عادة بتبقى أشكالهم تخوف ! – وهما ماشيين وراه وبيقولوا ( القطة خايفة ولا إيه ؟! ) ..
بس مش معنى كدا إن كل البنات اللي بيعاكسوا وحشين .. في بنات زى القمر وخبيرة معاكسة .. يمكن من كتر ما سمعوا ! بس الموضوع بقى بالنسبالهم وسيلة تهريج .. just having fun) )
وبمناسبة أخينا اللي كان طالع يجري فوق دا .. في ولاد كل مشكلتهم إنهم مبيعرفوش يعاكسوا ! وخصوصا لو كان صحابه خبراء في الموضوع دا .. ويا سلام بقى لو حصل تجاوب بين صاحبه والبنت اللي بيعاكسها ! حتلاقيه واقف بيضرب نفسه 100 جزمة !
عامة .. وعلى رأى على بيه الدخاخني بعد أن شعشع الدخان في نافوخه ( متقلقوش يا رجاله .. البنات دلوقتي هى اللي بتعاكسنا .. كلها شوية وإحنا اللي حنبقى بنتشقط !! )...
عدد التعليقات : 25
• عملاق الرواية.. فوق المدفع
• أول قرية مصرية.. على الإنترنت!!
• عندما يتحول لاعب إلى .. افيهات!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
الموضوع حيوي جدا وكان ممكن يتم تناوله باسلوب شيك وكويس
مش عارف ايه التناول ده وبعدين الواحد لما يكتب يراعي انه مش بيكتب لصاحبه بس ده بيكتب لكل اللي داخلين يقرو
شرقان ايه بس الله يهديك
موضوع لطيف يا قرنة، ومن الموضوعات اللى مش ممكن تتعمل الا في ولاد البلد، ياريت جمعت بين العامية والفصحى اكتر، بالمناسبة لما ان اسمك قرنة، ودي اسمك قرية في الاقصر على ما اعتقد، ما تعمل لنا حاجة عن الناس اللى اسمائهم بتعمل ردود فعل مختلفة؟
بدايه موفقه لها النوع من المواضيع .. تستحق الشكر على شرف المحاوله ... numb
انا باقترح نعمل مقال عن أشهر مواقع المعاكسه في مصر وو احد تاني عن اشهر أماكن المتشددين و الجماعات الأصوليه و هكدا ... عشان كل واحد مايتعبش على ما يلاقي اللي عايزه......
بالتأكيد اقتراح فاشل
so nice
كويس انك تلاقي مواضيع واقعيةوبتناقش مشاكل الشباب و...و...و...وتحيا مصر والكلام الجميل اياه. لكن في مشكلتين 1) ان الكاتب يبقي مالوش هويه من الاخر تحس ان دماغه فاضيه (مابيضفش حاجه) عامل زى واحد شاف موقف فى الشارع وبيحكهولك . 2)الالفاظ اياها دي لابتضيف للموضوع ولا للقارىء ومتعودناش نقراها فى عشرينات
اعتقد ان في هذاالعصرالمباركي لا يمكن لشاب ان يفعل اي شىء غير معاكسة البنات وشرب المخدرات لان ساعدته مش فاضي غير لجني الملايين
المره دى انا اللى هسبقك يا هبهوب ة اقول
يبقى انت اكيد اكيييييييييييييييييد ف مصر
لا انا نسيت انى زعلانه منك
لو عايزه تعرفى ليه اقراى الايميل اللى بعتهوللك
محبيتش خالص الطريقة اللي اتكتب بيها الموضوع.. ألفاظ مبتذلة جدا
وكمان مش فاهمة ايه الفايدة في انك تحكيلنا على طرق المعاكسة.. اللي هي أصلا قديمة موووووووووووت، انت عاوز تعلم الشباب أسمج طرق المعاكسة ولا ايه ؟
جت آوت دي يا محمد
الموضوع سيء جدا؛ لأنه لا يعترف بان معاكسة بنات الناس - أخواتنا المسلمات - شيء قبيح، بل و يربطه بالحميمية والألفة المصرية. أيضا استخدام ألفاظ قمة في التدني بدل من ان ينصح من يفعل ذلك بأن يتوب إلى، فإن لم يكن خوفا من، فليكن خوفا على اخته أو أهله
قال رسول الله(ص): "الدين لا ينسى و الديان لا يموت اعمل ما شئت فكما تدين تدان".
