خدنا خماستاشر.. ومفيش إفراج.
تبلغ تكلفة الكيلو الخام ٣٤ ألف دولار
البلاد في حاجة ماسة للكهرباء
شهرين مبشوفش فيهم منال غير ساعات مخطوفة في وسط زحمة الزيارة
مدونة علاء ومنال
النهارده خدت 15 يوم كمان، ومع ذلك كنت متماسك في النيابة أكتر من أي مرة.
بقالي 30 يوم بحاول احلل وأنظر عشان أتوقع هيُفرَج عني امتى. كل نظرية نطرحها يطلع ملهاش معنى.
لما بدأ الإفراج قلنا كل يومين هيخرجوا مجموعة. طلع غلط.. قلنا هيفرجوا عن أي حد مش محسوب على الغد أو الإشتراكيين الثوريين برضه طلع غلط، أظن لي تجديد كمان على الأقل يعني هكمل شهرين في السجن.
شهرين مبشوفش فيهم منال غير ساعات مخطوفة في وسط زحمة الزيارة (مرتين في الأسبوع لو أنا محظوظ) والنيابة. شهرين بعيد عن شغلي، بعيد عن بيتي، بعيد عن أصدقائي وأهلي، شهرين من غير انترنت.
المفروض اللي يشوف بلوة غيره تهون عليه بلوته، السجن فيه ناس محبوسة على ذمة قضية بقالها أربع سنين وممكن يطلعوا بعدها براءة ومحدش هيعوضهم عن السنين اللي ضاعت.
في نيابة أمن الدولة قابلنا شباب من السلفية الجهادية والطائفة المنصورة داقوا عذاب منيش قادر حتى أتخيله. حتى في مجموعة كفايه بلوتي تهون لا انضربت زي شرقاوي ولا أنا جاي بالغلط ومش فاهم حاجة زي إبراهيم، أهلي من القاهرة وقادرين يزوروني بانتظام بعكس زملاء كتير وغالباً لما أطلع هلاقي وظيفتي مستنياني بعكس زملاء كتير برضه.
لكن للأسف بلاوي الغير مش كفايه عشان نخفف السجن. كل يوم بيعدي ببطء وصعوبة، كل يوم تقيل، كل يوم أفكر في منال وكل يوم سجن.
احساس بالظلم رهيب مع كل عرض نيابة. يا وكيل نيابة (..) بإيدك تفك سجني وحجتك الوحيدة انك بتسمع الأوامر؟! نفسي أفهم العقلية اللي مستعدة تخرب بيوت وتعرض حياة الناس للخطر عشان دي الأوامر.
ووكيل النيابة ده المفروض أنه قاضي زيه زي مكي وبسطويسي وزكريا عبد العزيز وصابر ونهى الزيني و.. و.. و..
كل مرة أبدأ الكتابة أبدأ بنية الكتابة عن السجن أو زملاء السجن ومعرفش. بلوم أدواتي . بقنع نفسي اني معرفش اكتب قصة غير لما أحكيها لحد الأول. بلوم ضرورة اخفاء أسرار خلافات الزملاء ومفاوضاتنا مع إدارة السجن.
بس مش دي المشكلة، أنا مش عارف أكتب جوابات للناس اللي بره أو حتى أرد على الجوابات (أه متقطعوش الجوابات لمجرد اني مبردش، دي بتفرق معايا جداً).
الحبسة فيها تفاصيل كتير تستاهل تتحكي:
قص شعري
زنزانة جرائم النفس اللي قضيت فيها يومين
تصويري زي في ميكي وأنا شايل رقمي
لبس السجن الأبيض اللي طول الوقت وسخ
يومين تكدير (باب الزنزانة مقفول طول اليوم)
فض أول اضراب عن الطعام
رفض ثاني اضراب عن الطعام
ادارة اجتماع أزمة عرض المتخلفين في النيابة
تفاصيل لجنة الحياة العامة ولجنة الاعاشة (بتبعتولنا دواء صراصير بيشتغل بعد أسبوع!!!)
الافراجات
عودة شرقاوي
الاضراب الثالث والحبس الانفرادي وعنبر التأديب
مفاوضات مع ادارة السجن
نظريات الاختراق الامني للمجموعة
اللفة اللي خدتها علي نص زنازين السجن كل يوم زنزانة مختلفة
رحلة العبور اليومية من عنبر قديم لعنبر جديد
البيروقراطية المصرية التقليدية لما تتحول لحياة أو موت
دروبي والسكر
محاولة انتحار احد المساجين
عالم الجنائيين المنيل بنيلة
عالم الأموال العامة المنيل بستين نيلة
التلفزيون المصري
القطط اللي شبه المساجين
الشوايشة اللي اختاروا الغاء عقلهم تماماً (ياكش يولعوا)
الزيارة والطبلية
وطبعاً الزملاء، الأصدقاء الجداد والقدام، في الأول الزملاء اللي مش أصدقاء ولا يمكن يكونوا أصدقاء كانوا أزمة كبيرة. ماتشات المزايدة والعلاقات والمناقشات العبثية كانوا أسوأ حاجة بس خلاص عدت، معرفش هل الافراجات ريحت الوضع ولا أنا اتعودت ولا فهمت ان دول قلة وان عدد الاصدقاء مش قليل والأغلبية ناس كويسة.
