فوق سطوح الوطن
الغبي أبو قلم ودفتر، والأغبياء اللي وراه
قطع الإيد اللي تتمد علي طوبة من جدار في حجرة سطوح عم أحمد، اللي بيطل منها علي ولادك يا مصر، بيقوم من النوم يبص من فوق، يطمن، ناموا،, وبنصف بعين مفتوحة يعسل، حارس حويط، خايف علي الغنم من مكر الذئاب، أول مالشمس ما تطلع تصبح عليه، يطس وشه بحفان ميه،, وينده علي زينب، المدرسة يازينب، ملناش في مصر إلا كرسي وتختة،, والعلم نورن ونورت يابو زينب.
حصلت، عاوزين يطفوا النور،, واطفي النور يابهية إحنا شلة حرامية، كسر رجل اللي يطلع فوق سطوح الوطن وتكون نيته وحشة،, وقلبه أسود، ما يطلع سلِّمك ياعم أحمد إلا أبو قلب أبيض زي اللبن الحليب، سلِّمك يا عمي لا يسع إلا الطيبين ولاد البلد اللي يعرفوا العيبة ويحترموا فيك الشيبة.
متخفشي يا عم أحمد علي المندرة، هتفضل منورة وليالي الصيف جاية تجرجر سحرها،, والحب والشعر ودروس العشق في وصف مصر، وحكاياتك مع السجن والسجان، هنسمعها منك مرة ومرات لا بنسلاها ولا بتسلاها وحب الوطن فرض عليا أفديه بروحي وعنيا.
صعب يا عم أحمد ولاد الأفاعي يطلعوا فوق السطوح، مفيش متسع لهم جنب القمر، ولو طلعوا هترد فيهم الروح الوطنية، تبقي أمهم دعيالهم، هيتعلموا حاجة في حياتهم، لكنهم لا هيطلعوا ولا يحزنون، موكوسون، شفت مرة موكوس بيطلع السلم، دول مكانهم مع الدود تحت الأرض، طيب ياعم أحمد شفت بلدوزر طالع السلم الخشب، شفت عاقل يطلع سلم زينب، سلِّمك ضيق، درجاته صعيبة، تتقطم رقبته، ليس سِّلما، دي مصيدة ما أنت عارف ناصبها إزاي.
الغبي أبو قلم ودفتر، والأغبياء اللي وراه،, واللي قدامه وعلي الجانبين فاكرين حجرة عم أحمد أربع جدران، فاهمين إن حصيرة عم أحمد فرشة للقعاد والمنام، وفاكرين حشرة السلم الضيق، ضيق يد واحد غلبان، ده شاعر زمانه وكان يامكان،, والحكاوي والحكايات،, ومكانك يا عم أحمد في السما عالي،, وأنا في الأرض موش طايلك.
فاكرين حجرة عم أحمد فوق سطوح الوطن يمكن تنهد، وبالبلدوزر تندك، ميعرفوش إنها مبنية بأسمنت الوطن، طوبة دهب وطوبة فضة، والمونة عرق وسجن وضنا، بتلم الأرواح المتعبة بعد رحلة الشقا، عاوزين تهدوها منكم لله، إحنا ماصدقنا يبقي لنا أربع جدران تلمنا، وعم أحمد قاعد في وسطنا يحكي أساطير وحكايات ويتغزل في أمنا الحبيبة مصر.
زمان قبل أن يأذن لي عم أحمد بالصعود فوق البلوك جنب القمر طوالي، لا يدخل داره إلا حبيب، كنت بشوف عم أحمد في الأحلام في " روزاليوسف " كان صاحب صاحبه، معلمي وشيخي عادل حموده قبل أن يفرق بينهما اللئام، كانت له طلة وطن، وجلباب يحتويك ويخبيك من عيون العدا وينجيك.