معلش يا عم لوردكاش يا فتك
علمنا إنت جديد وظريف المعاكسة
اعتبرنا تلاميذك يا سيدي
ان كنت تحب المعاكسة تزكر ان لك اخت عزراء ممكن ان تصبح من بنات الهوا ان المسلم امر ان يحفظ على كل مسلمة ان رائيت مسلمة عارية فقم بغطاء عورتيها وشكرا جمال
كان مفروض من حضرتك ان تتناول الموضوع بشكل جدي مش تهريج يااستاذ وكن مفروض منك انك تتكلم باللهجة الفصحى لانة ربع الكلام غير مفهوم اوكي تكلم بالعامية شوية وبالفصحي شوي .. شكرا .. انا انصح الشباب الفاضي انة يبعد عن معاكسات البنات لاني انا بعتبر الشاب اللي بيعاكس فاشل فاشل فاششششل
ياريت ياسيد يامحترم
تختار الالفاظ لان للألفاظ دور مهم جدا في الكتابة حيت ان مقالاتك تقرأها البنات و الشباب و ياريت تتحلى بالالفاظ السليمة و تتخلي عن الالفاظ البزيئة
و آسف اقولك انك بيض
محمد حسن غنيم
وبعدين هنعمل اية من غير ما يكون فية بنات نعكسها
هنعاكس بعض يعنى
essam_ahmed_844@hotmail.com
المعاكسة تصرف غير حضاري خالص و معظم الشباب بيفتكروا ان دمهم بيبقى خفيف بيها لكن ميعرفوش نظره الناس ليها بيكون ايه....
بتكون كانها اعلان عن شاب مكبوت مش شيك و لا بيتصرف بزوق مع البنات ...
كوني مصرية مش عايشه في مصر بشوف الصراحة بلاقي اسلوب المصريين في المعاكسة مش ظريف خالص و بيظهرهم بطريقة و بشكل وحش جدا كونهم الجنسية الوحيد تقريبا اللي بتكتر اوي العيار بتاع المعاكسة لاي بنت او سيدة و ممكن الواحد يكون بيشتغل و يسيب شغله و يحدف كلمتين و يكمل كانها واجب
انا و الحمد لله مش محتاج ان انا اعاكس بنات انا عندي البنات علي قفي مين يشيل و كمان اي واحده مهما كانت جميله بتضعف قدامي و لو في اي واحده حاسه انها زي القمر و ان انا اللي هضعف قدامها تكلمني علي الايميل ده
mahmoudezzat1@yahoo.com
و علي فكره يا ريت لو كان في يعني بنت جميله قبل ما تكلمني تشوف صورتي في البروفيل بتاع الايميل و مش تكلمني الا لما تشوف الصوره
و هيه تعرف بقي اذا كانت هتضعف ادام الجمال و لا لاء و ياريت اي حد عايز يشوف صورتي يضيف الايميل عنده و الصوره موجوده في البروفيل
تحياتي ساحر الجنس الناعم
محمود عزت moak
mahmoudezzat1@yahoo.com
باااااااااااااااااااااااااي
بسم الله الرحمن الرحيم
السلام عليكم
اول الحديث اناكريم محمد من الزقازيق
انا والحمد لله عندى بنات كتير صحابى ومنهم اصحابى الاجد ومنهم الى اعرفهم كده عاادى انا بحب اعرفحاجة لكل المدخلين على اولاد البلد انا بحب صحاب انا عاشق الصداقة اقدسها والىعايز يكون صديق ليا
بس يكون من الجنس اللطيف ده اميلى كلمونى عليه
mr.kareem mohamed
kemolovemer@yahoo.com
krem_2010_5k@hotmail.com
www.krem.com
o.k
bay
_بااااااااkemoااااااااااى
كلمونى انا مستنيكو
باى
مع تحيات كريم محمد kemo
يالي انتي جرحتي قلبي و عنيه بكيتيها و نسيتي الحب كله و شموعنا طافيتيها هاقولك كلمه واحده و عايزك تفهميها
يالي انتي جرجتي قلبي و عنيه بكيتيها و نسيتي الحب كله و شموعنا طافيتيها هاقولك كلمه واحده وعايزك تفهميها طظ فيكي طظ فيكي مش هفكر تاني فاكي ...طظ فيكي ... و لو عرفتي حد غيري طظ فيه و طظ فيكي ,,,طظ... طظ فيكي و في اللي سابك تجرحي قلبي في شبابي من انتي معملتيش حسابي و الزمان بكره يوريكي اه اه ,,,,, طظ فيكي طظ فيكي ,,,,
تحياتي
محمود عزت
ma7moudezzat@yahoo.com
mahmoudezzat1@yahoo.com
mahmoud_medo_190@hotmail.com
بااااااااااااااااااااااااااااااااااي
حلو كلامك و واضح ان خطك حلو برضه و دمك خفيف فيه تلقائية
شاركنا الرؤى الجادة على موقعى -الفيلسوف-
HTTP://MASRAWY01.BLOGSPOT.COM/
و طبعا البنات على الايميل:
HOTBIRD1973@YAHOO.COM
رغبه واحتياج وربمااستهواء للتعبير عن انبهار الشاب بمقومات الفتاه هذا عن المعاكسه العينيه اما معاكسه التكنولوجيا ووسائل الاتصال فنها تعتبر مثلها ولكن لها ابعاد سيكلوجيه اخرى فمن الممكن ان ترى زوجه محرومه تستمتع مع شاب عن طريق التليفون او فتاه مضطهده تلبى احتياجاتها فى استخفاء عن طريق الاتصال وفى النهايه كلها مساله عقيده واعتتقاء وعادات وتقاليد تحكم كل شخص فى افعاله