هحوش الكلام عن الزملاء المرة الجاية يمكن اعرف اكتب حاجة احسن من مجرد لستة.
*الأحد 4/6 (سجن محكوم طره)
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اخ يا بلد ........
امبارح رحت عرض النيابة لل164 معتقل اللي اعتقلوا يوم ممحاكمة الفضاة الأول
واااااااااااه
أخدوا كلهم تجديد 15 يوم تاني .يعني حيكملوا الشهر ونص وهم بعيد عن أهلهم وحبايبهم وشغلهم وكل حاجة ...
تخيلوا ؟؟؟ والله انا كنت رايح وعندي امل كبير انهم حيفرجوا عن مجموعة كبيرة وكنت بأفكر مين يخرج ومين حيقعد .لكن
اتجدد لكله ....
و برضه
لاتمديد ... لا للتوريث ... نعم لتعديل الدستور المصري
mohamedmat@hotmail.com
أنا من ساعتها بأغلي ... وحأولع ...
أنا قابلتهم امبارح . واتكلمنا شوية .وقعدنا نفتكر ذكريات ال15 يوم اللي قضيتهم معاهم .
كانوا بجد من أحلي الأيام اللي الواحد عاشها .... واطمنت علي أحوالهم دلوقتي وكل حاجة ...
كان علي وشوشهم أمل بإنهم يمكن يخرجوا النهاردة .... ولو تشوفوا الضحك والتهريج اللي كانوا بيعملوه ....
ولا الروح اللي كانوا فيها كانت عالية أوي كمان ...
كانوا حاجة تاني خالص ... غبر الوشوش اللي بنشوفها برة ... وكلامهم كان حاجة تاني غير الكلام المملل اللي بنسمعه بره ...
ساعتها اتمنيت إني كنت أفضل موجود معاهم ...
أحسن من إني أخرج و أسيبهم ...
لكن كل ده ...كانوا لازم ياخدوا تجديد ... و15 يوم تاني في سبيل البلد دي ...
ماهم ولادها ... ولاد البلد ... دي
برضه هم بيقولوا جوة ...
لا للتمديد ... لا للتوربث ... نعم لتعديل الدستور المصري
mohamedmat@hotmail.com
لقد اخذنى الشوق اليك وشعرت انك اخى رغم انى لا اعرف عنك غير انك كنت محبوس وافرج عنك لكن اشعر انك مصمم على النضال والكفاح حتى تشرق شمس الغد بالحرية اللة معك ومع كل الاحراروتحية لعلاءوكريم الشاعر والشرقاوى وكمال خليل وكل المحبوسين وتحية خاصة لمن علمناء الحرية وحب الوطن وان نبكى علشان مصر زعيم الغد الدكتور ايمن نور
تحية ليك يا اللي في بالي على رفع اللي في بالي
امبارح كنت سرحان في ملكوت الله وخيلت لي نفسي اني كنت مشترك مع المتظاهرين الاحرار لتايد مطالب القضاه في استقلاللهم من احتلال السلطه لهم وتخيلت ان احد زبانية الداخليه قام بالتحقيق معايا وسالني ما اسمك ج انا اسمي مواطن مصري وتهمتي حب الحق وبغض الظلم والظالم فقال انت عامل فيها مصطفي كامل ج قولت ياريت اني اكون مصطفي كامل بس مصطفي كامل كان بيقاوم محتل اجنبي وانا للاسف بقاوم في ولاد بلدي اللي المفروض انهم مصريين
ومعلش يامحمد كله فدا مصر الغالية
بلغ عدد المعتقلين اكثر من 900 منهم 800 من الاخوان المسلمين ورغم ذلك تحس ان كفاية والاشتراكيين الثوريين همالمعتقلين وحدهم احب افهم حتى من يدعون حب الحق والعدل ويدفعون ثمن ذلك يمارسون نفس اساليب الحكومة التعتيم والتفرقة العنصرية ضد الاخوان عييييييييييب
كتب هذ الموضوع : الأستاذ أحمد الزعيم
هل توجد حكومة على وجه الأرض تقتل وتنزع الانتماء والولاء لكل ما هو إسلامي من قلوب أفراد شعبها ...
نعم ...
ما هي ...
إنها الحكومة المصرية .
هل توجد حكومة على وجه الأرض تبقى ما يزيد عن ربع قرن ولم تحل أي مشكلة واجهتها بل والأدهى هو ازدياد أعداد هذه المشكلات .... نعم ...