ضحكته ضحكة ثعلب مكار، قرأت حكايته في كتاب القراءة الرشيدة، طوال الوقت حاسس إنه هربان، متخفي من ناس متخفية، لا أنا شايفهم ولكن شايفه، ولا هو شايفني ولا شايفهم، شايف نفسه كويس، عينيه في الخص بتبص، صاحب كل الناس، كنت بخاف منه، لسانه متلفع بيه، كان ساعات يبقي طيب وساعات مخيف، وفي كل الأحوال حريف، إن أحب هو النيل، وإن كره فعذابه وبيل، من صعد السلم فهو من الموعودين، من دخل حجرته فهو من المقربين، وروح وريحان..
• خميس وثورة الجياع!!
• مصر المحظورة.. والسيدة الشرعية!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
فعلا قطع الإيد اللي تتمد علي طوبة من جدار في حجرة سطوحك .. يا عم أحمد
يا عمنا إنت مهما قالوا وعملوا .. طوبة من الأوضة أحشن من فدادين و فصور وعمارات ومنتجعات ... عايشيتن فيعا اللي ميتسموا ...
ولا تشيل همها ... لو هدوا طوبة... نبينيلك مكانها ...ألف طوبة ...وفي نفس المكان ..
مكانك يا عم أحمد
وعلي فكرة محافظ القاهرة اتصل بيه بعد كده ... وأكد له إن محدش يقدر يعمل كده أبدا ...
لكن الكلام ده بعدما المصري اليوم نشرت خبر طلب الهدد بتاع الحجرة
وبرضه ...
لا للتمديد ... لا للتوريث ... نعم لتعديل الدستور المصري
mohamedmat@hotmail.com
ربنا يخليك لمصر يا عم احمد.
فيه ناس بتشوفك بيقوللوا عجوزوبيخرف
مظاهرات ايه الى بيشارك فيها هو لسة عاوز من الدنياحاجةميعرفوش الهبل ان انت عم الشباب وانت الروح الى بتديهم الأمل ان
لسة فيه ناس عايشين بيحبوا البلد رغم ان
الى حكمنها تعابين وان انت القدوة الى الى غابت عن الشباب من سنين وافتكروا ان البلد مفيهاش غير الهباشين علشان كدة تعيش لنا يا عم احمد قدوة ومثل للشباب الحزين انا مش قصدى اقول فيك شعر لكن جدعنتك وصورتك لما بشوفك فى مظاهرة
خلتنى احس انك انت الريس مش الى ميتسماش
لكن ريس الشباب وكل سنة وانت شباب .
حتي لو حد اتجرا وعمل الهبل اللي بيقولوا عليه هما فاهمين غلط بس احنا لازم نفهمهم الصح ان حجرتك في قلوب كل المصريين وسريرك هو عيونهم اوعي تحزن يا عمنا ده حبك في قلبنا
أحمد فؤاد نجم
أسطورة مصرية هو فكر مصر
تاريخ مصر
لسان الشعب الفقير
ماذا تعرف عن نجم
نجم المكافح
نجم الإنسان
نجم المناضل
نجم السجين
نجم النجوم
أحمد فؤاد نجم
بقلم / محمد حسن غنيم
عانى أحمد فؤاد نجم الفقر و التشرد في الطفولة و الشباب، و كان أول ما لفت أنظار المهتمين بالفن إليه هو ديوانه "صور من الحياة و السجن" و الذي كتبه في اتجاه عام 1959 عندما كان يقضي عقوبة سرقة، و كان ديوانه الأول هو "الأهلي و الزمالك" عن الكرة التي عشقها. توالت بعد ذلك القصائد العاطفية و الإنسانية المضمون و التي غناها إمام أو نشرها في مجلة صباح الخير حيث انصهر في جو من الكتاب و الفنانين المجددين المتحمسين للتيار الشعبي في شتى المجالات. و كان بيرم التونسي هو أبوه في القول. و لا يظهر المكون الشعبي في شعر العامية المصرية كما يظهر لديه، بما يجعل من الممكن القول أنه الشاعر المصري الأول، و يكاد يكون الوحيد، الذي فكر و كتب بالعامية! عندما جاءت النكسة وجد نجم نفسه ينفجر في طوفان من الأشعار الهجائية السياسية الثورية و التي تسببت في عودته للسجن مرارا، و في اقترابه من طلاب حركة 1972 و شعبيته لدى المعارضين في أنحاء العالم العربي. عرف نجم أيضا ككاتب في بعض الدوريات، و أثارت مذكراته و أحاديثه الغضب منه أو الإعجاب بجرأته. و يتميز شعره باقترابه من شكل الزجل في البناء و المضمون الساخر و اللغة الشديدة الشعبية و "البذاءة". جرب نجم أيضا كتابة المسرحيات و أغانيها و أغاني التليفزيون و قد كتب لمغنين كثيرين غير الشيخ إمام، إلا أنه ارتبط به في ثنائي ظاهرة احتضنتها الحركة الوطنية.