ما هي ..
الحكومة المصرية .
هل توجد حكومة على وجه الأرض ظلت عشرات السنين تبحث عن حل لمشكلة البطالة ولم تستطع حلها ...
نعم ....
ما هي ....
الحكومة المصرية .
هل توجد حكومة على وجه الأرض ظلت عشرات السنين تبحث عن حل لمشكلة إسكان الشباب ولم تستطع حلها ...
نعم ...
ما هي ...
الحكومة المصرية .
هل توجد حكومة على وجه الأرض يظل وزرائها وقياداتها في الحكم ما يزيد عن ربع قرن ...
نعم ...
ما هي ...
الحكومة المصرية .
هل توجد حكومة على وجه الأرض عندما تنادي بالتغيير الجذري تقيل وزير إعلامها وتعينه رئيساً لمجلس الشورى الخاص بها ... نعم ...
ما هي ...
الحكومة المصرية ...
أمّال التغيير لو مكانشي جذري كان راح فين ... كان زمانه بقى رئيس الجمهورية .....!! .
هل توجد حكومة على وجه الأرض يكون نائب رئيس حزبها متهماً في قضايا فساد ورشوة ...ومع ذلك تتمسك به بل وترشحه في الانتخابات ويسقط سقوطاً مدوياً ...
نعم ...
ما هي ...
الحكومة المصرية .
يا أخي ... إن هذه ليست حكومة ...
أمّال نطلق عليها ؟
... يا أخي إنها عصابة ... !!!
و برضه
لاتمديد ... لا للتوريث ... نعم لتعديل الدستور المصري
mohamedmat@hotmail.com
امة الذيــل
ولما كان الذيل دائما في المؤخرة وأصبحنا نحن في مؤخرة الأمم فبالتالي فالأذيال نحن ولكن اى نوع نحن ؟هل صرنا كذلك بين ليلة وضحاها ؟لا للأسف لقد تمت العملية في شكل تدريجي
أولا أذيال جياد ثم بعد فترة ليست طويلة وليست بالقصيرة أذيال حمير إلى أن وجدنا أنفسنا زيل في كلب جرب يلهث بلسانة الأرض من العطش ونحن نتحرك في مؤخرتة (ذيلة)يمين ويسار في منظر يثير الغثيان والآن لم أجد في الكلب ذيل فمن شدة الجوع والعطش ذبل الذيل وقصر إلى أن أصبح ملاصق للمؤخرة ونزل على الأرض مع أخر غائط نزل منة
يامة تتمنى أن تكون زيلا
لَيْسَ ابْنُ آدَمَ ذا جَهْلٍ بِمَصْرَعِهِ لَكِنَّهُ يَتَنَاسَى الْجِدَّ بِاللَّعِبِ
تَراهُ يَلْهُو وَلا يَنْفَكُّ في حَذَرٍ وَرَاحَةُ النَّفْسِ لا تَخْلُو مِنَ التَّعَبِ
شعر محمود سامي البارودي
محمد فوزي عبد الهادي من محافظة الذيل
Mohamedfawzy83@yahoo.com
بالنسبه للاسم مافيش داعي المهم كذب ونفاق لو قالو قانون البيئه كذب ونفاق لو قالوا مفيش بطاله كذب ونفاق لو قالوا مفيش فقر في البلد فقر ونفاق وعنطذه غبيه لو قالوا مصر فقيره كذب ونفاق لو قالو البد والعد ومافيش رشاوي ولا مجاملات ولا اي شي من سبيل ذلك كذب ونفاق لو قالوا انتخابات نظيفه كذب ونفاق عندما يحاكمون القضاء زور وبطلان ومن القسوه ان يتحاكم رجالا يقولون الحق في بلاد ولا يعاذ بالله اه اه اه اه اه من قلبي الحزين من الرئيس الكئيب الذي شرد الالف المصريين كيف وازاي اعرف ان اكبر بلد ولا بلالش بلاش احراج وكفاي اني اقول فيما معناه حديث من رسول الله صلي الله عليه وسلم عليه افضل الصلاه والسلام ى" الامام راعي مسئول عن رعيته ومن يكون الامام راع الان الكل يعرفه واسيبكم الوقت علي كلمه واحده هقوله"حسبي الله ونعم الوكيل من الامضاء مفيش داعي الاميل بتاعي gg_gg_2005@yahoo.com
اخى العزيز علاء انا لااعرف انتمائك السياسى ولكن اتمنى ان تكون يسارى مثلى مؤمن بانة لاخلاص لنا من سجن استعباد السلطة الا من خلال ثورة شعبية على الظلم على التخلف على البيروقراطية
على التجهيل انت محبوس داخل اسوار السجن
تعرف حدودة واسوارة ام نحن فنظل نجهد للخروج من سجن لانعرف لة حدود