تلميذك يانجم
محمد حسن غنيم
عندما قرت المقال عينى دمعت لانى بحب مصر وحبتها اكتر منكم للانى اكتشفت انكم بتحبوه اكتر منى وحتبقى احلى و انتم فيها بارك الله فيكم
ياعمنا كلنا انت ساكن قى حرف الميم وساكن فى قتب حرف الصاد وساكن فى قلب حرف الراء انت مصر ومين يقدر يهد مصر
انت دفعت تمن كل كلمه اتغرست فى وجدان الغلابه و المطحونين و لسه
نفسى ....
ابوس ايديك
يا عمناو عم اتخن راس فى مصر اللى حبها مشحططك
أأأأأأأأأأأأأأأأأأأأأأأأأأأه يـــــا بــــــلــــدى
يا نجم يا لسان مصر .....ده كفاية انك اصبى من اصبى ولد ...و اشجع من اي راجل ...و احن ع الوطن من قلب الف ام
___________________________________________________________
مدونة )براحتي(
كل بيوتنا بيتك يا عمنا
يا نجم
يا اجمل حدوته مصريه
ممنـــوع يا طـــير تعلى لفــوق ممـنـوع !
ممنوع يا بحــــر الموج يثـــور ممنـوع !
ممنوع يا مشاعل النور تقيدى ممـنوع !
ممنوع يا رايات الخير ترفرفى ممنوع !
ممنــوع ياقــلم تقـــول لنـا
إحنا فين فكرنا ؟؟
دا الزرعـة صـفره معفنة
هو دوت أكلنا !!
والميه واقفــة فى حينا
تشكى البؤس لربنا
لشاعر معرفوش
اللي امه داعيه عليه يروح ويكلم الطوبه اللي فيالسور بتاع عم احمد والله شوفوا بقه والله اللي الواحد مايحلف بيه كدب
الواحد يلف حولين نفسه قنبله ويجي ينفجر فيكم يا عالم متخلفه وجاهله
حد يسجر يجي لعم احمد و فؤاد و هوه نجم
ااااخ يا ولاد الايه انتم
معلش يا عمنا ياااااااا كبير خليك كوووووووول دى عالم مالهاش لزمه من اكبرهم لاصغرهم
سلام عليكم
الي عزيزي اسماعيل الشيباني
اكيد مش هعرف اوصف يعنى ايه حبى لمصر بس كل اللى اعرفه ان اى انسان عايش بداخله قلب ولكنى لا املك بداخلى قلب بداخلى مصر هى القلب والعقل والدم هى الروح التى احيا بها ومن اجلها ولو لم اكون مصريا والله لقتلت نفسى
3حروف لو اتكلمت عنهم ما يكفينى فيهم 3 سنين ولا 300
ان كان هناك شرف فى الحياه فهو شرف المصريه
بعشقك يامصر وبعشق ترابك وناسك ونيلك وهرمك علشان اخدتى من الحروف 3 عشقت كل الحروف واللغه اللى انكتب بيها اسم مصر
مصر
الله كلمه جميله
مصر رددوها مليون مره كلمه فيها راحه نفسيه كبيره
مصر مصر مصر